Differ Nohay Lyrics PDF

~1~
ANJUMAN PARWANA-E-SHABBIR
KARBALA
WAALE
THE ROMAN ENGLISH EDITION
TRANSLITERATED AND COMPILED BY:

MIR MOHSIN ALIKHAN –NAOHA KHWAAN
~2~
---------------TARTEEB-E-NAOHAJAAT---------------
S.No NAOHA SHAA’ER PAGE
1 Ham Ashiq-e-Shabbir hain Parwana-e-Shabbir Najm Aafandi 7

2 Haay Karbala Waalo Haay Karbala Waalo Najm Aafandi 8
3 Zehra ki Dua hai Maatam Ye Ali Jaweed Maqsood 9
SHAHADAT RASUL-E-KHUDA(S.A.W.W)
4 Karti thi fughaa’n Fatima Zehra Aye Mere Baba Rasheed Shaheedi 10
SHAHADAT SHAHZADI-E-KAONAIN(S.A)
5 Kaono Maka’n me barpa Maatam hai Fatima ka Rasheed Shaheedi 11
SHAHADAT MOULA-E-KAAYNAAT(A.S)
6 Kufe me jo ik Gham ki faza chhai huwi hai Ali Murtuza 12
7 Sajde me tegh Khaake Tadapte hain Murtaza Rasheed Shaheedi 13
8 Maatam hai fazaon me Shahe Kaono Maka’n ka Rasheed Shaheedi 14
9 Zainab Pa Yateemi ki ghadi aagayi Baba Rasheed Shaheedi 16
10 Shaheed Hogaye Maola ujad gaya Kufa Rasheed Shaheedi 17
11 Baba ko Mere Chhorke aaye ho tum kaha’n Hasan Abbas Ahsan 18
SHAHADAT HAZRAT IMAM HASAN(A.S)
12 Maatam hai Madine me Shabbar ki Shahadat ka Rasheed Shaheedi 19
SHAHADAT SHAHZADA ALI AKBAR(A.S)
13 Parwaan chadhaalu’n koi armaan Nikaalu’n Shoukat Bilgrami 20
14 Abbas hamko Laash-e-Jawa’n mil nahi’n rahi Ali Jaweed Maqsood 21
15 Ab Ghar ko chalo khaak se Utho Ali Akbar Ali Jaweed Maqsood 22
16 Bain karte the Sarwar Haay Naojawa’n Akbar Mir Raza Ali Sohail 24
17 Jao ab Khuda hafiz Aye Mere Ali Akbar Rasheed Shaheedi 25
18 Laila Shaheed hogaya Tera Jawa’n Pisar Ali Jaweed Maqsood 27
19 Zameen-e-garm pa Laasha pada hai Akbar ka Akhtar Zaidi 28
20 Na jaane kis tarah Laila ne Dekha Hasan Abbas Ahsan 29
21 Tha rann me Sheh ka ye Naoha Mere Ali Akbar Mir Raza Ali Sohail 30
22 Za’eef Baap se Laash-e-Pisar nahi’n Uth’ti Baquer Mohsin 31
SHAHADAT SHAHZADA QASIM(A.S)
23 Kubra ne kaha Qasim Doolha kis soone bann me Shoukat Bilgrami 32
24 Utho zameene garm se Beta Utho Utho Ali Jaweed Maqsood 33
25 Karbala me huwa Laqte Dile Shabbar tukde Rasheed Shaheedi 34
26 Qatl Hogaye Qasim Ya Ali duhaai hai Ali Rafi 36
27 Ye Hussain maqtal se kiski Laash Laate Hain Raza Aafandi 37
28 Maqtal se Laash Qasime Naoshaah ki Aayi hai Ali Jaweed Maqsood 39
SHAHADAT QAMAR BANI HASHIM(A.S)
29 Ashoor ki wo raat wo sannaate ka alam Kazim Banarasi 40
30 Zehra ke Khandan pa ghurbat ki raat hai Jameel Moosavi 41
~3~
31 Jaate ho suwe maqtal Abbas Khuda Hafiz Ali Jaweed Maqsood 43

32 Abbas-e-Ali Sheh ke Alamdar sidharo Ali Jaweed Maqsood 44
33 Shabbir hai tanha Mera Abbas kahan hai Ali Jaweed Maqsood 45
34 Maatam hai aaj Dilbar-e-Ummul Baneen ka Rasheed Shaheedi 46
35 Dashte ghurbat me Sakina Main Akela Hogaya Hasan Abbas Ahsan 48
36 Sholay hain bhadakte huwe Ali Jaweed Maqsood 49
37 Kya sorahe ho nahr pa Abbas-e-Baawafa Mir Raza Ali Sohail 50
SHAHADAT SHAHZADE AUN O MUHAMMAD(A.S)
38 Ro Ro ke ye Zainab ne Kaha Aun O Muhammad Mir Raza Ali Sohail 51
SHAHADAT SHAHZADA ALI ASGHAR(A.S)
39 Mere Asghar ki hai Qabr kis ja Sadat Ali Khan Sadiq 52
40 Shaheed-e-teer-e-sitam Bezaba’n Ali Asghar Mirza Fareed Baig 53
41 Jaao Sidharo rann ki taraf Mere Naonehaal Ali Irfan 54
42 Mere Bhayya Ali Asghar Hasan Abbas Ahsan 55
43 Rabab Karti hai Faryaad Margaye Asghar Rasheed Shaheedi 56
44 Bain the ye Banu ke Mere Bezaba’n Asghar Hasan Abbas Ahsan 57
SHAHADAT IMAM HUSSAIN(A.S)
45 Garm reti pa Main Girta hu’n Sambhaalo Amma Ali Jaweed Maqsood 59
46 Nazdeek Najaf hai koi Haider ko bula le Mujahid Hussain 60
Mujahid
47 Asr ka hangaam hai aur Zainab e Dilgeer Hai Hasan Abbas Ahsan 61
48 Aaja Mere Dilbar Meri Aghosh me Aaja Ali Jaweed Maqsood 62
49 Sitam ke dasht me Zehra ka Lal tanha hai Ali Jaweed Maqsood 63
50 Shabbir kaha’n hai Mera Shabbir kaha’n hai Mujahid Hussain 64
Mujahid
51 Mera Hussain Tadapta hai khaak-e-maqtal par Ali Jaweed Maqsood 65
52 Pada hai jalti zamee’n par Hussain ka Laasha Sajjad Nazar 67
53 Haay Tanha hai Hussain Ibne Ali maqtal me Ali Jaweed Maqsood 68
54 Sitamgaro Mera Bekas Hussain Pyaasa hai Ali Jaweed Maqsood 69
SHAAM-E-GHAREEBAA’N
55 Jalti huwi zameen pa Sarwar hai Ya Ali Ali Anjum Sadiq 70
56 Ya Ali Aaiye Zainab ko bachane ke liye Hilmi Aafandi 71
57 Zainab-e-Muztar hai tanha Ya Ali ab Aaiye Mirza Fareed Baig 72
58 Ab Aaye ho Baba Shahid Pakistani 73
59 Lut gaya Karbobala ke dasht me Zehra ka Ghar Hasan Abbas Ahsan 74
GENERAL
60 Ghar lut gaya Amma Akhtar Zaidi 76
61 Ghar Haay Mera barbaad huwa Akhtar Zaidi 77
62 Zainab tadap Rahi hai faryaad kar Rahi hai Akhtar Zaidi 78
~4~
63 Kis se faryaad karu’n Akhtar Zaidi 79

64 Bekafan hai maqtal me Laash Ibne Zehra ki Ali Jaweed Maqsood 82
65 Ghurbat me Fatima ka aabaad Ghar luta hai Akhtar Zaidi 83
66 Qaafela Ghareebo’n ka qaid hoke jaata hai Rasheed Shahedi 85
67 Aye Shaheed-e-Karbala Aye Jaan-e-Paighambar Ali Jaweed Maqsood 86
68 Sughra ne likha Baba kab laot ke aaoge Alamdar Razvi 88
69 Abid ki nigaho’n me har karb ka manzar hai Hasan Abbas Ahsan 89
70 Halmin ki aarahi hai sada Ya Ali madad Mujahid Hussain 91
Mujahid
71 Qayamat ki tapish hai Karbala ka dasht jalta hai Qais Zangi Puri 92
72 Sab khoon ke pyaase the Moula ne jidhar dekha Mujahid Hussain 93
Mujahid
73 Aabaad Ghar Hussain ka veeraan hogaya Hasan Abbas Ahsan 94
74 Aseer hoke Chali hu’n Salaam Lo Baba Urooj Bijnori 96
75 Berida Zainab khadi hai Shaam ka darbar hai Hasan Abbas Ahsan 97
76 Berida shaam ke darbar me jaana Zainab Sajid Razvi 98
77 Abbas Bahan aayi hai darbar me ja kar Manzar Aelia 99
SHAHZADI SAKINA(S.A) BINT AL HUSSAIN(A.S)
78 Kya andhera hai Phupi Naheed 101
79 Aye Hussain ki Pyaari Aye Sakina jaa’n Bibi Ali Jaweed Maqsood 101
80 Zinda’n ke andhere me Sakina ka hai maatam Rasheed Shaheedi 102
81 Zindaan me karti thi fugha’n Shah ki Dukhtar Ali Mohsin Khan 103
82 Mazloom Meri Bachchi kaise ho dafn Tera Mujahid Hussain 104
Mujahid
83 Ye neend khaak pa kaisi utho utho Bibi Ali Jaweed Maqsood 105
84 Abid utha rahe hain Apni Bahan ka Laasha Rasheed Shaheedi 106
85 Qaid khaane me ye tha Baali Sakina ka baya’n Unknown 107
86 Jab yaad Sakina ko Teri aati hai Baba Unknown 109
87 Shaam ke zindaan me Bekas Sakina Margayi Hasan Abbas Ahsan 110
ARBA’EEN
88 Zainab Lipat gayi hai Mazaare Hussain se Akhtar Zaidi 111
89 Hai Karbala ke bann me Ghareebo’n ka Arbaeen Akhtar Zaidi 112
90 Zainab Manaane Aayi hai Bhai ka Arbaeen Raza Moosavi 114
91 Allah nigahbaan watan Jaati hu’n Bhai Saeed Shaheedi 115
92 Zainab Madine Jaati hai kya kya liye huwe Mehdi Nazmi 116
93 Abbas Zainab Aayi hai karne ko Arbaeen Mustafa Moosavi 117
94 Arbaeen Karna hai Shaahe Karbalaai ka Mirza Fareed Baig 118
95 Shabbir ka Chehlum hai Agha Ali Hussain 120
96 Karna hai Fatima ke Bhare Ghar ka Arbaeen Haider 121
~5~
WAAPASI-E-AHL-E-HARAM
97 Zainab se Karbala ka zara maajra suno Fugha’n 122
98 Maa ki Qabr par Zainab Karti thi Fugha’n Amma Ali Jaweed Maqsood 124
99 Pardes me barbaad hua Mera Bhara Ghar Rasheed Shaheedi 125
100 Dekh Madine kya kya yaadein Sajid Moosavi 126
101 Salaam Lo Amma Hasan Abidi 127
102 Amma Teri kamaai jangal me lut gayi hai Zaki Bilgrami 128
103 Lut gayi Karbobala me Teri Duniya Amma Zaki Bilgrami 129
104 Amma Tumhara lut gaya jangalme sara Ghar Hasan Abbas Ahsan 130
WIDA
105 Wa Hasrata Hussaina Aulad Hussain Lallan 132
106 Aye Noore Aine Fatima Zehra na Jaaiye Sadat Ali Khan Razvi 133
Sartaj
107 Aye Fatima ke Laal Tujhe aakhri Salaam Rasheed Shaheedi 134
108 Al Wida Al Wida Mir Ashraf Ali Aqueel 135
SAANI-E-ZEHRA SHAHZADI ZAINAB(S.A)
109 Zainab jigar figaar jaha’n se guzar gayi Saeed Shaheedi 137
110 Aseere Faoje sitam qaidiye mehan Zainab Ali Jaweed Maqsood 138
111 Aye Hussain-e-Bekas ki Ghamzada Bahan Zainab Agha Abbasi Hashr 140
SHAHADAT IMAM ZAINUL ABIDEEN(A.S)
112 Zanjeer me jakde huwe Bimar ka Maatam Rasheed Shaheedi 141
113 Kya zulm the Farzande Hussain Ibne Ali par Mustafa Moosavi 142
IMAM RAZA-E GHAREEB(A.S)
114 Sar pa ab Shah-e Khurasaan ka saya na raha Akhtar Zaidi 144
115 Maatam hai Raza ka Rasheed Shaheedi 144
116 Aaj hai Khurasa’n mein ik Ghareeb ka Maatam Rasheed Shaheedi 145
SLOW MAATAMI NAOHE
117 Deen-e Muhammad ki Baqa Ya Hussain Rasheed Shaheedi 146
118 Taqdeer badal jaaygi Zehra ki Dua Le Akhtar Zaidi 149
119 Deen-e Ahmed ki Baqa hai Karbala Rasheed Shaheedi 150
120 Aye Karbala tu hi bataa Akhtar Zaidi 153
121 Yaad-e-Shabbir Rasheed Shaheedi 155
122 Soona hai Madina Unknown 156
123 Aye Sher-e-Neyastaane Haider Sachche Pakistani 157
124 Haay Hussain Pyaase Hussain Rasheed Shaheedi 159
125 Ya Hussainam Ya Hussainam Ya Hussain Rasheed Shaheedi 162
126 Ya Abbas Ya Abbas Rasheed Shaheedi 166
127 Aye Faatehe Karbobala Ali Jaweed Maqsood 169
~6~
128 Haay Hussain Wawaila Ali Jaweed Maqsood 173

129 Ghar Fatima ka Lut gaya Rasheed Shaheedi 176
130 Aye Shaheede Karbala Fatima Zehra ke Pisar Rasheed Shaheedi 179
131 Gham-e-Karbobala Allahu Akbar Rasheed Shaheedi 181
132 Hamm karte hain Maatam Asghar ka Rasheed Shaheedi 185
133 Aye Shashmaahe Pyaase Asghar Hasan Abbas Ahsan 187
134 Karte raho Besheer ke Matam Rasheed Shaheedi 192
135 Shabbir Baharhaal Tera Naam rahega Najm Aafandi 193
136 Kya dekhti hai Sughra Zainab ke aa’nsuo’n mein Adeel Pakistani 194
~7~
Allama Najm Aafandi
PARWANA-E-SHABBIR
Seeno me yehi dil hai Azakhana-e Shabbir

Sar hain yehi sange dare Kaashana-e Shabbir
Pohchaaenge duniya me ham Afsana-e Shabbir
Aye swalle ala jalwa-e-jaanaana-e Shabbir
Ham Aashiq-e Shabbir hain Parwana-e Shabbir
Sar jiska utara gaya Sajde me Khuda ke
Neend aayi jise saare zamane ko jagake
Jo Sogaya aandhi me charaagh Apna jalake
Ham Uske fidaayi hain Jo do din ka Tha pyaasa
Paani na mila Jisko dame zib’ha zara sa
Zehra ka jigar band Muhammad ka Nawasa
Dekha na suna yu’n kisi Sultan ka matam
Aisa na huwa naasher-e-Qur’an ka matam
Tera Sao baras se hai ajab shaan ka matam
Maqbool ye koshish ho kahaan aisa muqaddar
Shaayad isi tadbeer se bakhshish ho mayassar
Tum bhi kaho aye Najm ye parwano me milkar
-----------------*-----------------
~8~
Allama Najm Aafandi
HAAY KARBALA WAALO
Aye Khuda ke bando’n me muntakhab Khuda waalo

Takht e Innama waalo taaje hal ata waalo
Shaan e Mustafa waalo waz e Murtaza waalo
Kya wafa pe jaane dee tumne aye wafa waalo
Haay Karbala Waalo, Haay Karbala Waalo
Chhote chhote bachcho’n ne jang ki ijaazat li

Badgaye jawa’n bankar kamsini se rukhsat li
Qaom ki himaayat me Izzat e Shahadat li
Zindagi ko kya kahiye maot se bhi khidmat li
Kis bala ke jangal me Aal e Mustafa thahri

Bedayaaro ka madfan arze Karbala thahri
Aayi Shaame Aashura sub’ha ko wegha thahri
Kya khabar Madina ko Shaamiyo’n se kya thahri
Haq pa marne waalo ne jaan di saleeqe se

Shaoq se tamanna se azm se iraade se
Zindagi na ki pyaari Fatima ke Pyaare se
Maa ki godh se aaya koi koi jhoole se
Koi Tum me Akbar tha koi Tum me Asghar tha

Koi Saaniye Jaafar koi misle Hyder tha
Koi qadro qeemat me dojahan se bartar tha
Zere tegh Karbal me Fatima ka gharbhar tha
Is tarah ke aalam me phir na dil jigar dekhe

Dar pa aake Maao’n ne jang ke hu’nar dekhe
Apne Chaand ke tukde khu’n me tarbataar dekhe
Rege garm par Laashe barchhiyo’n pa sar dekhe
~9~
Ali Jaweed Maqsood
ZEHRA KI DUA
Zehra ki Dua hai maatam ye, Ye maatam kaise ruk jaae
Kaonain ki har doulat dekar is Gham ki hifazat karna hai

Shabbir ki khaatir jeena hai, Shabbir ki khaatir marna hai
Ye jism rahe ya mit jaay Mazloom ka maatam karna hai
Zehra ki tamanna puri ho, ye jaan rahe ya lut jaae
Is Parcham ki azmat ke liye Abbas ne bazu dedaale

Is Parcham ki izzat ke liye Ghaazi ne sahe dil par bhaale
Is Parcham ke mashkize se lipte hain Sakina ke naale
Abbas-e Ali ka Parcham hai, ye Parcham kaise jhuk jaae
Saalaar-e Hussaini kya kehna Meraj-e Wafa Sartaj-e Wafa

Har maoj tadapti hai ab tak saahil se jo tu pyaasa palta
Tha hukme Hussaini jang na ki har waar saha har zulm saha
Tha hosh me jabtak fikr ye thi pyasi na bhateeji rahjaae
Jabtak ke sakat is jism me hai Haq apna ada kardena hai

Qismat jo sa’aadat de hamko ye jaan fida kardena hai
Ya ashk se ya khoon-e dil se is daaman ko bhar dena hai
Aayi hai yahaa’n Ik Shehzaadi ummid ka daaman phaylaae
Wo waqt hai abtak ankho’n me jab khu’n me tha ghalta’n Ibne Ali
Aur goonj rahi thi maqtal me faryaad-o fugha’n Ik Dukhiya ki
Seene se bahe’n khu’n ki dhaare’n ab haat na rukne paay kabhi
Mazloom ka maatam hota rahe Zehra ki sada jabtak aae
Ye Maatam hai Halmin ki sada har ashk hai jazba nusrat ka

Yu’n Haq ki taraf aajaane ka haasil hai abhi tak ik maoqa
Pehchaan Zameero dil ki sada is maatam me shaamil hoja
Shabbir bulaate hain abtak gar Hur ho koi to aajaae.
-----------------*-----------------
~ 10 ~
Rasheed Shaheedi
SHAHADAT-E RASOOL-E KHUDA
Karti thi Fughaan Fatima Zehra Mere Baba

Beti Huwi Ab Aapki Tanha Mere Baba
Bechain bahot apke hain dono Nawase
Ajaaiye ghar hogaya suna Mere Baba
Laashe pa Muhammad ke yahi kahti thi Zahra
Yu mujhse khafa hoke na jana Mere Baba
Hay Teri Shahadat se har ik simt udasi
Ab hogaya sunsaan Madina Mere Baba
Rone bhi nahi’n deta Mujhe Tum pa zamana
Ghut ghut ke main kabtak rahu’n zinda Mere Baba
Is tarah bhi Beti se khafa hota hai koi
Deti hay sada Aapki Zahra Mere Baba
Hasnain ye kehte hain nahi’n poochhta koi
Kya kahke unhe doon main dilasa Mere Baba
Pas Apne bulalo to sukoon aaega Mujhko
Jab Tum na rahe ji ke karun kya Mere Baba
Kya kahke sambhalenge Ali Binte Nabi ko
Ghash me hai magar lab pa hay Naoha Mere Baba
Bas Binte Nabi ka tha Rasheed ik yahi Naoha
Baba Mere Baba Mere Baba Mere Baba
-----------------*-----------------
~ 11 ~
Rasheed Shaheedi
KAONO MAKA’N ME BARPA
Maghmoom hain fazae’n, rota hai zarra zarra

Bechain hain hawae’n, aur kar rahi hain giriya
Har simt hai udaasi, har simt hai andhera
Chashme falak hai purnam, veera’n huwa Madina
Kaono maka’n me barpa Maatam hai Fatima ka
Baade Rasule Akram, kya waqt aapada tha
Har lamha the masa’eb, dil tukde ho raha tha
Athaara saal ka sinn, aur haath me asa tha
Un aafato’n me jeena, Zehra ka Hosla tha
Sehti Rahi musibat, payham Nabi ki Beti
Karti thi Sabr har dam, Mazloom Shaahzadi
Pahlu shikista Bibi, khud pisti thi chakki
Duniya se Ja rahi hai, Khidmat me Mustafa ki
Ghurbat ka hai zamana, kaisi ye bekasi hai
Moula-e Dojaha’n par, uftaad ye nayee hai
Mushkil Kusha pa kaisi, mushkil ki ye ghadi hai
Tanhaai Murtaza ki aansu baha rahi hai
Dekha Janaza Maa ka, Rowe Hussaine Muztar
Aayi Sada-e Zehra, Ye Maa Nisaar Tujh par
Rona Tera gawara, kaise Karegi Maadar
Seene se Main Lagaloo’n, Aaja Hussain Dilbar
Zehra ka to Janaza, tareek shab me utha
Yaad aate hain Rasheed ab, Bazare Shaamo Kufa
Wo Betiya’n Ali ki, bechaadari ka charcha
Wo Aalame Aseeri, wo oont bekajawa
-----------------*-----------------
~ 12 ~
Ali Murtuza
GHAM KI FIZA
Kufe me jo ik Gham ki fiza chhaai huwi hai
Ab Haidar e Karrar ke rukhsat ki ghadi hai
Kya Zainab o Kulsoom ko samjhaega koi
Khaati hain pachhade’n ke qayamat ki ghadi hai
Ro roke baya’n karti hai ye Saani e Zehra
Nana Mere Baba pe qayamat ki ghadi hai
Hasnain hain be haal to Kusloom hai girya’n
Abbas e Alamdar ko hichki si lagi hai
Raoze pa Bula Lijiye ab Apne Ali ko
Moula use ab sub’ho masa fikr yahi hai
-----------------*-----------------
~ 13 ~
Rasheed Shaheedi
SAJDE ME TEGH KHAKE TADAPTE HAIN MURTAZA
Tar Aankh is azeem musibat pa hoti hai

Phir sar patak ke kaabe ki deewar Rothi hai
Daaman lahu me Masjid e Kufa bhigoti hai
Phir kaaenaat ashko’n ke moti piRothi hai
Sajde me Tegh khake tadapte hain Murtuza
Moula Sar-e Shigaafta thaame tadapte hain

Apne Lahu se Sajde ki taareekh likhte hain
Hasnain Sar pa Baba ke roomaal kaste hain
Phir bhi Lahu ke qatre musalsil tapakte hain
Masjid me phir to rone ka har simt ghul utha

Mushkil Kusha ne Hazrat-e Shabbar se ye Kaha
Ghar jald le chalo Mujhe ab deke aasra
Ghar se kahi’n nikal na pare Bint e Fatima
Kehne lage ye dukhtar e Zehra se Murtuza

Tujh par musibaton ka hai ab taaza silsila
Tukre jigar ke ugle ga mazloom Mujtaba
Beti katte ga sajde me Shabbir ka gala
Zainab banegi deen ki baqa kit u aasra

Har gaam par dikhana hai meyaar sabr ka
Darbaar e aam me tujhe jaana hai be rida
Zehra ki beti sunti hai roodaad e karbala
~ 14 ~
Abbas ko bula ke gale se laga liya

Kehne lage na rowo Pidar Tujh pa ho fida
Tujh par bada bharosa hai aye Mere Dilruba
Tu Karbala me hoga muhafiz Hussain Ka
Kufe ke bekaso’n pa tha ye Gham bada shadeed

Baitu sharaf pa aaye liye aarzoo e deed
Har simt phir to rone ka ik ghul utha Rasheed
Allah ke maheene me Moula Huwe Shaheed
-----------------*-----------------
Rasheed Shaheedi
MAATAM HAI FAZAO’N ME SHAHE KAONO MAKA’N KA
Is Gham se fiza Kufe ki tharraai huwi hai

Ab arsh pa ashkon ki ghata chhaai huwi hai
Aur taaro’n ki aankhon me nami aayi huwi hai
Har zarre ki ashkon se shanasaai huwi hai
Matam hai fazaon me Shahe Kauno Maka’n Ka
Wo Gham hai ke Islam ka larzaa’n hai sawaira

Sakta hai har ik gaam pa sannato’n ka dera
Khamosh fizaao’n me hai har simt andhera
Khoo’n rota hai unniswi’n Ramza’n ka sawera
Farqe Shahe Wala huwa shaq zarbe sitam se

Moula jo tadapne lage Sar haathon se thaame
Hasnain ne roomal kasa sar pa Ali ke
Chehre ko bhigote hi bahe khoon ke dhaare
Rote huwe Abbas Ki Maa ne kaha Aaqa

Sadqe karun Abbas ko Tujh par se Main Moula
~ 15 ~
Haider ne kaha ye to hai Shabbir ka fidiya
Aur hoga muhafiz yehi Zainab ki rida ka
Kehne lage Zainab se Ali phir ye tadap kar

Karta hu’n Tujhe sabr ki talqee’n Meri Dukhtar
Baazu me rasan ho’egi chhin jaaegi chaadar
Hamrah na hoga koi juz Abide Muztar
Kat jaaenge Abbase Alamdar ke shaane

Lut jaaega ghar asr ko jal jaaenge khaime
Phelenge ju’nhi shaame ghareeban ke andhere
Beti Meri pehra Tujhe dena hai akele
Zainab Tere aansu nahi’n Haider ko gawarah

Karbal me nahi’n dega Tujhe koi dilasa
Mat ro Meri Beti ke abhi zinda hai Baba
Phir ro diye khud shaano ko aankhon se lagaya
Jab sab ko Ali ne kiya Shabbar ke hawaale

Be chain huwe sunte hi Abbas ke naale
Seene se laga kar kaha aankhon ke ujaale
Abbas Tujhe karta hu’n Sarwar ke hawaale
Aansu nikal aaye ju’nhi lab choome Hasan ke

Girya kiya Sarwar ke gale ke liye bose
Phir aakhri angdaai li aur bachchon ko bole
Karta hu’n Tumhein Khaliq e Akbar ke hawaale
Ekkeeswi’n Ramzan ki sahr karti hai girya

Hasnain ke sar par na raha Baap ka saya
Kulsoom hai bechain to Zainab ko hai Sakta
Uthta hai Rasheed ab Mere Moula ka Janaza
-----------------*-----------------
~ 16 ~
Rasheed Shaheedi
ZAINAB PA YATEEMI KI GHADI AAGAYI BABA
Zainab pa yateemi ki ghadi aagayi Baba
Bin Baap ki kehlaati hai Beti Teri Baba
Amma nahi’n Nana nahi’n ab Tum bhi sidhaare
Kis Mod pa le aayi hame zindagi Baba
Kitne hi yateemo’n ko diya Tum ne dilaasa
Ab hamko dilaasa nahi’n deta koi Baba
Ab kaun hamein pyaar se paas apne bitHaay
Yaad aati hai shafqat ye hamein Aap ki Baba
Har Aan Teri yaad me rote hain Baradar
Zainab unhein kis tarha se samjhaegi Baba
Ik Aap ke dam se Mere jeene ka maza tha
Ab Mujh se zamane ne khushi chheenli Baba
Zakhmi huwa Sar Aap ka Allah ke ghar me
Raas Aap ko aayi na fiza Kufe ki Baba

-----------------*-----------------
~ 17 ~
Rasheed Shaheedi
SHAHEED HOGAYE MOULA UJAD GAYA KUFA
Tadap ke kehti thi Zainab ye kya hua Bhayya

Hamare Baba ke Sar ko ye kisne zakhmi kiya
Abhi abhi to gaye the Khuda ke ghar Baba
Ye ik Namaazi pa Masjid me kaisa zulm hua
Shaheed hogaye Moula Ujad Gaya Kufa
Dar e Ali pa hai Kufe ke bekason ka hujoom

Pachhaadein khaati hai Zainab tadapti hai Kulsoom
Jo guzri hai Dil e Abbas par kise maaloom
Shafeeq Baap ka sar par nahi’n raha saaya
Shaheed Hogaye Moula Ujad Gaya Kufa
Ameer tha Wo ghareebon ka chaahne Waala

