You are on page 1of 8

စာရေးဆရာဦးသန့် (သို့မ ဟုတ်) ငြိမ်းချမ်းရေးကိုချစ်သူ

(၁၉၀၉-၂၀၀၉ ဦးသန့်နှစ်(၁၀၀)ပြည့်အမှတ်တရ...)

၂၀၀၉ ခုနှစ် ဇန်ဝါရီလ ၂၂ ရက်နေ့သည် ကမ္ဘာ့ကုလသမဂ္ဂ အထွေထွေအတွင်းရေးမှူးချုပ် ဦးသန့်၏ နှစ် (၁၀၀)


ပြည့်မြောက်သောနေ့ ဖြစ်ပေသည်။

ဦးသန့်သည် အာရှနိုင်ငံများမှ ပထမဆုံးအကြိမ်အဖြစ် ကုလသမဂ္ဂ အထွေထွေအတွင်းရေးမှူးချုပ်အဖြစ် တတိယမြောက်


ခန့်ထားခြင်းခံရသော မြန်မာနိုင်ငံသား တစ်ဦးဖြစ်သည်။ ဦးသန့်ရှေ့မှ ပထမဆုံးအတွင်းရေးမှူးချုပ်မှာ ထရစ်ဗီ လီး
(နော်ဝေနိုင်ငံသား)ဖြစ်ပြီး ဒုတိယမြောက်အတွင်းရေးမှူးချုပ်မှာ ဒက်ခ်ဟမ္မားရှိုးလ် (ဆွီဒင် နိုင်ငံသား)ဖြစ်သည်။

မြန်မာနိုင်ငံမှ ကုလသမဂ္ဂ၏ အထွေထွေအတွင်းရေးမှူးချုပ် ဖြစ်လာခြင်းအတွက် ကမ္ဘာ့နိုင်ငံများအားလုံးက မြန်မာနိုင်ငံကို


အသိအမှတ်ပြု လေးစားလာကြသည်။ အဓိက ဦးသန့်၏ ကမ္ဘာ့နိုင်ငံရေးပြဿနာများ၊ ကမ္ဘာ့လူသားအားလုံး၏
ငြိမ်းချမ်းရေးကိစ္စများတွင် ကိုယ်ကျိုးစွန့် အနစ်နာခံ၊ အပင်ပန်းခံကာ ကြိုးစားဆောင်ရွက်မှုကြောင့်လည်းကောင်း၊
ဥာဏ်ပညာအမြော်အမြင်နှင့် စိတ်ထားမွန်မြတ်မှု၊ သဘောထားကြီးမှု၊ မေတ္တာကရုဏာတရားနှင့် ကိုယ်ချင်းစာနာမှု စသည့်
အခြေခံလူ့ကျင့်သိက္ခာ၊ စာရိတ္တကောင်းများနှင့် ပြည့်စုံမှုကြောင့်လည်းကောင်း၊ ဦးသန့် ကို ကမ္ဘာ့နိုင်ငံများက
ချစ်ခင်လေးစား ကြသည်။

ဦးသန့်သည် ကမ္ဘာတွင် မြန်မာနိုင်ငံ၏ ထူးချွန်ထက်မြက်သော သားကောင်းရတနာတစ်ဦးဖြစ်သကဲ့သို့ ဦးသန့်ကြောင့်


ကမ္ဘာတွင် မြန်မာဟေ့လို့ မြန်မာနိုင်ငံ ဂုဏ်ရှိန်တက်ခဲ့ရသည်။

ဦးသန့်ကို ဧရာဝတီတိုင်း ပန်းတနော်မြို့တွင် အဖ ဦးဖိုးနှစ်၊ အမိ ဒေါ်နန်းသောင်တို့က ၁၉၀၉ ခုနှစ် ဇန် န၀ါရီလ ၂၂
ရက်နေ့က မွေးဖွားခဲ့သည်။ မွေးချင်းလေး ဦးအနက် အကိုအကြီးဆုံးဖြစ်သည်။ ဦးသန့်အောက်တွင် ဦးခန့်၊ ဦးသောင်း၊
ဦးတင်မောင် ညီငယ်သုံးဦးရှိသည်။ ဦးသန့်မှာ ငယ်စဉ်က ပန်းတနော်မြို့ အမျိုးသား ကျောင်းတွင် ပညာသင်ကြားခဲ့ ပြီး
ရန်ကုန်တက္ကသိုလ် (ယခင်က ယူနီဗာစီတီကောလိပ်) တွင် ဆက်လက်ပညာ သင်ကြားခဲ့ရာ ၁၉၂၈ ခုနှစ်တွင်
ဥပစာတန်းစာမေးပွဲအောင်မြင်ခဲ့သည်။ ၎င်းနောက် ပန်းတနော်အမျိုးသား အထက်တန်း ကျောင်း၌ပင်
အထက်တန်းပြဆရာဝင်လုပ်ခဲ့သည်။

အသက် ၂၆ နှစ်တွင် ဒေါ်သိန်းတင်နှင့် လက်ထပ်ခဲ့ရာ သမီးကြီး အေးအေးသန့်နှင့် သားငယ် တင်မောင်သန့်တို့နှစ်ဦး


မွေးဖွားခဲ့သည်။ သားငယ်တင်မောင်သန့်မှာ ၁၉၆၂ ခုနှစ် မေလ ၂၁ ရက်နေ့က ဗဟန်းမြို့နယ် ရွှေဂုံတိုင်အနီးတွင်
ဘတ်စ်ကားပေါ်မှ လိမ့်ကျ၍ သေဆုံးခဲ့သည်။ ဦးသန့်သည် ကျောင်းဆရာဘ၀မှထွက်ပြီး ရန်ကုန်သို့ ၁၉၄၇ ခုနှစ် ဇူလို င်လ
၉ ရက်နေ့တွင် ပြောင်းရွှေ့လာခဲ့သည်။ ဦးသန့်၏ အဓိကရည်ရွယ်ချက်မှာ စာရေးဆရာ၊ သတင်းစာဆရာ ဘ၀များနှင့်
မဂ္ဂဇင်းထုတ်ဝေရန် ရည်ရွယ်ချက်ရှိခဲ့သည်။ မဂ္ဂဇင်းထုတ်ဝေရန် သူငယ်ချင်းဖြစ်သူ ဦးနု (၀န်ကြီးချုပ်)နှင့် တိုင်ပင်သောအခါ
ဦးနုက ကန့်ကွက်ခဲ့ပြီး ၎င်း၏ အသစ်ဖွဲ့စည်းမည့် အစိုးရအဖွဲ့တွင် ပါဝင်ရန် အလိုရှိနေခဲ့သည်။ ဦးသန့်မှာ အင်္ဂလိပ်-မြန်မာ
နှစ်ဘာသာစလုံးကို ကျွမ်းကျင်စွာ ရေးဖတ်ပြောဆိုနိုင်သူ တစ်ဦးဖြစ်သည်။ ထို့ကြောင့် ဦးသန့်မှာ မိမိဖြစ်လိုသော
စာနယ်ဇင်းဆရာဘ၀ကို စွန့်လွှတ်ကာ မမျှော်လင့်ဘဲ ဦးနု၏နိုင်ငံရေးနယ်ပယ်တွင်းသို့ ရောက်ရှိသွားတော့သည်။

