You are on page 1of 29

BLOCK ROSARY

[Document subtitle]

[DATE]
[COMPANY NAME]
[Company address]
SARAY MISTERIO

SARAY MISTERIOY GLORIA SARAY MISTERIOY LIKET


Miyerkules, Simba Lunes, Sabado
1. Say maglorian inquioli nen Katawan 1. Nen tinmooy anak na Dios
tin Jesucristo
2. Nen dinalaw nen Virgen Maria so
2. Say makapakelaw ya intokotok nen kapinsan ton Santa Isabel
Katawan tin Jesucristo ed tawen
3. Nen nianak si Jesus ed Belen
3. Say indateng na Espiritu Santo ed
saray Apostoles 4. Nen say inpangiparontal dad si Jesus
ed templo
4. Say impatey na Sankabliay Virgen
Maria, say inquioli tod bilay tan say 5. Say inpakalmo dad si Jesus ed
inkitokotok to ed tawen. templo

5. Nen say Inay Dios pinaataguey tan


pinayorong dad katagtageyan daray SARAY MISTERIOY ERMEN
Angeles tan diman kinoronaan na Martes, Viernes
Santisima Trinidad pian sikatoy 1. Nen nandasal so Anak na Dios ed
Reynay talbay pinalsa laguertay Getsemani

SARAY MISTERIOY LIWAWA 2. Nen binakbak tan nilaksebay Anak


Jueves na Dios ya inlakes ed lusek
1. Say inpanbinyag dad si Jesus ed ilog 3. Nen binalangetan day olo nen Jesus
na Jordan na sabit a matalisiw tan maot-ot
2. Say inpangipaamta tod sikato nen 4. Nen sinakbat na Katawan tin
Jesus ed bansal ed Cana Jesucristoy Cruz a inateyan to
3. Say inpangibawag nen Jesus na 5. Nen inpasak day Jesus ed cruz,
nanarian na Dios inatey diman tapian narundon toy too
4. Say inpansalat nan nengneng nen
Jesus

5. Say inpangiletneg nen Jesus na


ononan masanton Eucharistia

1
MANISIA
Manisia ak ed Dios aman makapanyarin amin manamalsay tawen tan dalin.
Manisia ak met ed Jesucristo akatawan tayo, ya tinmood gaway Espiritu Santo.
Inianak nen Birhen Maria. Inpanpairap nen Poncio Pilato. Inpasak ed cruz. Inatey
tan inkotkot. Inmakseb ed saray inaatey. Nen kumatlon agew inmolin binmilay.
Tinmokotok ed tawen tan manyorong ed kawanay Dios Aman makapanyarin amin.
Manlapud man tan unlad dyan mangukom ed saray mabilay tan inatey. Manisia ak
ed Espiritu Santo sisyaen ko met so Santa Iglesia Katolika, say pannanabangan day
sasantos, say panamaandiy kasalanan, say kiolid bilay na laman tan say bilay ya ag
naandi.
Amen.

Paimano – Say Block Rosary agnepeg ya amperen (pibalian) toy bengatlan


gawa ya naugalian ed simbaan. No nayari salatan so agew odino igsa ya
pangawa. Kayari pandasal na Rosario, ipangasi ya onpawil kayod abong yo,
onung ta saya aliwan tipon a social a kuan. Diag seseg na panawag na imano
tayo na Ina tayo, imanoen tayo ta saray Ambuelat Niran Gawa Maatap Niran
Tuloy ed Sarayan Panaon.

SAY PANDASAL NA ROSARIO

“Siak [ngaran] – sakey ya ag-matoor ya managkasalanan, pasimbaloen tan


paletan ko ed sayan agew ed saray limam so saray sipan kod Biniag, benegan kod
angad-anga si Satanas, saray pasirayew tan saray agawa to tan iter koy sigput ya
inkasiak ed Jesucristo, ya kakabatan ya tinmoo diad panakabat koy Cruz kon
ontombok ed Sikato ya aliwan singa gendat ya angad natan, pilien taka ed sayan
agew, oh Maria, ed arap na amin daray mangatawen iran Corte (Diopo) ya onkanan
Inak tan Katawan ko. Mabolbolos kon iter tan isaklang kod Sika a singa aripen mo,
so laman tan kamareruak, saray gongona na saray maung iran gawak ed inbeneg,
natan, tan diad saray arapen ya agew. Iter kod sika so amin tan sigpot ya kayarian
ko ya andin balot ibiig, onung ed kaliktan mo, a lapud kigloriay Dios ed saray panaon
tan diad andi anggan.”

2
SARAY MISTERIOY LIKET YA BUETANG IRAN DASALEN
ED LUNES TAN SABADO

Say Inmonan Misterioy Liket: nen tinmooy Anak na Dios

1. Dalepdepen moy sankabalgan a aroy Dios ed sikatayo, tan bangta anggapoy


pankaokolan Tod sikatayo, tan andi met so kikana tayo, siansia dia, lambengat
ed lipnok na karonungan tan panangasi To so anguibakian Toy Anak Tod
mundo a mangilaban ed sikatayo.

2. Dalepdepen mo, ta kaplesay Katawan tin Santa Maria mandaralepdep nen


saman a mikasid Dios ed karundon tayo, apasabi Ton pinili Dios a Inay Dios
Anak. Nonot mo komoy sankaaraleman a kahumildeay Virgen Maria, ta
bangta pinili ed ontan a kaatageyay galang, oniyay salita ta: “Nia ak lan aripey
Katawan nagawad siak so onung na salitam.”

3. Dalepdepen moy baleg a aroy Dios ed sika, piano nabalesan mo ed angaay


nanarian mo. Ontan met ed baleg a humildad na Dios Anak pian manpaabeba
ka lawas, diad pakanonot mo, ya manpaabeba so Dios, tan say Virgen Maria,
lapud say kaabigan mo.

(Diad kayari sakey a tonggal polo na Rosario inkuan: Oh Jesus, perdona mo kami
ed saray kasalanan mi. Ilaban mo kami ed apoy na infierno, alam iran amiy
camarerua ed tawen, laot lan toloy ed saray mancaocolay panangasim.)

Say Komaduan Misterioy Liket: nen dinalaw na masantos ayan Virgen so


kapinsan ton Santa Isabel

1. Dalepdepen moy baleg a aroy Virgen Maria diad indalaw tod Santa Isabel, tan
mikasi kad sikato, ya pasantosen to ka komon.

2. Dalepdepen mo ya pinasantos na Dios si San Juan diad insabiy Katawan tin


Santa Maria, tan mikasi kad sikato ya pasantosen to ka komon.

3
3. Dalepdepen mo ta si Santa Isabel abirbir toy Katawan tin Santa Maria ya Inay
Dios, lapud puyay Espiritu Santo. Mikasi kad sikato ya nabirbir mo met so
panangasi touian Ina tayo pian naarom komon ed onung ed kanepegan.

(Diad kayari sakey a tonggal polo na Rosario inkuan: Oh Jesus, perdona mo kami
ed saray kasalanan mi……etc.)

Say Komatlon Misterioy Liket: nen nianak so Dios a tinmoo ed eges na


Katawan tin Santa Maria

1. Dalepdepen mod sayan misterio ta say Dios nianak ed sakey a lugar ya


sankapobrian tan sankabebaan, pian ikalar tod sikay kapobrian tan
kahumildian.

2. Betang mo so mangianak ed Cristod pusom, diad panagamil moy maabig.

3. Nianak so Dios a pobre tan mairap piano naaral moy pangulay inaway mundo
tan say liket n alaman, ya sankairapan ira.

(Diad kayari sakey a tonggal polo na Rosario inkuan: Oh Jesus, perdona mo kami
ed saray kasalanan mi……etc.)

Say Komapat a Misterioy Liket: nen say Katawan ayan Virgen so angipatnag
ed Dios Amay Anak to tan say impamalingas to, angano ag arumsisad impananak
to

1. Dalepdepen moy katotolok, tan kahumildeay Katawan tin Santa Maria, ta


bangta agrumsisan diad impananak to, tan lapud satan nilikod ed gangan na
pampalingas siansian impalimgasan lapud say impangicalar tod sikatayoy
humilidad.

