SYNOD 2009

December 13, 2009 Mission Vengthlang Kohhran Biak In

~*~*~
A special Bulletin for Synod 2009
Published by Information & Publicity Sub-Committee

Mission Vengthlang Kohhran

Information & Publicity kamchhuak
Synod Inkhawmpui Vawi 86-na chu kan hmang zo a ni leh dawn ta mai a. Kan phak tawka tha leh felfaia thleng turin kan inbuatsaih ve a, chutichung chuan felhlel leh tlin tawk lohna tam tak kan nei ang tih kan inhria a. A bik takin Information and Publicity lama mawhphurtute hian thupha chawina tur kan ngah hle mai tih kan inhria a, vawiin nia thil thleng, zan lama in hriattir hmana thu chhuah hram te a hlu a kan hriat avangin a harsa ti chung rengin kan han tum lui a, a chhuah chu a chhuak ve mai zel bawk a. Mahse, tihsual palh, a tuk lama tihdiknaa umzui ngai kan nei deuh reng a. A pawi kan ti a, kan fimkhur zawh loh thu-ah inkhawmpui palaite leh kan bulletin chhiartute hnenah ngaihdam kan dil mawlh mawlh a ni. Chhuah awm tak kan tihlan tak loh te, thil tul lo tak kan lo chhuah te pawh a awm thei a, chung thilah chuan ngaihdam kan dil bawk e. Chutih rual chuan kan thuchhuah thin te duhthu a sam tawk lo chunga ngaihlu taka min lo dawnsak thin avang khan Information & Publicity mawhphurtute kan nihna angin palaite zawng zawng chungah lawmthu kan sawi e.

—2—

www.mizoramsynod.org

MODERATOR MESSAGE
- Rev. C. Chawngliana

—3—

Synod Vawi 86-na thlengtu Mission Vengthlang Kohhran member zawng zawngte leh Synod palaite Isua Krista hmingin chibai ka buk a che u. Information & Publicity Sub.Committee-in Bulletin tha tak an buatsaihah Message min ziaktir avangin an chungah lawmthu ka sawi bawk e. 1979-ah khan Cachar Tlangram Mission hmun atangin Malaria vei hmel dik tak nen ATC, Mission Vengthlangah hian Theology zir turin ka lut a. Khatih laia ATC thenawm khawvengte leh Kohhranin ngampa taka kan awm theihna tura min lo dawnsawn thatzia kha rilru-ah a thar hle mai. Tunah Pension dawn tepah Mission Vengthlangin Synod a dawn vawikhatnaah ngei, ka nih ve tura ka ngaih phak loh Synod Moderator nihna ropui tak ka han chelh ve mai hi ropui ka ti a, ka lawm hle a ni. Synod thleng tura Kohhranhote inbuatsaihna kimchang hre lo mah ila, mit, beng leh ngaihtuahna hmang thei pangngai tan chuan inbuatsaihna a thatzia leh hautak dan tur hi a lang chiang hle a, Palai zawng zawngte hian lawmthu sawi tur kan ngah hle theuhin ka ring. Kan va lawm em. Lawmthu kan sawi e. Synod Palai te’n kan hawn theuh atana ka chah duh thil pathum ka han tarlang ang e.
mizoramsynod.wordpress.com

—4—

1)

Kan Synod Inkhawmpui hi a hun rei zawngah te, sum leh paiah te, a thlengtu tan leh thil dang dangah a hautak ta hle mai a. Inkhawmpuiin a tihzang-khaina tura a rel Agenda neih tlem, a concern Board-a thlen, palai tih tlem leh thil dangah te hian Synod duh dan leh ngenna hi kan Bial leh Presbytery-ah theuh tihhlawhtlin tumin i haw theuh teh ang u. Hmanah kha chuan Bial then leh Presbytery then chungchangah Synod thu chu Pathianin ro min relsakna angin Kohhranin kan pawm thiam hle thin a, a hahdamthlak hle thin. Tunah hian kan pawm thiam ta lo lek lek fo maiin a lang a, thu zawk nih duhnate pawh a awm ta deuh mai em aw a tih theih ta rum rum mai. Synod thu hi Pathianin Kohhranho min kaihhruaina tlingah ngai thin ila a hahdamthlak hle dawn a ni. Chapona lam ni lo sela, Mizoram ‘Thlarau Thianghlim Iptepui banna’ tia hruaitu hmasaten an lo sawi thin Mizoram Presbyterian Kohhran sawhnghet chung zelin Chanchin |ha puan darhna hna i thawk zel ang u. Ka lawm e.

2)

3)

~*~*~

www.mizoramsynod.org

—5—

BIALTU PASTOR THUCHAH
— Rev. C. Lalsangliana, Bialtu Pastor Mission Vengthlang Bial Mission Vengthlang Kohhranin Synod Inkhawmpui vawi 86-na chu kan lo thleng ve ta reng mai a. Puipate, palaite leh Inkhawmpui chhimtu zawng zawngte kan lo lawm che u a. Lalpa Isua Krista hmingin chibai kan buk a che u. He Inkhawmpui atan hian Bial chhung Kohhran leh chhungtinte kan theih tawpin kan lo inbuatsaih a. In tan malsawmna ni thei ila tih hi kan duhthusam leh tawngtaina a ni. Chutih laiin kan hmunhma leh kan Biak In-te duhthusama kan la puitlin hman loh deuh avangin theih ang tawka kan inbuatsaihna pawh kan induh thawhin kan sit hle thung a ni. |awngtaina leh sum leh paia min tanpuitute zawng zawng hnenah lawmthu kan sawi e. He Inkhawmpui chhung hian thlamuang leh hahdam taka in hun inhman kan duhsak che u a. In tan kan tawngtai reng dawn a ni. Hun lo kal zel tur atan thurawn tha leh min fuihna tur in neih apiangte lawm taka dawngsawng turin kan inpeih reng a. Inkhawmpui hriatreng tlak anih theihna tur leh, mahni hmun theuhva kan tin darh hnu pawha kan chakna thahrui a lo nih zel theih nan Synod Inkhawmpui vawi 86-na, Mission Vengthlang Kohhrana kan hman hi kan za atan Pathianin mal min sawm sak theuh rawh se.
mizoramsynod.wordpress.com

~*~*~

Zosap-te hnen atanga Chibai Bukna
From Date : : A ROBERTS <alwyn.roberts2007@btinternet.com> Friday, Dec 04, 09 5:51 PM Synod 2009

—6—

Subject :

