VOLUME XXII ISSUE 18
TUALCHHUNG
BORAL
Pu Ngurbela, kum 85 h/o
Changkimi, Chawngbawla Section
chu ni 11.6.2010 tlai dar 3:15 khan
Chuap TB natna avangin a boral a, a
ruang hi tlaivarpui a nih hnuin ni
12.6.2010 (inrinni) khan Ramhlun
Vengthar thlanmual ah vuiliam a ni.
Malsawmhlui, thla 4 mi d/o
Lalremruata, Vanapa Section chu
Septecemia natna avangin ni
11.6.2010 tlai dar 4:00 khan a boral
a, a ruang hi tlaivarpui a nih hnuin ni
12.6.2010 (inrinni) khan Ramhlun
Vengthar thlanmual ah vuiliam a ni.
ZIN/LO HAW
Lalrinzuala s/o Sangkima,
Vanapa Sec fapa chu Sipai chawlh
hmangin a lo haw.
Tv. Lalmuanawma s/o
Mangtinzova, Vanapa Section chu
Taekwondo thil lam buaipuiin Lungdai
lamah a zin.
FAMILY LAND RECORD
H R IA T T IR N A
Land Revevue & Settlement De-
partment, Government of Mizoram
leh YMA \angkawpin a buaipui Fam-
ily Land Record chu kan vengah pawh
neih a ni dawn a. Hei hi ram leilung
miten ram kan neih dan enfiahna
sorkar kalpui lai a ni.
Nilaithawh\anni zing dar 6:30 hian
YMA Hall-ah chhung tin a\angin LSC,
Ram Pass, Periodic Patta leh Photo
ID kengin in ziahluh tur a ni. Chhung
tinten ngai pawimawh tura hriattir kan
ni a. Eng emaw thilah harsatna kan
tawh pawhin YMA in mawh a phur
dawn lo a ni. Section tina mawhphur
tura ruatte pawh he hunah hian kal
vek tura hriattir kan ni e.
PHEK 1 - NA
June ni 13, 2010 Nikir Thla
YOUNG MIZO ASSOCIATION DIN CHAM
Ropui taka hman tum a ni
Mizoram hmun hrang hrang bakah ram pawn lama YMA dinna
hmunah te Mizorama pawl lian ber, Young Mizo Association din cham
vawi 75-na ropui taka lawm mek a ni a. June ni 15 hian khar tum a ni
hlawm.
Branch leh Group hrang hrangte kum 75-na pual hian dam lo
\anpui ngaite an \anpui bakah mi harsate chhawmdawl hna an thawk
a. Branch member inhuikhawmna hunah te hmangin vengchhung tana
hna chhenfakawm tak tak an thawk bawk.
YMA Platinum Jubilee Monument chu ni 14.6.2010 (Monday)
7:00 Am hian Central YMA Building-ah Pu Lalchungnunga, President-
in a hawng ang. He hunah hian YMA telephone Directory 2010 Re-
lease nghal a ni ang.
Central YMA chuan YMA Day 2010 denchhenin hengahte hian
\anpuina a hlan :
1. Gan Sabra, Zonuam Rs. 5,000.00
2. Motherless Babies Home, Tuikual S Rs. 3,000.00
3. Nau hnuchham In, Khatla Rs. 3,000.00
4. Hermon Children Home, Durtlang Rs. 5,000.00
5. Krista Hnungzuitute Camping Centre, Chawnpui Rs. 14,000.00
6. Samaritan Riangvai Run, Seling Rs. 5,000.00
7. Silchar Branch YMA Rs. 15,000.00
8. Civil Hospital, Aizawl (Rethei pual) Rs. 5,000.00
9. T.B. Hospital, Zemabawk Rs. 5,000.00
TOTAL Rs. 60,000.00
Kan branch pawhin YMA Day vawi 75-na hi YMA Hall-ah June
ni 15, 2010 zan dar 7:00 hian ropui taka hman a tum a. Tin naktuk,
Thawh\an zan dar 8:00 hian YMA hall chungah Jubilee meidet tur a ni.
June ni 15, 2010 zan dar 7:00 hian YMA Hall-ah social meeting
ropui taka hman tum a ni a. He hunah hian zaithiam hrang hrangte an
zai dawn bakah thu \ha tak takte ngaihthlak a ni ang a. Kumina Bam-
boo Dance Guiness World Record siama telte hnenah thuziak hlan a
ni ang a. Kan veng mi HSLC passed \ha pathumte hnenah Lalawia
Memorial Incentive Cash Award hlan a ni dawn bawk. MHIP lamin
refreshment tuihnai tak min siamsak dawn a ni.
