FUN RUN TO LOVE RUN

(A story of chasing love.)

Written & Published by fakekrisaquino.com (This was first published online for the ‘from Internet with Love’ column of fakekrisaquino.com.)

Walay hilig si Monique og sports. Pero napugos sya og apil sa usa ka Fun Run kay gipugos sya sa iyang bestfriend nga si Faith. Pareho nagtrabaho silang duha sa usa ka callcenter sa may Cebu Business Park. Sabado ang Fun Run, og sa IT Park ang starting line, nya adto ni mahuman sa Abellana National High School. Pag-abot ni Monique sa IT Park, wala pa nagsugod mao nga nikaon sa siya sa McDonald's para maka energize. Nag-order syag 2 ka breakfast meal para energy jud sya. Daghan kaayong tawo sa McDonald's nga umaapila'y sad sa Fun Run. Ug sa ka nihit sa table sa McDo, naay nidool nya nga gwapo ug sakto nga barog nga lalake. "Miss, pwede ra ko molingkod diri sa ta imo table?" Seryoso aning pangutana. "Sure." Tubag ni Monique nga kilig kaayo. Dali-dali ning ni text ni Faith haron ingnon nga naa na sya sa McDo. Ganahan kaayo mangutana si Monique sa ngalan sa lalake pero naowaw sya. Pero nagsul-ob ni sya og soccer jersey, ug sa likod ani nakasulat ang 'Montejo.' Gi-assume ni Monique nga mo ni last name sa lalake. Ug dali-dali syang ni text na sad ni Faith nga naa sya'y bag-ong crush -- Montejo ang last name. Nahurot na ang gi-order ni Monique, ug haron naa syay rason nga molingkod pa sa table, ni order sya usab og french fries. Pagbalik niya sa table, haron makastorya niya si Montejo, nagyawyaw kunohay sya. "Hala oy, mabuang jud ko sa akong amiga. Wa pa jud niabot. First time pa ra ba jud nako makaapil og Fun Run." Storya nga palipad hangin ni Monique. Nitubag lang og smile sa kaniya ang lalake.

Ug may kalit lang tinawag ani niya sa laing table. "Carlo, naa ra mi diri." "Miss, excuse sa ha. Mobalhin ko'g table. Thank you." Panamilit niya ni Monique. "Carlo Montejo." Gisulti ni Monique ang ngalan pag lakaw na ni Carlo. Ug dali-dali na sad ning ni text sa iyang amiga nga kabawo na sya sa ngalan sa iyang bag-ong crush. Nahurot na lang niya iyang french fries ug coke float pero wala jud Faith nagpakita sa iyaha. --------------------------------Niadto na lang si Monique sa starting area kay basin tua na didto si Faith. Pero iya na gitagsatagsa ug nawong ang mga nga nagtapok sa starting area pero wala jud iyang amiga. Mao nga nitawag na sya ani sa celphone. "Hoy babaye, aha naman tawon ka? Imo ko gipugos paapil aning Fun Run nya wa lagi diri." Nagyawyaw na si Monique sa phone. "Hi, Faith. Si Byron ni. Tulog pa kaayo si Faith. Nagparty man gud mi last night, medyo nakainom. Di na seguro ni sya kaapil." Ang uyab ni Faith ang nakatubag niya. Si Byron kay usa ka Med Rep. Uyab pa sila ni Faith pero naglive-in na kini silang duha. Wala na lain mabuhat si Monique. Di na sya pwede makiglalis ni Byron. Dili na lang sad unta sya modayon og dagan sa Fun Run pero nakit-an niya si Carlo Montejo ug iyang grupo nga nagtapok sad sa may starting area. Nawala ang kasuko ni Monique ni Faith pagkita niya sa iyang bag-ong crush. Instead nga moatras sya sa dagan, nausab iyang huna-huna ug moapil na lang sya sa Fun Run og dayon haron makakita sya sa iyang crush. Nipadool si Monique sa grupo nila Carlo pero nagpahipi kini sya haron dili sya ma-obvious. Plano niya nga adto mo sunod og dagan nila Carlo. Nagsugod na ang dagan. Inday-inday lang nidagan ang grupo nila Carlo so kaya ra ni Monique. Pero pag-abot ani nila sa may Cebu Doctors Hospital, nikalit lang ug bulhot og dagan ang grupo ni Carlo. Ug si Monique haron dili mabyaan, nisunod sad og bulhot. Medyo nabyaan gyud siya sa grupo nila Carlo. Pero makita pa niya sa layo si Carlo. Gipugos ni Monique iyang kaugalingon og dagan pa og kusog. Wala siya pakialam naunsa na ang iyang lawas ug palibot niya. Ang iya lang nga dili mawala sa iyang panan-aw si Carlo. Wa na niya namalayi nga naabot na sya sa finish line. Mura na sya na lipong sa iyang pamati sa kakapoy ug kasakit sa lawas. Pero bisan kalipongon na sya, iyang gipangita gihapon sa Carlo. Ug iya tood ni nakit-an, ug niadto sya lakaw padung sa gibarugan ni Carlo sa oval sa Abellana. Ug sa dihang, ni black-out na lang ang panan-aw ni Monique. Sa taman aning kugod ni Carlo haron di mawala sa iya panan-aw, nakuyapan kini diha sa atubangan sa iyang crush.