ဦးသန့်သည် မြန်မာ့နိုင်ငံရေးလောက၌ ၀န်ကြီးချုပ် ဦးနုလက်ထက်တွင် လည်းကောင်း၊ ဗိုလ်ချုပ်ကြီး နေ၀င်း


အစိုးရလက်ထက်တွင် လည်းကောင်း၊ နိုင်ငံ့တာဝန်များကို ကျေပွန်စွာ ထမ်းဆောင်ခဲ့သဖြင့် ရာထူးအဆင့်ဆင့်
တိုးမြှင့်ခန့်ထားခြင်းခံရပြီး နောက်ဆုံးတွင် ကမ္ဘာ့ အဆင့်အမြင့်ဆုံးရာထူးဖြစ်သည့် ကုလသမဂ္ဂ
အထွေထွေအတွင်းရေးမှူးချုပ်ရာထူးကိုပါ ကမ္ဘာ့နိုင်ငံများက ကန့်ကွက်မဲမရှိ ပေးအပ်ခန့်ထားခြင်း ခံခဲ့ရသည်။
မြန်မာနိုင်ငံ ပြည်တွင်းတွင် ...
- ၁၉၄၂ ခုနှစ်တွင် မြန်မာနိုင်ငံပညာရေးပြန်လည်စု စည်းမှု၌ အတွင်းရေးမှူးတာဝန်၊
- ၁၉၄၇ ခုနှစ်တွင် သတင်းနှင့်စာနယ်ဇင်းညွှန်ကြားရေး မှူးတာဝန်၊
- ၁၉၄၈ ခုနှစ်တွင် ပြန်ကြားရေးဌာန၊ ညွှန်ကြားရေးဝန်၊
- ၁၉၅၁ ခုနှစ်တွင် သမိုင်းကော်မရှင်နှင့် ဘာသာပြန်စာ ပေအသင်း၊
- ၁၉၅၂ ခုနှစ်တွင် ရုပ်ရှင်အကဲဖြတ်အဖွဲ့ဥက္ကဋ္ဌ၊ ပြည် တော်သာရှစ်နှစ်စီမံကိန်းရေးဆွဲရေးတာဝန်၊
- ၁၉၅၃ ခုနှစ်တွင် ၀န်ကြီးချုပ်ရုံး စီမံကိန်းအတွင်းဝန်၊
- ၁၉၅၅ ခုနှစ်တွင် ၀န်ကြီးချုပ်ဦးနု၏ အတွင်းဝန်ရာထူး နှင့်စီးပွားရေးနှင့် လူမှုရေးဘုတ်အဖွဲ့အတွင်းဝန်

မြန်မာနိုင်ငံ၏ပြင်ပတွင် ...၊
- ၁၉၅၇ ခုနှစ်တွင် ကုလသမဂ္ဂဆိုင်ရာ မြန်မာသံအမတ် ကြီး၊
- ၁၉၆၀ ပြည့်နှစ်တွင် ကုလသမဂ္ဂရန်ပုံငွေ တိုးပွားရေး အဖွဲ့၏ ဥက္ကဋ္ဌ၊
- ၁၉၆၀ ပြည့်နှစ် နိုဝင်ဘာလ ၃ရက်နေ့၌ ရုတ်တရက် ကွယ်လွန်သွားသော ဒုတိယမြောက် အထွေထွေအတွင်းရေးမှူးချုပ်
ဒက်ခ်ဟမ္မားရှိုးလ်၏ ကျန်ရစ်သောသက်တမ်း အတွက် ယာယီအတွင်းရေးမှူးချုပ်တာဝန်၊
- ၁၉၆၂ ခုနှစ် နိုဝင်ဘာလ ၃၀ ရက်နေ့တွင် တရားဝင် အမြဲတမ်း ကုလသမဂ္ဂ အထွေထွေအတွင်းရေးမှူးချုပ် ရာထူးကို
တတိယမြောက် ခန့်ထားခြင်းခံရပြီး ၁၉၇၁ ခုနှစ် ဒီဇင်ဘာလ ၃၁ ရက်နေ့အထိ နှစ်ကြိမ်ဆက်တိုက်
တာဝန်ထမ်းဆောင်ခဲ့သည်။

ဦးသန့် အထွေထွေအတွင်းရေးမှူးချုပ်တာဝန် ထမ်းဆောင်ခဲ့စဉ်က အဓိက ဖြေရှင်းခဲ့ရသော ပြဿနာများမှာ


ကျူးဘားပြဿနာ၊ ဆိုက်ပရပ်(စ်)ပြဿနာ၊ အင်ဒိုနီးရှားနှင့် အီရီယံကျွန်း ပြဿနာနှင့် ဗီယက်နမ်အရေးအခင်းတို့ဖြစ်သည်။
၎င်းပြဿနာများကိုလည်း အောင်မြင်စွာ ဖြေရှင်းဆောင်ရွက်နိုင်ခဲ့သဖြင့် ကမ္ဘာ့နိုင်ငံခေါင်းဆောင်များ၏
ယုံကြည်လေးစားခြင်းကို ခံခဲ့ရသည်။

ဦးသန့်သည် မြန်မာနိုင်ငံတွင်းမှ ၁၉၄၉ ခုနှစ် တွင် ၀ဏ္ဏကျော်ထင်ဘွဲ့၊ ၁၉၅၃ ခုနှစ်တွင် သီရိပျံချီဘွဲ့၊ ၁၉၅၇ ခုနှစ်တွင်
စည်သူဘွဲ့၊ ၁၉၆၁ ခုနှစ်တွင် မဟာသရေ စည်သူဘွဲ့များရရှိခဲ့သည်။

ပြည်ပကမ္ဘာ့နိုင်ငံများရှိ တက္ကသိုလ် ၂၅ ခုမှ အယ်လ်အယ်လ်ဒီဘွဲ့များနှင့် ပါရဂူဒေါက်တာဘွဲ့ငါးခုကိုလည်း ရရှိခဲ့ပြီး


အိန္ဒိယနိုင်ငံမှ နေရူးဆုကိုလည်းရရှိခဲ့သည်။

စာရေးဆရာဘ၀နှင့် သတင်းစာဆရာဘ၀ကို ခုံမင်မြတ်နိုးသောဦးသန့်သည် ကမ္ဘာ့နိုင်ငံပေါင်းချုပ်


