Panunuring Pampelikula

Republic of the Philippines
Laguna State Polytechnic University of the Philippines

San Pablo City Campus
Del Remedios, San Pablo City
GRADUATE STUDIES AND APPLIED RESEARCH
________________________________________________________________________________
KODA NG KURSO: COGNATE 208

PAMAGAT NG KURSO: KONTEMPORARYONG PANITIKAN NG PILIPINAS
PROFESSOR: BB. GUILLERMA DIJAN
MAG-AARAL: CRISTELYNE CHEYENNE FIEDACAN, MAED-FILIPINO
Pagsusuring Pampelikula
_______________________________________________________________________________
Buod ng pelikulang “Bata-Bata Paano Ka Ginawa”

Nagsimula ang nobela sa pagmamartsa ng magtatapos sa kinder, isa si Maya, ang anak ni Lea kay Ding
ay gragradwayt ng oras ng iyon. Bago simulan ang pagbibigay ng honors ay may inilatag na isang programa
ang paaralan, yung ay ang Ms. Kinder ’83, kasali si Maya sa mga kalahok. Hindi hinayaan ni Lea na lagyan
ng kahit na anong panretoke sa mukha o kahit lipstick man lang si Maya dahil naniniwala si Lea na ang
ganda ng isang bata ay wala sa mayk-up o kung anong kolorete sa mukha. Tumulo ang luha ni Lea nang
tanghaling Ms. Kinder ang anak. Nagkaroon ng konting salo-salo sa bahay ni Lea na kung saan ang
karamihan sa kanilang bisita ay mga bata, dumating naman si Pilar sa kanilang bahay at inalok si Lea na
isali si Maya sa contest ng Johnsons Johnsons at iisponsoran nito ang bata ngunit ayaw na itong isali ni
Lea sa kahit na anong contest. Nasa trabaho si Lea nang mga oras na iyon nang tumawag si Raffy sa kaniya
upang sila’y muling magkita at magka-usap. Humingi si Raffy ng pabor kung maaaring makasama niya si
Ojie, pumayag naman si Lea at agad na sinabi ito kay Ojie, ngunit hindi sang-ayon dito si Ding, nagpumilit
namang sumama si Maya, at mahigpit na binilinan ito ni Ding na alamin ang bawat kilos ni Lea at Raffy.
Nang magkitang muli ang mag-amang Ojie at Raffy ay masayang-masaya ang dalawa, pumunta sila sa
isang karnibal at doon nagkaroon ng pagkakataon na magka-usap muli ng masinsinan sina Raffy at Lea,
dito na umiyak nang umiyak si Lea sa paglalabas ng sama ng loob nito kay Raffy, nalaman ni Lea na
mayroon na palang bagong asawa si Raffy at tatlong buwang buntis na ito. Tumira si Ojie sa kaniyang ama
sa loob ng isang buwan at pinayagan naman ito ni Lea ngunit ayaw itong paalisin ni Ding dahil wala raw
makakasama si Maya sa bahay pero wala nang magagawa pa si Ding. Nang makabalik na si Ojie sa bahay
ni Lea ay nagpatuli naman na ito, bagamang onse ayos pa lang ay gusto na nitong magpatuli. Nagka-usap
muli sina Lea at Raffy at sinabi ni Raffy na gusto niyang isama si Ojie sa Amerika. Araw na nang pasukan
at sinamahan na ni Lea si Maya sa silid nito, nalito pa ang guro sapagkat akala nito ay De lara din ang
apelyido ni Maya. Nagkaroon ng isang miting ang lahat ng magulang sa eskuwelahan at nagpakilala ang
bawat magulang. Nainis si Lea at nung siya na ang magsasalita ay sinabi nito na huwag nang sayangin pa
ang kanilang oras. Nagbotohan naman sila ng officers at may isang lalaki doon na laging isinasali ang
pangalan ni Lea sa mga kandidato, muli ay nainis siya at saka nagsalita nang nagsalita. Nang mabasa ni
Lea ang balita ay dali-dali itong pumunta ng kaniyang opisina upang malaman ang nangyaring pagkamatay
ni Ninoy Aquino, laman ito ng balita at libo-libong tao ang nagprotesta dahil sa nangyari.Natapos na ang
unang kuwarter ng pasukan at ibinigay na sa mga bata ang kanilang report card at dahil sa malalim na pag-
iisip ni Lea ay nagkapalit nang pirma ito sa report card ng mga bata, kaya naman nagbigay siya ng sulat sa
guro nito na kung maaari ay baguhin na lang at magbabayad na lamang siya, pero ang sabi ng mga guro
ng mga bata ay kanilan siyang kausapin ng principal. Nang magka-usap ang principal at si Lea ay nalaman
ng principal ang trabaho ni Lea at humanga ito sakaniya dahil kaya niyang ipaglaban ang karapatan ng tao.
Naging magkaibigan si Lea si Mrs. Zalamea. Nasa trabaho si Lea nang tumawag ang kaniyang kapitbahay
at ibinalita rito na naospital ang kaniyang mga anak. Pagdating niya sa ospital ay bukol sa ulo ang natamo
ni Ojie at gasgas naman ang kay Maya, galit na galit na dumating sina Ding at Raffy, nanermon nang
nanermon ang dalawa na para bang siya lahat ang ay kasalanan sa nangyari, dahil din sa galit ni Lea ay
iniwan niya ang mga bata sa kani-kanilang ama. Dahil sa inis ay tinawagan ni Lea si Johnny ay niyayang
manood ng sine, pagkatapos nito ay inalok ni Lea si Johnny na makipag-anohan sa kaniya, nung una ay
ayaw nito pero kalaunan ay pumayag na rin. Nang makalabas na ng ospital ang kaniyang mga anak ay
naghanda siya ng kaunti upang makabawi sa mga ito dahil sa hindi niya pagdalaw. Pagkaraan naman ng
gabi ay tumawag ang asawa ni Johnny kay Lea at ibinalita rito ang pagkakakulong ni Johnny sa salang
PDA. Sumapit ang pasko at bagong taon, walang Ding na umuwi sa bahay ni Lea ngunit nang umuwi ito
ay sinabi ni Ding na may asawa na siya at nagpakasal sila noong pasko, at gusto nitong isama si Maya.
________________________________________________________________________________

_______________________________________________________________________________
Natapos ang nobela sa pagpili ng kaniyang mga anak na sumama na lamang sa kaniya kaysa sa kanilang
mga ama at ang paggradwayt ni Ojie ng elementarya kung saan nagbigay ng talumpati si Lea na
nagpamulat sa mga batang nagsipagtapos na ang pagiging disente at makabuluhan ng isang bata sa mundo
ay hindi nasusukat sa paraan ng kaniyang pagkakabuo, kundi sa kung papaanong kaniyang binuo ang
kaniyang sarili sa kabila ng mapanghamon at mapanghusgang lipunang kaniyang ginagalawan.
1. Palalimin ang pamagat ng pelikulang “Bata Bata Paano Ka Ginawa.”

Sa lipunang ating ginagalawan, lalo;t higit sa kasalukuyang panahon kung saan ang pag-iral ng
isang bagay o tao ay tampulan ng usapan, hindi na bagong isyu ang kalagayan ng isang pamaliyang
binubuo ng iba pang miyembro o iyong mga pamilyang mayroon nang naunang pamilya, ngunit
marahil sa ilang usaping hindi pinagkakaunawaan ng mag-asaawa, ang isang relasyon ay nauuwi sa
hiwalayanng isa sa mga nagiging sanhi upang makahanap muli ng ibang makakasama at bumuong
muli ng pamilya, kung kaya’t kung mayroon mang naging bunga ang naunang pagsasama, siya ay
magiging bahagi na ng panibagong pamilyang nabuo. Ngunit, kung ating sasalaminin, paano ng aba
nasisira ang unang pagsasama, at paano nagsisimula ang bagong pagbuo ng pamilya na kasama ang
bunga noong nauna? Sa aking palagay, ang pelikula ay pinamagatang “Bata Bata Paano ka Ginawa,”
sapagkat ito ay tumatalakay sa iba’t-ibang dahilan at paraan kung bakit at papaanong ang isang bata
ay nabubuo o umiiral sa mundo. Ang iba ay bunga ng kapusukang humahantong sa hindi inaasahang
pangyayari. Mayroong ilang bunga ng pagmamalupit at sapilitang pakikiiniig kung kaya’t nauuwi rin
sa di inaasahang pagdadalang-tao, ngunit hindi maitatanggi ng bawat isa na ang halos ng batang umiiral
sa mundo ay bunga ng taos at totoong pagmamahalang namamagitan sa mag-asawa o magkasintahan.
Bakit ng aba para sa ilan, malaking usapin, ang iyong pinagmulan? Bakit nagiging tampulan ng tukso
ang mga kabataang bunga ng di inaasahang pagkakataon o dili kaya’y lumaki sa piling ng hindi tunay
na pamilyang maituturing. Bakit sa kasalukuyan at modernong mundo, lumalaganap ang mga
mapaghatid-dumapit na siyang nagnanakaw ng karapatan ng isang batang mamuhay ng payapa at
naaayon sa kaniyang nais. Walang kasalanan ang isang bata kung humantong man sa di-
pagkakaunawaan o nauwi sa hiwalayan ang pagsasama ng kaniyang mga magulang, ang mahalaga
lumaki siyang isang mabuting tao at may pagtatanggi ng sarili sa Poong Lumikha. Nais ng pamagagat
ng pelikula na ipabatid sa bawat manonnood na hindi mahalaga ang pinagmulan ng isang bata, ang
mahalaga ay kung papaano niya ginugugol ang kaniyang panahon dito sa mundo, at kung papaanong
siya ay lumaki bilang isang ganap na tao. Ang pagkatao at katangian ng isang bata ay hindi nasusukat
sa paraan ng kaniyang pagkakabuo kundi sa paraan ng kaniyang pagkatuto sa katuturan ng kaniyang
pag-iral sa mundo. Tinutturuan tayo ng pamagat ng pelikula, na iwaksi sa ating isipan ang pagiging
mapanghusga at ang malaong pakikielam sa buhay ng may buhay, sapagkat bawat isa atin ay may
kaniya-kaniyang paraan ng paggugol at pakikisuong sa buhay, hindi pare-pareho ngunit iisa ang
layuning makabuo ng isang bayayang binubuo ng mga kabataang disente at makataong na tanging
maipamamana ng mga magulang sa isang anak.
2. Implikasyon ng Pelikula
2.1 Sa aking Buhay:
Lahat ng tao ay may karapatang mabuhay, saan man siya nagmula at anuman ang dahilan ng
kaniyang pag-iral sa mundo. Sa panonood ko ng pelikula, aking napagtanto na sa buhay ng isang tao,
hindi mahalaga kung papaanong siya ay nabuo, kung hindi kung papaanong kaniyang binuo ang
kaniyang pagkatao sa kabila ng kakulangan o kuwento sa likod ng kaniyang pag-usbong sa mundo.
________________________________________________________________________________