Diha jud sa tiilan ni Carlo nahagba si Monique. "Miss, are you alright?" Ni dali-dali og pungko si Carlo para ma check si Monique. Pero wala na jud ni ni-response. Iyang giingnan iyang kauban ug kuha og tawag sa nakatambay nga ambulansya. While nangita ug ambulansya ang kauban ni Carlo, iya ning gipangitaan og vital signs. Doctor si Carlo mao nga kahibawo sya unsa iya buhaton. Naa pay heartbeat si Monique pero nabantayan ni Carlo nga naglisod ni. Kahinanglan madali og butang og oxygen. Nibalik ang kauban ni Carlo pero wala sya'y nakuha nga ambulansya kay ang naka standby gigamit man og lain. Gi segurado na lang ni Carlo nga wala sya'y piang. Pagkahuman niya'g check kon wa ba'y piang, iyaha na lang ni gikugos padung sa iyang awto nga naghuwat sa gawas sa Abellana. Iya ning gi-drive didto sa Community Hospital. Pag-abot nila sa ER sa Community, gipangutana dayon ni siya bahin sa nahitabo ni Monique. "Sir, naunsa diay ni sya?" Pangutana sa nurse. "Nakuyapan na sya, Miss." Tubag ni Carlo. "Basin buntis ni imong asawa, Sir, mao nakuyapan." Tubag sa nurse. Kakataw-anon si Carlo pero iya ning gipugngan. "Di oy." "Sir, unsa inyo complete name?" Pangutana sa laing nurse nga nag fill out sa information form. "Carlo Montejo." Tubag ni Carlo. "Ang pasyente, Sir, kay Monique? Monique Montejo?" Pangutana sa nurse. Nakuha sa nurse og sakto ang first name ni Monique tungod sa name tag ani. Gikapoy na nga makig lalis si Carlo mao nga gitando na lang ni niya. Unya na lang ni niya ipacorrect. Gusto na niya mahuman ang sige pangutana haron matarong na og tambal si Monique. Ganahan na unta molakaw si Carlo kay haron makapahuway pero nitan-aw sya sa mga maamo na nawong ni Monique ug nalooy ni sya nga biyaan. Iyaha na lang gitawgan iyang amigo nga ipa-trace kung kinsa ni si Monique sa mga organizer haron mapahibawo ang tagtungod ani. Nakit-an sya sa iyang classmate sa Med school nga usa sa attending doctor nga naa sa ER. "Oy Carlo, ikaw man diay na. Minyo na diay ka, bai." Pangutana sa iyang amigo nga si Dr. Michael Hong. "Dili, Doc oy. Ako ng gitabang sa Fun Run." Tubag ani sa iyang amigo. "Montejo lagi apelido." Pangutana usab sa iyang amigo. "Wa man ko kabawo unsa apelido niya. Kapoy naman explain sa mga nurse ninyo." Explain ni Carlo. "Well, gwapa man sad. Pwede na ipuli sa imong ex. Kalimti na to oy, mura'g 3 years ago na to, bai." Joke sa iyang amigo didto kaniya. "Sos, Michael Hong, mao gihapon ka, bai. Chicks boy kaayo." Tubag ni Carlo. Ug nitawag ni sa mga nurse, "Mga nurse nga girls, ayaw jud mo pailad aning Michael Hong. Pahilakon ra jud mo ani." Ug nangatawa ang mga tawo sa ER, while si Michael namula.

