1

INTHLANNA THIANGHLIM LEH RAM RORELNA DIK
Dr. Robert S. Halliday
Ram rorelna dik zirna hi hmakhawsang atanga awm a ni a, tun hun thlenga hetiang lam in ziahna hlui ber hmuhtheiha awm chu Code of Hammurabi tih a ni a. Hammurabi a hi BC 1792 leh 1759 inkar a Babylon a roreltu a ni a. Hammurabi a hian he code ah hian ama zawm tur ram rorelna tha leh ngelnghet taka a kalpui tum dan a ziak a ni.1 Kum zabi 19 khan Germany ah zirtirtu rual ten “Staatlehre”tih an ziak a, hei hi German sorkar ina lalna an ken kawh dan tur leh rorelna dik an kalpui dan tur tha kaihruainana ziak a niin ram rorelna tha an neih theih nana siam a ni.2 Heti khawpa hnam changkang zawk ten a ram rorelna dik leh tha an neih theih nana kawng an lo za wn na chha n nia la ng chu mitin in ka n mawhphurhna kan hriat a tul vang a ni.3 Kawng dik kan zawh theih nan leh kan zalenna hmang dik tura inzirtir hi a pawimawh em em a ni. Inthenawm khawven dan thiam tur leh inlaichinna tha nei zawnga inzirtir kan mamawh a, mi zawng zawng thattlanna ngaihtuah tura thuneihna leh rorelna hmang tur leh sum leh paia inlei mai mai that lohzia inzirtir a ngai ani. Kan chenna khawvel , chenna tlaka siam turin Pathian in mawhphurhna ropui tak min pe a; chu thil ti hlawhtling tur chuan, Politics hi hmanraw pawimawh tak a ni. Kristianna hian kan nun pum a huap a, politics pawh hi Kristianna huang chhunga awm a ni tih kan hriat atul. Mipui tam ber Kristian

2
kan nih avangin, Zoramah hian sawrkar dik, tha leh thil ti thei siam turin Kohhran mite hian mawh kan phur a, kristiante hi sawrkar finchhu ahtu leh tanpuitu tur kan ni. Kan ramah hian politics awmzia kan man fuh tawk loh avangin, Politics awmze dik tak inzirtir a tul a ni. Mizoram Politics:Mizoram hian politics lama chanchin chhui tur kan la nei thui lo va. Vawiina kan politics boruak hi thil thar a ni lo va, a nih dan phung awmsa tlemin a lo thanglian zual ta mai chauh a ni.miin cancer a vei a, cancer in a taksa a ei mawlh mawlh lain cancer vei tih a inhre lo. A engah emaw chakloh falna a lo lang a, inrinhlelhna a lo nei ta a, an hre chhuak ta a. “ cancer ka lo ni a lawm” an ti thin. Cancer a nih inhriat hma khan a cancer daih tawh. Kan ram politics hi vawiina chhe ta em em a ni lo. A tir atangin a chhia a, vawiinah chuan a pan a lo pun ta a, a na kan hria a, cancer kan ni tih kan inhre chhuak ta mai chauh a ni.

1 2 3

Microsoft© Encarta reference library© 2005 Ibid.

Rev. R Lalthanmawia - Political Education hi Eng nge ni?Kristiante leh Ram rorelna, Synod Social Front Committee, 2002.

3
Mizoram politics tobul:Lal neia hnam tin kan inrelbawl hran lai khan khua leh tui an humhalh a, ramri an humhalh a, khawtlanga , mi zawng zawng khawsakna thil pawh an rel fel vek a ni. Mahse vawiin thleng hian kan Mizo social leh political administration-a a kai rual lo lai hi kan sawi ngai loh avangin, induhsak bikna hnawksak tak te, mi naran chan phak loh milianten an chan bik thinte kha kan hre lo va, hnam nun nuam hlang ang main kan sawi fo. Fathang (lal buh chhun) te, thirdeng sa tih te kha tunlai huna kan MLA thenkhatte leh sawrkar hnathawk thenkhatten ram sum an fanghmano ei kan tih nen hian an danglam ang em? Kum 1891-a British-in min rawn awp tan atangin lal thuneihna a chak lo tan a, mahse heti chung hian lal tam zawkte lal a na a, an lal a khak deuh thin avangin mi tam takin lal neih tawh loh an duh a. Lal laka lungawilohna nei apiang chuan an lal rorel danah sawi ve theih an neih loh avangin khaw danga pem bosan kha pumpelhna kawng an neih chhun chu a ni mai. Hei hian lalte lalzia a tilang awm e. Kum 1947-a India a indan khan India lamah kan bet ta a, administration insingsa vel boruak ah khan Assam hnuaia Autonomous District council kan lo ni ve ta a; lal rorelna hnuai awm thin kha political unit angin kan lo awm ve ta a ni. Khawvela sawrkar kalphung tha bera an lo chhal hial, Parliamentary Democracy chu kum 1952 atang khan kan hmang ve chiah ani4 . Khami hun atang khan Mizoram in sawrkar kan neih that leh neih chhiat chu mipui duhthlanna liau liau ah a lo awm ta a ni.
Upa Dr H Vanlalhluna – Ram rorelna Tha (Mizoram mamawh)Kristiante leh ram rorelna – Synod Social Front Committee, 2002 - page 27.
4

4
India ram pawh mahnia inrel hrang tura political independence a lo neih khan Mizoramah pawh party system chuan bul a tan ve nghal a. Mizorama politics hmel thar, party system khaw lo var turah hian ngaihtuahtu pawl mi tlem tein lamkal atana an ruat Pu R Vanlawma (RIP) chuan April 9, 1946 khan Superintendent MacDonald- a a va hmu a, party din phalna chu a va dil hlawhtling ta a, political party bul intanna a lo ni ta ani. Kan han tarlan tawh ang khan kan rama politics boruak a chhiat tan na chu “a tir atangin” tih hi a ni mai a, Mizorama political party lo pianchhhuah dan kha lalho dona thinlung atanga lo intan a ni a tih theih a, a chhan chu politics a ke kan pen tan phat khan mahni leh mahni indo kan tan nghal a, roreltute leh mipui lam inral epna boruak a tir phat atanga kan chhawm nghal chat a ni. Tin, pawl reng reng thawhhona lam aia ineiral tawn tumna leh inmil loh hrim hrimna hi atir atanga awmsa bawk a ni, Union leh Zalen hun vawr san lai phei kha chuan namai lo tak a ni. Feh kawngah pawh party inang lo chu kalho theih lohna khua a la awm nual a, kiam lam aiin kan pun belh a hlauhawm zawk mah a ni. Vawiin thleng hian kan politics boruak chu inphiarrukna, inerna, indona, inbumna leh hlemhletna hian a la chenchilh reng a, kan ram roreltute chu an enkawl tur mipui dinhmun pawh ngaihtuah hman lo khawpin, thuneihna inchuh leh a leh lama tangte tihchhiat dan tur ngaihtuah reng reng in an buai ta a, ram chu enkawltu nei lo ang maiin a lo awm ta a ni. Sawrkar hi mipui tan, mipuiin kan siam a ni a, neitu rilru kan pu tur a ni. Kan thil hlu enkawl tur chuan kan duhtui em em theuh, chutiang bawk chuan kan ram enkawltu tur atan chuan kan duhtui a tul .

5
Ruling party hian mi zawng zawng tana tha a ngaihtuah tur a ni a, party intihbingna nasa lutuk hi chhiatna bul a ni . Opposition party mi biakrawn, zahthiam leh thawhpui thiam hi ram leh hnam tan thil pawimawh tak a ni. Opposition party pawhin sawrkar dik lohna ngawt buaipuia sawisel tum mai lovin, an tih dik lohnaah pawh, a tawk a fang, a mawi tawka kawng tha kawhhmuh dan zawn thiam a tul. Hruaitute hi mipui entawn ber leh hmun pawimawha awm an nih avangin, nungchang leh tawngkamah mi entawn tlaka nun tum hram hram a tul. Ram rorelna tha nei turin mipui tha a ngai:Kan rama inrelbawlna chhe lutuk hi kan politician te vang ringawt a ni lo va, kan politician te hi an sual ngawr ngawr hran hek lo, mipui te leh sawrkara kan thawktute pawh hian thui tak chu mawh kan phur a ni. 1.Sawrkar siamtu mipui an that chuan sawrkar pawh a tha ve ngei ang tih a rin theih. Mipui tha lovin hruaitu tha thlan chhuah a har. Kan phu tawk ang zel hruaitu kan thlang thin a ni. 2.Mipui rilru ah ram hmangaihna tak tak a awm a ngai. Mahni tanghma sialna leh ram aia party dah lal zawkna ramah rorelna tha a awm tak tak theilo. 3.Sawrkar laka mipui rilru put dan a dik a ngai bawk. Sawrkar chu mamawh zawng zawng min petu atan chauh kan duha, Sawrkar tan eng mah tih ve kan tum si loh chuan rorelna tha kan nei thei loving. 4.Neitu rilru dik tak mipuiin kan put a ngai a. Sawrkar hi ka ta a ni a, ka tan a ding a ni tih hriat tur a ni. A chhiat a that ah ka mawhphurhna a ni tih ka hriat a ngai. 5.Rorelna tha lo neih a hlauhawmzia an hriat a ngai bawk. Rorelna tha lo hnuai ah chuan tawrhna rapthlak pui pui a thleng thin.

6
6.Ram rorelna hian min nghawng reng avangin rorelna tha nei tura politics-a kan tel venaah kan tih tur dik tak kan tih a ngai a ni. 7.Kan MLA leh Minister te kan phut dan hi kan inenfiah a ngai. Chhiatni thatni ah kan beisei a sang lutuk, khawhar in leh inneih leh eng ilo lawm nikhuaa lang tam chuan fak an hlawh thin ani ber mai. Chuvangin, ruang chunga pangpar dah leh ambulance motor zawnga phungthlu taka phi buai turin kan beisei a, mimal lehkhabu leh album tlangzarh thlengin an tih turah kan ngai ta a, kan mamawh engkim tihtirin hruaiin kan ruai a, an buai em em a ni. Hei hian mipui te beiseina chu ram tana thil tha leh tangkai thawk turin kan beisei a ang lo a ni. Mipui lam hian ram hruaitute thawhpui dan leh khalh ngil dan kan thiam a, an laka huaisen tura keimahni lam kan invawng him thei a nih phawt chuan a eng sawrkar pawh hi lo ding dawn sela, sawrkar tha tak, hruaitu tha taka siam theih a la ni hlawmin a lang tlat a ni. Engtin nge hma kan lak ang:Khawvela mi ropui Martin Luther King (Jr) a chuan “history kan en chuan khawvela thil pawi ber chu mi tam takin kan ram kalphung inthlak thleng laia kan lo mutthluk san thin hi a ni a – vawiin ah chuan kan ram ah thil thar a lo thlen in mutthluk san lova chumi hmang tangkai thei tura kan lo inbuatsaih lawk a ngai a ni” a ti a.5

Adam Fletcher and Joseph Vavrus – The guide to social Change led by and with young people – Common action 2006.
5

7
Political party ten manifesto an siam hian an manifesto te chu tih hlawhtlin theih anih leh nih loh chungchang hi kan zir chian a ngai a. Thil theih loh tawp tur chu zawhna kan siam a pawimawh, anih loh vek pawhin an sut theih nan hma lak a ngai. 1. Election Commission of India hian inthlan dawn a candidate te pawisa hman theih zat fel takin a bithliah a, hei hi an hmang ngei em tih kan chhut chian a ngai. Hemi bakah hian candidate te sum neih dan hi an website ah mitin entheiha tar chhuah a ni a, heng te hi en ve ila, an khawsak dan phung nen a inmil em tih hi finfiah ve thin ila, diklo taka an neih sum rawn tarlang te hi chu sawisel ngam ve thin ila. 2. Political party ten candidate an siam dawnin mi hmingtha, mi pamham lo leh Pathian tih mi an candidate theih nan tan lak nise, hetiang ang mi hi an candidate dawn lo anih chuan aw chhuah ve nise. 3. Inthlan vuakveta political party ten sum chelek a mipuite vote hlutak lei tura hma an lak hian mipuite min hmusit zia a tilang a, hei hi mipui te hnenah a pawizia leh thatlohzia kan inzirtir a ngai. 4. Kan thenawm state ah te chuan inrikrapna hmangin mipui ten zalen taka an aiawh tur an vote theihna an rapbeta a, he thil tha lo tak hi kan ramah a lo in lar ve tan ta niin a hriat a, he thil duhawm lo tak hian kan ram min run ve hma in tihtawp dan kan zawn a pawimawh hle. 5. Tunlai hian kan ramah Sawrkar officer pension te politics a zuanglut an tam hle a, heng mite hi party hrang hrang ah an inpe a, an thiamna lam en chuan a lawmawm a, mahse hna an thawh lai pawha ram hmangaih aia mahni leh an chhungte invulh, mi pamham, eiruk avanga suspend hial pawh lo tawk tawh te hian ram an hruai tha thei ang em tih erawh hi chu chhut chian nise.

