1

2 3
 Валерија Бертесина живее и работи во Виченца.
Студирала на Liceo Artistico Statale di Padova, Università Internazionale dell’Arte di Venezia, Scuo-
la Internazionale di Grafica di Venezia, и присуствувала на повеќе меѓународни работилници и
творечки ателеја во Европа.
Нејзините уметнички активности се ориентирани кон создавање на графики, слики и уметничко
и уникатно обликување на книги.
Таа била уметничка директорка на книжевно – ликовната манифестација: La rosa bianca for Da-
mocle Edizioni, Venice, I Diamantini for Il Girasole Edizioni, Catania и Amaryllis for Caosfera Edizioni,
Vicenza.
Таа е член на И.А.П.М.А. (Меѓународно здружение за рачно припремање и обликубање на
хартија).
Како кустос, таа е одговорна за меѓународната манифестација Di Carta/Papermade (Schio),
интернационална изложба на графичка уметност MiniPrintPaese, и Mirror - face to face.
Учествувала на многу меѓународни изложби за графички уметности (во Португалија, Шпанија,
Романија, Србија, Бугарија, Естонија, Калифорнија, Бразил, Македонија, Ерменија, Киле и др).
Нејзините уметнички дела се присутни во уметнички колекции, архиви и фондации (Централна
национална библиотека во Рим, Музеј Март во Роверето, Галерија Рикарт во Хелсинки, Музеј на
уметност Костанта во Романија).
4 5

В алерија Бертесина создава специфично сликарство, кое се движи слободно,
чисто, перфекционистички низ повеќе паралелни творечки светови во кои владее
совршена хармонија помеѓу сликарството, колоритот, линијата, графичкиот израз и
поезијата, лирска, често меланхолична и прозрачна изразена со своевидна азбука
која е од сосема друг свет – свет на смисол, оправданост и суштина на духовното
постоење.
Нејзината визуелна космогонија е создавана со еден нежен, мечтателен, сензибилен
пристап, кој што е обликувана со неверојатна чувствена ликовност.
Нејзиното интензивно чувствување за колоритот е сместено во специфична
композициска генеологија која слободно, искрено, директно ја преобликува
ликовноста во потполно неоптоварена апсолутна ликовна поетика.
Бертесина се движи слободно, потполно оддадено кон метафизиката и визуелната
симболика.
Нејзиниот пристап во реализирањето на скоро сите дела е исклучително прецизен,
сликарски, музички, космички, таа е потполно посветена со еден химнично
рапсодичен симфонизам, посветеност,радост на исконското создавање, припаѓање.
сите залези...
Бертесина со своето сликарство во тој поглед има свое единствено место, скоро
блиско до своевидна ликовна мисија. Тоа е сликарство: крик, слободен потез
сличен на лет, далеку од сите баналности, препознатливости, далеку од галерискиот
унифициран простор и критичка „согледба“далеку од вреднувањата, далек од
хиерархиските позиционирања.
6 7
Дневнички записи
-
1.
Фрагменти
Метафора
Денес да се создава со поттекстот на „хумана структура“ и емотивно екстаза
е своевидна спиритуална безвременост оддалечена од сите апокалипси и
ништожности. Бертесина се определува за еден вид творечка аскеза.
Таа преку своите дела е подалеку од севкупната „цивилизациска“ гравитација.
Создавањето на сликата е еден вид на лет, подалеку од цивилизациската
гравитација, подалеку од сите клишеа на демонската „културолошка“ цел да се
уништи, да се спречи, да се скрие нејзиниот крик, кој што всушност е само еден
вид ерихонски хор пред амбисот на напредокот.
Вистинскиот сликар е еден вид човек птица – слободен, алхемичар на боите,
линиите, композициите, човек птица – труен, убиван, уништуван, прогонуван.
Бертесина со своето сликарство во тој поглед има свое единствено место, скоро
блиско до своевидна ликовна мисија. Тоа е сликарство: крик, слободен потез
сличен на лет, далеку од сите баналности, препознатливости, далеку од галерискиот
унифициран простор и критичка „согледба“ далеку од вреднувањата, далек од
хиерархиските позиционирања. Храбро, директно, ослободено, неоптоварено со
ниедна линија или колористичка површина, слободен лет, слободен творечки танц
кој е на другата страна, на спротивниот, невидлив, паралерен свет, простор...
2.
Колоритот и линиските преплети се своевидна ораториумска внатрешната
перцепција, подалеку од ограничениот простор и проклетството на времето.
 3.
Постојано мантричко сликање на човековата егзистенцијална драм - густи
тонови, грчевити, уплашени, бунтовни, очајни, далечно воздигнати и вознесени
линии. Контрапункт,
4.
Фокусот на субјективното, имагинативното, духовното, колективната скриена
меморија .
5.
Искажување на многу идеи релевантни за човештвото и светот, пулсирање на
светлина која постојано извира од вечните светови кои ги бара пред секој ритуал
на творењето – Бертесина ги довикува сите колористички спектри на вечното
траење..
6.
Форми кои создаваат поинаква убавина, одраз на еден свет кој е исправен пред
големиот Инквизитор. Нем Свет кој е големо будење и признание за специфичната,
суштина на творештвото. Одрази во кои се избегнуваат сите траги од видливата
реалност во сликарството, како и да создавање на силни, ослободени, импулсивни
гестови, сликарство како ритуал, како магиски процес кој е далеку од рационалното
планирање, подготвување и опасноста да се преповторува се она што е веќе видено
и нагризено до ужасно преповторување.
7.
Силни траги на сопствен сензибилитет со широки супстрати на истакнати, богати
субјективни емоции и одговори што се појавуваат во еден вид тантрички иплузивен
ликовен постулат.
8 9
8.
Вознемирени треперења за распаѓањето на универзалната култура, нови форми
на визуелно претставување, истражувајќи ја можноста за враќање на моќните
односи преку изгледот ....
9.
Да се допре суштината на светот. Исчезнатата љубов – орфеевски принцип.
10.
Извлекувајќи ги личните и колективните трауматски искуства, како предупредување?
Силен и жесток ликовен израз кои прикажува психолошки строги, цврсти,
компактни, длабоки вредности испреплетени во еден навидум хаотичен жесток
линиски и колористички ураган!?
11.
Враќање на изгубените простори.
Залутаност на една нова ера во потполн мрак на депресивна распаднатост на
сегашноста.
12.
Дистопичен крик, тивко пресоздавање со далечни визии за иднината.
Комуникација, очајна комуникација, исконска, крикната желба за комуникација,
загриженост, шаманско пророштво за денешното современо општество.
13.
Одговор - пред урбанизацијата, технологијата и дехуманизацијата, контекстот на
планетарниот Мегаполис, одговор со драматични ликовни постапки, симболика,
слики и контекст .... Преку пренесување на теми како што се длбоко магиското
ослободување на севкупниот линиски ораториум
 14.
Смело создавање на лично и емотивно искуство преку апсолутен свој ликовен
израз. Конвенционалните уметнички стилови избегнати,оставени настрана,
неверојатен сенз за откривање на секој сопствен креативен глас.
Храбро потенцирање на состојбата на мислите суштината на чувствената богата
состојба преку смели претстави на сопствената психа.

