You are on page 1of 28

BAWM THALIAU PAWL DAN-BU (BYE-LAWS OF YOUNG BAWM ASSOCIATION)

BANDARBAN HILL TRACTS BANGLADESH 1976

BAWM THALIAU PAWL DAN-BU (BYE-LAWS OF YOUNG BAWM ASSOCIATION)

BANDARBAN HILL TRACTS BANGLADESH 1976

First Edition:

Feb 1999 200 Copies

Published by: YOUNG BAWM ASSOCIATION Ruma, P.O. Ruma Dist: Bandarban Hill Tracts Bangladesh.

Printed by:

Kathama Printers Jhumur Market Bandarban

Dated 3rd February 1999

THU MASA (PREFACE)

Bawm Phun Thaliau tla nih ram leh phun thangsonak tuanma lak kho ding lungum hen kum 1976 ah Fiangpidung khua Thaliau tla nih Young Bawm Association an dirh le, chun, Bawm mipi zawzawng tla nih tha anti hen 1987 ah YBA Central Committee tuah asi. Chun ByeLaws khawm timhtuah asi le, Bawm Social Council nih 1987 ah a birhtir. Chu mi Bye-Laws chu a tling lo ruangah 1996 ah remh nawlh asi le, tu ah a bu hen suah asi. Hi Bye-Laws hi Bawm Thaliau zawzawng nih mailei fuknak (thangsonak) ah mang kho ding hen mailei hun sautak tiang chawnh kannak nei hen timhtuah asi. Reltu zawzawng tla nih a tling tawk lonak leh remh that dinghen a theihtu nih chun ruitu sinah lasui hen nan theihtir vima ding hen kan sawm na asi, remh nawlh hun ah tha doh leh tling doh hen remh asi khonak ding hen. S. Loncheu President, YBA Dated 14/11/96 Bandarban Zuamlian Amlai General Secretary, YBA

LAWMTHU SIMNAK (Acknowledgement)

Young Bawm Association (Y.B.A.) DAN-BU (Bye-Laws) chu Pu Jowel Bawitlung nih fund (thawhlawm) hawng kan thawh piak le a bu kan suah kho ruang ah a tlunah YBA nih lawmthu kan sim asi.

S. Loncheu President, YBA 14th Nov. 1996

Zuamlian Amlai General Secretary, YBA

HAWL-AWLNAK (INDEX) Sl. No THUPI PHEK

1. 2. 3. 4. 5. 6. 7. 8. 9.

THU MASA LAWM THU SIMNAK HAWL AWLNAK MURUI MIN ADDRESS THU CHING THIL TUM TAL COMMITTEE TUAH DAN 3

2 4 5 5 5 5 6-7 7 10 10 15 16 20 20 20 21 21 23 24 24 25 25 25 26 26 27 27 27 28 28 28 29 29

COMMITTEE TAL 10. MAWHPHURHNAK LEH THUNEIHNAK 11. KHALH LEH RUIDAN 12. MEETING (TOPUMHNAK) NEIDAN 13. FANANCIAL RULES 14. THLANGNAK (ELECTION) 15. TOPUMH KAWHDAN 16. TOPUMH TLINHNAK (QUORUM) 17. MEMBERSHIP FEES 18. MEMBER TLINGTLAKNAK 19. MEMBER THAWK HEN BANGTIR KHODAN