_______________________________________________________________________________
Ang buhay ng isang tao ay maikli lamang at hindi dapat sayangin sa panghuhusga at panlilibak ng
isang tao. Natutunan kong mas lalo pang pahalagahan ang aking buhay sapagkat mayroon akong
pamilya, mga kaibigan at mga katrabaho na tanggap kung ano at sino ako.
2.2 Sa aking Sarili

Bilang isang anak, hangad ko rin ang walang sawang pagkalinga ng aking mga magulang, hindi ko
man naranasan ang naranasan ng dalawang bata (Ogie at Maya), damang-dama ko ang pag-apuhap ng nila
lalong lalo na si Ogie, sa pagmamahal ng isang tunay na ama. Lumaki akong kapiling ang aking ama,
bagaman, hindi ko naranasan ang mga karanasan nina Ogie at Maya, aking napagtanto na isa ako sa mga
taong lubusang pinagpala sapagkat kapiling ko ang aking ama, maging ang aking buong pamilya.
Maraming pagkakataong hinihiling ko na sana hindi na lamang sila ang magulang, sa mga pagkakataong
mayroon kaming hindi pagkakaunawaan, na mas ninanais kong tiisin sila at pagsalitaan ng masasakit na
salita sapagkat sa pakiramdam ko ay hindi nila ako nauunawaan, at hindi nila naiintindihan ang mga naisin
ko sa buhay, ngunit sa panonood ko ng pelikula, malaking bahagi ng aking puso’t isipan ang nagbago
sapagkat aking napagtanto na sa pag-unlad ng isang tao at sa pagbuo ng mga desisyon sa buhay, malaking
bahagi ng pagtatagumpay ang mga magulang. Madalas nating sabihing hindi nila tayo naiintindihan sa
mga gusto natin, hindi nila nauunawaan ang mga bagay na kinaaliwan natin, akala natin wala silang
pakialam sa atin, na ang nasa isip lamang nila ang matugunan ang ating mga pangangailangan, na salat at
uhaw tayo sa kanilang pagkalinga at pagmamahal, ngunit walang magulang na magnanais ng anumang
ikapapahamak ng kaniyang anak, marahil hindi nila tayo nauunawaan dahil iyon ang ating palagay, ngunit
ang katotohanan, tayong mga kabataan ang nagsasara ng ating puso’t isipan sa mga payo at saway ng ating
mga magulang sapagkat ang ating pinaiiral ay kung anong akala nating sa ganang atin ay makabubuti.
Natutunan kong mas lalo pang pahalagahan ang aking magulang, mas lalo pa silang unawain, sapagkat sa
bandang huli sa kanila rin ako tatakbo sa mga panahong sila ay kailangang-kailangan ko.
2.3 Sa Pamilya
Ang pamilya ang siyang pangunahing sentro ng lipunang ating ginagalawan. Malaking bahagi ng
iyong pagkatao ay malaong hinuhubog at nililinang sa piling ng pamilyang iyong kinikilala. Sa loob ng
tahanan, nabubuo ang pagmamahalan ng isang pamilya, ngunit paano nga ba kung sa loob ng tahanan,
hindi mo nararamdaman ang pagmamahal at pagkalinga ng isang magulang? Sa pelikula, si Ogie ay anak
ni Lea sa kaniyang naunang asawa na si Raffy, na dahil nga sa hindi pagkakaunawaan ang kanilang
relasyon ay nauwi sa hiwalayan naging lunsaran upang makahanap sila ng kani-kanilang bagong
makakasama. Bagaman, itinuturing ni Ding, ang bagong kinakasama ni Lea, si Ogie bilang parte ng
kanilang pamilya, hindi maramdaman ni Ogie na ititnuturing siyang anak nito. Pakiramdam niya ay kulang
siya, sapagkat, wala siyang kinikilalang tunay na ama na tulad ng kaniyang nakababatang kapatid sa
kaniyang ina na si Maya. Bilang isang anak na lalaki, may mga bagay at usaping nais lamang ibahagi ng
isang anak na lalalaki sa kaniyang ama, at bilang isang kabataang naghahanap ng pagkalinga ng isang ama,
sinubukan ni Ogie na isiksik ang kaniyang sarili sa amang kaniyang nakagisnan, kahit pa nga minsan na
siyang itinaggi nito sa mga tao, ngunit hindi niya naapuhap ang pagmamahal na kaniyang nais sa loob ng
kanilang tahanan, kung kaya ginugol niya ang kaniyang buong panahon sa kalayawan, upang maibsan ang
sakit na kaniyang nararamdaman, sapagkat sa tingin niya hindi siya importante sa pamilya, hindi siya
kinikilala bilang anak ng kaniyang ama-amahan at palaging abala ang kaniyang ina sa kaniyang
hanapbuhay. Wala siyang mapagbahaginan ng kaniyang mga saloobin at palagay, kung kaya’t binubuhos
niya ang kaniyang oras sa pagliliwaliw upang kahit papaano ay mabawasan ang bigat ng kaniyang
________________________________________________________________________________

_______________________________________________________________________________
kalooban. Aking napagtanto, na ang maayos at malusog na komunikasyon sa pagitan ng bawat miyembro
ng pamilya ang isa sa mga susi ng isang matatag na samahan ng isang pamilya. Kung sa loob pa lamang
ng sambayahan, marupok na pundasyong nabuo, hindi malayong kaagad o madali itong matitinag ng kahit
isang magaang suliraning dumating sa pamilya. Natutunan kong pahalagahan ang bawat miyembro ng
aking pamilya, na kung ako man ay bubuo ng aking sariling pamilya, aking sisikapin na kanilang
maramdaman, sa loob pa lamang ng aming tahanan ang walang hanggang pagmamamahal at pagkalinga
ko sa kanila bilang kanilang magulang. Pangingimbabawan ko sa aking mga anak ang pag-iibigang
magkakapatid, at pananatilihin ko ang maayos at palagiang kominukasyon sa pagitan ng aking mga anak
at naming mag-asawa. Hindi ko ipararamdam sa kanila na sila ay hindi kamahal-mahal at palagi ko silang
pakikinggan at susuportahan sa mga bagay at naisin nila sa buhay. Akin ding pananatilihin ang magandang
relasyon sa aking asawa, sapagkat ayokong ipakita at iparamdam sa aking mga anak na dahil sa mga bagay
na hindi namin napapagkasunduang mag-asawa sila ay madadamay at maapektuhan.Bagaman hindi ko
naranasan ang pagkakaroon ng isang wasak o hindi buong pamilya, ramdam ko ang sakit at pighati na
dulot nito sa mga anak, na nadadala at dinaramdam nila hanggang sa kanilang paglaki, na minsang pa nga
aay nagiging lunsaran ng pagkapariwa ng kanilang buhay at iyon anng ayaw kong maranasan ng aking
mga magiging anak.
2.4 Buhay may—asawa

Ayon nga sa kasabihang palasak na sa lahat ng magsing-irog na susuong sa panibagong yugot ng kanilang
buhay, “Ang pag-aasawa ay hindi kaning mainit na kapag iyong isinubo at ikaw ay napaso, maaari mong
iluwa.” Sa pag-aasawa maraming “unang pagkakataon,” na akala ng karamihan alam na nila ang lahat,
kaya na nila ang lahat at magagawa mo na nila ang lahat. Mga “unang pagkakataong” hindi nila nakita sa
kanilang balintataw bago nila suungin ang buhay may-asawa. Mga unang pagkakataong hindi nila lubos
maisip na kanilang mararanasan sapagkat nagsumpaan sila sa harap ng Diyos na magsasama silang mag-
asawa sa hirap at ginahawa, na tanggap nila ang kabuuan ng kanilang mapapangasawa, maganda man o
hindi maganda, ngunit sabi pa nga ng isang pang sikat na sawikain, “ang buhay ay parang gulong, minsan
nasa ibabaw, minsan nasa ilalim.” Hindi sa lahat ng pagkakataon papaburan ng pagkakataon ang
pagsasama ng mag-asawa. Nariyan ang iba’t-ibang suliraning nagtatangkang wasakin ang masaya at
matatag na pagsasama. Kung mahina at nagpadala sa bugso ng damdamin ang isa, maaaring magbunsod
ito ng pag-aaway o mas maalala pa ay mauwi sa hiwalayan. Ang hindi magandang ugnayan at
pagmamataasan sa pagitan ng mag-asawa ang ilan sa mga dahilan kung bakit ang isang madangang
relasyon ay nauuwi sa hindi pagkakaunawaan at hiwalayan. Maanong magbigayan at unawain ang isa’t-
isa upang masulosyunan ang problema. Sa pelikula, isa sa mga dahilan ng hiwalayan ni Raffy at Lea, ay
ang hindi nila pagkakasundo sa paraan ng pamumuhay ng isa’t-isa, sapagkat si Raffy nais dalhin si Lea sa
ibang lugar na para sa kaniya ay tahimik at walang gulo kung saan hindi na maghahanap-buhay si Lea at
mag-aalaga na lamang ng kanilang magiging anak, si Lea naman ayaw niyang sumama kay Raffy sapagkat
ayaw niyang iwanan ang kaniyang hanapbuhay na isa sa mga bagay na kaniyang pinahahalagahan.
Nagpatuloy ang kani-kanilang sariling buhay na malayo na sa isa’t-isa na di kalaunan nga ay nakahanap
na si Lea ng kaniyang panibagong makakasama, ito nga ay si Ding, ang ama ni Maya, na hindi naman
lingid sa kaalaman ni Lea, ay may nauna na ring kinakasama. Naging maays ang mga unang yugto ng
kanilang pagsasama, katunayan nga ay napalaki nila ng maayos ang kanilang anak na si Maya, gayundin
ang anak ni Lea kay Raffy na si Ogie. Nagkaroon ng magandang samahan ang magkapatid, na parang
tunay silang magkapatid. Ipinagpatuloy ni Lea ang kaniyang hanapbuhay gaya na rin ng kaniyang nais at
tuluyan na ngaang nawala ang ugnayan sa pagitan nila ni Raffy. Bilang isang ina, pinagsasabay ni Lea,
________________________________________________________________________________