8
6. Sawrkar hmalakna hi mipui ten kan hriat a tul hle a, budget hi a hmanna turah hman a ni ngei em tih te hi chhut chian nise. Khawvel a ram tinah hian langtlang Sawrkar an ni em tih hi zawhna lian ber a ni a, hemi atan hian Transparency International te pawh a lo ding ta a, tunlai khawvel thiamna hmangin helamah hian hma kan lak a pawimawh khawp mai. Mizoram ah hian Centrally sponsored schemes kan nghah ta hle a, heng te hi a hmanna tur dik taka hman a ni em tih hi kan finfiah fo a ngai. 7. Inthlan dawnah hian party bik sawi lova kan ram hmangaihna kan neih theih nan kan tan a hun ta hle. America ramah party bik pawh sawi thei lo khawpin ram an hmangaihna chhan chu an politics nunah Bible a tel thin vang a ni, America ram ropuina chhan chu Pathian ah rinna an nghat a, malsawmna hi athlawnin an dawng bik lo Pathian ring leh Pathian zah tak chunga an thawhchhuah a ni. (Deut 28:1-14). South Korea rama zaa 40 vel lek Kristian awmte chuan an politics leh an khawtlang nun namen lovin an siamtha thei a, Taiwan rama Kristian zaa 4 emaw lek avangin an ram in namen lovin hma a sawn phah bawk. 8. Thuthlung hlui kan en chuan thlarau thianghlim a thuam zawlnei ten mipui chunga rorel tu tur hriak an thih thin a, vawiin ah erawh chuan ringtu te chu Thlarau Thianghlim a thuam vek kan ni a, kan aiawh a rorel tu tur Pathian tih mi, mi dik leh tha, mi pamham l o, hi Pathian rawn chungin kan vote hmangin hriak kan thih ve hi, ringtu te mawhphurhna a ni ve tawh lawm ni? Tlangkawmna: Sawrkar inrelbawl dan dik leh dik lovin kawngro a sut theih dan chu Korea ram (North and South) te atangin kan hre thei a, mipui zalenna leh Pathian tihnain

9
ram hmasawnna a hril thui theih dan America ram atangin kan hre thei bawk. Ram tha leh hausa Myanmar chu mipui zalenna awpbeh a nih vang leh sawrkar inrelbawl dan fuh loh avangin ram rethei a ni. Hun rei lo te chhunga kan hun tawng lian tham leh rapthlak takin ram hmasawnna a tihthuanawp dan te, politics atchilh avang leh hruaitu tha tlakchham avanga ruahmanna tha kan neih loh dan te, roreltu tha leh mipui thain kawnro a sut theih dan te hre reng chungin Pathian tih chung leh mihring zah leh pawisa chunga mahni zawn theuhva theihtawp kan chhuah zawngin kan ram leh kan hnamin hma a sawn ngei ang.

Sawiho turte:1. Ram hruaitu tha nei turin engtianga hmalak nge sawt ang? 2. Rorelna dik leh thianghlim nei tura Kristiante mawhphurhna engnge ni ang? 3. Kan ramah hian mipui te nge dik lo zawk ram hruaitute.

10
Lehkhabu rawnte:1. Holy Bible. 2. Adam Fletcher and Joseph Vavrus – The guide to social Change led by and with young people – Common action 2006. 3. Microsoft© Encarta reference library© 2005 4. Kristiante leh Ram rorelna, Synod Social Front Committee,2002. 5. Hmasawnna kawngpui, Synod Social Front Committee,1997. 6. Jonah Wittkamper - A Snapshot of the Global Youth Movement, U SA 2002 at http://www.gnu.org/copyleft/gpl.html 7. Wikipedia, the free encyclopedia. 8. Israeli Ministry of Foreign Affairs http://www.jewishvirtuallibrary.org/jsource/ copyright.html 9. Derek Prince – Foundations of life - Monarch Books Grand Rapids, Michigan USA,2005. 10.Mark Virkler Ph.D. and Patti Virkler D.Min.Spirit-Anointed Teaching Seminar Guide (The What, the Why, and the How) - CWG Ministries, USA - 2001

11

Mizoram Liquor Total Prohibition Act Leh Kohhran Hmalakna tur te
Upa Lalbiakmawia Khiangte Zu leh Mizo sakhua khan inzawmna thuk tak a nei a. Kristian kan nih hma a zu in kan hnam nun a tihkhawloh em avangte, zu inmi nun leh Kristian nundan tur chu a inmil theih loh avangin Kristian hmasaten zu in an khap a. Kristianah mi a inpek chuan zu a nghei nghal a ngai a ni. Kohhran in zu khap (Prohibition ) a duh Mizoram Presbyterian Kohhran chuan zu hi phal rai lovin sorkar in khap bur mai sela a duh a. Hemi kawnga a hmalakna thenkhat lo thlir ila – (1) SEC 116.29 of 1989: Social Front Committee chuan SEC thudah bawhzuiin Excise Act hi a tawk lova kan hriat avangin Prohibition Act hi sorkar in siam rawh se an tih chu a tha e kan ti. MS/Gen-1/90/106 of 2-5-90: SEC thu angin Total Prohibition Act siamturin Mizoram Chief Minister hnenah ngenna thlen a ni. (2) SEC 123:60 of 4-6 June, 1991 : Total Prohibition chungchang sorkarin a kalpui dan hi a chak vak lovin kan hria a engtia kalpui zel tur nge tih kan sawi ho a, OM in hma lo la zel rawh se kan ti. (3) SEC 124:3 (1) of 31 Oct-4 Nov, 1991: Total Prohibition SEC 123 na hi OM bawkzui tura tih chu Chief Minister hnenah thlen leh in bawhzui mek a ni. (4) SEC 129: 95 of 2-4 June 1992 : Mizoram Assem-

12
bly Favang Session-a Total Prohibition Bill thehlut turin sorkarah ngen ila. Kan ngenna copy pawh MLA zawng zawng pe ila kan ti. (5) SEC 141:3 (8) of 8-10 June 1994: Total Prohibition Act siam turin Mizoram Chief Minister hnena ngenna kan thlen tawh thin chu bawhzui zel a ni a. An hmalak dante SEC a report theih tura min hriattir tura ngenna chu a chhanna kan la hmu rih lo (6) SEC 142: 72 of 1-4 Nov, 1994 … He thu hi ngun takin kan ngaihtuah a, SEC tan hei bak hi hma lak zel a harsa in kan hria a. ‘Synod’ ah thlen ni se kan ti. (7) Synod Gen 48 of 1994: Zu khap (Total Prohibition) chungchang 1985 Synod (Gen.19) atanga kan ngaihtuah tawh chu SEC in a lo bawhzui tawh dante Secretary in a sawi a. SEC in “hei bak chu tihngaihna a awm tawh lo a ni e” a tih thu kan ngaithla bawk a. Kan ramah hian Total Prohibition Act hi siama hman nise tih sorkar kan lo ngen tawh chu a tul angin SEC in lo bawhzui zel rawh se, kan ti.

Mizoram Sorkar leh Zu khuahkhirhna dan :
Mizoram hi Assam State chhunga district pakhat anih lai khan Assam Excise Act, 1910 chu hman a ni ve lova. Kha dan kha Mizo District Council in a lak luh loh vang a ni. January 21, 1972 a Mizo District chu Mizoram Union Territory alo nih hnu kum khat lekah Mizoram Legislative Assembly chuan Mizoram Excise Act, 1973 chu a lo siam a. A hnu kum 10 a Dan siam, Mizoram Excise Rules, 1983 nen chuan October 10, 1984 ah hman tan a ni ta a ni. Hemi ni atang hian phalna neilova zu sak, kawl leh zawrh chu Dan in a khap ta a ni. He

13
dan hmang hian 1985 khan Aizawl leh Lunglei ah Sap zu zawrh phalna (licence) mi tlemte hnenah pek a ni bawk. Amaherawhchu, chung licence te chu March 31, 1988 khan tih tawp vek a ni. February 20, 1987 ah Mizoram chu U.T atangin State ah hlankai a ni a. Chutatanga kum 5 ah chuan Legislative Assembly in Mizoram Excise Act, 1992 chu a siam a. Amaherawhchu, he Dan hi hman a ni ta lem lo a ni.

Mizoram Liquor Total Prohibition Act :
Kil hrang hrang atanga nawrna a nasat vang pawh a ni mai thei, zu sak leh zawrh mai nilo, a in a in pawh chu khap bur mai tha in sawrkar chuan a lo ngai ta a. Tichuan zu khapburna tur, ‘Mizoram Liquor Total Prohibition Act, 1995 chu Legislative Assembly chuan a lo siam leh ta a. He dan hi hman a nih theih nan ‘Mizoram Liquor Total Prohibition Rules, 1996’ chu siam a ni leh ta a ni. Prohibition hi khawvel hmun hrang hrang sap ramah emaw, India ram khawi State ah emaw, khawiah mah a hlawhtling tak tak ngai lova hriat a ni a. Mizoramah erawh hi chuan kohhran leh pawl hrang hrangte duhdan anih miau avangin a hlawhtlin mai beiseina sawrkar pawhin a nei a. Tichuan, MLTP Act 1995 leh MLTP Rules, 1996 te chu February 20, 1997 atang khan Mara, Lai leh Chakma District Councils huam tellovin hman a ni ta a ni. Mizoram Liquor Total Prohibition Act, 1995 in a khap leh chung khapna bawhchhetu hremna tlangpui te chu –

14
KHAPTE 1. Zu sak, hralh (zawrh), lei kawl leh a sakna hmanraw kawl HREMNA Kum 5 chhung lung in tan theih leh Rs. 10,000/- chawi theih, a tlem thei ang berah thla 3 lung in tan leh Rs. 1,000/- chawi bawk (Sec 8 (1)) Kum 3 lung in tan theih leh Rs. 5,000 thleng chawi tir theih, a tlem berah thla 2 lung in tan leh Rs. 1,000 chawi bawk (Se 24)

2. In leh lo emaw compound emawa zu sak zawrh leh dah nana hman tir. Zu emaw a sakna hmanrua phurh nana motor etc.

3. Khawlai emaw vantlang hmuna zu Thla 3 lung in tan theih leh Rs. 1,000 ruih emaw zu in avanga mawi lo taka chawi theih; a tlem berah ni 7 lung in chet tan leh Rs. 500 chawi tir bawk (Sec.8(3)) 4. Phalna nei lova zu in Thla 1 lung in tan theih leh Rs. 1,000 chawi theih, a tlem berah darkar 24 tan emaw Rs. 500 aia tlem lo chawi (Sec. 8(2))

5. Chanchinbua zu sawimawina Thla 6 lung in tan theih leh Rs. 1,000 chhuah chawi theih (Sec. 10) 6. Damdawi atan ni lo zu in theih nan Thla 6 lung in tan theih leh Rs. 1,000 ringawta prescription pek chawi theih (Sec. 16)

He dan in a khap bawhchhiat tum ringawt pawh dan bawhchhiatna a ni a, dan bawhchhiate anga hrem theih a ni (Sec 44) Section 39- A chuan he dan a thiamloh changte chungah CrPC Section 360 hman a khap a, chung thiamloh changte chu mi awngrawp tak emaw, tar emaw kum 18 aia naupang emaw an nih loh chuan Section 55-A chuan tupawh he Dan bawhchhe tawh phawt chu tupawhin man thei turin thuneihna a pe a. Amaherawhchu, an mi man chu tullo puia hreng khawtlai lovin thuneitu hnena hlan tur a ni thung a ni.

15 KOHHRAN HMALAKNA TURTE
MLTP ACT Hlawhtling taka hman a nih theihna turin Kohhran ten hma an la tawk lo ni a ngai mi tam tak an awm a. Kohhran hian kawng hrang hrang in hma la bawk mahse tihtur a la tam hle a ni tih chu a inhria a, a pawm bawk a ni. Synod 84-na (2007 Synod Inkhawmpui) Gen 32 ah chuan .. MLTP Act hi sawrkar leh kohhranin chak zawk a kalpui tha kan ti a, SEC in lo bawhzui rawh se kan ti ti a rel a ni. Tichuan, kohhran hmalakna tur thenkhat i lo ngaihtuah ho teh ang u. 1. Kohhran in Zu a thlir dan kohhran mipui hrilh hriat a tul : Presbyterian Church of India Danpui Bung III article 2 (a) (ii) ah chuan kohhran mite chu zu laka inthiar fihlim tura beisei an nih thu tarlan a ni a. Tin, Presbyterian Handbook Bung VI- Thil Pawimawh Zual Atana Kaihhruaina Dante 1(3) ah chuan Zu sa, zuar leh inte chungchang : ‘Zu sakte, zawrh leh inte hi kan Kohhran mite tih tur a ni lova. Hetiang tih ching kan Kohhran mite an awm chuan Kohhran Committee-in a tul angin hnawhchhuah thleng pawhin an chungah kut a thlak thei a ni (1976 Gen. 33, SEC 45:7) Heti tak hian Kohhran in zu hi thalo a ti a ni tih kohhran mipui in kan hre tawk lo ni in a lang a. Tin, Kohhran dan leh dun hria, mahse hmin zat lo member tam tak an awm ngei bawk ang. Hetiang hi a nih avangin inthlahrunna nei hauh lo, inti thei zawk mah a zu khapna dan sawisel bawrh bawrh leh an awmna kohhran ngei pawh sawisel thin mi tam tak an awm a ni. Kohhran leh sawrkar in an tan thil tha tak a ti a ni tih an hrelo a ni. Chuvang chuan Kohhran thlir dan hi in hrilh hriat a tul hle. 2. Zu that loh zia in zirtir a tul : Chhungkua ah leh kohhran ah zu that loh zia kan inzirtir tam deuh deuh a tul hle. An naupan laia zirtirna tha kan pek lem loh kan fa te an lo tleirawl chhuah in zu an in a ni tih

16
kan hriat hnu a nasataka hauh ringawt chu a sawt mawh hle a ni. An naupan lai atangin a thalo a ni tih hi lo hre vek tawh sela chuan zu chungchangah ngaihdan mumal tak an nei tawh tur hi a ni a. Pathian Thu atanga zu that lohzia kan in zirtirna tur tlemte tarlang ila – (1) Bible a zu lo lanna hmasa ber Gen. 9:21 ah chuan zu hi hmansual a ni. Mualpho takin, saruak a Nova awmtirtu leh anchhelawhna thlentu a ni. (2) Zu lan vawihnihna Gen. 19:30-38 ah Lota’n a fanute pahnih a mutpui a, nau an pai ve ve a ni. (3) Deut. 21: 18-21 ‘he kan fapa hi … inkhawhral hmang leh ruih hmang mi a ni’… khua a mi zawng zawng te chuan lungin an denghlum tur a ni. (4) Deut. 32:33 Mosia Hlaah : An uain te chu drakon tur leh rulrial tur tha tak a ni.’ (5) 1 Sam. 25: Abigaili pasal Nabala’n zu a rui a. Chhia leh tha
hriatna a hloh avangin amah tanpui thintu Davida thin a tirim nasa. Nabala chuan a thih phah ta nghe nghe a ni.