အသင်းကြီးစာအုပ်ကိုလည်းကောင်း၊ ပြည်တော်သာခရီး စာအုပ်ကိုလည်းကောင်း ရေးသားထုတ်ဝေခဲ့သည်။ ဦးသန့်၏
ပြည်တော်သာခရီးစာအုပ်မှာ သုံးတွဲရှိသည်။ ၎င်းစာအုပ်တွင် လွတ်လပ်ရေးဆုံးရှုံးမှုနှင့်ပတ်သက်၍ မျိုးချစ်မြန်မာတို့
ဦးဆွေးဆံမြည့်တော်လှန်ခုခံခဲ့ကြပုံ၊ လှေခွက်ချည်းကျန်အလံမလှဲစေရဆိုသော အမျိုးသားရေးစိတ်ဓာတ်ကို
ဖော်ညွှန်းထားသည်ကိုတွေ့ရသည်။ ဥပမာ .. “တစ်ခါက တော်လှန်ရေးမြန်မာသူရဲကောင်းတို့အား တိုက်ခိုက်ရန်
မေဂျာဂျင်နရယ်နှစ်ဦး၊ ဗရီးဂေးရီးယားဂျင်နရယ် ခြောက်ဦးတို့၊ ကွပ်ကဲအုပ်ချုပ်သော စစ်သားသုံးသောင်းနှစ်ထောင်ပါ
တပ်ကြီးများကိုပင် စစ်မြေပြင်သို့ စေလွှတ်ခဲ့သည်။ ထိုတပ်ကိုရင်ဆိုင်ရန်အတွက် ရင်မြေကတုတ်လုပ်၍ အရိုးကြေကြေ၊
အရေစုတ်စုတ် အနိုင်မခံ အရှုံးမပေးသော တော်လှန်ရေးကာလတွင် ဗိုလ်မင်းရောင်အစရှိသည့်
တော်လှန်ရေးခေါင်းဆောင်များ ထင်ရှားကျော်ကြားလာခဲ့ကြသည်။ မြန်မာနိုင်ငံ အလယ်ပိုင်းတွင် ဗြိတိသျှတပ်များသည်
ဗိုလ်မင်းရောင်၏အမည်ကို ကြောက်ရွံ့ခဲ့ကြလေသည် ”
(စာ-၁၄၉၊ ကမ္ဘာ့ငြိမ်းချမ်းရေးဗိသုကာဦးသန့်၊ စာရေး သူ တက္ကသိုလ်စိန်တင်စာအုပ်မှ )
၎င်းင်းနောက် ဂျပန်များ မြန်မာနိုင်ငံသို့ ၀င်လာပြီး မြန်မာများကို လိမ်လည်လှည့်ဖြားခဲ့ပုံကိုလည်း ဤသို့
ရေးသားထားပြန်သည်။
“ဂျပန်စစ်အာဏာပိုင်တို့ကား လုံးဝလွတ်လပ်ရေးပေးရန် လာရောက်ကြသည်မဟုတ်၊ မိမိတို့လက်သုံး
ကြွေးကြော်သံဖြစ်သော (အာရှ သာတူညီမျှစနစ်) ဟူသော စကားလုံးဖြင့် လှည့်စားလျက်ရှိသည်ကို တွေ့ရပေသည်။
ဗြိတိသျှတို့၏ အာဏာစက်သည် မြန်မာနိုင်ငံမှ ပျောက်ကွယ်သွားသည်နှင့် တစ်ပြိုင်နက် ဖက်ဆစ်ဂျပန်တို့၏
အာဏာစက်တို့ကို အစားထိုးရန် ကြံစည်ခဲ့သည်မှာ ထင်ရှားစွာ ပေါ်ပေါက် လာတော့၏”
(စာ-၁၅၊ ကမ္ဘာ့ငြိမ်းချမ်းရေး ဗိသုကာဦးသန့်၊ စာ ရေးသူတက္ကသိုလ်စိန် တင်၏စာအုပ်မှ )

ဦးသန့်သည် နိုင်ငံရေးစာပေ၊ ဘာသာပြန်စာပေ၊ ယဉ်ကျေးမှုပိုင်းဆိုင်ရာစာပေ၊ ဝေဖန်ရေးစာပေများ စသည့်


စကားပြေဆောင်ပါးများကို ထိုခေတ်က ထုတ်ဝေခဲ့ သော သတင်းစာများ၊ ဂန္ထလောက မဂ္ဂဇင်းများတွင်
ရေးသားခဲ့သည်သာမက “သီလ၀”အမည်နှင့် ကဗျာ များကိုလည်း ရေးသားခဲ့သည်ကိုတွေ့ရသည်။ ၁၂၉၆ ခုနှစ်
နယုန်လထုတ် ဂန္ထလောကအတွဲ-၁၉၊ အမှတ်-၁၁၃ တွင် ပါရှိသော ဦးသန့်(သီလ၀)၏ ကဗျာကို ကြည့်ရအောင်-

မငိုနဲ့ကွယ်
အိုအေအေ အမေချော့လို့
တိတ်ပါတော့ မယ့်သည်းချာ
ခိုပြာခိုဖြူနဲ့
တကူကူ ဂျိုးတွေရောက်ပါလို့
မိတ္ထီလာ ကန်တော်အောက်ဆီက
ဘားကောက်ဘို့အမေမှာ။ ။
အေအိုအို ကြောင်ကြီးက
အမြီးခတ်တိုတို
မေ့သားကို လာ၍ကိုက်ပါလိမ့်
မေရိုက်မယ် မောင်မငိုနဲ့
ဒီကြောင်အို အဆီစားပါလို့
အသားကို သူမျိုတတ်တယ်ကွဲ့
ရပ်တော့အသာ။ ။
အိုအေအေ ပါးပြင်နုမှာလေ
ပုလဲဥမျက်ရည်ယို
သည်တိုင်းသာ အငိုဆက်ရင်ဖြင့်
ခက်လေပြီ သည်တမိမှာတော့
ကလေးဘေ ဘယ်မှာရှိလေဘိ
သိချင်လှ စိတ်မကြည်
ဘယ်ဆီမှ မရှာအား။ ။
အိုအေအေ အသာပိုက်ပါလို့
ရွှေနို့ချို အမေတိုက်မယ်ကွဲ့
ငိုရှိုက်ကာ မောင်မနေနဲ့
ကလေးဘေ ပြန်လာရောက်ခါမှ
စားသောက်ရန် ချိုချဉ်လှိုင်၍
နှစ်ယောက်ပြိုင် အတူချော့မယ်ကွယ်
တိတ်တော့မေ့သား။ ။
(မူရင်းစကားလုံးအတိုင်း ဖော်ပြထားပါသည် )

မိခင်တစ်ဦး၏ သားချော့ကဗျာလေးကို ဦးသန့်သည် လှပချစ်စဖွယ် ရှုမြင်တင်ပြထားပုံမှာ ကဗျာ၏ အသက်ပင်ဖြစ်ပါသည်။

ဦးသန့်သည် မြန်မာ့နိုင်ငံရေး၊ ကမ္ဘာ့နိုင်ငံရေးများတွင် အထူးကြီးမားသော တာဝန်များကို ထမ်းဆောင်ခဲ့ရလင့်ကစား၊


