Matemátika

HOMAN HO ORU (LAFATIK, LUHU, MAMA-FATIN BALU)

Forma báziku: Oru
Iha lafatik no buat seluk ne’ebé halo ho homan hanesan ne’e, oru mak forma ne’ebé báziku liu. Forma ne’e nia naran matemátika mak “lozangu.” [LI: belah ketupat] Lozangu mak paralelograma ne’ebé espesiál, ho ninin haat ne’ebé hanesan ka iguál.

Oru nia ángulu
Oru laran iha ángulu haat. Ángulu sira ne’ebé se oin ba malu ninia valór mak hanesan. Ángulu rua ne’ebé ki’ik mak grau 60, no ángulu rua ne’ebé boot mak grau 120 . Nune’e, forma hotu ne’ebé halo ho oru uza ángulu rua ne’e de’it.

Triángulu Ekiláteru: meiu oru
Dala ruma bainhira homan ho oru, bele mós hetan triángulu ekiláteru maibé la barak. Triángulu ekiláteru mak triángulu ne’ebé iha ninin tolu hanesan, no ángulu tolu hanesan. Triángulu ekiláteru mak meiu oru.

Triángulu Isoseles: meiu oru oin seluk
Iha lafatik balu nia laran, besik ninin, bele hetan triángulu isoseles, ne’ebé mós meiu oru. Triángulu isoseles mak triángulu ne’ebé iha ninin rua de’it, no ángulu rua de’it, ne’ebé mak hanesan.

Forma rua seluk ne’ebé báziku: fitun no heksagon
Iha lafatik laran, forma rua mak mosu beibeik, iha naran fatin ida. Ida mak fitun, ne’ebé halo ho oru neen. Ida seluk mak heksagon, ne’ebé halo ho oru tolu. Naran pontu ida mak fitun ka heksagon ida nia klaran.. Bainhira foin haree, ema balu haree de’it fitun, ema seluk haree de’it heksagon. Ne’e naran persepsaun. Heksagon Fitun

Forma sira seluk
Bele mós hetan forma oi-oin iha lafatik laran. Buka took hetan forma sira-ne’e no forma seluk tan.

Ro

Mitsubishi

Matan

Ai-Funan

Fitun rua ki’ik

Delta

Delta boot

Manu semu

Kutun Iha infinitu tan. Haree took!

Eskalera

Bele halo oru husi kartu
Halo oru husi karta hanesan tuirmai ne’e: • Silu kartu ba sorin hanesan iha foto, no tesi.

Silu fita ida ba ida seluk. Hanesan ne’e bele halo ángulu 60 graus. Pontu iha klaran mak importante: baluk tolu tenke hamutuk. Labele halo hanesan foto rua tuirmai ne’e.

Silu tan to’o rohan, atu hamosu triángulu ekiláteru.

Loke fali. Buka oru rua, tesi tiha.

Bainhira hetan oru ida kapas, bele uza hodi halo tan.

Tesi to’o oru sanulu hodi halo forma barak.

Koko atu halo forma ne’ebé hetan iha lafatik.
Ho oru kartu, bele koko halo forma ne’ebé ita hetan iha lafatik. Purezemplu: Ro Mitsubishi

Matan

Manu semo

Heksagon

Fitun

Oru nia pozisaun ba malu
Iha lafatik laran, oru rua nunka mosu pontu sorin hamutuk ho pontu tutun. Maibé ho oru kartu bele tau pontu sorin hamutuk ho pontu tutun. Nune’e ho oru kartu, bele halo forma ne’ebé la bele hetan iha lafatik. Purezemplu, foto rua ne’e:

Homan fita ida tan, kór seluk, atu bele hetan forma seluk tan
Lafatik nia laran iha oru de’it. Maibé ho fita seluk bele homan tan forma seluk. Purezemplu: Forma sira-ne’e maski foun, mós iha ángulu oin rua de’it: 60 graus no 120 graus.

Forma ne’e balu mak naran “trapeziu.” Trapeziu mak forma ho ninin rua ne’ebé paralelu no ninin rua la paralelu. Trapezio iha ne’e mak hanesan oru no triángulu ekiláteru hamutuk.

Oru nia diresaun mak tolu de’it
Ho forma “heksagon” no “Mitsubishi,” bele haree diresaun tolu ba oru iha lafatik laran. Ne’e katak fita ne’ebé halo lafatik mós dada ba diresaun tolu. Bele pinta ho lapiz atu bele haree.

Área bele sura ho unidade “heksagon” de’it
Bele foti régua no sura fatin kabeer nia área uza fórmula de’it. Maibé iha buat ruma ne’ebé homan, bele mós uza unidade báziku liu atu sura ninia área. Iha buat ne’ebé homan ho oru, purezemplu lafatik ka luhu, unidade báziku liu mak oru. Depois iha forma rua tan ne’ebé báziku: fitun (oru 6, pontu 6) no heksagon (oru 3). Fitun mosu iha naran fatin, maibé sempre iha heksagon iha fitun tolu nia laran. Nune’e fitun labele taka área hotu, ka, se taka hotu, mós taka malu. Heksagon mós mosu iha naran fatin, no mosu hamutuk de’it – la iha fatin entre heksagon rua ne’ebé hamutuk. Mós, heksagon ne’ebé hamutuk la taka malu. Nune’e, ita bele uza heksagon hodi sura área. Tenke kuidadu: konta heksagon mak susar. Di’ak liu marka pontu klaran ba heksagon ida-ida ne’ebé atu konta. Depois bele sura área. Iha foto ida-ne’e nia leten, área mak heksagon neen.

