You are on page 1of 4

BMA AW

An Official Organ of The Bangalore Mizo Association Registered Under Societies Act of Karnataka No. BLU-S188-2007-08 Date 7 May 2007
Vol. XVII Issue No.16 Bangalore Mizo Association Pathianni Tin Chhuak Chanchinbu Date: 11th July 2010 Phek Khatna

TUALCHHUNG
&& Heng kan member (kan hriat theih thenkhatte) hian an zirlai theuh 1st Division-ah an pass. Tv. Michael Lalneihtluanga (MSW), Tv. Lalnundika Hnamte (MA Economics), Tv. Victor C. Lalchhanchhuaha (B.Sc Bio-tech), Nl. Zorini Khiangte (MA English), Nl. Malsawmzuali Khawlhring (MBA) leh Nl. Zorengi Sailo (MBA). Nl. Zorini Khiangte chuan St. Joseph College (Autonomous) ah Lecturer hna a hmu a, a hna hi June ni 28 khan a zawm tan nghe nghe a ni. && Nl. Jenny Vanlalpari Hnamte, kan Finance Secretary chu Aizawl lamah hun rei vaklo cham turin a chho. && Dr. Lalrinawmi Ralte, UTC chu Professor ah a kaisan avaingin kan lawmpui hle. Wider contribution a neihtheih nan Pathian hnenah i dilsak ang u. && Nl. B. Lalthakimi u Pu B. Dosanga chu 06 July 2010 khan a boral a, a kalsan tak a chhungte tan i tawngtaisak ang u. && BMA membership hi ngai pawimwhin inziak lut zel ang u. A last date kha last week of August a ni tih i hria ang u.

Globalization leh Zofate Mr. Zero Zoram hi i vei ang u. Ka ti leh pek thin ang, i vei ang u. Tirhkoh Paula tawngkam takin han tan phawt ila, amah Paula tluk vang ni lovin (A hming awmzia ‘te’ emaw ‘langthamlo’ tih erawh hi chu ka inhmehbel ngam mai thei). Globalization hi Mizoram leh zofate tukverh (leihkapui chu kan la ti ngam lo ang chu) atangin han thlir dawn ila. Sawi em em pawh ngai lovin globalization awmzia chu kan hre vekin a rinawm. A khawvelah kan cheng mek bawk a. Amaherawh chu kan sawitum a inpersan loh nan tlem chu han thailang ve ila. Globalization chu khawvel hmun hrang hranga thil thleng mekte han suihkhawm tumna (process of integration) ti ila, a sual tampuiin a rinawm loh. Eng thil nge or thilte nge tih takah hian mithiamte pawh an ngaihdan a inang lo nuk mai. A tlangpuiin group hnihah an then theihawm e. Pakhatna ah chuan globalization hi khawthlang ram (developed countries) economic dinhmun leh kan (developing and underdeveloped countries) economic dinhmun thuitaka an inkungkaihna hi a ni e an ti. He ngaihdan atanga thlir chuan globalization chu ‘a phenomenon’ tihna a nih chu. Pahnihna ah chuan globalization hi khawtlang ram economic dinhmun mai ni lovin an culture, politics te leh thildang zawng zawng ten kan dinhmun engkim mai a rawn nghawngna hi a ni ti an awm bawk. Phenomena a ni ve leh thung. Ka ngaihdanah chuan a dik ve ve mai a, han thenhrang chiam pawh hi awmzia vak a neiin ka hre lo. Economist ten an thlirna atang chuan a dik viau mai thei. Chutiang bawkin midangten anmahni field atang an thlir chuan a dik ve leh tho mai. Thenhrang thlipthlep lovin a vai hian pawm vek mai ila a sam phian ang. A enga pawh chu lo nise, khawvel hmunkhata thil thleng chuan a lehlam hmunkhata thil thleng tur leh turlo chu a kaihruai a ni deuh ber mai. Globalization hi thil tha tak mai a nia. Global common market, worldwide financial market, worldwide productions te kan lo tawng ve ta a. Chu mai nilo, health policies pawh a global vek mai tawh a. Information and technology hi hmanrua a nih lain global information technology system hi khawvel tina thehdarh a ni nghal a. Adidas ad TV-ah kan hmu mai ni lovin, adidas pheikhawk lei turte pawh kan hmu pha ve zel mai. Levis jeans te kan lo ha ve a. Tin, dell computer te pawh kan lo nei ve reng tlat. IT sectors leh BPOs a hnathawk mek te pawh kan awm. Mahse globalization hian hmailehlam (the other side) a nei vet tlat. Pakhatna ah a chunga kan sawi zawng te khi neih phak chu sawi loh, hmu phak miah lo an awm. Thi leh thau pawlha hah taka hnathawk te tan phei chuan a na khawp ang. Nei pha inti ve te pawh hi kan thulo khawp mai. Lei thei, thawk thei kan inti viauin a lang, mahse sal ang lek kan lo ni. A chhan chu engkim mai kha developed ram atanga control vek a ni sia. An idea kalpui pakhat chu