2. Dalepdepen moy aroy Anak na Dios, ya nipatanir ed Ama ton Dios lapud say
kaabigan mo.

4
3. Manhumilde ka sirin, tan matolok ka komod saray gangay Dios. Ipatanir mod
sikato so pusom, tan mikasi kad Virgen Maria, ya ipatanir to kad Jesus diad
horas na ipatey mo.

(Diad kayari sakey a tonggal polo na Rosario inkuan: Oh Jesus, perdona mo kami
ed saray kasalanan mi……etc.)

Say Komaliman Misterioy Liket: nen say Ugaw ya si Jesus atilak na Katawan
tin Mariad simbaan, etc.

1. Dalepdepen moy sankaabigan a ermen nen Maria, nen aliolio ton atilak so
Anak ton sankainaroan.

2. Dalepdepen moy sankaabigan a seet nen Santa Maria, ya nananap ed Anak


ton si Jesus.

3. Onseet ka met komon a mananap ed Sikato, et no abalang mod kasalanan,


anapen mod sibkel na matuan confesion, et no nalmom la, mapaga ka komon
ya agnabalang lamet diad pankasalanan mo.

(Diad kayari sakey a tonggal polo na Rosario inkuan: Oh Jesus, perdona mo kami
ed saray kasalanan mi……etc.)

Diad kaonoran, dasalen so SALVE KAY DIOS… etc.

V – “Reyna’y Sankasantosan a Rosario, pikasi mo kami.”


R – Oh, Maermen tan Andi Tilol ya Puso nen Maria, pikasi mo kami.

Siak [ngaran]… sakey ya ag-matoor, etc.

5
SARAY MISTERIOY ERMEN YA BUETANG IRAN
DASALEN ED MARTES TAN VIERNES

Say Inmonan Misterioy Ermen: nen nandasal so Anak ya Dios ed laguertay


Getsemani

1. Dalepdepen mo ta nen asinger lay inkairap na Katawan, linman akikasid Ama


Ton Dios pian nibangat Tod sikatayo ya diad ganaganay irap, tan kaatapan
betang tin dagoen so Dios a pikasian.

2. Dalepdepen moy irap nen Cristo, ya ontan a masakit, ya akalinget na Dala, ya


mansaklayat ed dalin.

3. Mikasi ka sirin ed Dios diad mahumilde, tan mansiansian linawa, a laut lad
saray irap, tan kasegsegangan, angaman bilang anggapoy nabirbir mon
panangasi, ta no magnayon kan mikasid onung na onepeg onsabi panangasi
Dios, ta ontay insipan To.

(Diad kayari sakey a tonggal polo na Rosario inkuan: Oh Jesus, perdona mo kami
ed saray kasalanan mi……etc.)

Say Komaduan Misterioy Ermen: nen binakbak tan nilaksebay Anak na Dios
ya inlakes ed lusek

1. Dalepdepen moy tepet nen Kriston nilakseban a inlakes ed lusek. Ya saray


kasalanan mo so angilakes ed Sikatod man.

2. Dalepdepen moy karaklay bakbak ya anengneng iran binmotay so Pokel na


mapaoyamon Corderon si Jesus, tan alaplapnit so laman To ed impanbakbak
dad Sikato.

3. Dalepdepen moy bilang day bakbak, ya ontan iran karakel ta Kuanday arum
a Sasantos ta arateng so bilang na liman libo.

(Diad kayari sakey a tonggal polo na Rosario inkuan: Oh Jesus, perdona mo kami
ed saray kasalanan mi……etc.)

6
Say Komatlon Misterioy Ermen: nen binalangetan day olo nen Jesus na sabit
a matalisiw tan maotot

1. Dalepdepen moy irap ya alikna nen Kristod olo To diad impamalanget dad
Sikatoy matdem a sabit.

2. Nonot mo ta no agmo nitepel so sakey a dagum a niturok ed olom, panon balet


na Katawan ya niturok ed olo Toy ontan ya karakel na sabit pinekpek da ni
muet?

3. Nonot moy irap nen Maria tan mikasi ka komon ed sikato, ya itdan to ka
komoy kaabebay linawa ed salitan mabanday, ya ibalikas dad sika, tan say
pantepel na bengat lan irap, pian nakoronaan kay sankamagloriaan a koronad
tawen.

(Diad kayari sakey a tonggal polo na Rosario inkuan: Oh Jesus, perdona mo kami
ed saray kasalanan mi……etc.)

Say Komapat a Misterioy Ermen: nen sinakbat na Katawan Tin Jesucristoy


Cruz a inateyan to

1. Dalepdepen moy karuksaan day Judios ya andi kapara, ta anta anengneng day
Kristo ya apipia lan quimapoy et siansian inpasakbat dad sikatoy ambuelat a
Cruz.

2. Dalepdepen mo ta si Kristo agto nasongdoan so buelat na kruz et inpansiglat


dan siansia. Kanian nipatakba ya aramarama et agda kinasian, tinampal da
ingen, ginuyor dan ag dinangkaan, nilopdaan….

(Diad kayari sakey a tonggal polo na Rosario inkuan: Oh Jesus, perdona mo kami
ed saray kasalanan mi……etc.)

7
Say Komaliman Misterioy Ermen: nen inpasak so Katawan Tin Jesurcisto ed
Cruz tan inatey diman pian nanondon Toy totoo

SARAY MISTERIOY GLORIA YA BUETANG IRAN DASALEN


ED MIYERKULES TAN SIMBA

Say Inmonan Misterioy Gloria: nen inmolin binmilay so Katawan Tin


Jesucriston anundod sikatayo

1. …ag inatey si Cristo, lapud akaputan iray puertay tawen, a onung na asalita
la, ta no komon agtoka dinundon nen Cristo, agka makakar ed tawen angan
panonlay kaabigan mo.

(Diad kayari sakey a tonggal polo na Rosario inkuan: Oh Jesus, perdona mo kami
ed saray kasalanan mi……etc.)

Say Komaduan Misterioy Gloria: say Makapakelaw a intokotok na Anak na


Dios ed saray tawen

1. Dalepdepen mo ta sanen nagnap lay apataploy agew ya nanlapud inolid bilay


nen Cristo, insan tinmokotok a magloria ed saray tawen a nanlapuan ton
linmadian anundon ed tablay too.

2. Dalepdepen moy salita ray Angeles nen saman a salanti. Onung na insegep
tod saray tawen, ontan met a onladian mangokom ed sikatayo. “Nagsitalaran
itayo sirin ta agti amta so agew a isabi To.”

3. Dalepdepen moy ermen na saray Apostoles, tan say Katawan tin Santa Maria
lapud limmalay kaligliwaan tan manangirawat ed sikara.

(Diad kayari sakey a tonggal polo na Rosario inkuan: Oh Jesus, perdona mo kami
ed saray kasalanan mi……etc.)

8
Say Komatlon Misterioy Gloria: say idateng na Espiritu Santo, inbaki san Ama
ed saray Apostoles

1. Dalepdepen mo, ta kasabi ray Apostoles ya nanlapud palandey na Olivitin, a


tinokotokan nen Cristo, apokok irad Jerusalem, tan diman ira nan-alagar na
isabi Espiritu Santo ya andi ebas tan mikasid Dios.

2. Dalepdepen moy indalang na kapusoan day Apostoles, tan saray ibiba ra diad
idateng na Espiritu Santo ya nakal so takot da, tan tampol a pinmaway iran
nanbangat ed saray Judios.

3. Nonot mo ta no onsabid sikay sayan Espiritu Santo mainomay mo so


panumpal na linaway Dios, ya ambelat mo komon ya gawaen; et lapud
mangiras kan mikasi, naekal ed sikay apoy na aro To.

(Diad kayari sakey a tonggal polo na Rosario inkuan: Oh Jesus, perdona mo kami
ed saray kasalanan mi……etc.)

Say Komapat a Misterioy Gloria: say inpatey na Sankabliay Virgen Maria say
gloriay inquioli tod bilay tan say inkitokotok to ed tawen

1. Dalepdepen moy liket na Katawan tan Santa Maria nen na-amtaan toy ipatey
to ya sikatoy kaibgan ton toloy lapud agpinmeket so puso tod dalin ayan
panagluaan, tan sakey ni met piano makapitipon ed Anak ton si Jesus.

2. Dalepdepen moy inquitokotok na Katawan tin Santa Maria ed tawen, tan say
kasimpitan na inpanbilay to a sikatoy amiliay Dios ya Inay Verbo, et lapud
satan agnilabay na Dios ya manayam ed tapew na dalin so sankablian a
bangkay To.