-----------------------------------------Gidala na si Monique sa iyang room. Niadto iyang kabarkada nga nagdala sa mga butang ni Monique nga gibilin didto sa mga organizer nga nagbantay sa starting line sa Fun Run. Wala nagdugay iyang mga kabarkada kay naa sila'y lain pa nga barkada nga nag birthday party. Nagpabilin na lang ni sya kay wa man sya'y matawag sa ila nga mopuli niya, day-off man ang mga sakop nila sa balay. Iyang gihiling ang purse ni Monique -- ID, celphone, ug gamay nga kwarta ra ang sulod ani. Iya gitan-aw ang ID, ug diha niya nahibaw-an nga "Monique Labos" diay tinood ngalan ani, ug nagtrabaho sa callcenter. Sunod niya gitan-aw ang celphone, haron iya tawgan kung kinsa man ang naa sa phonebook ani. Iyang gihiling ang Message Inbox sa iyang celphone, pero wala man ni sulod. So iyang gisuway og check ang Sent Items haron mahibaw-an niya kinsa iyang last ka text haron mao na lang iyang unahon og contact. Nakurat si Carlo kay nabasahan man niya iyang ngalan sa last sent message ni Monique. Mao ni ang text nga gi send ni Monique ngadto kang Faith: "CARLO MONTEJO. Kabawo nako sa complete name sa akong bag-ong crush. OMG! Mabogets ko, gwapo yummyyyy kaayo sya. Pagdali na og ari haron makakita ka sa akong crush. Naa ko sa McDo ha." Natameme si Carlo, nga na shock sya sa iyang nabasahan nga crush siya sa babaye nga iyang gitabang. Ug medyo naka-feel sya nga wa ba kaha sya binuangi aning bayhana. Mao nga iya ning gidool haron tan-awon kon wa ba ni nag acting. Pero pagtan-aw niya tinood man nga naa pa jud sya sa blackout nga stage. Nakuyapan daw ni sa over fatigue according sa finding sa doctor niyang amigo. Nalingaw na lang naghuna-huna si Carlo nga naa diay gigwapohan ug gilamian niya. Dugay na sya wala'y uyab, three years na. Niabot og 8 years ang iyang last relationship, mao nga after ato, gikapoy na sya. Nagkabuwag siya sa iyang ex kay na fall-out of love daw ni sa iyaha, ug after 6 months, naminyo ang girl -- mao nga medyo sakit kaayo para niya. Wala na sya'y gana mag uyab-uyab. He became a hermit, nag residente sya as surgeon sa Sotto kung aha busy kaayo nga hospital haron malimtan tanan. Wala na jud nasulod sa iyang huna-huna ang bahin sa mga babaye ug gugma after nga nabuwagan siya. Not until karon nga nakabasa siya sa Sent message ni Monique. Iyang gitanaw ang mga maamo nga nawong ni Monique, ug iyang gi-imagine what if uyab ni niya. Ug nakahinundum sya sa gisulti sa iyong amigo nga si Michael sa ER nga pwede ra man sad si Monique nga uyab niya. Nagsige na lang ni og tutok si Carlo kang Monique, ug nag huna-huna kon unsa kaha mahitabo kon iya ning mauyab -- some of his thoughts are wholesome and some are naughty. He thought to himself that he kind of missed the naughty part.