Thiante u, I am very glad to have this opportunity of conveying my greetings and good wishes to the Synod. The continuing progress of the Church and its witness to the Gospel is a constant source of joy and I welcome the opportunity which the Synod bulletins give me of keeping in contact with the activity of the Mizo Presbyterian Church. On behalf of my wife and myself I wish you every blessing in the work; may God guide you and sustain you in your deliberations. I would add our personal greetings to all our old friends in Mizoram - we think of you especially at Christmas and the New Year. Yours sincerely, Alwyn and Mair Roberts

~*~*~
www.mizoramsynod.org

Zosap-te hnen atanga Chibai Bukna
From : Date : Subject : Angharad Roberts <angharad@roberts1445.fsnet.co.uk> Wednesday, December 09, 2009 4:13 PM Synod 2009 Greetings

—7—

Dear Friends, I send greetings in the name of our Lord Jesus Christ to you on the occasion of the Mizoram Synod Inkhawmpui. I pray that the Holy Spirit will lead you in all your deliberations and that all decisions will be in accordance to God’s will for the furtherance of His kingdom. We live in a difficult time with many problems that affect us all in all countries. We need the Lord’s leading of know-how to deal in His way with HIV/AIDS, the world wide recession, the secular cuture that invades each home through the television and other media. The Mizo church is a strong church, and it has the responsibilty of leading many of us in His ways. May God bless you and give you his wisdom, so that His name is glorified during this week. I am sorry this mesage is late (I have been without my computer for a few days!) and because of this haste it has had to be in English also! Yours in Christ, Zopari/Angharad Roberts
mizoramsynod.wordpress.com

SYNOD LEH A PAWIMAWHNATE
— Rev. Dr. Lalsawma Synod chu engnge ni ? Synod chu Grik tawng (SUN-ODOS) atanga lo chhuak a ni a, “kawng thuhmuna kalho’ tihna lam a ni. Lal Isuan, ‘Kei hi kawng… ka ni’ a tih kha zuiin ringtu hmasate chu ‘kawnga mite’ tih an ni a (Tirh. 9:2; 18:23; 22:4; 24:14). Chu hming chu Kohhran Inkhawmpui sawi man an hmang zui thin a ni. Synod of Jerusalem, etc. India Hmarchhak Presbyterian Kohhran Inkhawmpuilian chu Synod tih a ni phawt a, a hnuaia Assembly hrang hrang a awm thin. Ngaihtuah dan thar avangin kum 1952 hnulam atang khan a hmaa Synod tih kha Assembly tiin a thlak a, Assembly tih thin kha Synod tih a lo ni ta a ni. Synod Pawimawhnate 1. Impumkhatna a ni. Mizoram Synod hnuaiah chuan Presbytery tam tak a awm a, Presbytery hnuaia Kohhran zawng zawng chu Synod-in a thlung khawm vek a ni. Entirnan, Vangchhia Kohhran leh Pukzing Kohhran te, Vairengte Kohhran leh Lungrang Kohhran te, an inkara Kohhran awm zawng zawngte nen kalhmang pakhat hnuaiah an inpumkhat vek a, a ropui khawp mai. Hei hi Kohhran thil chauh a ni lo. Mizo mipuite inpumkhatna hi Synod avang a ni thui hle a ni.
www.mizoramsynod.org

—8—

—9—

2.

Thlarau himna kulhpui a ni. Ringtu tupawh, Synod leh a zirtirna laka rinawm tlat chu a thlarau nunah a him nge nge thin a ni. A kal sual palh thei lo zawng a ni lo, lo tlusual palh mahse tlukluhna tur a hria a, tundinin a awm leh thin. 3. Zirtirna dik kengtu a ni.

Kum za tam tak chhunga Kohhran te’n an humhalh tlat Baibul thurin hlun chu Synod hian a vawng tlat a, chuvangin a dik a ni. Zirtirna penhleh tam tak a lo chhuak tawh a. Chungte lakah chuan thurin dik leh kalhmang tha chu Synod-in a humhim zel. Pawl chhuak, siam chawp reng reng chu a hlun ngai lo; zirtirna dik tawk lo an keng thin a ni. 4. Khawvel thlirna tukverh a ni.

Synod avang hian Mizoram kristiante hi kan bengvar a, khawvel hmun hrang hranga ringtute chanchin leh, Pathian Thu hril tulna ramte pawh kan ngaihvenin hnamdangte ai chuan kan hre zawk em em a ni. “Khai le, i thawk ang u” tih reng reng kan ngaihthah ngai hek lo. 5. Education Media ropui a ni.

Synod hi naupang atanga tar kun thlenga zirna sikul ropui tak a ni a. Hetianga mi zawng zawng huap zirna media hi khawvel ramdangah awm ve tak maw. Synod sikula zir tha duh ngat chu taksa leh thlarau lamah an puitling thin a ni.

~*~*~
mizoramsynod.wordpress.com

HETI HIAN KAN TI
— Upa H. Ngurthansanga, Chairman Information & Publicity Mission Vengthlang Kohhrante chuan kum 2009 hi ‘Inkhawmpui thlen kum’ tiin kan hre reng tawh awm e. February thlaah Bial Hmeichhe Inkhawmpui kan han thleng phawt a. A hnuah a aia lian leh hautak zawk tura ngaih Inkhawmpui dang pathum (April-ah – Pastor Bial Inkhawmpui; October-ah – Aizawl Chhim Presbytery Inkhawmpui leh December-ah – Synod Inkhawmpui) thlen tur kan la nei a. Chuvang chuan Pathian Thlarau Thinghlim tanpuina kan mamawh hle dawn tih kan hria a. Inkhawmpui kan thlen leh tur te leh, Good Friday leh Easter Sunday-te Thlarau Thianghlim awmpuinaa hlawhtling taka kan hman theih nan March thla kha tawngtai Crusade hun atan kan hmang a. Chhungkaw tin atangin nikhatah vawikhat tal Biak Inah tawngtai tur a ni e kan ti a. He tawngtai Crusade thupui atan hian ‘Mi au la, ka chhang ang che’ (Jeremia 33:3) tih thupuiah kan hmang a. Kohhran mipuiten kan ngai pawimawhin kan tuipui hle a. March thla a ral hnuin thla khat atan kan pawtsei a, thla a ral leh a, kan pawtsei ta zel a, vawiin thleng hian kan la kalpui ta zel a ni. Kum chanve hma lamah phei kha chuan Crusade kan hman atanga testimony thar kan chharte leh sawichhuah duh nei hrim hrimte tan –mahni inphawrhna tur Note Bu Biak In kawngka bulah kan chhawp ta a. Note bu-ah chuan Testimony ngaihnawm tak tak chhiar tura ziak a awm. He tawngtai beihpui hmanga kan inbuatsaihna hi
www.mizoramsynod.org