Wo jo yateemon ka aur bekason ka waaris tha
Usi ko Sajde me zakhmi kiya hai waawaila
Saro’n ko peet ke Hasnain karte hain girya
Andheri Shab me Wo duniya ka Maaliko Mukhtaar

Ghareebon aur yateemon ka moniso Gham khwaar
Uthaaye pusht pa khud Rothiyon ka ik ambaar
Ye dekhta tha na ho shehr me koi bhooka
Fizaaein karti hain maatam azeem ye Gham hai

Bahaaein ashk musalsal Ali ka Maatam hai
Zameen Rothi hai chashme falak bhi purnam hai
Sar e shigaafta thaame tadapte hain Moula
Shaheed Hogaye Maula Ujad Gaya Kufa
Tadap ke Moula se Ummul Baneen ne ye kaha

Hawaale sabko Hasan ke kiya Mere Aaqa
Huzoor ne Mere Abbas ko nahi’n poochha
Main apne Laal ko sadqe karun ke rad ho bala
~ 18 ~
Bitha ke pehlu me Abbas ko Ali ne kaha

Khuda se maanga tha Tujhko baraa e Karbobala
Khayaal rakhna Nabi Zaadiyon ke Parde ka
Hawaale karta hu’n Shabbir ke Tujhe Beta
Janaaza uth’ta hai Baitush Sharaf se Hyder ka

Hussain rote hain Abbas ko hai sakta sa
Lahad me Binte Payambar bhi karti hain giriya
Rasheed dena hai Binte Ali ko bhi Pursa.
-----------------*-----------------
Hasan Abbas Ahsan
BABA KO MERE CHHORH KE AAYE HO TUM KAHAN

ZAINAB LIPAT KE BHAI SE KARTI THI YE BAYAN
Dekho to aaj Arshe Mu’alla udaas hai

Kaaba khamosh hai to Madina udaas hai
Sakte me hai Namaz Musalla udaas hai
Hai zalzala zameen ko larzaa’n hai aasmaa
Baba ko Mere chhorh ke aaye ho Tum kahan
Ab apne waaste hai har ik Gham har ik sitam
Main Jaanti hu’n ranjo alam me har ik qadam
Poori tarah se hogaye ab to yateem Ham
Nana Hain ab na Baap ka Saaya Hai aur na Maa
Andher hai jahaan ujala koi nahi’n
Chhaai wo raat jiska sawera koi nahi’n
Ham Bekason ka poochhne waala koi nahi’n
Ab tang hai zameen to hai door aasmaa
~ 19 ~
Waqte Akheer karte the Baba wasiyatein

Khushiaan tamaam hogayin ab hain musibatein
Zainab hai Tere waaste har gaam zehmatein
Har ik qadam pa ab Tujhe dena hai imtihaan
Baba ko Mere chhorh ke aaye ho tum kahan
Barbaad hoga zulm ki aandhi me Ye chaman
Zehre dagha se qatl kiya Jaaega Hasan
Ghodo’n se tukde hoega Shabbir ka badan
Beti bandhegi baazuon me Tere reesmaa’n
Peeto saron ko dosto jab tak hayat hai
Ahsan lahu me doobi hui kaaenaat hai
Mushkil kusha ke ghar me qayamat ki raat hai
Zainab Hasan Hussain se Karti rahi fughaan
-----------------*-----------------
SHAHADAT IMAM HASAN(A.S)

Rasheed Shaheedi
MAATAM HAI MADINE ME SHABBAR KI SHAHADAT KA

SHABBIR PA AAYA HAI KYA WAQT YE GHURBAT KA
Kehti thi yehi Zainab Shabbar ke Janaze par

Gham kaise sahe Zainab Bhayya Teri furqat ka
Tukde Dil e Shabbar ke dekhega zamana phir

Aashoor ke daaman me manzar hai qayamat ka
Taaboot pa Shabbar ke jab teere sitam aaye

Abbas pa tha kaisa ye waqt musibat ka
Kamsin hai ye Shahzaada baitha hua sakte me

Qasim ko bhi pursa do Shabbar ki Shahadat ka
~ 20 ~
Shabbar ki Shahadat hai Shabbir ke Parwaano’n
Shabbir ko pursa do Shabbar ki Shahadat ka
Pakne lagi shaq ho kar is waqt zamee’n paiham

Kya hoga asar soncho us zehr ki shiddat ka
Wo zehr-e sitam pohncha Shabbar ke kaleje tak

Sar peeto azadaaro manzar hai qayamat ka
Shabbir ka sadqa ho ab ham ko ata Shabbar

Ham waasta dete hain Qasim ki musibat ka
Hai Khidmat e Shabbar me maarooza Rasheed Itna

Ham sab ko sharaf de de Raoze ki Ziarat ka
-----------------*-----------------
Shoukat Bilgrami
PARWAAN CHADHALU’N
Parwaan chadhalu’n koi armaan nikalu’n

Thehro Ali Akbar Tumhe Dulha to banalu’n
Yu’n ghar se Mere Laal ko le Jaae’n na Hazrat

Saaya kare aanchal ka Main Behno ko bulalu’n
Aye Laal Tere byaah ka Zainab ko tha armaan

In khoo’n bhare haatho’n me Main mehndi to lagalu’n
Shayad yu’nhi tham jaay lahu zakhme jigar ka

Utho Ali Akbar Main kaleje se lagalu’n
Thehraao Janaaza Mujhe hasrat to na rehjaay

Taaboot pa phoolo’n ka Main Sehra to chadhalu’n
Shawkat pa zara rehm kar aye maot theher ja

Aankhon se Mazaare Shahe Mazloom lagalu’n
-----------------*-----------------
~ 21 ~
Ali Jaweed Maqsood
ABBAS HAM KO LAASHE JAWA’N MIL NAHI RAHI
Akbar ki jang door se dekha kiye Hussain

Jab aakhri Salaam suna chal pade Hussain
Har ik qadam pa thokarein khaate rahe Hussain
Bhai ko yaad kar ke ye kehne lage Hussain
Abbas Hamko Laashe Jawa’n mil nahi rahi
Akbar lade hazaaron se be khaofo be khatar

Girte huwe kaha ke Khuda hafiz aye Pidar
Gham se kaleja shaq hua dhu’ndla gayi nazar
Duniya hui siyaah kaho jaa’en Ham kidhar
Bichhde Habeeb jeene ki lazzat chali gayi

Qasim gaye to zapt ki taaqat chali gayi
Roothe jo tum to qalb ki quwwat chali gayi
Akbar ke saath Meri basarat chali gayi
Dar hai na Gham se Abid e Beemar chal base

Zainab na berida kahi’n ran me nikal pade
Maa ke tasawuraat me Sehre ke phool the
Wo kam se kam Pisar ka Janaza to Dekh le
Gum hai chiraagh haay Mere ghar ka der se

Hai shauqe deed Shakle Payambar ka der se
Dil khoon hai Tumhare Baradar ka der se
Laila ko intezaar hai Akbar ka der se
~ 22 ~
Barchi Hamare Bete ke Dil me hai kya kare’n

Kis tarha Uske darde jigar ki dawa kare’n
Ham be Mu’eeno Yaawaro Naaser hain kya kare’n
Pohnchenge Laash tak jo madad Murtuza karein
-----------------*-----------------
Ali Jaweed Maqsood
AB GHAR KO CHALO
KHAAK SE UTHO ALI AKBAR
Pohnche jo Hussain Ibne Ali Laashe Pisar par

Wo haal nazar aaya chhuri chal gayi dil par
Ye keh ke zamee’n par gire Bete ke barabar
Aaya hai Pidar hosh me Aao Ali Akbar
Ab ghar ko Chalo khaakh se Utho Ali Akbar
Zaalim koi bekas ko bataata na tha rasta

Chhaaya tha nigaahon me andhera hi andhera
Aaya hai pidar paas Tere thokare’n khaataa
Aankhon ko hua kya Meri poochho Ali Akbar
Tum chup ho to chalte hain Mere qalb pa khanjar

Kuch haal ladaai ka sunaao Mere Dilbar
Batlaao ke kis tarha laga zakhm jigar par
Kuch baat karo aankh to kholo Ali Akbar
Faryaad labo’n par hai aur ashko’n ki rawaani

Ghurbat bhi zaeefee bhi hai aur tashna dahani
Hanste hain Mere haal pa dushman Mere Jaani
Tanha Mujhe is tarha na chhoro Ali Akbar
~ 23 ~
Kyun paau’n ragadte ho kahan zakhm laga hai

Batlao Meri Jaa’n Mera dil baith raha hai
Kyun haath hai seene pa kahan zakhm laga hai
Phat jaaege dil Baap ka bolo Ali Akbar
Nouha hai labon par hai lahu aankhon se jaari

Ham kab se khade rote hain baali’n pa Tumhari
Khaaya na taras Tum ne ghareebi pa Hamari
Dil Baap ka is tarha na todo Ali Akbar
Aye Laal tasawur me tha Maa ke Tera sehra

Hai der se darwaaza e khaima pa Wo Dukhiya
Kya jaake bataaaun Main hua haal Tumhara
Laila se kahu’n kya ye Bataaao Ali Akbar
Ab der jo ki Tum ne to karti hui zaari

Be parda Bahan aaegi maqtal me Hamari
Maadar kahi’n Marjaay na sadme se Tumhari
Baba bhi nahi’n Jeene ke Sunlo Ali Akbar
Kis tarha se Dekhe ye Pidar haal Tumhara

Qaabu me nahi’n qalb ulat’ta hai kaleja
Pehlu me hai dil Baap ka pathar nahi’n Beta
Aage Mere is tarha na tadpo Ali Akbar
-----------------*-----------------
~ 24 ~
Mir Raza Ali Sohail
BAIN KARTE THE SARWAR HAAY NAOJAWA’N AKBAR
Naojawaan Bete ki ran se jab sada aayi

Le chali suwe maqtal Shah e Deen ko tanhaai
Kuch nazar na aata tha jaa chuki thi beenai
Kehte the Tumhein dhu’ndun Main kahan kahan Akbar
Bain karte the Sarwar Haay Naojawa’n Akbar
Jis ghadi Shah e Waala pohnche Laashe Akbar par

Phat gaya jigar Gham se dekhte hi ye manzar
Muztarib tha reti par Hamshabih e PaiGhambar
Le rahe the ruk ruk kar rann me hichkiyan Akbar
Shaah e Dee’n ye kehte the chup ho kis liye Beta

Baap ko zaeefi me daagh de gaye kaisa
Kya bataaaun Main tum ko haal jo hai Laila ka
Kis tarah rahe zinda ab Tumhari Maa Akbar
Kuch to bolo kyun aakhir karwatein badalte ho

Dono hath seene par baar baar rakhte ho
Kya guzar gayi beta kis liye tadapte ho
Kyun ragadte ho aakhir ran me ediyaan Akbar
Haay Teri shaadi ka dil me Maa ke armaan tha

Kaise ab wo dekhegi Tera khu’n bhara Laasha
Jaake Umme Laila se ab Main kya kahu’n Beta
Haay ye Jawaani aur dil me ye sina Akbar
Karbala ke jangal me kaisa waqt e ghurbat hai

Ik Ghamzada Maa par kaisi ye qayamat hai
Saamne nigaaho’n ke Naojawa’n ki mayyat hai
Bekasi me Laila ka hai ye imtihaa’n Akbar
~ 25 ~
Tha Sohail khaimon me ik hashr sa barpa

Laake rakh diya Sheh ne Naojawan ka Laasha
Tha labon pa Zainab ke har ghadi yehi nauha
Meri godh ke pale Mere Naojawan Akbar
-----------------*-----------------
Rasheed Shaheedi
JAO AB KHUDA HAFIZ AYE MERE ALI AKBAR
Hai Zameene karbal par dard ka ajab manzar

Jaa raha hai maqtal ko HamShabeehe PaiGhambar
Aur widaa karne ko laake maut ke dar par
Apne dil ke tukde se keh rahi hai ye Maadar
Jao ab Khuda Hafiz aye Mere Ali Akbar
Aa Main Apne haatho’n se phir sawaar lun zulfein

Paas baith ja kar lun Tujh se do ghadi baatein
Dekhne ko tarsengi tujh ko ab Meri aankhein
Mere Laal aa Tujh ko dekh lun Main ji bhar kar
Dhoop ki tamaazat hai teen din ke pyaase ho

Tum pa sadqe ho jaaun do ghadi thehr jaao
Maa ko chhorh kar Beta ja rahe ho maqtal ko
Haay Tum se pehle hi kyun na mar gayi Maadar
Maa ne tujh ko paala tha kitni aarzuon se

Kya bataaaun Main Beta dil me kitne armaan the
Ab na dekh paaungi phool Tere sehre ke
Qalb tukde hota hai kis tarah kahe Maadar
Har qadam pa hoega saamna andheron ka

~ 26 ~
Ab charaagh bujhta hai zindagi ki raahon ka
Noor leke jaate ho tum hamari aankhon ka
Tum ko dhu’ndne nikle kis ka aasra le kar
Baad tere kaise Main zindagi guzaarungi

Teri chaand si surat Main kabhi na paaungi
Zindagi ka har lamha Tera Gham manaungi
Jee ke kya kare Maadar Tere bin Ali Akbar
Zindagi ka har lamha ham pa bojh hoega

Aankh khushk hoegi qalb khoon roega
Sar zameen e maqtal par Mera Laal soega
Haay ye bhi kehne ko zinda reh gayi Maadar
Rukhsat e Ali Akbar ke ajeeb lamhe the

Yu’n Rasheed khaime se Akbar e Jawaa’n nikle
Ik janaza nikla ho jis tarah bhare ghar se
Keh rahi thi ro ro kar Maadar e Ali Akbar
-----------------*-----------------
~ 27 ~
Ali Jaweed Maqsood
LAILA SHAHEED HO GAYA TERA JAWAA’N PISAR
Ghodo’n se jab gira Shahe Mazloom ka Pisar

Khaime ki simt Shah ne Dekha ba chashme tar
Laila pukaari kya hai Mere Laal ki khabar
Bekas Hussain kehne lage dil ko thaam kar
Laila Shaheed ho gaya Tera Jawa’n Pisar
Laila sab hasrato’n ke janaaze nikal gaye

Hathyaar saare Akbare mehru pa chal gaye
Sehre ke phool khoon ki dhaaron me dhal gaye
Naize se chhid gaya Tere farzand ka jigar
Laila Hamara mannato’n Waala guzar gaya

Duniya Hamare chain ki barbaad kar gaya
Chehra wo chaand se bhi hasee’n khu’n me bhar gaya
Ab be chiragh hogaya Laila hamara ghar
Gham se ghareeb Baap ka dil paash paash hai

Beenaai ja chuki hai Pisar ki taLaash hai
Narghe me ahle zulm ke Bete ki Laash hai
Bas me Hamara dil hai na qaabu me hai nazar
Kuch rehm Mere haal pa khaata nahi’n koi

Bekas ko raasta bhi dikhata nahi koi
Kis ja hai Mera Laal bataata nahi koi
Rote hain ham Pisar ko to hanste hain ahle shar
Jaweed tha azeem Ghame Shaahe Mashraqain

Marge Pisar se lut gaya Sarwar ke dil ka chain
Ghode se jab zamee’n pa gira Dilbare Hussain
Rone lage ye keh ke Shahinshaahe Behro Bar
-----Laila Shaheed ho gaya Tera Jawa’n Pisar-----
~ 28 ~
Allama Akhtar Zaidi
ZAMEENE GARM PA LAASHA PADA HAI AKBAR KA
Salaam Rukhsate aakhir Hussain tak pohncha

Hai sakht aalame ghurbat me Laal Zehra ka
Koi nahi’n jo bataaye ke hai kaha’n Laasha
Hussain dhoond rahe hain Pisar nahi’n milta
Zameene garm pa Laasha pada hai Akbar ka
Zaeef Baap ki nazre’n Jawaan ka Laasha

Hai Gham se surkh Hussaine ghareeb ka chehra
Sirhaane baith ke paiham ye de rahe hain sada
Hussain Aaya Hai milne jawaab do Beta
Hai khaima gaah me har simt hashr ka saamaa’n

Shabeehe Husne Payambar tha Akbare Zeesha’n
Bahan ke dil me tha Bhai ke byaah ka armaa’n
Sakina kehti hai Bhayya kahan gaye Amma
Khuda hi Jaane ke Shabbir kitne hain be aas

Na koi Bhai na Beta hai ab Ghareeb ke paas
Shadeed dhoop me reh reh ke badh rahi hai pyaas
Hussain kitne hain tanha bichhad gaye Abbas
Kaleja dekh ke Bete ka dil tadapta tha

Hussain dekhte the aur ghar ujadta tha
Tha aftaab falak pa abhi ujala tha
Magar Hussain ki aankhon me bas andhera tha
Qadam Hussain ke Akhtar zamana choomega

Maqaame arsh pa dekhegi sabr ko duniya
Rahega lab pa fazaaon ke har ghadi Nouha
Hussain uthaaenge Laasha Jawaan Bete ka
-----Zameene garm pa Laasha pada hai Akbar ka-----
~ 29 ~
Hassan Abbas Ahsan
NA JAANE KIS TARAH LAILA NE DEKHA

JAWAA’N BETA HAI AUR ZAKHMI KALEJA
Khudaya kaise Sarwar ne Uthaya

Zaeefi me Jawa’n Bete ka Laasha
Rakha khaime me La kar jab janaza
Wo Laasha sar se pa tak khoo’n bhara tha
Na jaane kis tarah Laila ne Dekha
Jawaa’n Beta hai aur zakhmi kaleja
Madine me Wo aksar sonchti thi

Bahu hogi Hamari chaand jaisi
Bada armaan tha shaadi ka jiski
Wohi ab saamne bejaa’n pada tha
Basarat ja chuki Sibte Nabi ki

Hui hai khatm ronaq zindagi ki
Luti duniya Hussain Ibne Ali ki
Simat aaya hai aankhon me andhera
Bada zaalim hua tha ye zamana

Kayi hathyaar the aur ik nashana
Jawaani me wo phal barchhi ka khaana
Shabeeh e Mustufa par zulm aisa
Wo Jiska Husn tha Husne Payambar

Tha Us par ye sitam Allah O Akbar
Watan me muntazir thi jis ki Khwahar
Wohi ab khoon me Dooba Pada tha
~ 30 ~
Kamaale sabr ka ye Mojiza tha

Ke khud ko kaise Zainab ne Sambhala
Jise atthaara barso’n tak tha Paala
Usi ke Qalb me toota tha naiza
Na jaane kis tarah Laila ne dekha
Koi poochhe Ali Akbar ki Maa se

Guzarti kya hai marge Naojawa’n se
Sada aati hai Ahsan aasma’n se
Rahegi umr bhar sakte me Dukhiya
Na jaane kis tarah Laila ne dekha
-----------------*-----------------
Mir Raza Ali Sohail
THA RANN ME SHEH KA YE NOHA MERE ALI AKBAR

HUSSAIN HOGAYA TANHA MERE ALI AKBAR
Jo ran se Akbar e Mehru ki Shah ko pohnchi sada

Zaeef Baap ne haatho’n se Dil ko Thaam liya
Ye keh ke rukh kiya phir Shaahe di’n ne maidan ka
Sada do Mujh ko Aye Beta Mere Ali Akbar
Har ik gaam pa ruk ruk ke haath Malte the

Kabhi Sambhalte the Girte the phir Sambhalte the
Sada ye Dete huwe ran ki simt Chalte the
Dikhaai kuch nahi’n deta Mere Ali Akbar
Pohachke ran me jo Dekha Wo khoo’n bhara manzar

Gira ke Shaah ne Khud ko Jawa’n ke Laashe par
Kaha ye kaisi qayamat guzar gayi Dilbar
Tha Maa ne is liye paala Mere Ali Akbar
~ 31 ~
Khadi hai khaime ke dar par Wo Ghamzada Maadar

Main Laash khaime me le Jaaunga Teri kyunkar
Ye haal dekh ke phat Jaayga Dil e Muztar
Hai khoon me Tera Laasha Mere Ali Akbar
Jise thi aarzu dekhegi Wo Tera Sehra

Bhala Wo Dekhegi kaise ye khoon bhara Chehra
Jigar ka zakhm jo Dekhegi Ghamzada Laila
Na ji sakegi Wo Dukhiya Mere Ali Akbar
Tu khaako Khoon me ghalta’n hai Mehlaqa Mere

Khuda hi Jaane jo guzregi dil pa Zainab ke
Ke Tujh ko Paala hai atthara saal tak Jisne
Sitam hai us pa ye kaisa Mere Ali Akbar
Hussain Laaye jo khaime me Laasha-e Akbar

Madad ko pohnchi jo Bhai ki Zainab e Muztar
Jawa’n ke khoon se sab tar bataar hui chaadar
Pukari ji ke karun kya Mere Ali Akbar
Rihaai jab hui zinda’n se Aale At’har ki

Khabar Madine me pohnchi jo Qatle Akbar ki
Sohail hil gayi sunkar Lahad Payambar ki
Pukari ro ke ye Sughra Mere Ali Akbar
-----------------*-----------------
~ 32 ~
Baquer Mohsin
ZAEEF BAAP SE LAASHE PISAR NAHI UTHTI
Tadap ke kehti hai ye Roohe Fatima Zehra

Bala ke dasht me Mera Hussain hai tanha
Dayare ghair me uska nahi’n koi apna
Ajeeb waqt e musibat hai Ya Ali Madadi
Zaeef Baap se Laashe Pisar nahi’n uthti
Andhera aankhon me hai aur kamar khameeda hai

Karega kaun madad kis ka ab sahara hai
Nabi ka Noore Nazar kis qadar Akela hai
Lahu rulati hai Mere Pisar ko tanhaai
Zameen e garm pa hai Laasha e Shabihe Rasool

Badan ke zakhm mehekte hain jaise Khuld ke phool
Hujoom hasrato harmaa’n hai aur jaane Batool
Hai larza haathon me Sarwar ke lab pa Naad e Ali
Kinaare nehr pa Sote hain Hazrat e Abbas

Adu ke narghe me bekas Hussain hain be aas
Hai saath saath faqat be nawaai ka ehsaas
Jawa’n ki Laash pa kehti hai Sheh ki tashna labi
Lahu na kaise ho Mohsin ye Baap ka dil hai

Ye imtihan e muhabbat ki sakht manzil hai
Jawa’n ki Laash akele Uthaein mushkil hai
Sitam ki dhoop me tanha khade hain Sibte Nabi
-----------------*-----------------
~ 33 ~
Shaukat Bilgrami
KIS SOONE BANN ME SOTE HO
Kubra ne kaha Qasim Doolha, kis soone ban me sote ho
Bachpan ka randaapa dekho zara, kis soone ban me sote ho
Dekho to zara ham Shaan e Ali, ye maang hamari khaakh bhari
Kis se Main karun qismat ka gila, kis soone ban me sote ho
Paazeb ki jaa bedi hai padi, kangna ke ewaz rassi hai bandhi
Kya khoob Bani ka haal bana, kis soone ban me sote ho
Thaama tha jo Tumne haath Mera, duniya se lahad tak saath Mera
Ik shab ki Bani se hoke khafa, kis soone ban me sote ho
Ho jaata tha Shaukat hashr bapa, hilti thi zameene Karbobala
Kehti thi jo ro kar Wo Dukhiya, kis soone ban me sote ho
-----------------*-----------------
~ 34 ~
Ali Jaweed Maqsood
UTHO ZAMEENE GARM SE BETA UTHO UTHO
Pohnche Hussain Qasim e Bekas ki Laash par

Dekha Wo haal kar na sake doosri nazar
Pehlu me baith kar ye sada di bachashme tar
Ham lene aaye hain Tumhe Dulha Utho Utho
Utho zameene garm se Beta Utho Utho
Qasim Tumhari Maa ko Tumhara hai intezaar

Khaime ke dar pa baali Sakina hai be qaraar
Dada ka naam leke Utho Mere jaa’n nisaar
Sote nahi’n hain khaak pa Dulha Utho Utho
Tasweer e dard ban gayi Kubra ki zindagi

Jaaga hi tha naseeb ke taqdeer so gayi
Kanghna abhi khila Nahi’n aur maang ujad gayi
Kubra Banaai Jaati hai bewa Utho Utho
Fauj e sitam sheyaar bada zulm kargayi

Kya phool se badan pa qayamat guzar gayi
Bhai ki yaadgaar zamee’n par bikhar gayi
Dil khoon ho raha hai Hamara Utho Utho
Tum ne Mujhe madad ko Pukara tha Mehlaqa

Par aasaka na waqt pa sharminda hai Chacha
Baalee’n pa ab Tumhari hu’n Rota Khada hua
Do apne Gham me Mujhko Dilasaa Utho Utho
~ 35 ~
Karte hain dard o Gham se Haram naala o fughan

Dulha ki raah dekhti hain saari Bibiaan
Hai beqarar Aye Mere Dilbar Tumhari Maa
Karti hai intezaar Tumhara Utho Utho
Farwa ke dil ka chain ho Lakhte Dil e Hasan

Haidar ki yaadgaar ho Ghaazi ho Saf Shikan
Moula ke saath karta hai Jaweed ye sukhan
Awaaz dete hain Shahe Waala Utho Utho
-----------------*-----------------
Rasheed Shaheedi
BAHATTAR TUKDE
Karbala me hua lakhte Dil e Shabbar Tukde

Ran se Qasim ke utha laaye hain Sarwar Tukde
Pohnche maidaan me Qasim ki sada sun kar jab

Dekha Shabbir ne Bhai ka hai Dilbar tukde
Sar jhukaye huwe Rote hain Hussain Ibne Ali

Apne Bhai ki nishaani ke utha kar tukde
Hai ye Qasim ka Janaaza ke jigar Shabbar ka

Ran se Shabbir utha Laay Bahattar tukde
Maadar e Hazrat e Qasim se ye Kehte hain Hussain

Aap ke Laal ke laaye hain utha kar tukde
Waqea Hazrat e Qasim ki Shahadat ka Rasheed

Sun ke hota hai har ik ka dil e muztar tukde
-----------------*-----------------
~ 36 ~
Ali Rafi
QATL HO GAYE QASIM YA ALI DUHAAI HAI
Hai lahu bhara Chehra kaisi runumaai hai

Dekhne ko ye manzar ab Dulhan bhi Aayi hai
Ek din ki thi Shaadi hashr tak judaai hai
Karbala ke Dulha ki Laash ghar me Aayi hai
Qatl hogaye Qasim Ya Ali duhaai hai
Do jaha’n na kyun rowe ye Ali ka Pota hai

Bekasi pa Qasim ki dil shikista hota hai
Ye zameen Rothi hai aasma’n bhi rota hai
Ab kisi ko sakta hai koi jaan khota hai
Qatl ho gaye Qasim Ya Ali duhaai hai
Kis liye tadapte hain kisko jaa ke samjhaaein

Kya guzarti hai Ham par Wo to bas Khuda Jaane
Qalb bhi Hamare hain Shaah ke Aza khaane
Hain azaaye Qasim me aasuon ke nazraane
Aaj Karbala waale phir hamare mehma hain

Phool ho’n ke mehndi ho sab Aza ke saama’n hain
Ehtemaam shaadi ke ik Bahan ke armaa’n hain
Ghamzado’n ke nazraane aansuon ke toofaa’n hain
Ye Sadaa-e Maatam hai ik payaame bedaari

Is liye rago’n me hai khoone zindagi jaari
Zindagi Hamari hai Shaah ki Azadaari
Khud shareeke Majlis hai ek Ghareeb Dukhiyaari
Ran se Laasha-e Naoshah laay jis ghadi Sarwar

Zindagi ka har lamha phir to ban gaya nashtar
Har qadam qayamat thi har qadam pa tha mehshar
Reh gaya nigaho’n me ye lahu bhara manzar
~ 37 ~
Bain the ye Kubra ke ab to ghut raha hai dam

Bolte nahi’n kuch bhi aaj Mere Ibne amm
Kis tarah se dikhlaaein apne dil ka ye aalam
Boliye Phupi Amma chup rahein ke roe’n ham
Misle Fatima Kubra kaunsi Dulhan hogi

Sar to berida hoga haath me rasan hogi
Laash jiske waaris ki ran me bekafan hogi
Aye Rafi is Gham me qaom seenazan hogi
-----------------*-----------------
Raza Aafandi
YE HUSSAIN MAQTAL SE KISKI LAASH LAATE HAIN
Kyu’n gulo’n ki khushbu se sara ran mehekta hai

Pairahan mu’attar hai kya ye koi Doolha hai
Chaand sa Hasee’n Chehra dhoop me chamakta hai
Aur lahu ki dhaaron ka Uske Rukh pa sehra hai
Ye Hussain maqtal se kiski Laash Laate hain
Jab lagaai thi mehendi us ko Pyaari Behna ne

