EPL – Ert por i Ladins deberieda cun: Lia Mostra d’Ert (Circolo) d’Urtijëi, l Istitut Ladin Micurà de Rü, l Istitut

Cunturel Ladin Majon di Fascegn, l Istitut Cunturel Ladin Cesa de Jan per Fodom y Anpezo, la Union di Ladins de Fodom y Col, la Union Ladins de Anpezo y l Sorvisc ai Jogn Val Badia.

Cuncors de Poejia “Angelo Trebo” Ed. 2012 La Ila, Val Badia.
24 Mei 2012
Juria: Iaco Rigo - president dl’EPL (Mareo/Val Badia), Vigile Iori (Fascia), Moreno Kehrer (Istitut Cultural Ladin Cesa de Jan/Col), Paul Videsott - professour universitar Bulsan/ Persenon, Rut Bernardi - presidenta dla juria (Gherdëina). 1m pest 2t pest 3z pest Rafael Prugger Carlo Suani Elisabeth Oberbacher

L prum pest
La mutivazion per l prum pest fova chesta: “L scritour é sté bon de porté dant n contegnù modern dl di da encuei te na forma defin tradizionala. Les trei poejies (na sort de rondeau, da does strofes a 8 fersli, y doi sunec classics) mostra su na metrica belau defin regolara (anter 11 y 13 silbes), la rima classica y n lessich cherìs fora a puntin con paroles puech adoredes. Ence sce les poejies per a pruma vidleda ermetiches, ries da entene, pòssen lieje fora n fil cuecen che se tira tres dutes trei. Dalonc da la tematica tradizionala dl inchersciadum y dla natura végnel fora n sentiment trangujé (trist) dla persona moderna che se sent ingianeda dal sistem sozial, ma che fej pera l juech dl
1

mecanism te chel che ala é pieda y intrapuleda: ala va dla scienza nucleara, dles tentazions dl mond y dla sotmiscion. Demé na pitla lum de speranza lomina fora canche an liej fora chest segnificat: ‘i on da se palé dal mond che nes druca ju y i podon ti ester y mudé zeche tla vita cherscian da dedite fora’. Chestes tematiches é l scritour sté bon de trasformé te formes artistiches classiches y de juech.”L prim pest dl cuncors “Angelo Trebo” 2012 ti va a les poejies “De pierpul la crosa”, “La tentazion de Sant Antone (Salvador Dalì se mpand)” y “Scaramaic custumei” de Rafael Prugger d’ Urtijei.

L secont pest
Dles poejies dl secont pest à la giuria rujené plu giut. Nia pervia che ala fossa steda melsegura en cont dl pest, ma sun les poejies instesses che ti à plajù truep a duc cinch i comembri dla giuria.La mutivazion finela fova chësta:“L scritour é sté bon de taché adum o de fé n cercl de cater poejies con n fil cuecen (la centöna), ma ales podessa ence gnì lietes una per una. Ales mostra su n svilup dl nasce, dl andament y dl morì dl dejider dl amor, o miec dla pascion. Ales é sciche na ona d’amor: la pascion vegn su, vegn vivuda fora, muer y n vegn endò smachés ite tla vita da vigni di con sies delujions. Y la «centöna», centa grana y grossa de fer, che lieia les cater poejies, podessa a val’ maniera finamai fé alujion a n amor proibì.La rujeneda é laureda fora, con paroles crisses (che taca adum les poejies: edli, cör, …), con chedri che passeneia, y na gran musicalité. I fersli é ledi, con aliterazions (rimes internes), y artistics. La tematica é personala, jouna y moderna y passeneia defin con la forma.”L secont pest i va a les poejies “Centöna d’amur A – Aussënt”, “Centöna d’amur B – Belaìta”, “Centöna d’amur C – Cira”, “Centöna d’amur D – Delizies” de Carlo Suani d’Al Plan.

L terz pest
La giuria sourandà l terz pest con chesta motivazion:“Les poejies dla scritoura é gnudes scrites te fersli ledi, en pert con la rima a crousc, te n lingaz saurì da lieje y da entene, con n vocabolar da vigni di. Les poejies trata a na maniera deletoula tematiches tradizionales: la natura, momenc tla natura, la vita, dandaldut la vita che nes ingiana, y che resta tres la medema te chesta sozieté intossieda, y l sentiment de volei pié via da chest mond che nes pesa.”L terzo pest ti va a les poejies: “Desdita”, “Eghes”, “Routine”, “Gotes” y “Lidëza” de Elisabeth Oberbacher de Corvara.
*Tout ora da La Usc di Ladins 22 de jugn 2012, ed. 24/2012. Rejons sun la poejies:
Poejies pest Angelo Trebo 2012 is licensed under a Creative Commons Attribuzione - Non commerciale - Non opere derivate 3.0 Unported License. Nunzié l autëur, degun davani, no mudazions.

2

Rafael Prugger

De pierpul la crosa La piedies boia prò ntan che ie zape minove de udei de contra al surëdl deguni ne cherda tla fuera che aude mpò uei jì inant bazilan mo da tëurdl valguni me lauda pernanche ie scote brincà via l artën dal menedl da fortl i crëps curìi ite te n nibl cendrin ue udëi drët dalonc ma cële mé daujin. Me ov's mpermetù n ciel plu mujel inier, che rijoves ne t’fajan nia dainora y me ncunfertove sul frësch dl ruscel, ntantsce de pierpul la crosa romp ora la broda stemiëusa sun bandafurnel regor ju la gotes tachëuses da cola, Fukushima ilò, Deep Horizon inò l daunì es cuinà: ncunfortete pò!

