You are on page 1of 16

Gara hku law? Gara de law?

Daw-( 2).

Myit yang Mang, Galaw yang dang ai. da. W-P Jinghpaw Ga Malai nga ai. Myit taw nga yang, Dung taw nga yang hpa Bungli n-byin ai.Galaw yang chyu sha Dang lu, Byin lu ai lam rai nga ai. Ngut mat sai October (8-10) Ya na Myen hte Hkrum zup ai Myitkyina Zunhpawng hpe bai maram yu yangMedia n-kau mi gaw- Nau n-lak lai ai (shn) Nawhpu hte Htingke sha renga ma ai. Mi shawng May Shata hta myit hkrum tawn da ai Statetment (7) hpe sha bai kahtap shagrin, Hkrang shapraw ai lam sha re nga ma ai.N-dai Lahkawng lang na Myitkyina Hkrum Zuphpawng a Myit hkrum Dawdan N-dau Shabra ai lam ni hpe bai Dinglik yu ai shaloi-

Munghpawm Simsa Lam Hkrang Shalat Hpung hte KIO Dat Kasa ni a Myit hkrum Dawdan ai lam ni

2013-Ning-October (10) Ya Myitkyina. (1). Mung Masa Hkrum Zuphpawng(Political Dialogue) galaw lu na matu hkyen lajang ai lam rai nga ai Myen Mung ting Gap Jahkring na Lam hta KIO hpe saw shaga ai lam rai nna,Tau hkrau hkyen lajang lu na matu n-pu na Magam Bungli ni hpe matut galaw sa wa na myit hkrum ai. (a). Myen ni(Pyihtawng Tsu asuya) hku nna, Gap Jahkrin g ai Lam hte seng ai Yaw shada ai Masing Masa ni hpe shagun ya ai lam, Bawng ban Jahkrum ai lam ni hpe galaw na.

(b). KIO Dat Kasa ni Ra sharawng ai hte maren- Mungchying Sha Rawt Malan Hpung Ningbaw ni a Hkrum Zuphpawng(Ethnic Armed Group Conference) galaw na. (2). 2013-Ning May Shata (28-30) Ya Shani na Hkrum Zuphpawng a Apu Asi hku nna, Gasat Gala ai Lam ni hpe shayawm mat wa lu ai lam hpe Lahkawng maga de na Dat Kasa ni Matsing Masat da ai lam ni galaw da lu nna, Du na Ten hta Gasat Gala ai lam ni bai n-kahtap byin na matu matut bawng ban sa mat wa na myit hkrum ai. (3). Hpyen Yen Tsin Yam ni Mare Buga,Kahtawng de bai n-htang wa lu na hte Gaw Gap ai Lam ni hpe hkyen lajang galaw sa mat wa lu na matu Lahakwng maga de na Tech/Team ni hte seng ang ai Magam Lit Hkam Rung ni bawng ban jahkrup nna nlaw htum Mare Kaba(4) hpe lata san da nna Numshawn hkyen lajang ai Masing(Pilot Project) hku hkrang shapraw sa mat wa na. (4).Gasat gala ai lam shayawm mat wa na hte matut n-byin na matu Hkindun Yu Sin Hpung(Joint Monitoring Committee) hpe Mang hkang byin taw nga ai shara ni yawng hkan Hparan lajang ya lu na matu hpaw Ninghtan na myit hkrum ai. Hkindun Yu Sin Hpung (Joint Monitoring Structure) Daw (1) hta- Hkan Sa ra ai hte Koi Gam ra ai Makyem amyu(5),Jahkrat tawn ai Tara Masa (18) lawm ai. Daw-(2) hpe N-pawt n-hpang tawn nna Tsep kawp Masing (Operational Plan) jahkrat lu na matu lahkawng maga de na Teach/Team ni hkrum zup bawng ban/matut galaw sa mat wa na. (5). Manghkang a majaw pat taw nga ai hkawm sa/ hkawm wa lam yawng hkra hpe bai hpaw ya na. (6). KIO ni hku nna seng ang ai Lit hkam ni hte jahkrum nna Mung Shawa hte wanglu wanglang matut mahkai bawng ban hkat lu ai lam ni( Public Consultation) hpe galaw na matu myit hkrum ai. (7). Matut galaw sa mat wa na Magam Bungli(Masing) ni hpe lahkawng maga de na (Tech/Team) ni matut nna bawng ban sa mat wa na. Bai matut galaw sa mat