— 10 —

— 11 —

Kohhran thlarau lam nunah lawmawm takin a lang chhuak a, kan Kohhranin kan sawtpui a, zawngchhangthlak hlein kan hria a ni. Hei baka kan inpuahchahna lian tham zawk ber chu kum bul atang khan Inkhawmpui thlen Organizing Committee kan din a. Chumi hnuaiah chuan Sub-Committee hrang hrang 11 kan awm leh a, mahni mawhphurhna zawn theuhah a tul ang angin hma kan la a. Sub-Committee hrang hrangte chu – 1. Information & Publicity Committee 2. Reception Committee 3. Refreshment Committee 4. Sanitation & Water Supply Committee 5. Ushering & Seat Arrangement Committee 6. Traffic & Security Committee 7. Banner & Decoration Committee 8. Medical Committee 9. Light & Sound Committee (Kohhran-a Committee awmsa rin a ni) 10. Pandal & Counter Committee (Kohhran Building Committee-te rin nghal a ni) 11. Finance Committee Finance Committee hi Kohhranin a neihsate rin an ni a. A tul ang anga Inkhawmpui mamawh atana sum dapchhuak tura tih an ni. Amaherawhchu, Kohhran mipuite tan tlanna azarah an ni hian a hranpaa hma an lak a ngai ta lova, lawmawm kan ti hle. Kohhran huang pawn lamah pawh Inkhawmpui hlawhtling taka kan thlen theih nan hma kan la a. Kan Kohhran hruaitute’n sorkar hotute hnenah kan mamawh mizoramsynod.wordpress.com

— 12 —

hrang hrang an thlen a. Chuvang chuan Inkhawmpui kan hman chhung hian Electric Power Supply-ah te, Water supply-ah te, Ration buhfai leh Gas Supply-ah te harsatna tawk lo turah kan inngai a. Kan sorkar hotuten min ngaihsak hlein kan hria a, kan lawm hle a ni. Tin, mikhualte mutna atan Mattress hi ATC, Sports & Youth Services, Sports Council, YHAI leh Aizawl Municipal Council atangin thahnem tak kan hawh a, Synod Office atangin Plastic Chair 260, Mission Veng Kohhran atangin 150 leh SMTC atangin 50 kan hawh bawk a, Kohhranin Chair 300 kan lei thar bawk. Mimal leh pawl - an hmanrua min hawhtirtu thahnem tak an awm a, tun tumah hian kan sawi seng lo. Mizoram hmun tin leh, ram pawn atanga lokal tur khual tha tam tak lakah kan lang mawi lo palh ang tih kan hlau a, Mission Vengthlang Village Council-te hmalakna-in Clean Mission Vengthlang a piang a, an ni hnathawh avang hian kan veng pumpui hi a lang mawi ve ta niin kan hria. Tin, Village Council-te an tang hle a, Electric leh kawngpui thawm that ngaite pawh a theih ang anga thuam that an ni a, a lawmawm hle a ni.

www.mizoramsynod.org

SYNOD (MIZORAM PRESBYTERIAN KOHHRAN) TUN HMA LEH TUN HUN (HMASAWNNA LAM) — Rev. Rokhuma Synod leh a hmasawnna lam sawi tur hian, a tichiangtu atan a hma lam dinhmun tlem han sawi hmatheh ila a tha awm e. Mizoramin Chanchin Tha a lo hmelhriat tanna hmahruai Rev. William Williams 1891 kuma a lokal leh Kristianna-in a rawn nanchin lai thlengin, Mizote chuan hnam sakhua, biakho nei lovin, a tul huna mahni nia an sakhua biain an lo awm a. Ramhuai hlauhtlawnin, sa an lo be thin a ni. Chutih laiin Pathian pakhat - a tha leh dik zawnga roreltu leh malsawm theitu, Pu Vana an tih mai chu an lo lam thin bawk. Tin, intluk chiaha ngaih tur ni lo mah se, Kristian vanram leh hremhmun mitthla tir thei tak pialral leh mitthi khua te an sakhaw thurin langsar tak a ni bawk. Chutiang sakhaw rindan dinhmuna an awm lai chuan, Mizoram chu Chanchin |ha-in a rawn thleng ta chiah a. Kan pipute’n, “Pu Vana, Chunga Pathian” tia an lo suangtuah chu Lal Isua Chanchin Tha-ah chuan “Kan Pa, Vana mi” tia kovin, van khua leh tui nihna changa lawmin, sakhaw pakhat behovin kan lo awm ta. Chu chu Pathian khawngaihna ropui tak avangin, Wales rama Kohhran, ramthim veituin Chanchin Tha min rawn hrilhna azarah a ni a, chu Kohhranin Mizorama rawng a bawlnaa Kohhran lo pianga lo thang chho zelah chuan “Synod” tih hming pawh hi kan lo hmelhriat ve ta a; Mizorama Kohhran Pawl lian ber Mizoram Presmizoramsynod.wordpress.com

— 13 —

— 14 —

byterian Kohhran hming emaw tia ngaihbelna pawh a awm thin a; tin, he Kohhrana ngei pawh hian chutianga hmanna pawh a nei ve tho mai. Eng pawh ni se, Synod tih hi chu Kohhran rorelna inkhawmpui hming a ni a, a Kohhran hming ni lovin, a hnathawhna Office hming sawi nan pawh a inhmeh ang chu. Chutizawng chuan kan thupuiin a tum leh kan sawi tur atan pawh Inkhawmpui a nihna dinhmun atangin kan thlir ang a. A Kohhran Synod rawngbawlna peng tina a hmasawnna chu sawisen a ni mai lo vang a. Synod Inkhawmpui hmang mek kan ni bawk a, a inkhawmpui chungchang bik kan thlir turah ngai ila. Kohhran rorelna lam Inkhawmpui thu-ah chuan Mizoram Presbyterian Kohhran inrelbawlna chu kum 1924 thleng khan Khasi rama Presbyterian Kohhran Assembly hnuaiah a awm thin. Tin, Inkhawmpui hming thu-ah hian, hun hmasa lamah chuan, tuna Synod kan tih hi, kum 1952 thleng khan Assembly tih a lo ni thin a, chumi hnu kum 1953 atang chuan kan hman mek tak ang hian, an hming thlakthleng a lo ni ta a, Inkhawmpui lian ber chu Assembly, a Unit-te Inkhawmpui chu Synod a ni ta. Mizoram Presbyterian Kohhran chu Khasi ram nen lam leh kar te a lo hlat bawk avangin, Assembly Standing Committee Mizoram ami chu a pawimawh em em a; Assembly Inkhawmpuia chai luai luai ngai lo turin thu pawimawh tak takte a lo ngaihtuah fel hmasa thin a ni. Mizoram Presbyterian Kohhran chanchina a lan angin, hun hrang hrangah 1906, 1013, 1919,1935 leh a hnu lamahte pawh, Pathian Thlarau Thianghlim zara Harhna a lo thlen apiangin Kohhran a lo pung phut phut thin a. Kum
www.mizoramsynod.org