BMCF INKHAWM
18 July 2010, 3:00pm
Hruaitu: Rev. R Lalthanmawia Tantu: Nl. Lalruatpuii Thawhlawm: Tawngtairual Special No.: Nl. Debbie Lalnunhlui Thusawitu: Pi. F. Lalrotluangi Changvawn:Phil.3:16–Kan thlen chin atang khan hma i sawn zel ang u.
th

Vol. XVII Issue No.16 Bangalore Mizo Association

Pathianni Tin Chhuak Chanchinbu

Date: 11th July 2010 Phek Hnihna

Editor Tv. Samuel Buatsaiha Joint Editor Nl. Thaarie Hnamte Tv. Madawnga Haunhar Contributors Pu Paul Lalchhanhima Tv. Laltholiana Sailo Nl. Lalremkimi Sivera Circulation Managers Nl. B. Lalthakimi Nl. Sawmteii Khawlhring
BMA AW lak man: Thla khat Thla thum Thla ruk Thla sawmpahnih Rs.20 Rs.50 Rs.90 Rs.180

a Manmohan Sighn prime-minister a nih atang khan India ram chuan neoliberalism an tih mai thin economic liberalization chu a lo hmang tan ve ta a. Ti chuan company leh industries (MNCs) te chu government kuta awm lovin mimalin an lo enkawl tan ta a. Privatisation an lo ti ta ni. Political independence kan hmuh hnu atanga kum 50 tling tawk tihah colonialism ah kan lut leh tihna a nih chu. Retheiten hmun an chang ta lo. An changlo satliah mai ni lovin, an retheihna te chu a nasa tial tial mai. Changkanna, hmasawnna (development) scheme leh plan hmingin in leh lo an laksak a, a tlangpuiin industrial site atan, nimahsela a changkanna tak tak an sawi kha chu an tem pha miah lo. India sorkar tan chuan hlawkna lian tak a ni ang. Mahse mithiamte sawi danin mipui zaa sawmpanga chauh hian a hlawkna tak tak an tel a, a dang zawng tan chuan engmah lo mai a ni e an ti. Chuvangin retheite tan chuan globalization leh changkanna tih vel chu myth a lo ni ta. Mizoram hi chu kan la ziahawm viauin a lang na a, awm mai mai thei kan ni tawh lo. A chhan chu kan pan mek a vangin. Globalization hi sual a ni miah lo, kan hmangthiam zawk turah ka ngai. Kan duhloh theih pawh a ni hek lo, min nangching tho tho. Enge kan tih tak ang le? Pakhatna ah chuan (a pawimawh dan ni lovin, rilrua awm kan sawi hmasa mai ni e), zofate hi globalization nena inchawih tur hian i zir phawt mai ang u. Ngaihtuahna fim tak i seng ang u. Kan thlir liam leh mai mai thin a, a fuh ber lo e. Mahse, he kan zirna kawngah hian tlukchhiatna chu a awm reng. Amah globalization idea, marketoriented or job-oriented hian i zir lo ang u. Hei Bangalore ah pawh a tam zawk chu zirlai kan nia. Engineering line hrang hrang te kan zir a, science line hrang hrang te nen. Mahse a pawimawh bera chu kan