Solo turte : 1. Hosana Lalropianga
2. Amy Lallawmsangi
3. Esther Lalthuthlungi
4. Joy Zairemmawia
5. Zoramchhani
6. Vanlalmalsawmi (Mali)
Editorial Board Editorial
Editor Taimakna
Rony Lallianmawia
Mimal tinte leh pawl tinte hian tih tur kan nei \heuh a, kan tihtur hrang hrang te hlen
Executive Editor
Ricky Malsawmmawia
chhuah hi taimakna a ni theih ang em? Tih tur chin kan tih hian ngai kan awh chiah
Lalramnghaka a, mahse taimakna chuan tih hram hramna te leh hreawm chung chung pawha tih tur
Clayton Malsawmkima tih \ang \ang te hi a huam tel awm e. Hei bakah hian mi taima kan tih te hi chuan
Asst Editor mahni hna chauh lo pawh hi an thawh a \ul \hin a, mi taima ni tur chuan a nuam leh
Vanlalnghaka
R. Lalnunpuia
hreawm pawh dawn lova tih tur \ul apiangte tih a ngai a ni.
Production Managers Pawl ah pawh hian mi taima tak tak kan nei \hin a, tin pawl member te pawh
Cosma Mantluanga hnathawh tur taima taka thawk kan awm bawk \hin a ni. Taimakna hi kan mamawh
Johny Lal\hasanga
Lalchhuanawma Zote vek awm e. Kan tih peih loh zawng tak te leh kan tih thiamloh tak mai ti thei tura inzir
Correspondents te hi kan taimakna tur tak a ni thei ang. Miin a thiam zawk tak mai a tih hian mi
Hosana Lalropianga taima a ni tihna a ni kher lova, a \halo zawng pawh hian a taimak theih a, thil \halo
Lalpekhlua
tih kawngah hian kan taima viau ang tih hi a hlauhawm hle.
Henry Malsawmzuala
Albert Vanlalruata Nu leh pa ten tih tur an nei a, Naupangte pawhin chutiang bawkin, Pawl hrang
Lalmuanawma
F. Lalduhsaka
hrangin tih tur an nei \heuh a, chutiang ti tura ding chu an ni reng bawk a. Nula leh
Ramengmawia tlangval, YMA te pawhin tih tur hrang hrang kan nei a, kan tih tur te pawh sawi ngai
Lalmuansangi lovin kan hre vek mai. Hmasawn zel tur kan ni a, hmasawn tur chuan taima taka kan
Lalrochhuangi
thawh tlan a ngai a ni. Kan zavai maia kan tih tur \heuh te taima taka kan tih chuan
OB incharge
Vanlalruata
veng hmsawn tak leh thiltithei tak kan ni thuai ang. Tin, khawtlang \hatna tur chuan
Biak pawhna mi taima kan tam a ngai a, taimakna kan zir chian a, kan nunpui a ngai bawk a ni.
9862322811/ 9862355202 Kan veng, keimahni tan taima takin i thawk zel ang u.

2010 Branch Office Bearer SECTION HRIATTIRNA

President Khawhar in pahnih kan neih avangin a hnuaia mi
Pu H. Lalsangzuala 9436152926
ang hian section member-te insem zai tura ngen leh
Vice President hriattir kan ni e. Khawhar chhungte awmna Section
Pu Kapzawna 9863071916
Secretary
erawh mahni section-a kaltlang nghal tur a ni
Pu Vanlalruata 9862125301 Pu Lalremruata in (Vanapa Section)
Asst. Secretary 13.6.10 - Chawngbawla Section
Pu R. Lalhmangaihzuala 9862366347 14.6.10 - Taitesena Section
Treasurer
Pu Ngurbela in Chawngbawla Section)
Nl. Lianzasiami 9862373203
Financial Secretary 13.6.10 - Taitesena Section
Pu P. C. Zonunsanga 9436156756 14.6.10 - Chawngbawla Section

TUALCHHUNG CHHINZAWMNA Kum hmasa lama Infiamna hrang hranga kan Cup
dawnte lak let a lo hun leh ta a. Section hrang hrang
DAM / DAMLO
kan branch YMA Running Trophy la kawl kan awm
Lalbeiseia s/o R. Lalmuanchhana, chu Civil Hospi- chuan Pu F. Lalengmawia, Games & Sports Sub Com-
tal ah enkawl mek a ni. mittee chairman hnenah thehlut vek tura ngen leh
THIL THAR hriattir kan ni e.