(6) Thuf. 20: 1 ‘Uain hi nuihzabur a min siamtu a ni a, Zupui hi insual bung bung na a ni; chumi buma awmte chu an finglo a ni’. (7) Isaia. 24:11 Uain avangin kawtthlerah te chuan tap thawm a awm a, hlimna zawng zawng tih thimin a awm a, he ram hlimna hi a bo ta’. (8) I Kor. 5:11 Hnawhchhuahtur zingah ‘zu ruih hmang’ an tel. (9) I Kor.6:10 ‘Zu ruihhmang te’n … Pathian ram an luah lovang’. (10) Gal.5:21… ‘Zu ruihnate, zu hmun hlimnate… Pathian ram an chang lovang’. Pathian Thu ngialngan bakah pawh zu that loh zia in zirtirna tur kawng tam tak a awm. Chung zinga thenkhat chu – (1) Hr iselna a tichhia, (2) Taksa khawl leh chhia leh tha hr iatna a tibuai (3) Mipat h mei c h h i at na k awng a i n t hl ahdah na a t h l en (4) Chetsualna (accident) a thlen tam (5) chhungkua

17
l eh k hawt lang i n pumk hatna a ti chhi a (6) dan bawhchhiatna (Cr ime) a siam tam . 3. Zu laka fihlim lo te tanpui a tul : Zu sa leh zuar te dinhmun diktak hre turin bih chian a tul hle, Eizawn dan tur ngaihtuah thiam lo, kawng kawhhmuh ngai an awm a rinawm. Rahbi tleu lak lawh mahni a lei rem rap theilo, tanpui ngai an awm ngei bawk ang. Chhan dang eng eng emaw leh an sual vang hrim hrim ni pawhin hre tehreng ila, chu chu chona ah kan ngai tur a ni ang. Nekchep an tulna a nekchep tur leh puih an ngaihna lai apianga pui turin kohhran te inpek a tul hle ang. Hei hi rawngbawlna ;Practical’ tak a ni. Prograamme tih tlingtlakna tur pakhat anga kalpui mai chi a ni lovang. Mumal tak leh uluk taka kalpui chi a ni. Sual damdawi tha em em mai chu hriatdan dika thil hriat a, ngaihdan (rilru) thlak thleng hi a ni. Entirnan, zu heh leh ngawlvei pawh hian a thil tih chu a tha lo a ni tih hriat dan diktak a a hriat avangin a ngaihtuahna chu a lo in thlak thleng ta a. Chutiang anih hma chuan ‘zu in tawh suh, i thi mai ang, etc ’ ti thin mah ila a nghei phah chuang lo. Amaherawhchu, a ngaihtuahna a lo danglam leh in thlak thleng tak avang chuan a thian te’n ‘ i in loh chuan i luah kan leih tho tho ang’ pawh ti sela, a in phah tawh chuang lo. Chutiang chu anih avangin hetiang mi bei tur hian kohhran in a biktaka ruahmanna siam a tha hle ang. 4. Zu khapna Dan a hlawhtlin lehzual nana tan lak a tul : Zu khapna Dan kengkawhtu te tih bengvar leh tanpui hi Pathian lama kan mawhphurhna a nih mai bakah ram dan in min phut tlat a ni. Zu do hi Sawrkar leh Pawl ho tih tur chauhva ngaihna mipuiin kan la nei tlat hi a dik tawk lo a ni. Dan bawhchhiate man an nih theihna tur a hma la turin Dan leh Nature in min phut tlat. MLTP Act, 1995 Section 55 –A chuan tupawh he Dan bawhchhe tawh phawt chu tupawhin man thei tur in thuneihna a pe hial zawk a ni. Tin, Nature in mawhphurna min pe a ni tih chian nan entirna pahnih lek

18
han sawi ila. Motor in mi pakhat a chil let tawp a, a lo hmutu chuan tihtur (Mawhphurhna)a nei nghal a ni. Police emaw Doctor emaw nilo mahse thil tisual tu tlanbo mai lohna tur emaw tanpui ngai tanpui turin mawhphurhna a nei nghal a ni. A dang leh chu, kang mek hmutu in midang la rawn hmutu thelh turin a kalsan mai tur a ni lo. Fireman nih kher a ngai lo. A thil hmuh chuan tihtur a pe a, mawhphurhna a nei nghal bawk a ni. Dan bawhchhiate man emaw man an nih theihna turin mitin in mawhphurhna kan nei ang bawk hian Thuhretu ni turin mawhphurhna kan nei a ni. Dan bawhchhiate man an nih hian a mantu te zinga mi nilo, chutih laia lo awm ve Thuhretu (witness) pahnih aia tlemlo neih a ngai a. Thuhretu a tan duhloh ngawt chu dan bawhchhiatna a ni. Thilsual ti te court in a hrem theihna turin Thuhretu tha an awm a ngai a. Thuhretu tha an awm loh chuan chu dan bawhchhiatna chu finfiah theih a ni lova. Thuhretu tha, rinawm leh inpe zo tak tlakchhamna avangin dan bawhchhia ten court ah thiam an chan phah fo thin a ni. Thudik a dinchanna turin Thuhretu tha a tan a pawimawh zia pawh hi inzirtir a tul hle a ni. Tin, Kohhran ho tawngtaina hi Pathian in a chhang thin a ni tih kan hria a. Chuvang chuan kohhran tawngtai inkhawm ah MLTP Act hi sawt leh zuala hman a nih theihnan tawngtai thin ni bawk se a tha hle ang. Sawiho tur : 1) MLTP Act, 1995 hman hi hlawhtling kan ti nge ti lo? A chhan mumal taka sawi nise. 2) Zu sa, zuar leh rui te hi kohhran in thunun theih nimahse thunun an ni lem lova. Hei hi tha kan ti nge ti lo ? A chhan mumal taka sawi nise. 3) Kan ngaihthlak tak kohhran hmalakna turte hi tha kan ti
nge ti lo ? Paih tur emaw belh chhah tur emaw sawiho ni se.

19

Technology leh Thalaite
-C.Lalhmachhuana
Kan buante hi tisa leh thisen an ni si lo,lalnate leh thuneihnate leh,he thim chunga khawvel roreltute leh, van hmunahte thlarau sualho awmte an ni zawk e. Chuvangin, ni tha lovah chuan in do zawhna tur leh,in tih zawh vek hnu pawha in din theihna turin, Pathian ralthuam famkim chu la rawh u.Chutichuan, in kawng chu thutaka hrengin, felna awmphaw chu hain,remna Chanchin Tha inbuatsaihna chu in keah bunin ding rawh u;chung lo pawh chu rinna phaw la ula,chu mi chuan mi sual thal alh thei zawng zawng chu in timit thei ang.(Ephesi 6:12-16)

Thuhmahruai
Technology kan han sawi tum ber chu Media lam Technology te hi an ni a. Technology dang zawng zawng aiin heng media technology te hian kan nitin nun min nghawng nasa ber awm e. Media kan tih hian hlawm lian tak tak pahnihin a then theih a, chungte chu Print Media leh Electronics Media te an ni.Print Media chuan chanchinbu leh lehkhabute a huamthei a. Electronics Media erawh chuan electronics hmanrua Television, Radio, Computer, Internet, Video Games leh Computer Games etc. te a huam thung(1), heng bakah hian Mobile Phone te pawh kan huam tir thei ang. Kan han sawi tum tak chu heng Electronics media ten kan thalai nun a ngawng dan hi a ni ber a. Chung zingah chuan TV, Internet leh Mobile Phone te kan thlur bing dawn a ni. Tin, heng bakah hian kan hun tawnin a zir em avangin Print Media chung chang sawi lan ngei ngei a ngai a, hlam chhiah theih a ni lo. Thalaite han tih hian kan rilruah KTP member rual Kum 14-40 a lang ber awm e. He kan Training-in a

20
tum ber chu ‘AIDS Awareness’ a ni angin leh, tun thlenga AIDS inkai chhawnna tam ber chu ‘SEX’ a nih avangin thalaite kan tih hian kan huam zautir hle ang a. Thalaite rilru pu ‘SEX’ leh heng Technology kan sawiten a nghawng zawng zawngte hi ‘Thalaite’ tia he paper-a kan tarlan hian a huam vek a ni. Tunlai khawvelah hian mipat hmeichhiatna lama rilru la peng thei thil hi a tam sawt em em mai a, chhut chian phei chuan thil mak tak a ni. Kawng hrang hrangah a rem emaw rem lo emaw mipat hmeichhiatna lama mi hip thei zawngin khawvel hian tan a la nasa hle(2).Chung atan chuan kan media-te hi hma nru a a hma n a nimek a ni. C hu tia ng environmentah chuan eng tin nge kohhran hian hma kan lak ang ? Tih dan tha kan ngaihtuah chhuah theihna turin he paper hi buatsaih a ni. Mihringa hriatna pangate (5 senses): Mihring hian kan taksaah hriatna chi hrang panga kan nei a, chungte chu:1. Khaw hmuhna(sight) – Mit hmanga kan hmuh theihna 2. Ri hriatna(hearing) – Beng hmanga ri kan hriatna 3. Khawiha hriatna(touch)- Kut, Ke leh vun hmanga hriatna 4. Rim hriatna(smell)- Hnar hmanga hriatna 5. Tui leh tuilo hriatna(taste)- Ka leh lei hmanga hriatna

21
Sensory Stimulation Theory
Hriatna dangte 12% 0%

Benga hriatte 13% Mita hmuhte 75%

Heng hriatna chi hrang hrang zingah hian mit leh beng atanga hriatna lak luhte hi a tam ber a. ‘Sensory Stimulation Theory’ sawi danin mihring puitlingin a thil zir thiam zawng zawng 75 % hi mita a hmuh, a hriat rengte a ni a, chumi dawtah chuan 13 % vel hi ri, benga hriatna atangin, a dang zawng 12 % te hi hriatna dang khawiha hriatna, rim hriatna leh tui leh tui lo hriatna atangtein a ni. He hriatna chi khat mai atang ni lova, hriatna chi hnih chi thum tang kawp atanga thil hriatte phei chu a nghet bik a, hriat reng a awl bik em em a ni(3). Chumi awmzia chu benga hriat ngawt aiin mit ngeia hmuh, leh benga hriat bawkte hi a nghet bik a, hriat reng a awl bik a ni. Mita hmuh rau rauah pawh thuziak chhiar ngawt ai chuan a lem awm telna chuan hriat reng a tiawlsam bik a. Tin, a lem rau rauah pawh rawng mawi tak a nih chuan mit a lain hriatna a puiin a tinghet zual bawk a ni. Heng hriatna panga zingah hian mita hmuh leh benga hriatte chuan 83% zet hriatna min pek chuan, nitina hmuh leh ri hriatte hian mizia, ngaihtuahna leh duh zawngte pawh a kaihruai dawn tihna a ni. Tech-

22
nology kan han sawi tumte hian heng kan hriatna pahnih ‘mit’ leh ‘beng’ te hi a chawm tlat avangin a pawimawh em em a ni. Kan ngaihtuahna min hruai turin nitina kan hmuh leh kan hriatte hian a tha zawng leh chhe zawngin min kaihruai thin a. Kan buaipui em emte pawh hi heng kan mit leh benga kan hriat kawpte hi an ni deuh zel a ni. Tirhkoh Paula pawhin “Chutichuan rinna chu hriatna avangin a lo awm thin a, tin, hriatna chu Krista thu avangin a lo awm. (Rom 10:17)” tiin a sawi kha. Pathian thu awih tur pawhin Pathian thu hriatna kan neih a ngai phawt thin a. Kan nitin nunah mita kan hmuh leh benga kan hriatte hi a dik loh chuan ringtute hi Isua Krista hnung kan zuina kawngah harsatna kan tawk thin. Nitin kan hmuh leh benga kan hriatte hian sual kawngah min hruai thin a. Kan thalaite sualna kawng hrang hrangah an kalna chhan, Kohhran leh khawtlangin kan buaipui luih luihna chhan pawh hi a bul pui ber chu kan mita kan hmuh leh benga kan hriatte vang kan ti lo thei lo ang. ‘Media’ kan han sawi tur hote hi uluk taka kan zir chian a tul tak zet zet a ni. Chung ‘Technology’ kan mit leh beng kal tlanga nitin min runtu, kan sawi lan turte chu chu hengte hi an ni:1. 2. 3. 4. Print Media Television – Cable TV Mobile Phone Internet

Heng Media zawng zawng te hian Pathian huat ber tih theih Sualna thuk ber mai ‘Mipat hmeichiatna’ hman khawlohna kawngah min hruai sual nasa thei em em a. Kohhran pawhin kan ngaih thah theih loh thil, kan zir chian ngai em em mai chu a ni.