Hapit na huboi ni Carlo si Monique sa iyang huna-huna pero naputol kay ni-ring ang celphone ni Monique. Faith ang ni-register nga nanawag niya. "Hi, Monique. Sorry, na-indian jud tika. Unsaon man nanghagad man gud si Byron og inom gabii. Karon pa jud ko kamata. So how's your new crush? Carlo Montejo ba to ang name?" Derecho nga storya ni FAith sa phone, nagtoo nga si Monique ang iya kastorya. "Hi, Faith. This is Carlo Montejo. Monique is in the hospital karon." Tubag ni Carlo. Na shock si Faith. Abi niya gibinuangan siya ni Monique. "Ayaw ko binuangi ba, Monique. Grabe na ng obsession nimo ni Carlo!" "Si Carlo bitaw ni tinooray. Nakuyapan si Monique sa finish line ganiha. Diri sya sa tungod nako nahagba mao nga ako ang nakatabang niya. Magpatabang ta ko nimo og contact sa iyang relatives." Storya ni Carlo kay Faith. "Wa man na sya relatives diri ra ba sa Cebu. Taga Davao man gud na sya. Pero wa na sad jud na iya immediate family, tua na tanan sa abroad. Pero ako iya bestfriend. Is she okay ra ba?" Sugilon ni Faith kay Carlo. "She's fine naman, out of danger. She needs rest lang. Wa pa ni sya nimata. Nidagan man seguro ni sya nga wa sa kondisyon gud." Ingon ni Carlo. "Yes, first time jud na niya nga fun run. Di pa jud na sya athletic. Thank you kaayo, Carlo ha. Abi jud nako gibinuangan ko kay iya last text man gud sa ako kay crush ang bag-o daw niyang crush kay Carlo Montejo. Ikaw ba kaha na iyang gi mean? Moanha na ko. Mag andam lang sa ko ha. Thank you jud kaayo. Aha sya nga hospital?" Ingon ni Faith. "Naa mi sa community, room 116. See you. Bye." Namilit na si Carlo. Medyo na relax si Carlo nga naka-contact na sya og kaila ni Monique. Na-feel niya nga gikapoy iyang lawas, mao nga natulog na lang sa ni sa room ni Monique. Mga 4pm na nakamata si Monique. Kapoy ug bug-at jud kaayo iyang paminaw, naglisod pa sya og pabuka sa iyang mata. Mura sya'g giduyan, nga makamata ug makatulog. Diha sya mura'g nakamata dihang niabli ang door ug si Faith iyang nakit-an nisulod. "Faith." Hinay kaayo nga tingog ni Monique kay naglisod pa sya og daug sa iyang lawas. "Monique, sorry kaayo. Sorry jud kaayo." Nag sige og balik-balik og sorry si Faith. Medyo nakamata na sad si Carlo sa kakisaw pero nagpakahilom lang sa ni sya haron di maputol ang pagstorya sa duha. Wa pa sad kabantay si Faith nga naa diay sa kilid si Carlo natulog. "It's okay, Faith. It's my fault. Ako man gud gigukod tong si Carlo Montejo bisan naglisod na ko og dagan." Explain ni Monique. "Oh my God, girl. Unsa man gud na si Carlo nga imo man pakamatyan? Aha na sya tood? Siya ra ba tawn ang nag save nimo." Sigon ni Faith. "Huh? Siya nag tabang nako?" Kalit nabuhi pag-ayo si Monique pagkadungog sa storya ni Faith. "O, oy. Mrs. Monique Montejo gali nakabutang sa imong medical records. Wa man gud sya kabawo kinsa ka tawon." Nagngisi nga nagstorya si Faith. "Nikalit lang lagi ka kabuhi diha!"