3. Kerew mod Maria ya tolongan to ka na mainan panangaro to, pian komon


maung so panagkristianom et mapalar kan ompatey.

(Diad kayari sakey a tonggal polo na Rosario inkuan: Oh Jesus, perdona mo kami
ed saray kasalanan mi……etc.)

9
Say Komalima Misterioy Gloria: nen say Inay Dios pinaataguey tan
pinayorong dad katagtageyan daray Angeles tan diman kinoronaan na Santisima
Trinidad pian sikatoy Reynay talbay pinalsa

1. Dalepdepen moy pangongona na Dios ed saray mangarunong a manlingkod


ed Sikato. Nonot mo ta diad saray irap ya mangangano so ilabas da,
pakalmoan tayoy inawan andi angaan.

2. Dalepdepen moy karakpay koronan inpangoronay Santisima Trinidad ed


Virgen Maria, ta sikatoy Reyna ray Virgenes, Confesores tan arum nin
mangatayarno.

3. Nonot mo ta say Katawan ayan Virgen na Santisima Trinidad mangipikasid


sikatayo.

(Diad kayari sakey a tonggal polo na Rosario inkuan: Oh Jesus, perdona mo kami
ed saray kasalanan mi……etc.)

SARAY MISTERIOY LIWAWA YA BUETANG IRAN


DASALEN ED JUEVES

Say Inmonan Misterioy Liwawa: say inpanbinyag dad si Jesus ed ilog Jordan

Say Komaduan Misterioy Liwawa: say inpangipaamta tod sikato nen Jesus ed
bansal ed Cana

Say Komatlon Misterioy Liwawa: say inpangibawag nen Jesus na nanarian na


Dios

Say Komapat a Misterioy Liwawa: say inpansalat na nengneng nen Jesus

Say Komaliman Misterioy Liwawa: say inpangiletneg nen Jesus na ononan


masanton Eucharistia

10
LETANIA LAURETANA
Ed Katawan tin Santa Maria

Katawan, Abagey Mo kami,


Cristo, Abagey Mo kami,
Katawan, Denglen Mo kami.
Cristo, Talineng Mo kami.
Dios Ama ed Tawen, Kasian Mo kami.
Dios Anak a Mananundod Talba, Kasian Mo kami.
Dios Espiritu Santo, Kasian Mo kami.
Sankasantosan a Trinidad a Saksakey a Dios, Kasian Mo kami.
Santa Maria, Pikasi Mo kami.
Santan Inay Dios,
Santan Virgen day Virgenes,
Yna nen Cristo,
Ynay madivinon gracia,
Ynan sankasimpitan,
Ynan sankaadian,
Ynan ag naoman,
Ynan nasnasput,
Ynan andi tilul,
Ynan araroen,
Ynan makapakelaw,
Ynay maong a bilin,
Ynay Manamalsa,
Ynay Manangilaban,
Virgen a sankabintaa,
Virgen a mapagalang,
Virgen a dayrayewen,
Virgen a makapanyari,
Virgen a mapangasi,
Virgen a matuor,
Salming na katonungan,
Ayamay kakabatan,
Nanlapuay liket mi,
Pananginay kasantosan,
Pananginay kagalangan,

11
Pananginay karalitan,
Bulaklak a mangatatawen,
Torre nen David,
Torren garing,
Abung a balituk,
Kaban na saray insipay Dios,
Pintoy tawen,
Kabontatalad kabuasan,
Abig day mansasakit,
Salimbeng day managkasalanan,
Managligliway maermen,
Mananulong day Cristianos,
Reina ray Angeles,
Reina ray Patriarkas,
Reina ray Profetas,
Reina ray Apostoles,
Reina ray Martires,
Reina ray Confesores,
Reina ray Virgenes,
Reina ray ganaganay Sasantos,
Reinan tinmoon ag atilulay kasalanan a tawir,
Reinay Sankasantosan a Rosario,
Reina na kareenan,
Corderoy Dios a manamaandi kasalanay talba,
Ipaliis Mo kami, Katawan.
Corderoy Dios a manamaandi kasalanay talba,
Talineng Mo kami, Katawan.
Corderoy Dios a manamaandi kasalanay talba,
Kasian Mo kami.
Pikasi mid Sika, Katawan, ta ipaslek Mo pay graciam ed kamarerua mi, pian
sikamin akapikabat na intooy Jesucriston Anak Mo, ya lapud inpangipaamtay
Angel, yakad kami komun a lalud inkairirap tan Cruz to ed gloriay kiolid bilay
lapu met lan lamang ed Katawan min Jesucristo. Ontan pa kumon.

V – “Reyna’y Sankasantosan a Rosario, pikasi mo kami.”


R – Oh, Maermen tan Andi Tilol ya Puso nen Maria, pikasi mo kami.

12
PANAMAGALANG ED MARIAN ANDI TILUL
1. Igalang tan irayew takad limbos a pusok, oh Virgen Milagrosa tan pablien
taka nen amin day Angeles tan Santos ed tawen lapud anakay Aman
Mangatatawen tan isaklang kod sikay kamareruak tan amin day pakayari to.
AVE MARIA…
2. Igalang tan irayew takad limbos a pusok, oh Virgen Milagrosa tan pablien
taka nen amin day Angeles tan Santos ed tawen lapud Ina kay bogbogtong ya
Anak na Dios tan isaklang kod sikay laman ko tan amin day liknaan to.
AVE MARIA…
3. Igalang tan irayew takad limbos a pusok, oh Virgen Milagrosa tan pablien
taka nen amin day Angeles tan Santos ed tawen ta inaro kan Esposay Espiritu
Santo, tan isaklang kod sikay pusok tan amin day kararamil to, yalaan moak
pad Sankasantosan a Trinidad na saray tulong ya nakaukulan ko pian nilaban
ak.
AVE MARIA…

DALAW NA VIRGEN MILAGROSA


Diad panangawat na talintao:
Oh, Milagrosan Virgen, masuring reyna tan emperatriz day amin a pinalsa,
bangta apaabig mod ontan lan kaabigan na inalaw mod ayaman day aripen mo, iter
mid sikay mogmon liket a piambeguia ray kapusoan mi.
Panoleyan mo kataoan so kalamanan mi: Sika Virgen a sankasimpitan so
makankien a bokor, tan Kataway sayan abung tan amin day manaayam. Manlapud
natan isipan mid sikay toor tan devocion na sarayan aripen mo.
Ibong mod sikami sankasantosan a bendicion mo a katekep kaabigay laman tan
panangasi a singa sinag na lioaoa ya onboboskag a manlapud saratay sankasimpitan
iran limam.
Bendicionan mora, Oh Inay Dios, tan Ina mi muet, so amin day oadia natan tan
saramay lapud linaoay Dios, insian lay patey ed sikami.
Isipan mi pangigalang mid sika, pangaro, tan olaola a sanleneg mod sikami.
Ontan pa komon.
**Dasaley taloran Ave Maria, sakey a nagalang tan ipatombok so:
“Oh, Maria, tinmoon agatilolan, pikasi mo kamin onapireng ed sika.”

13
Panangisaklang ed Virgen ya Milagrosa
Salve kay Dios, Mamilagron Virgen, ilalo tan salimbeng day nipasag abog na
laman day askakitan, liglioa ray maermen, cawalo tan managuiagel day katooan.
Diad amin a pasen onagos so Larak day panangasim, ined man onaanioeng so
saksakey a voces ya manguibebeliao na saray panangasiray mabenditan limam.
Linguis mo cami na mataran mapasinagem tan yalaan mo kamid Ma-Dios ya
Anak Mo na toor, tan kuli min manumpal na amin ya nabebetangan mi’d Dios, diad
capara min too tan diad sikamin dili.
Ilingay mo Katawan, iratay matam ed saray anak Mo, yaoat mo’d sikami limam
tan ekal mod kaposoan miray mabanday iran carimlan ya manguipulisay ed aray
kikana rad arom. Isaklang mod sikami payak day aabigan Mo tan salatan Moy
kasegsegan mi na kayamanay caabigan tan gawaran Mangadirios.
Oh, Marian tinmoon agatilolay kasalanan, pikasi Mo kamin onapireng ed sica.