thiamnate hian nakina hna kan thawh hunah midangte a pui ve thei ngem tih hi a ni zawk e. Sumdawng rilru pu run lovin taima takin i zir ang u. Entirnan, Mizoramah natural resource emaw, resources hrim hrim lo nei tai la, sorkar chuan company hnenah a pe leh mai ang. Ti chuan an ni chuan an rawn privatize leh mai bawk ang. MNC phei hi chu India sorkar hian a biakchhiat ngam loh hmel sia. Globalization hi kan dang thei lo kan tih tawh kha. Chuvangin heng MNC shareholders leh collaborators ni thei kan awm chuan a lawmawmah ngai ila, kan awmngang lo nih pawhin an mi rawntlak ni tura mithiam nih i tum ang u. Intellectually prepared-in i awm ang u.Tin, chutianga dinhmun pawimawh tak zofaten kan lo vawn a, policy makers te kan loh nih hnu pawh hian a la tlukchhiat theih tho mai. Mahni ram mipuite ngaihtuah lek lovin a duham ve theih tlat. Chutiang a nih vaih chuan kan ramah retheihna kan ti pung dawn a ni mai, mahni invur lawih siin. Hei mimal in tihlawm tumna ni lo se, kan pastor pakhatin a sawi ve ziah materialism hi globalization ina a ken tel pakhat a nia, a pawimawh hle. Tangka leh tangka ina a leitheih thilah kan innghat lutuk thin a. Sawitawh ang khan market-oriented deuh hian a chet ve theih tlat. Material hrim hrim hi thil sual a ni hauh lo a, mahse material kan ngaisang leh kan duh luat vanga midangte kan nekchep fo hian Pathian lung a awi lo thin. Kan hmelhirat te, kan thiante leh kan biakthat zawngte hi mi hausate (tangka ngah, engvanga ngah tih hriatloh) chauh an nih chuan materialism ah kan la awm fo tihna a ni. Chuvangin intellectualists mai ni lovin Lalpa thih mi an pawimawh leh ta. Lalpa thihna tlang atang lo chuan materialism hi kan hmang sual fo thin. Zofate hma kan sawnna zelah hian kan ram, kan hnam damna tur i ngaihtuah hram hram ang u.

E-mail: bmanews@gmail.com Website: www.bangaloremizo.info
I mobile-ah khan JOIN BloreMizo tih type la, 567678 ah thawn rawh. Bangalore Mizote tana Hriattirna leh thutharte ilo dawng thin dawn nia.

Editorial……
Mihringte hi mithiamte sawidan chuan social being kan ni. A Mahni mimal chauh hian nun awmzia a neih loh rualin socialization kan uarh lutuk hian a pawi leh thin. A tawk chiah lah hi hriatthiam a har bawk si. A bikin Mizote hi kan awmkham deuh tawhna ah chuan kan iner emaw, kan inel eawm hi a ni duh chawk. Inelna chi reng reng hi min ti chaktu leh min nawr kal tu a nih rualin kan lak serious lutuk chuan kan inlaichina hi a ti chhe fo thin.