_______________________________________________________________________________
ang kaniyang pagsisilbi sa bayan, lalo’t higit sa mga kababaihan at ang pag-aalaga kay Ding at sa dalawang
anak, ngunit sa tagal ng panahong sila ay magkasama ni Ding, pakiramdam niya ay may kulang sa kanilang
pagsasama, at iyon ng ay ang pagmamahal sa isa’t-isa, na kung lilimiin, ang nakapagpapatagal na lamang
sa kanilang pagsasama ay si Maya, sapagkat ramdam at alam ni Lea na hindi lamang siya ang laman ng
puso ni Ding, sapagkat may nauna nga itong asawa. Ibinigay niya ang lahat kay Ding, ngunit pakiramdam
niya hindi ganoon ang huli sa kaniya. Madalas silang magtalo, at madalas din iyong masaksihan ng mga
bata. Madalas na hindi umuuwi si Ding, at ang idinadahilan ay ang kaniyang ina, kung kaya wala nang iba
pang masabi si Lea, sapagkat ayaw naman niyang magkaroon sila ng hindi pagkakaunawan ng ina ni Ding.
Hindi lingid sa kaalaman ni Lea na hindi na masaya at malusog ang kanilang pagsasama, ngunit ipinipilit
pa rin niya, sapagkat kaniyang iniisip ang kaniyang mga anak, na musmos pa at nangangailangan ng isang
ama. Sa panonood ko ng pelikula, aking napagtanto na ang buhay may-asawa ay hindi isang biro, nab ago
koi to suungin dapat ko munang isipin ang mga posibilidad na maaaring mangyari sa paglaon ng pagsasama
naming mag-asawa. Hindi ko hahayaang mawala ang pagmamahal namin sa isa’t-isa, pangingimbabawin
ko ang pag-unawa sa pagkakaiba naming dalawa at matututo akong makinig sa mga saloobin at pananaw
niya. Hindi ko hahayaang masira anng aming relasyon ng dahil lamang sa pakiramdam na sinasakal ko
siya at yaong gusto ko lamang ang nasusunod. Babalansehin ko ang oras ko sa hanapbuhay at sa kaniya,
maging sa aming mga anak. Walang perpektong relasyon at pagsasama, lahat ng mag-asawa dumadaan sa
iba’t-ibang hamon ng buhay, may madaling solusyunan, mayroong mahirap, ngunit hindi malulutas ang
mga iyon kung hindi magkasamang lulutasin at sosolusyunan. Matututo akong pakinig, at hindi ko paiiralin
ang aking “pride.” Kung paanong gusto kong igalang ako ng aking asawa, ganoon din ang paggalang na
ibibigay ko sa kaniya. Hindi ko gagawing sangkalan ang aking pagkakababae upang mapailalalim sa akin
ang aking asawa, kung siya ang tama, aking tatanggapin, kung ako ang nagkamali, akin siyang pakikinggan
sapagkat sa buhay mag-asawa, hindi mahalaga kung sino ang kumikita ng malaki, kung sino ang may
malaking ambag upang buhayin ang pamilya, ang mahalaga ay kung papaanong kayong mag-asawa ay
nagtutulungan sa pagpapa-unlad ng inyong buhay at pagpapalaki ng inyong mga anak, sapagkat kung ano
ang nakikita ng mga anak sa kanilang mga magulang kanila itong babaunin at madadala hanggang sa
kanilang pagtanda.
2.5 Kamalayang Panlipunan

Sa lipunan, isang malaking usapin ang mga kabataang napapariwa ang buhay, isa sa mga dahilang
tintitingnan ang paraan ng pamumuhay na kanilang nakagisnan. Marami sa mga kabataan ngayon, ang
lumaki na hindi buo ang pamilya, at ito ang isa sa mga nagiging dahilan upang sila ay magrebelde na
nagiging lunsaran ng malaong pagkasira ng kanilang kinabukasan. Ipinamulat sa akin ng istorya, ang ilan
sa mga eepekto ng isang wasak na pamilya, isa na dito ang maituturing na pagrerebelde ni Ogie, na ang
alam ng kaniyang inang si Lea, ito ay pumapasok pa sa paaralan,, ngunit hindi na pala, mangyari pa ay
ginugugol ni Ogie ang oras na dapat ay nasa paaralan siya sa pagbibilyar, na kung tutuusin, bagaman mali,
hindi masisi si Ogie sapagkat, nasa yugto siya ng kaniyang buhay na higit na nagngailangan siya ng
pagkalinga ng kaniyang mga magulang, ngunit dahil nga lagging abala si Lea sa pagtatrabaho, at lagi rin
namang wala ang kaniyang ama-amahan, wala siyang mapagsabihan at mapagbahaginan ng kaniyang mga
naisin at saloobin sa buhay, kung kaya inuubos niya ang kaniyang oras sa pagsasaya kaysa magmukmok
sa kanilang bahay. Marami sa mga kabataan ngayon, ginugugol ang kanilang oras sa mga gawaing
makapagpapasaya sa kanila sapagkat ayaw nilang maramdaman ang sakit ng pagkakaroon ng isang hindi
buong pamilya. Sa kuwento, bagaman noong una, malaon nang nahuhumaling si Ogie sa kalayawan,
nangibabaw pa rin sa kaniya ang pagsisisi at ipagpatuloy ang kaniyang buhay sa mabuting paraan. Aking
________________________________________________________________________________

_______________________________________________________________________________
napagtanto na walang anumang katanggap-tanggap na dahilan upang suwayin, balewalain at pariwarain

ang aking buhay. Dumating man sa akin ang mga pagsubok, binigyan ako ng Diyos ng isip, upang gamitin
sa tamang paraan para sa ikakabuti ng aking sarili kaya’t nararapat lamang na gamitin ko ang aking isip at
damdamin sa tama at akmang pagppasay sa bawat sitwasyon o suliraning aking kakaharapin.
Ipinaunawa rin sa kuwento ang kahalagahan ng mga kababaihan, partikular na ang mga ilaw ng
tahanan sa lipunang ating ginagalawan. Ang pangunahing dahilan ng kanilang pag-iral sa mundo ay ang
panatilihin ang mgandang ugnayan sa loob ng pamilya, higit sa lahat ay arugain at palakihin ng maayos
ang kaniyang mga anak. Kinakayang tiisin ng isang ina ang hapdi ng hagupit ng tadhana para lamang sa
ikabubuti ng mga anak. Isa itong patunay na ang ga kababaihan ay mayroong malaki at mahalagang pael
na ginagampanan sa lipunan, hindi lamang sila pantahanan ngunit malaki ang kanilang magagawa upang
mabuo ang takbo ng ating lipunan. Katulad na lamang sa pelikula, si Lea ay isang ina, ngunit bukod sa
pagiging ina, siya rin ay isang mahusay na kawani ng gobyerno na tumutulong mga kababaihang nagiging
biktima ng kapusukan at kawalang respeto sa mga kababaihan ng lipunan. Kaniyang pinagsasabay ay
kaniyang mga responsibilidad sa bayan at ang kaniyang resposnisbilidad sa pamilya na isang patunay na
ang mga kababaihan ay mayroong malaking bahagi sa pag-unlad ng bayan. Isa pa ay ang karapatan ng mga
kababaihan na makilahok at maging bahagi ng anumang gawaing panlipunan bilang paglilimita sa mga
bagay na hindi nila kayang gawin.
3. Ano-ano ang mga eksena sa pelikula na tumatak sa iyong isipan? Bakit?