— 15 —

1944 kan Kohhran kum 50-na Jubili a lo thlen khan, Mizoram pum chu Kristian rama chhal theih a lo ni hman hial tawh mai a. Chutia Kohhran a lo len tak zelah chuan, a inkhawmpui Synod pawh a lo lian ve ta-in, a thlengtu-ah pawh Aizawl leh a chhehvel Kohhran lian deuhte hman a ni deuh ber thin. Tun thleng kum 40 chhunga Synod Inkhawmpui palai pun chhoh dan pawh hetiang hi a ni: Kum Palai Kum Palai 1964 220 1990 878 1970 312 1995 992 1975 379 2000 1289 1980 465 2005 1414 1985 615 2008 1703 Kohhran a thang a; kum 2008-ah chuan Synod pakhat hnuaiah Presbytery 37, Pastor Bial 174, Kohhran 901 (+ la indang lo 255), Kohhran mi zawng zawng 4,78,853 a lo tling ta a. Hemi kum hian Synod Inkhawmpui palai kal chu 1703 an ni a, kumin 2009-ah hian 1800 vel ni theia ngaih a ni. Hetia Kohhran Inkhawmpui Synod a lo len chhoh tak hle-ah hian, a thlen pawh a lo hautak ve ta deuh va, chumi bakah a kaihhnawih thil dangte nen pawha ngaihtuahin, Mizoram Presbyterian Kohhran chu Regional Assembly nei tura he Synod hi then ni se tih rawtna pawh a awm tawh a, mahse Synod Inkhawmpui (2008) chuan Synod thensawm chu tul a ti lo. Kohhran a lo thanlena, a Inkhawmpui pawh a lo len zel takah hian, a kaihhnawih chu, a chungchang thu a khawmpui tana rel fel tur lo pung chho ve zel hi a ni a. Synod Inkhawmpuiin ni thum chhung (Ningani - Inrinni)-a rel zawh sen loh chang te a lo awm ta thin a; Inkhawmpui programme
mizoramsynod.wordpress.com

— 16 —

ruatsa pawh hman zawh hleih theih loh leh Pathianni zan hial pawha rorel chhunzawm leh Thawhtanni kai tum te a awm hial thin a. Hetih avang hian Synod Inkhawmpui rel tur, Presbytery-te atanga thu lutte a tlem lam ni tura duhnate pawh a lo awm thin a. Mahse hemi thu-ah hian Presbytery tan inthlahrun ai chuan, thurel tur tha a tam zawh poh leh chu chuan Kohhran thang lai than tum leh nung a entir zawk a ni. Synod Inkhawmpui ngei hian, thurel tur tam eng ang pawh, a chinfel dan chu a thiam zel a; a Department hrang hranga Board leh Committee-ten anmahni chan (subject) theuh an lo en hmasaka Synod Inkhawmpuia an rawn thlen tur zawnga tihdante awm se, rorel a fingin a awlsam zawk mai thei. Synod Inkhawmpui rorel tur a tam avanga a lo hautak tak deuh avang chuan kum 2006 Synod chuan, “Synod rorel chhung hi a hma lamah ni khata tih sei” turin a rel ta a; 2007 atang chuan rorel hi ni li (Nilaini - Inrinni) chhung a lo ni ta a ni. Synod pawh chuan a Inkhawmpui thlengtu Kohhran chu Rs. 2,00,000/- (cheng nuai hnih)-in a pui bawk a. Thingtlang lam atangte pawhin, Synod Inkhawmpuia zai turin Zaipawl an lo tel thei te hi a lawmawm khawp mai. Tin, Inkhawmpui thlengtu thenawm Kohhrante pawhin kawng hrang hranga thlengtu Kohhran an tawiawm te chu a lawmawm hle. Thingtlang lam atanga Zaipawlte chu a huhova thenawm Kohhrana an thlen hlauh pawh a remchan zawkna a awm thei bawk, an tan inhawrkhawm leh inbuatsaih a awlsam zawk avangin Synod Inkhawmpui hi rorel Inkhawmpui ni tho mah se, a programme-ah vantlang Pathian Biak Inkhawm leh thupui bik neia inpawlkhawmna pawh a nei thin a. Synod Inkhawmpuia Pathian malsawmna lawmawm tak lo lanna chu A Thlarau Thianghlim harhnaa hlimna leh Pathian leh A mite inpawlna duhawm tak lo thleng thin chu a ni. Hun hmasa
www.mizoramsynod.org

— 17 —

lama eng emaw tum bika harhna lo thleng thina sawi chu englai pawh leh zual zela Thlarau Thianghlima harhna leh pawlnain Synod Inkhawmpui hian a dawng thin. Tute tawngkam takin emaw, “Thlarau Thianghlim chuan Synod hi A iptepui ban nan A hmang duh a, A mite pawhin a thing her lum mai ni lovin, van manna thar an dawng zel” a ni. Kum khat pawh Aizawl Mission Veng Biak Inpui-a Synod Inkhawmpui neih tumin Vantlang Pathian Biak Inkhawm zanah le, Pu Chawngkhupa a rawn inpu bawr hnawk lut hle mai a, Pi Khuangbengi te nen(?) zalen taka hun hmanho a ni. Hei hian Pathian Thlarau Thianghlima harhna chungchanga Synod rilru a tilang hle. Chumi zan kher chuan, inkhawm zai hla sak leh lam tui lai tak hian (electric) a lo thim ta thut a. A ni Pu Chawngkhupa chuan, ring takin, “Eng leh rawh,” a han ti pawp mai a, a sawi zo hman chiah tihin a eng ve leh nghal pawp bawk; a tifuh palh hlauh emaw, a puitu tha tak awm ni maw! Synod Inkhawmpui ropuina leh a hmasawn zelna pawh a ni ang e, a Palaite rinawmna hi fak tlakin a ropui a ni; Inkhawmpui rorel laiin khawmpui huau huau, ennawm leh thil dang hipnain a tipelhe lo. Synod Inkhawmpui palai inthlan danah hian, Mizo Kristian kalhmanga thahnemngaihna leh inhuamna denchhena inmikhual a ni a, hei hi a hlu-in a ropui a ni. Heti a nih lai hian Synod pawh hian ama Inkhawmpui ngei anih bawk avangin, a thlengtu Kohhran a puih mekna pawh, tul a tih chuan tipung zel mah se a inhmeh tho mai thei. Synod Inkhawmpui hi a thlengtu Kohhran tan Pathian khawngaihnaa malsawm zuina a ni zel. Synod Inkhawmpui rorel dawn hian a kaihruaitu tawngtaina chu “Thlarau Thianghlim leh keinin...”
mizoramsynod.wordpress.com