20. SUM LE PAI TAWNGKHONAK KANG 21. PUMHPI MIN


22. ROTHIL NEIH (ASSETS) 23. RAWK SIAT (DISSOLUTION) 24. REMHNAWLHNAK 25. SYMBOL

26. BIAL THENDAN


27. PUANZAR (FLAG)

TLUAN 1

1. Murui Min

: Young Bawm Association (Bawm Thaliau Murui) 2. Address : Ruma. P.O. & P.S. Ruma, Dist. Bandarban Hill Tracts/District, Bangladesh. 3. Thuching : Bawm Phun thangsotir ding hen leh sanh ding hen harnak leh nuamnak ah Lalpa Pathian rinh bu hen YBA thiltum zawzawng zul ding hen ka thlarau, ka taksa leh ka nungnak zeizawng ka pek siang kumza asi ti ka tiam asi. 4. Thiltum tla: 1) Bawm Phun a thangsokhonak ding hen chelh ri tha suah. 2) Mi tangpi ngai rangah a herhdan hawi vima hen tangpi (siatni/thatni) 3) Mi rethei zangfah leh bawmh. 4) Upa leh hotu (ruitu) zahthiamnak pungtir. 5) Sorkar nih thangsonak riantuan ding hen a tuah mi zulh vima hen riantun. 6) Phun rawknak thilti, Sakhua nih a khap mi thilti, rikho mi thil mang, ching leh tangka phe changh a that lo zia mipi rangah sinter leh khap. 7) YBA rangah a chak kho vima ding hen ram sung leh ram leng thawk hen tangka lak lut 8) Fund (Thawhlawm) a pung khonak ding hen kang dang dang hen riantuan (cultural, shaw, fund bituk, mah kut suak thil zuar, lottery zuar leh volunteer hen thlai ching leh thil dang dang tuan). 9) Riantuannak neilo tla rangah a lampi hawl piak leh riantuannak timhtuah lakah tangpi. 10) Sakhua zahnak pek kumza. 11) BSC B dan zul vima hen riantuan.

TLUAN 2 COMMITTEE TUAHDAN Young Bawm Association chu hi a tangah mi hawi hen Committee tuah asi lai. Chun, khua/Unit thawk hen Central Committee tiang bang ver hen tuah kho asi lai. 1. 2. 3. 4. 5. 6. Khua/Unit Committee Bial/Area Committee Central Committee Executive Committee General Committee Departmental Sub Committee a) Finance Committee b) Sports & Culture Committee c) Information & Publication Committee d) Literature & Education Committee TLUAN 3 COMMITTEE TLA Committee kip nih Executive Committee leh General Committee an nei lai le, Departmental Committee tla khawm an nei lai. Unit Committee nih lam chun minung tling le tlinglo zoh hen sub-committee tla chu a tuah kho lai. Chun, Central Committee cho nih General Secretary a nei lai le, Chun, Area leh Unit nih lam chun, Secretary a nei lai.

1) Unit Committee:
A.Executive Committee a. President b. Vice President :1 :1

c. Secretary :1 d. Assistant Secretary :1 e. Treasurer :1 f. Member :5 g. Advisor : 2 (BSC-B Unit Committee Chairman leh Karbary Non-voting member)

B. General Committee:
a. b. c. d. e. f. President :1 Vice President :1 Secretary :1 Assistant Secretary :1 Treasurer :1 Member : Nunau leh mipa kum 12 40 tiangmi membership nei mi zawzawng) g. Advisor : 2 (BSC-B Unit Committee Chairman leh Karbary Non-voting member)

2) Area Committee:
A.Executive Committee a. President b. Vice President c. Secretary d. Joint Secretary e. Assistant Secretary Department) f. Assistant Secretary Publication Department) g. Assistant Secretary Education Department) h. Treasurer : : : : : 1 1 1 1 1 (Sport & Culture

: 1 (Information & : :1 1 (Literature &

i. Member j.

: Unit kip President leh Secretary Advisor : 2 (Area BSC-B Chairman leh Secretary Non-voting member)

B. General Committee:
a. b. c. d. e. President :1 Vice President :1 Secretary :1 Joint Secretary :1 Assistant Secretary : 1 (Sport & Culture Department) f. Assistant Secretary : 1 (Information & Publication Department) g. Assistant Secretary : 1 (Literature & Education Department) h. Treasurer :1 i. Member : Unit Committee Officer tla j. Advisor : 2 (Area BSC-B Chairman leh Secretary Non-voting member)

3) Central Committee: A. Executive Committee: Central Committee tla


chu hi a tangah mi hawi hen tuah sing asi. a. President :1 b. Vice President :2 c. General Secretary :1 d. Joint Secretary :1 e. Assistant Secretary : 1 (Sport & Culture Department) f. Assistant Secretary : 1 (Information & Publication Department) g. Assistant Secretary : 1 (Literature & Education Department)

h. Treasurer : 1 (Secretary for finance Committee) i. Member : Area Committee President leh Secretary j. Advisor : 2 (BSC-B Chairman leh General Secretary Non-voting member)