တစ်ဖက်မှ မိမိဝါသနာပါသော စာပေရေးသားခြင်းများကိုလည်း ၀ါသနာထုံခဲ့သူဖြစ်ပါသည်။
အထွေထွေအတွင်းရေးမှူးချုပ်ရာထူးမှ အငြိမ်းစားယူပြီး ၁၉၇၄ ခုနှစ် နိုဝင်ဘာလ ၂၅ ရက်နေ့တွင်
အမေရိကန်ပြည်ထောင်စု၌ ကင်ဆာရောဂါဖြင့် ကွယ်လွန်ခဲ့သည်။ ကွယ်လွန်ချိန်တွင် ဇနီးဒေါ်သိန်းတင်နှင့်
သမီးအေးအေးသန့်တို့ ကျန်ရစ်ခဲ့သည်။

ဦးသန့်၏ ရုပ်အလောင်းကို မြန်မာနိုင်ငံ ရန်ကုန်မြို့သို့ သယ်ဆောင်လာပြီး ရွှေတိဂုံဘုရား တောင်ဘက်မုခ်ရှိ


ဆရာကြီးသခင်ကိုယ်တော်မှိုင်း ဂူဗိမာန်၊ ဗိုလ်ချုပ်အောင်ဆန်း၏ဇနီး ဒေါ်ခင်ကြည်ဂူဗိမာန်၊ မိဖုရား
စုဖုရားလတ်ဂူဗိမာန်တို့နှင့်အတူ ယှဉ်တွဲလျက် ဦးသန့်ဂူဗိမာန်ကို တည်ဆောက်ထားသည်။

ဦးသန့်သည် ကမ္ဘာ့နိုင်ငံများအလယ်တွင် မြန်မာ့သတ္တိ၊ မြန်မာ့ဇာတိမာန်၊ မြန်မာတို့၏ ဖြူစင်ရိုးဖြောင့်သော စိတ်ဓာတ်နှင့်


ကိုယ်ကျင့်တရားများကို ဖော်ပြနိုင်စွမ်းသော မြန်မာ့သားကောင်းရတနာ အာဇာနည်တစ်ဦးဖြစ်သကဲ့သို့
ကျွန်တော်တို့နှင့်တကွ နောင်လာ နောက်သား မျိုးဆက်သစ်များ အတုယူကြိုးစားရမည့် လူကြီးလူကောင်းပီသသော
ကမ္ဘာ့ခေါင်းဆောင်တစ်ဦး အဖြစ် ဂုဏ်ယူရမည်ဖြစ်ကြောင်း တင်ပြလိုက်ပါသည်။ ။

ကိုဂြိုး

ဦးဝင်းတင်ေ ပြာတဲ့ ဦးသန့်

ကမ္ဘာ့ ကုလ သမဂ္ဂ အထွေ ထွေ အတွင်း ရေးမှူးချုပ် ဦးသန့်နှင့် သတင်းစာ သမား တဦး အနေဖြင့် တွေ့ကြုံ ခဲ့ဖူးသည့်
(ယခု NLD ခေါင်းဆောင်) ဦးဝင်းတင်အား ဦးသန့် နှစ် ၁၀၀ ပြည့်မွေးနေ့ အထိမ်း အမှတ် အဖြစ် ဧရာဝတီ မဂ္ဂဇင်းက
မေးမြန်း ထားချက် ဖြစ်သည်။

သူက နိုင်ငံ့ အကျိုး တွေလည်း အတတ် နိုင်ဆုံး ထမ်းဆောင် ခဲ့တယ်။ နောက် ကုလ သမဂ္ဂလို ကမ္ဘာ့ အဖွဲ့ အစည်း ကြီးမှာ
အမြင့်ဆုံး နေရာကနေ တာဝန် တွေကို ထမ်းဆောင် ခဲ့တဲ့သူ ဖြစ်လေတော့ သမိုင်းမှာ အလွန် ဂုဏ်ယူစရာ
ကောင်းတယ်ပေါ့ဗျာ။ ဒါက လူပုဂ္ဂိုလ်အရ ပြောရတာပါ။ ဗမာနိုင်ငံသား တယောက်အနေနဲ့ အလွန် ဂုဏ်ယူစရာ ကောင်းတဲ့
ပုဂ္ဂိုလ်လို့ ပြောချင်ပါတယ်။ တခုရှိတာက ဦးသန့်ဟာ ကုလသမဂ္ဂလို နေရာမှာ ရာထူးရသွားလို့ ဂုဏ်ယူခြင်းဆိုတာထက်
ဒီပုဂ္ဂိုလ်ရဲ့စွမ်းဆောင်ချက်၊ သူ့ရဲ့ ဆောင်ရွက်ချက်တွေက ထူးထူးခြားခြား ကောင်းမွန် ခဲ့တာ တွေ့ရတယ်ဗျ။
ကမ္ဘာ့နိုင်ငံတကာအရေးမှာပဲ ကျူးဘားအရေးအခင်းကိစ္စတို့၊ ဒုံးပျံကိစ္စတို့၊ အရှေ့အလယ်ပိုင်းကိစ္စ၊
ဗီယက်နမ်ကိစ္စတို့ကိုကြည့်။ ဒီကိစ္စတွေကိုဆောင်ရွက်ရာမှာ သူဟာ အလွန်ကိုတည်တည်ငြိမ်ငြိမ် အေးအေး ချမ်းချမ်းနဲ့
အောင်မြင်မှုရအောင် ဆောင်ရွက်ခဲ့တာတွေအတွက် ကျနော်တို့ အလွန်ကို ဂုဏ်ယူစရာ ကောင်းတယ်ဗျ။ သူ့ဟာသူ
ရာထူးရတာက တပိုင်းပေါ့ဗျ။ လူတယောက် ရာထူးရပြီး ဘာမှ မယ်မယ်ရရ မဆောင်ရွက်နိုင်တာတွေ ပြည်တွင်းမှာပဲဖြစ်ဖြစ်
ပြည်ပမှာပဲဖြစ်ဖြစ် အများကြီးရှိတယ်ဗျ။

နောက်တခုက ဦးသန့်ဟာ ဘာပဲလုပ်လုပ် တည်တည်ငြိမ်ငြိမ်လုပ်တတ်တယ် ဆိုတာကိုတွေ့ရတယ်။ ဘယ်အလုပ်


လုပ်လုပ် စကားနည်းနည်းပဲပြောပြီး တိတိကျကျ ဆောင်ရွက်တတ်တယ်ဗျ။ ဒါက ကုကသမဂ္ဂလို နေရာမျိုးရောက်မှ
မဟုတ်ဘူး မြန်မာပြည်တွင်းမှာ နေစဉ်ကတည်းကလည်း ဒီတိုင်းပဲ။ ဥပမာ ပြန်ကြားရေး ဝန်ကြီးဌာနမှာ
အတွင်းဝန်လုပ်တော့ သတင်းစာဌာနတွေဘာတွေနဲ့ ဆက်ဆံတဲ့နေရာမှာ တိတိကျကျ တည်တည်ငြိမ်ငြိမ်ပဲ ဆောင်ရွက်တာ
တွေ့ရတယ်။