— 18 —

(Tirh.15:28) tih a nih thin angin, rorelna hi a upin a thlarau a; khawvel changkang zelah hmanraw tha zawk leh tih dan tha zawk nen, changtlung leh fel taka tih a ni thei a, a lawmawm hle a ni. Kohhranho Lalpa leh A Thlarau Thianghlim kaihhruainain kumin (2009) Mizoram Presbyterian Kohhran Synod Inkhawmpui, Mission Vengthlang Kohhrana neih hi Pathian ropuina leh A Kohhran tan leh a thlengtu Kohhran tan pawh malsawmna a nih ngei a beiseiawm.

~*~*~

Usher Group 1

www.mizoramsynod.org

~*~*~

PASTOR ATANA NEMNGHEH THARTE
Pu Lalauva, Kulikawn, Aizawl fapa Rory Lalrinsanga hi ni 18 September 1971 khan lo piang a, P.C. Lalengmawii nen inneiin Kanhmunah Pro. Pastor hnathawk lai a ni. Zirna lamah chuan B.A., B.D. a zir zo tawh a ni. S. Kotlian (Manipur)-ah a awm ang. Pu H.B Hrangchhuana leh Pi R. Zothanmawii, Ramhlun South-te fapa 4 zinga mi Jerry Zoliansanga hi ni 27 August 1976 khan a lo piang a, H. Lalbiakhlui nen inneiin fa mipa 1 an nei tawh a ni. Zirna lamah chuan B.A., B.D. zir zo tawhin Phuldungsei Pro. Pastor hna thawk lai a ni a, Zohmun-ah a awm ang. Biate khaw tlangval H. Lalmuanpuia hi Upa H. Thantluanga leh Pi Lalthianghlimi te fa niin ni 9 July 1977 khan a lo piang a, B.A., B.D. zir zovin Kawnpui Pro. Pastor hna thawk lai a ni a, Chawngte-ah a awm ang. Damparengpui Pro Pastor Lalmuanzova hi ni 18 March 1978 khan Pu B. Saitawna leh Pi Biakengite inkarah a lo piang a, pianpui unau mipa pakhat neiin Nursery Kohhran tiphuisuitu a ni. Zirna lamah chuan B.A. (Hons), B.D a zir zo a ni. Cherhlunah a awm ang. Pu J.L. Varparha (L) leh Pi Biakengi, Republic Hmar Veng-te fapa pahnih zinga mi Lalawmpuia Hmar hi ni 6 April 1978 khan a lo piang a, zirna
mizoramsynod.wordpress.com

— 19 —

— 20 —

lamah chuan B.A., B.D. zir zovin N. Hlimen Bial-ah Pro. Pastor hna thawk lai a ni. Hnahthial-ah a awm ang. Bawngkawn Tlangval P.C. Lalmuanawma hi Pu Lalbiakzama leh Pi Vanlalliani te fa mipa 3 leh hmeichhia 1 zinga mi a ni a, Kum 1978 April 28 khan lo piangin B.Th., B.D. zir zovin Ruantlangah Pro. Pastor hna thawk lai a ni a, Chakmaghat (Tripura)-ah a awm ang. Jehu Laldintluanga h/o Pi Lalhruai-tluangi hi Upa Zarzoliana leh Pi Lalparliani, Model Veng Aizawl-te fa mipa 3 leh hmeichhia 1 zinga a upa ber dawt niin ni 5 September 1978 khan a lo piang a, M.A., B.D. zir zovin Vathuampui-ah kum 20072008 khan Pro. Pastor hna a va thawk a, tunah hian Electric Veng Aizawl-ah Pro. Pastor hna a thawk mek a ni a, Hliappui-ah a awm ang. Zobawk Pro. Pastor Lalthatluanga hi Pu Lalchhuanmawia, Kawnpui fapa a ni a, ni 11 November 1978 khan lo piangin zirna lamah chuan B.Com., B.D. a zir zo a ni a, Etawah (Lucknow)ah a awm ang. Pu R. Sapchhunga, Thingdawl Venglai fapa R. Lalrinliana hi ni 4 February 1979 khan a lo piang a, Rebecca Lalrinmawii nen inneiin zirna lamah chuan B.Th., B.D. a zir zo a ni. Tunah hian Dawrpui Vengthar Bial-ah Pro. Pastor hnathawk lai a ni a, Baratpur (Nepal)-ah a awm ang. Mission Vengthlang tlangval Lalfakawma hi, Upa Hauhmingthanga leh Pi Renghnuni-te fa tlum ber niin ni 3 April 1980 khan a lo piang a, B.Sc., B.D. zir zovin tunah hian Suangpuilawn ah Pro.
www.mizoramsynod.org

— 21 —

Pastor hna thawk lai mek a ni a, Deporijo (Arunachal ‘W’)-ah a awm ang, Lunglei Venglaia Pro Pastor hna thawk mek Lalbiaknunga hi Rev. Vanngura leh Pi Vanlalzawmi, Lallen-te fa niin ni 3 May 1980 khan a lo piang a, zirna lamah chuan B.A. (Hons), B.D. a zir zo va, Kangvai (Manipur)ah a awm ang. Pu Bawihthanga, Serchhip Hmar Veng fapa P.C. Nghaklianmawia hi ni 3 March 1981 khan lo piangin B.Th., B.D. a zir zawh hnuin Bilkhawthlir Pro. Pastor hna vawiin thlengin a thawk a ni. Kakarvita (Nepal)-ah a awm ang. Ni 2 February 1974-a piang Tv. Kelvin Teron hi Pu Marlu Teron, Diphu-Karbi Anglong fapa niin Darlung-ah Pro. Pastor hna thawk lai a ni. Zirna lamah chuan B.A., B.D. a zir zo tawh a, Hamren (Karbi)-ah a awm ang. — Suknu, Manipur-a awm tur Mangminthang hi a chanchin leh thlalak kan nei hman ta lo va, chhiartute hriatthiamna kan

ngen e.