Pamasipot ed Virgen Milagrosa


Diad pangiawat na talintao:
Oh, Mamilagrosan Virgen, tan andi tilol ya Inay Dios diad panaynan mod
maoyamon ayaman mi labay min ipalioaoa so irap tan ermuen mi ed
pakanengneng mid sikan onsian lad diking mi.
Salamat kataoan ed impanayam mod sicamin maoyamon anaka mo ya
madevotos ed sica.
Salamat ed saray kaabigan ya inpagamor mod sikami angaman andin balot so
kikana mi. Agmo pa lilingoanan ya diad sayan abung oalaray puson aaroen da ka
tan panpiraoatan day pakapilimog da lamet ed sica Perdonam pa, Virgen ya
mapasinagem, tan napnoy panangasi no agmi arandan so angigalang ed sica.
Kataoan, ag mo kami laoas lilingoanan diad sayan bilay tan diad andi angaan,
tan ilaloan mid saray kaabigan mon aglaoas natalo na angan siopa, ya bangta
nilukasan mid sica ed ontan lan liket so pintoan mi pian onloob kad makabos ya
abung mi, ontan pa met sirin ya ilukas mod sicami, no nasabi lay agew, so pinto
ray taoen. Ontan pa kumon.
“Oh, Marian tinmoon ag-atilolay kasalanan a taoir, pikasi mi kamin onapireng
ed sica.”

14
NOVENA
Panamagalang ed Anditilol Ya Virgen na Medalia Milagrosa
Cataoan min Dios… Cataoan con Jesucristo… Oh, Maria, tinmoon ya andi tilol
na casalanan, pikasi Mo kamin onapireng ed Sika!

ITAOTAOAG
Nonot Mo, oh sankamapasinagueman a Virgen Maria, ya aglaoas nangelan ya
oalad saray inmapireng ed pamanguiagel Mo tan nankaukulay panangasim so
inbeneg o inkaindan Mo, kanian apatpel kami na sayan mallet ya ilalo ya ondago’d
Sika ya sidadaguiem camid belat day kasalanan min ondakmomo’d saray salim. Oh,
Inay Verbo, ag Mo komon ipolisay so pikakasi mi no ag ingen talinengen tan akoen
Mo ran mapaaro. Ontan pa kumon.

INMONAN AGUEO
Aroen tayoy Marian ag atilolan lapud mangatataoen a calimgasan to.
Saquey a nidoman tanda ya makapaquelao apatnagan ed taoen; Saquey a biin
akaoesay agueo, mantogtoon ed bulan ta akoronaay labinduan bituen. Siopa kasi so
sayan bii a pinmayaoar ed San Juan no ag samay Reina ed cataoenan ya sanen coma
27 ed bulay Noviembre ed taon 1830 si Sor Catalina agamoran to met so gracia ed
inpacanengneng to ya oalan kabunbunigasay kalimgasan to onung ed manlepuas a
pilalek to tan agniopoopot a ilalo to ya makaimonay puyan sayan maabig a Virgen,
siopa ta kasi no ag samay biin apalabian tan anguisaponay Dios na pakayari,
kagnapan nen dinan man ed talbay pinalsa? Siopa kasi no ag saman so nigaton a
pangoluan ya anak ya initday Dios na talongaring ya manona ed saray bibii a pinano
toy kasimpitan diad inquilikor tod bengatlan dumsis na kasalanan ya
manguiparongtal na gagala tan kanonotay andiangaana Dios tan sikatoy akalmo na
panamegley ed kaabigay lapag a pinalsa ed arap na katooan onung na olit nen San
Bernardo makalanor ed ag nabilang iran kagnapan tan pakayan to? Ontan a peteg so
pakagnap tayoy pinanabang tan inaoa no baleg so panilalod kataposan tayon
macalmo. Aquin et agtayo ipatnag so layap tan petang na aro ed sayan macapakelaw
a guinaoay pakapaniari Dios?
Oh, Inay aron sankarakpan! Akompa-lan manlapud natan ya angad anga so
pamenben mod kamareruak, sigpot panoleyan mo, bagoten tan ekalen mos sikato so
amin ya ag mitokoy ed banlayoy panangarom. Andi ed piraoat koy bengat lan
pinanabang, bengat lan pamaliket et gayaga o bengat lan pangayat no saraya so
panlapoan bilang na pakabalang kod sika, no ag inguen say manonan penel ko; say
pangarok ed sikan angad otel na pusok pian mapalarak met a manamayod
15
kalimgasan mo ed sakey ya agew tan mailaloac ya andi ebas ed aboboy caronongan
mo et midasigak ed bilay day apilin mangapalar.
(Umamenguey binasa tan diad malet ya ilalo kerewey nibiig a panangasin labay
a gamoran lapud panamegley to.)

CALAR
Say nidumaduma ed saray patauli ya agaoa diad panamegley na medalla
Milagrosa, tan manepeg a itday niduman panguiolit makasngeg ed saray
makapakelaw ya inkagaoa tan lapud inpamatua ya inbaoag na “Proceso Kanoniko”
say inkagaoa onia: Sakey a indio ya mangaray Alfonso Ratisbona, judion ag napiing
tan kabusol a maksil na Religion Catolica. Diad sakey ed sarap inpakarkar to
akapanayam ya agano ed Roma tan akapikaaro ed sakey a magalang a kaballero ya
si Baron de Bossiero ya aganonin nanpataoli o binmeneg ed inkabugkalot, tan
angaman ontan lay inpan seet tonia ya mangovong ed Alfonso onlakap ed matuan
religion agto agamoran no ag bukor bengat na inpanguiaoat tan inpanguisabit tod
bekleo toy Medalla Milagrosa. Anto si kasi kakolangan tonia?
Sakey a ngarem linmoob si Alfonso ed simbaay San Andres delle Fratre tan
maniimaton ed saray nanengneng to, singa onbibilonget so simbaan, likor ed Kapilla
na San Miguel ya dimay anguiarapan ed sikato na sakey s niduman lioaoa tan diad
beneg na asalita, pinanengneng nen Sor Catalina Laboure nen labinduay taon lan
dinmalan.
Antoy aliknay Israelita ed poso to? Imanoen tayo tan nanengneng tayo so
intalimokor to mansaklayat so luad matato sinimbaan toy onbeneg ed paklap a inka
judio manaral Religion Catolica tan mangaoat ed maganon agew na masanton biniag
diad baleg a posapos tan liket a camaerua to ya singa liquet ed taoen ya nipatnagan
atampol ya ontan lan nibiig a makapakelaw ya inkagaoa.

PANAMAGALANG ED MARIAN ANDI TILUL


1. Igalang tan irayew takad limbos a pusok, oh Virgen Milagrosa tan pablien
taka nen amin day Angeles tan Santos ed tawen lapud anakay Aman
Mangatatawen tan isaklang kod sikay kamareruak tan amin day pakayari to.
AVE MARIA…
2. Igalang tan irayew takad limbos a pusok, oh Virgen Milagrosa tan pablien
taka nen amin day Angeles tan Santos ed tawen lapud Ina kay bogbogtong ya
Anak na Dios tan isaklang kod sikay laman ko tan amin day liknaan to.
AVE MARIA…

16
3. Igalang tan irayew takad limbos a pusok, oh Virgen Milagrosa tan pablien
taka nen amin day Angeles tan Santos ed tawen ta inaro kan Esposay Espiritu
Santo, tan isaklang kod sikay pusok tan amin day kararamil to, yalaan moak
pad Sankasantosan a Trinidad na saray tulong ya nakaukulan ko pian nilaban
ak.
AVE MARIA…

PIKAKASI
Jesus ya Dios mi ya nilabay Mon pinaesiang so Mapalat ya Inam a Vigen ya andi-
tilol a nanlapud intoo to, na agnabilang iran milagros. Yabuloy Mo pad sikami ya
diad pantawag min andi ebas na Panangampaya to naguenap miray andi angaan iran
liket ed tawen. Sikan Manbilay tan manari ed ando lan ando. Ontan pa kumon.

(Oliten ya agew-agew irayan dasal sanleneg na novena.)