Ilan sa mga eksenang tummatak sa aking isipan ay mga sumususnod:
3.1 Yaong eksenang muling nagkita sina Raffy at Lea pagkatapos ng mahabang panahong hindi
nila pagkikita,kitang-kita ang pagkabigla ni Lea sapagkat hindi niya inaasahang magkikita silang
muli. Kapansin-pansin din ang pananabik ni Lea sa muli nilang pagkikita, naudlot lamang ito nang
mapagtanto niyang ang dahilan ng kaniyang pakikipagkita ay upang ipagpaalam ang kanilang anak
na si Ogie, sapagkat nais itong makita ng lalaki, nadagdagan pa ito ng pag-amin ni Raffy na
mayroon na rin siyang kinakasama at ito ay nagdadalang tao. Bagaman naudlot ang kaniyang
pananabik, masaya pa rin si Lea sapagkat alam niyang hindi pa iyon ang huling pagkakataon na
muli silang magkikita.
3.2 Noong sa unang pagkakataon ay nagkita si Raffy at si Ogie, masasalamin ang pananabik at
walang kapantay na saya sa panig ni Ogie, sapagkat iyon ang unang pagkakataong nakita niya ang
kaniyang tunay na ama. Masayang-masaya si Ogie.
3.3 Tumatak din sa aking isipan ang eksena kung saan nagkaroon ng pagkakataong makapag-usap
ng masinsinan ang mag-amang Ogie at Raffy sa tabing-dagat, na sa unang pagkakataon,
naramdaman ni Ogie ang pagkalinga at pagmamahal ng isang ama na handang makinig sa kaniyang
mga saloobin at hinaing sa kaniyang buhay. Kapansin-pansin ang kalungkutan sa mukha ni Ogie,
gayundin sa mukha ni Raffy na damang-dama ang kalungkutang nadarama ni Ogie nonng ikuwento
na nito ang kaniyanng relasyon sa kaniyang ama-amahan na si Ding. Naramdaman ni Raff yang
pagkukulang niya kay Ogie bilang isang ama.
3.4 Isa pa sa mga eksenang tumatak sa aking isipan, ay noong umuwi si Lea galing sa trabaho, at
naabutan niyang nasa labas ng bahay si Maya. Nalaman niya mula sa bata na si Ogie ay hindi
pumapasok sa paaralan at palaging naglalaro ng bilyar, dahil sag alit pinuntahan ni Lea si Ogie sa
________________________________________________________________________________

_______________________________________________________________________________
bilyaran at kaniya itong pinagalitan sapagkat para kay Lea isa io sa mga dahilan ng ikakapariwa
ng kaniyang buhay. Sa unang pagkakataon ay isiniwalat ni Ogie ang kaniyang saloobin at
damdamin sa kaniyang ina. Sa palagay kasi ni Lea wala siyang ginagawang masama, ngunit para
kay Ogie ay mayroon, at ito nga ay ang labis na paggugol ng kaniyang oras sa trabaho at palagiang
alitan sa pagitan nilang mag-asawa. Napagbuhatan ni Lea ng kaniyang kamay si Ogie. Sa bandang
huli napagtanto ni Lea na ang dahilan ng parerebelde ni Ogie ay ang labis nitong kagustuhan na
sumali sa Boy Scout kasama ang kaniyang ama, ngunit para sa kaniya wala naman siyang tunay
na ama na maituturing. Ipinaliwanag ni Lea sa anak na ginagawa niya ang lahat para matugunan
ang mga tungkulin ng mga magulang sa isang anak, ngunit hindi dapat isisi kaniya ang kakulangan
sa kaniya ng kaniyang ama. Nagkaayos din ang mag-ina na nagpapatunay lamang na walang inang
kayang tiisin ang kaniyang anak, at walang anak na kayang talikuran ang kaniyang ina.
3.5 Pasko noon, hinihintay ni Maya ang pagdating ng kaniyang amang si Ding, ngunit hindi ito
dumating, dumaaan na rin ang Bagong Taon, ngunit hindi pa rin ito nagpakita sa kaniyang pamilya.
Makalipas ang ilang linggo, si Ding ay umuwi sa kanilang bahay, pansin ang bahagyang pananabik
sa mukha ni Lea, ngunit ito ay napalitan nang sabihin ni Ding na mayroon na siyang bagong
kinakasama at matagal na silang nagsasama na dahilan ng hindi nito palagiang pag-uwi sa pamilya,
pinilit ni Lea na itago ang sakit na kaniyang nararamdaman at inaasyos pa rina ng sarili. Ngunit
hindi na rin napigilan ni Lea ang bugso ng kaniyang damdamin ng sabihin ni Ding na tapos na
kanilang relasyon at hindi na ito uuwi sa kanila sapagkat ikinasal na siya sa bago niyang asawa .
Bakas sa mukha ni Lea ang kalungkutan ngunit dahil sawang-sawa na siya sa palagian nilang pag-
aaway, iniiyak na lamang niya ang sakit na kaniyang nararamadaman. Damang-dama ko ang
eksena ng isang babaeng niloko sa kabila ng wagas na pagmamahal nito.
3.6 Isa pa sa mga eksenang tumatak sa aking isipan, ay ang eksenang pinili ng dalawang bata si Lea
kanilang makasama sa kabila ng magagandang buhay na inihahandog ng kanilang mga ama.
Kitang-kita kung gaano kamahal ng magkapatid ang kanilang ina na handa nilang talikuran ang
magandang buhay na kayang ibigay ng kanilang ama ngunit hindi kayang ibigay ni Lea sa kanila,
at kitang-kita rin ang pagmamahal ng magkapatid sa isa’t-isa na kahit pa nga hindi naman sila
tunay na magkapatid, nagibabaw pa rin ang pag-ibig nila sa isa’t-isa. Patunay lamang ito kung
gaano kalahaga ang papel ng isang ina sa paghubog ng pagkatao ng isang anak.
3.7 Tumatak din sa aking isipan ang eksena kung saan, sa huling pagkakataon ay nagkita sia Lea at
Raffy, bago ito magtungo sa Amerika. Bakas sa dalawa lungkot, at makikita rin ang pagsulpot ng
kaunting panghihinayang sa naudlot nilang pagmamahalan sapagkat batid ng bawat isa na naroon
pa rin ang kanilang pagtingin sa isa’t-isa. Pinasya ng dalawa na sa huling pagkakataon, sariwain at
muli nilang balikan kanilang pagmamahalan noong una. Sa huling pagkakataon sila ay nagkasundo
at nagpakaloko, ika nga ni Lea. Sa kanilang muling pagsasama, bagaman bilang ang mga salitang
kanilang sinasambit, damang-dama at kitang-kita ang panghihinayang sa kinahinatnan ng kanilang
pagsasama, gayundin ang naudlot nilang pagmamahalan. Kitang-kita kung gaano ka totoo ang
pagmamahalan nilang dalawa. Naroon din ang pagsisisi sa parte ni lea, sapagkat kung hindi siya
nagpadalos-dalos ng desiyon, hindi sana magiging ganoon ang sasapitin ng kanilang relasyon.
Tunay ngang masasabing pinagtagpo sila ngunit hindi itinadhana.
________________________________________________________________________________

_______________________________________________________________________________
3.8 Bilang panghuli sa mga eksenang talagang tumatak sa aking isipan, ang eksena kung saan nagtapos
na si Ogie ng elementarya at nagbigay ng talumpati si Lea. Sa kaniyang talumpati, kaniyang sinabi
na noong bata pa si Ogie palagi nitong itanatanong kung papaano ba ginagawa at binubuo ang bata,
na naging lunsaran upang tuksuhin si Ogie. Ipinaliwanag ni Lea, nalahat nman ng tao alam kung
papaanong ang isang bata ay nabubuo, ngunit ang nais niyang iparating ay kung papaanong ang
isang bata ang magiging kapakipakinabang., disente at makatao sa kaniyang paglaki, dahil kung
ang bawat bata ay napalaki ng maayos at sa paraang makatao, sana ay nabuo na rin ang isang
disente at makataong lipunan, na nakapagpamulat sa aking isipan na hindi sukatan ng pagiging
isang disente at malinis na tao ang dahilan ng kaniyang pagkakabuo o pag-iral sa mundo, ang
mahalaga ay kung papaanong binuo ng isang bata ang kaniyang pagkatao sa kabila ng kuwento ng
kaniyang pag-iral sa mundo.
4. Ang senaryong tumagos sa aking puso ay iyon senaryo na nagkaroon ng pagtatalo sa pagitan ni
Lea at Ogie, dahil nga nalaman ni Lea ni hind pumapasok si Ogie sa paaralan, sa bahaging iyon ng
kuwento, sa unang pagkakataon ay nakapaglabas si Ogie ng kaniyang sama ng loob sa kaniyang
ina na naging sanhi upang pagtaasan niya si lea ng boses na naging bunga naman ng pagbubuhat
ni lea ng kamay sa kaniyang anak, sapagkat noong una hindi pa niya nauunawaan ang
pinangggalingan ni Ogie, ngunit noong nalaman niya ang tunay na dahilan ni Ogie sa pagrerebelde,
nag-usap sila at nagpaliwanagan sa isa’t-isa. Tumagos siya sa akin, sapagkat bilang isang anak,
dumaraan talaga sa puntong nasasagot ko na rin ang aking mga magulang sa mga pagkakataong
pakiramdam ko hindi nila ako nauunawaan at hindi nila naiitindihan ang aking pinagdadaanan, na
sa tingin ko hinhusgahan nila ang kakayahan ko. Nakapagsasalita ako ng masasakit sa kanila,
sapagkat gusto ko talagang ilabas ang sama ng loob ko na matagal ko nang kinikimkim. Marahil
nga malaon na akong namumulat sa realidad ng buhay, natututo na rin akong sumagot sa kanila.
Bagaman ganoon ang nangyayari, sa pagtatapos ng araw, npagtatanto ko pa rin ang aking
pagkakamali at humihingi ng tawad sa aking mga magulang. Lagi ko na lamang isinasaip na ayaw
nilang mapahamak at mapariwara ang aking buhay kung kaya patuloy nila akong ginagabayan at
pinagsasabihan kahit pa nga masasabing kaya ko nang tumayo sa sarili kong mga paa, sapagkat
ang magulang hanggat buhay sila, magkaroon man tayo ng sariling pamilya, ang ikabubuti pa rin
natin ang iniisip nila.
5. Pagsusuri at Paglalarawan sa mga tauhan ng pelikula

