You are on page 1of 2

Highland Clearance

Short story by Moira McPartlin

Ah can almost hear Archie in the next room, faffing and pacing – his disapproval reachin’
me fae the grave. The flair boards might be creaking but ah know it’s jist the hoose
settling hersel’ doon fur the night.
Ah cannae believe this is ma last night in this room, ah’ve slept here fur as long.
First as a child sharing wi Archie, that wis until he got too big and wis moved intae the
kitchen recess. When the parents went, wan efter the ither, Archie took up residence in
their room, through the wall fae me. It wis jist the two o’ us then, left tae git oan wi
things. He always wis a night pacer and ah niver did get used tae the silence when he
Ah expect that Edinburgh bitch ‘ll be here at the toot the morra morning;
champin’ at the bit tae tear the hoose intae her way oh likin’ and ah know jist where
she’ll stert.
Ah wonder wit Faither wid huv said aboot me sellin’ the croft intae a holiday
home. Ah couldnae count the generations o’ MacKenzies that lived and worked this
place. It wis bad enough when Help the Aged poked thir nose intae oor business a few
years ago. Ah could hear Faither’ birrlin in his grave when they came in and covered up
a’ the tongue and groove walls wi’ padded wallpaper tae stop the drafts. And he wis that
particular aboot keeping the peat fires goan in a’ the rooms, but Help the Aged insisted
they wir a fire hazard up the stair and pit in they useless electric things.
Mind, Faither widnae huv believed the interest ah’ve hud in this place. Ah even
had a pop star flew up here in a helicopter fur a look, but he wisnae interested when he
heard aboot the iffy internet connection.
It wis jist a shame that nice couple fae the village couldnae huv afforded mair
money, they’d huv done something wi the place.
‘Anither nail in the coffin of the community’ the meenister said. He didnae say
that when the pub wis revitalised by that Yorkshire wummin, did he? It’s a’ right fur him
in his fancy new manse wi its fitted carpets and electric central heating. He disnae huv tae
pit up wi the scuttlin’ invasion o’ field mice behind the skirtin’ the minute the
temperature drops below zero ootside, and he disnae huv tae hirple ma auld bones oot tae
the coal hoose every morning and freeze until the kitchen fire catches.
Well, the deed is done. This is the last night ah’ll huv tae lie in bed and look at
the peeling wallpaper roond that botched job the Help the Aged plasterer made o’ the fire
place. The Edinburgh bitch spotted it right away the first time she came tae view. Niver
said a word; jist rubbed her hand o’er the wall. That type think we’re a’ donnert up here.
Ah could see her calculating dippin’ and strippin’ the doors and scourin’ the wallpaper
doon tae the tongue and groove, but it wis the promise o’ fireplaces that sold her the
Next time she came she asked if the fireplaces were boarded up.
‘Search me,’ says I, wi ma fingers crossed behind ma back.
Little dis she know ah got the plasterer tae take the fireplaces oot and ah took
them tae auction tae be selt on tae folk like her in the cities. That money came in right
handy tae buy a new rug and a swish marble mantelpiece fur ma nice wee, central heated
flat in the toon. Ah’ll jist huv tae live wi Archie’s disapproval.

Highland Clearance 1