တည်တည်ငြိမ်ငြိမ်ဆိုတာ တော်တော်လေး အရေးကြီးတယ်ဗျ။ စကားသိပ်မပြောဘူး။ ကျနော်ဆုံဖူးတာလေး တခုဆိုရင်


၁၉၆၀ ကျော် လောက်ကပေါ့ ဗမာပြည်မှာလာပြီး ဗီယက်နမ်စစ်ပွဲနဲ့ ပတ်သက်လို့ ဆောင်ရွက်ဖူးတယ်။ ဗီယက်နမ်အရေးကို
ကုလသမဂ္ဂရယ် ဗီယက်နမ်တောင်ပိုင်း၊ မြောက်ပိုင်း အလယ်ပိုင်းတွေ ဆွေးနွေးရာမှာ ဗမာပြည်က နေရာပေးတယ်ပေါ့ဗျာ။
အဲဒီအချိန်မှာသူက အလုပ်လုပ်တာမှာ အကုန်လုံး သင့်သင့်မြတ်မြတ် ဖြစ်အောင် လုပ်တတ်တယ်။

ဒီကိစ္စက လျှို့ဝှက်ကိစ္စဗျ။ ဒါပေမယ့် လူတွေက သိချင်တယ်လေ။ အဲဒီမှာ လျှို့ဝှက်ကိစ္စကိုလည်း မငြင်းရှောင်ဘူး၊


သိသင့်တာကိုလည်း သိရအောင် မီဒီယာရဲ့သိခွင့်ကိုလည်း မလျော့ပါးအောင်လုပ်တတ်တယ်ဗျ။ ကျနော် မှတ်မိတာလေး
တခုဆိုရင် သူ သတင်းထောက်တွေနဲ့တွေ့တော့ ကျနော်တို့ထဲက သတင်းထောက်တယောက်က စကားနည်းနည်းလေး
ထစ်တယ်။ အဲဒီတုန်းကလည်း သတင်းထောက် နည်းနည်းပဲရှိတာပါ။ ဒါတောင် တယောက်ကို တမိနစ်ပဲ ပေးမယ်ပေါ့ဗျာ။
မေးတာကော ဖြေတာကောနော်။ အဲဒီထစ်တဲ့သူက စကားထစ်ပြီး ဗီ ဗီ ဗီ ဗီ ဆိုပြီး ဗီယက်နမ် ဆိုတာတောင် မရောက်ဘဲ
ဖြစ်တယ်ဗျ။ အဲဒီမှာ သူက ပြောလိုက်တယ် ခင်ဗျားဗျာ မေးတာနဲ့တမိနစ်ပြည့်နေပြီ ကျနော့်အဖြေမပေးနိုင်တော့ဘူး ဆိုပြီး
ပြောလိုက်တယ်။ တိတိကျကျ လုပ်တာပေါ့ဗျာ။ တည်တည်ငြိမ်ငြိမ် ပြတ်ပြတ်သားသား လုပ်တတ်တာ ဦးသန့်နဲ့ပတ်သက်တဲ့
အမှတ်တရ တခုပေါ့ဗျာ။

နောက်တခုက ဦးသန့်အရေးအခင်းနဲ့ ပတ်သက်တာပေါ့။ ဒါလူတိုင်းသိတဲ့ကိစ္စပါ။ အများကြီး မပြောချင်တော့ဘူး။ တခု


ပြောချင်တာက ပြည်သူလူထုဟာ တန်ဖိုးထားရမယ့်သူကို တန်ဖိုးထားရမယ်ဆိုတာ ဘယ်တော့ပဲဖြစ်ဖြစ် သိတယ်ဗျ။
အထူးသဖြင့် ဗမာပြည်သူလူထုပေါ့။ နောက်တခုက ဒီလိုလူတွေနဲ့ပတ်သက်ပြီး မထိုက်တန်တဲ့ အပြုအမူမျိုးကိုလုပ်တော့
ပြည်သူလူထုက သိပ်ပြီး ဒေါသထွက်တယ်၊ မကြိုက်ဘူးဗျ။ ဒီတော့ ဒီဟာနဲ့ ပတ်သက်လာရင် အမြဲ တုန့်ပြန်တယ်။
ဒီအရေးအခင်းဟာ ဒီသဘောထားကို ထင်ထင်ရှားရှား ပြလိုက် တာပဲ။

ဦးသန့်လိုပုဂ္ဂိုလ်မျိုးဟာ ဗမာပြည်အတွက်၊ ဗမာတယောက်အနေနဲ့ သိပ်ကိုဂုဏ်ယူစရာကောင်းတယ်၊ နောက်ပြီး


အလွန်ကို ထိုက်ထိုက်တန်တန်နဲ့ ကမ္ဘာ့အရေးကိုတောင် ဆောင်ရွက်ခဲ့တဲ့ ပုဂ္ဂိုလ်ရဲ့ ရုပ်အလောင်းကို ကြိုတာတောင်မှ
ကြိုဖို့ခွင့်မပေးဘူး၊ ဘယ်သူ့ကိုမှ မပြောဘူး။ ကြားတာတခုကတော့ အဲဒီအချိန်က ဦးနေဝင်းက
ငပလီမှာရှိနေတယ်ပြောတယ်ဗျ။ ဒီကသံရုံးတွေက သွားကြိုချင်တော့ ဘယ်သူကြိုမှာလဲ မေးတော့ သူက မင်းတို့ ကြိုချင်ကြို
ငါဘာမှလုပ်စရာမရှိဘူးကွာ လို့ပြောတယ်တဲ့။ သူအဲလိုပြောလိုက်တော့ အားလုံးက သူ့ရဲ့စိတ်သဘော ကိုသိပြီ။ အဲဒီမှာ
ဘယ်သူကမှ ဘာမှမလုပ်ရဲတော့ဘူး။

နောက်ဆုံးပိတ်ကျတော့ ပညာရေးဒုဝန်ကြီးဦးအောင်ထွန်း ဆိုတာ ကျနော့်သူငယ်ချင်းပါပဲ၊ သူ့ကို တာဝန်ပေးလိုက်တယ်တဲ့။


သူကလည်း တွေးတာပေါ့ဗျာ။ ဒီလိုနေရာက နိုင်ငံတကာအဖွဲ့အစည်းတွေနဲ့ တွေ့ရမယ့်နေရာမှာ
ကောင်းကောင်းလုပ်မယ်ဆိုပြီး အနောက်တိုင်းဝတ်စုံ တွေ ဘာတွေဝတ်ပြီး နက္ကတိုင်နဲ့ဘာနဲ့ ကျကျနနသွားတာဗျ။ ဒါပေမယ့်
ဦးသန့်ရဲ့ အလောင်းကိုကြိုမိလိုက်တာနဲ့ အဲဒီဝန်ကြီးလည်း ပြုတ်ရောဗျ။ အဲဒါကိုပြည်သူလူထုသိတာနဲ့
ဒီလိုဂုဏ်ယူစရာကောင်းတဲ့ ပုဂ္ဂိုလ်မျိုးကို သေးသိမ်အောင် လုပ်တယ်ဆိုပြီး မကျေနပ်တော့ ကျောင်းသား ပြည်သူအများက
ဦးသန့်အလောင်းကြီးကိုအတင်း ကျိုက္ကဆံကွင်း ကနေလုကြတာ။