(phekkhatna chhunzawm) win-and-win policies a nia, winand-lose a awmthei lo e an ti. Mahse, win-and-win huam china awm phate pawh hi sal chhawrin an chhawr sia. A pakhat phei hi chu sawingaihna a awm lo. He globalization khawvelah hian Zofate hi kan cheng ve mek a nia. A then chuan neo-colonialsim an ti. Khai le, kum 1947 ah India chuan political independence a hmu a, ka hriatsual loh chuan kha mi hnulama kan kalpui chu mithiamte sawidanin Nehruvian socialism a ni e an ti. Hei hi economic system leh thil kalphung hrim hrima kan lo kal thin dan niin an sawi. He kalphungah hian ramchhung retheiten hmun an chang thin niin an sawi bawk. Amaerawh chu 1991

Vol. XVII Issue No.16 Bangalore Mizo Association Pathianni Tin Chhuak Chanchinbu Date: 11th July 2010 Phek Thumna

Sakhua

tihdam rawngbawlna hna thawktute nen hi chuan zaikhata luangza zawng an ni meuh lo emaw ni chu aw a tih theih tlat. Thil mak te pawh hi kan lawm lutuk ta reng reng mai a. Khawihthlu thei an awm lai te khan kan bawr hut hut a, Pathian tluk thaw thangah kan dah ni khan a lang a. Kan intihhmuh a, a hman hmanin mi an khawihthlu vel mai mai ni khan a lang a. Inkhawihthluk khan thlarau lam thanlenna min pe em tih lam reng reng kan ngaihtuah hauh lo a ni mai lo maw? Thilmak te hian kan nunah thu a sawi thuk tak tak ngai lem lo a ni tih chu Bible atang bawk khan a chiang khawp mai. Bible hian, tunlaia keinin kan ngaihsan em em, tisa tihdamna te leh thilmak te hian damchhung daih rinna mihring a pek lohzia chu chiang takin min zirtir a. Kan hmufiah duh lo lui mai mai a ni lo maw? Hemi thu lanchiantir tur hian kan khaw hawi tihzau tehchiam pawh kan mamawh lem lo. Isua hmel tihdanglama a awm chungchang kha en ta ila. Isua hmel chu ni ang maiin a eng a, a silhfente pawh khawvela puan su thintena an suk var theihtawp ai pawha a let eng emawzata varin tihvar a ni a. Chu mai a la ni nem, a kiangah hmanlai mihrang val pahnih Mosia leh Eliza te an rawn ding a, an inbia a nih kha. Chutah, van Pathian chuan a inthupna zawng zawng hlipin, aw chiang kek kawkin thu a la rawn sawi zui leh ta nghal a. Mit ngeia kha thil hmutu Petera, Johana leh Jakoba-te tan khan thilmak ropui lutuk a ni a; leiah bawkkhupin an tlu a, hlauh namen lovin an hlau a nih kha. Mahse, khatiang khawpa thilmak ropui entir an nih hnu khan an chungah eng nge thleng ta le? An rinhlelh rukna zawng zawng leh an rilrua zawhna awm thin zawng zawngte chu chhanin a awm em? Isua hnung chu rinawm takin an zui phah ta em? Teuh lo mai. A karleh lawkah, Isuan a mamawh em em lai khan an phatsan leh hmiah mai a nih kha. Tisa tihdamna te hian chatuan daih rinna min pe lem lova, thilmak kan tihte lah hian zirtirte tan meuh pawh khan rinna thuk leh ril chu a pe thei lo a nih si chuan, keini vawiina nungdama awma te hian ngaihsan chin tawk kan neih hi a hun viau tawh lo maw? Bible-in chiang taka min zirtir hi engtia rei nge maw kan hmuhthelh luih zel dawn le?
Hriselna leh Hriatna