"Tinood ka, Faith? Ma bogets ko. Cute kaayo sya. Wa hinoon ka kita, wa man ka niadto ganiha sa Fun Run." Excited nga nagsaysay si Monique. Kilig kaayo ang duha, ug sa dihang may nikalit og ubo sa pikas kilid ni Monique. Ug diha nila nabantayan nga naa diay si Carlo ra sa kwarto. Nibangon ni ug ni-Hi nila. Mura'g feel ni Monique nga makuyapan og usab pagkahibawo nga nakadungog ra sa tanan nilang istorya bahin niya. Na-feel ni Faith nga kiwaw kaayo ang eksena, ug sya na lang ang nibreak sa ice. "Carlo, thank you kaayo sa pag save sa akong amiga. Ako diay si Faith kato imo kastorya ganiha. Sorry kaayo sa abala ha. Medyo nadugay jud ko abot." Faith was trying to break the ice. "It's okay. You're welcome. I think if ako sad ang nakuyapan, you would do the same." Tubag ni Carlo. "Carlo, pila tood imo nagasto haron maulian ka namo. Wa'y labot lang imo serbisyo ha kay di naman jud mi kabayad sa imo serbisyo." Pa joke ni Faith. "Unaha lang sa seguro nga makagawas mo. Unya kamo na lang nya trace kon pila to. Okay na ninyo nga molakaw na lang ko?" Pananghid ni Carlo nila Monique. "Sure. Sige na, Carlo. Pauli na haron makapahuway ka og tarong. Ako na bahala ni Monique." Si Faith na lang ang nagstorya kay na-frozen na si Monique. ----------------------------------------Igo nakagawas si Carlo, perteng ka-kilig ni Faith. "OMG, Monique. Ka cute diay ni Carlo. Bootan pa jud. Murag angay ra sad pakamatyan. Single kaha sya noh?" Perteng chika ni Faith bahin sa ilang pagstorya ni Carlo sa celphone ganiha. Excited kaayo si Faith nagstorya nga kabawo si Carlo nga na-crush siya niya. While natulala lang si Monique the whole time nagstroya si Faith. Wala kabawo si Monique unsa iya buhaton -malipay ba sya or maowaw or magpakamatay na lang kaha sya. "Faith, kaowaw sad ani oy. Ngano nalipay man ka diha? Abi pa lang atong Carlo tralala ko." Kahilakon sa kaowaw nga nagstorya si Monique. "Ngano maowaw man ka oy, wa man kay dautang gibuhat." Depensa ni Faith. "Ayaw nag problemaha oy. Balik diha pahuway, ug ako sa ning i-process imong medical insurance haron dali na lang ig-gawas nimo. Sige ari sa ko sa nurse station ha." --------------------------------------Pagkaugma nakagawas na si Monique sa hospital. Ni-leave sya sa work og 5 days kay giadvise-an sa sya sa doctor nga mag rest sa sya. Nagplano sya nga iya kitaon si Carlo haron iya ma-ulian ang nagasto ani niya, ug haron magpasalamat sad sya sa tanan-tanan. Nalimot sya og pangayo ani og contact information, mao nga nitawag sya sa Commnity Hospital haron didto mangayo og number. Pero wa sila'y contact information, ila na lang ni gisultian nga adtoon lang sa Sotto Hospital kay tua ni sya didto nag resident. Naglibog si Monique kon magdala ba sya og cake or something nga pwede i-gift kang Carlo isip

pasalamat pero mahadlok sya nga basin mabutangan og meaning. Haron di sya maglibog, wa na lang sya'y gidala. Pag-abot niya sa Sotto, sa may Reception Area, nangutana sya kon aha niya makit-an si Dr. Carlo Montejo sa hospital staff. "Kadyot lang, Miss ha, ako sa tawgan ang Surgery Department." Gipahuwat sa sya sa staff. "Miss, naa pa sya sa OR ra ba. Di pa mahibaw-an unsa nga oras sila mahuman. Maayo pa molakaw na lang sa ka nya balik na lang nya kay medyo di ra ba hayahay maghuwat diri." Giadvise-an sya sa staff. Nag huwat-huwat si Monique pero after 1 hour, wala pa gihapon si Carlo. Mao nga ni-decide na lang siya nga ibilin ang kato iyang bayad sa utang ni Carlo. Iya lang sad ni giapilan og note nga: Dear Carlo, Thank you very much for your help and kindess. I hope I can treat you when you have some free time. Hope to hear from you soon, Monique 09273388689 -----------------------------------------But months had passed, Monique did not ever get a call from Carlo. She moved on to a new life as a volunteer teacher to a mountain barangay in Cebu after she got tired of her call center life. While Carlo was deep into his residency as a surgeon. He cared nothing except his goal to be the best surgeon. -------------------------------------------Usa ka Biyernes nga wala'y duty si Carlo, gilaay kani nga sya rang usa nag tukaw-tukaw sa ilahang balay. Siya na lang ang nagpuyo ron sa ilang dako nga balay sa bukid sa Labangon kay tua na nagpuyo iya parents sa ila farm, ug iya mga igsoon nangaminyo na sad. Bisan hapon pa, nanawag ni siya sa iyang mga barkada haron mag-inom. Natingala ang barkada ni Carlo kay dili man kini hinginom pero ilaha na lang ni gikuyogan kay basin naa ni'y problema. Nangadto sila sa Bukid 2, unahan sa Marco Polo Hotel para maginom. Duha lang sa iyang mga barkada ang nakaadto tungod kay pamilyado naman ang uban. "Milagro gud nimo, Carlo Montejo, nanghaga lagi ka og inom." Storya ni Jake, ang usa sa iyang amigo. "Gilaay lang ko sa balay, bai. Matulog na lang ta ko. Di man sad ko makatulog." Tubag ni Carlo. "Carlo, sultii nami sa imong drama sa kinabuhi kay di mi pwede magdugay. Kabawo na ka, naa may gahuwat na namo ni Jake nga uyab." Hirit ni Harold.