23 Print Media
Tunhma atanga kan hmel hriatsa ‘Print Media’ hi technology thar chu ni lo mahse tunlai kan chanchinbu abik takin periodical magazine-te han en hian sawi a ngai tlat a ni. Electronics Media kan sawi vul mek lai hian Print Media hi a tangkaina a la nep chuang lo. Kum zabi 15-na laihawl vela hmuh chhuah Printing Press hian he khawvel nun phung tun thlenga hmuh theihah ‘Agriculture’ tih lohah chuan a sawi danglam nasa ber a. Printing Press awm hma kha chuan lehkhabu reng reng kha kutziak vek a ni a, copy siam nan hun a duh rei a, a hahthlak bawk. Chuvang chuan lehkhabu pawh a tlem em em a, lehkha chhiar thiam tur pawhin chung lehkhabute chu zir nan a ngai a, mi tlemte chauh lo chuan an nei phalo a ni. Printing Press awm chinah chuan lehkhabu tam zawk leh tlawm zawk a chhut theih ta a, mi tam takin lehkha chhiar pawh an thiam theih phah ta a ni. Printing Press hmuh chhuah a nih hnu lawkah Europe ramah te chuan lehkha chhiar thiam an lo pung sawt a, tunlaia school kan tih leh sumdawnnate pawh a rawn intan chhoh phah ta a ni. Tunlaia changkanna hrang hrang kan hmuh theihte hi Printing Press atanga kan neihte an ni ber.(4) Kan ramah mimal thenkhat thahnem ngaihna avangin printing press tha kan nei ta zel a. Hemi avang hian weekly magazine kawm te pawh colour mawi tak takin kan neih theih phah ta a. He tih rual hian a chhung thu nen pawh in zawm miah lo kan magazine kawmah te chuan hmeichhe sexy pui pui an tilang nasa ta mai a. Magazine thenkhatah phei chuan ruak ngal ngat mizo nula thlalak ni awma lang te hmuh tur a awm ta. Hetiang saruak leh sexy pui pui magazine kawm a an tih lan chhan ber chu an hralh tam theih nan a ni.

24
Chu chuan mipui mimir mizia chiang takin a tar lang nghal bawk. Heng magazine kawm chhu tam ber ‘Printing Press’ neitupa nen kan inkawmna atanga kan thil hriatte chu hengte hi an ni. Magazine pakhat chu a kawm(cover) a tlangpui thuin copy 1000 an order thin a, heng copy 1000 te hi a zatve aia tam mah chauh an hralh thin a. Tun hnai deuh a saruak thlalak a kawmah an tih lan chiah khan an hralh zo nghal vek a, copy dang an rawn order belh leh a, mahse hun chep leh hna dang avangin an chhu belh leh ta em lo. He weekly magazine hi copy khat Rs 20/- a ni a, copy 1000 an hralh zawh vek chuan a vaiin sumah chantir pawh nise Rs 20,000/- chauh an hmu dawn tihna a ni a. Sum dang han hmuh belhna tur Advertisment tih tham a awm bawk si lo. An senso zawng zawng han paih phei chuan Rs 10,000/- hi an hmu pha ang em aw! A kawma hmeichhe thlalak hi Mizo nula an ti a, a lo ni tak tak a nih chuan saruaka thlalakna manah hian pawisa tih tham a hmu lo tih a chiang reng bawk. A hmel tak a lan chian loh avangin a zuartu lamin an hralh tam theihna turin mizo nula a nih hi an ti ta mai pawh a ni thei! Engpawh ni sela, he magazine mai bakah hian hetiang lam, magazine kawm sexy lutuk kan khawlaiah zalen taka an zawrh hmuh tur a tam ta mai. State dangah pawh hetiang deuh hi chu a awm ve thova, mahse ruak ngal ngat thlalak te hi ualau takah an dah ngai lo.Naupang kum tlinglo thlenga an hmuh theih lohna turin an chilh bo thin a ni ngai a. Keini ramah ve thung chuan naupang pawhin an hmuh theih turin ualau takin kan khawlaiah an zuar heo mai! Heng thlalak kan faten an hmuh hian an nunah nasa takin hetiang lam pawisak lohnaah a kaihruai tih a chiang reng si a. Kan hnam an hralhna man hi an mahni hlawk duhna vang a nih pawn a va han tlawm tak em!! Thuziak kan hmuhte hi ‘Sex’ lam hawi a tam em em mai bawk si. Hetiang lama inkhuah khirhna turin

25
kan sawrkar hian tan a la lo em ni tiin hetiang lama thuneitu pakhat hi ka zawt a. Ani chuan “Hmalak pawh kan tum, mahse, sawrkar-in Press mite zalenna tih tawp a tum tiin an politicalise a, hma a lak theih loh a ni” a ti. Zahmawh rawngkai kan duh duha thlalak tih chhuah hi Press mite zalenna a ni em le!. Dan lam pawh thlir kher lo hian hetiang thil hi chu kan chhia leh tha hriatna atang ringawt pawh hian a thiang lova, van lam thupek (divine moral ethics) kalh a ni. Hengtiang tichhuaktute pawh hian an inthiam chuang lo ang. Mahse, sum hmuhna tur a nih chuan nawhchi zawrh pawh kan pawisa lo a ni tihna a ni em? Chu aia pawi leh zual chu kan hnam kan hralh tih kan in hrelo hi a ni. Tin, he press neitu vek hian hetiang lam chhut hi an hreh ve ngawih ngawih a, mahse, han tan chhan turin sawiselna mipui lam atangin emaw NGOs te atangin engmah a awm bawk si lova, sumdawng an nih angin an lo chhutsak leh mai thin thu a sawi bawk. Tute pawl emaw chuan han sawisel na deuh sela chuan awmzia a nei hma viau dawnin a lang. Kohhran hian kan mawhphurnaah kan lak chi a ni ang em? MHIP lam chanah kan dah zawk dawn em ni ang? Kan fanute an zahawmna an tih chingpensak mek lai hian khawiah nge kan ‘human right activist’ hote kha an awm zawh tak! Chanchinbu leh magazine-te hi a chhuak tam zel a, hmasawnna lam chu a ni ngei mai, mahse thu chhuah leh thlalak tih lan chungchangah hian fimkhur mawlh teh se. Hei hi tuna chanchinbu leh magazine enkawl mekte hian hre mawlh teh se; Zahmawh rawngkai tih chhuah hi Media Ethics bakah Dan-in a phal lo tih hi. Hremtheihna dan chu (5): 1. Section-292 IPC-ah chuan zahmawh chuanna bu hralh leh zawrh phal a ni lova. Chuting ti chu a vawi khatna atan kum hnih thleng lung in tantir leh tangka cheng sanghnih emaw chawi tur a ni. He dan hi a bawhchhe nawn leh a nih chuan kum nga thleng tantir leh cheng sangnga chawitir leh tur a ni.

26
2. Section – 293 IPC-ah chuan naupang kum sawmhnih hnuai lam hnenah zahmawh lam hawi hralh/zawrh leh pek hi kum thum thleng tantir leh cheng sanghnih thleng chawitira hrem theih a ni a. He dan hi a bawhchhe nawn leh a nih chuan kum sarih thleng tantir leh cheng sangnga chawi tira hrem theih a ni.

Television
TV man a tla hniam zel a, khawpuiah phei chuan in tin deuh thawah TV kan nei a ni tawh ber a. La neilo tan pawh, duh duh huna enna tur an haih chham chuang lo. TV hlutna tizual turin Cable TV kal tlangin programme chi hrang hrang hmuh tur a tam ta em em a. Chhungkuain mahni in lumah programme chi hrang hrang kan han en thei ta mai hi chu changkanna nuam tak a ni. Tunlai huna kan TV hmuh theihte pawh a changkang ta hle mai. TV set kan hmuh theihte hi kum tinin a tha zawk a rawn chhuak thar zel emaw tih mai tur a ni. Tun hma TV-te kha a screen pawh pum deuh et ut a ni thin a. Tunlai TV chu han en mai pawh hian a nalhin mit a la zak mai. Heng TV-te hi a screen milem lanna lai tak technology an hman dan azirin a pianhmang te pawh a danglam a ni ber a. Cathode Ray Tube (CRT) hmang TV te hi kan hmuh tam ber thin kha a ni a. Heng CRT TV te ho hi chu a screen len ang azirin a chhah ve zel thin a, dahna hmun a heh em em a ni. Tunlaiah chuan Plasma leh LCD (Liquid Crystal Display) hmang TV tam tak a rawn chhuak tawh a, heng TV-te hi chu a pum ve lova, chuvang chuan heng TV ho hi ‘flat screen’ an ti a. A zangin bangah te pawh han tar mai theih, hun ngailo chi te pawh an siam chhuak hial a ni. Tin, kan duh emaw duh lo emaw nakin lawkah

27
chuan, TV thar reng reng hi ‘Flat Screen’ vek an la ni dawn a ni. A chhan pakhat chu, technology lo thang chho zelah picture quality tha zawk HDTV, resolution sang DVD te a lo chhuah tak zel vang a ni. Heng Digital picture te hi a fiah zawkna leh a that zawkna tak tak heng ‘flat screen’ TV kan tih te hmang lo chuan a hmuh theih loh a ni. Tin, TV programme kan en theihna lam technology pawh a danglam ve zel. Cable TV hi tunah chuan kan hriat lar ber a ni a. IPTV (Internet Protocol Television) tih te a awm leh tawh a. IPTV hi Broadband Internet kan tih nen hian a kal kawp a. Broadband Internet hmangin TV programme kan en thei dawn a ni. IPTV-ah hian, TV entute lam duh dan thlan theihna tam zawk a pe thei dawn a. Chu chu hetiang ang hian han sawifiah tum ila; Cable TV operator-ten Music demand channel an siam a, kan duh duh hla Telephone hmangin kan thlang thei a. Ka hla enduh ka thlan kha ka thenawmpain a lo en ve duh kher lo pawh a ni thei, mahse ka thlan tawh chuan he channel entu zawng zawng chuan an en vek a ngai a ni. IPTV-ah ve thung chuan heng demand channelah te hian hla a ni emaw video ani emaw i duh duh i tlang thei ang a, i duh thlan i en lai khan i thenawmpa chuan ama duh zawng hla emaw video emaw a lo en ve mek thei bawk ang. Tin, TV programme pangngai i en duh tak te kha rokhawlna dang vangin lo en hman ta lo la, i hman hunah i en theih turin delay programme i set chuan i en leh thei mai dawn a ni. IPTV hi India ram khawpui thenkhatah chuan lak theiin a awm tawh a, Mizoramah pawh kan la nei ve thuai dawnin a lang. IPTV hi internet broadband kal tlanga en tur a nih a, TV a connect luhna turin ‘settop box’ an tih chu a ngai a. Mimal tinin an en duh channel te subscription an lak ang milin he settop box kal tlang hian an en thei dawn a ni. Tuna Cable TV a channel cable TV operator in an rawn tih chhuah zawng zawng kha kan

28
duhloh zawng pawh kan dawng tho tho a, IPTV-ah ve thung chuan kan duh channel chauh kan lei thei dawn tihna a nih chu. Channel thenkhat kan faten en lo se, kan tih pawh dan a awlsam sawt ang. TV-a kan thil ente hian kan khawtlang nun leh thalai nun nasa takin a khawih danglam tih hai rual a ni lova. Tun dinhmunah chuan TV kan en tamna ber chu cable TV hi a ni. Chuvangin Cable TV lam hi chipchir zawkin han sawi ila.