Heksagon espesiál
Heksagon balu hamutuk bele halo heksagon boot, ho relasaun espesiál. Husi foto ne’e bele haree heksagon espesiál tolu: • Ida ki’ik, oru tolu de’it. • Ida natoon, heksagon rua ba ninin ida, hamutuk heksagon 7. • Ida boot, heksagon tolu ba ninin ida, hamutuk heksagon 19. Bele mós pinta ida boot liu, heksagon haat ba ninin ida, hamutuk 37. Ba heksagon espesiál sira-ne’e, bele halo tabela hanesan ne’e: Heksagon iha ninin ida Heksagon iha fatin luan liu “N” “L” 1 1 2 3 3 4 5 5 7 9

Área “A” (heksagon hamutuk hira) 1 7 19 37 61

Bele haree no hetan konkluzaun hanesan ne’e: • L liu sempre impar • L sempre aumenta rua ba rua • A sempre impar • Maski N sai boot ida ba ida, A sai boot lailais A sempre sai númeru prim. Prim katak númeru ne’ebé bele fahe ba númeru 1 de’it. Bele mós buka fórmula hanesan ne’e: L=N+(N-1) = 2N-1 Atu hetan fórmula ba área, bele konta heksagon deit. Purezemplu, ba heksagon ho N=3, hexagon ki’ik hamutuk, liña ba liña husi leten to’o kraik mak: A=3+4+5+4+3 ka A=5 + 2(3+4), nune’e
A = L + 2( ∑ x )
N L −1

Bainhira N=3, L=5 A = 5 + 2( ∑ x )
3 5 −1

A = 5 + 2( ∑ x )
3

4

A=5+2(3+4) = 19 Se troka L ba N, (L= 2N-1), fórmula haree hanesan ne’e:

A = 2 N − 1 + 2(

2 ( N −1) N

∑ x)

Agora bele haree tanbasa L no A sempre impar: tanba L no A nia forma báziku mak 2x – 1 no 2x + 2y – 1 no fórmula rua ne’e nia resultadu sempre sai impar.

Lafatik tomak mak heksagon.
Bele haree katak lafatik tomak hanesan heksagon ida. Ninia pontu (kantu) neen nia ángulu iha grau 120.

Uza oru hodi sukat lafatik nia ninin.
Bele sura heksagon nia área ho régua, uza sentímetru, maibé mós bele uza oru hanesan unidade. Iha lafatik iha foto ne’e bele konta oru sia iha ninia ninin ida-idak.

Bele fahe lafatik ba oru tolu, triángulu ekiláteru neen.
Hanesan heksagon hotu, bele fahe lafatik ba oru tolu. Oru ida bele fahe ba triángulu ekiláteru rua. Se liga triángulu ekiláteru nia pontu ida ba ninin kontrariu nia fatin klaran, liña ne’e naran ninia “altura.” Se pinta altura rua ka tolu, bele mós hetan triángulu nia pontu klaran.

Sura oru ida nia área.
Oru ida mak triángulu ekiláteru rua hamutuk. Nune’e, oru ida nia área hanesan ho área triángulu ekiláteru nian dala rua. Triángulu nia área “A” mak ninia ninin naruk “N” vezes ninia aas (altura) “a,” fahe ba rua: Na A= 2

Primeiru, ita buka a: Tuir fórmula Pitágoras nian, ninia aas mak:

Nune’e, triángulu ekiláteru nia área mak:

N N =   + a2 2
2

2

AT =

Na 2

N N −   = a2 2
2

2

AT = N 2

3 4

4N 2 − N 2 = a2 4 3N 2 = a2 4

Oru nia área mak AT vezes 2:

AO = 2 N 2

3 4 3 2

AO = N 2

3 N =a 4

Sura heksagon nia área tomak.
Heksagon ida iha oru tolu iha ninia laran. Nune’e, ninia área mak oru nia área vezes 3:

AH = N 2

3 3 2

Sura fitun ho oru neen nia área tomak
Fitun ida iha oru neen iha ninia laran. Nune’e, ninia área mak oru nia área vezes neen:

6 3 2 2 AF = N 3 3 AF = N 2
Bele mós haree katak ida-ne’e mak heksagon nia área vezes rua.

Haree pontu iha fitun nia klaran no buka pontu sira ne’ebé besik liu nia. Distánsia entre pontu rua ne’e mak rua tuirmai ne’e: *Iha diresaun tolu, liña metan iha foto ida-ne’e, distánsia mak N (oru nia ninin ida). *Iha diresaun tolu seluk, liña mean iha foto ida-ne’e, distánsia mak oru nia diagonál boot

Heksagon no fitun nia distánsia ba malu.

D = 2a = 2 N

3 =N 3 2
Haree pontu iha heksagon nia klaran no buka pontu sira ne’ebé besik liu nia. Distánsia entra pontu rua ne’e mak hanesan de’it ho pontu iha fitun nia klaran: N no

N 3

Buka fitun espesiál, ne’ebé la forma ho oru neen.
Bele hetan fitun balu ne’ebé iha oru hanesan tuirmai ne’e: 7 (lafatik, mamafatin) 5 (lafatik) 3 (mamafatin) PARA LAI!! KETA HAREE FOTO SIRA NE’EBÉ TUIR!! BUKA RASIK FITUN ESPESIÁL HANESAN NE’E, FOIN LEE TAN NO HAREE FOTO NE’EBÉ TUIR!!

Bainhira fitun la halo ho oru neen, nia labele kabeer. Se iha menus, nia tenke hamriik. Se iha barak liu, nia tenke silu ba kotuk uitoan. Homan nain bele uza buat ne’e hodi halo forma barak. Haree didi’ak fatin ho fitun ne’ebé la forma ho oru neen. Baibain, heksagon iha fatin ne’e normál, la iha problema. Fitun de’it mak troka. Maibé heksagon mós bele troka no sai fali oin seluk. Haree took foto ida-ne’e: Heksagon sira iha ninia ninin la’os heksagon ona maibé oru rua de’it. Buat ne’e labele halo kabeer; nia tenke hamriik.

Halo fitun oioin ho oru kartu
Bele aprende tan konaba buat ne’e se halimar ho oru kartu. Halo tiha oru kartu hitu no liga sira hamutuk ho fita kola hanesan foto ida-ne’e. Silu no loke atu halo fitun oioin, hanesan iha foto sirane’e. Bele tau iha homan fatin atu kompara sira-nia forma.