"Wa man ko'y istorya. Di man drama ako kinabuhi. Kamo seguro." Tubag sad ni Carlo. "Aw kon mao ng istoryaha, paghubog na diha haron mahuman na ta." Ug nibahakhak si Jake. Si Carlo lang ilang gipainom sige kay di man pwede maghubog sila Harold ug Jake kay naa pay naghuwat nila nga mga uyab. Taud-taud medyo tipsy na si Carlo. Gihagad na nila Jake nga mouli na pero nagdumili ni. Ug niingon nga ibilin na lang sya. Pero dili mosugot iyang barkada. "Kuwangan ra man seguro ka'g babaye, CArl oy. Panguyab seguro balik na." Gitambagan ni Jake si Carlo. "Di ko anang babaye. Kapoy na." Depensa ni Carlo. "Di man kahinanglan uyab. Kanang fling-fling lang gud. Kanang friends-friends with benefits. Mao naman na uso ron." Segunda sad ni Harold. "Kalimti na tawon tong imong ex oy -- si Guia. Duha na kabook anak ato oy. Malooy ka sa imong self, bai. Move on, CArlo boy. Naay daghang babaye naglaway nimo." Hirit ni Jake. Wa ra'y tingog-tingog si Carlo nga nagsige og tagay sa iyang kaugalingon. "Sakto na. Uli na ta. Ayaw palabii. Wa na ra ba ka naanad." Ug gikuha ni Harold ang baso ug ilimnon para ipalayo. Ilang gikuha ang wallet para ila kining pabayron. Nag-ilogay sila sa wallet kay di pa gusto mouli si Carlo.Magpabilin ra sya didto sa imnanan. Nabuhagay ang wallet ni Carlo og nilupad ang usa ka note. Gibasa ni Jake ug Harold ang note. Ang note diay to ni Monique nga sa una pa nga nanghagad ni Carlo nga i-treat niya. Nagka-idea silang Harold ug Jake nga ila textan si Monique nga paadtoon didto kay magpatreat si Carlo. Haron kon moabot si Monique, naa na kuyog si Carlo, makalakaw na silang duha. Mao nga gikuha ni Jake ang celphone ni Carlo nga hubog na. Ug ila gitextan si Monique nga binuang ra pero ila tan-awon kon mokagat ba: "Hi Monique. This is Carlo. I have some free time now. Can I get my treat now?" Naghigda na si Monique, nagbasa ug libro, naghuwat nga makatulog sya sa dihang niabot ang message sa iyang celphone. Wala'y duha-duha nitubag ni nga: "Hi, Carlo. It's nice to hear from you. Sure. Aha man ta mag meet? What time?" Lipay ang duha ka barkada ni Carlo kay game si Monique, makaikyas na gyud sila. Ila ni gitubag og" "Pwede karon dayon. Naa ko ron sa Bukid 1, kana unahan sa Marco Polo." "Okay. Katoltol ko diha. Naa naman ko puyo ron sa Brgy. Taptap.Give me one hour please." Tubag ni Monique. Nangatawa ang mga barkada nga nakabasa sa text ni Monique. Na-weirdohan sila nga sa Taptap diay nagpuyo ang babaye.

