ኢትዮጵያ

ባልፍም ኖሬ
ስለ እናት ምድሬ
እሷናት ክብሬ
ኸረ እኔስ አገሬ
አዝማች
ስንት የሞቱለሽ ለክብርሽ ዘብ አድረው
አልፈው ሲነኩሽባህርሽን ተሻግረው
የጀግኖች አገር ያዳም እግር አሻራ
ፈለገ ጊዎን ያንች ስም ሲጠራ

እንኳ ሠማይ ላይ ባንዲራሽን አይቶ
ስምሽ ሲጠራ ማን ዝም ይላል ሠምቶ
እንኳን ሠማይ ላይ ባንዲራሽን አይቶ
ኢትዮጲያ ሲባል ማን ዝም ይላል ሰምቶ

በቀስተ ዳመናሽ ሰማይ መቀነቱን ባንዲራሽን ታጥቆ
አርማሽ የታተመ እንኳን ባለም መዳፍ በአርያም ታውቆ
የተራሮች አናት ዘብ የቆመልሽ ቤት ያክሱማ ራስ (የአክሱም አራስ) ጦቢያ
የፍጥረት በርነሽ
የክብ አለም ምዕራፍ ዞሮ መጀመሪያ

በሠማዩ ላይ ቢታይ ቀለም
የሷ ነው እንጂ ሌላ አይደለም
የመጪው ዘመን ፊት ናት መሪ
ዛሬ አለም ቢላት ኋላ ቀሪ

ተውኝ ይውጣልኝ ልጥራት ደጋግሜ
ኢትዮጲያ ማለት ለኔ አይደል ወይ ሥሜ
ቢጎል እንጀራው ከመሶቡ ላይ
እናት በሌላ ይቀየራል ወይ
ይዤ አላነሳም እጄን ከቀሚሷ
እናት እኮ ናት ተስፋ አልቆርጥም በሷ
የሷን ውለታ ከፍሎ ሳይጨርስው
ኢትዮጵያ ሲባል አብሮ አይልም ወይ ሰው

ኢትዮጵያ
ሀገሬ
ባንቺ አይደል
ወይ ክብሬ

አዝማች
ስንት………………… ለክብርሽ…………………
የሠላሞን ዕፅ ነሽ የቅዱሳን ዕንባ ያበቀለሽ ቅጠል
ዛሬ አዲስ አይደለም በለኮስው እሳት የነካሽ ሲቃጠል
ሳይወስን ዝናሽ በቅርሦችሽ ድርሳን ባድባራት ታሪኩ
ነብይ አይተው ከሩቅ ያሉልሽ በመፅሀፍ ኢትዮጲያን አትንኩ

በሠማዩ ላይ ቢታይ ቀለም
የሷነው እንጂ ሌላ አይደለም
የመጪው ዘመን ፊት ናት መሪ
ዛሬ አለም ቢላት ኋላ ቀሪ
ተወኝ ይውጣልኝ ልጥራት ደጋግሜ
ኢትዮጲያ ማለት ለኔ አይደል ውይ ሥሜ

ቢጎል እንጀራው ከመሶቡ ላይ
እናት በሌላ ይቀየራል ወይ
ይዤ አላነሳም እጄን ከቀሚስዋ

እናት እኮ ናት ተስፋ አልቆርጥም በሷ የሷን ውለታ ከፍሎ ሳይጨርሰው ኢትዮጵያ ሲባል አብሮ አይልም ወይ ሰው ኢትዮጲያ ሀገሬ ባንቺ አይደል ወይ ክብሬ በሰሜን በደቡብ 2x በምስራቅ በምዕራብ ላይ ሙሉ ይሁን…………… ያንቺ ሲሳይ ይራቅ ይራቅ ችግር ከምድርሽ ሙሉ ሙሉ ይሁን ሲሳይሽ ----------------------//-------------------- ግጥም ቴዎድሮስ ካሳሁን ዜማ ቴዎድሮስ ካሳሁን ሙዚቃ ቅንብር አቤል ጳውሎስ /ናደው .