KOMADUAN AGUEO
Aroen tayoy Maria lapud andi kaulibay a casantosan to.
Dinan iray panyadyari kagnapan ya ag kiregan ed into nen Maria a makapiparad
kasantosan To? “Naspot na gracia.” Ontay inpanaoag nen Arcangel ed Sikato pian
natudio tan natebek na pakatalos tayo diad simoon na pakapaniari nen Cristo ag labat
kankanobo so gracian agamoran To a mapalar a pinasa no agta bigtan peteg so
inkayanep toy nismak tan ag nabilang ed kinarakel nanlapud kasian inkiwalaTod
talba, ya kaaliling na sakey a maaoang a dayat ma panyadyari ed amin day
talonggaring. Onia met so inpamatalec da na masantos a Padres ya anguikuan.
Angaman man-titipkel so amin a kakanaay kaabigan day mangaronong a
kamarerua walan siansiad katagtaguiyan so pakayari talongaring nen Maria lapud
nisipud ed intoo Toy kasimpitan tan kasantosan To. Angaman panlaktipey amin a
pakayari kagnapan day maespiriton Angeles tan ibonton a singa ataguey a palandey
a say pantok to agnaabot na pakanengnengna mata wala nin siansiad tapew so
kasantosan nen Maria. Angaman makaroyo tan makaayayat ed Dios so samiong na
balinguit lapud virtud tan karonongan day aripen to, malabi ni panangaro to ed
quinen Maria tan pablien co ni angan samay tupig na pandong nen Ina To nen
amiamin a kakanaan day arom a pinalsa. Siopa sirin so ag manmatalek ed
kapetapetangan ya panangaro tan sankataguian a pananguiarayew ed sayan
sankablian a Señora. Siac, sankasimpitan a Virgen, angaman duka tan magterak
labay ko ya anga-lad anga so onpasen ya aripen mo ta agko ni naperan mandayew

17
ed Sica, makapangalaak ni amin a pamaakaran onung ed caliktay linawam pian diad
onia onkanaak ya makagamor na masantos a bendicion Mo tan macapinabangak ed
bengat lan agew.
(Umamenguey binasa tan diad malet ya ilalo kerewey nibiig a panangasin labay
a gamoran lapud panamegley to.)

CALAR
Si R.P. Moises Borbon ya kura paroko ed Batangas Diocesis na Lipa insulat to
nen taon 1920 so onguendan agawa.
Sayan Padre diad leneg na apat ya taon, liliknaen to so sakey a sakit ya akalanor
na indokol ton masolok ya sakey bulan tan kapaldua, lapud sugat ed bituka to ya
nasungpal ed inpanbawas toy dala. Diad inpan-nengneng na duaran abantog a
mananambal ed Ibale inkuay sakey ya nakaokolan to so operacion (pamotiac) pian
natambal so sakit ed loob, tan inbaga tod agmakayari ya onloob ed Hospital na San
Juan de Dios. Balet nen agni akaloob ed hospital akanengneng edsakey ed saray
Hermanos na “Congregacion dela Mision” ya manaayam ed conventoy Padres
Paules ed Ibale tan saya inpanonot ton maaro ya bangta say operacion et maatap,
ipatron tod limay Milagrosa. Salitan makasileo! Salitan makabilay! Kabekta ed
ipnansian da pinabiskeg na agmakayari liknaan to, tinmalimokor tan inkuantoy
dayew ed Milagrosa,
“Oh, Maria, tinmoon andi kasalanan pikasi mo kamin onapireng ed sika.”
Tan nagaway sipan to ya mamaalagey na “Visita Domicillaria” na Milagrosa ed
parroquia to.
Inloob dad ospital ya operaan, balet linmabas so sakey ya agew. Kaduan agew,
agda ni inoperaan, ta manaya say doctor ya mangopera ed sikato atawag ya maganat
ed Cebu ya manambal ed sakey ya onpapatey la. Diad insabi tod ospital tampol ya
pinmontad silir na Padren mansasakit, ninengneng ton maimano ed lupa ya onung
ed gawaray makabat ya mananambal, tan kayari ton tinepetay pigaran tepet, nipakar
ed panangan to tan say panagbawas to.
“Natan ag nakaokolay operacion, itoloy yay tambal ya niiter la tan say panangan
ya inagamil ya angad natan.”
Nilukas so tawen! Linmabas so samploy agew tan say Milagrosa so anompal na
operacion ya agbalot alikna, angapoy sakit tan angapoy inmagos a dala.
Nipaalagey so deocioy Vistia Domicillaria ya tampol ed parroquia na kuan lan
Padre tan labinpiton koros so nanpapaliag ed panamaabig tan liket ed panangawat
day Vistia Domicillaria, na sayan maong ya Ina; lapud saray anak na Batangas
nanengneng dad dilin matara so saray kaabigan, tan saray pataoli na arom iran

18
pananisia, saray inkatambal na sakisakit tan nagsikasikmatya panangasi ya
nagagawa lapud macapaniarin panamegley to.
(PANAMAGALANG tan say PIKAKASI a singa nen inmonan agueo)

KOMATLON AGUEO
Aroen tayoy Marian Anditilol lapud impibiang tod incarondon tayo.
Ag lambengat say panomameng tayo ed saray inkagnap tan kaabigan nen Maria
so mangiragdag ed sicatayon mangaro ed sikato no agmet say pisalamat ed andi
kapadparan kagongonaan ya nii-iter ed sikatayo ya manlapud saratan a inkagnap
Anak a sanok. Ilalak na sakey ya aman mauges, maninguel tayo ni common ed silong
na sancamasegsegangan ya inkarakep, no ag ginetmay Dios diad andi angaan ya
panangasi To so inpanguilaban tod sikatayo diad inpanguiapay To ya nanlapud trono
To ed mainfiernon kabusol tayo. Salve Virgen a mananalo ibeliao mi natan laoas; ta
pinalapum la ed intoom so inpanalom ed si Lucifer. Salve masnag ya liwawa ya
angipakabat na agew a inkaokbaran tid inkarakep. Salve biong na kareenanya inatol
mod sankasimpitan ya egues Mo so kanen ya makapangiter ed sikami bilay. Salve
Ina nen Jesucristo ya diad calvario et intekep moy dalam tan say irirap Mo ed gaoay
inkarundon mi. Panoy agmi pangaro ed Sika, et anta no lapud arom ed sikami et
inabuloy mon ibangat so Anak Mo tan nilikman iray irap? Labay takan aroen
Katawan, labay ko met ya quien moac natan tan diad bilay ya andi angaan.
(Umamenguey binasa tan diad malet ya ilalo kerewey nibiig a panangasin labay
a gamoran lapud panamegley to.)

CALAR
Si R.P. Manuel Sauras ya Jesuita diad sulat ton nanlapud Zamboanga ed Ibale
tinongtong to so onguendan ya anawag na baleg a inamo ray totoo, kuay abitlan
Padre, so mangawat ed Milagrosa ed Zamboanga, tan dakel a makapakelaw ya
nagagawa ed panamegley To.
Sakey ed saray makapakelaw nepeg a bitlaen say agawa ed arap na dakel ya
makatasi diad abung na sakey ya biin akapisalitaan con dili nen sakey ya agew tan
say incagawa onia; Kapag simba mandaragup so dakel ya too a mangilibot na urna
ya cawalay imagen na Milagrosa, ya manlapud sakey ya abung ya yakar ed arum ya
abung. Sakey ya familian aliwan mareen kinaliktan to so pangawatod abung to tan
agawa ya diman so angiakaran ed Sankasantosan a Virgen. Balet agawa ya
kapangiloob ed imagen ed saman ya abung tan leleg ya gagawaey kasian

19
pangigalang ya naugalian ed panamasabi, inlingay na Virgen so lupa To, ed dingding
ya singa panguipatnag To ya diman agyo apaknaan.
Lapud saya guiawa so inpananap na macasengeg tan nalmoan ya dimad saman a
abung walan manaayam so sakey ya biin akikasal onung na gangay Santa Iglesia e
sakey a Intsik, balet micacalogoran ed sakey a laki tan pigaralay anak todd saya,
akasengeg ed saya ag sirin makapakelaw ya say sankasimpitan a Virgen Maria et
onman a inpatnag ton agto pakaliket ed samam a indalaw To ed abueg ya ag
panooleyay takot ed Dios no say gulo angapon kabintaan tan eskandalo.
Dia tayo kabaten so mangawat lawas ed dalao nen Maria ed angaay nayarian
tayon maong iran kaisipan ta piano arawi ya ibeneg To tayo ya singa ginawa tod
asalita lan familia, ipanengneng Tod sikatayoy sankasimpitan ya lupa To tan say
akopen To tayod saray sankabalgan a kaabigan tan panangasi To.
(PANAMAGALANG tan say PIKAKASI a singa nen inmonan agueo)

