You are on page 1of 3

14th October, 2010

Synfocity=3
14 www.mizoramsynod.org

 NEICC Pual Tawngtai


October 17 (Pathianni) hi North East India Christian Council (NEICC) puala Tawngtai Ni a ni. NEICC-ah hian Kohhran
35 leh Kohhran ni lo pawl (Para Church/Organisations) Associate members 12 an awm a. NEICC-a member Kohhrante
chuan hemi Ni hian NEICC pual tawngtaina hun an hmang ang a, inkhawm vawi khat thawhlawm chu NEICC puala
lakkhawm a ni ang a, Synod sum chhunluhna Form ‘F’ hmangin Synod Office-ah chhunluh tur a ni. Tawngtai thupui
turte phek lehlamah tarlan a ni.
 Zin
 3rd. Laussane Congress-ah Rev. Zosangliana Colney : October 16 -25, 2010 chhung hian Cape Town
(S. Africa)-ah Laussane Congress on World Evangelization vawi 3-na nghah a ni dawn a. Heta tel tur hian ram hrang
hrang 200 atangin Kohhran hruaitu 4,000 sawm an ni a. India ram atanga tel tura sawm a nih angin Rev. Zosangliana
Colney, Synod Executive Secretary a tel ang. Rev. Zosangliana Colney hian vawiinah Aizawl chhuahsanin Cape Town
a pan. Laussane Congress on World Evangelization hi World Evangelical Alliance te nen tangkawpa huaihawt a ni a.
Tun tumah hian khawvela harsatna hrang hrnag – Rinna (Faith) chungchang te, retheihna (poverty), HIV/AIDS leh
Kristiante tihduhdahna (persecution) chungchangte an sawiho ang. Inkhawmpuinaa tel tur Kohhran hruaitu sawm bik mi
4,000 vel bakah hian Cape Town Global Link leh Laussane Global Conversation hmangin internet kaltlangin mi sang
tam takin an chhim ve dawn bawk a ni.
 October 12 - 14 chhung hian Upa C. Lalduhawma, Office Assistant chuan Unit Trust of India (UTI) Office dawrin
Guwahati-ah a kal.
 Presbyterian Pastor Nupuite Intawhkhawm
October 15 (Zirtawpni) hian Synod Committee Room, Zosaphluia Building-ah Pastor Nupui Intawhkhawm vawi 37-na
neih a ni ang. He intawhkhawmna hi hun hnihah then a ni a, chawhma hun hi dar 10:00 a.m.-ah tan a ni ang a,
Pi Vandarmawiin programme a kaihruai ang a, Pi Rohmingthangin Tanna hun a hmang ang. Pi Lalruotmoi a solo ang a,
Upa Dr. Vanlalhlunan Nun Krista (Phil. 1:21) thupui hmangin thuchah a sawi ang. Dar 1:00 p.m.-ah chawhnu hun tan
leh a ni ang a, Pi Thanzamin a kaihruai ang. ATC nuho atangin Group Zai ngaihthlak ang a, chawhma lama an thupui
ngaihthlak hmangin sharing hun an hmang leh ang a, tlaiah chawhlui an kilho nghal ang.
Presbyterian Kohhran Pastor Nupuite hian kum tin intawh khawmna hun an hmang thin a, mithiamte ruaiin thuchah
ngaihthlak bakah thupui thlan bik paper te an zirho thin a, an pasalte rawngbawlna an tawiawm theih dan tur leh
Kohhran tana Nu nih tling an nih theihna tura theih tawpa hma la tura infuihna hun te hman a ni bawk thin.
 Workshop on Christian Ethics in Journalism
Synod Social Front buatsaihin October 15 (Zirtawpni) hian Pi Zaii Hall, Synod Conference Centre-ah ‘Workshop on
Christian Ethics in Journalism’ an nei dawn a, Mizoram Journalist Association (MJA) hnuaia Affiliated Journalist-te nen
Workshop hi neih a ni ang. He workshop-ah hian Upa C. Sangzualan Concept Paper a buatsaih an zirho dawn a ni.
 Music
October 14 & 15 hian Khawlailung Kohhranah Solfa Training neih mek a ni a, training neihpui tur hian Pu Lalromawia,
Synod Music Instructor; Upa Thanghuta, Dam Veng leh Tv. Zothanmawia, Zemabawk te an kal.
 Kohhran Hmeichhia
 October 15 (Zirtawpni) hian Tanhril Bialin Kohhran Hmeichhe Centenay lawmna Ramrikawn Kohhranah an hmang
dawn a, heta tel tur hian Central Kohhran Hmeichhe hruaitu - Pi Lalthansangi Fanai (Asst. Secretary) leh
Pi Malsawmtluangi (Committee Member) te an kal ang. Pi Lalthansangi Fanai hian chawhma inkhawmah ‘Kristian
Chhungkua leh Buhfaitham’ tih thupui hmangin Thuchah a sawi ang. Chawhnuah variety programme hman a ni ang a,
Pi Malsawmtluangin Thuchah tawi a sawi ang.
 October 16 (Inrinni) hian Republic Bial huapin Republic Veng Kohhranah Kristian Chhungkaw Campaign &
Leadership Training neih a ni dawn a, Inrinni hian nilengin Leadership Training neih a ni ang a, zan lamah Republic
Vengthlang Kohhranah Kristian Chhungkaw Campaign neih a ni thung ang. Hun hmanpui turin Central Kohhran