5.1 Lea isa siyang mapag-aruga at mapagkailanga at mapagmahal na ina sa kaniyang mga anak na
sina Ogie at Maya. Nagtatrabaho siya sa iang organisasyon na pinangangalagaan at pinaglalaban
ang karapatan ng mga mga tao lalo’t higit ng mga kababaihan. Naniniwala siya na mas mainam na
sabihin na agad ang totoo sa mga bata kaysa malaman pa nito sa iba na si Ogie ay anak sa una at
hindi sila parehas ng ama ni Maya. Mula umpisa ay hindi nagbago ang ugali at pananaw niya sa
kaniyang buhay. Pinakita rin sa nobela kung gaano siya katatag na ina sa kaniyang mga anak.
5.2 Si Raffy ang naging unang asawa ni Lea at iniwan niya nang magkaroon ng trabaho sa Surigao.
Siya ang ama ni Ojie. Bumalik sa Maynila upang makasama ang kaniyang anak. Mayroon na rin
itong asawa at magtatatlong buwan na itong buntis. Gusto niyang isama si Ojie sa Amerika upang
makapiling na niya ito. Bagama’t pinaglayo ng panahon, sa muli nilang pagkikita ay hindi nagbago
ang kaniyang pakikitungo kay Lea at ang pagmamahal nito kay Ojie, nandoon pa rin ang kaniyang
________________________________________________________________________________

_______________________________________________________________________________
paglalaban na alagaan na lamang ni Lea ang mga bata kaysa sa magtrabaho pa ito sa organisasyon
na isa sa mga dahilan kung bakit nauwi sa hiwalayan ang kanilang pagsasama.
5.3 Si Ding ang pangalawang asawa ni Lea. Siya ang ama ni Maya. Naging karamay ni Lea sa mga
panahong hindi nabibigay ang nais ni Lea kay Raffy. Siya ay maituturing na mama’s boy sapagkat
lahat ng kaniyang ginagawa ay kinukonsulta pa sa kaniyang ina gayong kanya na niyang
magdesisyon para sa sarili niya, lagi rin siyang sunod-sunuran sa sinasabi ng ina. Masasabing hindi
wagas ang pag-ibig niya kay Lea sapagkat sa bandang huli ay nagawa nitong lokohin si Lea at
humanap ng bagong makakasama, bagaman sa unang taon ng kanilang pagsasama ay naging isang
mabuting ama ito sa kaniyang anak na si Maya at pinakitungahan rin niya ng maayos si Ogie, nga
lamang di niya gaanon kinikilala bilang anak.
5.4 Si Ojie ang panganay na anak ni Lea na nagnanais na makilala at maramdaman ang pagmamahal
ng isang tunay na ama kung kaya nga noong unang beses na nagkita sila ni Raffy, sa halip nag alit
ang kaniyang pangmbabawin sa kaniyang sarili, pananabik at walang kapantaya na saya ang
kaniyang naramdaman Isa rin siyang mapagmahala na kapatid sapagkat kahit na may pagkakataong
kinaiinisan niya si Maya ay mahal na mahal niya ito at nais niyang ipakilala sa kaniyang tatay. Siya
ay isang uri ng tauhang bilog sapagkat noong una ay sumusunod ito kay Lea pero kalaunan ay
naging pabaya ito sa pag-aaral at nakita na lamang ni Lea na nagsusugal ng pool kasama ang
matatanda, ngunit dahil na rin sa paraan ng pagpapalaki sa kaniya ni Lea, napagtanto ni Ogie na
mali ang kaniyang ginawa at piniling ayusin ang takbo ng kaniyang buhay. Isa rin siyang ulirang
anak para sa akin sapagkat pinili niyang talikuran ang marayang buhay na kayang ibigay ng
kaniyang ama, makapiling lamang ang kaniyang ina, na simula pa noong una ay nariyan sa
kaniyang tabi, masaya man o malungkot an kaniyang pinagdadaanan sa buhay.
5.5 Si Maya ang bunsong anak ni Lea. Masayin at madadal at isang batang sumisimbolo sa mga
kabataan sa modernong panahon, sapagkat ang mga kabtaan ngayon kahit na mura pa ang isipan
ay bukas na sa realidad ng buhay. Isang batang may positibong pananaw sapagkat kahit alam
niyang magyroong hindi pagkakaunawaan sa pagitan ng kaniyang mga magulang, pinipili pa rin
niyang maging masaya at matatag araw-araw. Isa rin siyang mapagmahal na kapatid sapagkat kahit
na hindi sila tunay na magkapatid ni Ogie, hindi nila itinuring ang isa’t-isa na iba.
6. Anong realidad ng buhay ang ipinapakita sa pelikula?

Sinalaysay sa nobela ang kalakasan at kalahagan ng mga kababaihan sa lipunan, na hindi lamang
asawa at pagiging ina ang tungkulin ng mga ito sa lipunan. Sa pamamagitan ni Lea, ipinakita ng
manunulat na hindi sa lahat ng panahon magiging tahimik ang buhay ng isang tao, kailangang
magpasya at makibaka sa agos ng buhay. Patuloy tayong naghahanap ng kalayaan, tulad ni Lea na
ayaw manatili sa kaniyang maliit na papel na pagiging asawa lang ng kalalakihan mas mainam na sa
kaniya ang magkaroon ng silbi sa lipunang kaniyang ginagalawan. Ngayong modernong panahon, ang
mga kababaihan ay masasabi nang karamay ng kalalakihan sa lahat ng bagay, kaya na nitong gawin
ang kahit na anong trabaho ng isang lalaki.
Ipinabatid din sa nobela ang walang hanggang pagmamahal ng isang ina sa kaniyang mga anak, na
kahit pa nga hindi niya napaglalaanan ng panahon ang mga ito, kapakanan pa rin ng mga bata ang
kaniyang palaging iniisip. Gayundin ang wagas niyang pagmamahal sa dalawang lalaking naging
bahagi ng kaniyang buhay, ipinakita sa nobela kung gaano siya katotoo at kasinserong magmahal nga
lamang ang nais niya ang nasusunod ang kaniyang nais kung kaya madalas nauuwi sa di-
________________________________________________________________________________

_______________________________________________________________________________
pagkakaunawan ang kanilang pagatatalo. Aking napagtanto na sa buhay ng isang tao, hindi puwedeng
palaging ikaw ang minamahal at nasusunod, kinakailangang matututo ka ding magbigay at magparaya
upang mapanatili ang magandang ugnayan sa pagitan ng iyong karelasyon.
Ipinamulat rin sa akin ng nobela na iba-iba man ang paraan ng pagkakagawa sa isang bata. Bunga
man ito ng pang-aabuso, bunga ng hindi inaasahang pagkakataon, o kahit na bunga ng wagas at totoong
pag-iibigan, lahat ng batang binigyang-buhay ay may karapatang tamasaan at danasin ang buhay sa
mundo. Madaling gumawa ng bata, ilang miinuto lamang maaari na silang mabuo, ang mahirap ay ang
gaawin silang makatao, disente at makabuluhan sa mundo. Kung sila ay uusigin, dahil lamang sa
dahilan ng kanilang pag-iral sa mundo, tinaggalan na natin sila ng karapatang mamuhay ng naaayon
sa knailang naisin. Lahat naman tayo ay may kani-kaniyang pinagmulan, ang dapat nating gawin ay
igalang, unawain at tanggapin ang pagkakaiba-iba nating lahat.
7. May bahagi ba na kakikitaan ng panghihinayang sa mga pangyayari sa pelikula? Ipaliwanag?

Sa tagpong muling nagkita sa huling pagkakataon si Raffy at si Lea, kitang-kita sa kilos, galaw at
rekasyon ng mukha ng dalawa na nanghihinayang sila sa kinasapitan ng kanilang pagsasama, kung
kaya pinasya nilang sa huling pagkakataon ay muling balikan kung papaanong nagsmula ang kanilang
pagmamahalan, hindi para manloko ng ibang tao, kundi paraan upang tapusin na at magkaroon ng
“closure” ang natapos na nilang relasyon. Ang mga luhang pumatak sa kanilang mga mata ang
makapagpapatunay kung gaano nila minahal ang isa’t-isa.
8. Paano iniangkop sa pelikula ang awiting “Kamusta Ka”?

Naiiangkop sa pelikula ang awiting Kamusta Ka”, sapagkat noong muling nagkita si Raffy at Lea
matapos ang mahabang panahong hindi pagkikita, makikita pa rina ng pananabik sa bawat isa, at kahit
papaano ay naroroon pa rin ang kislap sa kanilang mga mata na makapagpapatunay ng kanilang
pagmamahal sa isa’t-isa, nga lamang hindi na maaaring pang ituloy ang naudlot nilang pagsasama
sapagkat may kani-kaniya na silang buhay at pamilya. Mababatid rin na walang pinag-iba sa katayuan
at pananawa ni Lea sapagkat noong nagkahiwalay sila ni Raffy, ang dahilan nito ay ang hindi pagsama
ni Lea sa kaniya sapagkat mas pnili ni Lea ang kaniyang hanap-buhay, ngayong muli silang nagkita,
subsob pa rin si Lea sa trabaho. Sa panig ni Lea, kitag-kita niya ang kislap at saya sa mga mata ni Rafy
noong nabanggit nito na mayrron na itong asawa at ito nga ay nagdadalang-tao, nabatid ni Lea kung
gaano kasaya si Raffy sa kaniyang buhay na taliwas sa kasalukuyang takbo ng kaniyang buhay.
________________________________________________________________________________