Pu Lalnghakliana, Vanapa Section te chhungkua Games & Sports lam hian kuminah hun kan neih
chuan an insakthar chu an luah fel ta. chuan khang kan Cup kawlte kha inchuh theih turin
Pu T. Lalhruaia, Taitesena Section te chuan City infiamna hrang hrang ruahman an tum a, ngaih
Bus an nei thar pawimawhsak tura ngen kan ni.
DISTRIBUTORS
Jubilee Lalremsangi, Lalruatsanga, Rebecca Rosangzuali, Zoramthara, Lallianzuala, K. Lalruatdika, Ramhlimawmi, B. Lalhmangaihzuali,
Angela Lalchhanhimi, Ruth V. L. Ruatpuii, Lalrintluangi, H. Lalrintluangi, Lalngilneiha, Judith Lalruatpuii, Wendy Lalrinchhani, Reuben Rosanglura,
Lalrinchhani, Isaac Romalsawma, Ramfangzauvi, Mesak Lalhmangaihzuala, C. Rosangzuali, Lawmchhungi

PHEK 2 - NA
 KA DUH LO TI THEI TURA INBUATSAIH (TLEIRAWLTE TAN)
- Zozikpuii, State Resource Person, Adolescence Education Programme

Ka duh lo tia mi chhan fak hi Life Skill pawimawh tak, zu, damdawi hmansual te, mipat hmeichhiat hman
khawlohte, HIV/AIDS laka min chhanhim thei \awngkam a ni. MAhse, \hiante leh ruat u zawkte bula ka duh
lo tih hi tleirawlte tan chuan thil har leh hreawm tak a ni bawk.
Tleirawl lai hi \hiante ngaih pawimawh hunlai a ni a. |hiante nawrna (peer pressure) pawh a nasat hunlai
a ni. |hiante nawrna hi a \ha zawng leh \ha lo zawngin a awm ve ve thei a, a \halo lama nawrna hmachhawn
dan thiam hi tleirawlte tana zir ngai taka chu a ni.
Tleirawlte hian thuthlukna harsa leh khirkkhan pui pui an hmachhawn fo \hin a ni. Zu in, meizial zuk,
sahdah/khaini hmuam, sex hman duh leh duh lohte hi thu tlukna siam ngai \hin zinga mi a ni. Tleirawl tam
ber hi chuan heng thil ti ve tura thlemna leh nawrna hi ka duh lo tia chhan an duh laiin, \hiante nawrna nasa
tak avangte, inlak pa nante leh thu hnial thiam loh/bialnute nena intihthiam loh leh in\hen lai an hlauh avangin
an duh loh pawh ka duh lo an tih loh phah fo \hin. I thiante, i bialpa/bialnu khan i duh dan a ngaih pawimawh
ve tak tek chuan, i thil duh loh leh tel duh lohna anih chuan anawrlui hauh lovang che. An duh dan i zawm loh
avanga an kawm duh ta lo ch anih pawhin, i tan a \ha zawk tih hria ang che. I ngaihdan tawmpui ve thei \hian
dang emaw bialpa/bialnu dang kawp daih mai rawh.
Ka duh lo ti thei tura inzir hi thil har tak a ni a, mahse i tih theih chuan i buaina leh rilru hahna nasa takin
a chhawk ang che, i nunah a \ha lam thlir duhna thinlung a siamsak bawk ang che.
Ka duh lo tih dan hrang hrangte:
1. Zu/drugs ti tura an thlem/nawr che chuan hawihawm takin ka duh loti hmiah mai rawh
2. An la nawr fo che chuan i duh loh chhan chiang takin hrilh rawh. Entirnan: zu hi tui ka ti lo, damdawi ei lai
ka nei a, doctorin zu in a phal lo..etc
3. I thu ah ding nghet tlat rawh. Eng anga nasa in nawr che mahse ka duh lo, ka lawm e tiin chhang char
char ang che.
4. A nih loh vek leh kal sawn daih rawh.
5. I bialpa/bialnu in hmun fala kalpuia a sawm che chuan, tih tur dang sawi daih rawh. Entirnan: TV en ka
duh zawk ti tlat la, a nawr fo che chuan nawr lettu ah \ang hlauh rawh. Entirnan: Enge ka hrilh che kha?
I ngaithla nange? ti hlauuh zawk ang che.