3

Rafael Prugger

La tentazion de Sant Antone (Salvador Dalì se mpand) I ruva adalerch zapan sun n uluch, falëusc elafonc ala zibla sbingan semea aranies sun croces balanzan te linges pra troi sun sablon da paluch. Fii scialdi sutii cun sainsom ciampanii, mascin de marueia, penic dala mueia, alauta cialëde la ve cherda cun ueia: tortli salansei y chelesc da giuei. Ciavai drët da temëi cun na lënga lizia se mponta dan su al Sant bel’ desnut che mpo uel tlupé n ciof nia destlinà. Permez ala jënt che mé d’ëila se cruzia, puere pitli dalonc trabunii tl uet, l idealist ie, danz, purempò sprigulà.

4

Rafael Prugger

Scaramaic custumei T’es audì scaramaic custumei fin tl miol inò bater la mans a svaions dac inant. Fundamënc snuzei dant che mpifa tl col, bel fac it’cun daunì ma pitei via debant. T’es udù gran blasons sëura tëc y verzons, mefun viertles de drap de n mond bel’ passà. N reclam ntussià mustrà dant sun berdons, giaudiamënt jit mprëns bluché su nrassà. Stlù i uëdli mujel, te lascé cun biadum svatuië ncantëur, desleufà tl ngian; tu nevic, t’es mentì per pudei te nciasé. Ti pensier danterlums se mescëida adum, vëighes it’ che mé sce dedit’ora crescian na tel gran mudazion unirà a se l dé.

5

Carlo Suani

Centöna d’amur A

Aussënt Co ne poi pa nia indere avëi manćia chës ores smolades tl füch, les sëres dles vöies florides denant che la nöt les dlotiss? Y l’amur rogorü tles aices slaihades tles parores plajores cochemai pacirades te me sciöch’ stëres sternüdes tl scür? Mo dadoman él vigni som che mör. Süta surité d’aussënt me dô śëgn che tü edli â fat coa te mi cör.

6

Carlo Suani

Centöna d’amur B Belaìta Mi cör polerin rabësc te tü edli che sprinza belëza adorbënta y canche i te ćiari va ciarà l’emoziun che impormët paraîsc. No sonns no parores descür veritês tremorëntes. La pôra d’ podëi y d’ orëi dejidré inzolëia de chël püch les mans desliades mo l’ füch é rot fora y delega nüsc corps. Te chësc monn zënza forma lorënt y svarcè dui paoi dales ares lisieres iö y tö inciurnîs de plajëi fajun belaìta, adascusc.

7

Carlo Suani

Centöna d’amur C Cira Les ultimes stëres dla doman à dlotì la nöt y à incundé l’albié cun süa cira blancojina. Pëigra y frëida se desbrodora la cutra dl tëmp te so dormì y indô ressorì da dé a dé, da mé a té. Tl sonn ài boiü ala fontana de tü slef por me parè la sëi che assüiâ fora mi cör. Daplan m’ à tü slef damanè “ast’ ćiamò crëta ti soms?” Mo i soms t’en iade smarî tla chîta cira dl albié.

8

Carlo Suani

Centöna d’amur D Delizies Vijiuns desliades impelzades tl bochè dles delizies berloches tla nöt ala slondra sön to dansö scinché ca. Nainamënt de ones d’amur renovades tl pësalalćia de nüsc corps dejidrà.

9

Elisabeth Oberbacher

Eghes Eghes sarënes se nàina tl müstl, rogor dlun'baudian t'en let de giarìn; spo s'archîtles pasciüdes t'en gran gremo morjel... Tan bel destenüdes, aiciades dal vënt, stìzles stëres menüdes al pê gotes d'arjënt!

10

Elisabeth Oberbacher

Lidëza I mürs sfrogorà d'en vedl ćiastel incër me ia; alć y gaierć arvëni mi pinsiers derevers t'en tëmp da zacan smorjelan raîsc abramìdes dal rogor spazientus dles sajuns... Amez a chisc mürs, bajà dal brüm dl cil cun niores ch'se spaza jora lidëza mia söles ares d'en paôl tres plü alalt a ćiarćé l'dûć d'en bof de vënt ćialt!

11

Elisabeth Oberbacher

Gotes Aldest'les gotes de plöia ch'bala? L'isté à boiü, rogossies s'arjigna, inć i rüsc é pasciüs... Na odundra sorënta aspeta ert l'altonn y prô da abiné i nioi che sciampa... Aldest'ćiamò la ćiantia dles gotes? I tëmps s'à mudé. Taćià ési! Dal tosser dla trica y ćiarestîa d'umilté! Al sighìta da plovëi, aldest'?

12

Elisabeth Oberbacher

Routine Ligrëzes sofoiades se stracia plan plan dô te na realté deslissia che rogor dé por dé vigni dé y tres indô, deperpo che les sajuns se müda scufinan dô l'ritm dla natüra Routine slavatada, con tüa terdeca est'bona da spidicé les somënzes y i soms spizorà bel'dan l'rossié! Inc'l'amur ast'strabacè: al ê n zavalì capaze y smilënt śëgn: n ciüf flace y smarì! Routine...

13

Elisabeth Oberbacher

Desdita Desgôrt da na vita é l'pinsier ingianè y la fan de iustizia, d'en destin atochè... L'tëmp, chël te pësa y te smaca tla müsa na vita che bësa ćina che l'flé se destüda

14