KOMAPAT A AGUEO
Manilalo tayo ed Marian ag Atilolan ta ayarian To tayon ilaban.
Onung ed saray duruca tan masegsegang anapen day remedio ed nakaukolan da,
ondago rad saray mayaman tan walay nayarian, ontan tayo met peteg ya mipayabol
ed Dios ya bukod bengat diad payabol so panalagdan tayoy kaabigan ya mapeneg
ed quisantos tan quilaban tayo. Onapireng tayo ed Maria, mataoen ya managiter na
saray madivinon kayamanan. Amta tayo ya lapud inkasikaton Anak ya pinili ya andi
angaan ya Ama, Inan ag Atilolan nen Jesucristo, tan sankamapaaroan ya Esposay
Espiritu Santo nabebetangan To ed tawen so sankatagueyan a gloria, amta tayo ya
onsinger ed madivinon trono aliwan singa aripen ya onkerew no ag Catawan a
mangangan, ya agto panduaruan ya say Sankasantosan ya Anak Ti angapoy niquibot
tos sikato.
Amta tayo ya say Dios, inapag toy nanarian To, tan inbiig Ton nabebetangan Toy
inkabtang na katonongan tan inpalimata Tod Ina To so panbuenbuen To ed
panangasi; tan diad kayari Tod amin nanengneng tayoy matawen ayan Catawan tayo
ya onpatnag ed mundo ya napnoy kaabigan ya onaagos irad saray lima To. Panoy
agtayo panmatalec ed Sikato? On, mikuan tayo ed San Bernardo, Sika so Ina ya
angilukas no ag natokor na kaaralmay panangasi. Kapigan man tan diad angan siopa
ya pangostoan mon kasian piano angapoy ontacot ya angan antoy karaklay kasalanan
to dapot diad panonlong mo onapireng.
(Umamenguey binasa tan diad malet ya ilalo kerewey nibiig a panangasin labay
a gamoran lapud panamegley to.)

20
CALAR
Sakey ya Señoran Americana, insulat to a onguendan:
“Labay koy misalamat ed Dios lapud balbaleg a kaabigan ya agamoran ko diad
panamegley na Virgen Milagrosa. Say asaoac angano aliwan Catolico naogalian to
ya akasabit a naynay ed beklew to so Medalla Milagrosa. Makinista’y tren so walan
oficio to tan diad ipaoil to la komon ya manlapud sakey ed saray viajes to tinmerak
so maquina tanapitpit ed silong ed loob na apat horas. Diad kayari pigaray minutos
ed sayan inkagawa inkerew to ed sakey ed saray akaimaton ya manaoag na sakey ya
Padre ya catolico tan diad kulang ya samploran minutos walad diking so kuan lan
Padre ya angipaako na saray Sacramentos na Santa Inglesia angaman mapalaloy
inkapoolan to, nanbilay ya duamplo tan apat ya horas ya agtora abalang iray liknaan
to ya say Medalla singa popoolan to ed pagew. Inisip to ya sakey ya ngalab so
akaloob ed beklew na aysing to.
“Bangnen onaandi angapoy nalmo min pool to ni diad beklew o pagew: tan agko
panduaroan ya say Mabenditan Ina tayo so anelsel tan ampetang ed kamarerua to na
liwaway pananisian Catolica ya dia ed akualon toy inateyan to.”
(PANAMAGALANG tan say PIKAKASI a singa nen inmonan agueo)

KOMALIMAN AGUEO
Manilalo tayo ed Marian ag Atilolan ta ayarian To tayon ilaban.
Dinan ya aro so mipara ed panangari na sakey ya ina? Siopa so masesegna ontan
la, ontan lay manirirap ed panpiwara to, ontan lay panangibangat o panamairap toy
inkasikato ya nisesengeg ed sankainaroan ed saray kaaro to, ya singa seseg na ina ed
kaabigan ya inonot tod angan samay sankalamangan ed saray anak to? Tan aliwan
si Marian Sankasantosan so Ina tayon mangatatawen? Ag diad bili dala nen
Jesucristo ya dala met ya dili na Virgen so akagamoran tayoy bilay ya miando? Ag
sikatayoy anak a tinaguibi To dimad Calvario diad say irirap To? Ag tayo onkelaw
sirin ya pinmatnag ed Sor Catalina ya saray lima To et maaro ran akaonat ed diking
To, tan angipatnag na pilalek To ya amin ya nengneng na too ya onsiguer ed sikato
ya onkerew na angan anton kaabigan et maralato Ton ipagamor diad igsan
pangisaklang tayoy kapusoan tayo ya siiilalo tan oliten tayo ray salitan mikuan ed
San Buenaventura, lapud say sentencia wala ed lima nen Maria ya Inam.
(Umamenguey binasa tan diad malet ya ilalo kerewey nibiig a panangasin labay
a gamoran lapud panamegley to.)

21
CALAR
Naolit dia so sakey ed saray dakerakel ya desgracia ya nisengeg ed saray
accidentes ed auto ya pakanengnengan ya saray totoon maaro ed Medalla Milagrosa
et nilaban ira. Saya agawad Manila tan say angulit ya siloloa na pisasalamat so dilin
Doña Hermenegilda Guido de Aldanese, maseseg ya managlingkor ed Virgen
Milagrosa.
Sayan señora ya caolop toy agui tton bii tan kaanakan to manlulugan irad auto ra
untataytay irad taytay na Jones ed Manila balet say auto da arumbo na sakey ya
walad beneg to tan diad kasil apigar so auton lulganan da tan naplag iran amin.
Kapalpalaran ta diad ag pangibagay sakey a milagro, gawa so singa karaklan ya
nagagawa ed singa sayan desgracia; amin ya akalugan ya pati say chufer anggapoy
asakitan tan ag ira akaliknay angan anton irap. Sayan señora agto nayarian ya ag
birbiren ed sayan inkagawa so tolong na limay Virgen Milagrosa lapud sipor ya
nailuamantoy mandevotos tan mangisaklang na inkasikato ed sayan Virgen tan lapud
walan akasabit ed beklew to so Medalla ya sikatoy bibirbiren ton akautangan toy
kilalaban to.
(PANAMAGALANG tan say PIKAKASI a singa nen inmonan agueo)

KOMANEM A AGUEO
Manilalo tayo ed Marian ag Atilolan ta lawas tayon manangilaban.
No si Maria et makapaniari lapud gracias inga si Jesucristo, lapud inkasikato. No
say mapaaron panagkawalo To onung na inka Ina To agto naraian ya tepelan si
kasegsegangan na saray anak To no ag ingen seetan tira ya tolongan; no manlapud
tawen sikakabat ed amin ya nagawaan ed dalin. Panoy agtayo panilalo ed pangilaban
To? Ag masarag kasi so saray asalsali ya ligay duamploy ando ya inkakristianod
ontan laran makapakelkelaw a gawa To ed amin a sokong na dalin tan amin a
nengneng na too, ya mangiter ed sikatoy baleg a pananisia tan panangilalo? Nanlapu
ed panaon day Apostoles ya anga ed natan ag kasi Maria so lawas ya amapetang na
angan anton pamaakaran ya inonot ed gloriay Dios? No ag To ra pinabiskeg so
Martires, sinileway managpolong, sinakoban so virtud day confesores tan Virgenes,
binoyak ton amin so inkabugkalot tan inkapaklap? Ag lawas sikatoy ligliwa ray
mairap, abig day asakitan remedio na amin a desgracia? Tan ag nibawag so historian
a Medalla Milagrosa ya andi ebas ya ipanengneng To nian Ina Tayo ya makalanor
ed kaabigan tayo ya singa kaabigan day ateng tayo.

22
Oh! Agay lay pankatonongan tayo ya manolit-olit ya naknoy ilalo ed salita nen
San Buenaventura, “Panlikoran tayon naynay so sayan matawen a Reina ya ag balot
asali ya angikaindan ed saray nanilalo ed Sikato.”
(Umamenguey binasa tan diad malet ya ilalo kerewey nibiig a panangasin labay
a gamoran lapud panamegley to.)