Maa libaase Nao lekar aayi usko pehnaane
Sab baraation ke the aansuon ke nazraane
Sub’ha ki thi ye baatein shaam ki Khuda jaane
Tashnagi ke sehra me aag si barasti hai

Boondh boondh paani ko zindagi tarasti hai
Tashna kaam Dulha hai aur Dulhan bhi pyaasi hai
Haay kaisi shaadi hai har taraf udaasi hai
~ 38 ~
Sub’ha se kaee Laashe leke aaye maida’n se

Par ye Laash laane ki Shaan hi niraali hai
Ek aba ke goshe me Jiski Laash aajaye
Us ke jisme at’har par guzri kya Khuda Jaane
Ran me Laash Dulha ki khaako khoo’n me ghaltaa’n hai

Waa’n Dulhan ke khaime me hashr jaisa saamaa’n hai
Sar pa khaak daali hai maang Uski veera’n hai
Bain Uske sun sun kar Maa ka dil pareshaa’n hai
Tha Dulhan ka ye Noha gardishe zamana hai

Tum gaye suwe maqtal ham ko qaid khana hai
Yaad ke sahare hi zindagi bitaana hai
Kaash ham hi mar jaate ye bhi koi jeena hai
Hogayi Dulhan Bewa Sheh ka Dil tadapta hai

Har nafas wohi manzar chashme nam me rehta hai
Ghash me Umme Farwa hai aur Dulhan ko sakta hai
Ab Raza qayamat hai aasmaa’n larazta hai
-----------------*-----------------
~ 39 ~
Ali Jaweed Maqsood
MAQTAL SE LAASH QASIM E NAOSHAH KI AAYI HAI
Baraation ne kyun saffe maatam bichhaai hai

Dulhan ki maang khaakh se kis ne sajaai hai
Shaadi ka hai makaan faza Gham ki chhaayi hai
Bewa hui Hussain ki Beti duhaai hai
Maqtal se Laash Qasim e Naoshah ki aayi hai
Khushian tamaam hogayi aansu bahaiye

Dulhan ko laake farshe Aza par bithaiye
Shaadi ki rasm ho chuki bewa banaiye
Fizza ye kiske marne ka paighaam laayi hai
Maqtal se Laash Qasime Naoshah ki Aayi hai
Bewo’n ke darmiyaan ye Farwa ki hai buka

Pal me Meri khushi ka jaha’n khaakh hogaya
Bete ka ghar basaane ka armaan tha Mera
Ibne Hasan ne maot ki basti basaai hai
Farmaate the ye Shaah ghazab hogaya Bahan

Paamaal rann me hogaya Naoshah ka badan
Aur tukde tukde hogaya Bhayya ka Gul badan
Qasim ki Laash Hamne aba me Uthaai hai
Jaweed Karbala ki ye Shaadi ajeeb thi

Lamhon me jo khushi thi Wo Gham me badal gayi
Shaadi koi jaahan me hoti hai jab kabhi
Ibne Hasan ki Yaad zamaane ko aayi hai
-----------------*-----------------
~ 40 ~
Kazim Banarsi
AASHOOR KI WO RAAT
Aashoor ki wo raat wo sannaate ka aalam

Fitrat ki khamoshi me farishton ka Wo maatam
Soya hua ran me Asadullah ka zaiGham
Aur khoon me dooba hua Islaam ka parcham
Abbas tujhe Ahle Wafa yaad karenge
Dekhi na gayi bachon ki jab tashna dahani

Aankhon me khatakne lagi maojo’n ki rawani
Paani ke liye apna lahu kar diya paani
Bachpan pa Sakina ke fida kardi jawani
Qabze me thi talwaar ke qabze me Khudaai

Do haath chali thi ke taraai nazar aayi
Bhai ki wigha door se dekha kiye Bhai
Yu Shaane Wafa Tu ne wafadaar dikhaai
Aye Fatima Zehra ke qamar nayyare taaba’n

Baazue Hussain Ibne Ali naasire Ima’n
Khaaliq ki qasam kardiya Islaam pa ehsaan
Aye mashke Sakina ke Muhafiz Tere qurbaan
Duniya se gaya Shaan Wafaaon ki dikha kar

Paani na piya pyaasa raha nehr pa jaa kar
Ghode se gira khaakh pa baazu ko kata kar
Soya bhi to soyi hui millat ko jaga kar
Kazim koi karta hai to karne do bahana

Goonjega fazaaon me wafaaon ka taraana
Har rang me dhal jaaega ye Gham ka fasaana
Fitrat to na badlegi badal jaay zamana
-----------------*-----------------
~ 41 ~
Jameel Moosvi
AASHOOR KI YE SHAB HAI SHAHADAT KI RAAT HAI

MAATAM BAPA KARO KE QAYAMAT KI RAAT HAI
Zehra ke Khandan pa ghurbat ki raat hai

Khamosh khaima gaah hai wahshat ki raat hai
Aashoor ki ye shab hai shahadat ki raat hai
Maatam bapa karo ke qayamat ki raat hai
As’haab ko hai dhyaan bas apne Imam ka

Pyaaso’n ko intezaar Shahadat ke Jaam ka
Abbas kar rahe hain Talaaya Khayaam ka
In sabke waaste ye Ibadat ki raat hai
Ahle Haram hain dekh pareshaan Karbala

Dil aaj hi se sabke hain veeraan Karbala
Kal tak rahenge ye tere mehmaan Karbala
Ye raat unpa sakht musibat ki raat hai
Qasim Hasan ka Laal Jo Maida’n ko jaayga

Dashte bala me khoon ka dariya bahaayga
Maqtal ki sra zamin ko Mehshar banaayga
Naoshaahe Karbala pa shahadat ki raat hai
Kal sub’ha deke aakhri mojiz numa Aza’n

Barchhi Jigar pa Khaayga phir Akbare Jawa’n
Sakte me kal se aakhri din tak Rahegi Maa
Bete ki aakhri ye Ziyarat ki raat hai
Chaadar hai aaj sar pa hai Zainab ko itminaan

Kal hoga sab saro’n pa magar charkhe Saaybaan
Kal hoga Fatima ka rasan basta Khandan
Ye aakhri ridaao’n ki hurmat ki raat hai
~ 42 ~
Shaane kata ke nehr pa Abbas Soenge

Tooti Kamar ko Thaam ke Shabbir Roenge
Bachche bhi pyaas bujhne ki ummid khoenge
Ghaazi pa aaj Zapte Shuja’at ki raat hai
Hamla Ali ke Sher pa hoga furaat par

Marjaayga Sakina ka Saqqa furaat par
Kal hoga Ambiya ka bhi girya furaat par
Khaimo’n ki aakhri ye hifazat ki raat hai
Teere sitam se kal jo kiya Jaayga Shaheed

Shashmaaha hai wo Jis pa musibat hai ye shadeed
Ye zulm karke roega khud lashkare yazid
Bano pa intehaay aziyat ki raat hai
Hangaame asr qatl Kiye Jaaynge Hussain

Kal Bekafan Rahenge yaha’n Shaahe Mashraqain
Maqtal me goonj uthenge kal Fatima ke Bain
Ye raat Mere Laal pa ghurbat ki raat hai
Laazim hai kaaynaat pa ye Gham Hussain ka

Kaise karenge Haq ye ada ham Hussain ka
Bachpan se karte aay hain Maatam Hussain ka
Apne liye ye raat sa’adat ki raat hai
Maango Jameel Khaliqe Akbar se ye Dua

Aye Rabbe Paak Tujhko hai ab shab ka waasta
Ham sab Hussain waalo’n ko pohnchaade Karbala
Aansu bahaay jao ye riqqat ki raat hai
-----------------*-----------------
~ 43 ~
Ali Jaweed Maqsood
JAATE HO SUWE MAQTAL ABBAS KHUDA HAFIZ
Bole ye Shahe waala Abbas Khuda hafiz

Ab hogaya ghurbat ka ehsaas Khuda hafiz
Ham hogaye jeene se be aas Khuda hafiz
Faryaad kuna sab ki hai pyaas Khuda hafiz
Jaate ho suwe maqtal Abbas Khuda hafiz
Har simt se aati hai rone ki sada Bhai

Sab Ahle Haram dar par karte hain buka Bhai
Parde ka na chaadar ka kuch hosh raha Bhai
Aate hain unhein kya kya waswaas Khuda hafiz
Mazloom hain ham kitne kya waqte musibat hai

Dikhlaaein kise Bhai jo qalb ki haalat hai
Har saans ek aafat hai har lamha qayamat hai
Khaamosh hain lab dil me hai yaas Khuda hafiz
Phirne lage aankhon me ab dard ke sab manzar

Wo lut’te huwe khaime Wo jalta huwa bistar
Wo neel tamaanchon ke Wo chhinte huwe gohar
Hai kaon Ghareebon ke ab paas Khuda hafiz
Hone se Tere rukhsat dil toot gaye Bhayya

Ab to koi pyaasa bhi paani nahi’n maangega
Mazloom musibat me ab kis ko sada Dega
Khaamosh rahegi ab har pyaas Khuda hafiz
Ab Shere Jari Tum se lashkar ki bhi zeenat thi

Har ranj me aafat me Gham sehne ki taaqat thi
Tum saath rahe jab tak Shabbir ko himmat thi
Ab jeene ka armaa’n hai naa aas Khuda hafiz
~ 44 ~
Kya sakht musibat hai Abbas Tera jaana

Gham hogaya phir taaza Baba ki musibat ka
Ab waqt aseeri ka Zainab ko yaqee’n aaya
Sach hote hain bewon ke waswaas Khuda hafiz
Taari tha Sakina pa ghurbat ka ajab aalam

Maidaan ko jaata tha Shabbir ka jab zaiGham
Aati rahi khaimon se bas ik sada paiham
Abbas Khuda hafiz Abbas Khuda hafiz
-----------------*-----------------
Ali Jaweed Maqsood

ABBAS E ALI SHEH KE ALAMDAR SIDHARO
Rukhsat ke liye aaye hain Abbase Dilawar

Bechain hain sadme se Dil e Zainabe Muztar
Nazrein kabhi baazu pa kabhi Bhai ke rukh par
Naoha ye zaba’n par ke wafadaar sidharo
Abbase Ali Sheh ke Alamdar sidharo
Jab tak Mere Bhayya Tere baazu hain salamat

Baazu Mere baandhe ye kisi me nahi’n himmat
Marne ki riza leke jo Tum hote ho rukhsat
Zinda’n hai hamare liye tayyar sidharo
Niklegi jo Kufe ko Aseero’n ki sawari

Sar peet te rote huwe karte huwe zaari
Aayegi yateemo’n ko bohut yaad Tumhari
Sab hote hain be yaaro madadgaar sidharo
~ 45 ~
Maaloom hua Mujh ko hui khatm ladaai

Laakhon ke muqaabil hua tanha Mera Bhai
Ho jayegi Bhayya ke saro tann me judaai
Ab kaon hai Bekas ka madadgaar sidharo
Aankhein Meri ghurbat ka sama dekh rahi hain

Uthta hua khaimon se dhua’n dekh rahi hain
Baazu pa rasan ke bhi nashaa’n dekh rahi hain
Aane ko hain khaimon me sitamgaar sidharo
Chaadar Meri chhin jaayegi jab Tum na rahoge

Aur shimr Sakina ko lagaaega tamaanche
Beemar pa barsenge sitamgaaron ke durre
Dhaaenge bohut zulm jafakaar sidharo
-----------------*-----------------
Ali Jaweed Maqsood
SHABBIR HAI TANHA MERA ABBAS KAHAN HAIN
Do laakh ke narghe me Muhammad ka Nashaa’n hai

Hamdard kahan koi har ik dushmane jaa’n hai
Ab maot hi Haidar ke Dulaare ki amaa’n hai
Maqtal ki fazaon me ye Zehra ki fughaa’n hai
Shabbir hai tanha Mera Abbas kahan hai
Shabbir ki tanhai pa ha’nste hain sitamgar

Ab koi sahara nahi’n Qasim hai na Akbar
Sambhla nahi’n jaata Mere Bachche se faras par
Pyaase ki nigahon me har ik simt dhua’n hai
Narghe me sitamgaaro’n ke ghash hai Mera Dilbar

Khanjar liye aata hai idhar shimre sitamgar
~ 46 ~
Rann me nikal aayi hai udhar Zainabe Muztar

Khaimo’n me Nabi zaadio’n ki aaho fughaa’n hai
Andaaz tasawur me jaga pa gaya kiska

Ye dard Mere Laal ko tadpa gaya kiska
Khanjar ke tale bhi ye khayal aagaya kiska
Mazloom suwe nehr ba hasrat nigaraa’n hai
-----------------*-----------------
Rasheed Shaheedi
MAATAM HAI AAJ DILBARE UMMUL BANEEN KA
Haidar ka Laal aur Wo Zehra ka dilruba

Saqqaye Ahle Bayt Alamdaare ba wafa
Abbas se jari ko na thi jang ki riza
Hasrat jihad ki liye maqtal me sogaya
Maatam hai aaj Dilbare Ummul Baneen ka
Abbas Muztarib the badan tha lahu me tar

Kya jaane kya guzar gayi Us par kise khabar
Allah Jaane kaise gira hai Wo khaak par
Shaane juda the aur tha Sar bhi shigaafta
Bhai ka haal dekh ke Roe Shahe umam

Ummul Bani’n ke Laal pa kya kya huwe sitam
Zakhmon se choor hogaye sahaane huwe qalam
Sar hogaya shigafta mashkeeza chhid gaya
Farmaya Sheh ne kaisi ye neend aagayi Tumhein

Abbas Ham Tumhari Sakina se kya kahein
Is tarha Bhai chhorh ke Jaao na Tum Hamein
Utho ke de rahe hain Tumhe kab se Ham sada
~ 47 ~
Bachchon ko intezaar tha Abbas aaenge

Boli Sakina Mere Chacha paani laaenge
Ammu Hamare pyaas sabho’n ki bujhaenge
Lekin Haram ka Paasbaa’n waapas na aa saka
Aya kamar ko thaame jo Zehra ka Noore Ain

Pyaasi Sakina Baap se karne lagi ye bain
Ammu baghair aaega kis tarha Ham ko chain
Bole Hussain margaya Beti Tera Chacha
Zainab lipat ke Bhai se karne lagi ye bain

Maajaay kuch to bolo ye kaisa hai shoro shain
Sar ko jhukaay rote ho kis waaste Hussain
Sheh ne kaha Bahan Mera Abbas Margaya
Aansu Hamare karte hain paiham Tujhe Salam

Abbas mushkilon me to Aata hai sab ke kaam
Adna ye hai Rasheed Shaheedi Tera ghulaam
Hai Tere Gham me is ke bhi lab par yehi sada
-----------------*-----------------
~ 48 ~
Hasan Abbas Ahsan
DASHTE GHURBAT ME SAKINA MAIN AKELA

HOGAYA
Laashe Abbase Ali se uthke Aaye hain Hussain

Ho chuki duniya andheri kho chuka hai dil ka chain
Thaam kar tooti kamar Beti se karte hain ye bain
Nehr par Shaane kata kar Sogaya Tera Chacha
Dashte ghurbat me Sakina Main akela Hogaya
Khoon beh jaane ka koi Gham na tha Abbas ko

Apni nazron me basaay tha Wo Teri pyaas ko
Chot pohnchi haay Mere Bhai ke ehsaas ko
Beh gaya paani chhida jis waqt mashkeeza Tera
Main ne dekha hai dare khaima se us ka haale zaar

Jab hua be dast Mera Bhai Mera Ghamgusaar
Har taraf se har koi Mazloom par karta tha waar
Kis qadar zakhmi hua tha kya kahu’n saqqa Tera
Haal Mere Bhai ka Beti karun kaise baya’n

Jab Main pohncha Wo hayaato maot ke tha darmiya’n
Sar se paa tak gurz ke tegho’n ke bhaalo’n ke nasha’n
Aankh me ik teer tha ik aankh me tha khoo’n bhara
Kehta tha Laasha Mera Lillaha khaimo’n me na jaay

Mujh ko ab saydaanio’n ka saamna hone na paay
Ye guzarish hai Sakina Mere Laashe par na aay
Marte marte Uska Saqa Us se sharminda raha
~ 49 ~
Har aziyat seh gaye sab baawafa saathi Mere

Par jo ghode se gira us ke salamat haath the
Ye musibat haa’n magar hisse me thi Abbas ke
Kya Bataaau’n kaise ghode se zami’n par Wo Gira
Dasht e ghurbat me Sakina Main akela hogaya
Karbala me is tarah aashoor ko majlis hui

Zikr tha Abbas ka zaakir Hussain Ibne Ali
Be baso’n ki aaho zaari se zami’n hilne lagi
Kehte the Ahsan yehi ro ro ke Shahe Karbala
-----------------*-----------------
Ali Jaweed Maqsood
JALTE HAIN KHAIME
Shole hain bhadakte huwe har simt dhua’n hai

Zainab pa musibat hai qayamat ka sama hai
Kehti hai Muhafiz Mere parde ka kahan hai
Hamghirate Haidar Meri chaadar to bachaale
Abbas Utho aag lagi jalte hain khaime
Phir ghaize Yadullah zamaane ko dikhao
Faryaad chaheeti ki hai Imdaad ko aao
Gohar na chhine aake Bhateeji ko bachao
Daaman se Sakina ke hain lipte huwe shole
Tum aao to phir zulm ki taqat na rahegi
Tum aao to Zainab ki rida chin na sakegi
Tum aao to beemar ki masnad na jalegi
Tum aao to beemar pa barseinge na kode
Barchhi ki ani par hai abhi tak Dile Akbar
Aur Baap ki aaghosh me kumhla gaye Asghar
Shabbir ki gardan pa chala shimr ka khanjar
Ab Aabide Beemar bhi sholo’n me ghira hai
~ 50 ~
Jalti hui reti pa pade hain tane Besar
Ye Aun o Mohd hain Wo Qasim hai Wo Akbar
Phir ik naye zulm pa tayyar hai lashkar
Paamaaliye Shabbir ke hote hain iraade
Ab Aale Mohd pa qayamat ki ghadi hai
Kya waarise Tatheer pa uftaad padi hai
Ye Dukhtare Zehra hai jo balwe me khadi hai
Beemar sambhalta nahi’n kode hain baraste
-----------------*-----------------
Mir Raza Ali Sohail
KYA SO RAHE HO NEHR PA ABBASE BAWAFA
Zainab ke bain the Mere saqqaye Karbala

Is bekasi me koi Hamara nahi’n raha
Jo Tum nahi’n to Ham pa har ik gaam hai jafa
Ham bekason ko Aake do ab jald aasra
Kya so Rahe ho nehr pa Abbase Bawafa
Tooti kamar Hussain ki jab Tum nahi’n rahe
Aankhon ka Noor ja chuka Akbar jo Chal base
Bewo’n ko aas Tum se thi Shere Jari Mere
Bekas Hussain dasht me ab kisko dein sada
Sab jal chuke qayam ridaaein bhi chhin gayi’n
Tab se pada hai ghash me Mera Abide hazi’n
Saaya hai asmaan ka aur farsh hai zami’n
Zainab talaya karti hai jalte khayaam ka
Ro kar Sakina kehti hai Ammu ab Aaiye
In zaalimon ke zulm se ham ko bachaiye
Behr e Khuda na is tarah mujh ko rulaiye
Gohar bhi chheene ja chuke kurta bhi hai phata
Bhayya jo Tum nahi’n to hain be aas Bibiya’n
Khaimon me Sheh ke ek qayamat ka hai sama’n
Tashna labi se bachche sabhi karte hain fugha’n
~ 51 ~
Rokar Sakina Kehti hai jald Aaiye Chacha
Mashko Alam ko leke luta Qafela chala
Haamil Alam ka Pyaason ka Saqqa nahi’n Raha
Maatam tha aye Sohail Alamdare Shah ka
The bain sab ke aye Bani Hashim ke Meh laqa
-----------------*-----------------
Mir Raza Ali Sohail
RO RO KE YEH ZAINAB NE KAHA AUN-O-MOHD

GHAR KAR GAYE VEERAN MERA AUN-O-MOHD
Pehlu me jo Tum hote to Soti thi suku’n se

Neend aayegi ab kaise bhala Aun-o-Mohd
Sonchi thi jawa’n honge Meri aankhon ke taro

Tifli me huwe Mujh se juda Aun-o-Mohd
Kya rooth ke Maadar se khafa hogaye pyaaron

Hojaay ye Maa Tum pa fida Aun-o-Mohd
Ghar Mera hamesha ke liye kar Gaye barbaad

Aabaad huwi Karbobala Aun-o-Mohd
Do chaand Mere chhup gaye badli me sitam ki

Sara jaha’n andhera hua Aun-o-Mohd
Ab Tum jo nahi’n ghar mujhe achha nahi’n lagta

Yaad aati hai har ik ada Aun-o-Mohd
Tanhai me ghut ghut ke sada Gham me Tumhare

Karti hu’n me raaton ko buka Aun-o-Mohd
Tum sahib e aulaad jo hote to samajhte

Kis dil se di marne ki riza Aun-o-Mohd
Reh reh ke khayal aata hai Tum Dono se pehle

Kyun aayi nahi’n Mujh ko qaza Aun-o-Mohd
~ 52 ~
Baalo’n se chhupaati rahi chehre ko Main Apne

Chheeni gayi jab Meri rida Aun-o-Mohd
Uftaad Sohail aisi thi ik Ghamzada Maa par

Thi dil ke dhadakne ki sada Aun-o-Mohd
-----------------*-----------------
Sadiq
MERE ASGHAR KI HAI QABR KIS JA
Kehti Bano ye maqtal me aayi Mere Asghar ki hai qabr kis ja

Dhu’ndti hu’n karo rehnumaai Mere Asghar ki hai qabr kis ja
Haay kaisa hua daagh dil par chain aata nahi’n Main hu’n muztar
Mujh ko deta nahi’n kuch dikhai Mere Asghar ki hai qabr kis ja
Mere Bachche ka koi pata de aye zameene balaa tu bataaa de

Aye falak hu’n Main Teri satai Mere Asghar ki hai qabr kis ja
Mera Shashmah Bachcha kahan hai kyu wo ankhon se Meri niha hai
Kaunsi ja hai jo Usko bhaai Mere Asghar ki hai qabr kis ja
Shab hai ghabraaega Mera Bachcha kaisa maqtal me hai sab andhera
Lori dekar sulaane hu’n aayi Mere Asghar ki hai qabr kis ja
Koi kehta nahi’n kuch zaba’n se uth gayi kya murawat jaha’n se
Logo’n kehdo Main hu’n uski Daayi Mere Asghar ki hai qabr kis ja
Tashnagi se Wo Uska tadapna ab bhi aankhon me hai Wo machalna

Pyaas uski bujhaane hu’n aayi Mere Asghar ki hai qabr kis ja
Teer hi tha bohat jis gale par haay phera gaya Uspa khanjar
Aasma de raha hai duhaayi Mere Asghar ki hai qabr kis ja
Hashr khaime me Sadiq tha barpa rote jaate the Sajjade Wala
Bano kehti jo maqtal me Aayi Mere Asghar ki hai qabr kis ja
----------------*-----------------
~ 53 ~
Fareed Baig
SHAHEED-E-TEER-E-SITAM BEZABA’N ALI ASGHAR
Chale hain khaime se phir laut kar na aaenge

Sawaale aab pa teere sitam ye khaaenge
Na baade dafn bhi marqad me chain paaenge
Hussain dil ko bhala kis tarah Manaenge
Shaheede teere sitam Bezaba’n Ali Asghar
Chala jo teer to kaampi zameene Karbobala

Chhidi jo gardane besheer to falak larza
Fazaa-e dasht me ik hashr hogaya barpa
Magar Hussain ka Beta tha Muskura Utha
Jo dekha Banu-e muztar ne dil larazne laga

Kaha ye ro ro ke Haay Haay ye kya hua Beta
Zara si der me veeran kar gaye jhoola
Rahega honton pa ta umr bas yehi Noha
Lahu bhare huwe honton ko choom kar ye kaha

Ye kisne teere sitam se tujhe shaheed kiya
Nazar na aaya usse kya ye phool sa chehra
Ye bain sun ke haram kar rahe the aaho buka
Bana ke nanhi si turbat zameene maqtal par

Ik aah sard bhari aur uth gaye Sarwar
Kahan hain Qasim o Abbas aur Ali Akbar
Falak ko dekh ke ik baar ye kaha rokar
Chale jo turbate besheer se suwe khaima

Hussain bekaso Mazloom tashna lab tanha
Fareed koi na tha dashte nainawa ke siwa
Faza me goonj rahi thi ye Fatima ki sada
-----------------*-----------------
~ 54 ~
Ali Irfan
NAUNEHAAL
Maidaan me jo Shah ne halmin ki di sada
Asghar ne Apne jhoole se Khud ko gira diya
Maa ne kaha ke Tum bhi chale Mere Dilruba
Achha Main ye judaai bhi sehlungi Mere Laal
Jaao Sidhaaro ran ki taraf Mere Naunehaal
Armaa’n bahot the koi na hasrat nikal saki

Tha chaar din ka saat ye mujhko khabar na thi
Jee bhar ke pyaar bhi to Main kar paai na abhi
Beta tamaam umr rahega yehi maLaal
Waqt-e sehr se asr talak ghar ka ghar luta

Abbas o Qasim o Ali Akbar huwe judaa
Ab Tum bhi jaane waale ho Maa Tum pa ho fida
Lekin abhi bhi sabr karungi me khasta haal
Jaate ho rann ko thehro Main gesu sanwaar dun

Godi me Aao Tumko Main ji bhar ke pyaar dun
Ruk jaao Mere Laal ke sadqa utaar dun
Apni Amaa’n me rakhe Tujhe Rabbe ZuljaLaal
Jab Main watan ko laot kar Aye Laal jaaungi

Sughra jo Tumko poochhegi kuch keh na paaungi
Ro’ungi khaali jhoola Tumhara jhulaaungi
Deen e Rasool e Haq ki ye izzat ka hai sawaal
Bechain-o beqaraar ho Tum jang ke liye

Sukhi zaba’n hai pyaase ho Tum teen roz se
Is ke siwa hain aur bhi kitne hi marhale
Tum ko magar hai maqsade Shabbir ka khayal
-----------------*-----------------
~ 55 ~
Hasan Abbas Ahsan
MERE BHAYYA ALI ASGHAR
Sakina kehti thi rokar Mere Bhayya Ali Asghar

Huwi hai raat aaja ghar Mere Bhayya Ali Asghar
Wo Nanha sa gala chheda jise teere sitamgar ne

Usi par phir chala khanjar Mere Bhayya Ali Asghar
Sitamgaaron ne jhula bhi nahi’n chhora jala daalaa

Pachhaadein khaati hai Maadar Mere Bhayya Ali Asghar
Machalna pyaas ki shiddat se Tera hichkiyaan Lena

Nighaahon me hai wo manzar Mere Bhayya Ali Asghar
Andheri qabr hai pehlu hai Maa ka aur na jhoola hai

Tujhe neend aaegi kyun kar Mere Bhayya Ali Asghar
Bohat samjhaya Zainab ne Sakina ko magar Ahsan

Wo Rothi thi yehi keh kar Mere Bhayya Ali Asghar
-----------------*-----------------
~ 56 ~
Rasheed Shaheedi
RABAB KARTI HAI FARYAAD MARGAYE ASGHAR
Wo chhe mahine ka sin aur wo tashnagi ka safar

Zaba’n ka pherna paiham sulagte honton par
Ghareeb Maa ki nigaahon me hai ye sab manzar
Kahe to kis se kahe dil pa chalte hain khanjar
Rabab karti hai faryaad margaye Asghar
Tadapna Baap ki aawaaz par wo Asghar ka

Sada wo sunte hi Halmin ki muztarib hona
Wo kamsini wo atash wo Sagheer ka jazba
Wo girna jhoole se jaana wo Sheh ke haathon par
Pehen ke nikla tha maqtal ko wo naya kurta

Ye kya hua ke wo kurta lahu se surkh hua
Guluwe khushk pa kaisa sitam ka teer laga
Qaraar aayega ik Maa ke dil ko ab kyun kar
Har ik Bibi ka is Gham se hai ajab aalam

Tasalli deti hai Zainab Rabab ko paiham
Lahu rulaati hain yaadein Sagheer ki har dam
Nigaah padti hai jis waqt khaali jhoole par
Rasheed baade Shahadat ajeeb zulm hua

Lahad me chayn se wo jhoole waala so na saka
Nikala qabr se zaalim ne us ko zib’ha kiya
Sina ki nok pa dekha gaya wo phool sa Sar
-----------------*-----------------
~ 57 ~
Hasan Abbas Ahsan
BAIN THE YE BANO KE MERE BEZABA’N ASGHAR