Cable Television
Television nei tawh phawt chuan Cable TV connection hi pawh ngei ngei turah kan ngai niin a lang. Khawpuiah phei chuan in tin deuh thaw hian kan nei a ni ta ber mai. A tha zawngin nasa takin kan khawtlang nunah hna a thawk a. Local Cable TV News te chu kan thuthar hriatna hnar ber a ni ta a. Kawng hrang hrangin khawtlang changkanna kawngah pawh a thawh hlawk em em a ni. Tin, kohhran lam thlir pawhin programme hrang hrang Crusade leh khawmpui lian thenkhat te cable TV-ah an tih chhuah ngat hi chu nasa takin mipui mimir zingah nghawng a nei bik a ni. A tangkaina sawi sen loh karah hian heng Cable TV bawk hian a chhe zawngin kan khawtlang a nghawng mek bawk. Kan thalaite nun a nghawng nasat dan em em hi chu rin phak bak a ni. Kan khawlai ti ti leh khawtlang nun hi TV programme-te hian Pathian thu aiin min ur lum zawk ta ni berin a lang. Kan khawpui ber Aizawlah leh District khawpui dangah pawh i len chhuah a, i hmuh hmaih hauh loh tur chu mipa sam maksak pui pui te, hmeiche kekawrtlawn tawt tak leh kaptawi lutuk te, lai lang kawr te, bengbeh fual tak tak te, hmeiche sam colour maksak tak te leh mipa bengbeh tut te hi an ni ang. Heng zawng zawngte hi in zawh tam ngai

29
lovin Music Channel MTV thilthlawnpek vek a ni. Kan buante hi tisa leh thisen an ni si lo, milem te, hmuhnawm te, nawmsip bawlna chi hrang hrang te, kan duh zawng tak kan inchhungah min luhkhung mekte an ni zawk e tih hi thupuia neih thar leh a tulzia kan hmu thei ang. (5) Heng kan Cable TV programme hrang hrang kan hmuh thinah te hian Kohhran mite tan a tha lo leh dan pawhin a phal hauh loh thil tam tak a awm ngei ang a. Kohhran hi kan ngawi reng mai dawn em ni? Sorkar lam pawh inkhuahkhirna dan ken kawh lamah an ngawi tlat bawk si a. Kan ko ei thei ang em? Chung khuahkhirna dan te chu i han zir ho teh ang.

Dan lam
Cable TV chungchangah hian dan fumfe tak THE CABLE TELEVISION NETWORKS (REGULATION) ACT, 1995 a awm a. He danah hian Cable TV operators ten Programme thalo an tih chhuah loh nan ‘Programme Code’ zawm tur duan chhuah a ni a. Tin, mahni thil zawrh leh company te fakna (Advertisement) chi hrang hrang an tih chhuah khawtlang tan a pawi loh nan ‘Advertising Code’ te a awm bawk a ni. He dan zawm lo te hremna tur te pawh ziah lan a ni bawk. He dan hi India ram state tinten an zawm theihna turin State level leh District Level Committee State tinah din ngei ngei tura hriattir an ni vek a. Mizoramah chuan a hming chuan State level committee hi chu din a ni a, mahse tun thlengin hmalakna a la awm lo. The Cable Television Networks Acts, 1995 hi siam that (amendment) zeuh zeuh a ni a. Heng bakah he dan behchhan kaihhruaina chi hrang hrang tih chhuah a ni bawk.

30
He dan ‘The cable Television Networks (Regulation) Act, 1995 hi mizo tawngin Information and Public Relations chuan an chhuah chhawng leh a. Heta mi Programme Code leh Advertising Code Cable TV Operator tin ten an zawm tur chu hetiang hi a ni. Programme Code : (1) Cable service-ah heng ang programme hi chhuah loh tur a ni :(a) Rilru tha thianghlim tichhe thei thil; (b) Thenawm leh ram thianthate sawichhe lam thil; (c) Sakhua, pawl, sawichhiatna hmuh theih leh tawngka ngawt hmanga tih leh sakhaw pawl hming tichhiaa hnam leh hnam inthliarna tur chi reng reng tihlan; (d) Zahmawh lam, insawi hmingchhiatna, inpuhna diklo leh phuahchawp leh thudik chanve puanchhuah; (e) Dan leh dun kenkawhna kawnga harsatna thlen thei khawpa tharum thawhna tihlanna leh a thlawp zawng ang chi thil, hnam leh ram tana hmelma siam thei thilte; (f) Court demna emaw tihhmingchhiatna thil te; (g) President leh Judiciary inkungkaihna tinghing thei thil; (h) Ram leh Hnam inpumkhatna khawihchhe thei thil; (i) Mimal emaw pawlho emaw sawiselna, indemna leh inhmuhsitna, khawtlang mipui leh ram nunphung tichhe thei thil te; (j) Puithuna atthlak leh rinnna mitdel tihlarna lam thil; (k) Hmeichhe tihhmingchhiatna – hmeichhe tisa ruangam emaw taksa bung thenkhat emaw thianghlim tichhe thei, hmeichhe chunga hleilenna cho chhuak thei leh mipuite rilru leh ngaihtuahna hruai sual a, tihmelhem a, hliam thei thil tihlan;

31
(l) Naupangte rilru hruai sual thei thil; (m)Hnam, chibing, tawng hrang nei leh ram binga chengte rilru tina thei zawnga an lem leh anmahni hmuhsitawm, mualpho leh ngeiawm zawng taka a lem leh tawngkaa tarchhuah thin te; (n) Cinematograph Act, 1952 kaihhruaina bawhchhe zawng thil te; (o) Mipui hmuh atana thil tha lo zawng zawng. Hrilhfiahna : He clause atan hian ‘mipuite hmuh atana tha lo’ tih hian Cinematograph Act, 1952 (37 of 1952) a tar lan zawng zawng a huam ang. (2) Cable operator chuan a cable service-ah hmeichhe dinhmun a tha zawng, thuneihna a chan theihna tur te, rilru leh nungchang kaihhruai tha thei tur ang chi programme a chhuah hram hram tur a ni. (3) Cable operator tumahin Copyright Act, 1957 (14 of 1984) kalhin copyright chungchanga dan bawhchhiatna programme a telhin a hmang tur a ni lo. He programmes chhuahna tur hian Act-in copyright neitute phalna a pek anga a ti a nih chuan thu hran. (4) Naupangte en tur programme-ah chuan tawngkam mawi lo leh tharum thawhna rapthlak a tel loh theihna turin fimkhur hle tur a ni. (5) Naupang tam zawktena an en theih hun chhungin naupangte tana tha lo tur programme chu cable service-ah tihchhuah loh tur a ni.

Adver t i si ng Co de
(1) Cable service-a advertising tihlante reng reng hi ram dan zulzuia tih tur a ni a, mihring rilru, thianghlimna leh sakhuana rilru tina thei thil an ni tur a ni lo. (2) Heng thil lam hawi advertisement chu khap a ni – i) Hnam, chi, vunrawng, pianna leh hnam nihna tichhe thei; ii) India Danpui kaihhruaina kalh thil reng reng;

32
Tharum thawh kawngah te, dan bawhchhiat leh mi tihnat leh dan pawisak lohna lama mite hruai thei thil te emaw tharum thawhna chawisanna leh saruak zahmawh tihlanna lam reng reng; iv) Dan bawhchhiat hi a nuam ti zawnga tihlanna; v) Hnam chhinchhiahna (national emblem) emaw Danpui khawi lai pawh emaw mimal leh pawlho, ram hruaitu leh State hruaitute tihmelhem thei thil; vi) Hmeichhia a tihlanin khua leh tuite zawng zawng hnena danin chanvo a pek kalh zawngin tihlan tur a ni lo. A bik takin hmeichhe tihhmingchhiatna lam leh tihmelhem thei thil chu advertisement-ah tihlan loh tur. Hmeichhiate reng reng an rilru tihnual zawng, an theihna tithu anawp zawng nilova chhungkhua leh khawtlanga puitu pawimawh leh thachhangdawltu an nihna leh an pawimawhna tihlan a tul. Cable operator chuan hmeichhe pianhmang, cable service-a tihlan hi fimkhur ngai leh dimdawih ngai an ni tih hriain an chunga rilru dik leh, thianghlimna put a nih theihna tura puitu lam hawia an tihlan thin a tul hle. vii) Thuamchhawm phutna (dowry) leh naupang inneih (child marriage) khawtlang tana hmelma te hnualsuatna rlru aia chawisanna ang chi te; viii) Heng thilte hi siam, hralh leh hman/in fakna lam(A) Sikret, vaihlo/sahdah, zu leh ruihtheih thilte; (B) Nausen hnute, nu hnute nilo leh hnute hnek bur leh nausen chaw te fakna a khap tlat; (3) Advertisement reng reng, a pum emaw a then emaw sakhua emaw politics rawngkai chu phal a ni lo; advertisement reng reng sakhua leh politics lama inbeihna reng reng phal a ni lo; iii)

(3A) Sakhuana thila rilru intihnatna lam tur reng reng advertisement-ah hian tihlan remtih a ni lo.

33
(4) Bungrua leh thil dang hmanraw chi reng reng fak lar te chu Consumer Protection Act, 1986 ang in a chhia emaw lei tham awmlo a ni tur a ni lo. (5) Advertisement reng rengah eng thil pawh mipuite hnenah finfiah leh enfiah hleih theih tawh si loh an thilsiam fak tumna avanga uchuak taka thil engemaw bik tak pai emaw, thil mak inphum emaw, that chungchuan bikna emaw nei anga pho lan hi khap a ni; (6) Advertisement-a a lem leh aw ri lo chhuakte chu ‘a ring’ (excessively loud) uchuak tur a ni lo. (7) Cable service-ah hian naupangte himna tichhe thei emaw thil thalo tihchhin duhna khawp rilru siamsak theitu emaw kutdawh duhna rilru emaw tihdan tha lo leh thianghlim lo tak an zawm ve duhna mai tur ang chi advertisement tih phal a ni lo; (8) Advertisement zawng zawngah hian bawlhhlawhna, tawngkam bawlhhlawh rawtna, thil thalo leh a diklo zawnga mite fuih thei thil emaw inenkawlna ang chi reng reng pumpelh tur a ni. (9) Advertising Agencies Association of India, Bombay te pawm advertising agencies tena an pawm tihdan phung (standard of practice) kalh thilte chu advertisement-ah tih loh tur a ni, cable service-ah hian he agencies ten kaihhruaina an siam chu hun bituk siama tihchhuah thin a ni. (10) Advertisement te reng reng hi programme pangngaite laka awlsam taka thliar hran theih an ni tur a ni a, programme bawhzui zawngin tih tur a ni lo. Entirnan, a screen hnuailam fakna (caption) atana hmanga programme sira lo che a lo vir ve sek ang chi hi hman loh tur a ni. India ram chhunga TV channel mipui hmuha tih chhuah tur reng reng chu phalna lak a ngai a, chutiang phalna nei channel hrang hrang 359 zet Ministry of Information and Broadcasting website-ah tarlan a ni(6). Heng channel tih chhuah phalte hi Cable TV mai bakah

34
DTH (Direct to Home) TV te pawh a huam tel vek a. Heng channel tam tham tak tih chhuah phal zingah hian tawng dang Hindi leh English ni lo tam tham tak a awm a. Mizo ten kan en thei chi channel pawh tam tham tak a awm bawk. Chutih laiin cable TV operator tinte hian heng phalna nei channel bakah hian channel eng emaw zat India rama tih chhuah phal zinga awm lo an ti chhuak mek bawk. He dan kengkawh tura State Level leh District Level a committee fumfe a awm tlat si loh chuan kan cable TV operator-te pawhin channel an tih chhuahte hi phal a nih leh nih loh pawh an hre kher lo pawh a ni ang. Heng channel tih chhuah phal loh bakah hian DTH khawchak lam atangin phalna nei hauh lo rawn la lutin thenkhat sawi dan phei chuan ‘Pornography’ hlang hlak channel te pawh lei tur a awm mek zel a ni. Cable Television Networks Acts, 1995 bakah hian dan ding lai awmsa Cinematograph Act, 1952 a awm a. He dan hian a phut chu eng cinema film pawh mipui hmuha chhuah a nih hmain Central Board of Film Certification (CBFC) an pal tlang ngei ngei tur a ni a. CBFC chuan category hrang hrangah a lo thliar hrang ang. Chung category hrang hrangte chu:

“U”

- Mipui vantlang en thei

“U/A” - Kum 12 aia naupang en phal loh a ni a. Tin naupang kum 12 aia upa tan nu leh pa te kaihhruaina hnuaiah an en thei ang. “A” - Puitling Kum 18 chung lam chauh en chi “S” - Special category tihna a ni a, heng film te hi technical, scientific, medical emaw lam film tihna a ni a. Mi zawng zawng en chi a ni lova, hetiang lama mithiam bik te chauh en chi tihna a ni. Entirnan – Doctors te.

35
Heng Category hrang hrangte hian Cable TV-ah emaw cinema hall-ah emaw chhuah phal hun an nei vek a, hetiangin:-

S.No 1. 2. 3.
(Ref: (6))

Category of Programme Chhuah phal hun ‘U’ & ‘S’ ‘U/A’ ‘A’ Eng tik lai pawhin 8:00 pm to 4:00 am 11:00 pm to 4:00 am

Kan local channel-ah hian heng category thliar hrang miah lo hian film chi hrang hrang an duh hun hunah cable TV operator te hian an chhuah mai niin a lang. Fimkhur kan ngai hle mai bawk.

Dan Bawh ch hi a hr emna k enk awh tawh t e: Cable TV channel thenkhatten he dan an zawm loh avangin hremna an tawk nual tawh a. Ni 1.9.2008 thleng khan vawi 80 zet hremna lehkha cable TV channel hrang hrang hnenah thupek (Order) chhuah a ni tawh a ni(6). Chung zinga thenkhatte chu:AXN: Worlds Sexiest Advt. Programme an tih chhuah avangin 17.1.2007 atangin 15.3.2007 thleng he channel hi tih chhuah phalloh (banned) a ni a. Ni 1.3.2007 atang khan he hremna hi an hlihsak leh a ni. Cine World: Ni 26.11.2004 a puitling film an tih chhuah vangin he channel hi thla khat chhung chhuah leh pek chhawn phallohna order ni 24.3.05 khan pek a ni. FTV.com India: Mid Night Hot programme an tih chhuah avangin he channel hi thla hnih chhung(1.4.2007 – 30.5.2007) tih tawpna order ni 29.3.2007 khan chhuah a ni a.