Sura ángulu iha fitun klaran
Bele sura ángulu iha fitun nia pontu klaran nia leet. Oru ida-idak nia pontu tutun iha 60 graus. Nune’e, fitun nia ángulu total mak sai hanesan ne’e: Oru 6: 6x60=360º Oru 7: 7x60=420º Oru 5: 5x60=300º Oru 4: 4x60=240º Oru 3: 3x60=180º Oru 2: 2x60=120º (maibé ida-ne’e kabeer de’it.) Ida-ne’e konaba “jeometria nao-Euklidian,” katak jeometria ne’ebé la mosu iha fatin kabeer. Purezemplu, jeometria ne’ebé mosu iha raiklaran nia superfisia mak “nao-Euklidian.” Se halo triángulu boot hanesan iha foto ida-ne’e, ninia pontu nia ángulu mak 90º hotu. Nune’e, hamutuk iha ninia laran iha 270º. Triángulu baibain (iha fatin kabeer) nia ángulu iha 180º de’it.

Ezemplu ida tan mak bola tebe. Ninia superfisia iha heksagon no pentagon (ho ninin lima). Ne’e kapas ba bola, maibé labele halo buat kabeer ho forma rua hanesan ne’e. Koko took! Hanesan iha lafatik laran, atu halo buat ruma kabeer, uza heksagon de’it; labele hatama pentagon.

Pentagon no triángulu hamutuk mós bele halo bola kabuar, hanesan bola iha foto rua ne’e.

HOMAN RAGA
Raga hanesan foto iha sorin ne’e halo ho ai-kesak ne’ebé falun ho fita akadiru-tahan. Rezultadu mak kuadradu barak. Kuak nia forma no tamañu mós hanesan de’it kuadradu sira seluk. Kuadradu sira hotu liga ba malu ho sira-nia ninin de’it, maibé haree didi’ak – interesante liu.

Triángulu haat mós iha
Bainhira haree raga, baibain ema haree kuadradu barak, maibé bele mós hetan triángulu haat. Buka took.

Kuadradu ki’ik haat, ne’ebé liga ba sorin-sorin, forma kuadradu boot ida
Bele haree, iha naran fatin ida, kuadradu ki’ik haat hamutuk halo kuadradu boot ida.

Pinta iha biti ka surattahan milímetru
Iha biti laran, bele haree kuadradu de’it. Bele pinta atu hetan padraun báziku husi raga. Uza surat tahan milímetru mós bele.

Buka kuadradu boot ne’ebé báziku liu
Forma hanesan raga ne’e naran “padraun” tanba nia repete. Padraun nia baze simples liu mak ida ne’ebé repete, no bele uza nia atu halo forma kompletu. Iha raga, padraun baze mak 5x5 kuadradu. Ho parte ida-ne’e, bele halo hotu. Ho parte ki’ik liu fali kuadradu 5x5, labele.

Tesi kartaun atu halo padraun raga nian
Bele tesi kartaun ida atu ninia naruk hanesan ninia luan no hetan kuadradu. Bele halo boot ka ki’ik. Halo barak no tau iha meza hodi halo padraun raga. Bele tau kuadradu balu de’it,

ka halo kuadradu ida ne’ebé báziku liu, hanesan foto iha sorin karuk ne’e, 5 x 5.

Bele aumenta liña, tau barak.

Haree hakle’uk hodi haree hanesan raga.

Laran: fita ida tuir diagonál boot
Iha raga nia laran, fita sira ba diagonál, husi sikun ida to’o sikun kontrariu.

Okos: haree liña ida ne’ebé tuir ninin no liga ba kuak nia pontu (1)
Bele halo liña ida ne’ebé tuir de’it raga nia ninin, no liga ba kuak idaidak nia sikun. Liña ne’e mak kór azúl iha foto iha sorin karuk ne’e, no 1 iha dezeñu sorin loos iha ne’e.

Okos: haree liña ida tuir diagonál no liga ba kuak nia pontu (2)
Iha raga nia okos, fita halai diagonál, hanesan liña mean iha foto leten ne’e, no liña 2 iha dezeñu leten ne’e. Maibé nia tuir kuadradu de’it no la ba husi sikun to’o sikun kontrariu. Ninia ángulu ho liña 1 bele hetan ho trigonometria; liña rua ne’e halo triángulu, sorin ida mak kuadradu ida, sorin seluk mak kuadradu rua. Nune’e, tan θ = 2/1, θ=63.4° Tanba triángulu sempre iha 180°, δ=26.6°

Okos: liña ida ne’ebé tuir loos diagonál (3)
Se halo liña tuir diagonál sikun to’o sikun, hanesan liña lotuk metan iha foto leten ka liña 3 iha dezeñu leten ne’e, nia forma triángulu ida seluk ho liña fita nian (1): sorin ida mak kuadradu ida, sorin seluk mak kuadradu tolu. Nune’e, tan α = 1/3, α=18.4°. Bele haree katak ángulu sira α + δ = 45°. Bele haree ángulu β iha dezeñu ida-ne’e mós 45°.

MAMAFATIN NIA DIDIN: FATÓR MULTIPLIKASAUN
Mama fatin nia didin iha dezeñu ne’ebé ema homan. Atu halo dezeñu ida-ne’e, presiza hatene matemátika. Naran dezeñu ida ne’ebé repete ita temi “padraun” ka “sekuensia,” husi lia-portuges. Foto iha sorin ne’e, dezeñu nia aas mak fita 13, luan mak iha fita 24. Dezeñu idane’e repete dala lima iha mamafatin nia didin. Ne’e katak fita ne’ebé dada husi leten ba kraik iha mamafatin nia didin hamutuk fita 120.

Maibé se Ita konta fita iha mamafatin nia kidun, Ita sei hetan fita 60 de’it. Se haree didi’ak, bele hetan katak fita ida-idak iha mamafatin nia kidun fahe ba rua bainhira nia silu sa’e ba didin. Fatór 120 Padraun okupa Padraun mosu Nune’e, se ema hakarak halo padraun ka fita hira dala hira sekuensia ne’ebé repete iha mamafatin ne’e nia didin, nia tenke buka fatór 120 nian. Entaun, posibilidade sira mak hane- 2 60 san iha tabela iha sorin ne’e: 4 30

5 6 8 10 12 15 20 24 30 60 120

24 20 15 12 10 8 6 5 4 2 1

Padraun iha mamafatin iha foto liman karuk ne’e okupa fita ualu, no mosu dala 15.

Padraun iha mamafatin iha foto liman karuk ne’e la hanesan, maibé mós okupa fita ualu, no mosu dala 15.