_______________________________________________________________________________
Buod ng Pelikulang Maximo Oliveros

Si Maximo Oliveros o mas kilala sa palayaw na Maxy ay isang 12 taong gulang na kabilang sa
third sex. Sa kabila nito siya ay masiyahin at matulungin sa lahat. Mahal na mahal siya ng kanyang pamilya
kahit na isa syang bakla. Matagal na ring patay ang kanyang ina. Ang kanyang ama ay nagtitinda ng nakaw
na selfon ngunit mabuti itong ama sa tingin ni Maxy. Ang kuya Boy na ang panganay sa kanila. Wala
itong kinatatakutan at hindi rin sya marunong magdasal ngunit lagi nyang pinoprotektahan si Maximo.
Ang kuya Bogz naman ng ay parang adik dahil sa haba ng buhok, hikaw sa tenga at sa mga tattoo sa braso.
Mahilig rin nyang lokohin ang mga dalaga sa kanilang barangay.Mahilig manood ng sine si Maximo.
Nanonood sya sa maliit ng kwarto na para ring cinema house at nagbabayad din sila doon. Kasama nya
ang mga kaibigan nya. Iyon nga lang pirated CD’s ang ipinapalabas. Isang araw ang mga kaibigang bakla
ni Maximo ay nagkaroon ng kunwaring beauty contest. Pumunta sila sa bahay ng isa nilang kaibigan at
nanghiram ng mga costumes.Rumampa sila na suot ang mga damit. Umarte sila na parang nasa isang
beauty contest. Noong nasa question & answer portion na, na may tanong na: “Para sa’yo ano ang love?”
Hindi iyon masagot ni Maximo dahil hindi pa nya iyon nararanasan. Nagpaalam na sya sa kanyang mga
kaibigan gabi narin kasi noon. Habang sa daan muntikan na ma-rape si Maximo buti na lang at dumating
si Police-of-Officer Victor Perez. Pinasan nya si Maximo hanggang sa bahay nito. May kung anong
naramdaman si Maximo sa nangyari. Hinatid ng pulis si Maximo sa bahay nito. Kinabukasan dinalhan ni
Maximo si Victor ng pananghalian sa police station. Simula noon lagi nang dinadalhan ni Maximo si Victor
ng pananghalian.Lagi ring pumupunta si Maximo sa bahay ni Victor. Isang pumunta sina Victor at ang
ilang kasama nitong pulis upang hulihin ang drug pusher sa barangay ni Maximo. Pinigil sila ng tatay ni
Maximo at sinabing “Magkano ang halaga upang pakawalan nyo ang lalaking ito” Tumanggi si Victor at
hinuli parin ang lalaki. Walang nagawa ang tatay ni Maximo. Naging malapit ang pamilya ni Maximo kay
Victor. Minsan iniimbitahan pa ng tatay ni Maximo si Victor upang uminom sa kanila.Dati iyon simula
nang masangkot ang kuya Boy ni Maximo sa pagpatay ng isang estudyante at nakita pa ni Victor ang damit
na sinusunog ni Maximo. Nagkaroon ng lama tang pagkakaibigan ni Victor at ng pamilya ni Maximo.
Binugbog ng tatay ni Maximo nang nalaman nya na si Boy ang pumatay sa estudyante. Pinagtatago nya
ito sa bahay ng tiyahin nya.Binugbog nina Bogz at ng tatay nito si Victor upang din a matuloy ang paghuli
kay Boy. Dinala ni Maximo si Victor sa bahay nito at nilinisan ang sugat binihisan at binantayan
magdamag. Kinabukasan pinagluto nya si Victor ng umagahan ngunit wala parin itong kibo. Umalis ng
bahay ang tatay ni Maximo upang katagpuin si Hepe Dominguez. Di inaasahang binaril ni Hepe
Dominguez ang tatay ni Maximo at agad itong namatay.Nakita ito ni Boy. Wala syang nagawa kundi ang
malungkot sa nangyari. Umiyak si Maximo sa nangyari sa pinakamamahal na ama. Dinalaw nila si Bogz
sa kulungan dahil nasangkot rin sya isang patayan. Sa nalamang masamang balita nagwala si Bogz sa loob
ng selda. Nakalaya na si Bogz at gusting gantihan ang pumatay sa tatay nila. Iniwan nila si Maximo sa
bahay mag-isa. Ilang saglit ay bumalik sila sa bahay at nagbagong buhay na. Subalit kasabay nito ang
pagbago ng diwa ng pamilya Oliveros. Kasabay ng pagkawala ng padre de pamilyang nagpalaki sa kanila,
kanila ring napagtanto ang kanilang kamalian at nagtankga namang magbago. Natapos ang pelikulang
nakangiti lahat ng miyembro ng pamilya, determinadong ipagpatuloy ang buhay na kanilang nasimulan
nang marangal at sama-sama.
1. Pagpapalalim sa pamagat ng pelikula

Hindi na bagong usapin sa ating lipunan, ang pagkakaroon ng mga taong nabibilang sa “Third Sex,”
karamihan sa kanila ay lumalantad kung sila ay nagddalaga o nagbibinata na. Isa n nga dito si Maximo
Oliveros, o mas kilala sa tawag na Maxi, isang nagdadalagang lalaki kung saan malaki ang utang na loob
________________________________________________________________________________

_______________________________________________________________________________
sa kaniyang ama at mga kapatid na lalaki sapagkat sa kabila ng kaniyang pagiging homosekswal, labis ang
pagtanggap ng mga ito sa kaniya, sa katunayan nga ay itinuturing itong bulaklak at hiyas ng kaniyang
pamilya kung kaya nga mas naging malakas ang loob ni Maxi na isiwalat sa buong barangay ang kaniyang
kasarian. Ang pelikula ay pinamagatang “Ang pagdadalaga ni Maximo Oliveros,” sapagkat ang panahon
kung kailan nagana pang kuwento ay yaong mga panahong si Maxi ay dumaraan sa panahon ng
pagdadalaga o pagbibinata kung saan naranasan niyang sa unang pagkakaton ay umibig sa kaparehong
kasarian. Ito rin ang panahong natututo siyang gawin ang iba’t-ibang gawaing bahay sapagkat itinuturing
nga niya ang kaniyang sarili na isnag ganap na babae, kung kaya masaya niyang ginagampanan ang mga
gawaing ginagampanan ng mga kababaihan. Bilang isang kabataan, hindi rin nawala sa kaniya ang
pakikisama sa mga kabataang kapareho niya ng preperensya, naglalaro, nanonood ng sine o yung tinatawag
na “Betamax” noong mga panahong binuo ang pelikula. Isang karaniwang kabataan na nararanasan at
ineenjoy ang kasiyahan ng kaniyang kabataan.
2. Implikasyon ng pelikula sa:

2.1 tunay na buhay
Ang bawat tao ay mayroong karapatang mabuhay at maghanap ng paraan ng kanilang ikabubuhay,
nga lamang dahil na rin sa kakulangan ng kita kahit pa sabihing may hanapbuhay, napipilitan ang
iba na tugunan ang kanilang pang-araw-araw na pangngailangan mas pinipili nilang kumita sailegal
na pamamaraan. Ang pakikipamuhay sa mundo ay isang malaking hamon para sa mga taong
lumaki at namulat sa hirap ng buhay. Para sa kanila, wala nang iba pang patutungahan ang kanilang
buhay kundi ang walang katapusang pakikihamok sa lalo pang lumalang kahirapan. Gaya na
lamang ng hanapbuhay ni Paco (ama ni Maxy), isa siyang magnanakaw ng selfon na kaniyang
ibinebenta para may pantustos sila sa kanilang pang-araw-araw na pagkain at iba pang
pangangailangan, hindi ito lingid sa kaalaman ni Maxi, ngunit pinipili na lamang niyang
manahimik sapagkat nanginibabaw sa kaniya ang pagmamahal at pagtanggap ng kaniyang ama sa
kaniya, at hindi rin ito lingid sa kaalaman ng hepe ng pulisya sa kanilang lugar, ngunit dahil sa
nasilaw siya sa salapi, hinayaan lamang niyang ipagpatuloy ni Paco ang masamang gawain kung
kaya lalo pang naging mas malakas ang loob nitong gumawa ng mali sapagkat kumakampi sa
kaniya ang batas, patunay na mayroong ilang kawani ng gobyerno na madaling masilaw ng salapi
kahit pa sa maling paraan nagmula at kahit pa matapakan ang kanilang dignidad at pangalan.
Ganoon din ang kaniyang kuya na si Boy, na nakapatay naman ng isang dalagita ngunit nagawa
ring pagtakpan ni Maxi, dahil na rin sa labis na pagmamahal sa kapatid, kung kaya an gang
kaniyang isa pang kuya na si Bogz ang napag-abutan ng krimeng naganap at siyang nakulong sa
kasalanang hindi naman niya ginawa. Ang mga ganitong pangyayari ay talagang nangyayari at
maoobserbahan sa tunay na buhay, lalo’t higit sa mga taig nakatira sa mga lugar labis na laganapp
ang kahirapan, gaya na lamang ng lugar kung saan nakatira ang pamilya Oliveros, masasalimin
ang payak na pamumuhay ng bawat pamilyang naninirahan doon na kontento sa kung anong uri
ng pamumuhay ang mayroon sila. Sa panonood ko ng pelikula naipinta ko sa aking isipan ang
realidad ng buhay, na noong una, dahil sa alam kong mali at taliwas sa batas ang pagnanakaw,
isang banda sa aking isipan ang nakaunawa sa dahilan ng ibang tao kung bakit sila humahantong
sa desisyong talamak at kapansin-pansin sa lipunan ngunit taliwas sa batas ng tao at ng Diyos,
ngunit bagaman, naunawaan ko sila sa isang banda,, hindi pa rin ito sapat na dahilan upang
magbago ang aking pananaw sa kung ano ang tama at mali, sa mata ng tao at ng Diyos. Kung kaya,
para sa akin isang magandang pambali si Victor sa lahat ng katiwalian at kamaliang nangyayari sa
________________________________________________________________________________