SHAAM HOGAYI BETA TUM GAYE KAHA’N ASGHAR
Bekasi me kya Meri aas toot jaaegi

Ab Tumhare jhoole me kisko Maa jhulaaegi
Dasht ke andhere me kaise neend aaegi
Ghut rahi hain seene me kab se loriya’n Asghar
Bain the ye Bano ke Mere Bezaba’n Asghar
Dekhne ko zinda thi Maa wo karb ka manzar

Kya sitam hua Beta aah Teri gardan par
Teere zulm kya kam tha haay phir chala khanjar
Gir pada na dharti par kyun ye asmaa’n Asghar
Tere jisme naazuk par pyaas ka asar dekha

Tera chaand sa chehra khu’n me tar ba tar dekha
Maine noke naiza par haay Tera Sar dekha
Margayi na kyu’n Teri benaseeb Maa Asghar
Kya baya’n karun Beta Mere qalb ki haalat

Phir rahi hai aankhon me Teri chaand si surat
Kar saki na jee bhar ke haay Main Teri khidmat
Sharmsaar hai Tujh se aaj Teri Maa Asghar
Shaahe dee’n ne dafnaaya Teri Laash ko Beta

Ahle zulm ko lekin yebhi kab gawaara tha
Qabr se nikala tha Tera khu’n bhara Laasha
Phool sa wo sar Tera aur wo sina Asghar
~ 58 ~
Reh gaya hai nazron me Teri pyaas ka manzar

Ik boond bhi paani Mai na desaki Dilbar
Maa nisaar hojaati Tere khushk honton par
Shiddat e atash se wo Teri hichkiyaan Asghar
Kyun rahe na mehshar tak dil figaar Bano ka

Haa’n ye maatame Asghar hai qaraar Bano ka
Kya baya’n kare Ahsan haale zaar Bano ka
Umr bhar labo’n par tha haay Meri Jaa’n Asghar
-----------------*-----------------
~ 59 ~
Ali Jaweed Maqsood
GARM RETI PA MAIN GIRTA HU’N SAMBHALO AMMA
Asre Ashoor tha Shabbir the tanhaai thi

Maahe Zehra pa ghata zulm ki jab chhaai thi
Sheh ko jab noke sina suwe zami’n laai thi
Girte girte labe Zakhmi pa sada aai thi
Garm reti pa Main girta hu’n sambhalo Amma
Lut gaya hu’n Main kisi ki bhi Mujhe aas nahi’n

Qatl sab hogaye ab koi Mere paas nahi’n
Mera Qasim nahi’n Akbar nahi’n Abbas nahi’n
Tum Mujhe Aake kaleje se lagalo Amma
Laash Qasim ki uthaai hai nazar zakhmi hai

Zakhm Akbar ka jo dekha hai jigar zakhmi hai
Qalb zakhmi hai badan zakhmi hai sar zakhmi hai
Dein sahara Mujhe Baba ko bulalo Amma
Main jo ghode se girun Tum Mujhe taskee’n dena

Pyaar karna Meri himmat ko duaein dena
Daal kar baahein gale me Mujhe lipta lena
Haa’n dame zib’ha magar haath hata lo Amma
Ab koi dam me Mere halq pa khanjar hoga

Aur seene pa Mere shimr sitamgar hoga
Khoon ka hoga kafan khaak ka bistar hoga
Aakhri naaz ye Bete ka uthaalo Amma
Apne waade ke liye Maine har eeza sehli

Ik armaa’n Mera nikle to inayat hogi
Zib’ha ke waqt Meri Tumse tamanna hai yehi
Sar Mera khaak se zaanu pa uthalo Amma
~ 60 ~
Mujahid Hussain
NAZDEEK NAJAF HAI KOI HAIDAR KO BULALE
Yu’n Maadare Shabbir pareshaan hai bann me

Rothi hai tadapti hai wo hairaan hai bann me
Kehti hai ke duniya Meri veeraan hai bann me
Hai Laal Mera aaj laeeno’n ke hawaale
Nazdeek Najaf hai koi Haidar ko bulale
Sar ek hai lekin hain talabgaar hazaaron

Tanha Mera Shabbir sitamgaar hazaaron
Ik jaan pa toote hain jafa kaar hazaaron
Mazloom ke bachne ki koi aas nahi’n hai

Sab margaye hamdard koi paas nahi’n hai
Akbar nahi’n Qasim nahi’n Abbas nahi’n hai
Badhte huwe aate hain idhar barchhion waale

Koi bhi nahi’n jo Mere Bachche ko bachaale
Hai koi jo is Maadare bekas ki Dua le
Sadd’haif wo hai nargha-e aada me giraftaar

Teero’n ki hai bochhaar to shamsheer ke hain waar
Lo jhoomta hai pushte faras par Mera Dildaar
Hilti hai zami’n aur falak hota hai larzaa’n

Khaime se nikal aayi hai Zainab suwe Maida’n
Hone laga Bachche ke Mere qatl ka saamaa’n
~ 61 ~
Baade Shahe Mazloom Mujahid ye hua tha

Sab jal gaye khaime ye falak dekh raha tha
Naoha yehi Zehra ka faqat goonj raha tha
-----------------*-----------------
Hasan Abbas Ahsan

ASR KA HANGAAM HAI AUR ZAINAB-E-DILGEER HAI
Khanjaro teero sina hai naiza-o shamsheer hai

Har taraf hathyaar hain aur darmiyaa’n Shabbir hai
Haay peshaani pa Sheh ki hurmula ka teer hai
Khoon me doobi huwi Islam ki tasweer hai
Asr ka hangaam hai aur Zainab-e-Dilgeer hai
Dard ka har ek manzar hai nazar ke saamne

Shimr ke haathon me khanjar hai nazar ke saamne
Bhai ka kat’ta hua Sar hai nazar ke saamne
Zib’ha hote hain Hussain aur saamne hamsheer hai
Garm reti par tadapta hai Dil-e Zehra ka chain

Ghir chuka hai barchhion me Mustafa ka Noore Ain
Chand lamho’n me abhi kat jaaega Halq-e Hussain
Karbala ke bann me tanhaai hai aur Shabbir hai
Ab siyaah aandhi chalegi aaenge ab zalzale

Gardane Shabbir hogi shimr ke khanjar tale
Ik rasan me honge ab baara aseeron ke gale
Ab tamaanche hain musalsal Dukhtare Shabbir hai
Karbala hai haq parasto’n ke liye kul Kaa’enaat

Karbala ke haath me ham ne diye hain apne haath
Jaan bhi jaaye to Ahsan haq ka chhorenge na saath
Jaante hain ham yehi to Maqsade Shabbir hai
~ 62 ~
Ali Jaweed Maqsood
AAJA MERE DILBAR MERI AAGHOSH ME AAJA
Tha asr ka hangaam falak kaamp raha tha

Zehra ka jigar bandh laeenon me ghira tha
Teeron ka nashana tha Muhammad ka Nawaasa
Girte huwe mazloom ne Maadar ko pukaara
Ab aaiye Amma ke Main girta hu’n zami’n par
Zehra ki sada aayi ke maujood hai Maadar
Phailaaye hu’n baahein Meri Godi me sama ja
Aaja Mere Dilbar Meri Aaghosh Me Ajaa
Rasta Mera khu’nkhaar kahan rok sakenge

Maa ko ye sitmgaar kahan rok sakenge
Mamta ko ye hathyaar kahan rok sakenge
Maa Tujh ko na chhoregi kisi haal me tanha
Dekha hai Tujhe Laash Bhatije ki Uthaate

Abbas ke Laashe pa kamar thaam ke Jaate
Aur Auno Muhammad ke Janaazo’n ko bhi Laate
Aye Laal Tere sabr ke qurbaan ho Zehra
Maqtal me Tujhe thokarein khaate huwe dekha

Laasha Ali Akbar ka uthaate huwe dekha
Asghar ka lahu Rukh pa lagaate huwe dekha
Zainab ko madad ke liye aate huwe dekha
Aye Laal Tere sabro Shuja’at ki bala lu’n

Aaja Mere Pyaare Main kaleje se laga lu’n
Jab tegh ho gardan pa to zaanu pa lita lu’n
Is dard se bhi saath hai Dono ko guzarna
-----------------*-----------------
~ 63 ~
Ali Jaweed Maqsood
SITAM KE DASHT ME ZEHRA KA LAAL TANHA HAI
Pisar ke qalb me naiza laga jo dekha hai

Gaya hai Noore Nazar har taraf andhera hai
Kamar khameeda hai seene me dard uthta hai
Zaeef Baap hai aur Naojawa’n ka Laasha hai
Sitam ke dasht me Zehra ka Laal Tanha hai
Kahan ho khulq ke Mushkil Kusha duhaai hai

Ajal jawaan ko dashte bala me laayi hai
Wo bebasi hai ke ansaar hain na Bhai hai
Madad ka waqt hai Shabbir be sahara hai
Jawa’n ke qalb me tooti hui hai noke sina

Zami’n pa paau’n ragadte hain Akbare Zeesha’n
Pidar ke Dil me machalta hai dard ka toofa’n
Nazar ke saamne Bete ka dam nikalta hai
Sambhaale haatho’n se dil ko tadap raha hai Pisar

Rakhe hain haath Rasoolo’n ne Apni aankhon par
Hussain dekh rahe hain ye hashr ka manzar
Ye Dil Hussain ka hai ye jigar Hussain ka hai
Pidar ka Noore Nazar Maa ka hasrato’n waala

Hai khaako khoon me ghaltaa’n wo gesuo’n waala
Jaha’n se hogaya rukhsat wo mannato’n waala
Usi ki raah me khaime ke dar pa Laila hai
~ 64 ~
Pisar ki maut pa jo beqarar Bhai hai

To besukoon idhar Fatima ki Jaayi hai
Madad ko Shah ki khaime se baahar aayi hai
Na hosh parde ka hai aur na khaufe aada hai
-----------------*-----------------
Mujahid Hussain Mujahid
SHABBIR KAHAN HAI MERA SHABBIR KAHAN HAI
Zehra ki Sada thi Mera Dilgeer kahan hai

Shabbir kahan hai Mera Shabbir kahan hai
Is dasht me Dhoondu’n Main kahan Apne Pisar ko

Rasta bhi sujhaai nahi’n deta hai nazar ko
Kab tak phiru’n thaame huwe Main Apne jigar ko
Koi to bataade Shahe Dilgeer kahan hai
Sar peet’ti Rothi rahi maqtal me Main Dukhiya
Zalim ne Mere Lal pa kuch rehm na khaya
Sar Tan se juda kar diya Bekas ka Khudaya
Wo khoon me doobi hui tasweer kahan hai
Laashe hain Shaheedo’n ke yu’n maidaan me saare
Jis tarha se bikhre huwe Qur’an ke Paare
Zalim ne kiye Qalbo Jigar chaak Hamaare
Wo bolte Qur’an ki Tafseer kahan hai
Lut jaaungi is tarha ye soncha bhi nahi’n tha
Aankhon ke Mere saamne chhaya hai andhera
Tha Noor jo aankhon ka hua door wo aisa
Sar ta ba qadam paikare tanweer kahan hai
Hai Jism bhi paamaal Tera aye Mere Dilbar
Rote hain sabhi hooro malak arshe bari’n par
Hai khaak pa begoro kafan Sibte Payambar
Urya’n hai Badan Chaadare Tatheer kahan hai
~ 65 ~
Kehti thi Mujahid yehi bas Maadare Shabbir
Jaau’n Main kahan haay Khuda kya karu’n Tadbeer
Karbal me luti hai Meri Duniya Meri jaagir
Akbar hai kahan haay wo Besheer kahan hai
-----------------*-----------------
Ali Jaweed Maqsood
YE RAN ME KARTI THI FARYAAD BINTE PAIGHAMBAR

MERA HUSSAIN TADAPTA HAI KHAAKE MAQTAL PAR
Hai waqt Asr ka aur Karbala me hai mehshar

Zameen-e garm pa ghash me hai Fatima ka Pisar
Laee’n hai seene pa gardan me zulm ka khanjar
Ye ran me karti hai faryaad Binte PaiGhambar
Mera Hussain Tadapta hai khaake maqtal par
Falak nasheen zami’n par gira hai wawaila

Hazaar zakhm hain sukha gala hai wawaila
Ussi ke halq pa khanjar chala hai wawaila
Hai Bosagaahe Nabi aur shimr ka khanjar
Kamar khameeda hai Gham hai Usse Baradar ka

Abhi Uthaya hai Laasha Jawaan Akbar ka
Abhi to taaza hai Gham Dil pa qatle Asghar ka
Abhi nazar me hai Qasim ki Laash ka manzar
Tha Mera Laal nashana sina-o khanjar ka

Gale pa teer hai Maathe pa zakhm pathar ka
Bhara hai zakhmon se saara badan Dilawar ka
Lahu Ghamo’n se hai Mazloom ka Dil-e Muztar
~ 66 ~
Huwe hain qatl nigahon ke aage peero Jawa’n

Wo bekasi thi ke PaiGhambaron ne ki hai Fugha’n
Jari ne dekhi hai Bete ke Dil me noke sina
Uthaya Bekaso Tanha ne Laasha-e Akbar
Wo pyaas hai ke nazr me dhuwa’n ho saara jaha’n

Utha hai dil me Sakina ki Yaad ka toofa’n
Fiza me goonj rahi hai Haram ki Aaho Fugha’n
Sadaaein deta hai Abbas ko Mera Dilbar
Na Gham gusaar hai Beta hai aur na Bhai hai

Tadapke Zainabe Muztar hi rann me Aayi hai
Madad ka waqt hai Ya Mustufa duhaai hai
Hai khaako khoon me ghaltaa’n Tumhara Noore Nazar
Hai zere khanjaro khu’nkhaar tashnakaam Pisar

Hai zib’ha karne ko tayyar zaalime khud sar
Ulat do rann ki zami’n ab to Faatehe khaibar
Shaheed hota hai Beta Tumhara Ya Haidar
Mere Pisar pa laeeno’n ki fauj chhaai hai

Ghareeb bekaso tanha hai benawaai hai
Kisi ne tegh kisi ne sina lagaai hai
Sawaar shimr hai Bekas ke zakhmi seene par
Hai kaaenaat me Jaweed is fughaa’n ka asar

Falak larazte hain kaono maka’n me hai mehshar
Zameen kaampti hai khoon rote hain pathar
Jo bain Karti hai Zehra Pisar ki baali’n par
-----------------*-----------------
~ 67 ~
Sajjad Nazar
PADA HAI JALTI ZAMEE’N PAR HUSSAIN KA LAASHA
Tadap ke kehti hai maqtal me Zainabe Muztar

Sitam raseeda hai bekas hai Ghamzada Khwahar
Ye haal hai ke Mere Sar pa bhi nahi’n chaadar
Kafan de Bhai ko kis tarha Zainabe Dukhiya
Pada hai jalti zamee’n par Hussain ka Laasha
Haram ke gird jalaalat ka uski pehra tha

Ridaaein sar se bhala kaon chheen sakta tha
Bahan ko Ghazi pa apne bahot bharosa tha
Kata ke Haath Wo Sota hai ab lab-e dariya
Sahegi Zainabe Dilgeer ye alam kaise

Hai kaon paas Mere aake jo dilaasa de
Sitam ye hai ke na Abbas Aaye dariya se
Khadi hai dashte bala me Bahan rasan basta
Jawa’n ke seene se phal barchhi ka nikala tha

Mazaar Asghare Masoom ka banaya tha
Qadam qadam pa sitam ka pahaad toota tha
Sulagti dhoop me zakhmi badan hai besaya
Khizaa’n hai chaaro’n taraf Fatima ke gulshan me

Hasan ka Laal bhi paamaal hogaya rann me
Shaheed hogaye dono Pisar Mere bann me
Nahi’n hai koi Ghareebo’n ka poochhne waala
Hai farz jis ki muhabbat Rasool kehte the

Usi Ghareeb pa har tarah ke sitam toote
Najaf se aake khabar lejiye Khuda ke liye
Pisar hai Aapke maqtal me bekafan Baba
-----------------*-----------------
~ 68 ~
Ali Jaweed Maqsood
HAAY TANHA HAIN HUSSAIN IBNE ALI MAQTAL ME
Chaand Zehra ka hai aur khoon ke baadal chhaaye

Dopahar badh gayi badne lage kaale saaye
Ghir gaye Zainabe Dilgeer Tere Maajaaye
Hasrat e daagh ka toofaa’n hai Dil e Bekal me
Haay Tanha hain Hussain Ibne Ali maqtal me
Kehte hain Shah ke Main zulmo sitam sehta hu’n
Koi Ghamkhwar nahi’n ranjo alam sehta hu’n
Waar sehta hu’n’ Main tanhayi ka Gham sehta hu’n
Mera Baazu Mera Abbase Dilawar bhi nahi’n
Dil ki himmat Mera Beta Ali Akbar bhi nahi’n
Rann me Qasim bhi nahi’n jhoole me Asghar bhi nahi’n
Ghar the jitne Mere armaan ke barbaad huve
Kitne Nasir the Mere ab to bas ik yaad huve
Ab koi saath nahi’n khuld me aabaad huve
Hosla Mera badhaane ke wo manzar na rahe
Wo Muhafiz Mere Sheraane Dilawar na rahe
Mere Ansaar Mere Nasiro Yaawar na rahe
Zindagi Mujhko hai pyaari na hai jeena Mujhko
Raas ab ho nahi’n sakta ye qareena Mujhko
Baar lagta hai ye zakhmo bhara seena Mujhko
Baad marne ke Mere aur hazeena hogi
Be aba Dukhtare Sultane Madina hogi
Shimr ka hoga sitam Meri Sakina hogi
~ 69 ~
Be sahara huve pardes me sab Aale Aba

Ghash me bhi hai Labe Sajjad pa bas aaho buka
Karti hai girya o Zaari Meri Zainab Dukhia
Paas Mere koi damm me Meri Maa Aaegi
Khud bhi faryaad Karegi Mujhe tadpaaegi
Saath har Gham se chhudha kar Mujhe Le Jaaegi
Gham e Shabbir ko bas yaad karo har Gham me
Koi Gham Usse bada to nahi’n is Aalam me
Zindagi sarf ho Jaweed isi Maatam me
-----------------*-----------------
Ali Jaweed Maqsood
SITAMGARO’N MERA BEKAS HUSSAIN PYASA HAI
Ghira hai Chaand Ali ka sitam ke baadal me

Amaa’n nahi’n kahi’n tegho sina ke jangal me
Hussain jhoom Rahe Hain faras pa maqtal me
Ye rann me Asr ko Zehra ke Lab pa Nouha hai
Sitamgaro’n Mera Bekas Hussain Pyasa Hai
Har aik zakhme badan khoo’n fishaa’n hai Pyase ka
Laga hai teer jabee’n par to qalb par naiza
Kahi’n sina tane Majrooh par kahi’n bhaala
Koi chhuri koi khanjar chalaane wala hai
Wo pyaas hai ke nigaho’n me sab jahaa’n hai dhuwaa’n
Wo qalb me rahi quwat na tann me taabo tawaa’n
Ali ka Lal faras par hai khoon me ghaltaa’n
Ghareeb o Bekas o Mazloom besahara hai
Kamar shikasta hai Bhai ke Gham me Sarwar ki
Utha chuke hain Zaeefi me Laash Akbar ki
Nazar me Laash hai paamaal Ibne Shabbar ki
~ 70 ~
Abhi to haatho’n pa Asghar ne teer khaya hai

Jo Bosagaahe Muhammad pa tegh chalti hai
To Gham se Khwahare Shabbir Haath malti hai
Gala hai khushk to ruk ruk ke jaa’n nikalti hai
Zameen kaampti hai aasma’n ko larza hai
Pisar ke sog me ji se guzarne waale ko
Ab aur jeene ka arma’n na karne waale ko
Chale hain maarne jallaad marne waale ko
Jise bhi dekhiye Pyaase ke khoo’n ka pyasa hai
Laeen karta hai jab azme qatl Pyaase ka
Pisar ke Halq pa rakh deti hain Gala Zehra
Fiza me Karbobala ki ye goonjti hai sada
Mere Hussain ko Naazo’n se Maine Paala Hai
Nabi ki Godh ka Pala Shaheed Hota Hai
Fiza ko sakta hai Dariya tadap ke rota hai
Balaa ke bann me ye Jaweed hashr barpa hai
Muheet Alam-e-Imkaa’n Sadaa-e-Zehra hai
-----------------*-----------------
Ali Anjum Sadiq
JALTI HUWI ZAMEEN PA SARWAR HAI YA ALI

SHIMRE LAEE’N KE HATH ME KHANJAR HAI YA ALI
Karbobala me kaisa ye manzar hai Ya Ali

Tashnalabi hai garmi-e mahshar hai Ya Ali
Ghere Huwe Hussain ko lashkar hai Ya Ali
Zakhmo se choor Sibte Payambar hai Ya Ali
Jalti Huwi Zameen Pa Sarwar Hai Ya Ali
Koi nahi’n jo Shaahe Huda ki madad kare

Zakhmo’n se choor khaak pa behosh hain pade
Manzar kahi’n ye Saaniye Zehra na dekhle
Seene pa ab sawaar sitamgar hai Ya Ali
~ 71 ~
Khaimo me hai buland sada shoro shain ki

Koi nahi’n jo laaye khabar ab Hussain ki
Haalat hai Ghair Fatima ke Noore Ain ki
Bechain Qalbe Zainabe Muztar hai Ya Ali
Sabro Riza ka Qafela Saalaar ghash me hai

Mushkil Kusha-e manzilo dushwar ghash me hai
Shabbir zere tegh hain Bimar ghash me hai
Kaisa ye asre tang ka manzar hai Ya Ali
Sibte Nabi pa toot pade hain sitam sheyaar

Har simt se hai naiza-o teero tabar ke waar
Kuch jholiyon me laay hain patthar gunaahgaar
Chaaron taraf se zulm barabar hai Ya Ali
Zakhmi hai khaako khoon me ghalta’n hai sab badan

Wo pyaas hai ke kar nahi’n sakte koi sukhan
Shukre Khuda me doob gaye hain Shahe Zaman
Kis haal me ye Aapka Dilbar hai Ya Ali
Hilmi Afandi
YA ALI AAIYE
Ya Ali Aaiye Zainab ko bachaane ke liye

Faoje ki’n aati hai khaimo ko jalaane ke liye
Kabse behosh Dua hai na ghiza Abid ko

Taoqo zanjeer bhi laaye hain pinhaane ke liye
Sare Shabbir hai naize pa Alam waawaila

Saaniye Fatima Zehra ko rulane ke liye
~ 72 ~
Ghode dowdaate huwe aate hain naari rann se

Masnade Ahmade Muqtar jalane ke liye
Laashe Shabbir pa kehti hai Sakina rokar

Baba Main Aayi Hu’n Rukhsar dikhane ke liye
Bekasi dekhiye aata nahi’n koi monis

Laash Mazloom ki Maqtal se uthane ke liye
Yu’n to Duniya me bohat guzre hain Sabir Hilmi

Sabr lekin hai Muhammad ke Gharaane ke liye
-----------------*-----------------
Fareed Baig
ZAINAB-E-MUZTAR HAI TANHA YA ALI AB AAIYE
Hai sitamgaaron ka nargha Ya Ali ab Aaiye

Har tarf mehshar hai barpa Ya Ali ab Aaiye
Khaak par hai Jaane Zehra Ya Ali ab Aaiye
Hai ye Aalam bekasi ka Ya Ali ab Aaiye
Zainab e Muztar Hai Tanha Ya Ali ab Aaiye
Bain Karti thi ye Zainab darmiyane Karbala
Hain kahan Abbaso Qasim ham Shabihe Mustafa
Kisko de awaaz Zainab koun ab baaqi raha
Ab nahi’n koi Sahara Ya Ali ab Aaiye
Hai dayaare tegho khanjar zindagi be-aas hai
Dhoop hai dashte bala hai ranjo Gham hai yaas hai
Hai lahu zaqmon se jaari aur ghazab ki pyaas hai
Muztarib hai Qalbe Zehra Ya Ali ab Aaiye
Ik Tane Mazloom par teero tabar tegho sina
Dekh kar Mazloom ko zulmo sitam ke darmiya’n
Khoo’n barasta hai zami’n par ro raha hai aasma’n
Hai ye manzar Karbala ka Ya Ali ab Aaiye
~ 73 ~
Hashr ka manzar ayaa’n hai har taraf kohraam hai

Jal rahi hai Karbala Shabbir tashna kaam hai
Tegh hai sookha gala hai asr ka hangaam hai
Hai Qayamat ka ye lamha Ya Ali ab Aaiye
Wo siya aandhi uthi suraj gahan me aagaya
Hogaya Tann se juda Sar Fatima ke Lal ka
Hai Fareed ab Karbala me Wa Hussaina ki sada
Chhaagaya har su andhera Ya Ali ab Aaiye
-----------------*-----------------
Shaahid Pakistani
AB AAYE HO BABA
Wo Karbala Wo Shaame Ghariba’n wo teergi

Wo Zainabe Hazee’n wo hifazat Khayaam ki
Aaya Wo Ik Sawaar Qareebe Qayame Shah
Beti Ali ki Ghaiz me Suwe Faras badhi
Ulti Naqaab Chehre se Apne Sawaar ne
Peshe nigaahe Zainabe Mazloom thhe Ali
Har channd Sabira Thi bohut Binte Fatima
Be saakhta Zabaa’n pa ye Faryaad aagayi
Ab Aaye Ho Baba
Zainab ne kaha Baap ke Qadmo’n se lipat kar, Ab Aaye ho Baba

Jab lut gaya pardes me Amma ka bhara Ghar, Ab Aaye ho Baba
Baba agar aana hi tha Khaliq ki Riza se, us waqt na aaye

Jab khaak pa dam tod raha tha Mera Akbar, Ab Aaye ho Baba
Kat kat ke gire nahr pa jab Baazu e Abbas, aur koi na tha paas
Us waqt Sada Aapko Deta Tha Dilawar, Ab Aaye ho Baba
Jab farshe zami baame falak larza fisha’n the, us waqt kahan the
Jab Baap ke Chullu me tha Khoone Ali Asghar, Ab Aaye ho Baba
~ 74 ~
Jab Bhai ka Sar kat’ta tha Main dekh Rahi thi, Hazrat ko Sada Di
Sar Khole huwe Rothi Thi Main Khaime ke dar par, Ab Aaye ho Baba
Jab log bacha legaye Laashe Shohada ke, Haq apna jata ke
Bas ik Tan-e Shabbir Tha pamali ki zad par, Ab Aaye ho Baba
Jab Shaam ke qazzaaq Hame loot rahe the, Khaimo’n ko jala ke

Aap Aagye Hote to na chhinti Meri Chaadar, Ab Aaye ho Baba
Jab Baali Sakina ke Gohar chhine gaye thhe, lagte the tamache
Hasrat se Mujhe Dekhti thi Banu-e Muztar, Ab Aaye ho Baba
Kya Aapne Firdous se ye Dekha na Hoga, kya hashr bapa tha

Jab Pusht se Bimar ke khaincha gaya bistar, Ab Aaye ho Baba
Ik raat ke mehman hai phir qaid e salasil, ab saqt hai manzil

Bazar me Ham sub’ha ko Jayenge khule Sar, Ab Aaye ho Baba
Shaahid Rukh e Hyder pa Bikhar Jaate the aansu jab Kholke Gesu
Chillaati thi Zainab Mere Baba Meri Chaadar, Ab Aaye ho Baba
-----------------*-----------------
Hasan Abbas Ahsan
LUT GAYA KARBOBALA KE DASHT ME