wa na Hkrum zuphpawng ni hpe lawan Ladan galaw sa mat wa lu na matu KIO hte Myen asuya ni myit hkrum ai..nga ai Statement (7) rai nga ai. N-dai lahta na N-dau Shabra ai lam hpe Shiga hti ai ni/Yu ai ni yawng hkra chye chyalu rai na saga ai. RaitimN-dau Shabra ai hpe sha hti nnaPyaw wa na rai re sai..nga Lagaw Tingse dum,Lahpyaw hpyaw nna sha gaw n-dung taw nga ga. Dai ni Myen ni Gara de woi sa wa nga ai,Gara hku Baw nu shachyai Akoit gayet taw nga ai ngu ai hpe Myi n-grip hkra yu azi, Na Lasha nna madat taw nga ra nag a ai. Hpa majaw i?...nga yang- Myen ni gaw Myi grip mi laman hta gara hku mung gale galau nga,tsun chye, shaga chye, manai makai rai chye ai majaw rai nga ai. Nga gaw Kajin Jai a majaw Dawn ahkye la kau hkrum ai re. Kajin Jai ngu ai Madat pyaw Ga(shn) Sha ra Ga hte Myen ni Anhte hpe Ahpyawp nna Myek la Hkam la kau hkrum na hpe hkrit tsang dik ra nga ai. Dai majaw N-dai (2) lang ngu na Myitkyina hkrumZup Hpawng a Dawdan ai lam langai hpra a kata lam,shawng hpang gara hku byin wa lu ai ngu ai hpe Words by Wordshpe azin ayang/Akri Akrai Tsi din din ai hpa myit sawn sumru yu nna hkap la ging ai,hkan sa ai n-hkan sa ai,N-hkan sa ai hpe mung hpa majaw rengu ai hpe asan sha jahpra /sharai nna bawng ban galaw sa mat wa ra na re ngu mu mada ai. Sadi n-dung,Ta tut galaw sa ai lam nnga,majoi Maisau Pa ntsa na Ga Hkum,Ga Si ni chyu sha rai nga yang gaw- Ju tawn da ai mung Hkat mat, Le tawn da ai mung mat matna sha re. Majoi Katek nna Ba ai lam sha nga nna Myen ni a Aten Garawt Masing hta hkan yawng nang mat na sha rai nga ai. N-dai Lahkawng lang ngu na bawng ban ai lam hta KIO/A Shanglawt Asuya ni Dat Kasa ni hku nna Tinang Ra ai/Ra ai lam ni hpe grau lu tsun dara la ai hpe mu mada lu ai majaw Dat Kasa ni yawng hkra hpe grai chyeju dum ai hku re. Myen.ngu ai Sa Wa Hpyen ni hpe Lam magup hku nna Hpaji hte n-lu shamu mat hkra Statement amyu myu hte Shagyip shagyeng, Gyit hkang mat wa ra na ga ai. Raitim langai mi gaw- Anhte Myen hte sa hkrum ai ngu gaw..Laika sa hti dan na matu n-re sha, Man hkrum rai gara Ga Baw mi sa sa, zeng zeng ngu (shn) Namnak rawng rawng (Shot to the Point) chye tsun lu

na/chye Shaga na gaw Ahkyak dik rai nga ai. Hpa majaw i? nga yang N-dai hkrum zup ai lam ni yawng hkra gaw Mung Masa Hpyen Masa lam ni yawng a N-pat Daju re majaw rai nga ai. N-dai kaw Dumhpran mat jang Majan bai byin na (shn) Simsa wa na mung N-dai Negotiation gaw Key Point rai nga ai. Ga N-sen hte Lachyum hpe Anhte grai Sadi maja,sung sung myit yu ra na ga ai. Federal Munghpawm Hpyen Dap hpaw gangu ai mung tsun na Ten rai n-du na re ngu mu mada ai. Rai n-dung yang,Latsawn jang mung yak wa chye nga ai. Dai gaw- Political Dialogue hte Constitution Tara Nhprang ni gyin hpang wa ai shaloi she Military hte seng ai Ga Baw n-pu e Bawng ban la ra na n-hten? Hkyak hkyak e tsun na gaw-Gap jahkring Masing(Plan) hte Hpyen Dap shara jahkrat na matu.Dai gaw Ahkyak dik rai na re. Raitim GenMyint Soe gawGap Jahkring ngut jang she Hpyen Dap Shara jahkrat na hpe matut bawng ban na da. Dai Ga hpe Anhte grai myit yu ra na ga ai. Ya Ten hta Simsa gaSimsa ga nga tim Jinghpaw Mung shara shagu hta Myen Hpyen Dap Dung (100) jan jahkrat tawn ai hpe chye lu ai. Shaloi., Gap Jahkring ga ngu ai Lachyum gaw hpa rai ta? Gap Jahkring Lek Mat htu ngut jang she UNFC hte Shanglawt ni a Hpyen Dap jahkrat na lam hpe Masat ya na ngu ai gaw.., (1). Gap Jashkring Lekmat n-htu jang n-dai jahkrat tawn da ai Dapdung (100) hte KIO/A hpe gasat shamyit kau na ngu nna tsun ai hte maren sha rai nga ai. (2). Rai yangGap Jahkring Lekmat htu jang gawAnhte hpyi ai Hpyen Dap shara ni hpe Masat ya na kun? Gap Jahkring Lekmat htu kau sai re majaw Anhte hpyi ai/Anhte ra ai shara ni hpe Shanglawt Hpyen Dap Shara Masat/ jahkrat na matu Tara shang Ahkang jaw sana n-re. Dik dik jaw yang Laiza hte Maija Yang grup yin sha rai na re. Anhte hpe Shanhte kam ai shaloi (Du manat tek lu na matu/U Rawng e bang da ai U hpe Sat sha lu na matu) Masing jahkrat da chyalu re hpe Ma hpe san tim pyi chye nga ai.