Synod hmangtute zawng zawng

Krismas leh Kumthar
hlim taka hmang turin duhsakna kan hlan a che u.
mizoramsynod.wordpress.com

— 22 —

2009 SYNOD INKHAWMPUIA SUNTE :—
1. Rev. Dr. Zairema (1917 - 2008)

March 4, 1917-ah Hmunhmeltha khuaah a piang a. A pa chu Doliana a ni a, a nu chu Aibuani a ni. Unau pathum mipa hlir an ni. 1931-ah Middle a pass a, 1936-ah Matric a pass leh a. 1940-ah B.Sc. (Hons) pass lehin 1945-ah B.D a zo leh a ni. A nupui Pi Thangdailovi nen ni March 4, 1943 ah an innei a, fapa 3 leh fanu 4 an nei. A naupan tet atanga Kristian chhungkuaa seilian a ni a. B.Sc. a zir lai atanga Pathian rawngbawl tura inpumpek tum a ni a. Kum 1940-ah B.Sc (Hons.) a zawh hian ME School Headmaster-ah a tang phawt a, Pathian thu zir a duh avanin a bansan leh a. 1943-ah BD zir turin Serampore Collegeah a lut a. College Stipend tlem a hmuh bakah Rualkhuma (a patea) leh a nau Thanseia sipaia tang ten an chawm a. 1945-ah BD chu first class-ah a zo va, Synod hnuaiah a thawk nghal a, a hun chanve chu Mizo High School ding hlimah a hmang a. Hetih lai hian Mizo tawng Bible bu kim a la awm loh avangin Baptist Kohhran nena thawk tlangin Presbyterian Kohhran lam atangin Rev. Zairema, Rev. Saiaithanga leh Rev. Thanga te nen telin 1959-ah Bible bu kim chu an peih fel ta a ni. September 23, 1945 Special Assembly-ah nemngheh a ni ta a. High School lam indaih lohna avangin kum hnih chhung a thawh hnuah Assembly Secretary hna a thawk zui a, Cachar phaia ringtute enkawl an ngaih avangin 1959 -1967 chhung a zuk awm leh a. 1966 Synod-in General Secretary (full time) neih a rawt a. Rev. Zairema thlan a niin August 1968-ah a
www.mizoramsynod.org

— 23 —

thawk tan a ni. Kohhran thang zel mamawhna avangin Executive Secretary pathum neih thaa hriatna a lo awm a, ani hian 1974 -1981 chhungin Senior Executive Secretary hna a chelh zui ta a ni. 1963-ah Mizo Bible enthat rawt a nih khan Rev. Zairema chu a buaipuitu berah ruat a ni leh a. Hna tul dang avangin a enthatute hian an thawk sawt thei lo hle a. 1963 kum bulah khawla chhut tura peih fel a ni a, 1966-ah chhut zawh a ni ta a. Kum 30 chhung zet lehlin hna hi thawh a ni. Amaherawhchu, chhut dik loh a tam em avangin hralh chhuah a ni ta lo a ni. Ram buai lai khan Baptist Kohhran hruaitute nen theihtawpin remna kawng an zawng a, rinhlelh pawh an kaiin lung inah pawh a tan phah hial a. Buai zualpui a reh khan sawrkar committee hrang hrang – Planning Board, Land Tenure, Boundary, Mizotawng leh Dan lam ngaihtuahtu pawlah te hian a tel thin a. Tin, Calcutta leh Guwahati University te chuan Mizo tawng Matric leh BA exam zawhna siamtu leh endiktuah kum 30 chuang zet an chhawr bawk. Mizo Synod bakah North East India Christian Council (NEICC), Presbyterian Assembly, National Council of Churches in India (NCCI) ah te hian mawhphurhna pawimawh tak tak a lo chelh tawh a, Bible Translator Committee-ah member a ni tawh bawk a. World Reformed Churches Conference, Brazilah United Church of North India aiawhin a palai a. Tribal Consultation, Philippines-ah a tel tawh bawk. Synod Moderatorah a tang tawh a, committee pawimawhah a tel zel bawk a ni. Synod Office, Bookroom, Press, Thingsulthliah biak In leh Sunrise Flour Mill te hi a hova sak an ni a. 1982-ah kum 65 mi nia a pension hnuah mi thenkhatte nen hlemhletna do turin Vigilance Council an din a, Mizoram Guardians an din leh bawk. 1988 khan Serampore University chuan chawimawina sang Doctor of Divinity (Hon. Causa) a pe a, 1991 khan North Eastern Hill University (NEHU) chuan Doctor of Literature (Hon. Causa) a rawn pe bawk. Heng chawimawina te hi
mizoramsynod.wordpress.com

— 24 —

Kohhran leh vantlang tana a rawngbawlna hriatpuina a ni. A Lehkhabu ziah pawimawh zualte chu: 1. Chanchin Tha Marka (Hrilhfiahna) 2. Chanchin Tha Johana (Hrilhfiahna) 3. Uar bik nei Pawlte 4. Khati khan kan hril thin a 5. Bilat lei 6. God’s Miracles in Mizoram 7. Apokrifa (Lehlin) Rev. Dr. Zairema hi a pension hnu pawhin Mizoram leh Presbyterian Church of India tana mi tangkai, finchhuahtu leh uaplumtu a ni reng a. Hun eng emaw chen atang khan taksa chak lohna hrang hrangin a tlakbuak a, a pawn chhuak peih meuh ta lo va. Kohhran programme pawimawh hrang hrangah pawh a tel peih meuh ta lo va. Synod Inkhawmpui vawi 85-na, Ramhlun North-a neihah pawh khan Pastor nemngheh tharte chibai buktu (Moderator lo ni tawhte) zingah beisei a ni a, amaherawhchu taksa chak lohna avangin a tel thei ta lo va. December ni 17, 2008 (Nilaini) zing dar 6:00-ah lungna avanga a thi ta mai hian Kohhran hote pawh min barakhaih hle a ni. ‘Mizoram Synod Pa’ tih hiala chhal ngam Rev. Dr. Zaireman chatuan ram min lo pansan ta hi Mizoram Synod leh a thawhpui Kohhran leh Pawl hrang hrangte tan channa nasa tak a ni a. Engkim chunga roreltu leh remruattu chuan a kalsan tak a chhungte a thlamuan zel ang tih hi kan ring a, kan tawngtaipui bawk a ni.

~*~*~

www.mizoramsynod.org

— 25 —

2.