ZEHRA KA GHAR
Ik Qayamat ka sama tha Nainawa ke farsh par
Zalzale me thi zamee’n aur Ambiya the Nouha gar
Laasha-e Sarwar padi thi sar se pa tak khu’n me tar
Noke naiza par pada tha Jaane PaiGhambar ka sar
Lut gaya Karbobala ke dasht me Zehra Ka Ghar
Zulm badhta hi gaya Shaam e Ghariba’n aagayi
Aag khaimo’n me lagi har simt dehshat chhagayi
Bebasi par Bibiyo’n ki bekasi tharra gayi
Khuld ki Shahzadiya’n Baithi Huwi thee’n khaak par
Lut gaye khaime ridaae’n chin gayi’n bistar jala
Aise Aalam me Amal tha Abid e Bimar ka
Sajda e Khaliq me Sar tha Lab pa tha Shukre Khuda
~ 75 ~
Aur Nazar ke saamne naize pa tha Baba Ka Sar
Jalte khaimo’n ka koi ehsas Laila ko na tha
Ankh me aa’nsu na thhe lekin jigar tukde huwa
Umr bhar is Madare dukhya ko sakta sa raha
Naojawa’n Bete ke marne ka huwa tha ye asar
Sabr ka wada kiya tha yu’n nibHaay thi Rabab
Dil me Apne dard ki dunya basaae thi Rabab
Jalte Jhule par Nigaho’n ko jamaae thi Rabab
Ashk aankho’n tak jo aaye pigayi wo Nouhagar
Har taraf chhaya tha manzar dardo Gham ka pyaas ka
Har qadam har ik zaba’n par naam tha Abbas ka
Ab kisi ke honto’n par shikwa nahi’n tha pyaas ka
Sogaye Abbas jo Shaane kata kar Nahr par
Is qadar zulmo sitam par hil gaya Arshe Ula
Kis tarah dekho Yatime Shah ko pursa mila
Chhin gaye gowhar tama’nche bhi lage kurta jala
Koun ab Baali Sakina ki bhala lega khabar
Bhai the atthara uske ab hai bewaris Bahan
Koun de Zainab ko pursa sabko hai ranjo mehan
Wariso’n ke Laashe maida’n me pade hain bekafan
Sabke shano me rasan hai sabke sar hain bekafan
Haal Farwa aur Kubra ka likhe to kya likhe
Us taraf dono ki nazro’n ke ruke the zaawiye
Jis taraf rakhe the tukde Qasime Noushah ke
Khoon ke aa’nsu abhi tak rorahe hain Behrobar
Ye Karam ki inteha hai ham pa Rabbe Zuljalal
Ye to bas Teri Ata hai Fatima Zehra ke Lal
Nouhakhwani ka sharaf Ahsan mila jo lazawaal
Jaake ye Nouha padenge ham Ali ki Qabr par
-----------------*-----------------
~ 76 ~
Allama Akhtar Zaidi
GHAR LUT GAYA AMMA
Maqtal ki fazao’n me ye Zainab ka tha Naoha, Ghar lutgaya Amma

Baqi na raha Mere liye koi sahara, Ghar lut gaya Amma
Maidan me paamaal huwa Qasime Noushah, Dil phat gaya Mera

Kya dekhte hi dekhte bewa huwi Kubra, Ghar lut gaya Amma
Laila ne jodekha hai Jawa’n Bete ka Lasha, Khamosh hai Dukhiya

Phat jaaye na us Gham se kahi’n Uska kaleja, Ghar lut gaya Amma
Pani ke liye ran ko Alamdar gaye the, wapas nahi’n Aaye

Shabbir ne Abbas ko Marte Huwe Dekha, Ghar lut Gaya Amma
Abbas ke Lashe se Hussain Aaye jo Uthkar, tha Dard ka manzar

Hatho’n se kamar thamke Rone lage Bhayya, Ghar lut Gaya Amma
Shashmahe ko maidan se Shabbir jo Laae, the Sar ko Jhukaae

Tha khoon me dooba huwa Masum ka Lasha, Ghar lut Gaya Amma
Wo Asr ka hangaam Qayamat ka sama tha, Dil doob raha tha

Jab tegh ke niche Mere Bhai ka Gala tha, Ghar lut Gaya Amma
SarTann pa nahi khoon me tar Sara Badan hai,ye Shahe Zaman hai
Kya Aapne Shabbir ko tha isliye pala, Ghar lut Gaya Amma
Tha pehle hi Bhayya ka Badan zakhmo se chhalni, aafat ye nayi thi

Ronda gaya phir ghodon ki taapon se wo Lasha,Ghar lutGaya Amma
Hai zere sama’n khak pa ab Aapka Kunba, Sar par nahi’n Saya
Abbas ko neend aayi hai Main Deti hu’n pehra, Ghar lut Gaya Amma
Bachchi Meri karwat bhi to ab le nahi’n Sakti, so bhi nahi’n Sakti

Behta hai lahu kano se hai zakhm bhi taaza, Ghar lut Gaya Amma
~ 77 ~
Kufa jo Haram pohnche to Dil hogaye bechain, Zainab keye the bain
Yaad ata hai Baba ki Hukumat ka zamana, Ghar lut Gaya Amma
Tha Shaam ki raaho’n me safar ek Qayamat, wo dhoop ki shiddat

Wo shimr ka durra wo Sakina ka tadapna, Ghar lut Gaya Amma
Sajjad ki Gardan me tha wo touqe gira baar, chalna bhi tha dushwaar
Har gaam pa Bimar ka wo girke sambhalna, Ghar lut Gaya Amma
Darbar me ham log rasan basta khade the, sab dekh rahe the
Aur saamne Sar tasht me Bhai Ka rakha tha, Ghar lut Gaya Amma
Ab Kaise kahu’n haath me zalim ke chhadi thi, Main Dekh rahi thi
Is zulm pa Zainab ka Badan kaamp raha tha, Ghar lut Gaya Amma
Us Qafelaye Haq pa musibat rahi paiham, hota raha Maatam

Akhtar yehi Kehti Rahi bas Saaniye Zehra, Ghar lut Gaya Amma
-----------------*-----------------
Allama Akhtar Zaidi
GHAR HAAY MERA BARBAAD HUWA
Tha Saaniye Zehra ka Nouha, Ghar haay Mera barbaad huwa

Bhai Mera pyaasa qatl huwa, Ghar haay Mera barbaad huwa
Abbas ka kitna khoon baha, Shaane bhi kate Mashkiza Chhida

Kis Haal me wo ghode se gira, Ghar haay Mera barbaad huwa
Atthara baras wala Akbar, Shabbir ka Dil Laila ka Jigar

Shaq naize se dil Uska jo Huwa, Ghar haay Mera barbaad huwa
Chhe maah ka wo Asghar Pyasa, Gardan pa jo uske teer laga

Tha Bhai Ke Haatho’n par Lasha, Ghar haay Mera barbaad huwa
Shabbir zamee’n par jab Aaye, Zehra Ne Tadap kar Bain Kiye
Aye Lal Tera kya haal huwa, Ghar haay Mera barbaad huwa
Sajde me Rakha Shabbir Ne Sar, tha shimr ka khanjar Gardan par

Ghurbat me Namazi zib’ha Huwa, Ghar haay Mera barbaad huwa
~ 78 ~
Tha Bhai ka Lasha reti par, phir Uspa Qayamat ye guzri
Ghodo’n se Badan pamaal huwa, Ghar haay Mera barbaad huwa
Akhtar tha Qayamat ka manzar, maqtal ki zamee’n bhi kaamp uthi

Zainab Ne Tadap kar jab ye Kaha, Ghar haay Mera barbaad huwa
-----------------*-----------------
Allama Akhtar Zaidi
ZAINAB TADAP RAHI HAI FARYAAD KAR RAHI HAI
Athara saal Maine naazo’n se jisko paala

Kadiyal Jawan Akbar aankhon ka tha ujala
Maara jo zalimo’n ne seene pa uske bhala
Dekha jo zakhm maine mushkil se dil sambhala
Zainab tadap rahi hai faryaad kar rahi hai
Qasim ki Laask dekhi, tha Jism para para
Asghar jo rann se Aaye Manka dhala huwa tha
Abbas Mera Bhai khoo’n me nahake soya
Bedast Hogaya Wo Pyaasi Rahi Sakina
Hangaame asr Bhayya jab qatl ho raha tha
Ab tak bhi hai nazar me manzar jo Maine Dekha
Maqtal laraz raha tha har simpt tha andhera
Sar Peet’ti thi Amma Lab par tha Wa Hussaina
Phir baade qatle Sarwar ik raat aisi aayi
Chaadar nahi’n thi Sar par aur bekafan tha Bhai
Ghar zalimo’n ne loota aur aag bhi lagayi
Sholo’n ki roshni me wo karbe beridaai
Thi Karbala se Kufa har gaam ik musibat
Ik dawr wo bhi guzra Baba ki thi Hukumat
Darbar me Hamara jana tha ik qayamat
Sajjad paa barehna aur tawq ki aziyat
Darbar-e Shaam me jab Aal-e Rasul pohnchi
Baazu bandhe huwe the Sar par rida nahi’n thi
Wo zulm har qadam par aur bekasi Hamari
Tadpa rahi thi Dil ko Sajjad ki aseeri
~ 79 ~

Sab Bibiya’n khadi thee’n Balo’n se Mooh chipaae
Zalim ne baid rakhi Bhai ke Lab pa Haay
Darbar me Khade the hamm Gardanein Jhukaae
Us bekasi me Sabko Abbas yaad aae
Manzil Hamri thahri tareek qaidkhana
Bigdi huwi thi qismat badla huwa zamana
Bachi ka wo tadapna rokar hame rulana
Naame Hussain par wo zalim ka taaziyana
Zinda’n ka tha wo aalam wahshat baras rahi thi
Beti se milne aayi Baba ki jab Sawari
Faryaad kar rahi thi roro ke Meri Bachchi
Damm tootne ka manzar aur aakhri wo Hichki
-----------------*-----------------
Allama Akhtar Zaidi
KIS SE FARYAAD KARU’N

Khwahare Shah Tadap kar yehi Deti thi Sada,
Kis se Faryaad Karu’n
Dekhti rehgayi Main Ghar Mera barbaad huwa,
Maine atthara baras naazo’n se Pala tha Jise, aaj Roti hu’n use
Khaak Zulfo’n me hai aur khoon me Seena hai bhara,
Haay wo Asghare Masum bhi maida’n ko gaya, teer gardan pa laga
Mujhse dekha nahi’n jaata hai wo khali jhoola,
Rann ko jaakar jo Alamdar na waapas Aya, Mera dil toot gaya
Mera Bhai Meri chaadar ka Muhafiz na raha,
Kis se faryaad Karu’n
~ 80 ~
Khanjare zulm jo Mazloom ki Gardan pa chala, thi Qayamat barpa

Qatl Shabbir Huwe hogayi Zainab tanha,
Kis se faryaad Karu’n
Kaisi Shaadi huwi Doolha jo bana Ibne Hasan aur Kubra thi Dulhan
Tukde dil hogaya Doolha ka jo Laasha aaya, Kis se faryaad Karu’n

Garm reti pa Mere Bhai ka Laasha tha pada Sar tha naize pa chadha
Daalti Jism pa hoti jo Mere Sar pa rida, Kis se faryaad Karu’n
Aaiye Baba ke ab Apka Ghar jalta hai Sabka damm ghut’ta hai
Kisko awaz du’n ab koun sahara dega, Kis se faryaad Karu’n
Yehi Kufa hai jaha’n ab bhi hai Baba ka maka’n darbadar ham hain
yaha
Sab Hame bhool gaye aisa zamana badla, Kis se faryaad karu’n
Dakhila Shaam me ek hashr bana Mere liye, Sar Hamare the khule
Beridaayi ke wo lamhaat ke dam ghut’ta tha, Kis se faryaad Karu’n
Ham rasanbasta the aur takht petha baniye shar tasht me Bhai ka Sar
Maine kin aankhon se wo dard ka manzar dekha, Kis se faryaad Karu
~ 81 ~
Shimr ne aise Sakina ka Gala baandha hai Uska dam rukta hai
Mujhse dekha nahi’n jaata hai tadapna Uska, Kis se faryaad Karu’n
Taaziyano’n se jo Abid ka badan hai zakhmi, Mera dil hai chhalni

Aisi zanjeer ke gardan se lahu behta tha, Kis se faryaad Karu’n
Qaid me haay Sakina ne jo damm tod diya yaad aa’e Bhayya

Khu’n bhare kurte me Abid ne Usay Dafn kiya, Kis se faryaad Karu’n
Zulm ki haar huwi qaid se Kunba chhoota Gham magar saath raha
Ghar ki barbadi ka manzar Meri ankho me raha, Kis se faryad Karu’n
Jabke loote huwe asbaab ko Maine dekha Pairahn Bhai ka

Asre Ashoor ka har lamha palatkar aaya, Kis se faryaad Karu’n
Labpa Zainab ketha Akhtar yehi Noha paiham kon dekhe Mera Gham
Mera ab koi nahi’n Abid e Muztar ke siwa, Kis se faryaad Karu’n
-----------------*-----------------
~ 82 ~
Ali Jaweed Maqsood
BEKAFAN HAI MAQTAL ME LAASH IBNE ZEHRA KI
Chaand sehma sehma sa raat roi roi si

Sharm se jhuki nazre’n aasma pa taaro’n ki
Kaaynat sakte me har taraf hai khamoshi
Sar jhukaa’e hai sehra ashkrez paani bhi
Bekafan hai maqtal me Laash Ibne Zehra ki
Dardnaak ye manzar Umr bhar rulaaega
Rooh kaamp uthegi jab khayaal aaega
Qalbe Zainabe Muztar kaise Chain paaega
Choor Choor zakhmo’n se khu’n me tarbataar
Bhai
Jisko kitne Naazo’n se Fatima ne Paala tha
Jaane Haidare Safdar Mustafa ka Pyaara tha
Jiske waaste Jannat se Libaas aaya tha
Aaj Uske Tann par hai sirf khaak sehra ki
Dhoondti hai Baba ko Sheh ki laadli Dukhtar
Tann me hai jala kurta neel ke nasha’n rukh par
Neend Usko aati thi bas Pidar ke Seene par
Aaj shab Sakina ko neend kaise aaegi
Qatl hoga’e waaris munharif zamana hai
Fatima ki Beti ko kitne Gham uthana hai
Daagh Dil pa ye lekar taaba Shaam jaana hai
Qaid Hoke Jaati hai Karbala se Maajaa’ee
-----------------*-----------------
~ 83 ~
Allama Akhtar Zaidi
GHURBAT ME FATIMA KA AABAAD GHAR LUTA HAI
Ye Karbala me Akhtar kya saaneha huwa hai

Laashe pade hain Kiske khoo’n Kiska ye baha hai
Thehre nazar jaha’n bhi manzar lahu bhara hai
Maida’n ka zarra zarra aawaz deraha hai
Ghurbat me Fatima ka aabaad Ghar luta hai
Dashte bala mei sab ne shaadi ka sog dekha
Kubra banithi dulhan Qasim bana tha dulha
Paamal ran e Dulha taza Dulhan hai bewa
Kaandhe pa Shahe Dee’n ke Noushah ka hai Laasha
Khaime ke dar pa bachche kooze liye khade hain
Abbas sar se paa’n tak khoo’n me naha gaye hain
Mashkiza chhid gaya hai Shaane kate huwe hain
Thame huwe kamar ko Shabbir Rorahe hain
Yu’n Akbare Jawa’n ki maqtal se Laash aayi
Seene pa zakhm taaza zulfo’n me khaak ran ki
Allah Jaanta hai Zainab pa jo bhi guzri
Ye Sonchti hai Laila Kis tarha ab jiyegi
Shabbir Laashe Asghar khaime me aise laay
Pyaase Gaye the rann ko khoo’n me Nahake Aay
Honto pa Muskurahat Gardann pa teer khaay
Doure khiza me jaise ik phool muskuraay
Koofe me daakhila bhi uftaad ik nayi thi
Bedard rasto’n par Aulad Mustafa ki
Sehmi Huwi Sakina Ankhon me ik udaasi
Zainab ki beridayi Sajjad ki aseeri
Darbar shaam ka tha aur Qafela khada tha
Sardare Dojaha’n ka Sar tasht me rakha tha
Honto’n pa Shahe Dee’n ke wo zulm ho raha tha
Zainab ke Tanbadan me larza pada huwa tha
~ 84 ~

Bigdi huwi wo Duniya badla huwa zamana
Kamsin Yateem Bachchi zalim ka taaziyana
Roshan Zameer Qaidi taarik qaid khana
Maa peet’ti rahi sar aur chal basi Sakina
Jab Arbaeen karne Kunba Nabi ka pohncha
Maidane Karbala me ik hashr ka sama tha
Qabre Hussain kaampi Maatam ka shor utha
Zainab Suna Rahi thi rudaade shaam o Kufa
Beete huwe dino ke sab zakhm ab haray the
Zainab ye Sonchti thi Haathon se Dil ko Thaame
Abbbas ki Lahad par Jaaungi ab Main kaise
Zindaa’n me hai Sakina aankhon me hai’n andhere
Marqad pa Shahe Dee’n ke Naale Rabab ke the
Jaakar watan ye Dukhiya rudad kya Sunaay
Waris nahi’n hai Sar par Bachche bhi Mujhse bichhde
Apni Lahad me Waali Mujhko bhi ab chhipaale
-----------------*-----------------
~ 85 ~
Rasheed Shaheedi
QAAFELA GHARIBO’N KA QAID HOKE JAATA HAI
Kaisa waqt badla hai kaisa ye zaman hai

Kaun Kisko batlaay Kiska Ye Gharana hai
Bekajawa oonto’n par Karwa’n rawana hai
Arsh Jiska Maskan tha ab wo bethikana hai
Qaafela Gharibo’n ka Qaid hoke jaata hai
Aftab ke rukh par teergi si chhai hai
Karbala ki dharti ke lab pa bhi duhaai hai
Tashnagi Shaheedo’n ki khoon me nahaai hai
Bekafan hain sab Laashe pas hi taraai hai
Ab na aayga Lab par phir sawaal pani ka
Alqama pashema’n hai sharmsaar Mashkeeza
Aur Kanaare dariya ke Muztarib hai ik Laasha
Rukh pa hai Yateemi ke Tashnagi ka sannata
Ik Yateem Bachchi ke zakhm kitne gahre hain
Kamsini ki raho’n me kitne zulm thehre hain
Soye kaise aankhon me zalimo’n ke chehre hain
Aankh ro nahi sakti aansuo’n pa pehre hain
Sab nashaniya’n jal kar khaak me huwi mismaar
Garm raakh me koi dhoondta hai kuch aasaar
Ab na khaali jhoola hai aur na Bistare Bimaar
Bekaso’n pa har lanha zindagi huwi dushwaar
Tashnagi hai ghurbat hai bekasi hai aahe’n hain
Dasht hai aseeri hai aur zakhmi raahe’n hain
Chaadare’n nahi’n sar par muztarib nigaahe’n hain
Justju me bachcho’n ki maamta ki baahe’n hain
Paay sabr me kaante raasto’n ke daste hain
Dasht me aseeri ke aabele sisakte hain
Dhoop ki tamaazat se saare zakhm jalte hain
Chashme namm se behne ko ashk bhi tarste hain
~ 86 ~

Izteraab hai kitna dasht ki hawao’n me
Kyun lahu umadta hai bekasi ki ankhon me
Har taraf dhuwaa’n kyun hai tashnagi ki aaho’n me
Kis qadar hai tanhaayi maamta ki baaho’n me
Gar Rasheed turbat me zindagi ki haajat hai
Qalb ke dhadakne ko ashk ki zarurat hai
Karbala ke pyaaso’n ka Gham badi Ibaadat hai
Zakhm Maatame Sheh ka rooh ki tahaarat hai
-----------------*-----------------
Ali Jaweed Maqsood
AYE SHAHEED-E-KARBALA
AYE JAAN-E-PAIGHAMBAR HUSSAIN
Mohsine Deene Musalma’n Khaasa e Daawar Hussain

Maliko Mukhtaare Duniya Shaafa e Mehshar Hussain
Naazisho Fakhre Nabuwat Deen ke Rahbar Hussain
Tashnakaame Karbala aur Saahib-e Kauser Hussain
Aye Shaheed-e Karbala aye Jaane PaiGhambar Hussain
Jisne Sar dekar bachali Aabroo-e Ambiya
Fakhre Kaaba jisne kardi sar zameene Karbala
Jisne tashna halq se kaata hai baatil ka gala
Arshe Aala se bhi oonche the tahe khanjar Hussain
Bebasi thi raahbar aur bekasi thaame thi haath
Aur fughaane Fatima se goonjti thi kaaynaat
Hasrate’n Baali Sakina ki chalee’n thee’n saath saath
Jab chale khaime se Bhai ke Janaze par Hussain
Aasma’n larza fisha’n tha kaampti thi ye zami’n
Sabre Ayubi ne sajde me jhukali thi jabi’n
Pher kar mu rorahe the Ambiyao Mursali’n
The Jawa’n Bete ke khu’n me Sar se Paa’n tak tar Hussain
Laasha e Kadiyal Jawa’n par dil ki haalat Al Amaa’n
~ 87 ~
Ashke khu’n aankho’n se jaari khushk honto’n par fugha’n

Naame Haider leke Moula Laash Le chaliye waha’n
Muntazar hai Maadare Dilgeer khaime par Hussain
Sar jhukaay chal rahe the peechhe peechhe Ambiya
Thaam kar Dil ro rahe the Mustafa o Murtaza
Goonjti thi dashto sehra me bukaaye Fatima
La rahe the suwe khaima Laasha e Asghar Hussain
Khalq ko dikhla chuke Khaliq ki Tasweere Jalal
Jhoomte hain ab faras par hoke zakhmon se nidhaal
Aayi Zehra ki Sada Aja zami’n par Mere Lal
Muntazir hai haath phaylaaye Teri Maadar Hussain
Karbala me nahr par soya hai Shere Murtaza
Abid e Bimar tanha Qaidiye touqe bala
Hai bhara darbar aur Ahle haram hai berida
Kya kare Kisko pukare Aapki Khwahar Hussain
Berida Aale Muhammad hain rasan basta khade
Daste zalim me chhadi hai aur Lab Mazloom ke
Roke kehti hai ye Zainab Haay Maajaay Mere
Choomte the Aapke Honton ko PaiGhambar Hussain
Aaj zinda’n se nahi’n uthti Sakina ki Fugha’n
Rorahi hain Rone waali ke liye sab Bibiya’n
Godh me Maasum ka Laasha Liye baithi hai Maa
Margayi Qaide sitam me Aapki Dukhtar Hussain
Qalbe Momin Karbala hai baite Haq se kam nahi’n
Zindagi is Gham se hai ye Gham nahi’n to ham nahi’n
Juz Ghame Ibne Ali Jaweed koi Gham nahi’n
Likh liya hai hamne apne Qalbe Muztar par Hussain
-----------------*-----------------
~ 88 ~
Alamdar Razvi
SUGHRA NE LIKHA BABA KAB LAOTKE AAOGE

DUSHWAAR HUWA JEENA KAB LAOTKE AAOGE
Roothi hai khushi Mujh se har lamha naya Gham hai

Dhadkan ki sadaao’n me tanhaai ka Maatam hai
Bhayya Ali Akbar ki furqat me ye aalam hai
Har Saans hai ik bhaala kab laotke Aaoge
Sughra ne likha Baba kab laotke Aaoge
Kya jaaniye aate hain kyun mujhko ye andeshe
Manzar nazar aate hain jalte huwe Qaimo’n ke
Reh reh ke na jaane kyun girti hai rida Sar se
Kya haal hai Phupiyo’n ka kab laotke Aaoge
Rehta hai tasawur me Chehra Ali Akbar ka
Phirta hai nigaho’n me Jhoola Ali Asghar ka
Allah Muhafiz hai ab Mere bhare Ghar ka
Ghabrata hai Dil Mera kab laotke Aaoge
Aafat ke musibat ke ghurbat ke manazir hain
Ghere huwe har lamha furqat ke manazir hain
Abtak bhi nigaho’n me rukhsat ke manazir hain
Yaad aata hai Ghar sara kab laotke Aaoge
Kal Aun-o Muhammad the aur Akbar-o Asghar the
Qasim tha Sakina thi Abbas-e Dilawar the
Saamaan Suku’n ke sab jis ghar me mayassar the
Us Ghar me hai sannata kab laotke Aaoge
Bhayya Ali Akbar ka jab byaah racha hoga
Soncha na Kisi ne bhi hai door bahut Sughra
Hasrat hai ke dekhu’n Main Bhai ko banhe Dulha
Koondhi hu’n yaha’n Sehra kab laotke Aaoge
~ 89 ~
Jab dekhti hu’n paani aansu’n nikal aate hain

Waswaas Mere dil ko har aan rulate hain
Kya pyaas ki eeza bhi Ghar waale uthate hain
Hai khushk Gala Mera kab laotke Aaoge
Kyun jaane mujhe aksar aata hai khayaal aisa
Yu’n lagta hai jaise ke beparda hai sab kunba
Allah rakhe Parda Zehra ke Gharaane ka
Dil kampta hai Mera kab laotke Aaoge
Shashmaha Mera Bhai yaad aata hai reh reh kar
Kya ghutniyo’n Chalta hai ab Mera Ali Asghar
Ho pyaar Mera Baba Masoom ki aankhon par
Daali hu’n Main gehwaara kab laotke Aaoge
Kya yaas hai aye Razvi pohncha hai khate Sughra
Reti pa rakha Sheh ne Laasha Ali Asghar ka
Rone lage Beti ka Khat padke Shahe Waala
Khat me yehi likha tha kab laotke Aaoge
-----------------*-----------------
Hasan Abbas Ahsan
ABID KI NIGAHO’N ME HAR KARB KA MANZAR HAI
Yalghaar hai ghodo’n ki aur Qasim-e bepar hai

Tooti huwi barchhi hai aur Seena-e Akbar hai
Hulqoome Ali Asghar aur teer-e sitamgar hai
Naize ki bulandi hai aur Phool sa ik Sar hai
Abid ki nigaho’n me har karb ka manzar hai
Hai aalame tanhaai aur zulm ka lashkar hai
Nargha hai laeeno ka aur Jaane Payambar hai
Tegho’n se Badan zaqmi aur teero’n ka bistar hai
Shabbir ki Gardan hai aur shimr ka khanjar hai
Uthti huwi talware’n chalte huwe naize hain
Sab zakhme Badan goya mashko’n ke dahaane hain
Har simt se hamle hain Abbas Akele hain
Pyaase ka Sare Zakhmi aur gurze sitamgar hai
~ 90 ~
Karbal ke biyaba’n me aasaar hain mehshar ke
Bikhre huwe maida’n me Laashe hain Bahattar ke
Zainab ki Nigaho’n me sab Zakhm hain Sarwar ke
Jalti huwi reti hai aur Laasha-e Besar hai
Khamosh biyaba’n hain aur Shaame Ghariba’n hai
Har aankh me ashko’n ka thehra huwa toofa’n hai
Bewo’n ka Yatimo’n ka ab koun nigehbaa’n hai
Jalte huwe khaime hain chhinti huwi chaadar hai
Bazar me Sar nange Ahmed ka Gharana hai
Jakda huwa rassi me har Bibi ka Shana hai
Is haal me Zainab ko darbar bhi jana hai
Har simt tamashaai Zainab ka Khula Sar hai
Hain Pushte Sakina par durro’n ke nasha’n saare
Kano’n se luhu jaari Rukhsar bhi hain soojhe
Zakhmo’n me jalan jaise bharde koi angaare
Har lamha tamaanche hain har gaam pa mehshar hai
Darbar me Qaidi hai Aulad Payambar ki
Sar tasht me Sarwar ka kaisi ye adaawat thi
Honto’n pa Shahe Dee’n ke zalim ne chhadi rakhi
Zainab ki Nazar har dam Bhai ke Labon par hai
Wo Sajda-e Shukrana hangaame Qayamat me
Chalta raha kaanto’n par Jo dhoop ki shiddat me
Rote hain sada Ahsan ham jiski muhabbat me
Uske liye nazrana ashko’n ka samandar hai
-----------------*-----------------
~ 91 ~
YA ALI MADAD
Pohncho Najaf se Karbobala Ya Ali Madad

Halmin ki aarahi hai sada Ya Ali Madad
Barchhi nikaalte huwe Seene se Laal ke
Mazloome Karbala ne Kaha Ya Ali Madad
Nikla jo teer Asghare Beshir ki taraf
Ghabraake phir hawa ne kaha Ya Ali Madad
Naiza huwa jo seene me paiwast Shah ke
Arshe baree’n larazne laga Ya Ali Madad
Baitha huwa hai Seena-e Aqdas pa badkhisaal
Khanjar tale hai Sheh Ka Gala Ya Ali Madad
Dekha Sare Hussain jo naize pa saamne
Bimar-e Nainawa ne Kaha Ya Ali Madad
Wo jalte khaime bebasi wo Bekaso’n ki Shaam
Sehraa-e Karbala ne Kaha Ya Ali Madad
Jab daakhila yazid ke darbar me huwa
Tab Binte Murtaza ne kaha Ya Ali Madad
Manzar wo karbala ka Mujahid na poochhiye
Bachcho’n ki Al Atash ki Sada Ya Ali Madad
-----------------*-----------------
~ 92 ~
Qais
QAYAMAT KI TAPISH HAI

KARBALA KA DASHT JALTA HAI
Qayamat ki tapish hai Karbala ka dasht jalta hai

Madine ka Musafir khaak par karwat badalta hai
Kaha’n hain Hazrate Ayub dekhe’n sabr ke Johar

Jawa’n Beta hai Godi me Pidar ki dam nikalta hai
Ye poochha karte the Tifli me Akbar Sheh se kyun Baba

Jawani me jo mowt aaye to dam kyunkar nikalta hai
Kaha Sheh ne ye Bano se ke Khaime me Chali jao

Ali Asghar ka Manka dhal chuka ab dam nikalta hai
Laeeno Sayyade Sajjad par kode na barsaao