(3). Gap Jahkring Lekmat htu ngut chyalu rai sai majaw..Ma shaloi na zawn nguZaikZaikZaik ngu mung tsun n-mai mat nga ai. Kadu sha na lam chyu sha rai sai. Myen a Hpyen Gyep din n-pu e bai magtut rawng na lam sha nga sai. ShaloiAnhte a Shaning (50) ning jan Rawt Malan ai lam ni, Dudaw Sai hkaw lai mat wa sai lam ni,Ru yak Tsinyam hkrum sha ai lam ni yawng hkra gaw- Kaman lila sha rai mat na. Dai majaw Anhte W-P Myu Sha ni hte W-P Myu Sha ni a Gawng Malai tai ya nga ai KIO/A Myu Tsaw Share Shagan ni,Ningbaw Ningla nigara hku Dawdan na ga ta? Mahtai gaw-Gara hku law? Gara de law? Myen Hpyen Dap hte Shanglawt Hpyen Dap ni hta-Ma Hpyen La n-lahkawn ga. N-tawn da gangu ai mung, teng sha nga yang N-dai Gap Jahkring hkrum zuphpawng Ga Baw hte kaga ga rai taw ai hpe mu mada lu ai. Anhte Ma Hpyen La n-tawn ga nga tim Shanhte Myen Dap hta Majan Gasat na Hpyen La nnga wa sai majaw Ma Hpyen La n-lu lu hkra Shagyeng nna raitim,Rim nna raitim lahkawn na matu N-tsa na ni Gumhpraw jaw nna nan Lahkawn na matu Order jahkrat Ahkaw ahkang jaw da sai re majaw Gap Jahkring Hpawng kaw dai sa tsun tim N-gup shatsu sha rai nga ai. Du Kaba Sumlut Gun Maw hku nna- Myen Mung ting Gap Jahkring ai Lachyum hpe Myen ni sang Lang shana dan na lam hte Kam ging ai Gap Jahkring Lachyum hpe azin ayang chye jang she Lekmat htu na n-htu na lam hpe Mahtai jaw na.Htu lu hkra mung shakut na ga ainga nna bai Htai ai Lam ni gawManu dan ai, Si Mani Hpaji rawng dik ai Ga Kaba ni rai nga ai. Grai chyeju Dum ai. Hpa majaw Du Kaba Sumlut Gun Maw hpe Chyeju Dum ai.ngu tsun a ta? Nanhte Ningbaw Ningla Kaba ni a Ga hkaw mi gaw Anhte Mung masha ni yawng a Arawng rai nga ai. Anhte W-P Myu sha ni a shawng lam Gam Maka yawng hkra mung GadaJa..da.nga ai hte marenAnhte W-P Myu Sha ni Ja tai na,Magri tai na Hkum Puptai na mung Nanhte rai nga mit dai. Dai majaw Tsawra Hkungga ai Myu Tsaw/Mungtsaw Share Shagan ni hku nna, Myit Masin htauli htaula hte Tsun Shaga ai Ga hkum,Ga Si ni Greng ra,Dai na Ahkyak dik la nga ai.

N-dai Lahkawng lang ngu na Hkrum Zuphpawng hpe yu ai shaloi- Awng Min wa gaw- shi she N-dan Madu zawn nga nna Ga ni hpe Azat Jahkrat ai zawn nga tsun mat wa ai hpe mu mada lu ai. Hpa majaw Anhte Shi hte (shn) Myen ni hte maren mara nga n-tsun lu na ga ta? N-shadawn sharam tsun na hpe ngu mayu ai lam n-rai. Tsun mayu ai hta Tsun ra ai hpe gaw tsun nan tsun ra na ga ai. Grau nna T-V,Video Interview ni hta Myiman N-sam, Ga n-sen, Ga Hkum Ga si ni Asham nga Power Full byin hkra,Attraction nga hkra Tsun chye/Shaga chye ra na ga ai. Agam taw na Ten,Sharam taw na Aten n-rai nga ai. Tsun ra ai tsun na.Bawng ra ai Bawng na.Jahkrum ra ai lam jahkrum na. Byin mai na kun? N-byin mai na kun? Shaning (10/20) Ning matut la taw na mung n-rai nga ai. Hpraw ai,Chyang ai chye ngut jang gaw.Dawdan ai lam hpe Anhte shagrin la lu sai re. Gap Jahkring na kun? N-jahkring na kun? N-jahkring nanga jang gaw Anut hkat na lam sha rai sai. Dai lam hpe n-dai Shata htum maga de Laiza kaw UNFC ni jahkrum bawng ban na re lam yawng hkra chye lu saga ai. Marai Masum myit hkrum yang Panglai Nawng pyi htawk dang ai da. Anhte UNFC ni yawng hkra she myit hkrum yang gawMyen ngu ai (.) she tat hkra hprawng ra na. Myen ni hpe Anhte a WUNPAWNG JINGHPAW GUMRAWNG GUMTSA MUNGDAN kaw na lawan gawt shapraw kau ra sai. Dai ni na Aten Myen (Mung Masha ni) hte Hpungkyi ni nan Shanhte a Myen Hpyen asuya hpe Matsat taw nga ai Ten,myit machyi taw nga ai Ten re. Myen Hpyen Matse ni hpe lu Ninghkap Shakrip ai gawKIO/A ni sha renga grai myit kam nga ma ai. Kachin Kale Nan Thet Ma Ayengu ai Ten Ladaw gaw kade nna sana re. Munghpawm Myen Mungdan a Hpyen Masa hpe yu yu yang- KIO/A sha Gap n-jahkring yang gawkaga kadai Hpung ni mi Gap Jahkring hkring Kaman sha re hpe mu mada lu ai. Dai majaw U Awng Min ni gaw Shanglawt Asuya hte Gap n-jahkring,Jahkring lu hkra Zai Ladat Amyu myu the n-yup n-sha shakut taw nga ma ai. Dai mung teng sha nga yang hpang kaw na sumri jum taw ai Myen Hpyen Du Kaba ni a Palum Pale rai Ginsup, Dinglun shangun ai lam sha rai nga ai.