6. Mihringin emaw i boruak tawnin emaw i duh loh thil tih luihtir dawn chea i hriat chuan chu hmun ata chu
inthliarfihlim daih la, a hnaihah kal hlek suh.
7. I duh ang tawmpuitu, zu leh drugs, mipat hmeichhiatna hman i duh loh ang bawka duh lo ve tute bulah
awm tam rawh.
8. I ngaihdan sawi chhuak ngam rawh. Enirnan: Hetiang thil \halo tih hi ka duhzawng a ni lo, hetiang tih hi
nuam ka ti lo.
Hriatreng turte:
1. Midang tih lawm kan tum avangin aw ka ti \hin, mahse, aw kan tihpui reng theih loh hun a lo thleng leh
tho a, chung hunah chuan kan inthiam lo leh \hin. A tu amah kan lungawi ta lo \hin a ni. Mi tihlawm kan
tum luatah ka duh lo ti thei lovin kan awm \hin.
2. Chhana i pek hmain enge i laka an beisei hrechiang phawt rawh.
3, I ngaihdan a nih loh phawt chuan ka duh lo tih theihna chanvo i nei tih hre reng rawh. Ka duh lo i tih avang
khan mi dangin an palzut thei che a, an zah loh sawt thei bawk che tih hre reng bawk rawh.
4. Hawihhawm tak si, fiah leh chiang takin i duh loh thu sawi rawh.
5. Midangte nen lungawi leh inngeih taka awm tur chuan an lungawi lohna tur boruak siam loh a ngai a,
chumi ti thei tur chuan heng Life Skil, inlaichinna \ha siam thiamna te, inbiak pawhna \ha eih thiamna te,
thutlikna \ha siam thiamnate neih a \ul a ni.
6. Hun leh hmun khirhkhan a\anga hruai chhuak \hin tu che atan ka duh lo tih lantir theih dan chi hrang
hrang khi ti chhin fo rawh.
7. Mi ropui tak leh hlawhtling tak ni tura theihna i nei tih hre reng la, i \hiante nawrna avang mai maiin i
zahzawmna te, i hlutnate tichhe suh. I nun zawng zawng tichhe thei chu tlansan ngam rawh.
A tawp berah chuan hei hi ka hrilh ru ang che, ka duh lo tih ngam hi a pa a, a changkang bawk a ni. Ka
duh lo i tih \hin avangin i \hiante nuihzat che angin emaw hmusit che angin lang mahse, an rilru tak chuan an
ngaisang che a, an awt che a, an zah hle che tih i hre reng \hin dawn nia.

PHEK 3 - NA
 WORLD CUP NAWI
Kum li dana tlumta thlir taka kan lo thlir FIFA
World Cup chuan kan \hut pindan min \awmpui leh
ta. He hun kan chang bik hi kan vannei teh e! 1930
a\ang khelh \an, 1942 leh 1946-ah te an chawlhsan
zawk tih lohva kum li dana an khelh infiamna khawvela
ngaihsan leh ngaihven hlawh FIFA World Cup
chanchin hi khawvel mit leh beng fahtu a va ni chiang
em!
Kumin World Cup khel tur hian August, 2007
a\ang tawh khan ram hrang hrangin qualifying round
an lo khel \an tawh a. FIFA national teams 208
a\angin 207-in an khel a, December ni 4, 2009 khan
a khel thei ram 32-te tarlan an ni a, a thlengtu chu
tlinga ngaih nghal a ni. FIFA ranking kumin May thlaah
khan a sang pathumte chu Brazil, Spain leh Portu-
gal te an ni a, heng ranking-te hi an khelh dan hrang
hrang~ friendly, competition leh qualifying a\anga
tehsak an ni.
FIFA World Cup hi Coca Cola, Emirates, Hyundai
- Kia Motors, Sony, Visa leh Adidas-ten rinawm takin
an \awiawm a. Kumin inkhel tichhuak tura lei duhte
tana FIFA lamin an inzawrhna hi a to uchuak hle nia
sawi a tam a, ram hrang hranga TV operator lamin
to an ti \awlh \awlh khawp mai! Singapore lam
chhuak SingTel leh Starhub chuan 2009 tawp lam
khan FIFA in WC chhuah phalna a siam chu
chhangin USD mktd 30 a an ngam thu an hrilh a.