Bohut bimar hai is waaste ruk ruk ke chata hai
Zara Uthkar Lahad se Dekh lije Ya Rasul Allah

Janaze par Janaza Apke Ghar se nikalta hai
-----------------*-----------------
~ 93 ~
Mujahid Hussain
SAB KHOON KE PYAASE THE MOULA NE JIDHAR DEKHA
Shabbir ne maida’n ka Naqsha hi digar Dekha

Sab khoon ke pyaase the Moula ne jidhar Dekha
Abbas ki dariya par Nazre’n na theherti thi’n

Jab Bhar liya Mashkiza mudhkar na udhar Dekha
Dil thaam liya Apna aur ashk nikal aaye

Sajjad ne Baba ka naize pa jo Sar Dekha
Sar peet liya Apna ik hashr kiya barpa

Zinda’n me Sakina ne Baba ka jo Sar Dekha
Maida’n se Ali Akbar waapas huwe khaime me

Maa ne jo Dua ki thi Uska ye asar Dekha
Hulqoom pa zalim ka jab teere sitam aya

Beshir Ne Baba ko bas ek nazar Dekha
Nazro’n me Mujahid thi tasweer wo furqat ki

Shabbir ne Sughra ko jab waqt-e safar Dekha
-----------------*-----------------
~ 94 ~
Hasan Abbas Ahsan
AABAAD GHAR HUSSAIN KA VIRAAN HOGAYA

SHAHRE RASULE HAQ BADA SUNSAAN HOGAYA
Jalti zami’n pa gir pade jab Akbare Jawa’n

Laashe pa Shaah Pohnche to andher tha jaha’n
Laila se dekha jaaega Kis tarha ye sama
Kadiyal Jawa’n ke sine me tooti huwi sina
Aabaad Ghar Hussain ka Viraan Hogaya
Bedast hoke gir pade Abbas-e Naojawa’n

Ankho’n me Sheh ki deed ka Arma’n Labo’n pa Jaa’n
Haa’el hai darmiyaan me ik teere jaa’nisaa’n
Rone Lage Tadapke Shahinshah-e Insojaa’n
Kya Housle the tifle Shah-e Benazir ke

The nehr par buland Iraade Saghir ke
Tewar ayaa’n the rukh se Janab-e Ameer ke
Nanha sa ik Gala tha muqabil me teer ke
Beta khada hai saamne aur Berida Bahan

Jakda huwa hai touqo salasil me sara tann
Baba ki Laash rann me hai begoro bekafan
Sadme se kampne laga Sajjad Ka badan
Karbo bala se Karwa’n Kufa huwa rawa’n

Oonto ki nangi pusht pa baithi hain Bibiya’n
Hai Sar khula har ek ka Baazu me Reesma’n
Zainab tadap ke dekhti hai soowe aasma’n
~ 95 ~
Jaari the Qaidiyo’n pa mazalim ke silsile

Asnaa-e raahe Kufa me the sakht marhale
Oonto’n se girke Margaye Bachche Hussain Ke
Godi Ghareeb Maao’n ki Viraan Kargaye

Tashte Tila me Farq-e Shahe Deen tha Rakha

Aur ik taraf khada huwa Kunba Rasul ka
Honto’n pa phir Hussain ke wo zulm hogaya
Zainab Ka naatawaan Badan kampta raha
Tarik qaid khane me jab Khafila gaya

Rokar Sakina Boli ke Amma ye kya huwa
Kya waqt Meri mout ka nazdik agaya
Banu Pukari ye na kaho Meri Dilruba
Tha hichkiyo’n ke darmiya’n Khwahar Ka ye baya’n

Hain shiddate atash se Mere khushk ustokhwa’n
Thandi jagah pa dafn karo Hamko Bhaija’n
Sar ko Jhukaae Rote the Sajjade Natawa’n
Hai Zikr subha-o Shaam Shahe Mashraqain ka

Karbal ke Tashnakaam ka Zehra ke Chain ka
Matam hai Dilbare Shahe Badro hu’nain ka
Ahsan hayat apni hai Sadqa Hussain ka
-----------------*-----------------
~ 96 ~
Urooj Bijnori
ASEER HOKE CHALI HU’N SALAM LO BABA

Suno Sakina se Gham ka payaam Aye Baba
Hamare jal gaye saare khayaam Aye Baba
Kaha’n kaha’n ho najaane Qayaam Aye Baba
Ho saari Zeest Tumhara hi Naam Aye Baba
Aseer Hoke Chali Hu’n Salam Lo Baba
Ye ibteda hai musibat ki inteha hi nahi’n

Guzar gayi hai Qayamat magar gila bhi nahi’n
Phuphi Ke Sar Pa Kafan ke liye rida bhi nahi’n
Aur aaj hosh me Bimaare Karbala bhi nahi’n
Hamara Karbobala me Qayaam ho na saka

Tumhaare Dafn ka bhi intezam ho na saka
Pade ho khaak pa kuch ehtemam ho na saka
Ye zaof hai ke Ada bhi Salam ho na saka
Hai Sar pa khaak bhi Gham bhi hai aur buka bhi hai
Hai kamsini bhi musibat bhi aur jafa bhi hai
Phuphi ke saath rasan me Mera Gala bhi hai
In aafato’n se guzarne ka hosla bhi hai
Suna hai Shaam ka darbar jab bhara hoga

yazid ka sare darbar samna hoga
Mera to Bhai bhi zanjeer me Bandha Hoga
Phuphi jo pohnchegi darbar me to kya hoga
Hain ab bhi peshe nazar waqiyaate Karbobala

Wohi hai shimr ka khanjar wohi hai Sheh ka Gala
Wohi hai Shaam ka bazaar aur wohi Kufa
Urooj ab bhi Sakina ki aarahi hai Sada
-----------------*-----------------
~ 97 ~
Allama Akhtar Zaidi
BERIDA ZAINAB KHADI HAI SHAAM KA DARBAR HAI
Aalame ghurbat me Aale Ahmed-e Muqtar hai

Ab na lashkar hai na Abbase Alambardar hai
Haay kya badli huwi ab waqt ki raftar hai
Saamne rakha huwa Farqe Shahe Abrar hai
Berida Zainab Khadi hai shaam ka darbar hai
Zulm hai kursi nashi’n Kunba Nabi ka hai khada
Aur ik Bimar hai zanjeer me Jakda huwa

Hain rasan me Sabke shaane aur Sakina ka Gala
Haay Bachchi ke liye ab saans lena baar hai
Tasht me rakha huwa hai Baap ka Sar saamne

Saans rukti hai tadapti hai jo Khwahar saamne
Khoon me doobe huwe hain kitne manzar saamne
Kis qadar zakhmi Nigaahe Abide Bimar hai
Gham zada Maadar ki ankhon me andhera chha gaya

Noujawa’n Bete ka Sar darbar me laya gaya
Jaane Laila se ye manzar Kis tarah dekha gaya
Kaisi Ghurbat me Shabihe Ahmed-e Muqtar hai
Wo Ali Asghar ka Sar jaise koi Taaza kali

Maadare Beshir ki jis dam nazar Uspar padi
Godh me lekar Sulaane ki tamanna jaag uthi
Haath rassi me bandhe hain Maa bohut lachar hai
Har ghadi Nazro’n ke aage ek Qayamat hai nai

Sar pa Bhai ke Bahan ki hai nazar thehri huwi
Hont wo Shabbir ke aur daste zalim me chhadi
Ye Bahan ke Dil pa ik chalti huwi talwar hai
~ 98 ~
Kaisa kaise dukh sahe darbar me Hamsheer ne

Gardan-e Bimar ko zakhmi kiya zanjeer ne
Apni Ankhen bandh karli hain Sare Shabbir ne
Bandh aankhon me magar ik hasrate Deedaar hai
Yaad aata hai Madine se safar ka wo sama

Tha wo Abbase Jari Ahle Haram ka Paasba’n
Sar parasti ko Hussain Ibne Ali Zehra ki Jaa’n
Abto ghurbat hamsafar hai rasta dushwaar hai
Paasba’n baaqi nahi’n koi nahi’n ab Aasra

Fatima ki Betiyon par waqt kaisa aagaya
Dil yehi kehta hai Akhtar ab Ali ko de’n Sada
Aapki Beti Ko Moula ik rida Darkaar Hai
-----------------*-----------------
Sajid Razvi
DARBAAR-E SHAAM
Berida Shaam ke darbar me Jana Zainab
Zalzale aayenge jis waqt zami’n ko paiham

Chaadarein chheen ke leja’enge baaniye sitam
Aur balwe me tamashaai bane na mehram
Apne baalon hi se mu Apna chhupana Zainab
Meri Nadaan Sakina ko na rone dena

Baad Mere koi takleef na hone dena
Garm reti pa kabhi us ko na sone dena
Apne seene pa Sakina ko Sulaana Zainab
~ 99 ~
Ghurkiyaa’n Meri Sakina ko jo de shimr-e laee’n

Sayliaan maarne aaye jo usse wo be dee’n
Khaof ke maare nikal jaaye na jangal me kahi’n
Apni Aaghosh me Tum Usko sulaana Zainab
Ye luta karwa’n jis waqt Madina pohnche

Aake jo Dukhtare Bimar Pidar ko poochhe
Aur besheer ko jis waqt wo dukhiya poochhe
Meri Sughra ko kaleje se lagana Zainab
Qafela Ahle Haram ka jo Madina jaay

Aur asnaa-e safar me Mera maqtal aay
Tum ko fursat jo ghadi bhar ke liye mil jaay
Chand aansu meri turbat pa bahana Zainab
Karbala me jo Mere ghar pa musibat guzri

Aur bazaaron me Tum par jo aziyat guzri
Mukhtasir ye hai ke jo kuch bhi qayamat guzri
Saari roodaad Meri Maa ko sunana Zainab
-----------------*-----------------
Manzar Aelia
ABBAS BEHN AAYI HAI DARBAR ME JA KAR
Kis shaan se nikli thi Madine se sawaari

Phir aise lutte ham ke na mehmil naa amaari
Bhayya Main tadap kar Tumhe har baar pukaari
Imdad ko Dukhiya ki na Tum aaye Baradar
Abbas Behn aayi hai darbar me ja kar
Abbas suno shaam e gharibaan ki bhi roodaad
Jee bhar ke nahi kar sake ham Laashon pa faryad
Khaime bhi jale ghar bhi luta hogaye barbaad
Thi’n zere sama Bibiya’n be maqna-o chaadar
~ 100 ~
Har gaam pa mehshar tha har ik lamha qayamat

Zaalim hame har tarha ki dete the azeeyat
Chalne ki na taqat thi na dam lene ki fursat
Hadd ye hai tamashaai bhi barsaate the patthar
Darbaar me zaalim ke qayamat ka tha manzar

Thi zoujaye hakim pas-e parda Main Khule sar
Sar sharm se Zainab ka na uthta tha baradar
Le le ke Mera naam rulaate the sitamgar
Chhaya huwa nazron me hai zinda’n ka andhera

Yaad aata hai reh reh ke wo bachchi ka tadapna
Thi dil me Sakina ke rihaai ki tamanna
Mar kar bhi Rahi qaid me Shabbir ki Dukhtar
Har gaam pa durre jo lagaate the sitamgaar

Kis yaas se karte the nazar Abid-e Bimaar
Sun paaoge kya aur masaa’eb Mere Ghamkhwaar
Main Aayi hu’n durro’n ke nasha’n pusht pa Lekar
Manzar ye baya’n karti thi jab Khwahar-e Hussain

Ghaazi ki Sada aayi na Shehzaadi karo bain
Hoti hai aziyat Mujhe hu’n qabr me bechain
Dil phat ta hai Khadim ka fugha’n Aap ki sunkar
-----------------*-----------------
~ 101 ~
Naheed
KYA ANDHERA HAI PHUPI
Qaid khaane me Sakina ye baya’n karti thi

Kya andhera hai Phupi
Shama mangwaaiye warna Main nahi’n Jeene ki
Apne seene se lagalo Main Tumhare sadqe godh me lelo Mujhe
Dil dhadakta hai Mera khaof se ghabrata hai jee
Baba Aajaae’n to tab shimr ko hoga maloom kaon hai Ye Masoom
Kya samajh kar Mujhe yu’n ghurkiya’n deta hai shaqi
Aaj ki shab ko bhi Baba kya nahi’n Aaenge Mujhko rulwaaenge
Unke seene pa agar soti to neend aa jaati
Baad Mere ya’n agar howe Pidar ka aana Unse ye farmaana
Margayi ghut ke andhere me Tumhari Beti
-----------------*-----------------
Ali Jaweed Maqsood
AYE HUSSAIN KI PYAARI

AYE SAKINA JAA’N BIBI
Margayi Jo zinda’n me Shah-e Deen ki Dukhtar

Bekaso’n ke rone se qaid me huwa mehshar
Laash par Sakina ki Karti thi fugha’n Maadar
Saath chhor kar Mera tum gayi’n kahan Bibi
Aye Hussain ki pyaari aye Sakina jaa’n Bibi
Aaj shab ki taariki badh gayi hai zinda’n me
Bebasi udaasi hai bekasi hai zinda’n me
Tum jo ab nahi’n Rothi khamoshi hai zinda’n me
Sogwaar baithi hain saari Bibiya’n Bibi
~ 102 ~
Karbala ke Maida’n me Mujh se chhut gaya Asghar

Tumse hi bahalta tha ye Mera dil-e muztar
Kitni besahara hoon ye to sonchti Dilbar
Tumse chhutke zinda’n me kya jiyegi Maa Bibi
Hogaya kafan Bibi ye phata huwa kurta
Saaf bhi na ho paya kab se khoon kaano ka
Hai yaqee’n khafa honge haal dekh kar Baba
Jaake mat gila karna Baap se waha’n Bibi
Kaan se chhine gowhar aur jal gaya kurta
Dono gaal zakhmi hain pusht par laga durra
Dekhti rahi bebas Maa bohut hai sharminda
Maa ke saamne khaai Tumne sayliyaa’n Bibi
Ghar ujad gaya Mera Qatl hogaye Baba
Karbala se Laayi hu’n Dil pa daagh Asghar ka
Ab to Dil ki har hasrat thi tumhee’n se waabasta
Kargayi Mere armaa’n khaak me Nihaa’n Bibi
-----------------*-----------------
Rasheed Shaheedi
ZINDAA’N KE ANDHERE ME
SAKINA KA HAI MAATAM
Shabbir sulate the jise seene pa Apne

Abbas ne jis Bibi ke the Naaz uthaay
Us Bibi ke Rukhsaar huwe kisliye neele
Kyun kaano se us Bibi ke khoo’n behta hai paiham
Zinda’n ke andhere me Sakina ka hai Maatam
Wo dhoop Aseeri wo safar Aalam-e ghurbat

Wo shimr ke durre wo tamaacho’n ki aziyat
Wo pyaas wo jalte huwe khaimo’n ki musibat
Ab khaak hai zindaan ki un zakhmo’n ka marham
~ 103 ~
Abbas ki aaghosh me rehti thi Jo aksar

Shabbir ka seena raha Jis Bachchi ka bistar
Us Bachchi ko ab khaak pa neend aaegi kyu’nkar
Kis tarha huwa Pyaasi Sakina ka ye Aalam
Dekhi hai Kisi ne kahi’n Mayyat koi Aisi

Soojhe huwe rukhsaar lahu kaano se jaari
Nanhe se gale me hai rasan poosht bhi zakhmi
Sar peet’te hain Ahl-e Haram karte hain Maatam
Sajjad to hain touqo salasil me giraftaar

Har Bibi rasan basta hai uthna bhi hai dushwaar
Abbas ko Deti hai Sada Zainabe Naachaar
Ab kaun kare Dafn ka saamaan faraaham
Hai Qaid-e sitam me ye ajab dard ka manzar

Ab Qabr me khwahar ko Sulata hai Baradar
Hasrat se khadi dekhti hai Ghamzada Maadar
De Kisko sada koi nahi’n Monis-o Hamdam
Kaisi ye Rasheed Aale Nabi par hai musibat

Zindaan me ab banti hai ik Nanhi si Turbat
Yaad aati hai Abid ko Sakina ki Wasiyat
Ik Bhai pa Kis tarha ye Ghurbat ka hai Aalam
-----------------*-----------------
Ali Mohsin Khan
JALD AAIYE BABA
Zindaan me karti thi fugha’n Shah ki Dukhtar Jald Aaiye Baba

Marjaaegi is qaid me ab Aapki Dukhtar Jald Aaiye Baba
Baba Mera Bhai hai musibat me giraftaar, hai bekaso naachaar

Beemar pa dhaate hain bohut zulm sitamgar, Jald Aaiye Baba
~ 104 ~
Darbar me kya haal tha Main kaise Bataaau’n, kya kya Main Sunaau’n
Roodaade Safar bhi zara Sunjaiye Aakar, Jald Aaiye Baba
Aada ne Hame loot liya baad Tumhare, khaime bhi jalaay

Kaano se tapakta hai lahu chhin gaye gowhar, Jald Aaiye Baba
Baba Mujhe ab shimr ke haatho’n se bachalo, seene pa sulalo

Ab taab tamacho’n ki nahi’n dekhiye Aakar, Jald Aaiye Baba
Baba hai watan ke liye Dil Mera tadapta, Yaad aati hain Sughra
Ab soowe Madina Hame le jaaiye aakar, Jald Aaiye Baba
Rothi huwi duniya se qaza kar gayi Kamsin, kya Hashr tha Mohsin
Abid ne Kaha qabr me Hamsheer ko rakh kar, Jald Aaiye Baba
-----------------*-----------------
MAZLOOM MERI BACHCHI KAISE HO DAFN TERA

KEHTI THI ROKE BANU DIL MUZTARIB HAI MERA
Kis bekasi me Tera Laasha pada huwa hai

Neele hain gaal abtak kurta lahu bhara hai
Abbas aake dekho kya haal hogaya hai
Teri musibato’n par tukde jigar hai Mera
Mazloom Meri Bachchi kaise ho Dafn Tera
Pardes me ye kaisi uftaad ki ghadi hai

Seene pa sone waali ab khaak par padi hai
Khamosh hai Sakina Maa dekhti khadi hai
Kuch aur badh gaya hai zindaan ka andhera
Chaaron taraf udaasi is Gham ki chha rahi hai

Ghurbat Teri Sakina sabko rula rahi hai
Bekas yateem Bachchi duniya se Ja rahi hai
Is shaame Gham ka Ya Rab hoga kabhi savera
~ 105 ~
Teri Musibaton ka purdard ye sama hai

Zakhmi hai Pusht Teri Kaano se khu’n rawa’n hai
Gardan se reesma’n ka ubhra huwa nasha’n hai
Bimar hai Baradar har simt hai andhera
Abid Tadap rahe hain rukhsat huwi Sakina

Is Gham se ab Mujahid ik hashr sa hai barpa
Maatam se goonjta hai tareek qaid khana
Banu Ye Keh Rahi Hai Haafiz Khuda Hai Tera
-----------------*-----------------
Ali Jaweed Maqsood
YE NEEND KHAAK PA KAISI UTHO UTHO BIBI
Pidar jo khwaab me Aaye machal gayi Bachchi

Fazaa-e Qaid Haram ki buka se hilne lagi
Lipat ke Baap ke Sar se jo Margayi Beti
To qaid khane me Banu ki ye Fugha’n goonji
Ye neend khaak pa kaisi Utho Utho Bibi
Fasaana-e Ghame furqat Sunaao Baba ko

Huwa jo baade Shahadat Sunaao Baba ko
Safar ki saari musibat Sunaao Baba ko
Lipat ke Baba se Khamosh mat Raho Bibi
Bohut gila tha Sakina Tumhe andhere ka

Ye Gham raha hai ke taarik qaid me Kunba
Ye ranj tha koi chehra nazar nahi’n aata
Hamare Ghamzada Chehro’n ko dekhlo Bibi
Yaqeen tha Tumhe Lene ko Aayenge Baba

Tumhe sukoon huwa Meri lut gayi Duniya
Hamesha Tumne Sunaya hai haale Dil Apna
~ 106 ~
Ghareeb Maa ke bhi Dil ki to kuch Suno Bibi

Dukhi Labo’n ki tasalli Tumhari baatein thi’n

Dilo’n ke zakhmo’n ka marham Tumhari baatein thi’n
Hamare Gham ka sahara Tumhari baatein thi’n
Hamare Gham ka sahara na chheen lo Bibi
Jo aise haal me Dekhe’n Khafa na ho’n Baba

Zara Main saaf to Kardoo’n ye khoon kaano ka
Na Pehne jao Sakina phata huwa kurta
Lahu me doobi ye Zulfein Sawaarlo Bibi
Main qatl gaah me Asghar ko Aayi hu’n Khokar

Suhag ujad gaya Waris nahi’n raha Sar par
Gharib Maa ka Sahara nahi’n koi Dilbar
Tum is tarah Mujhe tanha na Chhordo Bibi
Khule huwe dar-e zinda’n hain khatm ranjo mehan

Tamaam Kunbe ke haatho’n se khul gayi hai rasan
Kaha’n gaya Meri Bachchi Tumhara Shaokhe Watan
Rihaayi mil gayi zinda’n se Ghar chalo Bibi
-----------------*-----------------
Rasheed Shaheedi
ABID UTHA RAHE HAIN APNI BAHAN KA LAASHA

ZINDAAN-E SHAAM ME AB IK HASHR SA HAI BARPA
Godi hai Jiski sooni ujda Suhag Jiska

Karbal me so raha ho jis Maa ka Jhoole wala
Us Maa ke Dil ko kaise dega koi dilasa
Abid Utha Rahe Hain Apni Bahan ka Laasha
~ 107 ~
Abbas ki Bhatiji paiham tamache Khaake

Aayi thi Karbala se zulmo sitam Uthake
Khamosh Hogayi kyu’n roodaade Gham sunake
Baba ko yaad karke Rone bhi Wo na Paayi

Seena kaha’n se milta Sone bhi Wo na Paayi
Zakhmo’n ko Aansuo’n se Dhone bhi Wo na Paayi
Rukhsaar neelgu’n hain Kurta phata huwa hai

Kaano se khu’n hai jaari zakhmo ka silsila hai
Har Naaz uthane Wala Karbal me Soraha hai
Bimar-e Karbala Par tooti nayi musibat

Hoti hai ab Sakina Ahle Haram se rukhsat
Zinda’n me banrahi hai Nanhi si ek Turbat
Ik aakhri Wasiyat Bhai se Usne Ki thi

Lekin Wasiyat Uski puri na hone paayi
Zinda’n hi me Rasheed ab Turbat banegi Uski
-----------------*-----------------
Unknown
QAID KHAANE ME YE THA BAALI SAKINA KA BAYA’N

MAIN HU’N ZINDA’N ME PAREESHA’N
MERE AMMU HO KAHA’N
Main thi pyaasi ye huwi Mujh se badi naadaani

Laot bhi aao na maangungi kabhi Main paani
Pyaas se damm bhi jo nikle to na Kholungi zabaa’n
Qaid khaane me ye tha Baali Sakina ka Bayaa’n
~ 108 ~
Khaofe aada se na ji bhar ke kabhi roi Main

Sina Baba ka chhuta jab se nahi’n soi Main
Neend ke badle rahe aankho’n me aansu’n larza
Yaad me Baba ki Main roi thi Dukhiya jis damm

Kya kahu’n shimre laee’n Mujh pa jo karta tha sitam
Mere Gaalo’n pe abhi tak hai’n tamaancho’n ke nashaa’n
Apne Seene pa phir ek baar sulalo aakar

Neend ke maare Main hojaati hu’n shab me muztar
Qaid me chaaro taraf chhaya hai wehshat ka sama
Kisko kehte hain yateemi Mujhe maalum na tha

Jab se bichhdi hu’n Main Tumse to ye ehsaas huwa
Meri taqdeer me Baba Mere ab neend kaha’n
Tum to kehte the Mujhe aankho’n ka taara kal tak

Mera rona bhi na tha Tumko gawara kal tak
Aaj kya baat hai sunte nahi’n kyu’n Meri fughaa’n
Shab me badh jaati hai kuch aur bhi dil ki dhadkan

Maot bhi Mujh se khafa hogayi ya Shaahe Zaman
Din ko bhi hota hai zindaan me raato’n ka gumaa’n
-----------------*-----------------
~ 109 ~
Unknown
JAB YAAD SAKINA KO TERI AATI HAI BABA
Jab Yaad Sakina ko Teri aati hai Baba

Sar zinda’n ki deewaaro’n se Takrati hai Baba
Kaano se tapakta hai Lahu Shaano pa Mere

Zalim ki aziyat Mujhe tadpati hai Baba
Marjaaungi Pyaasi na kabhi Maangungi paani
Asghar ki Mujhe Pyaas jo Yaad aati hai Baba
Jabtak Tere Seene pe na Sojaay Sakina
Zinda’n me Use neend kahan aati hai Baba
Jalte huwe khaimo’n ke nazaare hain Nazar me
Ye baat khayalo’n se kahan jaati hai Baba
Yaad aate hain jab shimre sitamgar ke mazalim
Ye Nanhi Si Dukhtar Teri Ghabrati hai Baba
Hai kaun Mere Paas Jiyu’n Kiske sahare
Tanhaayi Meri mout bani jaati hai Baba
-----------------*-----------------
~ 110 ~
Hasan Abbas Ahsan
SHAAM KE ZINDAAN ME BEKAS SAKINA MARGAYI
Baade Sarwar phir musibat me izafa yu’n huwa

Pusht par durre lage gouhar chhine Kurta jala
Baap ka Pursa Yateemi ko tamacho’n se mila
Daagh kaise Dil pa lekar Shah ki Dukhtar Gayi
Shaam ke zindaan me Bekas Sakina Margayi
Garm reti par Pada tha Sheh ka Lasha Bekafan

Aal-e Ahmed Berida thi saath the ranjo mehan
Thi bandhi Baarah Aseero’n ke Gale me ek rasan
Shaahzadi qaid hokar berida dardar Gayi
Dard kaano me tha itna kaise neend aati kahi’n

Baap ka Seena nahi’n tha kaise so Paati kahi’n
Pyaas ki shiddat se jo behosh Hojati kahi’n
Maa Samajhti Shiddate Gham se Sakina Margayi
Tashnagi hi Tashnagi thi Karwa’n dar Karwa’n

Gham se jalta tha Kaleja Pyaas se sookhi Zuba’n
Ki Qayamat ki Wasiyat Hichkiyo’n ke darmiya’n
Haay Khwahish Bhai se thandi zami’n ki Kargayi
Kaun jaane Qalb-e Muztar par huwa tha kya asar

Maa ko sakta sa huwa tha aur phupi thi Naohagar
Takht par baitha tha zalim Tasht me Baba ka Sar
Apni ankhon me Liye ye Dard ka manzar Gayi
Zulm ke darbar me zalim huwa jab rubaru

Kis Ghazab ka tha wo Qutba Kis Ghazab ki Guftagu
Shaan Haidar ki Dikhadi Kamsini me Hoobahu
Zulm ka har har qadam par maareka Sar Kargayi
~ 111 ~
Bhai ke Haatho’n pa Mayyat Hai Bahan ki Aye Khuda

Ab Janaaza Uth raha hai Aaiye Mushkil Kusha
Aapki Poti Jo hai Andaaz bhi hai Aapka
Deke Paighaam-e rihaayi Khud suwe Kausar Gayi
-----------------*-----------------
Allama Akhtar Zaidi
ZAINAB LIPAT GAYI HAI MAZAARE HUSSAIN SE
Armaan hai ye Zainab-e Aali Maqaam ka

Chehlum hai Karbala me Shahe Tashnakaam ka
Bhai ki Qabr dekhke aansu nikal pade
Pyaason ki yaad aayi to dariya ubal pade
Bhai ki Qabr hil gayi Khwahar ke bain se
Zainab Lipat Gayi hai Mazaare Hussain se
Bhayya Tumhare baad anokhe sitam huwe

Durre lage ridaae’n chhini khaime jal gaye
Bano ke Qalb ka wo sahara bhi jal gaya
Maa dekhti hee reh gayi jhula bhi jal gaya
ai ki Qabr hil gayi Khwahar ke bain se
Bhayya wo raat kaisi qayamat ki raat thi

Ahle Haram pa sakht musibat ki raat thi
Shaane kata ke Mera Nigehbaan so gaya
Abbas ka jo farz tha Main ne ada kiya
Aaghaz Karbala se Hamara safar hua

Abid ko dekh dekh ke tukde jigar huwa
Kufe me Sar barehna jo Aale Aba gaye
Baba har ek qadam pa Mujhe yaad Aagaye
~ 112 ~
Bhayya phir uske baad qayamat hi aagayi

Kunbe ko leke Shaam me Main berida gayi
Taabe nazar kaha’n thi magar dekhna pada
Tashte tila me Aap ka Sar dekhna pada
Bhayya Tumhari Beti pa kya kya sitam huwa