Rev. H. Zalawma (1943 - 2009)

June 10, 1943-ah Lungphun khuaah a piang a, a nu leh pa chu Chhuhvela leh Thangchungnungi an ni. Lungphun khuaah Class III a zo a, Adinjati High School, Imphal-ah kum 1965-a a kal laiin thuhriltu ropui Pu Robuanga’n Mizo zirlaite a tlawh a. Mizo Synod-in Matric pass chin chung lam rawngbawltu a mamawh thu leh Pathian kohna leh rawngbawlna thuchah a sawi a. Hemi atang hian inhmuchhuakin rawngbawlna lama luh a rilruk ta a. Kum 1967 March ni 3-ah Lalthanzami d/o Upa Siamliana nen Lungphun khuaah an innei a, An inneih ni hian Pastor a remchan loh avangin Upa Siamliana kutah an innei. An fate chu Lalliantluangi, Lalrinpuii, Lalrinawma, Laltanpuii te an ni. Kum1969 khan Aizawl Theological College, Mission Vengthlangah L.Th. a zir a, 1972-ah zovin Hindustan Bible Institute and College, Madras atangin B.Th. 1973 kum-ah a zo leh a. January ni 11, 1974, Mizorama Chanchin |ha thlen kum 80na lawm ni tak khan Pro. Pastor hna hi Champhai bialah a zawm a, Pro. Pastor a nih laiin External-in B.D a zir chhunzawm a, a zawh hnuah 1990-1992 chhungin M.Th. (Christian MinistryHomiletics) a zo leh a ni. kum 1977 khan Chanmari Biak inah Rev. Lalsawma, Moderator-in Pastor atan a nemnghet a, Pastor hna a thawh chhungin hengahte hian a thawk:1. Probationary Pastor-in Champhai bialah 1974-1977 2. Bialtu Pastor-in Champhai Kahrawt bialah 1978 Jan – May. 3. Bialtu Pastor-in (Deputation) Saiha Bial E.C.M- ah June 1978 atanga December 1978. Hemi chhung hian New Maubawk Bial (E.C.M.) a hmui bawk a, Serkawrah E.C.M. office hun rei lo te chhung a pui bawk. 4. Bialtu Pastor-in Champhai Kahrawtah 1979-1981 5. Kum 1982 -1985 chhung Aizawl Theological College-ah
mizoramsynod.wordpress.com

— 26 —

Lecturer a ni. 6. Christian Medical College & Hospital, Vellore-ah 1985 1987 chhung Senior Chaplain a ni. 7. Revival Worker September 1987 - April 1992 8. M.Th. zirin Bangalore-ah May 1990 - April 1992 9. Bialtu Pastor-in Serchhip Bialah May 1992 - December 1992 10. Lecturer-in A.T.C-ah- January 1993 - December 2000. Hemi chhungin Assistant Professor-ah kaisantir a ni. 11. Kum 2001-2003 chhung Dawrpui Bial Pastor a ni a, 2004 kum tir atangin a pension ta a ni. A rawngbawl chhunga mawhphurhna hrang hrang a chelhte: 1. Bial Chairman : Champhai Kahrawt Bial 1980 leh Dawrpui Bial 2002. 2. Presbytery Moderator : Khawchhak Presbytery 1980-1981 leh Aizawl East Presbytery 2002-2003 3. Synod Secretary : 1996-1997 4. Synod committee pawimawh chi hrang hrang Literature committee, Synod Executive committee, Synod Sunday School committee, Synod Hospital Board, Synod Education Board, Synod Revival committee, Synod Worship Committee-ah te a lo tel tawh a ni. 5. PCI Assembly-ah Christian Communication committee member a ni tawh bawk. A rawngbawl chhung hian nupa tuak 291 a inneihtir a, mi 1657 baptisma a chantir. Pastor a nih hnuah Champhai Govt. College atangin B.A. a zo va, chumi hnuah Annamalai University atangin M.A. (Sociology) a zo bawk. Kohhran pawn lama inhmannate: 1) Bible Society of India-ah kum 1979-1981 chhungin Champhai Branch Secretary hmasa ber a ni a, Aizawl North-I Branch President kum 2002-2004 chhungin term 2 a chelh. Aizawl Auxiliary
www.mizoramsynod.org

— 27 —

President pawh kum 2003-2005 chhung a chelh bawk. A pension hnuah pawh hetiang hian a inhmang zui: a) Kohhranah : Synod hnuaiah Hospital Board-ah leh Worship Committee-ah a tel. Tualchhungah chuan Property leh Social Front Committee-ah Chairman a ni tawh. b) Bible Society-ah : Aizawl Auxiliary President-ah term hnihna atan kum 2005-2007 a tang nawn. c) Mizoram Upa Pawl : Mizoram Upa Pawl Dawrpui Unitah Financial Secretary 2005-2007. Area Executive Committee-ah member a ni bawk. d) Soldiers for Christ : Rawngbawlna chi khat ruihhlovin a tihbuaite chhanchhuahna team pakhat Soldiers for Christ Team Adviser, leh Managing Board Chairman a ni tawh. A hun tawp lam : Rev. H. Zalawma hi a rawngbawl chhung leh a pension hnuah pawh pa hrisel tha pangngai a ni a. Kumin May ni 26-29 chhunga Pastor Retreat leh June ni 2 atanga ni 4 chhunga Synod Executive committee-ah te pawh a la tel a. Thisen sang a nei tih hriatchhuah a nih hnu, June ni 12, 2009, Zirtawpni khan a dar kham leh insawiselna neuh neuh a neih avangin daktawr a rawn a. Hemi ni vek hian Presbyterian Hospital, Durtlangah inentirin an lo admit a. A natna chu daktawr ten uluk taka an en hnuah lung lam that lohna a nei tih hmuhchhuah a ni a. Khaw thim hnuah a inthiar zo chu heart attack a neih zui tak avangin luhaiin a buai chho ta a, daktawr leh nurse ten oxygen pein an buaipui ta nghal a, theihtawp chhuaha an enkawl laiin zan dar 10:15 khan Chatuan ram min lo pansan ta a ni. Kan rawngbawlpui duh tak, Rev. H. Zalawma’n chatuan ram min lo pansan ta mai hi kan ui em em a, a kalsan tak a chhungte leh Kohhranhote Pathianin thlamuanin awmpui zel se tih hi kan tawngtaina a ni.

~*~*~
mizoramsynod.wordpress.com

— 28 —

3.