B. General Committee:
a. President :1 b. Vice President :2 c. General Secretary: 1 d. Joint Secretary :1 e. Assistant Secretary : 1 (Sport & Culture Department) f. Assistant Secretary : 1 (Information & Publication Department) g. Assistant Secretary : 1 (Literature & Education Department) h. Treasurer : 1 (Secretary for finance committee) i. Member : Unit Committee Officer tla j. Advisor : 2 (Area BSC-B Chairman leh Secretary Non-voting member)

4) Departmental Sub-Committee :
Departmental Sub-Committee lakah chun, hi a tangah mi hawi hen tuah ding asi. Finance Committee lakah chun, Treasurer chu Secretary asi lai. Chun, Area leh Central Sub-Committee lakah chun, General Secretary/Secretary chu Chairman asi vim alai. Unit Committee khawm nih an tlinhnak khuaah chun, hi hawi mi dan zul vima ding asi. Committee tuah dan: a. Chairman b. Vice Chairman: 1 :1

c. Secretary d. Member

:1 :1 TLUAN 4

MAWHPHURHNAK LEH THUNEIHNAK (Central, Area leh Unit) 1. President: a. Pawl/Murui lakah thuneihtu sangchem asi lai b. Meeting kipah thu thluktu asi lai le, ruitu chem asi lai. c. Pawl/Murui siat leh that mawh a phurh lai d. Zeiliau zawngah pawl a zohkhenh kumza lai. e. General Secretary Bill birhtirtu (Approve) tu asi lai. f. A herh dan hawi hen ram sung leh ram leng contact tu asi lai.

2. Vice President:
a. President umlo zawnah mawh damlo zawtfah a tawng zawnah a rian a zulhpeh kholo hunah, President ai-awhtu asi lai. b. President thupek hen President ruangrulah rian dang tla khawm a zulhpeh kho lai. 3. General Secretary/Secretary a. President thupek hen meeting kawhtu asi lai. b. Meeting thu thluk tla zawzawng rintu leh zulhpehtu asi lai. c. Riantuan zulhpehtu sang chem. (Chief Executive) asi lai. d. Record leh thil zeizawng kiltu asi lai. e. President hen tlentlangnak nei hen murui dang dang tla a sawnh na kho lai. f. Sub-Committee kipak lakah Chairman asi lai.

g. Kum dawngh kipah Annual report a timhtuah lai le, General meeting ah a pharh lai. h. Amah thuneihnak hen TK. 2000/- (Sangnih) tiang a suah kho lai le, a mang kho lai. i. Bill zawzawng approve (birhtir) tu asi lai. 4. Joint Secretary/Assistant Secretary: a. General Secretary/Secretary bawmhtu asi lai b. General Secretary/Secretary um lo zawnah aiawhtu asi lai. c. Department kip Secretary tla zohkhenhtu asi lai.

5.

Secretary (Sport & Culture) a. Sport leh Culture leiah thangsonak program dang dang timhtuah leh zulhpehtu asi lai. b. Pangnak leh zuamnak program tla a timhtuah lai. c. Sport leh Culture leiah thangthar (Nonawn) tla an tha a thawk hen mailei an fuk khonak ding hen training nak program tla a timhtuah lai d. Sport leh Culture thil-le-ri khawlhtu lleh kiltu asi lai e. Sport leh Culture Committee lakah Secretary asi lai. f. Secretary/General Secretary theihpi hen thil zeizawng a tuan lai. g. Committee thuthluk tla recordtu leh zulhpehtu asi lai. h. Officdial record zawzawng kiltu asi lai. i. Fund a pungkhonak kang ngaihtuahtu asi lai. j. Kum dawngh kipah Annual report a timhtuah lai le, General Meeting ah a pek lai.

6. Secretary (Information & Publication): a. Information & Publication Committee lakah Secretary asi lai. Thil-le-ri leh record zawzawng kiltu asi lai.

b. c. d. e. f.

Thawng thang bu, magazine, pumphet leh liflet suah leh a ram sungah thawngthang zanh mawh a phurh lai. Thil ati ding mi zawzawng Secretary/General Secretary theihpi vima hen a tuan lai. Fund a herh mi tla hawl leh a kang ngaihtuahnak mawh a phurh lai. Committee thu thluk tla rintu leh zulhpehtu a si lai. Kum dawngh kipah Annual Report a tuah lai le, General Meeting ah a pharh lai.