Lekin kabhi na sabr ka meyaar kam huwa
Jab inteha-e zulme sitamgaar hogayi
Aakhir Sakina Shaam ke zinda’n me Sogayi
Chehlum ke baad Main jo Madine ko Jaaungi

Amma ko Main safar ki musibat Sunaungi
Gar hosake to neel rasan ke Dikhaungi
Main zindagi tamaam Tera Gham Manaungi
-----------------*-----------------
Allama Akhtar Zaidi
HAI KARBALA KE BANN ME GHARIBO’N KA ARBAEE’N

Shabbir ke mazaar paZainab ki hai Jabee’n
Aansun baha Rahe hain Khade Abide Hazee’n
Aabaad thi Hussain ke Qadmon se ye zamee’n
Ab haal ye hai Sar pa koi Saa’ebaa’n nahi’n
Hai Karbala ke bann me Ghareebo’n ka Arbaee’n
Maajaaye pehle aag lagi khaimagaah me
Har gaam ek taaza qayamat thi raah me
Bachchi ki hichkiyon ka hai manzar nigaah me
Zindaane Shaam me hai Sakina yaha’n nahi’n
Laila tadap rahi thi ke Dilbar nahi’n Raha
Lakhte jigar Shabeehe Payambar nahi’n Raha
Rone ko Maa to rehgayi Akbar nahi Raha
Chehlum Jawaan Bete ka aur Maadare Hazee’n
~ 113 ~

Farwa ko yaad Qasime Naoshah aagaya
Pohncha jo qatlgaah me Dulha bana hua
Tukde mile the Jism ke Laasha nahi’n mila
Jis ke lahu se surkh hui thi yehi zamee’n
Abbas-e Naamwar jo Haram ka tha Paasba’n
Roti thi yaad karke Jise saari Bibiya’n
Be aas jis ki Laash pa the Shah e Dojaha’n
Laasha kahi’n tha Haath kahi’n aur Alam kahi’n
Abbas tum nahi the qayamat guzar gayi
Main Karbala se shaam talak Nange Sar gayi
Godi ke paale margaye Main kyun na margayi
Zainab tadap rahi thi larazne lagi zamee’n
Hai Karbala ke bann me Ghareebo’n ka arbaee’n
Kehti thi ye Rabab bacha lijiye Mujhe
Moula Lahad me Apni chhupa Lijiye Mujhe
Ghar jaake kya Karun ye Bataadijiye Mujhe
Sunsaan godh hogayi Waali koi nahi’n
Bhayya Hamare waade ki takmeel hogayi
Aisa safar huwa hai ke sar par rida na thi
Darbaar-e Shaam me thi qayamat ki bebasi
Roodaad-e Gham sunaane ki taaqat bhi ab nahi’n
Ahle jaha’n ko hogi agar haq ki justuju
Akhtar asar dikhaega Mazloom ka luhu
Hai Ghamzada Bahan ki yehi ek aarzu
Aabaad Zaa’ereen se hojaye ye zameen
-----------------*-----------------
~ 114 ~
Syed Raza Moosavi Raza
ZAINAB MANANE AAYI HAI BHAI KA ARBAEE’N
Karbobala me shaam-e ghareeba’n ka hai sama

Baithi huwi hain khaak basar saari Bibiya’n
Bhai ke hai mazaar pa khwaahar ki ye Fugha’n
Ham the sitam tha aur thi’n afwaaje ahle keen
Zainab Manane Aayi Hai Bhai ka Arbaee’n
Bazaar-e Shaam aur wo tamashaai al ama’n

Rukta tha har jaga pa aseero’n ka karwa’n
Ham Sar khule the aur thi baazu me reesma’n
Tauq-e giraa’n tha aur Mera Aabid-e hazee’n
Laila ka haal Bibiyo’n me sab se ghair tha

Ik ik se kehti thi Mera Akbar kaha’n gaya
Main Dhu’ndti hu’n koi bhi deta nahi’n pata
Naize liye huwe Use ghere the kuch laee’n
Abbas ka Wujood Hamara sahara tha

Nikla tha Teri simt wo saqqa Sakina ka
Kyun saahile furaat tu aage na aasaka
Ahle haram ke bain se hilne lagi zameen
Mehshar talak sanwaar di dono ne raah e haq

Baatil ka sar na uthega aisa diya sabaq
Bhai Bahan Raza hain hidayat ke do waraq
Hai Karbala panaahe Muhabbat ki sarzamee’n
-----------------*-----------------
~ 115 ~
Hazrat Saeed Shaheedi
ALLAH NIGEHBAAN WATAN JAATI HU’N BHAI
Ab aakhri mujra Main baja laati hu’n Bhai

Ujde huwe kunbe ko liye jaati hu’n Bhai
Maalum nahi laut ke kab aati hu’n Bhai
Dil doob raha hai Mera ghabraati hu’n Bhai
Allah nigehbaan watan jaati hu’n Bhai
Haidar ka Pisar Fatima ki jaan yahin hai

Wo jis pa wafa hogayi qurbaan yahin hai
Bhayya Mere parde ka nigehbaan yahin hai
Lakhte Dil e Shabbir ko kaleje se lagana

Be chain jo Asghar ho to seene pa sulaana
Bhayya Mere bachchon ko kahi’n bhool na jaana
Ab kaaheko phir laut ke yaad aaegi Zainab

Ab tum ko Madine me kahan paaegi Zainab
Marjayegi marjayegi marjayegi Zainab
Batlaao ke kab tak yuni khamosh rahoge

Kya khwahar e Nashaad ko rukhsat na karoge
Sughra ke liye kya koi paiGham na doge
Khamosh Saeed ab ke nahi zabt ka yaara

Sab ahle haram rote the ik hashr bapa tha
Tha turbat e Shabbir pa Zainab ka ye Nouha
----------Allah nigehbaan watan jaati hu’n Bhai----------
~ 116 ~
Mehdi Nazmi
ZAINAB MADINE JAATI HAI KYA KYA LIYE HUWE
Aankhon me Karbala ka nazara liye huwe

Ehsaas me Hussain ka Laasha liye huwe
Ashkon me khoone zakhme tamanna liye huwe
Abbas ke Alam ka pharera liye huwe
Zainab Madine jaati hai kya kya liye huwe
Daagho’n me aag aag me ghut’ta hua dhua’n

Maaninde mauj aankh se aansu rawa’n rawa’n
Baazu pa reesmaan ke ubhre huwe nasha’n
Seene me zakhme marge Sakina liye huwe
Zinda’n se chhoot kar bhi nahi’n ranj se firaagh

Roshan hain daaghe qalbe jigar surate charaagh
Karbobala me lutgaya Sibte Nabi ka baagh
Qalbe figaar chaak kaleja liye huwe
Teero’n se chaak chaak hai Sarwar ka pairahan

Abbas ka libaas wo Akbar ka pairahan
Dooba hua hai khoon me Asghar ka pairahan
Bano ke Sheer khwaar ka jhula liye huwe
Abbas jaane Haidare Safdar ki yaad hai

Qasim ki yaad hai Ali Akbar ki yaad hai
Seene me ek dil hai Bahattar ki yaad hai
Ujda hua Hussain ka kunba liye huwe
Gardan ka tauq Aabid-e Muztar ki bediya’n

Kuch bediyo’n ke daagh toh durron ke kuch nasha’n
Chheeni hui Sakina ke kaano ki baalia’n
Nanhi si ek bachchi ka sadma liye huwe
~ 117 ~
Karbobala me lut gaya gulzaar e Panjatan

Paamaal daste kee’n me hua Dilbar e Hasan
Pehne huwe hain bewa ki poshaak ik Dulhan
Qasim Bane ke maathe ka sehra liye huwe
-----------------*-----------------
Mustafa Moosavi
ABBAS ZAINAB AAYI HAI KARNE KO ARBAEE’N
Aayi hai chhutke qaid se karbal me Bibiya’n

Abbas ki lahd pa ye Zainab ka hai baya’n
Bhai sunaane aayi hu’n Gham ki Main daastaan
Bhayya Teri Bahan ka koi paasbaa’n nahi’n
Abbas Zainab Aayi hai karne ko Arbaee’n
Bhayya har ik qadam pa Hamara tha imtihaan

Baithi thi bekajawa sawari pa Bibiya’n
The pa barehna Abide Beemaro Naatawa’n
Kaanto bhari zami pa chalaate the ahle kee’n
Marne se Tere Ham pa anokhi jafa huwi

Chaadar bhi Muh chuphaane ko sar par nahi rahi
Baalon se muh ko dhaamp ke darbaar me gayi
Zulmo sitam ki Ham pa koi inteha nahi’n
Bhayya Teri Sakina pa kaisa sitam hua

Izhaare tashnagi pa hua zulme naarwa’n
Paani dikha dikha ke bahaate the ashqiya’n
Bachchi tadap ke reh gayi paani mila nahi
Zinda’n me zulm seh ke Bhatiji guzar gayi

Sharminda hu’n Sakina ko waapas na laa saki
Aabid se keh rahi thi Sakina ki tashnagi
Madfan ko Mere dekhiye thandi koi zami’n
~ 118 ~
Darbaare Shaam hashr ka maidan ban gaya

Tha takht par yazid idhar Aale Mustafa
Bhai ke khushk honto pa wo zulm tha naya
Jis zulm ke sabab se larazne lagi zami’n
Bhayya Mera Shabeeh e Payambar nahi’n raha

Shabbar ki jaan Qasim e Bepar nahi’n raha
Veeraan jhoola hogaya Asghar nahi’n raha
Lashkar me baaqi reh gaye bas Aabid e Hazee’n
Bhayya ye Moosavi bhi Hamara hai Gham gusaar

Hai is ke lab pa naam Tumhara hi baar baar
Aur Karbala ke waaste rehta hai beqarar
Is ko bula lo Raoze pa Zehra ke Naaznee’n
-----------------*-----------------
Fareed Baig
ARBAEEN KARNA HAI SHAAHE KARBALAAI KA
Leke daagh seene par shaam ki judaai ka

Haq ada kare Zainab kaise Apne Bhai ka
Qafela utar aaya sabr ki khudaai ka
Karbala ke maida’n par Fatima ki Jaai ka
Arbaeen karna hai Shaahe Karbalaai ka
Maut ke biyaba’n me zindagi ka maatam hai

Zulm ke andhero’n me roshni ka maatam hai
Aansuon ke toofa’n me tashnagi ka maatam hai
Ik Bahan ke hisse me har kisi ka maatam hai
Dur tak nigahon me shaam ka andhera hai

Karbala se Kufe tak haadeson ne ghera hai
~ 119 ~
Jab se Naonihaalo ne Muh ko apne phera hai
Maamta ki godhi me maut ka basera hai
Bhai kya sunaun me Ham pa kya sitam guzre

Baad e asr e ashoora bekafan the sab Laashe
Shaam e Gham ke chaate hee maut ke badhe saaye
Chin gayi rida meri Bhai jal gaye khaime
Baad e Karbala Bhai har qadam qayamat thi

Berida rasan basta raah e Shaam se guzri
Bhai Ham tamasha the raaste tamashai
Har qadam dua ye thi kaash maut aajaati
Khud aseer e qismat thi dar badar gayi Zainab

Muh ko Apne baalon se dhaamp kar gayi Zainab
Majlise sitamgar me nange Sar gayi Zainab
Le ke saath kunbe ko Naoha kar gayi Zainab
Bhai qaid khaane ki teergi se ho aaye

Aap ki amanat ko zulmaton me kho aaye
Khoon ghoshwaaro’n ka aansuo’n se dho aaye
Yu’n Sakina Bibi ko sab aseer ro aaye
Aap se juda ho kar jab Madina jaaungi

Jaa ke Maa ki Turbat par Marsia sunaungi
Karbala ke maqtal me kya hua bataaungi
Bhai Apne baazu ke neel bhi dikhaungi
Bhai ab Khuda hafiz qabr se chali Zainab

Bin tere guzaaregi kaise zindagi Zainab
Uth gayi Fareed aakhir keh ke Ya Ali Zainab
Dard o Gham ki duniya me phir se kho gayi Zainab
-----------------*-----------------
~ 120 ~
Agha Ali Hussain

SHABBIR KA CHEHLUM HAI
Zindaa’n ke alam seh kar jab Waarise Gham aaye
Karbal ki fazaaon me paabande sitam aaye
Faryaad o fughan karte sab Ahle Haram aaye
Zainab ne kaha Utho Abbas ke Ham aaye
Shabbir ka Chehlum hai Shabbir ka Chehlum hai
Phir Dukhtar e Zehra par aafat ki ghadi aayi

The shaam ki raahon me har simt tamashaai
Aur tauq me jakda tha Abid ka gala Bhai
Gaalo’n pa Sakina ke wo neel tamacho’n ke

Zakhmi tha badan Uska durron ki azeeyat se
Har gaam pa kehti thi Ammu hain kahan Mere
Darbar wo hakim ka Sar nange Tera kunba

Chaadar ke ewaz Ham ne baalon se kiya parda
Bhayya Teri Zainab ke baazu the rasan basta
Roodaad e safar kaise Sughra ko sunaungi

Hain neel jo baazu par Kis tarha chhupaungi
Poochhe jo agar Tum ko kya Usko bataaungi
Ehsaas ki duniya ka purdard tha wo manzar

Tha hashr bapa Agha Zainab ka baya’n sunkar
Zindaa’n me Sakina ko kho aayi Teri Khwahar
-----------------*-----------------
~ 121 ~
Hyder
BHARE GHAR KA ARBAEE’N
Baithi huwi hain khaak pa Saidaania’n tamaam

Ranjo alam ka hai har ik simt ishdihaam
Har lamha yaad aati hai aashoor ki wo shaam
Hota hai aaj Sibte Payambar ka Arbaee’n
Karna hai Fatima ke bhare ghar ka Arbaee’n
Pamaal ran me hogaya Shabbar ka nounehaal

Kubra ki aarzuein huwi rann me paaemaal
Farwa ke dil ka chain tha Terah baras ka Laal
Hai Karbala me Dilbar e Shabbar ka Arbaee’n
Dekhi gayi na Saaniye Zehra ki bekasi

Aaya khayaal Aun o Muhammad ka jis ghadi
Zainab ghareeb kehti thi har lamha bas yehi
Khwahar karegi apne Baradar ka Arbaee’n
Abbase Naamdaar ke shaane qalam huwe

Pyaasi Sakina reh gayi paani na la sake
Tooti kamar Hussain ki Abbas chal base
Darya pa hai wafa ke Payambar ka Arbaee’n
Atthara saal waale ki Maadar hai sogwaar

Roti hai yaad karke wo Akbar ko baar baar
Kulsoom beqarar hai Zainab jigar figar
Hai aaj Ham Shabihe Payambar ka Arbaee’n
Asghar ko rann me laaye jo Sultan e Karbala

Teer e sitam se chhid gaya besheer ka gala
Bachche ko ek boondh bhi paani na mil saka
Hai tashna lab Rabab ke Dilbar ka Arbaee’n
~ 122 ~
Shabbir hain Hamari rag e jaan se qareeb

Haidar Dua ye karta hai aye Sarwar e Ghareeb
Makhsoosi Arbaeen ki ham sab ko ho naseeb
Mil kar waha’n karenge Bahattar ka Arbaee’n
-----------------*-----------------
Fughan
ZAINAB SE KARBALA KA ZARA MAAJRA SUNO
Beti Ali ki Turbat e Zehra pa aayi hai

Kurta lahu bhara hua Bhai ka laayi hai
Kehti hai Aye Hussain ki Amma Utho Utho
Zainab se Karbala ka zara maajra suno
Amma Hamare ranjo masa’eb hai dardnaak
Amma Hamare qalbo jigar ho chuke hain chaak
Amma Hamare Nana ki ummat ne ki dagha
Amma Hamare khoon ko samjhe hain sab rawa’n
Amma taras ke reh gaye paani ko Ham tamaam
Amma diya na Ham ko Kisi ne bhi ek jaam
Amma Hamare mard tahe tegh hogaye
Amma naha ke khoon me bechare sogaye
Amma pade hain nehr pa Abbas rooth kar
Amma Sakina soti hai zinda’n me be Pidar
Amma kahan se Akbar e mehru ko laaun Main
Amma kahan se Asghar e nadaa’n ko paaun me
Amma Habib Ibne Mazahir zohair e Qain
Kaam aagaye hain wo bhi be Nusrat e Hussain
Amma wo Hur ke jis ne sar apna kata diya
Naqshe kafe Hussain me Eema ko pa liya
~ 123 ~
Amma Hussain Karbobala hi me reh gaye
Amma Hussain saare masa’eb ko seh gaye
Amma Hussain Margaye beyaar o bewatan
Amma Hussain ko na mayaasar huwa kafan
Amma Hamari chaderin bhi chhin gayi tamam
Amma Hamare haal pa hanste the ahle shaam
Amma wo shaam e ghurbat e Shabbir aah aah
Amma wo raat kaali wo sunsaan qatl gaah
Amma ye haal Abid e Beemar hogaya
Zaalim sipah ne le liya bistar ghareeb ka
Amma qadam qadam pa aseeri rula gayi
Gardan me tauq paaun me zanjeer aagayi
Amma wo Bibiyo’n ka tadapna wo shoro shain
Amma rahegi yaad wo aaho buka ke bain
Amma Rabab Roti hai Asghar ko sub’ho shaam
Akbar ko yaad karti hai Laila tashna kaam
Baazu ke neel dekhiye Amma Khuda gawah
Maqtal ki gard ban gayi afsha’n Khuda gawah
Amma ye bebasi ye qayamat ki bebasi
Amma Hamare haal pa Roti hai bekasi
Amma bataaaiye to Main ab jeeke kya karun
Kis tarha ab Hussain ki furqat ka Gham sahu’n
Aayi Fugha’n nida ke sare hashr Ham bhi ab
Kurta lahu bhara hua rakh denge peshe Rab
Beti Tumhara Bhai Shahe Mashraqain hai
Beti Tumhare sabr me Fath’he Hussain hai
-----------------*-----------------
~ 124 ~
Ali Jaweed Maqsood
MAA KI QABR PAR ZAINAB KARTI THI FUGHA’N AMMA
Tang thi zamee’n Ham par dur aasmaa’n Amma

Aafato’n ka toofa’n tha Ham gaye jaha’n Amma
Karte hain aseeri ki dasta’n baya’n Amma
Mere dono Shaano par zulm ke nasha’n Amma
Maa ki Qabr par Zainab karti thi Fugha’n Amma
Phir rahe hain aankhon me Karbala ke sab manzar

Khaako khoon me ghaltaa’n Qasimo Ali Akbar
Khushk halq Bhai ka aur shimr ka khanjar
Bhai ke badan se khoo’n Aapka rawa’n Amma
Dushmano ke narghe me Ibne Saaqiye Kausar

Taaba hadde beenaayi tegho naiza-o khanjar
Teer the kamaano me jholiyo’n me the patthar
Ghir gaya sinaano’n me Mera Bhai jaa’n Amma
Din dhala Qayamat ka raat hashr ki aayi

Raat saat me apne aur aafatein laayi
Bekafan tha Maajaaya Berida thi Maajaayi
Ghar me aag ke shole ghash me Naatawaa’n Amma
Chaand aur sitaare the khaako khu’n ke baadal me

Mustafa ke Pyaare the bemazaar jangal me
Teri godi ke paale bekafan the maqtal me
Berida thi’n balwe me Teri Betiya’n Amma
Baade qatl bhi ummat zulm se na baaz aayi

Fouje zulm ghodo’n ko Sheh ki Laash par laayi
Reh gayi fugha’n karti Beqarar Maajaayi
Nahr par tadap utha Sheh ka paasbaa’n Amma
~ 125 ~
Sar khule Haram baithe bekajaawa oonto’n par
Aur tamashbeeno’n ka tha hujoom raaho’n par
Sar Hamare Pyaaro’n ke saath saath Nayzo’n par
Aur bedawa Abid Meere Kaarwa’n Amma
Karbala se Kufa aur phir yazid ki mehfil

Har qadam qayamat thi har qadam kadi mushkil
Ik nayi musibat thi Bekaso’n pa har manzil
Har qadam pa dekha hai suwe aasmaa’n Amma
-----------------*-----------------
Rasheed Shaheedi
ZAINAB NE KAHA MAA KI LAHAD SE YE LIPAT KAR
PARDES ME BARBAAD HUWA MERA BHARA GHAR
Amma Ali Akbar pa huwa zulm kahu’n kya zakhmi tha kaleja
Tha khoon me dooba huwa Wo Mannaton wala Laila ne bhi Dekha
Laasha raha begoro kafan jalti zami’n par
Pardes me barbaad huwa Mera Bhara Ghar
Sab qatl huwe jab huwa Bhai Mera Tanha is zulm se maara
Wo Kehta raha hu’ Main Muhammad ka Nawasa kuch rahm na khaya
Tha Pyaasa Gala Bhai ka aur shimr ka khanjar
Amma Mere Bhai ka raha dhoop me Lasha Sar Tann se Juda tha
Koi na tha dil Gham se Mera doob raha tha kya waqt pada tha
Mayyat pa udhaane ke liye thi nahi chaadar
Jis waqt huwe shaam ke darbar me dakhil thi sakht wo manzil

Yaad aagaye Abbas to dil hogaya bismil tha zabt bhi mushkil
Shabbir ke aansu ne sahara diya badhkar
Nikli thi Madine se to Hamrah tha Kunba ab kya kahe Dukhiya

Dil toot gaya Shaq hai Mera Gham se kaleja Main Rehgayi Tanha
Jangal me luta Aayi Hu’n Main Tera Bhara Ghar
~ 126 ~
Sajid Moosvi
DEKH MADINE KYA KYA YAADEIN
Dekh Madine kya kya yaadein saath me Apne laayi hai Zainab
Karbobala me Ghar ko luta kar Apne Watam me Aayi hai Zainab
Zulm kiya wo ahle jafa ne Zainab ka Gham Zainab jaane

Soojhe huwe hain abtak Shaane daagh ye kaise Paayi hai Zainab
Gham ki kise rudaad sunaaye zakhm jigar ke kaise dikhaaye’n

Daaghe rasan kis kis se chhipaaye sonchke ye ghabraai hai Zainab
Shaam ka kya bazaar saja tha shehr khada tha behre tamasha
Haay kisine ye bhi na soncha Ye to Ali ki Jaayi hai Zainab
Saamne hakim ke Main Khadi thi Bhai ke Mere Lab pa chhadi thi
Haay wo kaisi sakht ghadi thi Sonchke ye Tharraayi hai Zainab
Ek qayamat harsu bapa thi mehwe tamasha khalqe Khuda thi

Aur tamasha Aale Aba thi haay bahot Sharmaayi hai Zainab
Shimr ke durre baali Sakina pyaas ki shiddat jalta seena

Aa na saki wapas Wo Madina Tanha Use Chhor Aayi hai Zainab
Ashke Aza ke Moti lutado Farshe Aza aankhon ko banado

Sajde me Sajid sar ko jhukado Bazme Aza me Aayi hai Zainab
-----------------*-----------------
~ 127 ~
Abul Hasan Abidi
SALAM LO AMMA
Ye boli Beti ba hasrat Salam Lo Amma

Suno Hamari musibat Salam Lo Amma
Bula ke ghar se Hame ashqiya’n ne loota hai

Hussain Bhai Mera Karbala me chhoota hai
Pahaad dardo musibat ka Ham pa toota hai
Huwi ye kaisi ziyaafat Salam Lo Amma
Suno Aye Amma Mere Sar se chhin gayi chaadar

Gayi Main koocha-o bazar me barahna sar
Rasan ke neel abhi tak hain Mere baazu par
Mila ye ajre Risalat Salam Lo Amma
Main shaamo Kufa ki haalat Tumhein Sunau’n kya

Jo Ahlebait pa beeti wo ab Bataau’n kya
Rasan ke neel hain Baazu pa Main Dikhau’n kya
Khud Uthke Dekhlo haalat Salam Lo Amma
Ajeeb zulm ki aandhi chali zamane me

Kaleja phat’ta hai rudaade Gham Sunane me
Sakina Margayi ghut ghutke qaid khaane me
Banake Aayi hu’n turbat Salam Lo Amma
Zaba’n pa harfe shikayat na Laasaki Zainab

Gila kiya na Kisika bhi chup Rahi Zainab
Yazide nahas ke darbar me Gayi Zainab
Baraa’e bakhshishe Ummat Salam Lo Amma
~ 128 ~
Gharib Beti se rudaade Karbala Sunlo

Jo Ham pa hogayi pardes me jafa Sunlo
Jo Sunsako to Shahadat ka waaqiya Sunlo
Jawaab deti hai himmat Salam Lo Amma
-----------------*-----------------
Zaki Bilgrami
MARQAD PA MAA KI ZAINAB FARYAAD KAR RAHI HAI

AMMA TERI KAMAAI JANGAL ME LUT GAYI HAI
Ummat ne Mustafa ki loota hai chain Tera

Maara Gaya hai Pyaasa Amma Hussain Tera
Dil baith sa gaya hai ankhon me teergi hai
Amma Teri Kamaai jangal me lut gayi hai
Teero’n se hogaya hai Qasim ka Jism chhalni

Maqtal ki zulmato’n me Dulhan ki maang ujdi
Sehre ki har ladi se hasrat baras rahi hai
Barchhi jigar pa kha kar Akbar ki Naojawaani

Mitti me milgayi hai Laila ki Zindagani
Bete ko yaad karke Maadar tadap rahi hai
Yaado’n se khelti hain Besheer ki Adaaein

Reh reh ke de rahi hai Asghar ko Maa Sadaaein
Jhoole ki khaamoshi par khud mout rorahi hai
Maare gaye hain pyaase Amma Mere Pisar bhi

Daste laee’n ne kardi aaghosh Meri sooni
Duniya Meri nazar me taareek hogayi hai
~ 129 ~
Aankhon me basgaye hain zindaan ke andhere

Yaad-e-Sakina Amma rehti hai Mujhko ghere
Baba ko rote rote Masoom chal basi hai
Abid ki Pusht par hain durro’n ke neel ab bhi

Amma rula gayi hai Mazloom ki Aseeri
Chhaale hain dast-o-pa me Bimar par ghashi hai
Zainab ko raas Amma Karbobala na aaya

Chheena hai Mere Sar se do Bhaiyo’n ka Saaya
Ab to Duwaaein Zainab marne ki Maangti hai
In baazuo’n ke Tujhko daagh-e-rasan dikhaane

Aayi hai Teri Beti rudaad-e-Gham Sunaane
Kurta kahi’n jala hai chaadar kahi’n jali hai
-----------------*-----------------
Zaki Bilgrami
LUT GAYI KARBOBALA ME TERI DUNIYA AMMA
Qabre Zehra pa ye Zainab ka tha Nouha Amma

Lut gayi Karbobala me Teri Duniya Amma
Shimr ne Sibte Payambar ka gala kaata hai

Kund khanjar se Baradar ka gala kaata hai
Itni berahmi se Sarwar ka gala kaata hai
Garm reti pa tadapta raha Bhayya Amma
Kal talak Aun o Muhammad the Ali Asghar tha

Paas Qasim tha Sakina thi Ali Akbar tha
Jin charaagho’n hi ke dam se Tera roushan ghar tha
Aaj unhe kha gaya maqtal ka andhera Amma
~ 130 ~
Meri chaadar ka Muhafiz Mera Safdar na raha

Meri dhaaras na rahi saaniye Haidar na raha
Mera Bhai Mera Abbase Dilawar na raha
Kho gaya Zainabe Muztar ka sahara Amma
Godiya’n lut’ti huwi jalte huwe ghar dekhe

Aur naizo’n pa Shaheedo’n ke kate Sar dekhe
Teri Beti ne kayi hashr ke manzar dekhe
Yaad aati hai to jalta hai kaleja Amma
Daagh jo Dil ne utHaay hain bataaae’n kaise

Neel bazu pa jo aaye hain dikhaae’n kaise
Apni barbadi ki rudaad Sunaae’n kaise
Aaj duniya me nahi’n koi Hamara Amma
-----------------*-----------------
Hasan Abbas Ahsan
ZAINAB TADAPKE KEHTI THI QABRE BATOOL PAR

AMMA TUMHARA LUTGAYA JANGAL ME SARA GHAR
Amma Lahu me doob ke Akbar guzar gaya

Laila ka dil Hussain ka Noore Nazar gaya
Atthara saal pala tha Jisko wo Margaya
Barchhi ka phal laga Mere Akbar ke Qalb par
Amma Tumhara lutgaya jangal me sara Ghar
Qismat ne haay Kubra ko Bewa bana diya