Rev. Vanthangpuia (1945 - 2009)

Chhungkaw lam Rev. Vanthangpuia hi Upa Kaithangvunga @ Upa Thanga leh Pi Neihringi te fa niin, July ni 1, 1945 khan Lamherh khuaah a lo piang a. Kum 1952 khan Suangpui-lawnah an pem a. Kum 1972 July ni 18 khan Lalchhanhimi nen Biate kohhran biak inah Rev. Kawlkhuma kutah an innei a. Pi Lalchhanhimi nen hian fa 5- David Vanlalruata, Lalhmachhuana, Lalrinhluna, Lalawmpuia leh Lalngaihmanawmi te an nei. A pa hian kum 1979 June ni 19 khan a thihsan a ni. Zirna lam Primary leh Middle School-te hi Suangpuilawnah a zir zo va, Phuaibuangah Class VIII zir zovin High School chu Sialmat Christian High School, Manipur-ah a zo thung a, kum 1965 khan he High School-ah hian Class X a zo ta a ni. Piantharna leh rawngbawl tura inbuatsaihna Zirna lamah High School a zawh hnu hian zir zelna lam aiin rawngbawlna lamin a nun a lo pawt hneh ta zawk a. Rawngbawlna hna hi a pa kaltlanga Pathianin a kohna hmun niin a ngai nghet hle thin a ni. Middle School-a a zir lai khan a pa Upa Thanga chuan Pathian rawng bawl tura hlan a nih tawh thu a hrilh thin a. Chu chu a rilruah hian a cham tlat thin a ni. High School a kal chhung khan a pain a hrilh anga Pathian rawng bawl tur ni ngeia inngaihna a nei nghet hle a, a zirna pawh chu chumi atana a inbuatsaihna angah chuan a ngai bawk a. High School a zir zawh hma, kum 1963-ah khan Pianthar harhna lawmawm tak chu a chang a, chu chuan Pathian rawngbawltu ni tura kohna chu a rawn tihchiansak zual a. Pathian aw a ni ngei em tih finfiahna atan tiin kum
www.mizoramsynod.org

— 29 —

1967 khan ATC-ah Pathian thu zir ve tumin Entrance Exam a bei ve ta a ni. A duh leh beisei ang takin lak a ni ve ta a, amah pawh a lawm a, kohhranhote pawhin an lawmpui vein a hre bawk a. Kum 1967- April 1970 chhung khan ATC-ah chuan Pathian thu (G.Th) a zir zo va, Pathian rawng bawl tura inpeih tain a inhria a, a rilru a hlim em em thin. Rawngbawlna lam Kum 1970 Synod Inkhawmpui chuan Pro. Pastor atan a la ta nghal a. Biate Bialah kum 1971-1972 (kum hnih) chhung a awm a. A pa hriselna a lo tlak hniam tak avang leh kohhranho tana tha zawk tur a nih beiseina avangin kum 19731974 chhung khan Suangpuilawn Bialah dah sawn a ni a, Phullenah a awm a. Kum 1974 Synod khan Pastor atan a nemnghet a, kum 1975 atang khan Khawruhlian Bial a vawng ta a; kum 1984 thleng (Kum 10 chhung) a awp a ni. Kum 1985 khan West Phaileng Bialah sawn a ni a, hemi kum hian ATC-ah B.Th a zir chhunzawm leh avangin Aizawlah a lo chho va. Kum 1987 khan zir zovin, chumi kum Synod Inkhawmpui chuan Lawngtlai Bial hawn thar vawng turin a dah leh nghal a, Lawngtlai Bialah hian kum 1988-1994 chhung a awm a, Synod-in Pastor-te Bial khata an awm chen tur a ruatsak anga kum 7 a awm tlingtlak theih avangin lawmthu a sawi a ni. Kum 1995-2001 chhung khan Lungdai Bial thar a enkawl leh a. Kum 2002-2005 chhung kha Pastor hna atana a inpeknaah chuan a hun tawp a lo ni ve ta a, Chaltlang Bialah awmin thahnem ngai takin a hun tawpna hi a hmang zo va. Kum 35 chhung Pathian beramho enkawl hna a thawhna chu kum 2006 khan chawlhsanin, hmingtha takin a lo pension ve ta a ni. A rawngbawl hnaah hian a thawh hun chhung zawng khan mahni lam induhkhawp lo em em mi a ni a, insitin a hun a hmang zo a ni. Pastor hna a thawh hun chhunga Pathian leh Kohhranho duhsakna leh enkawlna a dawn zawng zawngte avangin a lawm thiam em em a, a phu loh hlir dawngin a inhre thin a ni. Pastor hna a thawh chhung khan nupa tuak 435
mizoramsynod.wordpress.com

— 30 —

a inneihtir a, mi 3746 zet baptisma a chantir hman a ni. Mawhphurhna pawimawh a chelh tawhte Rev. Vanthangpuia hian rawngbawl hna a thawh hun chhung khan mawhphurhna pawimawh tak tak a chelh tam hman hle a. Synod-ah hian Pastoral Committee, Sunday School Committee, Executive Committee, Nomination Committee leh Ramthar Committee-ahte a tel a. Presbytery Moderator mawhphurhna hi tum 4 lai a chelh bawk a, Presbytery level-ah hian Committee peng hrang hrangah a tel kim niin a inhria. Bial inkhawmpui Chairman-ah tum 11 lai a tang hman bawk. Zoram Baptist Kohhran leh Lairam Baptist Kohhran inkara palai hna thawk tura Chhimtuipui District huam chhunga kohhran pawl 3- Presbyterian, IKK leh UPC atanga mi pathum an thlan chhuahah khan a tel a, an hna an thawhna kawngah khan a lawm tak zet a ni. A thu ken bikte Rev. Vanthangpuia hian Pastor hna a thawh chhung khan thuchah ngaihpawimawh bik em em, eng lai pawha tul renga ngaih pathum a nei tlat a, chungte chu- "Chhandamna thu", "Kohhran leh a rawngbawlna", "Kohhran awm chhan Chanchin |ha puan darh" tihte hi an ni. Heng a thu ken tlatte atang hian "Thutak" ngaipawimawh em emtu a nihzia a lang chiang hle a, ringtu nun leh kohhranho chakna bulpui pawh a thu kenah hian a awm tlat a ni. Pathian leh a kohhranho rawngbawl hnaa mittlung taka inhmang zo, Pathian chhiahhlawh ropui tak kan lo thlah ta hi kohhranho tan malsawmna ni se kan duh a. A kalsan tak a chhungte pawh Pathianin a thlamuannain chen chilh zel rawh se.

~*~*~
www.mizoramsynod.org

— 31 —

Photomentary :—

Sanitation & Water Supply

Medical Duty-te

Ei leh in lam buaipuitute

mizoramsynod.wordpress.com

— 32 —

Inpawlhona - RC Hall lam

www.mizoramsynod.org

— 33 —
Tawnglettute pawh Kohhran Committee Room lamah

RECEPTION COUNTER

mizoramsynod.wordpress.com

Sign up to vote on this title
UsefulNot useful