-------------------------------------Thirty minutes after, naabot na si Monique. Gikamay siya ni Jake kay nakanawong pa man ni niya. Nagsabot silang Jake ug HArold nga mo-exit na sila ig-abot ni Monique. "Monique, naa ra diri si Carlo." Pagdool ni Monique sa ilang table, nitindog ang duha ug namamilit. "Ari sa mi ha, haron di mo namo madisturb." Ug nisutoy ang 2 og lakaw. Wa na kareklamo si Monique. Nitapad siya ni Carlo haron iya masuportaan kay medyo nag barag-barag naman ni. Ug tungod kay hubog kaayo si Carlo, wa na sya kabawo sa iyang gipangbuhat. Iyang gi-tsansingan pag ayo si Monique, gihagkan-hagkan ug apil hikap ang totoy. "Carlo oy, ayaw pagscandalo diri." Wa na lang nikisaw si Monique kay basin matingala nya ang mga tawo. Nianam na ra ba kadaghan ang mga tawo tungod kay Biyernes. Perte ng halok-halok ug hawug-hawug ug hikap-hikap ni Carlo ni Monique. Igo na lang gihalug ni Monique si Carlo haron dili sya magsige og panyansing sa iyaha. Sa dihang naay nikalit og syagit gikan sa laing lamesa, "Hoy, pagkuha mo og kwarto." Sa pikas lamesa sad, "Get a room, guys." Ug naowaw na pag-ayo si Monique. Galagot kaayo sya nga naghuna-huna nga gibinuangan ra diay sya sa mga barkada ni CArlo. Naglibog sya unsaon niya pagdala si Carlo pauli. Di man sya kabawo mo drive. Iyang gitawag ang usa ka waiter sa bar haron magpatabang sya unsaon nila pag-uli. "Sige, Miss, mocontact mi og taxi." Ingon sa waiter. Gikuha ni Monique ang pitaka ni Carlo kay basin naay address didto si Carlo. Ug nakit-an niya ang note nga nakasipit sa pitaka. Ug diha niya na connect nga ilang Jake ug Harold ra jud tong pakana nga gi-invite sya. Sapot sya og samot. Niabot ang taxi. Gitabangan sya sa waiter og guyod ni Carlo padung sulod sa taxi. Sa sulod sa taxi, sige lang gihapon og panghalok ug tsansing si Carlo. Mao nga nakaingon ang taxi driver, "Aha mo nga motel, ma'am." Masuko unta si Monique sa driver pero iya na lang gipugngan kay wa man sad sala ang driver. Naglibog pa si Monique aha niya dad-on si Carlo kay wa man sya kabawo asa ni nagpuyo. "Nong, wa man ko kabawo aha ni sya puyo. Unsaon man ni nako?" Nangayo og pakitabang si Monique ni Manong. "Sa motel na lang mo, Ma'am. Didto na lang mo mag-stay hangtod mahuwasan na imong kauban." Sigon ni Manong driver. "Aha man diay kakuha anang imong customer?" Nagkagot na si Monique sa kalagot pero iya na lang gipugngan kay wa may padulngan kon mag lagot-lagot pa sya. Iya na lang ni giingnan nga ihatud na lang sila sa usa ka pension house. -------------------------------------------

Nagpatabang na sad sya sa driver para isulod si Carlo sa kwarto. Gipahiran ni Monique og bugnaw nga towel si Carlo haron mahuwasan. Sa dihang medyo nahimasmasan na ni, kalit lang sya aning gibira ug giromansa. Tungod kay ibog kaayo si Monique ni Carlo, iyaha lang sad gipatubayan si Carlo sa gibuhat ani niya. Ug tood napahimuslan gyud siya ni Carlo anang gabhiona. Nakatulog silang duha nga wala'y mga saplot. Gahalug kang Monique si Carlo while natulog sila. Nakamata si CArlo 4am, ug natingala ni nga naa sya'y tapad ug lain ang hitsura sa kwarto. Nakuyawan si Carlo kay basin kinsa ni iyang kuyog. Iyang gipasiga ang lampshade, ug iyang nakit-an ang gahubo nga lawas ni Monique sa iyang tapad. Naglingkod lang sya og hilom nga nagtan-aw ni Monique sa iyang tapad. He tried to recall what happened before, and why he ended up in a room with Monique. Niadto si CArlo sa gamay nga balcony haron didto sya magpalabay sa oras, naghuwat makamata si Monique. Alas 6am na nakamata si Monique. Wa na si Carlo sa iyang tapad. Abi niya'g gibiyaan na sya mao nga dali-dali siya og ilis haron mobiya na sya sa pension house. Nakamatikod si Carlo sa kisaw, mao nga nisulod ni siya balik sa kwarto. Padung pa nagsul-ob sa bra si Monique sa dihang nisulod sa Carlo. Nakuyawan si Monique mao nga nakasyagit ni siya. "Naa ra diay ka diha." Dali-dali ni nagtabon sa iyang upper body nga wala pay saplot. Ni-smile na lang si CArlo nga naghuna-huna nga nagtabon-tabon si Monique nga kita naman sya sa iyang hubo nga lawas. Nibalik ni og gawas sa balcony haron makahuman og ilis si Monique. "Mana ko, Carlo. Naa diri sa bedside table imong stuff -- keys, wallet, celphone. Imong sakyanan kuhaa lang sa Bukid 1. Mouna na ko og lakaw nimo ha." Ug dali-dali ning nigawas sa kwarto. Di na sya ganahan nga magkastorya pa silang Carlo kay nakiwaw na kaayo sya sa nahitabo, ug kahibawo sya nga wala ra'y padulngan ang tanan. Puros ra binuang sa iyang mga barkada ang tanan. Na shock si Carlo nga gibiyaan na sya ni Monique. "Shit." Pamalikas ani. Iyang gigukod si Monique pero wa na niya hingkit-i kay didto niagi si Monique sa stairs. Cannot-be-reached na ang phone ni Monique pagtawag niya. --------------------------------------------------Gilabay ni Monique ang sim niya sa gawas sa taxi. Gusto niya kalimtan tanan ang nahitabo. Naolaw siya sa iyang gibuhat nga nailad ra sya. Pero unsaon man niya paglimot si Carlo nga after 1 month, nahibaw-an niya nga buntis siya. -------------------------------

