Karta - Kon por ta ku ta hasi un fayo asina grave i ta paga eks mandatarionan i mandatarionan aktual den funshon un suma di mas di 1 mion florin di mas?

Despues di a tuma nota kon pueblo ta wòrdu konfrontá e último 6 añanan ku un maneho gubernamental finansiero deskabeyá, inkluyendo e Gobiernu aktual, introdusiendo medidanan un tras di otro i tambe kòrtando den benefisio ku pueblo ku ta paga impuesto a kustumbrá di haña. Ta insolito ku ya pa vários luna ta konosí pa Gabinete Rhuggenaath (lesa boso Gobiernu) ku a paga eróneamente i abusivamente sumanan kuantioso di forma inkorekto na diferente eks mandatario i ministernan sinta aktualmente den Gabinete Rhuggenaath i esnan ku a risibí e pagonan di mas no kier paga esaki bek di forma inmediato.