Tihdam Rawngbawlna leh Thilmak James CVL Thafamkima Kristianna-in bu a khuarna hmun apiangah tihdam rawngbawlna hian hmun sang tak a chang thin a. He tihdam rawngbawlna hian engtiang chiaha thukin nge kan rilru hi a khawih le? Tun hnai lawkah Mizoramah pawh tisa tihdam rawngbawlna kan buaipui hut hut a. Thingtlang kilkhawr ber ber atangin kan pan khawm a. A dam an awm a, dam lem lo an thahnem zawk fe bawk a. Tisa damna changte lawmna tluk zeta thukin damna chang ve lem lote beidawnna hi a thukin ka ring thin. An thinlungah zawhna tam tak an zawt ngei ang a. A chhanna lah hriat phak rual a ni si lovang. Sual bik riauva inngaihna thinlung leh Pathianin a duhsak lo bik riauva inngaihna thinlung pawh a pe hial thinin ka ring. Mizoram ang, mipui rilru phawklek lutuk leh nghet lo lutuk awmkhawmna hmunah chuan tisa damna te hian hmun hi a chang sang em em a. Hman hman atang tawhin tawngtai dam thei kan ti, zut dam thei kan ti, khawihthlu thei kan ti, a vuak vetah hian kan phi buai kan phi buai thin zawng a nih hi.Tisa tihdamna hi sawi nep ka tum lem lova. Mahse, kan Lalpa Isua khan a ngaihpawimawh ber erawh a ni lo tih chu chanchintha chhiar ve ek ek peih chuan kan hre vekin ka ring. Khawvela rawng a bawl lai khan tihdam rawngbawl hna chu a thawk ngei mai. Mahse, tihdam rawngbawl hna kha mi rilru hneh nan emaw, mi mak tih leh ngaihsan atan emaw a thawk hran lova. Nitin a sang tel lah a tidam hek lo. Khawvela a lo kal chhan ber kha tisa tihdamna rawng rawn bawl turin a ni lo tih kha a tarlang chiang em em thin a. Mi a tihdam pawhin, sawi puang lova, zep tlat tur te-in a hrilh zawk thin a nih kha. Tunlaia

# Olive oil hian hnute cancer a veng. Mihring taksaa cancer cell ti thangtu protein te hi olive oil hian a dang thin niin University of Autonoma, Barcelona-a mi thaimte chuan an sawi. # A tawk chiah, tam lutuk lova coffee in hian concentration a siam tha hle. Caffeine an tih mai, coffee leh thingpui rah chhunga substance hian ngaihtuahna a siam tha a, a bikin infiam mite tan chuan a tha leh zual niin Society of Experimenatal Biology chuan a sawi. # Beetroot hi a tui loh hmel viau nan, taksa a ti mam in, vun tan a tha ve tlat mai. # Computer hmaa rei tak thut hi a chauh thalk hle in mit hian a hua hle bawk. Mithiamte sawidanin mut khamlo phei chuan computer hmaah rei tak thut loh tur a ni awm e.

Pathian thu, testimony, Kristian sakhua lam chanchin (word 400 aia tam lo) a duh a piang tan a ziah theih a, helai hmunah hian kan tarlang thin ang.

Vol. XVII Issue No.16 Bangalore Mizo Association Pathianni Tin Chhuak Chanchinbu

Date: 11th July 2010 Phek Li na

Computer / Science / Technology / Environment

WHALE LEH MIHRING: University of Exeter leh Cambridge a zirmi mithiam tak tak te chuan killer whale te, pilot whale an tih te leh mihring te hian in anna leh inzawmna tak an nei tih an hmuchhuak a, chumai niloin an ni pathum hi khawvel thilsiamah chuan an upat zel dan a zira fa neih tawp chin nei an ni.An khawsakna a inang lo viau theuh a, zirtuten an hmuhchian chu a nute chu an khawsakna hmun a zirin an danglam deuh zel a ni an ti. Hemi a nih avang hian a nu upa deuh tial tial chuan an khawsakna hmuna awmdan tur zelah an nunghchag leh khawsak dante a inthlak danglam thei thin a ni an ti. HMAI TRANSPLANT: French surgeon Luarent Lantieri chuan Henri-Mondor public hospital, Creteil ah hmai pumpui transplant chu hlawhtling takin a ti. Hei hi hman puimpui transplant (including eyelids and tear ducts) transplant hmasa ber niin an sawi. A damlo hi ‘elephat man’ disease an tih mai thin genetic lam natna vanga hmaichhia a ni awm e.