36
All Channels: ‘Frenchie-X’ Undergarment fakna tichhuak lo turin cable TV channel zawng zawngte ni 15.5.2008 khan hriattir an ni. ‘Lux Cosy Undergarment’ fakna chhuah phal lohna order ni 10.6.2008 khan chhuah a ni bawk. Mizoram hian heng dan kenkawhna chungchangah hian Kristian kan nih ang ngeiin State dang aia thain kan ti thei dawn lawm ni? Hemi kawngah hian sawrkar tha tichak turin Kohhrante hian hma kan lak ngei a tha ang em? Sawrkar lam pawhin he dan hi kan zawm ngei theina turin State leh District Level Committee te hi fel fai takin din ngei se la. Kan cable TV operators tin deuh thaw hi khawtlang tana thahnem ngai leh mi tangkai tak te an nih mai bakah kohhran mi tak tak te an ni bawk si a, dan fumfe zawm tur zawng zawng hi i he lovin an zawm mai tur a ni a.

Mobile Phone
Mizoramah Mobile Phone ni 31 January 2004 khan Dabur Hallah His Excellency Pu AR Kohli-in BSNL mobile service hawnna a neih kha kan hmelhriat tanna chu a ni. Mobile Phone hi a tangkaina lamah chuan a tangkaizia kan hre tlang vek a, sawi tam pawh a ngai awm lo ve. Mitinin neih kan tum ta emaw tih mai tur a ni. A behbawm thil tam tak sawi tur pawh a tam hle mai. Technology lamah chuan tuna kan hman lai hi Generation 2.5 (G2.5) technology a ni a. G3 Technology chu tunah hian khawvel hmun dangah an hmang tan ve mek zel a, Mizoramah pawh hian hun reilo te chhungin G3 technology kan khawpui deuh deuhah chuan kan hman mai theih turin ruahmanna a awm vek tawh bawk. G3-ah hi chuan inbiak pawhna (Voice) hi a ve lek a ni dawn a, he technology laimu ber chu

37
‘Data’ a ni a. Internet speed chak tak kan nei thei dawn a ni, a inbiak pawh theih ve bawk ang. Mi tam takin Mobile phone kan nei ve ta a. Kan kalna apiangah biak pawh theih leh hman theih a nih avang hian a tha lo zawnga hmang duhtu tan pawh hman sual awl tak a ni. Heng a tha lo lama kan hmanna langsar zual ber ni a lang chu SMS leh a mobile phonein a ken tel thlalakna leh chumi inthawn darh zung zungna turin ‘Bluetooth’ hi a ni. SMS hmang hian nula leh tlangvalte bakah kawppui nei laite tan pawh midangte hriat lem lovin a inbiak pawh theih reng a, mipat hmeichhiatna thalo tak hmanna kawnga hruai luttu hmanraw pakhat a ni reng mai! Kan hman danah kan fimkhur a ngaihzia hi kan sawi lang reng tur a ni ang. Tunlai hian hmeichhia leh mipa inpawl lai thlalak kan mizo ngeite thlalak an inthawn darh chum chum mai a! Tunhma deuha a ruktea miin an en thin chu tunah chuan kan ak ta fer fur mai a ni. Puitling lamin kan hriat ve hma hian thalai lam chuan heng thil hi an lo nei fer fur tawh thin si a. Mipat hmeichhiatna hi sualah kan thalaite hian an ngai lo mai ang tih hlauawm tak a ni. Hetiang reng a kan kal zel chuan kan tu leh fate tan hian thanlenna environment a chhe lutuk deuh lo maw! Tin, heng bakah hian Internet atangtein kan thalaite hian mobile phone-a thun chi pornography te an download-in an thehdarh thin niin a hriat bawk.

K h a pna dan:
The Information Technology Act 2000 tih chu India ram state tina hman tur dan kan nei a. He dan section 67 hian heng mipat hmeichhiatna digital forma thlalak leh video midang pek chhuah, thawn chhawn, a khap tlat a. Heng dan zawm lote hi an tihsual vawi

38
khatnaah lungin kum 5 tantir theih leh Rs nuai 1 chawi tir theih an ni a. Tin, an tih sual nawn leh chuan kum 10 lung in tan leh Rs nuai 2 thleng chawitir theih an ni(8). Upa C.Ngurthantluanga nen ni 5th September 2008 khan heng Mobile hmanga zahmawh buru pui pui kan in thawn darh chiam chiam mai tih rehna turin eng tiangangin nge hmalak tha ang tiin Police lam hotute hnenah kan leng a. Police lam hotute chuan heng dante hi NGO emaw, kohhran lamin emaw hetiang lama hmalatu hi awm sela, mipuiah dan kalh a nihzia te puanzar tam ni sela, tin, tute pawhin hetiang lam zawng an hmuh reng reng Police hnenah FIR theh lutin dan hmangin an chungah rorelna a ken kawh theih reng thu kan dawng. Kohhranin a huatzia thu leh hrem theih dan hi kohhran mite hnenah tam zawkin puangzar ila, Mobile Phone zahmawh rawngkai lam theh darh chiam chiam hi chu a nep thei ngeiin a rinawm.

Internet
Broadband Internet kan neih chinah hian kan Internet hman dan chu a ni telin a danglam chho zel a. Phai lama school kal chawlh hmanga rawn hawng naupang nu leh pa te phei chuan an faten an chawlh chunga an homework tih nan internet an mamawh thu an sawi ta sup sup mai. India ram pumah Internet kan hmang tam tan ta hle mai. Keini Mizoram, ram kil khawr taka awm te pawhin Broadband Internet chu harsa tak chungin kan hmang ve thei ta sawih sawih a, kan tangkaipui tak zet ta. Kan tangkaipui deuh deuh dawn bakah kan hmanna a tam tual tual dawn. Hmasawnain a ken tel a nih avangin kan bang thei bik lo. Internetah chuan thil tangkai tak tak, information kan mamawh ang chi hrang hrang subject hrang

39
hrangah hmuh tur a tam em em mai a. Loneitu leh scientist ropui berte tan, Zirlaite leh Profession ropui tak tak te tan, fans leh zaithiam larte tan, kut hnathawka ei zawngte leh Industrialist ropui ber ber te tan, thilsual tih tumtu leh Pathian thuhriltu te tan, mi chi hrang hrang ten kan thil hriat duh tin reng awm khawmna a ni ber mai. Kan sawi tak ang khan, IPTV kan neih theih hunah phei chuan TV leh Video film hrang hrang te enna hmun atan kan hmang leh zel dawn a. In sumdawn tawnnaah pawh in chhung lum atangin khawvel hmun hrang hrangah kan bazaar theihna hmanrua a ni a. Dawrpui lun laiah hmun chang kher lo mah ila, veng kil khawr atanga Aizawl chang lo khawvel ram zau zawk huap dawr lian hawn theihna hmanrua a ni ti te pawhin kan sawi thei bawk awm e. Lehkhathawn lamah pawh Post Office thawk rang ber chi ram hla leh hla lo pawh ang khat renga ngai a second rei lote chunga lehkhathawnna hmanrua a ni bawk. Inbiakpawhna (voice) lamah lah chuan IP Telephone an sawi lar leh tan tawh lehnghal a, man tlawmtein khawvel hmun hrang hranga mi kan biakna hmanrua rinrawl ber a la ni hial thei mai awm e. He Internet hi khawvel mihring 6,67,61,20,288 nia ngaih zingah ni 30 June 2008 a hmangtu chu mi 1,46,36,32,361 zet awm ang a chhut a ni a. Khawvel mihring 21.9% zetin internet hi an hmang tawh tihna a nih chu. Ni 31 December 2000 nen khai khinin 305.5 % zetin Internet hmangtu hi an tam a ni(9).

Pornography:
He Internet hmangrua tha tak mai khawvel hmun tinrenga hmangtu tam tak awm mek leh pung zelah hian thil tha chhiar sen loh a awm lai hian, thil bawlhlawh leh tenawm ber berte awmna hmun a ni ve tho mai. Mipat hmeichhiat hman khawlohna kawngah

40
phei chuan Pornography website a tam em em a. Zalen taka naupangten an hman atan phei chuan hmaraw hlauawm ber a ni. Kan han hmuh theih mai pornography websites statistics Internet-a chiang kuang taka tarlan chu kum 2006 statistic kha a ni a. Heta tar lan dan chuan website awm zawng zawng 12 % hi pornography websites a ni a, search engine hmanga thil zawn zawng zawng 25% leh Internet atanga download 35 % hi pornography lam a ni. Tin pornography atana pawisa che vel hi $97.06 Billion vel a ni a, chu chu Technology company lian tak tak Microsoft, Google, Amazon, eBay, Yahoo!, Apple, Netflix and EarthLink hlawh chhuah belh khawm ai pawhin a tam zawk a ni(10). He tiang khawp a, pornography tamna hmanrua hi chankanna kan ti fo dawn em ni? Internet-in a ken tel thil tha lam a tam em avang leh hmasawn zelna a nih avangin a khap zawng erawh chuan khap chi chu a ni si lo. Heng lakah hian kan fihlim theina turin a hman dan kan zir thiam a pawimawh a ni mai. India ramah hian vanneih thlak takin pornography lam sumdawnna hi danin a khap hlau mai a, amaherawh chu pornography websites en (visit) chu Internet atangin a theih reng tho si a, khap theih pawh a ni awm kher lo ve. Kan han sawi tak Print Media, Television leh Mobile Phone lamah khian a tha zawngin hmang thiam viau mah ila, Internet lamah engkim a lo hmuh leh theih vek si chuan awmzia a nei hauh lovang. Entirnan: Cable TV-ah sex lam rawng kai awmna zawng zawng channel hi ti tawp vek mahse, a aia nasa zawk internetah awlsam takin hmuh tur a awm reng tho bawk si a. Chuvang chuan Internet hi mipui vantlangin kan la hman tak tak hma hian tan lak hun lai tak a ni. Tun din hmunah chuan naupang Internet hman mamawh kan ramah an la tlem hle a, phai lama zirlaite

41
hian an hmang tam deuh ang a tih chauh a ni hrih a. Internet in lama nei te pawhin naupang hman atan ni lovin puitlingin kan mamawh vang a ni deuh ber zawk. Amaherawhchu in lama kan computer hi naupangten games khelh nan leh thil dang tihna turin min tawmpui chawk avangin kan hriat hauh lovin Internet hi an lo hmang ru ve tho thei tih erawh hriat a tha khawp mai. Puitlingten Internet kan hmanin thianghlim takin hman kan tum tur a ni a. Kan fate pawhin nakin lawkah chuan Internet nen hian lehkha an la zir a ngai dawn a ni tih hriain keinin bul kan tan that chuan kan fate pawh an him ang. Puitlingte hian Internet kan hman reng rengin kan thil hriat duh zawn nan te leh email thawn nan te kan hmang tlangpui thin a. Hetih lai hian thalaite chuan music, movie, games, chat etc. nan an hmang ve thung a. Sites dang dangah an lut vak vak a, he tia an luh kualna lamah websites tha lo tak takah te an kal phah thin a ni. Kristian ten Internet kan hman laiin ramri fel tak kan kham ang a, Christian kan nihna hre rengin hman dan phung fel tak inkaihhruaina atan ‘Christian Internet code of ethics’ hi kan hmang thin tur a ni.