Mamafatin iha foto liman karuk ne’e iha padraun ne’ebé okupa fita 12, no mosu dala 10.

Koko took: *Buka mamafatin oioin no haree di’ak. Konta fita iha sorin no kidun. Konta padraun ida uza fita hira foin repete. *Bele halo padraun ka sekuensia ho koto. Foti koto no halo padraun hanesan ezemplu tuirmai ne’e: >Mean-Mutin,Mean-Mutin,Mean-Mutin (Padraun okupa koto rua, repete dala tolu.) >Mean-Mutin-Mutin, Mean-Mutin-Mutin, Mean-Mutin-Mutin (Padraun okupa koto tolu, repete dala tolu.) >Mean-Mutin-Malahuk-Mutin-Mean, Mean-Mutin-Malahuk-MutinMean, Mean-Mutin-Malahuk-Mutin-Mean (Padraun okupa koto lima, repete dala tolu.) Bele koko forma padraun husi buat seluk tan, purezemplu fatuk, aitahan, ai-funan, no seluseluk tan. *Númeru 24 mós iha fatór barak: 2, 3, 4, 6, 8, no 12. Koko took halo padraun ka sekuensia ne’ebé repete fali dala hira iha 24 nia laran. Purezemplu, padraun tuirmai ne’e okupa iha fatin haat (XYZX) no repete dala neen: XYZXXYZXXYZXXYZXXYZXXYZX 1 2 3 4 5 6 Padraun tuimai ne’e okupa fatin neen (XYZZYX) repete dala haat: XYZZYXXYZZYXXYZZYXXYZZYX 1 2 3 4 Koko took halo padraun ho fatór 2 no 12, no 3 no 8. *Dala ruma mamafatin la’os kabuar, hanesan foto iha kraik ne’e. Ninia sorin haat iha fita 14, tutun rua iha fita 6. Nune’e: (14x4)+(6x2)=68. Ninia fita mós fahe ba rua bainhira sa’e ba leten, entaun iha ninia didin iha fita 136. Padraun uza fita ualu, no repete dala 17: 17x8=136

KATUPA
Katupa iha oin barak. Bele analiza sira nia forma no karakteristiku atu komprende liu tan. Bele konta pontu sikun [LI:titik sudut, LP: vertíce]: fatin nebe meik oitoan • Bele konta oin [LI:bidang]: fatin kabeer iha pontu tolu ka liutan nia klaran • Bele konta ninin [LI:sisi, LP: aresta]: liña entre pontu rua • Bele mos konta “kuadradu” ida-idak iha katupa nia oin hotu. Uza lapiz hodi marka ba katupa atu bele konta fasil oitoan. Ami nia grupu iha UNTL analiza tiha katupa oin 5, iha foto iha sorin, no halo lista hanesan ne’e:

Oktahedron

Baibain nian

Bero

Alu nian

Nafalun

Sura

Oktahedron 6 8 12 32

Baibain nian 8 8 14 28

Bero (se hanehan, sai kabeer deit) 4 2 4 ?

Alu nian 6 5 9 ?

Nafalun 7 ? 14? ?

Pontu sikun Oin Ninin “Kuadradu”

“?” katak ami la konkorda malu tanba susar atu sura loos. Ami nia grupu iha UNTL hetan buat barak nebe interesante hanesan tuirmai ne’e: Katupa “Alu” deit mak iha oin impar, ninin impar. Katupa seluk hotu iha oin no ninin par. • Kuak fatin atu hatama foos mak sempre susar atu analiza. Bele hatama fali fita nia rohan, hanesan atu homan fali ho nia, atu bele komprende kuak. Haree foto iha sorin ne’e.

Susar atu konta oin no ninin ba katupa “Nafalun.” Dala ruma oin ladun kabeer, no dala ruma ninin ladun moos. • Katupa nia pontu sikun bele oin tolu:

kona kuadradu haat (kabeer),

kuadradu tolu (kroat oitoan),

ka kuadradu rua (kroat liu).

Bele hatudu konseitu ida ne’e ho kartu baluk kuadradu liga hamutuk ho fita kola:

kuadradu haat (kabeer),

kuadradu tolu (kroat oitoan),

no kuadradu rua (kroat liu).

Bele mos halo ida ho kuadradu lima, maiba ida ne’e baibain mosu deit iha homan oin seluk, hanesan foto iha kraik ne’e:

Katupa nia forma balu mak hanesan deit manu nia knuk. Ema uza fita kiik balu deit hodi halo katupa no fita boot barak ba manu nia knuk. • Katupa “Oktahedron” mak forma basiku iha geometria laran. Bele halo ho pirámede rua, ho base kuadradu. Nia iha simetria ba leten-kraik; foti nia fila an, ninia forma hanesan deit.

• Halo komparasaun entre katupa “Baibain nian” no katupa “Oktahedron:” Oktahedron nia oin hanesan deit, pontu sikun no ninin aumenta rua, maibe kuadradu menus haat.

KOKO TOOK: *Estudante hotu bele lori katupa nebe sira nia familia hatene halo, no halo fali aktividade hanesan ida iha leten: konta pontu, oin, ninin, no area superfisie. Halo komparasun no analiza. *Iha katupa oin barak tan. Katupa la’os buat natural, maibe ema mak deskobre oinsa halo katupa ida-idak nia forma. Koko took aprende halo ida foun ka inventa ida tan!

FORMA DEKORASAUN
Ami-nia grupu iha UNTL hetan matemátika barak iha forma dekorasaun. Ami hili ona balu hodi analiza.