_______________________________________________________________________________
lugar nina Maximo. Si Victor ang patunay na mayroon pa rin talagang mga alagad ng batas na
totoo sa tungkuling kanilang ginagampanan, marangal na nagsisilbi sa bayan at hindi nasisilaw sa
salapi.
2.2 sa sarili
Lahat ng tao nais mamuhay ng marangya at naaayon sa kanilang nais, sa pelikula, ipinakita kung
gaanong kabukas ang isip ni Maximo sa pagpapahayag ng kaniyang pagkatao, dahil na rin sa taos-
pusong pagtanggap ng kaniyang pamilya sa napili niyang preperensiya. Malinaw niyang ipinhayag
ang pag-ibig na kaniyang nararamdaman kay Victor, na kahit pa nga alam niyang mas matanda ito
sa kaniya, hindi niya iyon inalintana at ipangpatuloy ang pag-usbong ng kaniyang nararamdaman.
Ako, bilang isang taong hindi sanay makisalamuha at walang lakas ng loob na isiwalat ang aking
mga nararamdaman, masaya man o malungkot, natutunan ko mula kay Maxi, na walang masamang
magsiwalat ng nararamdaman, basta wala kang natatapakang sinuman. Akin ring napagtanto na
walang masamang umibig at lahat ay may karapatang umibig at ibigin, nga lamang dapat na iligay
ito sa tamang lugar.
2.3 sa pamilya
Matugunan lamang ang lahat ng pangangailangan ng pamilya, lahat ng paraan ay ginagawa ng
isang ama para maging isang magaling na haligi ng tahanan. Ang kahirapang taglay ng pamilya
Olivero sang nagbunsod sa ama na gumawa ng labag sa batas, nais niyang matugunan at maibigay
ang pangngailangan ng mga anak na katulad ng layunin at responsibilidad ng isang ama, nga
lamang, mali ang kaniyang ginagawang paraan. Dahil na rin sa kahirapang taglay nila, kahit na
mali ang paraan ng pamumuhay nila, sumang-ayon na lamang dito ang kaniyang mga anak,
sapagkat kung maghahanap pa nga naman sila ng trabaho, walang tatanggap sa knaila sapagkat
hindi naman sila nakapagtapos ng pag-aaral. Ipinakita sa pelikula kung gaano ka solido at katatag
ang pundasyon ng pamilya Oliveros, kung kaya nga kahit pa alam nilang mali ang paraan ng
kanilang pamumuhay dinadamayan, tinutulungan at pinagtatakpan pa rin nila ang isa’t-isa.
Humanga ako sa tatag ng kanilang pagsasama bilang isang pamilya, gayundin sa taos-pusong
pagtanggap ng mga ito sa pagiging bakla ni Maximo. Kitang-kita sa kanila kung papaanong
pinapahalagahan nila ang bawat isa, kabilang man sa ikatlong kasarian ang isa sa mga miyembro
ng pamilya, ngunit siyemprebuo at matatag man ang samahan ng pamilya, may posibilidad pa ring
hindi maging masaya ang takbo ng kanilang pagsasama dahil na rin sa paraan ng kanilang
pamumuhay, katulad nga ng nangyari sa pelikula, namatay si Paco, ang ama ni Maximo, dahil siya
ay binaril ng bagong hepe ng pulisya na hindi na niya kabaro pagdating sa mga katiwaliang
kaniyang ginawa. Sa kabilang banda, ang pagkamatay na iyon ng kanilang ama, ay nagpamulat sa
magkakapatid na ang karangyaan sa buhay ay hindi dapat magmula o manggaling sa masama. Ayos
lamang lumaki sa hirap basta marangal ang paraan ng pamumuhay na sa wakas ng kuwento, iyon
ang ginawa ng magkakapatid, nagbagong-buhay sila, sinuportahan ang isa’t-isa, at pinagtulungan
ng dalawang nakatatandang kapatid na itaguyod ang pag-aaral ni Maxy.
2.4 Kamalayang Panlipunan
Hindi lingid sa kaalaman ng lahat na patuloy na dumarami ang bilang ng mga taong kabilang sa
ikatlong kasarian, o homosekswal. Sa isip ng karamihan, sila ay ang mga taong walang alam kung
hindi ang rumampa lamang o mang-akit ng lalaki, ngunit sa pelikula, ipinamulat nito na ang mga
taong kabilang sa ikatlong kasarian, ay may karapatan ding mamuhay nang naaayon sa kanilang
nais nang walang tinatamong panghuhusga sa mula sa ibang taong hindi maunawaan ang kanilang
________________________________________________________________________________

_______________________________________________________________________________
preperensya bilang tao. Sa panonood ko ng pelikula mas lalo ko pang naunawaan ang mga bakla
at tomboy, at higit sa lahat namulat ang aking isipan na lalo pa silang igalang at pahalagahan. Lahat
tayo ay tao, iba man ang ating kasarian, karapatan nating irespeto at obligasyon nating irespeto ang
lahat ng ating kapuwa.
Isa pa sa mga naging implikasyon nito sa kamalayang panlipunan, ipinamulat ng pelikula ang tunay
na kalagayan ng batas at hustisya sa ating bansa. Sa unang bahagi ng pelikula, Malaya pang
nakagagawa ng mga katiwalaan ang tatay at mga kapatid ni Maxy, dahil kabatak nila ang pulis na
nakedestino sa kanilang lugar, sa bahaging iyon ng kuwento, bulag at silaw ang batas at hustisya.
Sa pagpasok ng karater ni Victor, iyon ang naging simula ng unti-unting pagbabago sa ng kalakaran
sa lugar, dahil si Vitor ay isang tapat na alagad ng batas, bagaman, ayaw niyang saktan ang
damdamin ni Maxy, sapagkat ito ay naging malapit na rin naman sa kaniya, nangibabaw pa rin sa
kaniya ang kaniyang dignidad at tungkuling ginampanan. Isa itong patunay na mayroon pa rin
talagang mga alagad ng batas na tapat at totoo sa tungkuling kanilang sinumpaan. Si Victor ang
nagpamulat sa akin na hindi lahat ng pulis ay parak. Hindi lahat ng pulis, ay alagad ng katiwalaan.
Maaaring mayroon, ngunit hindi lahat, kung kaya nagbago ang pananaw at pagtingin ko sa mga
pulis nang napanood ko ang pelikula.
3. Magbigay ng mga senaryo na tumagos sa iyong puso. Ipaliwanag.

Ilan sa mga senaryo o tagpong tumagos sa aking puso ay ang mga sumusunod:
3.1 Noong gabing nasaksihan ni Maxy kung papaanong ng kaniyang ama ay binaril at pinatay, na
ang isa sa mga taong kasama ng pumatay sa kaniyang ama ay ang lalaking naging dahilan ng
kaniyang pagbabago at malaong paglalantad ng kaniyang tunay na kasarian. Masakit sa
kaniyang makitang humandusay ang kaniyang ama nang walang kalaban-laban, na kasabwat
sa pagpatay ang taong kaniyang minamahal. Kitang-kita kung gaanong dinamdam ni Maxy
ang pagkamatay ng kaniyang ama, maging ang tuluyang paglayo ng kaniyang loob kay Victor,
na ang akala niya noong una ay kakampi niya. Tumagos siya sa akin sapagkat bilang isang
anak, ayoko ring makikitang binaril sa aking harapan ang aking ama. Hindi ko kakayaning
makita ang aking ama na humandusay sa aking harapan.
3.2 Isa pa sa mga eksenang tumagos sa aking isipan ay noong panahong nabugbog ng mga kapatid
at ama ni Maxy si Victor dahil na rin sa malaong pangingialam nito sa buhay at paraan ng
pamumuhay ng mga ito, dahil sa tingin ng kaniyang pamilya, sagabal si Victor sa kanilang
pag-unlad sa buhay. Sa halip na sundin ni Maximo ang utos na kaniyang ama at mga kapatid
na huwag puntahan si Victor at hayaan na lamang ito, sinuway niya ang kaniyang pamilya at
nagtungo pa rin siya kay Victor para alagaan ito. Malinaw at Malinis ang hangarin ni Maxy
kay Victor. Ipinakita at ipinaramdam ni Maxy ang bukal sa kaloobang pag-aalaga sa lalaki.
Tumagos siya sa aking isipan, dahil may mga kaibigan din akong bakla at talagang ganoon nga
talaga sila maglaan ng panahon para sa mga taong mahal nila, handa nilag ibigay at gawin ang
lahat para sa mga ito, kahit pa nga suwayin ang kanilang magulang, nga lamang ang
pangyayaring iyon sa pagitan ng dalawa ang naging hudyat din ng paglamig ng pakikitungo ni
Maxy kay Victor, sapagkat sa tagpong ito, sinabi nni Victor na dapat mas piliin ni Max yang
kaniyang pamilya kaysa sa kaniya, na siya namang ginawa ng dalaga. Damang-dama ko ang
lungkot at panghihinayang sa panig ni Maxy, gayundin sa panig ni Vitor.
________________________________________________________________________________