7. Secretary (Literature & Education): a. Literature & Education Sub-Committee lakah Secretary asi lai. b. Lasuibu a herh mi tla khawk leh kil. c. Lasui Bu dang dang suah leh zuar. d. Mi ngaktah chasin kholo mi tla sinnak ngaihtuahpi leh tangpi. e. Riantuannak neilo mi tla rangah training nak zat dang dang timhtuah. f. Fund tawng khonak kang dang dang timhtuah leh fund khawlh. g. General Secretary/Secretary theihpinak hen thil zeizawng ati kho lai. h. Committee thu thluk tla rintu leh zulhpehtu asi lai. i. Department thil-le-ri leh official record zawzawng kilkawitu asi lai.

8. Treasurer:
a. b. c. d. Finance Committee lakah Secretary asi lai. Fund lut leh suak zeizawng a zohkhenh lai. Budget timhtuahtu asi lai. Kum dawngh kipah financial report a timhtuah lai le, General Meeting ah a pharh lai. Sum-le-pai leikang mi record zawzawng kilkawitu asi lai.

e.

f.

Committee thu thluk hawi hen fund a khawlh lai le, account thatak hen a khalh lai. g. Fund a pung khonak ding hen tawngnak kang dang dang a timhtuah lai le, a zulhpeh vima lai. h. President, General Secretary/Secretary thupek hen fund a suah kho lai.

9.

Member: a. Meeting hunah Murui/Pawl thatnak leikang thua ah finghnak tha pektu asi lai. b. Meeting ah vote pektu asi lai. c. A tul a herhnak ah Office khalhtu (Office Bearers) tla bawmhtu asi lai. d. Khua (Unit), Bial (Area) leh ram lakah thu tha zanhtu asi lai. e. Meeting hunah Organization thatnak kang thu simtu asi lai.

10.Advisor: a. Riantuan pawiherh tla tuan lanah krei (Advise) laknak mawh pektu asi lai. b. Meeting ah chun an a tel lai le, vote chu an nei lai lo. c. A tul a herh ati hun zawngah YBA thatnak rangah krei (Advise) a pek kho lai. d. Thulian leh a khungmang mi tla reng chu Advisor theihpi leh rem tipinak lo reng hen thu thluk kho asi lai lo. Chun, tuan chawlh kho asi lai lo. e. Advisor nih theihpi leh rem tipi lo mi thu la chu Advisor nih a rawk kho lai. Chu lo khawm ah a zoh dik nawlh kho lai. TLUAN 5 KHALH LEH RUIDAN

Organization chu hi a tangleiah mi dan hen khalh leh rui ding asi. 1. Unit (Khua) Committee: a. Khua sunagah siat leh that ah tangpitu asi lai. b. Numei-farah, mipam-phar leh tangpi ngai tangpitu asi lai. c. Sakhua mi pawimawh rangah tangpitu asi lai. d. Khua tlang ruitu tla thupek sulhpehtu leh tangpitu asi lai. e. Ningtih keirawnh lakah tangpitu leh sanhtu asi lai. f. Phun Dan kalh kang hen thiltitu tla lam dik ah kal kho ding hen nunsimhtu leh ruitu asi lai. g. Thangthar tla thurualnak leiah fawrhtu leh sintirtu asi lai. h. Ngaksia sun school kai kholo mi tla rangah dinhni ah mawh, zanah mawh a hun bik tuah hen sinnak timhtuahtu asi lai. i. Khua lakah sport leh culture leiah thangsonak ruatkhangtu asi lai. j. Phun rawk khonak thilti (ri khomi thilti: zudin, ganja zuk, Heroin zuk-le-ei leh zuar, tangka phe changh) tla khaptu leh nunsimhtu asi lai. k. YBA fund a pung khonak ding hen fund tawng khonak kang ruat le khangtu asi lai. l. Khuasung thenhlimhnak leh tikhur timhtuah tla mawhphurhtu asi lai. m. Ngaksia school kai huamlo tla fawrhtu leh nu-le-pa tla rangah fawrhtu asi lai. n. Nungak leh tlangval thungailo minunsimhtu leh lamdikah ruitu asi lai. o. Area leh Central thawk hen thupek zawzawng zulhpehtu asi lai. p. Unit (Khua) BSC-B thupek hawi vima hen rian a tuan lai le, BSC-B bawmhtu asi lai. BSC-B tlun leiah zeikhawm a ti lai lo.