Synfocity=314 1
Hmeichhe hruaitu - Pi Lalrinkimi (Gen. Secretary), Pi Lalnuntluangi leh Pi Vanlalmuani (Committee Members) te an kal
ang.
 Kristian Thalai Pawl
 October 15 (Zirtawpni) hian E. Phaileng Branch KTP Rising Day lawmna neih a ni dawn a, hun hmanpui turin CKTP
hruaitu Pu Vanlalfinga, Finance Secretary leh T/Upa Zothangzuala Chhangte, Committee Member-te an kal ang.
 October 15 (Zirtawpni) zan hian Luangmual Bial KTP Meet-ah Upa Lalrinmuana, CKTP General Secretary-in
Pathian Thuchah a sawi ang a, Mizoram Synod Choir ten zaia rawngbawlna hun an nei bawk ang.
 October 16 & 17 hian Kolasib Diakkawn Bial KTP ten Musical Meet an hmang dawn a, Rev. Lalzuithanga, Executive
Secretary i/c KTP; Upa Lalrinmuana, CKTP General Secretary; Pu H. Liantluanga, Synod Choir Director leh Synod
Choir te an kal ang. October 16 (Inrinni) nilengin Upa Lalrinmuana, CKTP General Secretary-in Zai hruaitu Training a
neihpui ang. October 17 (Pathianni) chawhnu inkhawmah Zaipawl Intihsiak nei a ni ang a, intihsiakna endik tur hian
Upa Lalrinmuana (CKTP General Secretary), Pu H. Liantluanga ( Synod Choir Director) leh
Pu K. Lalbiakthanga (Synod Choir Conductor) te an hmang ang. Zan Pathian biak inkhawmah Rev. Lalzuithanga,
Executive Secretary i/c KTP in Pathian Thuchah a sawi ang.
 Aizawl Theological College
 Aizawl Theological College Principal Rev. Roger Gaikwad chu Indian Society for Promoting Christian Knowledge
(ISPCK) kum 300 lawmna leh Church of North India (CNI) kum 40-na lawmnaah Paper chhiar tura sawm a ni a,
Nagpur-ah a thang mek.
 Semester Exam & Presbytery chawlh : ATC zirlaite chuan September 21 - October 5 chhung khan First Semester
Exam an nei a, October 6 atangin Presbytery chawlh an hmang a. Mizoram chhunga Presbytery Inkhawmpui hrang
hrangah Field Education neiin an insem darh a, October 13 khan Second Semester tan turin an lut khawm leh tawh a ni.
 Calvin Seminar on Khawltlang Nun Siam That : October 16 (Inrinni) hian Aizawl Theological College leh Kelkang
Pastor Bial tangkawpin Kelkang Kohhran Hall-ah ‘Calvin Seminar on Khawltlang Nun Siam That’ tih thupui hmangin
seminar an buatsaih dawn a,seminar hi hun thumah then a ni ang a. Chawhma dar 10:00-ah Seminar hawnna neih a ni
ang a, Rev. K. Lalhminglianan Keynote Address a pe ang. Hun hnihna-ah Rev. Dr. Tlanghmingthangan ‘John Calvin-a
leh Khawtlang Nun Siam Thatna’ tih thupui hmangin paper a present ang a, hun thumna-ah
Ms. Lalrindiki Ralte paper buatsaih ‘Tunlai Huna Mizo Khawtlang Nun SiamThatna Atana Thil Pawimawhte’ zirho leh a
ni ang. Thupui zir zawhah sawihona hun hman thin a ni ang a, zawhna leh chhanna hun hawn a ni bawk ang.

 MSSU
October 16 (Inrinni) hian Phainuam Bial huapin Phainuam Kohhranah Sunday School Zirtirtu Training neih a ni dawn a,
training neihpui tur hian Upa K. Lalremruata (MSSU Office Assistant), Upa K. Zoremsanga, Kulikawn leh
Pu R. Lalhmingthanga, Republic Vengthlang (MSSU Trainers) te an kal ang.

