You are on page 1of 2

I PREMIU DE POESÍA ANTÓN DE MARIRREGUERA 2018 PA XENTE MOZO

BASES

1. El Conceyu de Carreño convoca la primer edición del PREMIU DE POESÍA “ANTÓN DE


MARIRREGUERA” PA XENTE MOZO col envís de dar puxu a la creación poética n’asturianu ente
los/es mozos/ces y posibilita-yos la espublización de la so obra.

2. Van poder participar los/es escritores de cualquier nacionalidá que nun tengan más de 35 años a
1 de xineru de 2018.

3. Les obres tendrán que ser poemarios inéditos, escritos n’asturianu y non premiaos n’otros
certámenes. El tema ye llibre, el llargor mínimu de los poemarios afítase en 300 versos. Nel casu de
presentar la obra a otros certámenes, si fuera premiada, esa circunstancia tendrá que ser
comunicada darréu al corréu electrónicu: premios@antondemarirreguera.es

4. La convocatoria queda abierta a partir del día 15 de xineru de 2018, y zarraráse’l día 30 de marzu
de 2018. Van escluyise los trabayos presentaos fuera de fecha.

5. La presentación del poemariu fadráse pente medies de corréu electrónicu


premios@antondemarirreguera.es

Pondráse como Asuntu: I PREMIU DE POESÍA “ANTÓN DE MARIRREGUERA” PA XENTE MOZO.


Axuntaránse dos archivos, unu col títulu de la obra presentada y el poemariu en documentu PDF
coles páxines numberaes. Na primer páxina tien qu’apaecer el títulu del poemariu y l’alcuñu col que
se presenta l’autor/a, ensin qu’apaeza’l so nome real.

L’otru archivu axuntu llevará como títulu l’alcuñu del autor/a y guardará a mou de plica, los sos
datos personales (títulu de la obra presentada, nome y apellíos del autor/a, señes, teléfonu y corréu
electrónicu, una curtia nota biográfica, una reseña o sinopsis del poemariu, amás d’una fotocopia o
escaneáu del carnet d’identidá, pasaporte o similar).

La documentación presentada nun tendrá datos que permitan la identificación del autor/a ensin
que s’abra la plica (semeyes personales, dedicatories…).

5. La composición del xuráu asoleyaráse’l día del fallu del premiu. Les sos decisiones nun se podrán
retrucar y corresponderá a los sos miembros aldericar y emitir el fallu. Podrá declarar el premiu
ermu pero nun podrá dalu ex aequo. Tamién podrá dar hasta dos accesits, siendo estos últimos
renunciables.

Conceyu de Carreño | Santolaya, 1 – 3 | Candás | Principáu d’Asturies | 985870205 | sergenerales@ayto-carreno.es


6. El premiu sedrá la entrega de diploma y l’espublizamientu de la obra ganadora, interpretándose
la entrega de 25 exemplares al autor/a como pagu de los derechos de la primer edición. Los accesits
reconoceránse mediante diploma.

7. Como obligación cimera, el/la premiáu/ada tendrá que recoyer personalmente’l premiu y
presentar el mesmu por mor del pieslle añal de los actos d’homenaxe a Antón de Marirreguera
(finales d’abril/primeros de mayu). Los/es autores de los accesits podrán presentar la so obra con
idéntica ocasión.

8. El fallu asoleyaráse na primavera de 2018, siendo comunicáu personalmente al autor/a enantes


del so espardimientu a los medios. La espublización del llibru ganador ta prevista pa la seronda de
2018, y les sos presentaciones sedrán nos meses siguientes.

9. Los orixinales non premiaos sedrán destruyíos tres el fallu, y nun se caltendrá correspondencia
nenguna sobre ellos.

10. La presentación a esti premiu conlleva l’aceptación dafechu de les sos bases. La so
interpretación, inclusive la facultá de declaralu ermu, queda a xuiciu llibre del Xuráu.

Podrá pidise más información en: premios@antondemarirreguera.es

Conceyu de Carreño | Santolaya, 1 – 3 | Candás | Principáu d’Asturies | 985870205 | sergenerales@ayto-carreno.es