Dai hpe Anhte chye chyalu rai sai re majaw- Myen hpe gara hku bai n-htang Attack galaw na ngu ai Direct/Indirrect Plan ni hpe jahkrat tawn da nna, U Htawt Htawt chye(shn) Kya Koit Ginsup chye ra na ga ai. Hpa majaw i? nga yang n-dai Ten gaw Anhte Myen hte Hpyen Masa, Mung Masa Ginsup taw ai Ten re majaw rai nga ai. Htawt Shut ai wa gaw Sinat Lau mi n-kapaw ra ai..Hpyekla galau (Flat) mat na sha re. Dai majaw- Dawdan ai lam n-shut na,Galaw sa ai lam n-shut na,Lam woi Ningshawng tai ai lam n-shut na Ahkyak dik rai nga ai. Na lu/Hti lu ai Shiga ni hpe bai Maram yu ai shaloi- Gap Jahkring Lekmat htu tawn ai Sam ni,Kayin ni mung Gap jahkring tawn tim Gasat katut taw ai sha re majaw, Shanglawt KIO/A Asuya ni Gap n-jahkring jang gaw Shanhte Gap Jahkring tawn da ai hpe pyi Dawm la kau na .nga nna tsun nga ma ai. Lachyum gawKIO/A hku nna Gap Jahkring Lekmat n-htu jang Shanhte Gap Jahkring tawn da ai UNFC Hpung ni hku nna mung Myen hpe rau sha jawm Gasat na.ngu ai lam rai nga ai. Kayin Budda Rawt Malan Hpung rai nga ai KDBA ni du hkra Laiza Bawng ban Hpawng kaw sa lawm na lam chye lu ai. Sam hte Kayin ni hku nna mung- Lai wa sai shaning hta KIO/A ni hkrai sha Myen hpe Agying agang Ninghkap Gasat nna Rawt Malan Sari hpe Makawp maga lai wa sai majaw grai Hkungga chyeju dum ai hte Laiza e hkrum zup bawng ban na lam hte seng nna mung KIO/A ni hpe Kanu Kawa,Hpu Shawng Hpu Ba hku nna tawn da nna sa du na lam chye lu ai.Kabu hpa, Arawng la hpa rai nga ai. Myen ni hku nna mung n-dai Gap Jahkring saw shaga ai hta KIO/A ni n-sa du na, Shanhte Gaya Kaba hkrum na tsang ai majawLama waMyen Mung ting Gap Jahkring saw shaga ai hta..n-sa shang lawm ai ni nga yang..Gap Jahkring Myit Hkrum Lekmat htu ai Laika Buk hpe galoi mung hpaw da ya na lamAwng Min wa Mai Bau Hpyi Myiman hte Tsun N-dau taw nga ai hpe Na lu/chye lu ai. Grai Mani hpa she rai sai. Naw bai matut tsun ai.Mung Masa Bawng ban jang- Nanhte Mungchying Sha ni tut nawng ahpyi taw nga ai Madu Up Hkang ai lam hpe mung Share galaw na da.N-gup hte N-bung hte (Share) taw nga ai lam rai nga ai. Ma rai taw N-gup pyi Mahti ya mayu ai. Dai sha n-re. 2008Constitution mung Byeng ya na da. Ma maw Linele. Dai hku Abawk Masawp

nna- Gap Jahkring Lekmat Htu ngut ai hte rau gawNgaw Ase Lawnga mat na sha re. Myen a Kyang gaw Gwi du hkra chye nga ai. Dai majaw Myen hte Gap Jahkring na raitim,N-jahkring na raitimAnhte maga na (Safe Side) gaw nga ra na re.Gara hku Save Side la tawn na kun? Dai gaw Ahkyak dik rai nga ai. Tet Te Du Wut U..pyi Lamu Shagrim htim hkrat wa na tsang nna Lamu de Lagaw sharawt nna yup ai da. Lamu shagrim htim hkrat tim/n-htim hkrat tim Tet Te Du Wut U a Tau hkrau hkyen lajang Myit tawn da chye ai lam ni gaw Manu dan nga ai. Raitim- Hkrit tsang chye ai Myit hpe chyawm kabai kau ra na ga ai. Dai majaw- Tet Te Du Wut zawn-Lama waIf..ngu ai Lam hta- Sadi ai Maja aiTau hkrau hkyen lajang aingu ai lam ni gaw Anhte Kasi la ging ai lam ni rai nga ai. Lama wa (If) Anhte Gap Jahkring yang gara hku byin wa na.Lama wa (If). N-jahkring yang gara hku byin wa mai aingu ai lam ni hpe Tau hkrau myit tawn da ra na ga ai. Dai- Sadi ai, Maja ai, Tau hkrau Hkyen Lajang ai lam ni gaw Anhte a matu Tsi Kaba (shn) Awng Padang lam a Ningpawt rai nga ai. Gap Jahkring ai Lam hte seng nna- Myen ni a lai wa sai Ten na Myit Jasat hte Ya na Myit Jasat yaw shada ai lam ni gaw maren sha re hpe mu mada lu ai. Lai wa sai nau nna ai Ten hta- Naypyidaw Rapdaw Dat Kasa U Hla Swe (Bullet Hla Swe) gawJa Lata hte shaga yang n-lu ai KIA hpe Sinat Machyu Pala (Bullet) mahtang she jaw yang kaja na renga tsun lai wa sai. Jahkrum yu yang n-lu jang gaw Gasat shamyit kau ai mahtang kaja aiDai majaw Masha bai n-kahtap si hkra tsep kawp Gasat kau ra ai. Matut nnaKIO/A ni hku nna-Simsa lam hpe lu la na matu Gap Jahkring ai lam hpe hkap la na lam sha nga ai.N-hkap la jang gaw shang Gasat kau na lam sha rai sainga nna tsun lai wa sai re.Masha bai nkahtap si hkrada. Kahtai mahtang Majan Pa e Si ru jawng taw a ta? Shanhte Myen Sa Wa ni sha rai nga ai. Mani hpa she rai sai.Dai hta n-ga.., NegotiationJahkrum aingu ai gaw gara hku Lachyum hpe tsun mayu ai rai ta? Laknak jahkrat na matu Gumwai hku Jahkrum ai (shn) Laknak Jahkrat mu.ngu ai hpe Direct n-tsun ai sha Madat pyaw hkra Gap Jahkring Simsa Lam(Cease-fire & Peace Negotiation) nga nna shamying Masu ai rai kun?