 Susamachar Prasaran Programme


October 17 (Pathianni) tlai dar 4:30 - 5:00 velah Hindi Programme (Susamachar Prasaran) LPS & Zonet Cable atangin
hetiang hian tihchhuah a ni ang : Group/Choir - Masihi Sangati - Mission Vengthlang Kohhran - Teri Jay Ho Sermon -
Pu Lalvena Hnamte' Stutigeet - - 'Prabu Tera Pyar' Group/Choir - Himali Kohhran Zaipawl - Torde Nafratky Diwar
Group/Choir - Group Zai - Masihi Sangati Convention Stutigeet - 'Gao Abhi Dil Se'.
 P.C. Girls’ School Day
Vawiin (Oct. 14) chawhnu dar 1:00 hian P.C. Girls’ School Chapel-ah P.C. Girls’ School Day vawi 7-na an hmang ang.
School Day programme hi Pu Rozama Chawngthu, Synod Education Board Secretary-in a kaihruai ang a,
Upa Vanlalhuma, Synod Secretary (Sr.) in Bible chhiar leh tawngtaina hun a hmang ang. School Headmistress
Pi Lalropuiin Introduction & Report a pe ang a, Synod Moderator Rev. C. Chawnglianan Thuchah tawi a sawi ang.
Pi Lalbiakveli, Asst. Headmistress-in Lawmthu sawina hun a hmang ang a, Rev. Lalzuithanga, Executive Secretary i/c
Mission etc. in Malsawmnain hun a khar ang.
P.C.Girls’ School hi Zosap Missionary ten kum 1903-a an din a ni a. Kum 2003 October thla khan kum za a tlinna ropui
takin an lawm tawh a, tunah hian kum 107-na an hmang mek a ni.
 Moderator Programme
Synod Moderator Rev. C. Chawngliana chuan tun kar tawpah hetiang hian hun a hmang ang :
 Ocotber 16 (Zirtawpni) Zan - Upper Republic Kohhran
 October 17 (Pathianni) Chawhnu - Dawrpui Vengthar ‘W’ Kohhran
Zan - Tuikual Kohhran

CIRCULAR
Mizoram Sorkar Department thenkhatah Mizoram Presbyterian Kohhran ‘Baptisma Certificate’ dik lo
(Duplicate) a tam hle nia hriat a ni a. Hemi chungchang hi Synod Officers’ Meeting 14/2010:38 chuan ngun
takin a ngaihtuah a. Baptisma Certificate diklo (Duplicate) a awm loh nan, Pastor, Minister leh Kohhran te
fimkhur tak leh dik taka Baptisma Certificate pe chhuak tura ngen in ni e. Hei hi Kohhran/Synod mualpho
theihna a nih avangin fimkhur lehzual turin kan inngen a ni.

Synfocity=314 2
Tin, Doordarshan Kendra, Aizawl leh MSACS tangkawp chuan HIV/AIDS darh zel tur ven nan, November 2010
hian ‘Red Ribbon Choir Competition’ a buatsaih dawn a, Bial/Kohhran mal zaipawl tel duh te tan tel theih a ni
e.

Upa Vanlalhuma,
Secretary (Sr.)

NEICC PUAL TAWNGTAI


Tawngtai Thupui Turte
1. Kum 2010 - 2012 chhung atana Office Bearer tharte tan -
President : Rev. K. Nongpluh
Vice President : Rev. Dr. J. Huoplien Neitham
Secretary : Rev. N.S. Phawa (Dec. 2010 thleng)
Rev. R. Lalnunzira (Jan. 2011 atanga Dec. 2013 thleng)
Treasurer : Elder K. Lyngkhoi
2. Rawngbawlna peng hrang hrang enkawltu Standing Committee member-te tan
3. NEICC member kohhran 35 leh associate member kohhran 12 te tan
4. Union Christian College, Barapani-a thawktute leh zirlaite tan
5. May, 2012-a NEICC-in kum 75 a tlin lawmna (Platinum Jubilee), KJP Synod Sepngi-in an thlen
tur atan
6. Chi leh chi intihbuaina kara remna palai hna NEICC hminga thawktu Joint Peace Mission
hmalakna atan

HNARUAK
 Presbyterian Communications Department (Synod Press) atan PRESCOM Asst. -III Contract-a thawk tur,
Computer Word Processing & Graphic lam thiam mamawh a ni a. November 15, 2010 ral hmain a hnuaia
hming ziak hnenah hian HSLC leh a chunglam tan dil theih a ni e.
Written & : November 19, 2010 (Zirtawpni)
Practical Exam hun Dar 10:00 a.m.
A hmun : Synod Conference Centre

Upa F. Lalsangliana,
General Manager
Presbyterian Communications Department
 Synod Office-ah - Recording Assistant -1, Editing Assistant - 1 leh Cameraman - 1 hna a ruak a. HSLC chin
tan October 27, 2010 thleng dil theih a ni ang. Dilnaah Kohhran lehkha leh Certificate tul angte thil tel tur a ni.
Written Exam : October 28, 2010; 10:00 a.m.
A hmun : Synod Conference Centre

Rev. Vanlalzuata,
Senior Executive Secretary

………………………………………………….............................................................................................................................

14th October, 2010


Mail us at -
synfo@sancharnet.in; synfo@yahoo.com
Synod Information & Publicity; Aizawl, Mizoram. India
Phone: 0389 2314648
Fax : 2316598 Website – www.mizoramsynod.org

Synfocity=314 3