The Christian Internet Code of Ethics(11):
Kristian ka nih angin Internet ka hman lain min kaihruaitu atan hengte hi ka zawm thin ang:1. Internet hmanga ka thian siamte nen kan inlaichinna thianghlim takin ka vawng tlat ang. · Internet hmanga ka thian siamte nen hian inkungkaihna (relationship) nghet tak, mahni nihna sawi chiang si lovin a neih theih a ni tih ka hrethiam a; chuvangin, nupa inkar tichhe thei tur ang zawngin

42
thian ka siam lo vang a; tin, nupa inkar chauhva hman tur thilte ka hmang ngai lo vang. 2. Kristianna tidal thei tur reng reng website ka en ngai lovang. · Kristian ten website thenkhat kan en hauh loh tur a awm tih ka hria a, a bik takin mipat hmeichhiatna hmanna lam (pornography) te hi ka en ngai lovang. Heng website-te hi en hrim hrim pawh a him lo tih ka hria. Tihpalh thil thuah Internet ka hman lain a lo inhawng palh a nih pawhin rang takin ka khar vat thin ang. 3. Internet-a midang ka chat-pui laiin ka thuziakah Isua hming timawi lo thei thil lakah ka fimkhur thin ang. · Ka sawi lan chak em em pawh ni se Lalpa lawm zawng a ni lo tih ka hriat chuan sawi lo turin ka inthiar fihlim ang. Ka thusawi leh chhut lan zawng zawngah mi dik tak leh mi tak tak ka nihzia ka tilang thin ang. 4. Nun phung pangngai tidanglam khawpin Internet hman nan hun ka hmang ngai lo vang. · Internet hman hian hun a heh em em a, chhu ngkaw tana hu n hlu tak te, inkhawmna hun te leh tih tur tul dangte tibahlah khawpin a hman theih tih ka hria a. Chutiang lakah ka inveng tlat ang a, a bik takin Pathian biakna fianrial hun hman thulh phah nan phei chuan ka hmang ngai lo vang. Tin, internet hian hun reilo te chhungin min rawn run na dawn hle a. BSNL bakah broadband Internet connection pe thei private company-te rawn lut turin an intam mek a. Tin, technology thar WIMAX hmangin

43
awlsam zawkin Internet broadband connection hmun kil zawkah pawh kan la thei thuai dawn a. Heng Technology-ten min rawn luh chilh tak tak hma hian, tun hi a inbuatsaih hun lai tak a ni a. Pornography kan sawi mai bakah pawh, naupang hmuh atana tha lo tak tak thil dang pawisa khelna te, tawng zahmawh tak tak hmanga chat-na hmun te Internetah hian a awm tih hriat tur a ni a. Heng lakah hian kan him theihna turin kohhran pawh hian inkaihruaina fel tak siam turin committee te din hial a tha tawh mai thei. Naupangten Internet an hmang lo thei lo a nih pawhin, an hman dawn reng rengin kan awmpui ve reng a him ber, chutiang a nih loh pawhin hmun ualau takah a ruka an en theih lohna hmunah Computer kan dah a him ang. Tin, parental filter te emaw kan hman ngei a tha bawk ang. Computer kan lei reng rengin software kan hmante hi a licence copy ni lo deuh vek kan hmang thin a, Internet kan hmanna tur computer-ah hi chuan operating software licence copy ngeihman tur a ni. Tunlai chhuak operating system kan hman Windows Vista licence copy ho hi chuan parental filter a keng tel nghal a, chu chu Internetah register-in naupang tan pawh him zawkin Internet kan hman tir theih phah dawn a ni.

Khaikhawmna
Heng kan sawi tak Media vang hian mipat hmeichhiatna hman khawlohna kan thalai zingah a hluar hle a, Kohhran hian engtin nge tan a lak zel ang? Dan lekkawh lamah sawrkar thawhpuiin an tha kan tichak thei a ni. Mipui vantlang lamah kohhran duh dan leh ram khuahkhirhna dan hrang hrangte kan puan zar tam a tha ang em? Tin, mi tam takin an lo vei leh an sawi rik kan hriat fo tak ‘Sex Education’ hi kan neih a tul ta tak zetin a lang. Sex Eduaction kan han tih hian

44
mipat hmeichiatna hman dan tha in zirtirna ngawt a ni lo a, dan lekkawh chung chang leh sualna lama min hruai thei thil do leh ti tawh lo tura zirtirna pek te pawh a huam a ni. KTP circle angah te hian a tha zawnga intihhmuh turin tan lak a tul hle mai. Hetia kan dinhmun thalo tak anga kan sawi lai hian kan thalai zingah mitha tam tak an la awm tih kan hriat reng erawh a pawimawh. Bial KTP leader pakhat nen kan inkawmnaah chuan an biala tan an lak dan te min hrilh a. Branch KTP an tlawh kualnaah discussion Group-te Subject bik thlang chhuakin an nei thin a. Chung an subject thenkhat te chu:1. Kristian chhungkua dinna turin eng nge kan harsatna? 2. Nula leh tlangval in ngaihzawnna kawngah eng chen hi nge thianghlim a, eng chen hi nge thianghlim lo? 3. Dan khatna tlin loten Kristian chhungkua an din thei em? 4. Bul tan that ni ta sela, engtiangin nge bul an tan that ang? Heng an discussion neihna atang hian thalai zingah thianghlim taka in vawn tum engemaw zat an awm tih a hriat theih a. Thalai tam takten virgin ngeia nupui pasal neih intiam phah hial te pawh an awm thu a sawi. Kan khawtlang ti ti leh khawsak ziaah hian chhe lam hi a lar rualin, a thate an la tam em em. A thate hian a thalote mit hmuhah awhawm khawpin awm tum se la, tih hmuhtu nih tum zawk tur a ni. Chung mithate chu kohhran nu leh pa te hian kan fuih thiam a pawimawh hle mai. In zirtirna kan uar zel ang a. Mipat

45
hmeichhiatna lakah kan thianghlim chuan AIDS lakah pawh kan fihlim thei ngei ang. Kohhranin helama rawngbawlna a kalpui mek leh kalpui theih dan tur hetiang hian han then ila:1. Naupangte mipat hmeichhiatna sualah an tluk luh lohna turin – Sunday School-ah. 2. Thalaite mipat hmeichiatna sualah an tluk luh lohna turin – KTP-ah. 3. Kohhran nawlpuite he sualnaah an tluk luh lohna turin, an thlarau nun chawm len zel – Kohhran-ah. 4. Hetiang sualna a tlute chhanchhuahna hna – Kohhran-ah. 5. Pathian tihna leh mimalah Kristian nun nghet neia thanglian zel turin – Chhungku-ah. Heng kan chanpual theuh, a bik takin Sunday School leh KTP lamah hian a awm tawk sawi lan a nih theihna turin inkaihhruaina tha siam ila kan hlawkpui ngawt ang. Kohhran hian Pathian rinchhanin he kan khawvel hun tawn mak takah hian kan khawtlang tlu chhe mek hi kan tungding leh thei ngei ang.

Ka hming pu ka mite chuan inngaitlâwma an tawngtai a, min zawn a, an awm dan sualte an hawisan chuan, vân atangin ka lo ngaithla ang a, an sualte ka ngaidam ang a, an ram chu ka tidam leh ang. (II Chro 7:14)

46

Lehkhabu, Websites leh Articles rawnte:
1. Media thiltih theihna – C.Lalnuntluanga 2. Seminar paper on Churches Responses to Sexual Abuse – Upa C.Ngurthantluanga 3. http://www.brookes.ac.uk/services/ocsd/ 2_learntch/theories.html#sensory 4. The making and unmaking of Technological Society – Murray Jardine. 5. Media-in Mizo Khawtlang a nghawng dan – Rev. Lalfakzuala 6. Ministry of Information and Broadcasting website http://mib.gov.in 7. The cable Television Networks (Regulation) Act, 1995 – Issued by Directorate of Information and Public Relations, Aizawl:Mizoram 8. The information Tchnology Act, 2000 9. http://www.internetworldstats.com 10. http://internet-filter-review.toptenreviews.com 11. http://www.naznet.com/ethics

47

CORRUPTION THAT LOHZIA KOHHRANHO ZIRTIRNA TUR

KAIHHRUAINA
THUHMAHRUAI: Kum 2006 Synod Inkhawmpui thurel General No. 44-na chuan, “Synod-in Social Front leh Synod Revival hmangin Corruption that loh zia kohhranho zirtir rawh se” tiin a rel a. Synod thurel chu bawhzuiin Synod Executive Committee 212:17-na chuan, ‘Synod Social Front Committee-in Kaihhruaina lo siam rawh se,’ a tih angin Social Front Committee chuan Corruption that loh zia inzirtirna tur kaihhruaina (Guidelines) a siam ta a ni. Synod-in a rel angin he kaihhruaina hi Synod Revival Speaker te leh Synod Social Front Campaignerten a zau thei ang berin an feh chhuahpui dawn a. Amaherawhchu kan speaker leh campaigner ten kohhran zawng zawng min tlawh kim seng lo mai thei a, chuvang chuan mahni kohhran theuhah a tul ang a kan lo inzirtir theih nan kohhran tin te hnenah kaihhruaina bu hi thawndarh a ni bawk a, he thupui pual hian kohhran tinin inkhawm vawi khat tal chu buatsaih ni thei se a duhawm hle ang. Kaihhruaina a ni tih hre rengin zau zawka corruption that loh zia kan zirna hmanraw tangkai tak a nih beisei ila, kohhranho ten uluk takin i zir ang u. A nasa emaw nasa lo emaw Corruption hian khawvel ram tin mai hi a fan mek a, ram leh hnam tichhetu leh Kristian hmelma chikhat a nih a vangin a that loh zia inzirtir hi thil pawimawh leh tul tak a ni reng a ni. Mizoram Synod chuan kum 1982 kha Corruption do kum atan a lo puang tawh a, tunah kum 24 hnuah Synod vek chuan corruption that loh zia inzirtir ni se tiin a lo rel leh ta hi Pathianin kan ram mamawh tak kohhranho te hmangin min hriat nawn

48
tir leh a duh a ni ngei ang. Chuvang chuan tih tak zeta tawngtai chungin zir ila, he sual hian kan ram hmel a tihchhiat mek dante thlir chungin sual (corruption) hneh ngei turin mitin te i intichak thar theuh ang u. 1.CORRUPTION HI ENG NGE NI ? (Ezek.22:12) ‘Corruption’ tih hi saptawng a ni na a Mizo tawng ang maia kan hman lar a nih avangin a awmzia pawh kan hre tlang theuh awm e. Corruption awmze kilkhawr (Literal meaning) kan luhchilh dawn erawh chuan thil dik lo leh sual tesep zawng zawng hi a huam thei deuhthaw ang a, mipui vantlangin kan vei leh kan beih tur ber, kan chhiatpui mek hi kan thelh palh ang tih a hlauhawm a. Chuvang chuan tun tumah hi chuan Corruption awmzia hi phawk chhah lutuk lo ila, khawvel pumin Corruption ti a kan pawm tlan leh kan hriat lar ang hi luhchilh ila a that zawk a rinawm. Sawrkar hnathawk vawi hnih khat office kal tlai leh mipui chanai cheng nuaih tela eirute chu ang khata teh chi an ni lo maithei. (Office kal tlai kha a pawi lo tihna ni hauh lovin) Thil dik lo chu an ti ve ve na a, corruption titu ni a kan pawm tlan zawk chu kan rilruah a chiang mai awm e. Amaherawhchu, kristian nun leh Pathian thu nena inmil lo sual tenau zawk nia kan hriatte kan chul mam ta vek tihna chu a ni hauh lo a nia. Sual chu sual a la ni reng tho tih hrereng chungin khawvelin ‘Corruption’ ti a a pawm tlan chin erawh kan chhui zui deuh dawn a ni. Corruption han tih hian kan rilrua lo lang leh kan pawm tlan ber nia langte chu hengte hi a ni: 1) Sawrkar, vantlang leh pawl sum a thawh tur ang thawk thei lova tihchingpen. 2) Mahni chanvo tur dik tak aia tam leh hlu neih theihna tura thamna leh tlawnna pek leh lak. 3) Rorelna lehThuneihna hman dik loh Heng bakah pawh hian sawi tur a la awm nual mai thei e. Mahse kohhran leh mipui te hian kan vei leh

49
kan huat ber chu - Kan ram, khawtlang, chhungkua leh kohhran thleng pawh a kan hmasawnna tur tibahlahtu eirukna sual te hi niin a lang a, chutiang rilru pu chung chuan corruption that loh zia hi i zir ang u.
2. CORRUPTION-A FIHLIM LO TE AWM DAN TLANGPUI

1) An hlawh/thawhchhuah dik tak leh an khawsak a inmil lo : Sawrkar hnathawk an ni emaw ni lo emaw dik lo taka sum la lut thinte (Corrupt) hi an hmanral leh danah a lo lang chhuak ngei ngei thin. Sum hman an awlsam tlangpui a, an thawh chhuah phu lovin in leh lo ropui tak an din thei a, an fate zirna leh thildanga an sum deh ral danah te, inchhung bungrua leh thil dang ro hlu tak tak an neih dan atangin eng emaw chen chu a hriat theih. Tunlaiah pawisa puk (Bank loan lak etc) te kan uar tak avang hian In leh lo atang chauhva inteh chu a rin tlak tawk lo a nih pawhin an khawsak phung (Standard of living) atang pawhin thui tak a hriat theih bawk ang. 2) Sual tesep sawi lar an ching : An eiruk midangin an sawi an sawi bik lohna tur leh an eiruk sual a lansarh lutuk bik loh nan thil sual ni ve tho si, mihring tlin lohna sual tesep chi hrang hrang sawi lar phet an ching duh khawp mai. Kohhrana rawngbawltute tlin lohna dawt ni chuang si lote pawh sawi lan fo an ching thin. Office kal tlai, Office atanga paper hawn, etc. te hi corruption a nih ve tho dante leh dawt ni hauh si lo thil dangte sawi nuam an ti hle a. Mihring tute mah hi thianghlim famkim kan awm loh ziate hmangin inhliahkhuh an tum chawk thin. Kan ram mipui hian Corruption hi kan veia kohhran leh pawl hrang hrang pawhin corruption that loh zia hi kan lo inzirtir tawh thin. Mahse mahni dik lohna pawma insiamthat tum aiin midang dik lohna kan inzawnsiak a, mahni dik lohna en lova midang diklohna veiin kan inkawk tawn a, “A tute mah invei tur bik kan awm chuang lo,” tiin