15.
Сопствен длабок ракурс.
Драматичен скоро спиритуален творечки процес.
Непрекинати, длабоки монолози кои излегуваат од личното допирајќи го
сеопфатното премолчено планетарно акустично ехо на универзумот.

16.
Не сликање на предметност туку длабоко понирање во вонпредметноста...
Употребатата на линијата, формата и поставување на бојата како говор од кој се
пресоздава светот.

17.
Сликарството како голема идеја, како единствен предапокалиптичен тестамент –
за човештвото, за исчезнатиот човечки белег – Љубовта.

18.
Валерија Бертесина создава со исклучителна, силна страст, со болка, слична на
сеопшта меланхолија, со радост слична на неземски лет, со длабок поглед кон
светот, нежен, загрижен, заштитувачки.

Владо Ѓорески
мај, 2020

10 11
12 13
14 15
16 17
18 19
20 21
22 23
24 25
26 27
28 29
30 31
32 33
34 35
36 37
38 39
40 41
42 43
44 45
46 47
48 49
50 51
 валерија бертесина - италија
самостојна изложба, битола
21 мај - 10 јуни, 2020
меѓународна ликовна колонија
„де ниро“ битола
драги филевски
директор
текст и уредување
владо ѓорески
меѓународно графичко триенале
битола
графички дизајн
тодор ѓорески
битола, мај, 2020
центар за современа уметност
52
valeria bertesina - italy
solo exhibition, bitola
21 may - 10 june, 2020
international art colony
“de niro” bitola
dagi filevski
director
text and editing
vlado goreski
international graphic triennial
bitola
graphic design
todor goreski
bitola, may, 2020
center for contemporary art
53
54