Poliedru Platóniku
“Poliedru” mak forma ho dimensaun tolu ne’ebé iha ninin ne’ebé loos no oin ne’ebé kabeer. Poliedru iha foto lima iha sorin ne’e mak espesiál ho naran “Poliedru Platóniku.” Poliedru lima ne’e nia ninin naruk hotu hanesan, no oin hotu nia forma mós hanesan. Tanba ema hetan forma sira-ne’e desde tempu uluk (tinan 2000 resin liuba) iha Grésia, sira-nia naran husi dalen Grega. Ami-nia grupu matemátika iha UNTL hetan Poliedru Platóniku tolu iha forma dekorasaun. Ami konta ida-idak nia oin, pontu sikun, no ninin. Ami mós buka sira-nia área superfisie, liuhusi maneira rua: #1 buka área ba oin ida-idak depois soma hamutuk, ka #2 konta de’it kuadradu hotu iha ninia superfisie. Kubu mak fasil atu konta, maibé Tetrahedron no Oktahedron mak susar uitoan. Atu hetan oin ida nia área, haree triángulu sira ne’ebé ami halo iha surat-tahan milímetru nian, hanesan diagrama sira iha sorin. Triángulu hotu nia área mak maibé dala ruma susar atu hetan ninia aas eh altura “a.” Atu sura, ami uza unidade “N” ne’ebé fita ida nia luan. Área sempre ho unidade kuadradu, nune’e: N2. Bele mós halo poliedru sira-ne’e ho ai-kesak sate no fehuk roupa baluk ki’ikoan.

Tetrahedron
*Oin 4, Pontu sikun 4, Ninin 6

*Área superfisie ho oin: Tetrahedron nia oin haat mak oin ida de’it, ho área ne’ebé hanesan diagrama ida-ne’e, A=7.5N2 Nune’e, ninia área superfisie mak 4A = 30N2. Konta atu hatene loos.

Kubu (Heksahedron)
Forma ida-ne’e ami la hetan loos, maibé ami hetan forma dekorasaun balu ne’ebé hanesan liman fuan naruk liu fali kubu, no mós ami hetan ida di’ak nu’udar mamafatin kuadradu nia ain. Haree foto iha sorin ne’e.

*Oin 6, Pontu sikun 8, Ninin 12 *Área superfisie ho oin: Kubu mak simples liu. Ita bele haree katak ida ne’ebé ki’ik liu ninia aas mak kuadradu 1, luan mak kuadradu 1, naruk mak kuadradu 1. Bele mós halo ida ho aas, luan no naruk kuadradu 2, ka kuadradu 3, ka konforme. (Tetrahedron no Oktahedron mós bele halo boot ka ki’ik liu, maibé susar atu haree tanba sira-nia estrutura komplikadu. ) Kubu mamafatin nia ain iha aas, luan no naruk kuadradu 3. Ninia oin ida nia área mak 3Nx3N=9N2. Se karik nia hamriik ketak husi mamafatin, ninia oin mak neen, nune’e, ninia área superfisie sura hanesan ne’e: 6x9N2 = 54N2.

Oktahedron
(Maski oktahedron ne’e la’os “regular,” katak nia ninin sira-nia naruk la’os ezatamente hanesan, no ninia oin ualu la’os ezatamente hanesan, ita sei bele fó naran “oktahedron” ba nia.) *Oin 8, pontu sikun 6, ninin 12 *Área superfisie ho oin: Oktahedron nia oin mak oin rua, ida luan, ida kloot, hanesan foto kraik ne’e:

Oin Luan (#1) Oin rua ne’e nia área hanesan hatudu iha diagrama rua iha kraik ne’e. Área Oin Luan (#1) mak 4.5N2, no área Oin Kloot (#2) mak 3.5N2.

Oin Kloot (#2)

(Oin Kloot nia área susar atu hetan tanba ninia ángulu hotu ladún klaru, no ninia aas (altura) mós susar atu hetan. Tenke uza trigonometria.)

Oktahedron iha Oin Luan (#1) haat no mós Oin Kloot (#2) haat. Nune’e, Área superfisie AS = 4(Oin Luan) + 4(Oin Kloot) AS = 4(4.5) + 4(3.5) AS =18 + 14 AS =32 Konta atu hatene loos.

Iha Poliedru Platóniku rua tan ne’ebé ami la hetan iha formas dekorasaun: Dodekahedron Oin 12 Se hatene homan di’ak, bele koko took halo forma rua ne’e.

Icosahedron Oin 20

Bele mós halo poliedru oi-oin, ne’ebé la’os Platóniku, ho ai-kesak no fehuk roupa, no mós ho homan. Purezemplu, katupa iha foto sorin karuk hanesan ai-kesak poliedru iha foto sorin loos.

Manu
Haree manu nia okos. Fatin ne’e kuadradu, maibé fita ba diagonál. Bele sura ninia área uza unidade “kuadradu.” Bele mós uza maneira ne’e ho biti, kohe ka okan hodi sura área boot liu. Bele mós uza surattahan kuadradu “milimétriku.”

Hakerek liña diagonál ba kuadradu. Haree foto iha sorin ne’e, no buka kuadradu sira-nia área liuhusi fórmula no mós liuhusi konta kuadradu, hanesan iha tabela tuirmai ne’e: Bele haree katak maneira rua sei hetan resposta ne’ebé hanesan.

Diagonál hira iha sorin ida “a” 4

Fórmula: kuadradu A=2x16= 32 kuadradu

Konta kuadradu: A=kuadradu + triángulu/2 (triángulu nia área mak ½ kuadradu nian) *(3x4)+(4x3)=24 kuadradu *(4x4) = 16 triángulu = 8 kuadradu A=32 kuadradu *(2x3)+(3x2)=12 kuadradu *(4x3) = 12 triángulu = 6 kuadradu A=18 kuadradu *(1x2)+(2x1)=4 kuadradu *(4x2) = 8 triángulu = 4 kuadradu A=8 kuadradu *(0x1)+(1x0)=0 kuadradu *(4x1) = 4 triángulu = 2 kuadradu A=2 kuadradu *2((a-1)a)+(a(a-1))=2(a2-a) = 2a2-2a kuadradu *(4xa) = 4a triángulu = 2a kuadradu Hamutuk: A=(2a2- 2a)+2a = 2a2kuadradu

3

A=2x9=18 kuadradu

2 (manu nia kidun iha foto) 1 (liña kuadradu iha manu nia kidun iha foto) Fórmula geral:

A=2x4=8 kuadradu

A=2x1=2 kuadradu

A=2a2 kuadradu

Brinkus, triángulu bokar
Ida-ne’e mak homan ne’ebé ki’ik liu no báziku liu. Bele analiza hanesan tuirmai ne’e: *Oin: Konta brinkus nia oin depende ba oinsá ema haree nia: • Se hanehan husi diresaun tolu bele hetan oin tolu. • Se hanehan ba pontu rua ne’ebé la meik bele hetan oin neen maibé oin sira-ne’e mak ki’ik dala rua fali kuadradu ida. Nune’e, ninia área superfisie mak kuadradu tolu. *Pontu: Nia iha pontu lima hanesan tuirmai ne’e: • Tolu ne’ebé meik: fita rua de’it hasoru malu • Rua ne’ebé ladún meik: fita tolu hasoru malu

Ramus oin ida
Homan fita rua ba malu atu hetan ramus hanesan foto iha sorin ne’e. Bainhira husik nia tara-an, kuadradu ida-idak ne’ebé mosu hakle’uk uitoan. Se marka sorin ida, bele haree katak ramus ida-ne’e silu dala 10 ou 11 foin hakle’uk to’o 360 graus.