ပထမကြားတာက ဒေါ်ခင်မေသန်းရဲ့ ခြေရင်းမှာမြှုတ်ဖို့တောင် စီစဉ်ထားတာလို့ ကြားတာပဲ။ ဟုတ်မဟုတ်တော့ မသိဘူးဗျ။


ကြံတောမှာပေါ့။ အဲဒီမှာ တက္ကသိုလ်ဝင်းထဲကိုသယ်ပြီး ဆန္ဒပြပွဲ ဖြစ်တော့တာပဲ။ ဒါက ဘာပြလဲ ဆိုတော့ ဒီစစ်တပ်က
အုပ်ချုပ်သူတွေဟာ အမြဲတမ်း သူတို့ထင်သလို လုပ်သမျှ ဖြစ်တယ်လို့ ထင်တယ်။ ခုလို ဂုဏ်ရှိတဲ့ပုဂ္ဂိုလ်မျိုးကို
သေးသိမ်အောင်လုပ်ချင်တယ်။ အလေးမထားချင်ဘူး၊ ဂုဏ်ပျက်အောင် လုပ်ချင်တယ်။ အဲဒီအတွက် ကြီးစွာသော
တုန့်ပြန်မှုရတယ်ဆိုတာကို ဘယ်တော့မှ နမူနာ မယူဘူး။

ဆိုပါတော့ဗျာ ကျနော်စကား ဆက်ပြီးပြောရရင် ဒေါ်ခင်ကြည်ဈာပနတုန်းကလည်း ဒေါ်ခင်ကြည်ကို ကြံတော


မှာမြှုပ်ဖို့လုပ်တယ်ဗျ။ အဲဒီမှာ ဒေါ်အောင်ဆန်းစုကြည်ကကော ကျန်တဲ့ ကျောင်းသား၊ သံဃာ၊ လူထုက လက်မခံနိုင်ဘူးဗျ။
လက်မခံနိုင်တော့ မြို့တော်ခန်းမကိုသယ်ပြီး ပြည်သူ့ဈာပနလုပ်ဖို့အထိ လုပ်မလို့ဗျ။ နောက်ဆုံး ဒေါ်အောင်ဆန်းစုကြည်က
ပြည်သူ့ဈာပနလုပ်တာတော့ မကြိုက်ဘူး ဆိုပြီး ပြောတော့မှ သတိရပြီး ဒေါ်အောင်ဆန်းစုကြည်ရဲ့ သဘောထားကို
ကြိုက်ပါတယ် ဆိုပြီးဖြစ်တာဗျ။ မိသားစုဈာပဏပဲပေါ့ဗျာ။ အဲဒီမှာမှ ဦးသန့်နဲ့ ဆရာကြီးသခင်ကိုယ်တော်မှိုင်းရဲ့ကြား
မြေကွက်ကိုပေးလိုက်တာဗျ။ မဟုတ်ရင် အောက်ခြေမှာ ပြည်သူလူထုက ဆူပူတော့မှာ။ ဒေါ်ခင်ကြည်တုန်းကလည်း
ဦးသန့်အရေးအခင်းလိုကို ဖြစ်တော့မှာ။

ချုပ်လိုက်ရင် မြန်မာလူမျိုးအတွက်သာမက ကမ္ဘာအတွက်ပါ ဂုဏ်ယူစရာကောင်းတဲ့သူ ကျူးဘားအရေးအခင်းလို ကမ္ဘာမှာ


နျူးကလီးယားစစ်ကြီးတောင် ဖြစ်တော့မယ့် အနေအထားကို တားနိုင်ခဲ့တဲ့သူ ဒီလိုပုဂ္ဂိုလ်မျိုး ဖြစ်တဲ့အတွက် ဂုဏ်ယူရမယ်။
တိုင်းပြည်မှာ ဂုဏ်ယူ အလေးထားရမယ့် ပုဂ္ဂိုလ်မျိုးကို အမြဲတမ်းစစ်အစိုးရက သေးသိမ်အောင် မဖွယ်မရာ သဘောထားနဲ့
ပြုမူ ချုပ်ကိုင်တတ်တဲ့ သဘောထားမျိုးရှိတယ်ဆိုတာ ဦးသန့်အရေးအခင်းက သက်သေပြနေတယ်လို့ပဲ ပြောချင်တယ်။

ဦးနေဝင်းက ပုဂ္ဂိုလ်ရေးအာဃာတ ထားတဲ့ပြဿနာတခု .. အဲဒါကတော့ ဦးနေဝင်းပြဿနာဗျ။ ဦးသန့်ပြဿနာ မဟုတ်ဘူး။


ဦးသန့်ဟာ လူတွေနဲ့ဆက်ဆံရာမှာ အလွန်ကို တည်ကြည်မှန်ကန်တဲ့ပုဂ္ဂိုလ်ဗျ။ စကားပြောရာမှာ ယဉ်ကျေးတယ်၊
သိမ်မွေ့တယ်၊ အေးဆေးတယ်။ ဘယ်သူ့ဖြစ်ဖြစ် လေးလေးစားစား ဆက်ဆံတယ်။ ဒီတော့ ဒီကိစ္စဖြစ်တာဟာ ဦးသန့်နဲ့
မဆိုင်ဘူးဗျ။ ဦးနုနဲ့ ဦးနေဝင်းဖြစ်တဲ့ကိစ္စ။ ဦးနုက အာဏာသိမ်းခံရတော့ ကမ္ဘာလှည့်ပြီးနိုင်ငံတွေကို ထောက် ခံချက်
တောင်းရင်း ကုလသမဂ္ဂကိုရောက်တော့ ကုလသမဂ္ဂ သတင်းစာ ရှင်းလင်းပွဲ အခန်းမှာ နိုင်ငံတကာသတင်းထောက်တွေ
ရှေ့မှာ ပြောတယ်။

အဲဒီအချိန်က ဦးနေဝင်းက ဦးနုကို ဒေါသဖြစ်နေတာဗျ။ ဦးနေဝင်းအနေနဲ့က သူ့ရဲ့စစ်အစိုးရနဲ့ တိုင်းပြည်ကို


ငြိမ်အောင်ကြိုးစားနေရတဲ့ အချိန်မှာ ဦးနုက ကုလသမဂ္ဂလို နေရာမျိုးမှာ သတင်းစာ ရှင်းလင်းပွဲလုပ်၊ ကမ္ဘာသိကြေညာ၊
စစ်အစိုးရရဲ့ ချွတ်ယွင်း ချက်တွေ ထောက်ပြ၊ သူ့ရဲ့ ဒီမိုကရေစီအခွင့်အရေးတွေ တောင်းဆိုတာမျိုးတွေလုပ်တော့
ဦးနေဝင်းက ဒေါသထွက် တုန်လှုပ်တယ်။ ဒါက အစိုးရကို ဖြိုဖျက်နိုင် လောက်အောင် ဖြစ်တယ်လေ။