50
corruption hi kan vei liam leh mai thin niin a lang. Hemi chungchangah hian ram leh khawtlang pawi khawih hote hian mahni sual thup nan tute emaw thiltih, midang khawih pawi tham lo thilte tham leh ram tana ngaihmawh tham loh sawi lar phet an tum thin. Hei hi coruption ti nasa ten midangin an sawisel ngam lohna tura an inhungna pal pawimawh taka an hman thin chu a ni. 3) Sum leh paia an harsat thu sawi an ching : Inthiamlohna an neih reng avangin zawh pawh ngai lovin an chhungkaw khawsak harsat thu emaw an eiruk loh zia emaw sawi sawi an ching. Thil thar an neih pawhin an lei theihna chhan (source) phuahchawp an sawi fo thin. 3. CORRUPTION HIAN ENG NGE A ENTIR? 1) Pathian rin lohna a entir : (Jer.17:5) Kan Pathian hi engkim neitu a ni a, leilung leh a chhunga thil awm zawng zawng hi Lalpa ta a ni. Miin a ram leh a felna a zawn hmasak ngam phawt chuan Pathianin pek belhchhah a tiam a ni. (Mat 6:33) Mi a corrupt chuan Pathian hi a ring zo tak tak lo tihna a ni mai. Kristian dik tak, Pathian ring tlatte tan corrupt a ngai reng reng lo. Kristianin corruption a ti a nih ngat chuan a rinna a phatsan tihna a ni ang. A chhan chu Pathianin kan mamawh a nei vek a chuti chunga Pathian huat zawng tak corruption a la ti duh a nih chuan Pathian aiin Setana a ring zawk tihna a ni. “Mihring rin ai chuan Lapa-a rinna nghah hi a tha zawk a ni. Mi liante rin ai chuan Lalpa-a rinna nghah hi a tha zawk a ni” (Sam 118 : 8&9) tih hi kan vawng reng tur a ni.
2) Pathian leh Mihring zah lohna a entir:(Isaia 33:14)

Corruption chu midang chanvo tur chhuhsakna a ni a, mi a corrupt chuan mimal emaw mipui emaw chanvo tur a laksakte chu a bum a, a zah lova, a hmusit tihna a ni. Chu mai chu a la ni lova, a eiruk saka te chu a bum thei a nih pawhin Engkim hmutu leh hretu Pathian chu a zah hlawl lo tihna a ni a, hrem a la tawk ngei ang. (Sam 72:4; Joba 36:13)

51
3) Mahni Inrintawk lohna a entir : Miin a eiruk chuan amah leh amah a inring zo lo tihna a ni. A chhan chu a chanvo tur leh a thawh chhuah theih tawkah a lungawi lova, a thlamuang zo lo tihna a ni. Mahni leh mahni pawh inring zo lo chu mi khawngaihthlak tak an ni zawk a ni. 4) Mahni hmasialna a entir : Pathianin mihringte hi lungrual taka khawsaho turin min duh a, mahni chantawka lungawi zo lo mai pawh ni lova midang chan ai laksak duh hial khawpa mahni hma lo sial chu thil zahthlak tak a ni a, Pathian thupek, ‘Nang malsawmna ni ang che’ (Gen.12:2)tih nen chuan a inpersan hle a ni.

4. CORRUPTION THAT LOHNATE
1) Pathian huat zawng ani : (1Kor. 6:10) Hlemhletna, duhamna leh eiruk hi Pathian huat zawng tak a ni tih Bible-ah kan hmu. Khawvela thil rapthlak ber chu Pathian huat nih hi a ni awm e. Malsawmtu Pathian huat zawng a nih avangin kut tling lova hausakna hi a tlo ngai lo va, lungngaihna a belhchhah zawk thin a ni. (Thuf. 10:22) Chu chauh chu a ni lova, Pathian ram chang lo tur an ni tih Bible-in min hrilh a ni. 2) Hmelma siamna a ni : Mahni chanvo ni lo lak hian tu emaw chu a rawk ngei ngei thin a, a eiruk sak, mimal emaw mipui emaw hmelmaah a insiam nghal tihna a ni. Hmelma leh do neih chu thil hrehawm tak a ni. Eirutu chuan a hmelma anchhia chu engtik niah emaw chuan a la tawngbaw ngei dawn a ni. 3) Thlahte thlengin a pawi : (1 Samuela 2:29 - 31) Kan mizoThufing chuan,“Sial rangin Sial rang a hring...” a lo ti a. Mizo pipute khan kutkem neihte hi inthlahchhawn theih niin an hria a an thinhrik hle thin a ni. Pa berin a eiruk tun tun chuan fate lo seilen dan tur chu a rapthlak hle dawn tihna a ni a, a pawi thui thei hle dawn a ni.

52
4) Mahni tan a pawi : (Jer. 17:11) Kan Bible chuan kut tling lova hausak chu a hlauhawmzia sawiin, “Varung mahni tui ni lo awp keu ang a ni a, A la dam laiin amah an hransan ang” a ti. (Jer 17:11) Mi tam takin corruption tih hi hlawkna tur emaw an ti thin a, a ni hauh si lo. Kut tling lova inhaivur hi tun dam chhung ngei hian a pawi thin a, pawisa leh ro hlu tam tak nei thei mahse Pathian duh loh zawng a nih avangin tu leh fa leh thil dangah a mawng a pawp chawk thin. (Hag.1:6) Hun kal tawh a khawvel chanchin (History) kan chhiar chuan Corruption a hluar viauna ramah mi hausa leh retheite inkar a zau tial tial a, retheih luat vanga mi beidawng an lo pung a, mi beidawngte chalchang chuan an chanvo dik tak an hmuh theihna tur a nih chuan engkim an huam tawh thin a, buaina namen lo a chhuak thei thin a. Chutianga ram a in singsak chuan ram pumin nasa takin a tuar ta thin a ni. Mi tlem zawkin an nawm an mak a duh tawk an eiruk theih laia mi tam tak ei tur nei mang lo leh mahni chanvo tur ngei ngei pawh dawng thei lova an awm si chuan buaina nasa tak a chhuah mai a hlauhawm thei thin reng a ni. Chutiang dinhmun chu kan ram hian a hmabak mek a, kan hnaih tawh hle a ni kan tihna a ni lo. Amaherawhchu kan ramah Corruption hi a hluar zel a nih chuan dinhmun chhe takah kan lut thei a ni tih erawh kan hriat reng a tha. Chutiang harsatna rapthlak chu kan tawh loh nan kohhran hian venhim hna kan thawk thei a ni. Buaina leh harsatna rapthlak tawng lova, a tha zawnga ram insingsakna entirnan - Glorious Revolution, Industrial Revolution, Green Revolution etc. ang te hi kan ram hian a mamawh tawh em le? Theihtawp kan chhuah phawt chuan heng kan sawi tak revolution aia tha leh ropui zawk hi keini kristian ramah hian Pathian zarah a thleng thei ngei ang. Kohhran mite hian tan i la sauh sauh ang u.
5) Revolution a chawk chhuak thei : (Ezek.22:13)

53
5. CORRUPTION LAKA INVENDAN TUR 1) Mahni dinhmun phu tawk a khawsak ngam tur: Mahni dinhmun leh nihna phu lova khawsak tum hian duhamna leh awhna a thlen a, chu chuan corruption a hring chhuak thin. Tunlai khawvelah hmasawnna kawng a intlansiakna a nasa em em a, chu chuan kan nitin khawsak dan (Standard of living) pawh a nghawng nasa hle a ni. Mi ang nih kan tumna lamah a lova kan awm theih reng thil mamawh belh zawngin hmasawn kan tum a ni ta ber mai. Hetih lai hian kohhran mi te chu mahni dinhmun phu tawk a khawsa ngam tura kan inzirtir a pawimawh tak zet a ni. Mahni nihna leh dinhmun dik tak lungawipui a, chumi mila khawsak thiam hi a zahawm a, nun a tihlim bawk. Chutiang mite tan chuan corruption tih hi a tulna reng reng a awm lova, thil thianghlim lo chu an awt bawk lo. 2) Ngaihsan zawng (Value System) : Tunlai khawvelah sum leh pai leh thil (materials) hi mihring dam chhan ni a ngai an tam hle awm e. Chutiang mite chuan thil zawng zawng hlutna hi pawisa atangin an chhut vek a, chu chuan sum hmangaihna leh ngainatnaah a hruai lut thin. Tangka sum ngainatna hi sual tinreng bul a nih avangin corruption tih duhnaah a hruai lut ta thin a, anmahni tan a pawi em em a ni. (1Tim.1:6) Amaherawhchu kristiante thlirna atang chuan sum hi thil pawimawh ber a ni hauh lo. Lal Isua’n, “Mihring hi chhang chauhvin a nung lo vang a, Pathian ka a thu tin chhuakin a nung zawk ang”(Mat.4:4) tia a sawi ang khan mihring tan pawisa hi a hlu ber hauh lo a ni tih hi kohhran mi ten kan hre reng tur a ni. Khawvela thil zawng zawng hi Setana nen inthuruala chan/neih a nih chuan a tawp chu chhiatna leh min tilungngaitu vek a ni. Chutih rual chuan eng thil pawh hi Pathian hriatpui tlaka neih a nih a, Amah nena chan dun a nih chuan min tihlimtu an ni vek thung. Pathian tel ve tlak lohna in leh lo din a, A hriatpui tlak loh ro hlu leh

54
bungraw mawi neia inchhekarbawm theite ai chuan dik leh thianghlim taka mi pangngai ni ngam te hi Lalpa ngaiha milian an ni ngei ang. Chutiang mite chu kohhran mite hian chawimawiin ngaihlu thiam ila, an tan khawtlang leh kohhranah hmun i zuah sak tawh zawk ang u. 3) Mamawh titlem tura inbuatsaih : Kan sawi tawh angin mihring mamawh tipung zawng a hmasawnna kawngah khawvel hi a tlan mek a. Ram hausaa cheng kan nih si loh avangin mamawh a pui kan ngah ta lutuk hian kan khawsak a tihautaka chu chuan mi thenkhat corruption-ah a hruai lut mek a nih hi ! Kan ramah hian inchangkan siak aiin mamawh titlem tura inbuatsaih a pawimawh zawk. Entirnan- Computer, Television leh Mobile phone te hi chhung tin mamawh a ni hauh lo. Miten an neih avanga mamawh nia inhria hi kan tam zawk maithei. Thawhchhuah nei hauh si lote Mobile Hand-set changkang tak tak nen kan leng a, Tuizem siamna tur neih zawh loh vanga zan rei tak tak thlenga tuikang nghak thinte pawhin Television lei theih talh kan tum leh lawi si. A tawi zawngin sawi ila, mamawh tih tlem thiam hi Corruption lak a invenna tha tak a ni. 4) Taihmak leh Intodelh : Kan thawhchhuah theih a tam emaw a tlem emaw mahni tawka intodelh tura taihmak chhuah hi corruption laka himna pawimawh tak a ni. Mihring hi rim taka mahni thawhchhuah ei tura siam kan ni a, chu Pathian thuthlung chu zawh dik tur a rim tak leh taima taka thawkte chu an intodelhin an hlim thin. Mi taima leh thawkrim, mahni intodelhte chu corruption lakah hian an him tlangpui. Mi thatchhia leh zawmthaw, intodelh lo tan chuan mahni thawhchhuah ni lo ei tur dap a ngaih avangin an corrupt thin a ni. 5) Pathian rin ngam : Corruption laka invenna tha ber chu Pathian rin ngam hi a ni. Kristian te Pathian hi engkim siamtu leh neitu a ni a, a duhzawng titu leh amah ring ngamte tan malsawmna

55
leh thil tha a ui ngai lo. Lalpa ringtute chuan thil tha reng reng an tlakchham loh tur thu te, “Tupawh amah ring a piang an mualpho lovang,” ( Rom 10:11) tih Bible-in min hrilhte hi i hre reng ang u. Kan Pathian thuin amah tihtute leh amah ring ngamte chu anmahni mai ni lovin an thlahte thlenga chaw khawn an awm ngai loh tur thu (Sam 37:25) a sawite kha hre rengin Pathian i ring ngam ang u. Corruption tih ai chuan Pathian rin ngam hi a hluin a tlo zawk si a. 6. CORRUPTION HI I DO A NG U : Pathian thu chuan sual chu hua a, do ngam turin min zirtir a, Corruption hi Pathian duh loh zawng sual a ni a, kan do ngam tur a ni. Engtinnge kan do ang ? a) Kohhranho hmanraw hriam ber-Tawngtaina hmangin kan do ang. b) Corruption that loh zia leh a tenawm zia kan hriat theih nan uar takin inzirtir ila. c) Corruption-a fihlim lote chu an sim hma chuan kohhranah chanvo leh nihna pe lo ngam ila. d) Sum leh thil thianghlim lo chu Pathian leh a kohhran hian a mamawh loh zia sawi uarin, chutiang chu la lo ngam bawk ila. e) Corruption ti remchangtu- Kalphung (system) dik lo leh inrelbawl dan tha lote siamtha turin hma lak ni se. TLANGKAWMNA Kan ram hi Kristian ram a ni a, Pathian zarah Kohhran nung tak a awm bawk a, Corruption hming nen pawh hian kan inhmeh hlawl lo a ni. Kohhran hote hian lungrual taka kan do chu Hnehtu Isua avangin kan hneh zel thin a nih kha. Chuvang chuan Corruption hi kohhran hian huai takin kan do tur a ni. Huai taka kohhran hian kan do theih nan corruption lakah fihlim i tum theuh ang u. Tichuan Chanchin Tha-hian kan ramah ramhuai chauh ni lovin, Corruption pawh a umbo ve ngei ang.

Sign up to vote on this title
UsefulNot useful