Gwi Chyit Hla Swe a Ga n-sen gaw-Jahkrum n-lu jang KIO/A hpe Tsep kawp Gasat shamyit kau nanga nna Wau taw nga ai. Shaloi Shanhte Myen ni a Gap Jahkring Simsa Lam gawMungkan a Man hta Madat pyaw hkra(shn) Shanhte KIO/A hpe Simsa Lam galaw ga ngu gade lang jahkrup yu tim n-lu ai majaw Gasat ai re. Shanhte Myen ni-Shinggyim Ahkaw Ahkang(Rights) hpe tawt lai ai lam nrengu ai hpe Sakse nga hkra galaw dan Masu ai lam sha rai nga ai. Sagu Hpyi hpun da aiChyahkyawn gaw gara hku Sagu tai wa lu na rai ta? Teng sha nga yang Shanhte Myen ni a Gap Jahkring(shn) Cease-fire gaw..Laknak Jahkrat na (shn) Peace Mean Surrenderngu ai Lachyum sha rai nga ai. Gara hku Anhte hkap la lu na rai ta? Shaloi gawMyen ni a dai n-teng man ai,Palum Pale re ai Hkrum zup Bawng ban ai lam hpe Mungkan ting chye na hkra N-dau Shabra hpaw hpyan dan nna Anhte a Awm Dawm Ahkaw Ahkang hpe lu hkra Gasat di la ra na Masa de she gale wa nga sai hpe mu mada lu ai. Hpa majaw i? nga yang..Ya Aten Jinghpaw Mung shara magup de Myen Hpyen Dap ni shara la tik tik re ai lam gaw Myen ni a Myit Magaw ai Lam hpe chye na Mu mada shangun nga ai. Bullet Hla Swe tsun ai Ga hpe N-jang Yang Rapdaw Dat Kasa Kanu/Kana Doi Bu gawAnhte Jinghpaw ni hpe Gasat shamyit kau yang she Simsa Lam lu la na re nga ai Lachyum hku byin taw nga ai re majawDai gaw Anhte tsep kawp hkum pat ain-hkap la lu aiDai hku gaw Anhte Mungchying Sha ni a Gahkyin Zinlum ai Lam hpe n-lu la mai aiMungchying Sha ni a Kahkyin Gumdin ai Lam gaw grai Ahkyak aiDai Kahgkyin Gumdin ai Lam hta W-P Jinghpaw ni yawng hkra htum mat nna Kaga ngam ai Mungchying Sha ni hkrai sha Munghpawm Mungdan hpe Gawgap ga ngu ai gaw- gara hku mung n-byin mai aiW-P Jinghpaw ngu ai Amyu Sha ni gaw- Jinghpaw Mungdaw kaw sha nga ai nre.Shara magup kaw nga ai.N-dai Laiza kaw nga ai W-P Jinghpaw ni hpe sha Gasat shamyit kau nna Anhte Wunpawng Sha ni htum mat na n-re. Grai Share Shagan ai..N-den Ja Magau Grang ai..W-P Jinghpaw Myu Shayi Kanu/Kana nan rai sai. Myen Hpawng kaw shi chyu raitim N-hkrit ntsang Wunpawng Saihpe madun dan lu ai gaw-Mau hpa, Kabu hpa,Chyeju dum Hkungga ging ai lam nan rai nga sai. Nu/Num ni she grau Gumshem ai hpe mu mada lu ai. Wa La ni rai nga ai- Mungdaw Wungyi Chuk Lajawn Ngan Seng,