ဒါပေမယ့် ဦးနေဝင်းရဲ့ဒေါသက ဦးနုထက် ဦသန့်ဆီ ရောက်သွားတယ်။ အဲဒီအချိန်မှာ ဦးသန့်နဲ့ဦးနုကလည်း


အလွန်ရင်းနှီးကြတာကိုး။ ငယ်သူငယ်ချင်းတွေကိုး။ ဒါဟာဦးသန့်ဟာ ဦးနုကို အထူးအခွင့်အရေးပေးတာပဲ လို့ထင်တယ် ဗျ။
တကယ်က မဟုတ်ဘူးဗျ။ ဒီအခန်းကို ကုလသမဂ္ဂရောက်တဲ့ ဘယ်နိုင်ငံ့ခေါင်းဆောင်မဆို သုံးခွင့်ရှိတယ်ဗျ။ သူကလည်း
နိုင်ငံ့ခေါင်းဆောင်တဦးပဲကိုး။ အပြင်လူ အနေနဲ့ ဆိုရင်တော့ ဦးနုဟာ ပြုတ်ကျနေတဲ့ ခေါင်းဆောင်ဟောင်း လို့ ပြောမယ်။
ဒါပေမယ့် ခေါင်းဆောင်ဟောင်း မဟုတ်ဘူးဗျ။ အာဏာသိမ်းခံထားရတဲ့ ခေါင်းဆောင်ဗျ။ အဲဒီမှာ ဦးနေဝင်းရဲ့
ဒေါသတွေဟာ ဦးနုဆီကနေ ဦးသန့်ဆီကို ရောက်သွားတော့တာပဲ။

ဦးသန့် ဗမာပြည်ကိုရောက်တိုင်း ဦးသန့်ဟာ ဦးနေဝင်းနဲ့ တွေ့ဆုံဖို့ကြိုးစားတာ အကြိမ်ကြိမ်ပဲ။ အဲဒါလည်း


ကျနော်တို့သတင်းစာလောကက အသိဆုံးပဲ။ အဲဒီလိုအခါတိုင်းမှာ ဦးနေဝင်းက ငြင်းပယ်တယ်၊ ရှောင်တယ်ဗျ။
ဦးသန့်လာတဲ့အခါ မြောက်ဖျား ကချင်ပြည်နယ် ခရီးထွက်နေတယ်၊ အနားယူနေတယ်၊ နေမကောင်းဘူး အမြဲလုပ်တယ်။
အဲဒီတော့ ဦးနေဝင်းနဲ့ ဦးသန့်နဲ့ ကြားမှာ မညီညွှတ်တဲ့သဘောထားတွေ ဖြစ်ပေါ်လာတာ ဦးသန့်ကြောင့်မဟုတ်ဘူး။
ဦးနုကနေ ဆက်စပ်ပြီး ပေါ်လာတဲ့ သဘောထား။ အဲဒီကနေ တဖြည်းဖြည်းကွာသွားပြီး နောက်ဆုံး ဈာပန အခမ်းအနား
မှာတောင် ရုပ်အလောင်းကို ကြိုမိတဲ့ ဒုဝန်ကြီးတယောက်တောင် ပြုတ်ရတဲ့အထိ မလိုမုန်းထားစိတ်တွေ ဖြစ်ခဲ့တာပေါ့ဗျာ။
ဦးနေဝင်းအစိုးရက မထောက်ခံတာကြောင့် ဦးသန့်ရဲ့ တတိယသက်တမ်း ပြယ်သွားတယ်လို့ ပြောကြတယ်။ တကယ်တော့
ဦးနေဝင်းမထောက်ခံရုံနဲ့ ဒီလိုမဖြစ်ပါဘူးဗျ။ ဦးသန့်ကိုယ်တိုင်ကိုက အဲဒီမှာ ကျန်းမာရေးက မကောင်းတော့ဘူး။
ငယ်ငယ်ကတည်းက ဆေးပြင်းလိပ်သောက်ခဲ့တာဆိုတော့ သူ့မှာ ကင်ဆာဖြစ်လာတဲ့ အနေအထားတွေ သူသိမယ်ဗျ။
မိခင်နိုင်ငံကကန့်ကွက်တာနဲ့ လူတယောက် အလုပ်မလုပ် နိုင်တော့ဘူး ဆိုတာမျိုးတော့ မဖြစ်နိုင်ဘူးဗျ။ နိုင်ငံအ များစုက
ထောက်ခံရင်ကို လုပ်နိုင်တာပဲ။ လုံခြုံရေးကောင်စီ အဖွဲ့ဝင်တွေက ထောက်ခံရင်ကိုပြီးတာပဲ။ သူကိုယ်တိုင်ကိုက
ကျန်းမာရေးကြောင့် ဆုတ်သွားတာဖြစ်မယ်ဗျ။ အဲဒီနောက်ပိုင်း ၁ နှစ် ၂ နှစ်အတွင်းမှာ ဒီရောဂါကဆိုးရွားခဲ့တာကိုးဗျ။

ပြောစမှတ်ပြုစရာကတော့ အများကြီးတော့ မပြောနိုင်ဘူး။ ဘာကြောင့်လဲဆို အဲဒီတုန်းက ကျနော်က ငယ်သေးတာကိုး။


နောက်ပြီး ကျနော်က သိပ်ပြီးအရေးပါတဲ့သူလည်း မဟုတ်ခဲ့ဘူး။ ဒါပေမယ့် တခု မှတ်မိ တာကတော့ ကျနော်
သတင်းစာအသင်း အတွင်းရေးမှူး လုပ်စဉ်ကပေါ့ အဲဒီတုန်းက ဥက္ကဌက ဂါးဒီးယန်း ဦးစိန်ဝင်း။
ဦးသန့်ကရန်ကုန်ရောက်နေတယ် နှစ်တော့သေချာမမှတ်မိဘူး ၁၉၆၄ ဝန်းကျင်ဖြစ်မယ်ဗျ။ အဲဒီမှာ သတင်းစာအသင်းက
ဦးသန့်ကို ဂုဏ်ပြုပွဲလေးလုပ်တယ်ဗျ။

အဲဒီမှာ ကျနော်တို့က ဦးသန့်ကိုလက်ဆောင်ပေးဖို့ စီမံတယ်။ အဲဒီမှာ သူ့ရဲ့ဆန္ဒလေးလည်းယူတယ်။ ဒါက လူ ၁ ယောက် ၂