HOMAN BITI, KOHE, NO OKAN

Kuadradu de’it
Homan hanesan ne’e uza kuadradu de’it. Se halo metin, fita nia naruk tenke hanesan ninia luan iha kuadradu ida nia laran. Estudante sira bele uza kuadradu ne’e hanesan surat-tahan milimétriku atu pinta buat ruma ho kuadradu de’it. Ida -ne’e halimar di’ak matemátika nian. Ida-ne’e mós ezemplu ida di’ak ba tela [LI: layar] vídeo, hanesan televisaun ka komputadór nian. Tela vídeo mós halo ho kuadradu ki’ikoan, barak tebes, ne’ebé naran “piksel.” Imajen hotu ne’ebé mosu iha tela laran mak halo ho piksel de’it, balu lakan, balu nakukun.

Triángulu iha ninin, sikun
Bele mós hetan triángulu iha ninin, no triángulu rua hamutuk iha sikun.

Multiplikasaun
Iha biti nia laran, simples atu esplika multiplikasaun no área. Purezemplu, foto sorin ne’e hatudu rektángulu ne’ebé luan 2, naruk 4. Ninia área mak 8.

Foto sorin ne’e nia luan 3, naruk 5, área 15.

Poténsia 2
Se rektángulu nia luan hanesan ho ninia naruk ida-ne’e naran kuadradu, no bele uza poténsia 2 nian. Iha foto ne’e, 2 • kuadradu kór mean nia área = 1 = 1 2 • aumenta kuadradu kór kinur sira no bele hetan nia área = 2 = 4 2 • aumenta kuadradu kór azúl lalehan sira no bele hetan nia área = 3 = 9 2 • aumenta kuadradu kór azúl tasi sira no bele hetan nia área = 4 = 16 2 • no, aumenta kuadradu kór matak sira no bele hetan nia área = 5 = 25

Liña naturál
Bele pinta liña tuir fita iha biti laran. Rezultadu mak liña rua ne’ebé ángulu ba malu mak 90º. Bele mós pinta liña rua tan “diagonál” tuir fita nia sikun.

MATEMÁTIKA AI-MANULIIN
Jogu naran Ai-manuliin uza matemátika barak. Ida ne’ebé moos liu mak grupu ida-idak tenke sura ninia pontu. Baibain ema la hakerek pontu ne’ebé manan, maibé sura iha kakutak de’it. Labarik ho edade ki’ik aprende sura husi labarik ho idade boot. Iha maneira barak atu hetan pontu, no dala barak la simples ida hodi aumenta pontu sira-ne’e. KOKO TOOK: *Sura pontu sira-ne’e, la uza surat-tahan: 4+3+5+2+10+1+20+3+4+5+100+8 = 2+2+4+15+3+1+3+9+20+3+5+20+12= Karik iha maneira barak hodi joga Manuliin, tanba ema iha fatin-fatin joga la hanesan. Maibé iha maneira pelu menus tolu atu simu pontu bainhira sukit ka baku ai-oan no sukat distánsia entre ai-oan nia monu fatin to’o iha fatuk rua ka rai-kuak. 1. Uza ai-inan (ne’ebé naruk) hodi sukat. (Bainhira baku direitamente husi fatuk ka rai-kuak.) 2. Uza ai-oan (ne’ebé badak) hodi sukat. (Bainhira baku ai-oan ne’ebé soe tiha.) 3. Uza ai-inan hodi sukat, depois vezes 100. (Bainhira baku ba leten dala rua depois baku ba oin.) Maneira #1 no #2 mak ezemplu ba unidade espesiál. Baibain ita uza unidade hanesan metru ka sentímetru ka kilometru hodi sukat distánsia, maibé iha jogu ne’e, ema uza unidade “ai-inan” ka “ai-oan.” Bainhira sukat ho unidade boot, númeru rezultadu sai ki’ik. Ne’e duni, sukat ho ai-inan atu hetan númeru ki’ik. Bainhira sukat ho unidade ki’ik, númeru rezultadu sai boot. Ne’e duni, sukat ho ai-oan atu hetan númeru boot. Baibain ai-inan nia naruk mak boot liu ai-oan dala rua. Nune’e, ai-oan nia númeru rezultadu sei sai boot dala rua fali ai-inan nian. KOKO TOOK: *Foti ai rua, ida naruk no ida badak. Ida naruk ninia naruk ezatamente dala rua ida badak. Sukat buat ruma, hanesan kuartu nia luan, premeiru ho ida naruk, depois ho ida badak. Se halo didi’ak, númeru rezultadu ba ida badak sei sai boot liu dala rua númeru rezultadu ida naruk nian. Entaun, rezultadu husi #2 sei sai boot liu dala rua rezultadu husi #1. Maibé rezultadu husi #3 sei sai boot dala 100 rezultadu husi #1. Nune’e, se ema bele uza maneira baku #3 hodi baku ai besik de’it, rezultadu sei bele sai boot liu. Purezemplu, se ai monu iha distánsia hanesan ai-inan nia naruk ida de’it, rezultadu ho maneira #3 sei sai hanesan de’it ho ai ne’ebé baku distánsia ai-inan naruk 100 ho maneiru #1, ka distánsia ai-oan naruk 50 ho maneiru #2. KOKO TOOK: *Iha 100 sentímetru iha metru ida nia laran. Nune’e, metru ida nia naruk mak sentímetru nia naruk dala 100. Foti metru fita no sukat meza ida nia naruk ho metru (rezultadu karik purezemplu 2.4metru). Depois sukat ho sentímetru (rezultadu iha ezemplu ida-ne’e mak 240 sentímetru). Rezultadu ho sentímetru mak boot dala 100 fali rezultadu ho metru. Nune’e, sukat ho sentímetru hanesan uza maneira #3, sukat ho metru mak hanesan uza maneira #1. (Maneira #2 mak hanesan sukat ho meiu metru, ka 50 sentímetru.) Iha mós maneira tolu atu hetan pontu bainhira simu ai-oan ne’ebé ema baku semo. 1. Simu ho liman rua – 10 pontu 2. Simu ho liman ida – 20 pontu 3. Simu depois ema baku dala tolu – 100 pontu. KOKO TOOK: *Ema tenke simu ho maneira #1 dala hira atu hetan pontu hanesan de’it ho pontu ne’ebé hetan bainhira simu dala ida ho maneira #2? *Ema tenke simu ho maneira #2 dala hira atu hetan pontu hanesan de’it ho pontu ne’ebé hetan bainhira simu dala ida ho maneira #3? *Ema tenke simu ho maneira #1 dala hira atu hetan pontu hanesan de’it ho pontu ne’ebé hetan bainhira simu dala ida ho maneira #3?