2. Area (Bial) Committee: a. Central thupek leh thu suak zulhpehtu asi lai. b. Unit Committee kip zohkhenhtu asi lai c. Area BSC-B ruitu tangpitu asi lai. d. Central thusuak zeizawng Area sungah khua kipah thu tlunhtu asi lai. e. Central budget lawhtlingtir ding hen khua kip thawk hen fund khawlhtu asi lai. f. Area sungah khua kip Culture leh Sport leiah thangsonak ruat le khangtu asi lai. g. Khua kipah sinnak leiah thangsonak a timhtuahpi n alai. h. Area leh Central fund a pung khonak ding hn a timhtuah lai. i. Central leh Unit (Khua) Committee tla lakah tlen tawnhnak timhtuahtu asi lai. j. Area BSC-B thupek zulhpehtu asi lai le, tangpitu asi lai. k. Finance reort leh Annual report a timhtuah lai le, Central Committee sinah a pek vima lai. 3. Central Committee: a. A ram pumpi mawhphurhnak tingtu asi lai. b. Ramsung leh ram leng thawk hen sum-le-pai lak luttu asi lai. c. Central BSC-B thupek zulhpehtu asi lai le, tangpitu asi lai. d. Sport leh Culture lei thangsonak timhtuahtu asi lai. e. Thu pawiherh zeizawng ram sungah phuang leh zanhtu asi lai. f. Fund a pungkhonak ding hen planning leh program timhtuahtu asi lai. g. Lasuibu suah, lasuibu dang dang khawlh le kiltu asi lai. h. Department dang dang, BSC-B leh Sorkar leh Organization dang dang hen tlainak tuahtu asi lai.

i.

Unit leh Area Committee tla siat le that a zohkhenh kumza lai le, a ruin a lai. j. Departmental Committee kip a zohkhenh lai. k. In, Mun-ma leh thil-le-ri a herh mi ruat khangtu asi lai le kilkawitu asi lai. 4. Sport & Cultural Sub-Committee: a. Pangnak chi dang dang leh zuamnak tla a timhtuah lai. b. Pangnak thi-le-ri tla a timhtuah lai le a kil lai. c. Phun lam leh La tla sinnak yla a timhtuah lai. d. Phun thil thuam tla a khwlh lai le, a kil lai. e. Sport leh Culture program dang dang ah YBA aiawh hen a suak lai. f. Sport leh Culture rangah sum-le-pai ngaihtuahtu asi lai. g. Tumphung tla sinnak a timhtuah lai.

5. Information & Publication Sub-Committee:


a. Central Committee theihpi hen booklet, pamphlet, magazine, news letter a timhtuah lai le, a suahkho lai. b. Ram sung leh ram leng ah thawng thanhtu asi lai. c. Department nih sum-le-pai a herh mi ruat khangtu asi lai. d. Mun dang leh Pawl dang dang mi thawngthang laktu asi lai. 6. Literature & Education Sub-Committee: a. Lasuibu suah lei kangah timhtuahtu asi lai. b. Sinnak leiah ngaihtuahtu asi lai. c. Hawlh dang dang hen rin mi lasuibu tla khawlh leh kiltu asi lai. d. Sum-le-pai a herh mi ruat le khangtu asi lai.

7. Finance Sub-Committee:

a. Organization nih sum-le-pai a herh mi zawzawng ngaihtuahtu asi lai. b. Budget a timhtuah lai le, Central Committee sinah a pek lai. c. Sum-le-pai lut le suak zohkhentu asi lai. d. Sum-le-pai a pung khonak kang a ngaihtuah lai. e. Thawhlawm khawlh zeizawng mawhphurhtu asi lai. f. A tul le a herh hawi hen meeting nak a nei vima lai. TLUAN 6 MEETING (TO PUMHNAK) NEI DAN:

1. EXECUTIVE COMMITTEE:
Kum khat ah veithum (3) nei ding asi. A tul le a herh chun, vei 3 ngaktam khawm nei kho asi lai.

2. CENTRAL COMMITTEE:
Kum khat ah veikhat (1) nei ding asi. Thu pawi herh lian tak ruatding a um asi chun, Emergency General Meeting kawh kho asi. Hi a tlunah mi dan hi Unit, Area leh Central Committee tla zawzawng khawm a uap sih ver asi. TLUAN 7 FINANCIAL RULES: 1. YBA min hen Bank Account nei asi lai. 2. Bank Account signatories mi pathum an um lai: a. President, b. General Secretary leh c. Treasurer ansi lai. Chun, President chu common signatory asi lai.