Rapdaw Dat Kasa Hkyet Hting Nan, Majoi Gintawng Yup Zau Hkawng ni mungKalang mi gaw Kanu/Kana Doi Bu zawn- Myen ni hpe Ga Kaba hte Kapaw bun na ma ai n-hten?ngu Hka U Du galu zawn la dingda nga ga ai. Mali Kaba, Nhtoi Kaja, Lam Masa htuk n-htuk,Lamu Marang Shiga naw Maram taw nga sam ma ai ngu shadu ai. BaiHkungga ging, Shagrau ging ai Nu Num langai mi gaw Kanu/Kana Bawk Ja(Jinghpaw Mungdaw NDF Ningbaw) rai nga ai. N-dai Kanu/Kana ni a Myu Tsaw Myit share Shagan ai lam hpe Myen Media ni she grau chye,grau Ka Masat da ya nga ma ai. Anhte gaw Jum mu N-na she rai taw nga ga ai. Yawn hpa re. Tinang a Labau Mau Byin ni hpe Tianang n-ka Matsing da, N-ka masat da yang gaw..Kaga Amyu ni Ka ya ai nga tim Shanhte a Ningmu View hku nna sha rai mat nna, Shi tsun ai, Shi Ka ai lam chyu sha Labau tai mat, Teng ai, Jaw ai hku hkap la ra mat na rai nga ai. Ga Shadawn- U Phe Khin Ka ai Panglong Matut(Ko Tweit Pinglong) ..Laika Ngau ni gaw- Hpa Reference mung nnga ai Daily Diary hku sha rai nna- Labu gara bu ai, Palawng gara hpun ai,Gyep din gara din aingu ai ni gaw History n-rai nga ai.Naw Hpu hte Htingke Jap htu htu sha ai lamgaw Labau n-rai nga ai. Masha tsun ai hpe hkan madat,hkan kam yang gaw Tinang Amyu a Labau ni Hpoi mat,Manu n-dan mat chye nga ai. Htawm hpang na Tinang a Kashu/Kasha ni hpe Labau Lam woi shadam ai lachyum sha rai na re. Hkrit ra, Koi gam ra ai lam re..ngu mu mada ai. English ni Ka da ya ai Anhte W-P Jinghpaw ni a Labau ni chyawm gaw..Jiwa ni hkai ai..N-gup Maumwi hte maren sha bung nga ai majaw mai hta la, Ref: galaw,Shangang Shakang la mai nga ai.Shanhte gaw Atsawm sha Research galaw nna Hpyen wa raitim Ram yang ram ai hku,Byin yang byin ai hku Myi Man n-lata ai, Side n-lata ai Hkrak sha,Teng sha byin ai True Story hpe Ka Masat da ai re majaw grau nna hkap la mai,Shaw la mai nga ai. Dai hta grau Manu dan ai gaw-Anhte a Kaji Kawa ni rai nga ai-Duwa Zanhta Sing ka ai- Democracy N-htang Chyung(Democracy Byaung Byan), Duwa Wabaw Zau Rip Ka ai..Jinghpaw Mungdaw hte NgaiMaran Brang Ka ai- Howa Duwa M-Hkun HpungTara Kasa Maran Bawk La Ka ai..Sama Duwa Sinwa NawLahtaw Zunwa Zau Shan Ka ai- Jinghpaw

Wunpawng Sha ni a Ru Pawt Labau..Salang Hting Bai Naw Awn Ka ai..Wunpawng Labau Ginshi..Duwa M.Sao La (Zau La)/Ex-Minister Ka aiJinghpaw Sub-State Council byin pru wa ai lam.. Army and Military Pensioners ni Ka ai..The Kachin Military.Jinghpaw Historyical & Cultural Photo Album By- Htoi Man zawn re Labau Laika Buk ni gaw- Ja gumhpraw hte Manu Dawdan n-lu ai- Lungpa hta nan Tawk ka tawn da ra ai Anhte W-P Jinghpaw ni a Ja jet Labau Ginshi ni nan rai nga sai. Kaga mung grai naw nga nga ai. America, India,Miwa Mung hte England Laika Dum ni hkan na W-P Jinghpaw Labau Laika ni hpe tam sawk mahkawng shinggyin nna Internet Library kaw Mara tawn da ra na ga ai.Myen ni Ka ai Labau hpe chyawm gaw- Gala ni hpe Joi hte shen dut kau yang grau akyu rawng na re. Hpa majaw i? nga yang.. Shanhte Ka ai ni yawng hkra gaw- Masu tawn da ai majaw rai nga ai. Lahta e tang madun lai wa sai hte maren- Hkungga ging ai,N-den Marai rawng ai Myu Shayi Kanu/Kana LahkawngKanu Kana Doi Bu hte Tara Kasa Bawk Ja. Kanu/Kana Tara Kasa Bawk Ja gaw- Tinang W-P Myu sha ni hkam sha nga ai Jam jau tsin yam ni hpe America Mung du hkra hkan tsun sang lang,Tsun Deng hkawm ai Kanu Kana langai mi rai nga ai. Dai sha n-ga Ya mung Jinghpaw mung e Myen ni a Dip Rip,Zing ri,dang sha taw nga ai lam ni hpe Num raitim Lahpa Malu nnaAdawt tik tik,Share tik tik rai nga ai. Hugawng Ga de Yuzana Company(Miwa) ni zing la kau ya ai Yi,Sun,Hkau Na ni Eka(Acres) Sen Lahkawng jan hte seng nna Yangon de du hkra Sa Deng/Marawn woi sai re. Kamaing Ginwang- Hpakant U Ru Seng Maw hkan na W-P Jinghpaw Myu Sha ni dip rip hkrum ai lam ni hpe,Mali Hka Madim hte seng nna mung Mungkan Tara Rapdaw kaw nnaTara je yang na lam N-dau Shabra lai wa sai. Dai majaw Myen ni gaw Kanu/Kana Bawk Ja hpe grai yu n-lu taw nga ma ai. Hpang jahtum ganing di Mara n-chye tam jang Moi de na Rai kun? N-rai kun? pyi n-chye ai Lam ni hpe bai Dinglun nna, Tara(Pukma) Masum hte Hpakant Balik Dap kaw Sharen da ai lam chye lu ai. Myitkyina N-ta kaw Rim la ai hpe hpa majaw Hpakant kaw sa Sharen da ai i? Makyin Jinghku hte tsan mat hkra hte Kadai n-lu sa garum na matu rai nga ai.