JOGU KARTAUN ♦♥♣♠

Bobak (tahan tolu)
Iha jogu naran tahan tolu, ema simu kartaun tolu no halo komparasaun ho ema seluk atu haree se mak manan. Di’ak liu mak hetan 2,2,2. Bele hakerek probabilidade [LI: kemungkinan] nu’udar frasaun ne’ebé númeru iha leten mak posibilidade ne’ebé ita hakarak, no númeru iha kraik mak posibilidade hotu.

Atu sura probabilidade hetan 2,2,2 tenke sura probabilidade ba hetan 2 ba kartaun primeiru “(3/3)”, vezes probabilidade hetan 2 ba kartaun segundu (2/2), vezes probibilidade hetan 2 ba kartaun terseiru (1/1). Atu halo ezemplu simples, hanoin katak ema ida de’it mak joga, no iha kartaun tolu de’it: 2,2,2

Iha ezemplu ne’e, ema sempre hili 2,2,2, nune’e probabilidade mak 100%. Se karik iha kartaun haat – 2,2,2,3 – no ita hili kartaun tolu, probabilidade atu hetan 2,2,2 sei sai hanesan tuirmai ne’e:

Se karik iha kartaun sanulu – 2,2,2,2,A,A,A,A,K,K – no hili tolu, probabilidade atu hetan 2,2,2 sei sai hanesan tuirmai ne’e:

Se karik iha kartaun 52 hamutuk, ho “2" haat hanesan de’it realidade, no hili nafatin tolu, entaun probabilidade atu hetan 2,2,2 sei sai hanesan tuirmai ne’e:

Ida-ne’e ema hotu hatene: baibain ema la foti 2,2,2 – buat ne’e susar liu atu mosu. Se Ita haree buat ne’e mosu, karik ema joga foer. Bainhira ema nain rua ka liutan mak joga, rezultadu sei sai hanesan de’it, tanba fórmula ida-ne’e ba ema ida atu simu kartaun 2,2,2. Ema seluk nia kartaun la halo influénsia ba Ita nian. Mós, ema seluk nia probabilidade atu simu 2,2,2 mak hanesan de’it Ita nian. Koko took: *Kalkula probabilidade atu simu kartaun 2,2,2 se uza kartaun balu de’it: husi A to’o 8; entaun kartaun 32 de’it.

*Ne’e duni, 2,2,2, ladún mosu, maibé valór seluk mosu beibeik. Purezemplu, ita bele haree maneira hotu hodi hetan valór sia: 1. A,A,7 2. A,2,6 3. A,3,5 4. A,4,4 5. 2,2,5 6. 2,3,4 7. A,8,(10, J, Q, ka K) 8. 2,7, (10, J, Q, ka K) 9. 3, 6, (10, J, Q, ka K) 10. 4,5, (10, J, Q, ka K) 11. 9, (10, J, Q, ka K), (10, J, Q, ka K) 12. 2,9,8 13. 3,7,9 14. 3,8,8 15. 4,6,9 16. 4,7,8 17. 5,9,5 18. 5,8,6 19. 5,7,7 20. 6,6,7 21. 9,9,A (3,3,3 la konta sia maibé valór aas liu.) Hamutuk iha maneira oin 21 atu hetan sia. Atu hetan hitu: 1. A,A,5 2. A,2,4 3. A,3,3 4. 2,3,2 5. A,6,(10, J, Q, ka K) 6. 2,5,(10, J, Q, ka K) 7. 3,4,(10, J, Q, ka K) 8. 7,(10, J, Q, ka K),(10, J, Q, ka K) 9. 9,A,7 10. 9,2,6 11. 9,3,5 12. 9,4,4 13. 8,A,8 14. 8,2,7 15. 8,3,6 16. 8,4,5 17. 7,3,7 18. 7,4,6 19. 7,5,5 20. 6,5,6 21. 9,8,(10, J, Q, ka K) (9,9,9 la konta hitu maibé valór aas liu) Hamutuk iha maneira oin 21 atu hetan hitu.

Atu hetan valór ualu: 1. A,A,6 2. A,2,5 3. A,3,4 4. 2,2,4 5. 2,3,3 6. A,7,(10, J, Q, ka K) 7. 2,6,(10, J, Q, ka K) 8. 3,5,(10, J, Q, ka K) 9. 4,4,(10, J, Q, ka K) 10. 8,(10, J, Q, ka K), (10, J, Q, ka K) 11. 9,8,A 12. 9,7,2 13. 9,6,3 14. 9,5,4 15. 8,8,2 16. 8,7,3 17. 8,6,4 18. 8,5,5 19. 7,7,4 20. 7,6,5 21. 9,9,(10, J, Q, ka K) (6,6,6 la konta ualu maibé valór aas liu) Hamutuk iha maneira oin 21 atu hetan ualu. Atu hetan neen: 1. A,A,4 2. A,2,3 3. A,5,(10, J, Q, ka K) 4. 2,4,(10, J, Q, ka K) 5. 3,3,(10, J, Q, ka K) 6. 6,(10, J, Q, ka K),(10, J, Q, ka K) 7. 9,A,6 8. 9,2,5 9. 9,3,4 10. 8,A,7 11. 8,2,6 12. 8,3,5 13. 8,4,4 14. 7,2,7 15. 7,3,6 16. 7,4,5 17. 6,4,6 18. 6,5,5 19. 8,8,(10, J, Q, ka K) 20. 7,9,(10, J, Q, ka K) 21. 9,9,8 (2,2,2 la konta neen maibé valór aas liu) Hamutuk iha maneira oin 21 atu hetan neen.