President tello hen autal mi 2 nih Bank an operate kho lai. 3. General Secretary nih bill zawzawng approve ding asi lai. Chun, General Secretary bill chu President nih approve ding asi. 4. President leh General Secretary phalnak lo hen Bank operate kho lai lo. 5. Tangka mang mi reng voucher lak ver ding asi. 6. General Secretary thuneihnak hen a kutah TK. 5000/(Sangnga) cash a siah kho lai. Chun, a herh dan hawi hen a mang kho lai. 7. Kum khat lakah veikhat vima audit ding asi. 8. President leh General Secretary an panih phalnak leh remtinak hen a herh zat chu Bank thawk hen lak kho asi lai. 9. Approved budget leng leiah President leh General Secretary phalnak lo hen tangka mang kho asi lai lo. 10. Ram sung leh ram leng thawk hen Fund a lak lut kho lai. 11. Unit laeh Area YBA nih an mah lawng hen an tuan rah fund vima Central Account ah a pek vim alai. 12. Auditor chu audit hun a tling tikah Organization zumhtlak rangah sawm ding asi. TLUAN 8 THLANGNAK (ELECTION): 1. Election (Thlangnak) chu kum 5 (nga) dan vima ah nei ding asi. Hi mi dan hi Unit, Area leh Central tiangbang hep hen mang ding asi. 2. Secret ballot (lasui rin) hen thlangnak nei ding asi. 3. Thlangnak a u lanah Election Commission tuah ding asi. Election Commission nih thlangnak chu an khalh ding asi. Election Commission chu General meeting nih atuah ding asi.

4. Election Commission ah Commissioner 9 (Pakua) an um lai le, chu mi 9 thawk hen Chief Election Commissioner pakhat an thlang lai. 5. Election Commission tla chu Candidate lakah tel kho asi lai lo, tangtawmnak neilo mi asi ding asi. 6. Candidate tlingtlaknak: a. Candidate si ding hen kum 25 tlun lei mi asi ding asi. b. Zu-le-sa thamlo mi asi ding si. c. Mi zumhtlak asi ding asi. d. Mi thu awi leh mifel asi ding si. e. Mi lungfim leh navar asi ding si. f. Sorkar lakah case neilo mi asi ding si. g. Mi-a le bu asi ding asi lo h. Mitchaw, naset, akheng a bei mi si lo ding. i. Mi nungchang tha mi asi ding. j. Sakhua sunhsak mi asi ding. k. Rikho mi thil (Heroin, Ganja, Bing leh Turpang) mang leh thamlo mi asi ding. l. Tangka phe changh manglo mi asi ding. m. Fir mang asi ding si lo. 7. Vote thlak dan: a. Khua (Unit) committee lakah chun, kum 12thawk hen a tlun lei mi YBA member asi mi vial nih vote an thlak kho lai. b. Bial (Area) Committee lakah chun, Area Officer tla leh Member (Unit Committee Office Bearer) tla vial nih vote an thlak kho lai. c. Central Committee lakah chun, Bial Committee Office Bearer leh Member zawzawng, Unit Committee Office Bearer leh Central Committee Office Bearer zawzawng nih vote an thlak kho lai. d. Advisor chu vote an thlak kho lai lo. e. Chief Election Commissioner chu vote a nei lai lo. Khawmsele, vote a khing cho asi chun, casting vote a thlak kho lai.