Anhte dai hku sha Lata hkintum nna yu taw nga sana kun? Myu Sha ni hpe Makawp Maga ai, Myu Sha ni hpang maga tsap nna N-hkrit n-tsang tsun dara, shakut shaja lai mat wa sai Kanu/Kana Bawk Ja jam jau hkrum taw nga sai. KBC,KIO/A,Mung Shawa ni hte Maigan de nga ai Hpu Nau ni Kanu/Kana Bawk Ja a matu Lawan ladan N-gun Madun Garum shingtau la ra saga ai. Kadai mung hpa nnga jang Myen ni a matu Kabu hpa rai mat na. Hpa majaw i? nga jang..Myen ni gaw- Shanhte hta grau chye ai,Ningtawn ai ni yawng hkra hpe lam amyu myu hku Mara tam Maku daw nna Up sha ai gaw Shanhte Myen Gwi Chyit ni a Nam Chyahkyawn Zai Ladat rai nga malu ai. N-dai zawn..W-P Kanu/Kana Nu Num ni grai Gumshem, N-den Marai rawng nga ai Ten- Wa La ni gaw gara Jut hkan kyin kadau hkawm taw nga ga ai kun? Myu a matu Ta Lahpum malu nna tsun gwi,Shaga gwi ai Wa La ni Myi Tsi di na pyi n-mu mat nga sai. RaitimEnglang de du taw nga ai Tara Kasa Duwa Hkun Sa chyawm gaw, Hpyen Dap ni gaw- Thamada Theing Sein a Ga hpe nmadat ai nga shadu taw nga ma ai. Tsun taw nga ma ai. Teng sha nga yang dai hku n-re. Thein Seing shi hkum nan mung Hpyen Dap ni hte maren sha re. myen Mungdan Simsa Lam lu na matu KIO/A hpe Tsep kawp Gasat shamyit kau ra ainga ai Ga hpe Shanhte tsun taw nga ma ai. Dai majaw Theing Sein hte Myen Hpyen Dap ni gaw Masu Magaw, Hkalem Hkalau re ai ningu nna Dai ni Anhte tsun taw nga ai renga ai. Dai sha n-ga Myen ni a kata lam Myit Jasat hpeAugust(29),2013 na Internet Shiga hta Laknak hpai Rawt Malan taw nga ai Mungchying Sha UNFC ni yawng hkra hpe Tsep kawp Gasat shamyit kau na matu Naypyidaw Makawp Maga Myen Hpyen Dap Ginjaw Bochuk Min Awng Hlaing hku nna Lashio Sinpraw Dingdung Y-M-Kh Dap Ginjaw de Matsun/Order htuk shana ai lam chye lu ai. N-dai gaw Gap Jahkring Simsa Lam galaw mayu dik la ai nga Wau taw nga ai Myen ni a Tsu Yet Manam shagram re ai Krawdung Myit Jasat ni rai nga ai. Gara hku shanhte a Gap Jahkring hpe Anhte mai kam lu na rai ta? Ya mung Myen Hpyen Dap ni jat tik tik rai taw nga ma ai. Shanhte tsun ai hku Gap jahkring lekmat htu yang htun-htu yang

gawMasha n-gun,Laknak n-gun hte KIO/A hpe Gasat shamyit kau na hkyen lajang taw nga ai lam gaw- grai nan dan dawng nga sai re.Dai hpe Anhte hkrit kajawng nna Lahput gari taw na hpe tsun ai n-rai. Mawhpyi, Maugang Myen Sa Wa Hpyen ni hpe gara hku Gasat, Katawng,Azat Manyi kau na ngu ai Masing hpe Anhte Jin Jin(Ready) Shawng lajang tawn da ngut ai hpang she Myen hte Ga bai shaga,Anhte tsun ai hku n-byin jang Myen hpe Hpungdim Dat gara hku Gasat shakre kau na ngu ai hpe UNFC ni yawng hkra hte zupzi bawng ban jahkrup tawn da ra na ga ai. Myen asuya gaw Mungchying Sha Laknak Hpai Rawt malan Hpung ni hte N-dai October Shata hta e Myen Mung ting Gap Jahkring simsa Lam (Nation Wide Cease-fire) galaw na nga nna Mungkan ting hpe Shana Shabra tawn sai re. Yawng hkra shi a Lata kaw sha re. Shi Hpraw nga yang HprawChyang nga yang chyang ngu ai hku rail u ai. Raitim- Myen hte KIO,Ta-awng Balawng PSLF (Sam Mung Dingdung daw KIA Dap Ba (4) hte Myen Y-M-Kh Dap ni, Balawng ni hte Y-MKh Dap ni, Jinghpaw Mung Machang Baw Ninghtawn KIA ni hte Myen M-P-Kh Dap ni Gasat hkat taw nga ma ai. N-dai zawn Gasat gala taw nga ai lapran hta Mungchying Sha Lakanak Hpai rawt Malan Hpung ni rai nga ai KIA hte Balawng ni gaw- Shanhte Ding yang hpyi taw nga ai Mung Masa Bawng ban ai lam hpe Gade ram Shadawn Shadang du hkra Sadi jaw Pahkam hkam ai lam nga yang she Gap jahkring Lekmat htu lu na rengu ai hpe Mahtai naw tam nga ding yang rai nga ai. Myen hte KIO Tech/Team ni Lahtan pyi ganoi noi she adawt hkat hkra hkra bawng ban jahkrup taw nga ma ai raitim- KIO hku nna Aloi Ali hte sha Gap Jahkring myit hkrum na Masa n-sa ai majaw Myen asuya ni Myit ru taw nga ma ai lam MPC Rung hte ni htep ai ni kaw na Shiga na lu ai. Miwa Mung Hpyen Dap Ginjaw a Ningtau Ningbaw General Fan Changlong Myen Mung sa ai shaloi- KIO hku nna Myen Mung kaw na garan pru mat na hpe n-hkap la ai lam N-dau shabra lai wa sai re. Hpa majaw Miwa wa- Anhte a Mungdan Dinghku lam hta dai zawn nga shang je bat chyinglau nang ai rai ta?Myen gaw Miwa a Hka Tsip tai taw sai majaw rai nga ai. Lam mi