FIFA lamin an duh khawp lo, pun turin an ti a, Op-
erator lamin an duh miau loh avangin an inbe rem
thei lo. Tournament \an hma thla khat vel a la awm
tihah FIFA lam hi an inphah hnuai thei hram a, USD
mktd. 15-ah tlain Singapore TV Operator nen hian
an inbe rem ta chauh a ni. Singapore a\anga la
chhawng lehte hnenah a pung awmin an sem chhuak
leh a, hengte a nih tak nuaih avang hian mi \henkhat
chuan he sum inrawlh nasa lutuk avang hian World
Cup hi boycott an tum mek bawk!
Eng pawh ni se keini chuan kan en thei! Kumin
World Cup hla hi han sawi zui lawk teh ang.
Chanchinbu lama ziak mi eng emaw zahin FIFA
World Cup 2010 Official Song-ah 'Wavi'n Flag'
K'naan sak chu an chhal \hin. A dik lo. K'naan hla
'Wavi'n Flag' tih hi Coca Cola lamin 2010 FIFA World
Cup-a intihlarna hla atan an thlan a ni. Official Song
chu 'Waka Waka' Shakira leh Freshlyground-te sak
a ni a, Kick Off Concert-ah pawh kan hmuh kha.
Official Anthem hi Grammy Award hum pha ngat R.
Kelly leh Soweto Spiritual Singers te sak 'Sign of a
Victory' a ni. Opening Ceremony-a i hmuh kha... (Ti
ngawt ila hmu lo in tam zawk ang, keini chuan kan
dld leh keuh tawh, en ve duh chuan min rawn pan
mai ru!)Tui takin lo en zel phawt teh le... Tu takin
nomawi hawn ang maw?
Printed @ Technosysy Offset
Bawngkawn Aizawl
ELECTORAL ROLL
Thawhtan dar 10:30 ah hian YMA Halll ah electoral Roll
a hming thun dil zawng zawngte hearing neih tur a ni
a, pianni tilang thei certificate keng theuh tur ang. .
VDP THU
V. Lalrintluangi d/o P. Rinchhunga, Ramhlun Venglai
Pu Zochhuana in luah hnen atangin ni 6.6.2010 khan
Zu (Mc Dowells) bottle 4 leh Quarter mansak a ni a.
Intiamkamna a neih hnuah chhuah leh a ni,
V/C phalna in VDP ten in tinah VDP Fund an rawn
khawn dawn a, khawtlang mipui etn theihtawp chhuah
a, lo \anpui turin ngen kan ni. VDP hmalakna ah
khawtlang mipuiten \hahnem ngai taka \awiawm turin
VDP Ramhlun Vengthar chuan a ngen a ni.
V/C HRIATTIRNA
Agriculture Department, Aizawl North in NLUP/RKVY
scheme hnuaia hmalak nan heng a hnuaia kan tarlangte
hi July ni 15, 2010 hmaa thehluh tur a ni. Ramhlun
Vengthar khua leh tui huan lo ram nei ten ni 30 July
2010 hmain V/C Secretary Pu S. Lal\hakima hnenah in
hriattir tur a ni.
1. Ramhlun Vengthar huam chhunga huan leh ram neitu
vengchhung mi leh sa dik tak
2. Ramhlun Vengthar V/C area huan lo ram nei veng
danga awm ten
3. Ramhlun Vengthar mi leh sa hmun dang emaw V/C
dang huam chhunga huanleh ram neite.
Tin, huan leh ram neitu ten Agriculture lama hriat
duh neite tan heng a hnuaia mite hi rawn leh biakpawh
theih reng an ni e.
1. Pu Lalremruata AEO - 943614894
2. Pu K. Lal\anpuia AAI - 9862538575
3. Pu Lal\huamluaia G/S - 9612904975
LUCKY TICKET
Vanapa Section te chuan Inrinsiak tur World Cup 2010
Lucky Ticket an siam a ni a, vengchhung mipuite
tlawmngaia lo leisak turin an ngen a ni.
KEIMAHNI
Pathian zarah kum chanve kan lo thleng ta der mai a.
Harsatna bik a awm loh chuan chanchinbu pawh kan la
ti chhuak ve thei zel a, a lawmawm hle a ni. Vengchhung
news lamah theih tawpin kim thei ang berin tihchhuah
kan tum a, mahse hriat hmaih kan nei tho tih kan hria a,
kan correspondent ten \an han la leh deuh teh u. Thler
tinah correspondent kan dah te hnenah hian an lo kal
remchang lo a nih pawhin va bengvar \hin thei ila a \ha
ngawt ang. Chanchinbua chhuah tur nei chuan YMA
Hall ah inrinni apiangin lo dah mai tur a ni e.
PHEK 4 - NA