Di na gahanan gubton ni Monique iyang huna-huna, mao nga ni-decide sya nga dili na lang sya magsaba ni Carlo ug sa uban kon kinsa ang amahan sa iyang gisabak. Pero complicated iyang pagbuntis, kahinanglan siya og total bed rest, kay mag bleeding sya. Samot pa jud kakuyaw iyang pagbuntis dihang nahibaw-an nga twins iyang gisabak. Nagool na si Monique kay tungod wa na sya' trabaho, nagkahurot na iyang savings. Nagool siya kay wa na sya's ikagasto ipanganak. Gibuhi na lang sa sya ron sa iyang gipuy-an didto sa Brgy. Taptap, ug sa mga kasilinganan nga iyang natabangan ang mga anak sa pagtoon. -----------------------------Hapit 8 months na ang tiyan ni Monique, gisakitan sya pag-ayo sa iyang tiyan ug nagpamati na ni. Gidala sya sa iyang landlady didto Sotto kay basin manganak na. Ug tungod kay wala'y andam, wala matagad dayon si Monique. Padung sulod sa hospital si Carlo sa dihang naay nidool niya nga babaye, nangayo og pakitabang. "Doc, pwede nimo matan-aw among pasyente. Kaanakon naman seguro ni sya, Doc. Nya di man mi ma entertain kay wa man gud mi kaandam tawn, Doc." Gitudlo sa babaye si Monique nga naghandusay sa kilid nga bench na perte ng luyaha. Na-shock pag-ayo si Carlo nga nakakita ni Monique. Iyang gipahulat ang tigulang, gikuha niya iyang sakyanan para iyang ihatud si Monique sa Perpetual Hospital nga dili kaayo daghan ang pasyente. Wa na'y kalibutan si Monique sa nahitabo niya. Didto na sya nakamata pagdidto na sya iyang kwarto, ug nikirot ang sakit sa gitahian sa iyang c-section. Ug nidool si Carlo sa iyaha sa dihang niaray ni siya. "Monique, ngano imo man ko gitaguan? Ngano imo man gitago sa ako ang akong mga anak?" Derecho nga pangutana ni Carlo. "Di man ka tinood sa ako. Inyo ra man ko gibinuangan." Depensa ni Monique, ug nitulo ang luha ani. "Sorry. Let's talk about it some other time." Matod ni Carlo. Silence. "Thank you... again for saving my life and my babies, Carlo." Monique tries to break the silence. "Our babies, Monique." Nidool usab si Carlo niya ug iya ning gihalug. "Please don't run away from me na, Monique. You, I and our babies, let's be together." "I love you, Carlo." And, they live together as a family ever after. The End.

Love story is meant to be shared. Feel free to pass this around. Thank you, @fakekrisaquino fakekrisaquino@gmail.com http://fakekrisaquino.com

Sign up to vote on this title
UsefulNot useful