ယောက်ပဲ သိတဲ့ကိစ္စပေါ့။ အဲဒီမှာ ဦးသန့်က ဒီလိုလုပ်ဗျာတဲ့ ကုလသမဂ္ဂမှာ အခန်းတွေ အများကြီး ရှိတာဆိုတော့
ပန်းချီကားတွေ ထားတယ်။ အဲဒီမှာ ဗမာပန်းချီကားလည်း ချိတ်ဆွဲချင်တယ်လို့ပြောတယ်ဗျ။ အဲဒီမှာ ကျနော်တို့က
ပန်းချီကားစီစဉ်တယ်။ ပေါ်ဦးသက်ရဲ့ကားဗျ။ ပေါ်ဦးသက်ကလည်း ဆွဲလိုက်တာ ဆင်ပုံကြီးဗျ။ ဆင်နဲ့ မျက်မမြင်ပုဏ္ဏား
ခြောက်ယောက် ပေါ့။ ဆင်ကလည်း ရိုးရိုး ငုတ်တုတ်နေတဲ့ ဆင်ကြီး မဟုတ်ဘဲ ကခုန်နေတဲ့ ဆင်ပေါ့ဗျာ။ နောက်တခု
ပုဏ္ဏားတွေက အဖြူတွေ ဝတ်လို့ ဆင်ကြီးကအမည်းဗျ။ ဆန့်ကျင်ဘက်အရောင်နှစ်ခုနဲ့ ဆွဲထားတာ။ ပုဏ္ဏားတွေက
တချို့က ဆင်ကိုစမ်း၊ တချို့က ကခုန်လို့ အဲလိုပုံဗျ။ ကျနော့်မျက်စိထဲမှာ မြင်ယောင် နေသေးတယ်။

အဲဒီကားက ၆ ပေ ၃ ပေလောက်ရှိမယ်။ သူ့ရဲ့ဘောင်က ကနုတ်ထွင်းထားတဲ့ ခေါင်းပွကြီး။ ပန်းခက်တွေနဲ့ ဝန်းရံနေတဲ့


သစ်လုံးကြီးလိုပဲ။ အဲဒီပန်းချီကားကို အကြောင်းကြောင်းကြောင့် ဘောင်ကြီးနဲ့ မသယ်နိုင်ဘူး။ ဒါနဲ့
ဘောင်ကြီးကိုဦးစိန်ဝင်းဆီမှာ ထားခဲ့တယ်။ ဒီကားကတော့ ကုလသမဂ္ဂမှာ ဘယ်ပုံနဲ့ ရှိနေလည်း မပြောတတ်ဘူး။ ဒါပေမယ့်
ဘောင်ကြီးကတော့ ဦးစိန်ဝင်းက ဓမ္မိကဦးဘသန်းတို့ကနေတဆင့် လှူလိုက်တော့ ခု လောကနတ် ပန်းချီပြခန်းမှာ
ရှေးဟောင်းကားတခုဖြစ်တဲ့ ဆရာခြုံရဲ့လက်ရာ ခပ်သေးသေးပဲ အဲဒီကားကို ထည့်ထားတယ်။ ဘောင်ကတော့ ဗမာပြည်မှာ
ရှိနေတယ်။ လောကနတ်မှာရှိသေးလားတော့ မသိဘူး။

ဒါကဘာကိုပြလဲဆိုတော့ ဦးသန့်ရဲ့ အနုပညာမြတ်နိုးမှုရယ်၊ မြန်မာပြည်ကို အလေးထားတဲ့စိတ် ရှိတာရယ်ပေါ့ ဗျာ။


သူရှိစဉ်က မြန်မာတွေကို ရာထူးပေးတာမျိုးရှိတယ်။ ဒါက ဘက်လိုက်ပေးတာ မဟုတ်ဘူး။ ထူးချွန်တဲ့ သူခြင်းတူရင်
ဗမာတွေကို အလုပ်အခွင့်အလမ်း ဖော်ထုတ်ပေးခဲ့တယ်။ မှတ်မှတ်သားသား မပြောနိုင်ပေမယ့် ဒါမျိုးရှိတယ်ဗျ။
ဦးတင်အောင်ဆိုတဲ့ သတင်းစာဆရာတဦးဆို ကုလသမဂ္ဂမှာ လုပ်ခဲ့တာပဲ။ ဦးသန့်ဟာ မထိုက်မတန်ဘဲ
ကိုယ့်လူပဲဆိုပြီးဆွဲသွင်းတာမျိုးမဟုတ်ဘူး။ မြန်မာ့အနုပညာကို ဂုဏ်တင် မြတ်နိုးတယ်၊
ကမ္ဘာ့အလယ်မှာတင့်တယ်စေချင်တဲ့သဘောပေါ့။ အဲဒီကိစ္စလေးကတော့ ကျနော့်ရဲ့စိတ်ထဲ စွဲနေတဲ့
အကြောင်းအရာပေါ့ဗျာ။

အမှတ်တရ ဒီနေ့အတွက်ပြောချင်တာကတော့ ဦးသန့်အနှစ် ၁၀၀ ပြည့်တဲ့အချိန်က သာမန်လူပဲဖြစ်ဖြစ်


ကမ္ဘာသိပုဂ္ဂိုလ်ပဲဖြစ်ဖြစ် မှတ်မှတ်သားသား ရှိဖို့ကောင်းတဲ့အချိန်ပေါ့။ ဦးသန့်လိုကမ္ဘာ့အကျိုး၊ မြန်မာ့အကျိုးတွေ
ဆောင်ရွက်ခဲ့တဲ့ ပုဂ္ဂိုလ်မျိုးကတော့ ပိုပြီး မှတ်မှတ်သားသား လုပ်သင့်တာပေါ့ဗျာ။ ခုလိုချိန်မှာ ကျနော်ပြောချင် တာကတော့
ကျနော်တို့တိုင်းပြည်က ဆင်းရဲတယ်၊ ဒုက္ခမျိုးစုံကြုံခဲ့ရတယ်။ အဆိုးဆုံးကတော့ စစ်အစိုးရတွေ ပေါ့ဗျာ။ နှစ်ေ ပါင်း ၄၀
လောက်က စစ်အစိုးရက အုပ်ချုပ်တယ်၊ နှစ်ပေါင်း ၂၀ လောက်က ပြည်တွင်းစစ်တွေ ကြုံရတယ်။ အဲဒီမှာ နွံအိုင်ထဲမှာ
ပွင့်တဲ့ကြာတပွင့်လိုပဲ ဦးသန့်လိုပုဂ္ဂိုလ်မျိုးပေါ်ထွက်ခဲ့တာဟာ မီးလျှံထဲကနေ ပန်းတပွင့်ပွင့်ခဲ့တာပဲဗျ။ အဲဒီလိုပုဂ္ဂိုလ်မျိုးရဲ့
အားထုတ်မှုတွေ၊ နမူနာတွေ၊ ထူးချွန်မှုတွေမျိုး ကျနော်တို့ ဗမာတွေရဲ့ စိတ်ထဲမှာရှိသင့်တယ်။ ကျနော်တို့
ဗမာတယောက်စီတိုင်းဟာ ဦးသန့်လိုပဲကြိုးစားသင့်တယ်၊ အားထုတ် သင့်တယ်။ ကြိုးစားကြပါ၊ အားထုတ်ကြပါလို့ပဲ
ပြောချင်တယ်ဗျာ။ ။