Hur

di Centro Operashonal i Fasilidat Servisio Tekniko dor di Aqualectra Dia 20 di september 2010 direktiva di Aqualectra, ku aprobashon di junta di komisario (obtene den reunion di 14 di september 2010), a firma dos kontrakt ku un entidat jama Scadta Real Estate C.V. E prome kontrakt jama Lease Agreement Operational Center, e di dos Lease Agreement Technical Services Facility. Scadta Real Estate C.V. indirektamente ta den man di e fundonan di fondo di penshun Vidanova, Fatum i fondo di penshun di Isla. Lease Agreement Operational Center - E kontrakt aki ta regla ku Scadta Real Estate C.V. lo traha un edifisio nobo di alredor di 8000m2 riba tereno bieu di Amstel na un invershon di mas o menos 53 mijon florin (inkluso kosto di tereno, ku ta 18 mijon). Den e edefisio lo bini kantoorruimte pa 285 empleado di Aqualectra i direktiva lo bai traha aden. E kontrakt ta pa 15 ana. Durante di e periodo aki Aqualectra lo paga Scadta Real Estate C.V. un hur total di al minimo 66 miljon florin (mas subida di inflashon, etc.). Aqualectra por kumpra e edefisio despues di 15 ana pa mas o menos 28 mijon florin. Si Aqualectra hasi esei, e lo a paga den 15 ana un total di 94 mijon florin pa e edefisio aki.

- -

Lease Agreement Technical Services Facility - E kontrakt aki ta regla ku Scadta Real Estate C.V. lo traha un edifisio nobo riba tereno na Dokweg na un invershon di mas o menos 53 mijon florin (sin kosto di tereno). Den e edefisio lo bin un werkplaats, un magazijn i kantoorruimte pa empleado ejecutivo (uitvoerende werknemers) di Aqualectra. E kontrakt ta pa 15 ana. Durante di e periodo aki Aqualectra lo paga Scadta Real Estate C.V. un hur total di al minimo 89 miljon florin (mas subida di inflashon, etc.). Aqualectra por kumpra e edefisio despues di 15 ana pa mas o menos 60 mijon florin. Si Aqualectra hasi esei, e lo a paga den 15 ana un total di 149 mijon florin pa e edefisio aki.

Si Aqualectra sigi ku e dos kontraktnan ariba menshona, i den 15 ana kumpra e dos edefisionan, esaki lo kosta Aqualectra al minimo 243 mijon florin. E pregunta ta si direktiva i hunta di Aqualectra, prome ku a authorisa e kontraktnan aki, a establise: - - e edefisionan ta striktamente nesesario, teniendo nesesidat di Aqualectra na cuenta? Si nan ta nesesario, a designa e edefisionan ku tur funksionalidat necesario, pero sin elemento di lujo of extra, kiermen ku austeridat? Anto si a hasi esei, a skohe e manera di finansia e projekto korekto i adekua?

Por ejemple: si lo traha e edefisio Operational Center di 8000 m2 na un preis di 2000 florin pa m2 riba tereno di gobierno na Korsou, esei lo kosta 16 mijon florin. Si fia 16 mijon florin na un interes di 6% pa 15 ana, a pago total lo ta 24,3 mijon florin. E kontrakt ku direktiva di Aqualectra a firma ta 70 mijon florin mas karu (300% mas karu).