_______________________________________________________________________________
4. Ilarawan ang mga tauhan sa pelikula:

4.1 Maximo Oliveros  Siya ay isang lalaking nasa edad 12, nasa yugto siya ng kaniyang buhay
kung saan malaya niyang nailantad ang tunay niyang pagkatao. Siya ay isang binatang
nagdadalaga. Isang masipag, mapagkalingang anak at kapatid sa kaniyang ama at mga kapatid.
Tanggap siya ng kaniyang ama at dalawang kapatid na lalaki kahit pa nga alam ng mga ito na
siya ay isang bakla, kung kaya sa panahong siya ay nagdadalaga, suporta at pagttanggol ang
ibinigay sa kaniya ng kaniyang pamilya. Bahagi ng kaniyang pagdadalaga, ay ang pagkahulog
ng kaniyang loob sa isang pulis na bagong salta lamang sa kanilang lugar. Labis niyang
hinangaan ang pulis dahil na rin sa angking tikas at kisig nito. Ginawa ni Max yang lahat upang
magustuhan siya ni Victor, at upang huwag siyang layuan ni Victor, itinago niya ang
katotohanang ang kaniyang pamilya ay namumuhay sa maling paraan, sa bahaging ito, mas
pinili niya ang kaniyang pag-ibig para sa binata.
4.2 Bogz Oliveros pangalawang kapatid ni Maxy, siya ay isang mapagkalingang kapatid. Isang
kuya na handang tumulong sa kaniyang nakababatang kapatid, katunayan nito ay noong gabi
nang umuwi si Maxy at napagtripan siya ng ilang kabataan, kinabukasan natagpuan ang mga
kabataang nangtrip kay Maxy na hubo’t hubad dahil sa tinuturan ng leksyon ni Bogz. Ang
kaniyang pananaw sa buhay, ayos lamang kumita sa maling paraan basta huwag papatay. Labis
din ang ipinakita niyang pagmamahal sa pamilya, sapagkat noong nalaman niyang nabaril ang
kaniyang ama, nagpumilit siyang makalabas ng kulungan upang ipaghiganti ito.
4.3 Boy Oliveros panganay na kapatid na lalaki ni Maxy, mailalarawan ko siya bilang isang
taong may mataas na prinsipyo sa sarili kahit pa nga mali na ang kaniyang pinunpunto sa
buhay. Isang taong alam ang tama at mali, ngunit patuloy pa ring ginagawa ang mali, kung
kaya kapag nahuli, pinipilit niyang linisin ang kaniyang pangngalan sapagkat ayaw niyang
mapahamak sa ganang kaniyang sarili. Isang taong takot sa rehas ngunit hindi takot gumawa
ng katiwalian, bilang katunayan, dahil sa ayaw niyang makulong itinago niya ang katotihanang
siya ang nasa likod ng pagkamatay ng isang estudyanteng dalagita, umabot pa sa puntong,
ninais niyang pagtakpan siya ni Maxy, huwag lamang lumantad ang katotohanan. Sa bandang
huli napagtanto niyang mali ang kanilang paraan ng pamumuhay, kung ka’y nagtulong silang
dalawa ni Bogz na ayusin at itama ang kanilang buhay, lalo’t higit ang buhay ni Maxy.
4.4 Paco Oliveros siya ang haligi ng tahanan ng Pamilya Oliveros. Isang ama na handing gawin
ang lahat, matugunan lamang ang lahat ng pangangailangan ng kaniyang mga anak. Dahil sa
hindi nakapagtapos, at nahirapang humanap ng hanapbuhay na mayroong malaking kita, pinili
niyang magnakaw ng selfon upang itustos sa pangangailangan ng kaniyang mga anak.
Masasabi kong isa siyang mapagmahal na ama, nga lamang sa maling paraan niya binubuhay
ang mga ito. Biglaan ang kaniyang pagkamatay ng siya ay barilin ng baong hepe ng pulisya sa
kanilang lugar na matagal na rin naman niyang kakilala at mortal na kaaway sapagkat ang hepe
ay isa ring tapat na alagad ng batas. Ang kaniyang pagkamatay ay nagbunsod sa kaniyang mga
anak upang magbagong-buhay at maghanap ng marangal na ikabubuhay.
4.5 Victor Perez Siya ay isa sa mga pulis na nadestino sa lugar nina Maxy. Ang naging dahilan
ng tuluyang paglantad ni Maxy bilang isang bakla at siya ring unang pag-ibig ni Maxy. Siya
ay isang tapat na alagad ng batas kung kaya nga gumawa siya ng paraan upang mailantad ang
mga katiwalaang nangyayari sa lugar ng kaniyang pagkadestino. Isa siyang matipunong lalaki
ngunit kaniyang tinaggap ang alok na pagkakaibigan ni Maxy at masasabi ko ring naging totoo
siya sa pakikitungo kay Maxy, nasi din lamang niyang mapabuti ang kalagayan ni Maxy kung
________________________________________________________________________________

_______________________________________________________________________________
kaya nga mas pinili nitong saktan ang damdamin ni Maxy kaysa patuloy na mamuhay sa
kamalian. Siya ang kauna-unahang lalaking nagparamdam kay Maxy ng isang romatikong
pagmamahal at siya rin ang kauna-unahang lalaking dumurog ng puso ni Maxy, ngunit nag-
iwan naman sa dalaga ng isang mahalagang aral na: “Hindi masamang magmahal, ilagay
lamang sa tamang lugar.”
5. Anong realidad ang ipinakita sa pelikula?
5.1 Ang realidad na ipinakita sa pelikula ay ang paraan ng pamumuhay ng mga taomng
salat sa pinagkukunang ikinabubuhay. Karamihan sa mga taong salat sa kabuhayan, dala na rin ng
kawalang hanapbuhay dahil sa hindi nakapagtapos ng pag-aaraal, mas pinipili nilang mamuhay ng
labag sa tamang paraan ng pamumuhay ng tao para lamang matugunan ang kanilang pang-araw-
araw na pamumuhay at upang maipagpatuloy ang kanilang buhay. Alam nilang mali ang kanilang
ginagawa, ngunit dala na rin nng matinding pangangailangan, napipilitan silang kumapit sa
patalim. Ito amg katotihanan ng buhay, na talamak at palasak na sa mga lugar na walang sapat na
pinagkukunanan ng kita..
5.2 Ipinapakita rin ng pelikula ang dalawang mukha ng mga kawani ng pamahalaan; ang
isang mukha ay iyong mga taong nasisilaw at nabubulag sa salapi, kung kaya mas pinipili nilang
isuko ang kanilang dignidad at tungkulin, kumamkam lamang ng malaking salapi. Isa sa patunay
ay iyong naunang hepe ng pulis sa lugar nina Maximo na naging katulong pa ni Paco para huwag
siyang mahuli sa kaniyang gawang pagnanakaw. Sa kasalukuyang lipunan, maoobserbahan at
mababalitaam talagang mayroong mga kawani ng pamahalan, pulis man o may tungkulin sa
gobyerno ang siya pang nagtatakip sa mga kasalanang ginagawa ng ibang tao, kasi nga nasisilaw
sila sa salapi.Ang isang mukha ay yaong mga kawani at alagad ng pamahalaan na tapat at totoo sa
kanilang tungkulin at serbisyo. Bagaman may malaking pagkakataong kumite sila ng malaki, hindi
nila isnusuko ang ang kanilang dignidad at ang katuturan ng tungkuling kanilang sinumpaan.
5.3 Ang isa pang realidad ng buhay na ipinakita sa pelikula ay ang malawak ng pag-ubong
ng mga taong nabibilang sa ikatlong kasarian. Hindi na ito bagong usapin, sapagkat karaniwang
nakikita ang mga bakla at tomboy saan mang bahagi ng bansa. Ipinakita ang realidad ng paraan ng
mga bakla kung paanong sila ay nagmamahal at nag-aaruga sa mga taong mahalaga sa kanilang
buhay, kung papaanong ibuhos nila ang kanilang oras at panahon para sa taong mahal nila. Ito ang
realidad ng mundo, iba’t-iba ng pananaw ng tao sa kung papaanong sila ay mamumuhay sa mundo.
Malaya tayong makapipili ng kung papaaano natin gugulin an gating buhay. Malaya rin tayong
ipahayag ang ating sarili basta wala tayong natatapakang ibang tao. Ang mga taong nabibilang sa
ikatlong kasarian ay tao rin, dapat na igalang at pahalagahan, sapagkat naiba lamang naman ang
kanilang pagtingin sa kanilang sarili, ngunit iisa rin naman ang ating tunguhin sa buhay, ang
mamuhay ng payapa at masaya, malayo sa panghuhusga at pangungutya ng iba.
6. May bahagi ba ng kuwento na kinakitaan mo ng panghihinayang? Talakayin.

Para sa akin walang bahagi ng kuwento na nakapang hihinayang sapagkat lahat ng tagpo sa kuwento, may
kani-kaniyang aral na nais iparating. Ang mga nangyari sa kuwento ay may kani-kaniyang kinahinatnan,
masaya man, malungkot man, o nakakabagbag –damdamin, lahat ay bunga ng mga naunang pangyayari sa
pelikula at maayos na nailatag ang bawat tagpo.
________________________________________________________________________________

_______________________________________________________________________________

Panunuring Pampelikula

Uploaded by

Document Information

Copyright

Available Formats

Share this document

Share or Embed Document

Sharing Options

Did you find this document useful?

Is this content inappropriate?

Copyright:

Available Formats

Panunuring Pampelikula

Uploaded by

Copyright:

Available Formats

Republic of the Philippines

Laguna State Polytechnic University of the Philippines

KODA NG KURSO: COGNATE 208

Buod ng pelikulang “Bata-Bata Paano Ka Ginawa”

KODA NG KURSO: COGNATE 208

1. Palalimin ang pamagat ng pelikulang “Bata Bata Paano Ka Ginawa.”

KODA NG KURSO: COGNATE 208

2.2 Sa aking Sarili

KODA NG KURSO: COGNATE 208

2.4 Buhay may—asawa

KODA NG KURSO: COGNATE 208

2.5 Kamalayang Panlipunan

KODA NG KURSO: COGNATE 208

napagtanto na walang anumang katanggap-tanggap na dahilan upang suwayin, balewalain at pariwarain

3. Ano-ano ang mga eksena sa pelikula na tumatak sa iyong isipan? Bakit?

KODA NG KURSO: COGNATE 208

KODA NG KURSO: COGNATE 208

5. Pagsusuri at Paglalarawan sa mga tauhan ng pelikula

KODA NG KURSO: COGNATE 208

6. Anong realidad ng buhay ang ipinapakita sa pelikula?

KODA NG KURSO: COGNATE 208

7. May bahagi ba na kakikitaan ng panghihinayang sa mga pangyayari sa pelikula? Ipaliwanag?

8. Paano iniangkop sa pelikula ang awiting “Kamusta Ka”?

KODA NG KURSO: COGNATE 208

Buod ng Pelikulang Maximo Oliveros

1. Pagpapalalim sa pamagat ng pelikula

KODA NG KURSO: COGNATE 208

2. Implikasyon ng pelikula sa:

KODA NG KURSO: COGNATE 208

KODA NG KURSO: COGNATE 208

3. Magbigay ng mga senaryo na tumagos sa iyong puso. Ipaliwanag.

KODA NG KURSO: COGNATE 208

4. Ilarawan ang mga tauhan sa pelikula:

KODA NG KURSO: COGNATE 208

6. May bahagi ba ng kuwento na kinakitaan mo ng panghihinayang? Talakayin.

KODA NG KURSO: COGNATE 208

You might also like