Maneira atu hetan zero mós barak.: 1. A,A, 8 2. A, 2, 7 3. A, 3, 6 4. A, 4, 5 5. 2, 2, 6 6. 2, 3, 5 7. 2, 4, 4 8. 3, 3, 4 9. A, 9, (10, J, Q, ka K) 10. 2, 8, (10, J, Q, ka K) 11. 3, 7, (10, J, Q, ka K) 12. 4, 6, (10, J, Q, ka K) 13. 5, 5, (10, J, Q, ka K) 14. 2, 9, 9 15. 3, 9, 8 16. 4, 9, 7 17. 4, 8, 8 18. 5, 9, 6 19. 5, 8, 7 20. 6, 8, 6 21. 6, 7, 7 ((10, J, Q, ka K) dala tolu la konta 0 maibé valór aas liu.) Hamutuk iha maneira oin 21 atu hetan 0.

Nune’e, iha posibilidade no probabilidade hanesan atu hetan valór ida-idak. Ida-ne’e hanesan de’it se foti kartaun ida arbiru: Probabilidade atu besik hanesan atu simu naran kartu ida. (DI’AK LIU, LABELE HATUDU TABELA SIRANE’E HO INFORMASAUN HOTU BA ESTUDANTE SIRA, MAIBÉ HARUKA SIRA BUKA RASIK.) Koko took: *Buka maneira hira atu hetan 5,4,3,2, no 1. *Bainhira joga Bobak haree took valór ida ne’ebé mak mosu beibeik

Konke (tahan hitu)
Konseitu probabilidade [LI: kemungkinan] mós tama beibeik iha joga “konke.” Tenke hanoin beibeik probabilidade ba kartaun ruma ne’ebé atu mosu, no bainhira soe kartaun, sempre soe ida ne’ebé ho probabilidade ki’ik atu hetan ninia maluk (par.) Purezemplu, se Ita iha kartaun hanesan tuirmai ne’e: 3♦, 4♦, 8♦, 8♥, 2♣, 2♥, K♦, no foin dada K♣, agora presiza soe fali ida. Kartaun hotu iha posibilidade, maibé di’ak liu, soe ida ne’ebé mak probabilidade ki’ik liu. Atu hetan kartaun tahan tolu ne’ebé bele hatun iha meza, iha possibilidade oin haat: #1: 4♦, 5♦ presiza de’it 3♦, ka 6♦ #2: 8♦, 8♥ presiza de’it 8♣, ka 8♠ #3: 2♣, 2♥ presiza de’it 2♦, ka 2♠ #4: K♣, K♦, presiza de’it K♥, ka K♠ Nune’e, probabilidade atu hetan kartaun tolu ne’ebé bele hatun mak hanesan de’it ba posibilidade ida-idak. Ema bele hili naran ida de’it atu soe. Ho lian matemátika bele hakerek probabilidade ba posibilidade ida-idak #1 - #4 hanesan tuirmai ne’e:

Ida-ne’e mak rezultadu se karik ita foin hahu halimar, ne’e duni, Ita hatene kartaun ualu, maibé seluk Ita seidauk hatene. Ema seluk mós kaer kartaun balu, maibé tanba Ita la hatene sira-nian, labele konta. Maibé se karik ita joga ona tempu uitoan, no kartaun balu mak soe tiha ona iha meza, probabilidade mós troka tiha. Purezemplu, se karik kartaun ualu soe tiha ona iha meza, hotu ne’ebé ita la bele uza, tenke hasai sira husi frasaun nia kraik, hanesan ne’e:

Nune’e, di’ak uitoan. Maibé probabilidade sei nafatin hanesan de’it ba posibilidade hotu. Entaun, bele soe naran ida de’it. Maibé se karik ema seluk soe tiha ida ne’ebé di’ak, no ita la bele foti, ida-ne’e bele hamenus probabilidade. Purezemplu, se karik entre kartaun ualu ne’ebé soe tiha ona iha meza inklui K♠, maibé Ita labele foti, agora probabilidade atu hetan K tolu (posibilidade #4) tun:

Nune’e, lalika hein tan ba K♥. Probabilidade atu hetan sira seluk mak di’ak liu. Nune’e, bele soe K♣ no K♦. Fórmula sira-ne’e mak probabilidade atu hetan kartaun tolu ne’ebé bele hatun ba posibilidade #1 - #4. Atu hatene probabilidade atu hetan naran ida ne’ebé bele hatun, tenke soma probabilidade haat ne’e hamutuk. Ba ezemplu primeiru, fórmula sei sai hanesan tuirmai ne’e:

Nune’e, probabilidade di’ak atu hetan buat ruma ne’ebé bele hatun. Se karik ita kaer kartaun hanesan ne’e: 8♦, 8♥, 4♦, 5♦, A♣, 3♣, K♥, probabilidade ladún di’ak. Iha posibilidade tolu de’it: #1: 8♦, 8♥ presiza 8♣ ka 8♠ #2: 4♦, 5♦ presiza 3♦ ka 6♦ #3: A♣, 3♣ presiza 2♣ Hamutuk, se Ita foin hahu joga, no ema seidauk soe kartaun iha meza, probabilidade katak possibilidade ida husi sira iha leten bele sai mak hanesan tuirmai ne’e:

Koko took: Foti kartaun hitu no sura took probabilidade atu hetan buat ruma ne’ebé bele hatun.

Sign up to vote on this title
UsefulNot useful