ram 4 : Brazil, (West) Germany, Argentina leh Italy an lan loh kum a ni. An record ringawt en chuan Netherland hi an chet that hmel zawk daih mai. Mahse, attacking fooball thiam taka khel thin Espana skill hi dang char thei tur chuan tactic thatak neih a ngai ang. Defensive ngawr ngawr chu a chi loh mai thei bawk. Germany pawhin an ti sual let der a nih kha. Chutiang bawkin Netherland midfield combination (defensive and attacking) fuh tak mai hi a theuneu lo viau bawk ang. Transfers langsar zualte: 1) Angel Di Mria to Real Madrid 2) David Silva to Manchester City Enge an sawi? # Argentina leh Germany inkhelh zan khan Messi number meuh hain khuang ka vua a, an chak leh si lova, ka khuang ken kha thlehtet a har ngei mai.- Messi Pachuau, UTC # BMA Football Tournament ah Amosan ka khel ve dawn a tia. A kelh dawn chuan kei pawh ka khel ve ang, kan in tum tawk viau ang. – La reitawh lo tur Bless-tei. # Tun tum WC chu Espana zar ka zo a, cho eina tur ka ngah tawh khawp mai. – Spain inkhelh a pianga cho ei insawma lo bet thin tu Uncle A-a , sob sob…. # Uifingte: i) Ka duat tak Pixie hian Netherland an chak ang a ti. – Pixie Nu, Sawmteii. ii) Ka ui fing lutuk ‘Oracle Pompoma’ hian Spain an chak dawn a ti. – Hidden singer, Madawnga. (An fin dan a inang lo hle, Pual the Octopus chu nepte a ni).

INFIAMNA
Worl Cup Special Third Place Result: Gremany 3- 2 Uruguay Final: Spain vs Netherland-Thlir lawkna leh an chanchin tlem He ram pahnih hi mak tak maiin World Cup-a an vawikhat intumna tur a ni. Fianl match ah vawikhat an lo intum tawh a, chu chu Olympic Final 1920 a ni. Spain hi 3-1 in an chak. Football history ah vawi 9 chiah an la inhmachhawn bawk. Vawi 4 ve ve an chak tawh a, vawikhat an in draw (hnehlo?). Tunhnai lawka an head-to-head en chuan Netherland hi an chak ngun zawk. Spain chak hnuhnung ber chu 1983 kha ni awm e. Netherland hian World Cup final hi vawihnih (1974, 1978) an khel tawh a, Spain erawh an vawikhat khelhna tur a ni thung. Quarter final bak an la khel lo. The Royal color or Oranje ho hi tun tum WC a chakloh nei miah lo a final lut an ni. Espana erawh hi chu Switzerland lakah an tlawm tlat. A ruala (kumkhata) Champions League leh WC trophy chawi thei players hi 10 bak an la awm lo. 1974 khan Munich in Champions League an la a, he mi kum veka WC champion Germany squad ah hian Munich players 7 an awm. A dang pathumte chu Christian Karembeu, Roberto Carlos, leh Gianluca Zambrotta te an ni. Weslsy Sneijder hian heng ho hi a zawm ve thei ngem? Netherland hi an chak chuan a WC finals-a 100% record siamtu ram 4th na an ni ang. 100% record siamtu ram dangte – Uruguay (1930), Italy (1938), Brazil (1978, 2002). Netherland hi qualifying matches atang khan chak loh an la nei miah lo bawk, finala an chak chuan an record hi a ropui zual ang. Qualifying matches atanga final thlenga chak thei awm chhun chu Brazil chiah a la ni (1970).Tun tum WC hi European ram leh ram final a vawi 7 na a nia. A tua pawh chak se, European ramin WC trophy vawi 10 an lakna ni ang. Record an siam bawk ang. Mak ve tak mai chu WC final a pianga inluh chhawk zak zak thin

Canon G11 camera Feb 2010 a mi la thar tha tak, S90 ka duh leh zawk avanging man tlawm te cheng 20,000 in ka hralh phal e.Memory card 4GB leh extra battery a chhawm telh ang. Contact:9901588889