CALAR
Oliten dia so pandayew na sakey a señora unong na sulat tod familia to, ed
pakayari Milagrosa ya onsungpad saray masubeg a daloyon na dayat:
“Nanlapud inpikal mid Port-Said sankamakapoyan so panaon balet pinmalalo
karoman tan sanen agew ya ag onalagey so too lapud pankibang-kibang na vapor.
Asabi ngarem tan seseetan so onarawi ed España tan manpataew. Saray daloyon
siansian onpapalalo pansipdac da anga ed asabi ya say Capitan et akapeket ya
mansulok ya apataplo tan waloy horas ed makina ya angapon balot so painawa to.
Diad onia anonotan ko so Medalla Milagrosa tan saysay nangnangel ya milagro to
ed kapara-ranian kipapasen tan sineetan koy nanakar ya angad insabik ed kamarote
ya nananapna pigaran Medalla ya sankaawit kod maletin.
“Inalak iran tan inpaangob kod saray anako tan inpelag korad dayat, diad kayari
ya dinasal so sakey ya Ave Maria ed sakey ya alas diez ed labi dinmeen so dayat.
Ontan la ya inisip kon wala kami nin manpapakepay mauges ya panaon ed guilig na
Bonifacio. Agay lay inkekelawan ko nen inmebat irad siak yaw ala kami lad mapatad
ya guilig tan sankairapan ya pueteg so mangi-paliwawa na onman lan inkaonman na
panaon. Sikami ray anakok tan arom niran totoo inpaliwawa mi yan andi ray duaruad
panamegley na Sankasantosan ya Virgen, say Medalla Milagrosa pinakana toy
amareen ed maborakan ya dayat tan pinasabi to kami ed mareen ya dayat diad silong
na maliwawan agew ed guilig na España.”
(PANAMAGALANG tan say PIKAKASI a singa nen inmonan agueo)

KOMAPITON AGUEO
Diad kinen Marian ag Atilolan so nepeg ya dagoan day kamareruan maralit.
Mapalar so kamareruan matonung ya angapolay mas manonaan ed kanonotan to
no ag say mangarod Dios tan manseseg ed kktagey na gloria to tan malikeliket ya
panayamay sankablian ya Trinidad, lapud nanengneng ed sikato so aninoy inkagnap
na sankataguian ya Juez ed sika, balet kaukolan ya ipanonot ed sika ya akalugan ira
ed maibuebuetag ya plato tan legan ya akaalagey ca, enepg moy sipaparaan pian

23
niparokol ta dakel iray kakabusol ya mangigagaem ed sika. Siopay makapangilaban
ed sika? Siopay makayari no ag say agatilolan ya Inam ya nidumay pankatonungan
mon makagamor na pananguiagel to lapud piolibay mod sankasantosan ya anak to
tan lapud sipan ton mangaro ed saray maarod Sikato.
Sika, kamareruan maseseg panbanikelan moy mamaliket ed sikato, diad
panosungpal mod madivinon panaglabay na Dios, tombok moy kuanen San
Bernardo, “Apireng ka ed Maria tan agka ontalaw.”
No say lima toy mamacorang ed sika, agka napelag. No sikatoy mangitonton ed
sika, nilaban kan andi suyat; no nilaban toka, makasabi kan andi saew ed nanarian
day mangapalar.
(Umamenguey binasa tan diad malet ya ilalo kerewey nibiig a panangasin labay
a gamoran lapud panamegley to.)

CALAR
Nen ika-28 de Julio, 1923, inawat ya sangauin Nieves tan Luz so kasian dalaw
na talintaoy Virgen de la Milagrosa diad abung ya panaayaman dad Barrioy San
Jose, Pasay, urna na 50 ya dili na Moyong na Visita Domicillaria. Say nibiig ya
pikakasi nen Da. Nieves ed sayan Sankaabigan ya Ina, say pangawat komon na ama-
ra ya mansasakit, ed saray masantos a sacramentos na Santa Iglesia ya sinianan to
lan masulok a duamplo tan limay taon. Asabin agto labay a napanpanonot ed sikato
so angan anton nipaakar ed religion.
Naolit so Visita lamet nen ika-28 na Agosto tan ika-28 na Septiembre. Lalon
masimoon so inpakerew to lamet nen Da. Nieves ed guendat lan pikakasi to. Nen
kasipot ya Sankasantosan a Virgen nen 28 Septiembre, amaarap ed abung ya
panaayamanen agmakayarin ama to yaw ala ed Intramuros. Inawit toy sakey a ugao
a kaanakan to ya inpamaiter to ed ama to na sakey a Medalla Milagrosa.
Nen kapangawat to, saray inmonan salita to biig a panlemlemew ya akapaermen
ya toloy ed anak to. Pinakasil toy pikakasi to tan pananisia to ed matawen a Ina to.
Say pananguigagel na Virgen ed abayag a inalar:
Sanen ika-17 na Octubre, say ama nen Da. Nieves nanconfesar. Sanen ika-18,
pinaletay inpikasakey tod asawa to diad inpangako toy Sacramentoy matrimonio,
tan nen ika-22 inawat toy dalao na Sankasantosan a Virgen nidumaduman simoon
tan kinaliktan to ya amin ya dinmagop ya legan ton man a dalao mandasal ira na
Santo Rosario tan arum ni ran devociones ya tinombok ton sindorokol ed dokulan
to.
Sanen ika-19 a Noviembre, kinerew to ya igapo ray novena ed Milagros apian
nasumpal ed ika-27 ya agew ya inpayawar na Milgarosa. Labay ya saray anak to

24
komon ya igapo ed ika-23 a ibansag dan gawaen ed simbaay San Vicente de Paul ya
pangigalgalangan ed Talintaoy Milagrosa.
Inpasoot to ya igapo ed 19 ya no ag onya so gawaen, ag nasumpal so novenas.
Ontan so inonor da. Diad kayarin inako to so amin ya sacramentos na Iglesia,
agmakayari inatey na agew na 28 na Noviembre na alas onse ed kabuasan ya
tinolongan na Rev. P.J. Tahon, parokod Catedral na Manila. Sikatoy amatua ed
sayan inkagawa tan sarayan amin nanlapud pakayari Medalla Milagrosa.
(PANAMAGALANG tan say PIKAKASI a singa nen inmonan agueo)

KOMAWALON AGUEO
Diad kinen Marian ag Atilolan so dagoen day binmetel a kamarerua.
Dinan a kaermenan so makapipara ed kipapasen ya kasumpalay sakey ta
nabetelan ya kamarerua! Agay lay katuaan no panguibaga ya sikato et andi palar tan
pangakasian, suka tan lakseb! Saray maong ya gawa to kulang iray kakanaan lapud
ag ira atekepay calinisay pamakaran, saray andi ebas a kasalanan ton ankelag
papakatan day sobol na saray kaabigan. Ayaten day Dios ya mangibantak ed sikato
tan say alon makapasinagem ed amin day makanengneng ed sikaton nilokbon, agto
nalikna ya singa pakanengneng ed pigpigaran agmakayari ya onlasor ed loob da ya
lapud agda pakalikna. Agda ninonot ya kaukolay angan anton tambal.
Lima taka, nabetelan a kamarerua, imanom so makapataktakot a sakit mo. Dago
ka ed abig day asakitan onung na mankatunugan ya ipangingaran ed sikato ya
pankerewan moy katambal mo. Diad magano naliknam so ontan lan pilalek mon
mangaro ed ontan lan petang tan manbolok ya aro. Napabiskeg moy kakapoyan mo.
Nayarian moy mikuan ed San Alfonso, “Diad sikay panmatalkan ko, Inay Dios.
Agmakayariak, balet sikay matawen a mananambal ya nayarian moak ya tambalen.
Makapoyak balet say tolong mo, Virgen ya agatilolan tan mananalo, nipawil mod
siak so biskeg, amin diad nanalagdan ko, ta amin et nayariab mo a katekep moy
Dios.”
(Umamenguey binasa tan diad malet ya ilalo kerewey nibiig a panangasin labay
a gamoran lapud panamegley to.)

CALAR
Sakey ed saray makapakelaw ya agawan Parroquia Miagao, Diocesis na Jaro,
Iloilo, onung na ulit na Cura Parrocod man a si R.P. Pedro Tiangson. Diad
panamegley na Medalla Milagrosa, olitey asalita lan cura.