8. Candidate dir ding dan: a. Mi aukhawm candidate ah dir ding duhnak a nei hen, tlingtlaknak, a nei mi chu a dir kho lai. Khawmsele, Form a fill up lai le, Election Commission nih a zoh dik t alai le, a pawm mi vial Election ah dir ding hen Candidate min aphuang lai. Khawmsele, Nomination paper lakah Supporter mi 2 tal a um ding asi. b. Candidate asi ding hen aukhawm nih nomination paper pektu an um lo asi chun, Election Commission nih Hall ah um mi member zawzawng sinah Candidate thim ding hen thu a pek kho lai. Hall lakah Candidate thim chawp mi lakah chun, Seat khat lakah mi 3 (pathum) lei thim kho asi lai lo. c. Election lakah chun, Candidate thim bik mi 3 tal lo hen chun Election nei kho asi lai lo. Candidate dir hen Nomination lasui pek mi lakah chun, dirtu dang um lo hen pakhat cho nih Nomination paper a pek asi chun, thim tling chia hen ngaih chawlh asi lai. TLUAN 8 TOPUMH KAWHDAN (NOTIFICATION)

1. Khua (Unit) Committee:


a. Executive Committee meeting chu nikhat sungah khawm kawh kho asi lai. Dan naran hen ni 3 tal theihtirnak pek kan hen kawh ding asi. b. General Meeting chu dan naran hen ni 7 (sarih) lanah theihtirnak pek hen kawh ding asi. Emergency General meeting chu ni 3 notice hen khawm kawh kho asi.

2. Bial (Area) Committee:


a. Executive Committee meeting chu ni 10 notice hen kawh kho asi lai. Emergency Executive meeting lam chu ni 7 notice henkawh kho asi lai. b. General Meeting chu dan naran hen ni 15 (leinga) notice hen kawh ding asi. Emergency General meeting lakah chu, ni 10 notice hen khawm kawh kho asi.

3. Central Committee:
a. Executive Committee meeting chu dan naran hen ni 15 notice hen kawh ding asi. Emergency Executive meeting lam chu ni 10 notice hen kawh kho asi lai. b. General Meeting chu dan naran hen ni 25 notice hen kawh ding asi. Emergency General meeting lakah chu, ni 10/15 notice hen khawm kawh kho asi lai. TLUAN 10 TOPUMH (MEETING) TLINHNAK (QUORUM) 1. Executive Committee leh General Committee meeting lakah chun a tawm lei ah mun then ah mun nih member a tling ngelchel ding asi. 2. Emergency meeting tla lakah chun, mun thum then munkhat a tling chun, meeting (topumhnak) nei kho asi lai. TLUAN 11 MEMBERSHIP FEES: YBA member kip nih membership fees pek dan chu hi a tanglei ah mi hawi hen pek ding asi:

1. Member ah register tirah registration fees TK. 15/(Leinga) pek ding asi. (Veikhat cho) 2. Kum siar hen membership fees chu TK. 10/(Tangkara) vima pek ding asi. 3. Membership registration fees leh membership fees chu YBA Central Account ah kuat vima ding asi. TLUAN 12 MEMBER TLING THLAKNAK: 1. Kum 12 thawk hen kum 40 tiang mi minung chu member ah lak kho asi. Mi aukhawm amah nih duhnak a nei hen a pumpek mi minung chu kum 40 tlun lei khawm lak kho asi. Chun, Executive Committee nih a pawm mi asi ding asi. 2. Zu din leh sa ei lo mi. 3. Bing, Gangja, Heroin leh Turpang tawngh thamlo mi. 4. Rawkmang leh firmang si lo mi. 5. Mi thu awi leh zahtiam mi. 6. Misual (Nunau leh mipa lakah sumkholo mi) si lo mi. 7. Mi tlawmngai leh thurual mi. 8. Ram leh Phun zangfahnak nei mi. 9. Mirep leh zumh tlak mi. 10. Sum-le-pai lakah sum kho mi. 11. Mi tangpi huammi. 12. Mi a, leh thinlung tlinglo mi asi ding si lo. 13. Tangka Phe changh manglo mi. 14. Mi perpe lo mi leh phiar le-rawi mang asi lo mi. 15. YBA Dan zul mi asi ding asi. 16. That lo rawt mang leh mi sawhrawk mang lo mi. TLUAN 13 MEMBER THAWK HEN BANGTIR KHO DAN: Hi a tanglei mi san tla ruangah member thawk hen bangtir kho asi lai. Bangnak thu chu ah chun, Executive Committee nih thu dawnghnak a tuah kho lai.

