Ang La Liga Filipina.

Ang La Liga Filipina, na may motong “Isa Tulad ng Lahat”, ay ang huling pagtatangka ni Rizal sa isang diplomatikong paraan ng pagkakaroon ng kasarinlan upang maiwasang magkaroon ng isang madugong rebolusyon dito sa Pilipinas, taong 1882. Itinatag niya ito sa bahay ng isang Doroteo Ongjunco sa kalye Ylaya, Tondo, Manila noong ika-03 ng Hulyo, 1882. Ilan sa mga taong naroon sa pagtitipon at masasabing mga unang miyembro ng liga ay sina Andres Bonifacio, Deodato Arellano, at mga mason tulad ni Apolinario Mabini, Pedro Serrano Laktaw at Teodoro Plata. Dito sa pagtitipon na ito ay ipinaliwanag ni Rizal ang mga hangarin ng ligang kanyang itinatatag at ang magiging papel nito sa sosyo-ekonomikong lipunang Pilipino. Ayon sa konstitusyon ng La Liga Filipina, hangad nito na: 1. pag-isahin ang arkipelago ng Pilipinas at gawin itong isang matibay at magkakauring lipunan; 2. proteksyon sa lahat ng nais at pangagailangan ng mga kasapi at mga Pilipino; 3. laban sa karahasan at kawalang hustisya; 4. paglilinang ng edukasyon, agrikultura at komersya ng lipunan; at, 5. pagaaral at pakikipaglaban para sa reporma. Sa pagtitipong ito rin inisa-isa ni Rizal ang mga tungkulin ng mga kasapi ng Liga na binubuo ng Supreme Council, Provincial Council at Popular Council. Bawat konseho ay may presidente, kalihim, ingat-yaman at piskal. Ang mga sumusunod naman ay mga tungkulin ng lahat ng kasapi ng Liga: 1. pagsunod s autos at desisyon ng Supreme Council; 2. pagbabayad ng P2 na membership fee at 10 centavos na monthly due; 3. pagtulong sa pangangalap ng mga bagong kasapi na handang magsilbi sa bayan; 4. pag-protekta sa mga desisyon ng Supreme Council at paniniguro na manatili itong lihim sa mga di kasapi; 5. pagkakaroon ng isang simbolikong pangalan na hindi maaaring palitan hanggang sa maging presidente ng Supreme Council; 6. pagu-ulat sa piskal ng anumang pangyayari na maaaring makaapekto sa Liga; 7. pagaasal bilang isang mabuting Pilipino; at, 8. pagtulong sa ibang kasapi sa lahat ng paraang makakaya. Bago matapos ang gabing iyon ay nahalal na sina Ambrosio Salvador, isang Mason at gobernadorcillo ng Quiapo, bilang presidente ng Supreme Council, Deodato Arellano bilang kalihim, Bonifacio Arevalo bilang ingat-yaman at Agustin dela Rosa bilang piskal.

Sign up to vote on this title
UsefulNot useful