25
“Sanen taon a inbeneg, sinmabi so rinderpest o say sakit day ayep ed saray baley
tonian polo ya mamapaarap ed baley na Miagao ya dakel so inatey ya dueg tan vaca.
Diad baley na Guimbol ya kaabay to, dakel met ya inaatey balet gawan
makapakelaw!
“Casabi sakit ed ketegan danian duaran baley, nankalkalnan dinmaiset so
ompapatey. Tinmonda met so sakit ya angapon balot so inatey ya ayep ed nasakopay
Parroquiak. Unong na kuanda ta diad isabi ed baley na sakit na ayep so
mankayamkam ed biek tan biek a pasen ya naralan to komon so pasen ya tatawagey,
‘Barrio Milagrosa’. Nileguas ed sakit lapud ditan et walay duaran ankabaleg ya
hacienda ya kapilitan ya kimeyan a ayep. Say masantan patrona, agto inabuloyan
yan segsegang.
“Bukor na mikabat ed kisungpalan day totoo ed saman a lugar no bilang, ta inatey
iray ayep da so makatalos na kablian dara nian panangasi tawen tan misalamat lapud
sikara.”
(Sarayan panangasi ed Virgen Milagrosa ya akagamoran ya aminpiga-piga la
lapud panamegley To.)
(PANAMAGALANG tan say PIKAKASI a singa nen inmonan agueo)

KOMASIYAM A AGUEO
Diad kinen Marian ag Atilolan so nepeg ya dagoan day makasalanan.
Pangaskasian ya managkasalanan! Agay lay pankanepegan dad panangabagey!
Apalingo na saray ereng na liket ya inpatnag ed sikara na saray kasalanan da, ag ira
magbabawi ed saray ambelat ya karamsakan ya inpatnag dad Dios lapud insumpa ra
say karoksaan, ya inpanugat dad pusoy Agatilolan ya Ina To. Say kabelatay nepeg
dan ebatan ya sikato mangipanepeg ed sikara na saray makapataktakot ya dusay
tawen ed sayan bilay tan andi angaan.
Siopay manileo na kalacal da ta pian nanengneng day karaklay kaugsan ya
ginawara, tan biskeg ed kaposowan da ya mangala ed saray pakaliketan da tan
mangaro ed agda iitday imano? Siopa so mamapa ed sankataguian ya okom ya
sankamatonungan so inkasanokan To ed ontan laran kakulangan? Siopa no ag say
maabagey ya Ina tayo ya tatawagey manepeg a ngaran Ton salimbeng day
managkasalanan, lapud mainan panagkawalo To, onung na kuanen San Anselmo,
akuen Tod mainan panangaro so makasalanan ya lelemlemeway sankamondoan?
Ondago tayo sirin ed kinen Maria ya napnoy pagbabawi tan caerermenan ed saray
kasalanan tayo. Nonot tayon matoor so panpataoli tan ipawil Tod sikatayo so maong
ya pikakaaro ed Anak To.

26
(Umamenguey binasa tan diad malet ya ilalo kerewey nibiig a panangasin labay
a gamoran lapud panamegley to.)

CALAR
Si Sor Teresa Osimos ed Manila, asabiay baleg a sakit a tatawagey pulmonia ya
angiter na sakey a lilicnaen tod diking ton cawigi ya ag balot didengel na angan
anton tambal ya inkana.
Sanen fiesta na Immaculada Concepcion ya patronad Colegio de la Concordianen
Marzo 1901, dinmokol ya siam bulan ya angapon balot so kainawaanto si Sor
Teresa. Say Immaculada Concepcion ya patronad Colegio de la Concordia so
panaayamay agmakayari ed Sankasantaan a Virgen ya oala ed altar na capilla
(angaman saray hermanas sineetan dan initday ilalo, kabat dan peteg ya no ag
manlapud sakey ya milagro, ag nanengneng a balot so pakagamor na katambal to).
Peles a onlabas so octavay asalitan fiesta ya angapoy anengneng a guinanganaan
to ni ya anga ed ika-15 na Deciembre. Cabuasan ya inpangako to ed masagradon
komunion diad dokolan to tan pandedengel ton kakansion ed koro ya legay misa da
kemuidad so “Ave Maria Stella”.
Alikna to so ontan lan posapos ya inpalikna na saray asalitan, “Monstra te esse
matren.”
Diad agto inpakapokpok inkuanto, “Inak, labay takan nanengnengcu.”
Tan bansag na inpangibalicas to so inmalaguey. Say biskeg to, bengat nilengato
man a pirawat. Bukod na inkipasag tod tabla so asumpalanto. Diad apasimbalon
biskeg to, agawaan to so nanpales tan diad inpan ilosilos to akapaway ed enfermaria
(ayaman day ag-macayari).
Amaarap ed capilla ya sakey a limamploy metros so kaarawi to, anemiray
balitang a seguepan to, tan angaman naplag ed onaan tan pidua ya iseseguep to.
Binmetel so pilalec to, no ag inguen pinabiskeg toy liknaan to tan akasapat ya anga
ed puertay koro. Diad inpangidonglaw toy olo to ya on-nengneng ed altar ya
nipasenay talintaoy Virgen.
Inkuan tod maksil a voces to, “Ina na saray irap ko et singa angapo no yampar
korad liket ya nalilikna ed pakanengneng kod Sika, panom la kasi no diad tawen so
pakanengnengan ed Sika?”
Kapangibaga to nia, linmoob ed koro ya andi lay sakit to. Saray kantoras tan amin
iray arum a wadman, nikelawan ira ed inpakanengneng da ed Sor Teresa ya inisip
dan bukor ya nakar tod kamposanto so kialis tod dukolan. Balet sikato, tinmalimokor
ya legay komunion ed ontan a karakel na bilang day angako.

27
Akimisa ed tinmonbok a misa, tan pinmaway nen kayari to ya singa-kasil na
siopaman a too. Dinmago ed amin ya maralit a gawa ed saman a agew tan nanlapu
ed saman , tinmonbok ed amin a nepeg ya gaway komunidad.
(PANAMAGALANG tan say PIKAKASI a singa nen inmonan agueo)

TALOY AGUEO NA MILAGROSA

Nayarin gawaen a icanad saray taloran agew so amin day dasal ed unan agew na
novena, licod labat ed saman ya agew tan say kalar et diad pasen to nayarin dasaley
bengat lad saray dasal a ongendan.

Dasal irad Milagrosa


Pian nagamoran sakey a panangasin nibiig.
Oh, Maria, ligliwa ray siopaman a ontawag ed Sica! Paabig mo pan dengueley
sii-ilalon pikakasi ya lapud pankaokolan ko iparateng kod tronoy panangasim! Siopa
kasi nadagok ya maong nen say sika, Virgen bendita ya yaalingasew Mo lambengat
so kakanaan tan sibeg, tan amin day kaabigan na Dios ya akapnek ed sika a Sikatoy
pinonot Mo lawas a isiquag ed kaliberliber Mo? Sika pa sirin so mangampayad siak,
Sika pay panilaloan ko natan, ta bangta man-sag-sabit a madevoto ed bekleo koy
Medalla Milagrosa tandan sankablian na panangarom, yabuloy Mo pad siak, Inan
Anditilol, yabuloy Mo pad siak so gracian ontan lay seseg kon manberew ed Sika.
Oh! Virgen ya Anditilol, matuan takayan ya nayarian dan seguepan na saray
makasalanan ed panariay Dios! Ipatnag Mo pa sirin a ontan Ka ed pakapantaoli
sayan masegsegang a yapay min mapeget ed panolong Mo. Sindagan Mo pay
kaisipan to, na layap day silew a mangaridios ya manlapud Medallam, tapian
nabirbir toy maatap ya bilay ya manetengteng ed sikato. Say ag nasabsabaan ya
kaseg-segangan ya panbibilayan ton niarawid Dios tan say makapataktakot a dusan
niparaan ed sikato; tan laut ni met ipaliknam pad puso to so pakayarim tan mapaaron
Ina to.
Yawat mo pad sikatoy limam, “Oh! Virgen a Sankasimpitan”. Bagot Mo pad
nipangetan ton kasalanan, ekal Mo pad kabilunguetan ya kawalaan to, tan yakar Mo
pad panariay liwawa, kareenan, tan mangaridios a gracia.
PANKEREW NA KATAMBAL NA SAKEY YA ASAKITAN.

28