1. 2. 3. 4. 5. 6. 7.

Mi a, thinlung tlinglo mi asi chun. YBA dan a kalh hen a buar asi chun. Mifir asi hen rawkmang asi chun. Thurual lo mi asi chun. Ram leh Phun perpet mang asi chun. Zudin, Saei mang asi chun. Bing, Gangja, Heroin leh rikho miturpang tawngh tham mi asi chun. 8. Tlawm ngai lo mi asi chun. 9. Mi tangpi huam lo mi asi chun. 10. Ruitu leh mah ngak Upa zahkai nei lo leh mi thu el asi chun. 11. Tangka Phe chang mang asi chun. 12. Nunau leh mipa lakah sum kholo mi asi chun. 13. Amah nih bangnak a deih asi chun. 14. Membership fees a pek duh lo asi chun. 15. That lo rawt mang leh mi sawhrawk mang asi chun. TLUAN 14 SUM LE PAI TAWNGKHONAK KANG: 1. Membership registration fees. 2. Membership fees. 3. Mimal thil pek. 4. Mah kut suak thil zuar. 5. Unit YBA nih thawhlawm dang dang tawng mi pek mi. 6. Cultural Show thawk hen tawng mi. 7. Pangnak dang dang fees thawk hen tawng mi 8. Lasui Bu dang dang zuar mi thawk hen tawng mi. 9. Organization dang dang thawk hen tawng mi. 10. Mun le ma leh in thawk hen tawng mi. 11. Thawngthang bu leh Magazine tla zuar mi thawk hen tawng mi. 12. Mun dang leh thil dang dang thawk hen tawng mi.

TLUAN 15 PUMHPI MIN: YBA Central Committee nih meeting lian chem General Meeting min ah chun, Annual Conference ti asi lai. TLUAN 16 RO THIL NEIH (ASSETS): Thial kho mi leh thial kholo mi ro thil (Tual, In, Furniture leh thilring) zawzawng chu, a ekte hen YBA min hen siah hep asi lai le, YBA ta hep asi lai. TLUAN 17 RAWK SIAT (DISSOLUTION): Asociation a rawk siat asi chun, to thil zawzawng chu mimal nih zeikhawm a ting kho lai lo. Association nih amah banghpi Association mawh Organization mawh, BSC-B rangah a pek kho lai. TLUAN 18 REMHNAWLHNAK (AMENDMENT): Bye-Law remh (Sapbelh mawh lawnh) ding a duhtu nih chun, member mun thum then mun khat nih remh ding a duh mi point rin hen Annual Conference ah pek ding asi. Khawmsele, member min thum then mun nih remtinak a um tik cho ah remh nawlhkho asi lai. TLUAN 19 SYMBOL: Kut panih nih Laikulh Map (ruk) a bial mi a dawmh lai le, a sir kulh dak hen Lasui Young Bawm Association ti hen

rin asi lai. Kut chu taksa rawng asi lai le, Ram ruk chu vanrawng hen tuah asi lai.

SIMHFIANGNAK: 1. Kut panih nih Thaliau tla nih phun leh ram thangsonak rangah tha an suah huam kumza mi, velneihnak leh thanem ngainak a zohtir. 2. Laikulh pum chawi hen a um mi chu nehnak, thurualnak leh chaknak a zohtir. TLUAN 20 BIAL THEN DAN: 1. Ruma Bial: Ruma Thana sung vial. 2. Rowangchari Bial: Rowangchari Thana sung vial. 3. Bandarban Bial: Bandarban Thana leh thlang lei vial. 4. Remakri Prancha Bial: Bogalake, Rumava, a tlun lei ramri leh Thanchi Thana sung vial. 5. Rangamati Bial: Rangamati District sung vial. TLUAN 21 PUANZAR (FLAG):

Pawl Puanzar chu rawng 2 (nih) asi lai. A bul leiah 1/3 chu a eng mi as lai le, a par lei chu rawng ring 2/3 hen a um lai. Rawngring laiah YBA symbol a um lai. Simhfiangnak: 1. Rawng Eng nih: Thurualnak leh chaknak 2. Rawng Ring nih: Ram leh Phun, velneihnak leh thanemngainak a zohtir.

======= The End ========