hku tsun ga nga yang Miwa gaw Myen a Arang Madu(shn) Myen Mung gaw Miwa ni a Sut Masa Colony Mungdan langai mi rai mat sai majaw rai nga ai. Myen Hpyen asuya ni gaw Myen Mung Rakhaing Gas ni, Letpadaung Magri Bum ni,Mali Hka Madim hte Uru Seng Maw Ga na Ja, Lung Seng ni yawng hkra hpe Lata Layung Madi nna Miwa hpe Dut sha ngut chyalu rai mat sai re. Miwa kaw na Gumhpraw ni yawng hkra shanhte Myen Hpyen Du Kaba ni a Sumbu hta Anyin bang da ngut manu ai. Dai majaw Miwa gaw Myen Mung a N-Hprang Sut Rai ni hpe,Grau nna Jinghpaw Mung na Lung Seng hpe yawng Akrau shaw la taw nga sai. Lama wa Shanglawt KIO/A Asuya ni Myen Mung kaw na garan pru mat jang gaw..Myen hpe Shalan tawn da ai shanhte a Gumhpraw Dollar Sen Sen,Wan Wan gaw N-bung gawut shapoi kau ai NumHkaw hte bung mat na.Dai majaw KIO/A Asuya ni garan pru nna kaga san rai Mungdan garan pru mat wa na hpe Myi di chyip nga Miwa ni hkum pat taw nga ai lam rai nga ai. Shanglawt ai Wunpawng Jinghpaw Gumrawng Gumtsa Mungdan byin mat jang shanhte Miwa ni chyinglau sha n-lu na hpe mung hkrit tsang nga ma ai. Dai majaw- Thamada Theing Sein Miwa Mung ,Nam Nen Mare Miwa Asian Gunrai Madun Poi hta Miwa Wungyi Chuk hte hkrum ai shaloiMung Jarit Ngwi pyaw Simsa Lam hpe grau ngang kang hkra galaw sa mat wa na lam bawng ban jahkrum ma ai lam chye lu ai. Miwa hte Myen Mung Jarit Mayan KIO/A hte Myen ni Majan byin ai majaw shanhte Miwa ni Jinghpaw Mung na Ja,Lung Seng ni hpe Ra ai hku n-lu Htu shaw,Akrawk shaw la ai majaw Hpyen Majan hpe lawan Zim hkra galaw muGap Jahkring Lekmat lawan htu mu nga Shanglawt ni hpe Pressure jaw wa ai lam chye lu ai.Manang wa a Shingma kaw Mam Ting sha ai ngu gaw N-dai Miwa ni nan rai sai. Teng sha nga yang n-dai Majan gaw Miwa ni Nat shagrung ya aiSut Majan nan rai nga ai. Mi kaw na Jinghpaw hpe Byip sha, Dip sha mayu ai Myen ni Miwa hpe Shing byi nna Anhte hpe grau grau Roi rip dang sha na mahkrun lam rai wa sai. Dai majaw- Gap Jahkring Simsa Lam (Nation Wide Cease-fire) gaw- Myen hte KIO/A chyu sha n-re sha,Myen hpe hpang kaw na Sumri jum U Shoi shoi taw nga ai Miwa ni du hkra Hkan Power madun,Nying jahkrit bang wa ai hpe mu mada lu ai. Myen hpe mung KIO/A hte lawan wan

Simsa hkra galaw u nga Miwa ni Shadut taw nga sai re. Dai majaw KIO/A ni hku nna Gap Jahkring Lekmat Htu yang chyu sha Myen a matu N-sa sa wai wai la lu na rai nga lu ai. Hpa majaw nga yang Hka Tsip rai nga ai Myen gaw..Miwa hpe hkrit taw ra ai n-rai ni? Miwa gaw Myen hpe Machyu Pala hte n-re sha Gumhpraw hte Gasat dang la kau nu ai. Lamu Ga majen je la kau nu ai. Gap Jahkring tawn ai- KNU,KNPP,SSPP/SSA(North),NSAAESS(NDAA),RCSS/SSA ni mungShanglawt KIO/A ni Gap Jahkring Lekmat n-htu jang gaw shanhte mung Gap Jahkring Lekmat bai kahtap n-htu sanada. Yak mat sai.Myen ni grai yak mat manu ai. Rawt Malan Hpung ni hpe Gasat na gaw hkum gazik. Rawt Malan Hpung ni a Mying Jahpan hpe hti nna pyi Baw sin mat lu nga ai. Dai majawGap Jahkring na N-jahkring na Mahtai gaw

Gara hku law? Gara de law?....Tsun na matu,Tak na matu grai naw


Yak la nga ai.

By-

Bum Chyangau.
(Daw-3- de bai matut hti ga).

Related Interests