Amma Lahu Lahu huwa Noushaahe Karbala
Bhai jo Laash par gaye dekha ye maajra
Bikhre huwe the Laash ke tukde idhar udhar
~ 131 ~
Shaane katake nahr pa Jarraar Sogaya
Dhaaras Haram ki Bhai ka Dildar Sogaya
Lashkar huwa tamaam Alamdar Sogaya
Pohnche the Shaah Laash pa Thaame huwe kamar
Tapti zameen par gira jab Shaahe Dee’n panah

Manzar wo dekhna pada zakhmi huwi Nigah
Khanjar se kat rahi thi Muhammad ki Bosagaah
Noke sina pa dekha hai Bhai ka Maine Sar
Amma na poochho baad me kya kya huwe sitam

Oonto’n ki nangi pusht pa the Sar barehna Ham
Bebas the rassiyo’n me bandhe sab Aseere Gham
Dil phat gaya padi juhi’n Sajjad par Nazar
Mehshar ka samna Hame har ek gaam tha

Lakho’n tamaashbeen the ek ishdehaam tha
Amma Main Sar barehna thi bazare shaam tha
Amma Hamari sharm se uth’ti na thi Nazar
Darbare shaam me to qayamat hi aagayi

Thi mehfile yazid me Main nange Sar Khadi
Larza tha saare Jism me Lab par tha Ya Ali
Rakha huwa tha tasht me Bhai ka Mere Sar
Wo hont jispa Zikre Elaahi tha sub’ho shaam

Wo hont jisko Choomte the Sarware Anaam
Wo hont teen roz rahe the jo tashnakaam
Maari chhadi yazeed ne un pyaase honto par
Ankho’n me Meri rahgaya wo karb ka sama

Taareek qaidkhaane me Bachchi ki hichkiya’n
Ghut ghutke haay Margayi Amma Sakina Jaa’n
Behre kafan tha Jism pa Kurta Lahu me tar
~ 132 ~
Amma jo Mera Dard hai kaise Karu’n baya’n

Amma hain Baazuo’n pa Mere zulm ke nasha’n
Amma Tumhari Beti ke dukhte hain Ustokhwaa’n
Ahsan Lahad larazti thi Zainab ke Bain par
-----------------*----------------
Aulad Hussain Lallan Qibla
WA HASRATA HUSSAINA
Zan haay Shaam o Kufa Wa Hasrata Hussaina
Benindaye Tamasha Wa Hasrata Hussaina
Zainab Aseere aada Wa Hasrata Hussaina
Sadd Al Wida Hussaina Wa Hasrata Hussaina
Zakhmi shuda Khudaya Wa Hasrata Hussaina
Az Taaziaana har jaa Wa Hasrata Hussaina
Pehluwe Binte Zehra Wa Hasrata Hussaina
Goyed Zehra Hazeena Wa Hasrata Hussaina
Veerana Shud Madina Wa Hasrata Hussaina
Shud Be Pidar Sakina Wa Hasrata Hussaina
Az Margat ain asr shud Wa Hasrata Hussaina
Rang e jaha’n deegar shud Wa Hasrata Hussaina
Zainab barehna sar shud Wa Hasrata Hussaina
Goyed Sakina pur Gham Wa Hasrata Hussaina
Az dast e shimr e Azlam Wa Hasrata Hussaina
Khu’n shud rawan zee gosHam Wa Hasrata Hussaina
Bastande qaum e ada Wa Hasrata Hussaina
Dar ik rasan ba eeza Wa Hasrata Hussaina
Aale Rasool e khud Ra Wa Hasrata Hussaina
Kursi nasheen sitamgar Wa Hasrata Hussaina
Dar tashte farq e Athar Wa Hasrata Hussaina
Dar e zindaan sitamgar Wa Hasrata Hussaina
-----------------*-----------------
~ 133 ~
Sadiq
AYE NOORE AINE FATIMA ZEHRA NA JAAIYE
Aye Noor e Ain e Fatima Zehra Na Jaaiye

Ham Bekason ko Chhor ke Aaqa Na Jaaiye
Moula Tumhare Aane se Rounaq gharo’n me thi

Din raat Gham Tumhara kiya karte the sabhi
Muddat ye do mahino ki maatam me katgayi
Rounaq ki jaah hai aaj udaasi baras rahi
Moula Tumhare taazia khaane udaas hain

Jitne Tumhare Shia hain sab be hawaas hain
Dhaaras ye thi ke Aap ghulaamo’n ke paas hain
Ab aap ja rahe hain to Ham sab hiraas hain
Moula Aza ki bazm me Aati thi’n Fatima

Zehmat ye do mahine Uthati thi’n Fatima
Aansu’n Hamare saath Bahaati thi’n Fatima
Ham ko Duaaein deke hi Jaati thi’n Fatima
Moula ab Aap agle baras hind Aaenge

Jeete hain rone waale to phir Tum ko paaenge
Maatam karenge aur Alam bhi uthaenge
Waada Karo ke Aaenge aur sab ko laaenge
Aye Jaan e Mustafa o Ali Shaah e Mashraqain

Lillah sunte jaaiye Moula Hamare bain
Ehsaas keh raha hai ke Aye Fatima ke Chain
Jee bhar ke Ham na kar sake Maatam Tera Hussain
-----------------*-----------------
~ 134 ~
Rasheed Shaheedi
AAKHRI SALAAM
Aye Fatima ke Lal Tujhe aakhri Salaam

Tujhko Wida karne ko aaye hain ye ghulam
Kaisi udaasiya’n hain ye ghurbat ka waqt hai

Ham par ye aaj kaisi musibat ka waqt hai
Bazme Aza se Aapki Rukhsat ka waqt hai
Rounaq Hamare ghar ki na Le Jaaiye Imam
Ham Shakl e Mustafa Ali Akbar ki wo Azaa’n

Tadpaati hain Hame Ali Asghar ki hichkiyaa’n
Ab chhaa rahi hain haay ye kaisi khamoshiyaa’n
Ayyaam ye Aza ke huwe jaate hain tamaam
Ummul Bani’n ka Laal Alamdaar e Karbala

Seene me jiske ghut gaya arma’n jihad ka
Shaane bhi uske katt gaye mashkeeza chhid gaya
Maatam karenge roenge Ham zindagi tamaam
Ab bhi lahu rulaati hai Akbar ki tashnagi

Abbas aur Sakina ki Asghar ki tashnagi
Tu ne bujhaayi pyaas me khanjar ki tashnagi
Aankhon me leke aaye hain Ham aansuon ke jaam
Khaimo’n ki aag aur wo har simt shor o shain

Wo Al Atash ki goonj wo kamsin labon ke bain
Durre tamaanche aur wo har lab pa Ya Hussain
Aankhon me ab bhi baaqi hai wo Karbala ki Shaam
~ 135 ~
Akbar Salam Aye Ali Asghar Tujhe Salaam

Farwa ke Chaand Qasim e Muztar Tujhe Salaam
Abbas Aye Hussain ke Lashkar Tujhe Salaam
Aye Bekas o Ghareeb Mere Tashna Lab Imaam
Bas Tere Gham ke sadqe me izzat Hame mili

Moula Tera karam hai Teri banda parwari
Tujh ko Hamari fikr thi rukhsat ke waqt bhi
Ham bekason tak aagaya Moula Tera Salaam
Moula ye hai Rasheed Shaheedi ki iltija

Pohnchaade Ham Ghulaamo’n ko ab jald Karbala
Maatam karenge phir Tere Raoze pa ham Tera
Ham se na ho saki Teri khidmat Shahe Anaam
-----------------*-----------------
MIr Ashraf Ali Aqeel
AL WIDA AL WIDA
Aaj har ek Azadare Shabbir ke

Hai labo’n par fugha’n Al Wida Al Wida
Aa rahi hai har ik simt se ye sada
Aye Shahe Do jaha’n Al Wida Al Wida
Ronaqein ab gharo’n se chali jaaengi

Fatima Bhi yaha’n ab nahi Aaengi
Har taraf ik udaasi si chhaa jaaegi
Roenge mezba’n Al Wida Al Wida
Tukde tukde Pidar ka kaleja hua

Rann me paamaal Bete ka Laasha hua
Aye Yateeme Hasan Naoshahe Karbala
~ 136 ~
Qasime Khasta jaa’n Al Wida Al Wida

Deene Ahmed ka seena sipar jo hua

Tere seene me barchhi ka phal reh gaya
Laash Teri Shahe Dee’n se uth na saki
Akbare Naojawa’n Al Wida Al Wida
Teer se pyaas Teri bujhaai gayi

Pushte khaima lahad jab banaayi gayi
Khod kar qabr kaata gaya sar Tera
Asghare bezaban Al Wida Al Wida
Sar Tera Noke Naiza se girta raha

Aur ghode ki gardan me bandha gaya
Tere marne ne Sheh ki kamar tod di
Aye Ali ke Nashaa’n Al Wida Al Wida
Tu har ik gaam par qatl hota raha

Be ridaai pa kunbe ki rota raha
Tauqo zanjeer Tujh ko pinhaai gayi
Abid e Naatawa’n Al Wida Al Wida
Daamane Sabr Tujh se na chhoota kabhi

Tu ne Bachcho’n ko Apne na roya kabhi
Binte Zehra aye Aun o Muhammad ki Maa
Tujh si Maadar kaha’n Al Wida Al Wida
Baad qatle Pidar har sitam Sehgayi

Hasrate Dil Liye qaid me Margayi
Lo Utho ja raha hai watan karwa’n
Sheh ki aaraame jaan Al Wida Al Wida
~ 137 ~
Lamhaye rukhsate mehma’n aagaya

Haq ada mezbaani ka ho na saka
Leke aankhon me ashke aqeedat kaho
Aye Lute Karwa’n Al Wida Al Wida
Kyun na ab ho Aqeel ek mehshar bapa

Hamse hote hain rukhsat Shah-e-Karbala
Keh rahe hain Shahinshaahe Kauno Maka’n
Aye Mere mezbaan Al Wida Al Wida
-----------------*-----------------
Hazrat Saeed Shaheedi
ZAINAB JIGAR FIGAAR JAHA’N SE GUZAR GAYI
Beto’n ko jisne Bhai pa qurbaan kar diya

Laashe jab Aaye Shukr ka Sajda Adaa kiya
Aisa muzahira kabhi dekha na sabr ka
Sarwar ki Gham gusaar jaha’n se guzar gayi
Zainab jigar figaar jaha’n se guzar gayi
Baazu the reesma’n me bandhe baddua na ki

Bhai Bhatije qatl huwe baddua na ki
Ahle haram ke khaime jale baddua na ki
Bhai ki Ja’n Nisaar jahan se guzar gayi
Ho kar aseer koocha o bazaar me gayi

Kunbe ko leke majlis e ghadaar me gayi
Sar nange jo yazeed ke darbaar me gayi
Mehzoon-o Dil figaar jaha’n se guzar gayi
~ 138 ~
Khutba Ali ke Lehje me jis ne suna diya

Darbaar ko yazeed ke jis ne hila diya
Tha haq pa kaun jis ne jaha’n ko bataaa diya
Haq baino Haq Sheyaar jaha’n se guzar gayi
Ham Shakl-e Mustafa ka jo Maatam na kar saki

Abbase Ba Wafa ka jo Maatam na kar saki
Mazloom e Karbala ka jo Maatam na kar saki
Kunbe ki sogwaar jaha’n se guzar gayi
Thi Haidari jalaal ki tasweer shaam me

Ki Maqsade Hussain ki Tash’heer shaam me
Rakhi Binaaye Majlise Shabbir shaam me
Maatam ki zimmedaar jaha’n se guzar gayi
Zaalim ne belche se Jise kar diya Shaheed

Kaise kahu’n jo Uspa mazaalim huwe Shadeed
Dil kaampta ha zapt ka yara nahi’n Saeed
Zehra ki Yaadgaar jaha’n se guzar gayi
-----------------*-----------------
Ali Jaweed Maqsood
ASEERE FAUJE SITAM QAIDIYE MEHAN ZAINAB
Hai jiska Ayat e Tat’heer Pairahan Zainab

Imamato’n ki Madadgaar khasta Tann Zainab
Hai Shaane Deene Khuda Jaane Panjatan Zainab
Ali ki Jaayi hai Abbas ki Bahan Zainab
Aseere Fauje sitam Qaidiye Mehan Zainab
~ 139 ~
Wo waqte Asr wo maqtal wo sogwaar Fazaa

Nazar ke saamne Bhai ka katt raha tha gala
Tadap Raha tha Badan zere tegh Pyaase ka
Udhar thi mehwe fughaa’n Shah ki Bahan Zainab
Chhuta hai Bhai bhi aur marchuke hain Bachhe bhi

Rida bhi Sar pa nahi’n jal chuke hain khaime bhi
Jale hain qalb bhi daaman bhi aur kurte bhi
Chali hai chhor ke Bhai ko bekafan Zainab
Jawa’n ka qatl to khud Uske Dil pa bhaala tha

Tha Gham Azeem to Shabbir ko sambhaala tha
Qadam jo khaime se pehle pahal nikaala tha
Sahara dene ko aayi thi pur mehan Zainab
Dayaar e Kufa me taqreer se jihad kiya

Diya hai shaam ke darbaar me kabhi khutba
Kabhi khamoshi se mazloomiyat ko nashr kiya
Kabhi Ali Kabhi Zehra Kabhi Hasan Zainab
Khayaal Kunbe ka tha Ro saki na ji bhar ke

Nikalne paaye na armaan Binte Haidar ke
Tha ek qalbe hazee’n daagh the Bahattar ke
Lahad me Le Gayi zakhmo’n ka ye chaman Zainab
Qanaat thaam le ye Akbar-e Jawa’n se kaho

Sahara dene ko Aye Saaniye Ali Utho
Bahan ko Aye Shahe Bekas Tumhi sawaar karo
Chali hai Karbobala se suwe Watan Zainab
-----------------*-----------------
~ 140 ~
Agha Abbasi Hashr
AYE HUSSAIN-E-BEKAS KI GHAMZADA BAHAN ZAINAB
Binte Faatehe Khaibar Khwahare Hasan Zainab

Do Jaha’n ki Shehzaadi Jaane Panjatan Zainab
Phir huwi’n Bhateeje ke saath bewatan Zainab
Haay wo Tere baazu aur wo rasan Zainab
Aye Hussaine Bekas ki Ghamzada Bahan Zainab
Khaatima huwa Tujh par har nayi musibat ka

Tu ne phir nahi’n dekha daor koi raahat ka
Kya jawaab ho sakta koi Teri Himmat ka
Kyun na ho qalaq Hamko phir Teri Shahadat ka
Khoon Naonehaalo’n ka Laasha-e Jawa’n dekha

Naawake sitam dekha halqe Bezaba’n dekha
Karbala ka Nazaara Shaam ka Sama dekha
Seh ke har musibat ko suwe asmaa’n dekha
Manzilein huwi’n aakhir Shaam ka dayaar aaya

Ahle Bait ke ghar me Ahde Inteshaar aaya
Khud Imam Baalee’n par ho ke ashkbaar aaya
Haay Sar pa Zainab ke belche ka waar aaya
Hashr Shaahzaadi ne kitne Gham uthaaye hain

Zulm ki fazaaon me taaziyaane khaaye hain
Dee hai Apni Chaadar bhi Haath bhi Bandhaaye hain
Sabro Zapt ke jauhar qaom ko dikhaaye hain
-----------------*-----------------
~ 141 ~
Rasheed Shaheedi
HAM KARTE HAIN KARBAL KE AZADAR KA MAATAM
ZANJEER ME JAKDE HUWE BIMAR KA MAATAM
Wo khoon me dooba hua Shabbir ka Laasha
Be goro kafan dhoop me reti pa pada tha
Manzar ye jigar thaam ke Sajjad ne dekha
Har su hai bapa ab Usi Ghamkhwaar ka Maatam
Zanjeer me jakde huwe Beemaar ka Maatam
Sajjad ne Dekhe hain ajab dard ke manzar

Naizon ki balandi pa Shaheedon ke katte sar
Maa Behne thi’n bazaro’n me be maqnao chaadar
Shabbir ke maqsad ke Madadgaar ka Maatam
Paabande rasan ho gayi Kubra ki kalaayi

Chaadar bhi na thi Sar pa ghata zulm ki chhayi
Ik Bewa Bahan saath thi majboor tha Bhai
Hai aaj Usi bekaso nachaar ka Maatam
Rassi me bandha Pyaasi Sakina ka gala tha

Kehti thi Mujhe godh me Le lijiye Bhayya
Kis tarha se Dete Usse Sajjad dilasa
Hai Tauqo Salasil ke giraftaar ka Maatam
Be parda wo na mehramo’n me Waarise Tat’heer

Wo Taoqe giraan pehne huwe Sabr ki Tasweer
Aazaadi ka paighaam sunati rahi Zanjeer
Hota hai usi Qaafela Salaar ka Maatam
Paa’un me waram pusht par durro’n ke nashaan the

Zakhmi huwe sab raaste jab aabele phoote
Beemaar tadapta hi raha zakhme gulu se
Hai Qafela-e Sabr ke Sardar ka Maatam
~ 142 ~
Aata kabhi jab saamne Sajjad ke paani

Yaad aati thi Asghar ki Usse tashna dahani
Tadpaati thi paiham Ali Akbar ki jawaani
Aao kare’n Pyaason ke Azadaar ka Maatam
Jab poochhta koi to ajab hota tha kohraam

Toote hain kahan sab se ziada Ghamo aalaam
Dil thaam ke Sajjad kaha karte the AzShaam
Bazaar ka Zindaan ka Darbaar ka Maatam
Rowe’n hain Tere Gham me Ali aur Hasan bhi

Tadpe hain Tere Gham me Shahe Tashna Dahan bhi
Be chain huwi’n Fatima Sarwar ki Bahan bhi
Maatam hai Tera Ahmade Mukhtaar ka Maatam
Mazloom ke hisse me bhi zehre sitam aaya

Ik hashr Rasheed Ahle Madina me tha barpa
Lo sogaya Islam ke zakhmon ka Masihaa
Ashko’n ki fazaao’n me hai Beemaar ka Maatam
-----------------*-----------------
Syed Mustafa Moosavi
KYA ZULM THE FARZANDE HUSSAIN IBNE ALI PAR

ZANJEER BHI RONE LAGI AABID SE LIPAT KAR
Sar kat’te hi Baba ka qayamat huwi barpa

Thi aag lagi khaimo’n me ik hashr bapa tha
Ghash me the pade Abide Beemar zami’n par
Kya zulm the Farzande Hussain Ibne Ali par
~ 143 ~
Kya kya na sahe ranjo sitam Abide Dilgeer

Zakhmo’n se lahu behta tha jab hilti thi zanjeer
Koi na taras khaata tha hanste the sitamgar
Jhoola Ali Asghar ka jhulaste huwe dekha

Chaadar Sar-e Zainab se utarte huwe dekha
Is zulm pa bhi sabr kiya Allah o Akbar
Mazloom Sakina ki bhi turbat hai banayi

Maa deti rahi Laash pa ro ro ke duhaayi
Dafna ne ko behna ke kafan tha na muyyasar
Bas Shaam ka naam aate hi Hojaate the Muztar

Maa Behne’n Phupi saath thi’n be maqna o chaadar
Kehte the na Bhoolunga kabhi shaam ka manzar
Baba se jo waada tha Usse kardiya poora

Wo sabr kiya sabr bhi aajiz nazar aaya
Mazloomi ke sadqe Tere Aye Shah ke Dilbar
Khwahar ko tamaanche lage par lab na hilaya

Hamsheer tadapti rahi jalta raha seena
Aur saamne Masooma ke bhi chhin gaye gohar
Aye Moosavi duniya se utha aaj wo Ghamkhwaar

Chaalees baras Roya tha Sheh ka jo Azadaar
Maatam usi Mazloom ka hai aaj har ik ghar
-----------------*-----------------
~ 144 ~
Allama Akhtar Zaidi
SAR PA AB SHAAHE KHURASAN KA SAYA NA RAHA
Sar pa ab Shaahe Khurasaan ka saya na raha

Ham gharibo’n ke liye koi sahara na raha
Khaak par lot’te hain aalame tanhaai me

Aisi ghurbat hai koi poochhne wala na raha
Ranj Moula ko ghareebul watani ka hai bahot

Ajnabi chehre hain sab koi sanaasha na raha
Zehr ka aisa asar hai ke tadapte hain Imam

Is musibat ko koi dekhne wala na raha
Haay Masooma-e Qum roke yahi kehti hain

Kyun Mujhe mout na aayi Mera Bhayya na raha
Kamsini me hai Taqi par ye musibat aayi

Sar pa afsos ke ab Baap ka Saya na raha
Aaj Maatam hai Ghareebul Ghuraba ka Akhtar

Gham se dil phat’ta hai ab zapt ka yara na raha
-----------------*-----------------
Rasheed Shaheedi
MAATAM HAI RAZA KA
Lo uthgaya duniya se gharibo’n ka Masiha, Maatam hai Raza ka

Gham Shaahe Khurasa’n ka zamane me hai barpa Maatam hai Raza ka
Zalim ne kiya zulm Gharibul Ghuraba par, mehmaan bula kar

Haatho’n se jigar thaam ke bechain hai Moula, Maatam hai Raza ka
~ 145 ~
Angoor me zalim ne diya zehr dagha se, Moula hain Tadapte

Is zulm se tukde hua Moula ka Kaleja, Maatam hai Raza ka
Kaisa ye sitam hai Dil-e Masuma-e Qum par, kaise jiye Muztar
Rukhsat hua wo Bhai Jo Tha Chaahne wala, Maatam hai Raza ka
Masooma-e Qum karti hain Ro Ro ke yehi Bain, Dil hota hai bechain
Main zinda rahi margaya haaye Mera Bhayya, Maatam hai Raza ka
Yaad aagayi Moula ko yaqinan dame ruqsat Shabbir ki Ghurbat

Is waaste mitti pa Tadapne lage Moula, Maatam hai Raza ka
Ab Ahle Aza peetke sar khaak udaao, aur ashk bahaao

Dena hai Hame Moosa-e Kazim ko bhi pursa, Maatam hai Raza ka
Uth’ta hai Rasheed ab Shah-e Bekas ka Janaza, Naoha hai Taqi ka

Jaate ho Mujhe chhorh ke tanha Mere Baba, Maatam hai Raza ka
-----------------*-----------------
Rasheed Shaheedi
AAJ HAI KHURASA’N ME IK GHARIB KA MAATAM
Toos ki hawaao’n me hai ye kaise bechaini

Har taraf fazaao’n me hai ye bekali kaisi
Goonjti hain ghar ghar me ab sadaae’n Maatam ki
Us Imam ke Gham me sab ki aankh hai purnam
Aaj hai Khuraasa’n me Ik Ghareeb ka Maatam
Ik Ghareebo Bekas ko Kisne zehr dedala
Us Imame Hashtum par hogaya sitam kaisa
Karwatein badalte hain khaak par Shahe Wala
Dil ko thaam kar Moula khaak ugalte hain paiham
Aaj Dilbare Kazim Hamse hogaya rukhsat
Kya baya’n kare koi is Ghareeb ki haalat
Kaisi hai ye tanhaayi haay kaisi hai Ghurbat
Ab watan se doori hai bekasi ka hai aalam
~ 146 ~
Hota hai do aalam me Gham Imame Zaamin ka

Kar rahe hain sab Maatam sab ke lab pa hai Nouha
Lo Janaza uthta hai aaj Uska waawaila
Tha na Jiska Ghurbat me koi Moniso Hamdam
Ik Bahan pa toota hai Bhai ka ye Gham kaisa
Khaak udaake Roti Hain aaj Qum ki Maasooma
Keh rahi hain roroke Margaya Mera Bhayya
Kya karu’n Main ab jeekar kaun hai Mera Hamdam
Aagaya Taqi par hai Daor ab Yateemi ka
Kamsini ke aalam me haay karb hai kaisa
Sar se uth gaya Unke aaj Baap ka Saaya
Us Imam ko Pursa dete hain Rasheed ab Ham
-----------------*-----------------
Rasheed Shaheedi
DEENE MOHD KI BAQA YA HUSSAIN

BAS WO TERA AAKHRI SAJDA HUSSAIN
Seena’e Akbar se jo khenchi sina

Hogaya Ik khoon ka darya rawa’n
Kaise uthe Laasha’e Kadiyal jawa’n
Tu ne wo Laasha bhi uthaya Hussain
Ya Hussain Ya Hussain Ya Hussain Ya Hussain
Jang huwi khoon me ghaltaan huwe

Khaakh pa Zainab ke Pisar gir pade
Khaime me jab Dono ke Laashe gaye
Maa ne kiya Shukr ka Sajda Hussain
~ 147 ~
Dekh ke Naoshah Ka Tukde badan

Bain kare Kis se lipat kar Dulhan
Door Madine me hai Hamsin Bahan
Bewa huwi Fatima Kubra Hussain
Dafn kiya Tu ne jo apna Pisar

Nanhi si turbat me jigar thaam kar
Asghar-e Masoom ki Maa ne magar
Phool sa Sar naize pa dekha Hussain
Akbar o Asghar bhi fida kardiye

Qasim o Abbas juda hogaye
Deen e Payambar ki baqa ke liye
Tu ne bhare ghar ko lutaya Hussain
Hazrat e Abbas ke Shaane kate

Zainab o Kulsoom ke Baazu bandhe
Haay wo Pyaason pa kathin marhale
Tauq me Aabid ka gala tha Hussain
Shimr jo khanjar liye aage badha

Fatima Zehra ki ye aayi Sada
Chhor de Bachcha hai Mera bekhata
Hai ye Muhammad ka Nawasa Hussain
Deti rahi Fatima Zehra sada

Katgaya lekin Tera Pyaasa gala
Sar Tera naize se bhi Deta raha
Haqq o Sadaqat ki sada Ya Hussain
~ 148 ~
Aale Nabi Koocha o Bazaar me

Tauq e Giraa’n Gardan e Beemar me
Sar khule phir Shaam ke darbar me
Laayi gayi Saaniye Zehra Hussain
Shaam ke zindaan ki taarikiya’n

Karti rahi Pyaasi Sakina fugha’n
Sou’n Main kaise Tera Seena kahan
Aaiye jald Aaiye Baba Hussain
Shimr ne maare hain tamaache Mujhe

Dekhiye rukhsaar hain soojhe huwe
Dard hai kaano me abhi tak Mere
Marti hai ab Teri Sakina Hussain
Aaj talak hai Tere Gham ka asar

Shaam me Majlis ki bina daal kar
Binte Ali baith Gayi’n khaak par
De diya Majlis ka Saleeqa Hussain
Ham ko Tere Gham ki Sa’aadat mili

Kitni balandi ki Ibaadat mili
Ik Tere Maatam me ye Izzat mili
Aati hain Majlis me jo Zehra Hussain
Fatima Zehra ne ye Ehsaan kiya

Hamko Tere Gham ke liye chun liya
Tere Azaadaar ko Rutba mila
Ban gaye Zehra ki Tamanna Hussain
Ham ko Rasheed Usne sahara diya

Jab bhi masa’eb ne paresha’n kiya
~ 149 ~
Ham ne tadapte huwe be saakhta

Tute huwe dil se pukara Hussain
-----------------*-----------------
Allama Akhtar Zaidi
TAQDEER BADAL JAAEGI ZEHRA KI DUA LE
Shabbir ke Maatam me lahu apna baha le

Is dard se ehsaas ki duniya ko saja le
Ye zakhm nahi’n phool hain seene se lagale
Is raah pa chal daolat e Imaa’n ko bachale
Jeene ka sahara Gham e Sarwar ko bana le
Taqdeer badal jaaegi Zehra ki Dua le
Girte huwe Qasim ne Chacha ko jo pukaara

Shabbir ne Dulha ko ajab haal me dekha
Tha jism jo paamaal aba me usse rakha
Masnad pa rakha Shah ne Naoshah ka Laasha
Ab kaun hai jo Fatima Kubra ko sambhaale
Jab Akbar e Zeeshan ne phal barchhi ka khaaya

Kya sabr ka andaaz jaha’n ko nazar aaya
Ye hosla duniya me Kisi ne nahi’n paaya
Sarwar ke siwa kaunsa banda hai Khudaya
Bete ke kaleje se jo barchhi ko nikaale
Do Bhai jo mare gaye ik hashr bapa hai

Gham Aun o Mohd ka har ik Maa ko hua hai
Har simt faqat girya o Maatam ki sada hai
Lekin Lab e Zainab pa faqat ik Dua hai
Sab Qatl ho’n par Tu Mere Bhai ko bacha le
~ 150 ~
Maidaan me be dast Alamdar pada hai

Ab Shah ko tanhaai ka ehsaas hua hai
Khaime me Alam aaya hai ik hashr bapa hai
Ammu jo nahi’n aaye Bhatiji ko gila hai
Aye Pyaas Sakina ko kaleje se laga le
Shabbir ke haathon pa hai Maasoom ka Laasha

Phailaaye huwe haath khadi ha koi Dukhiya
Be chain hai Maa bachche ko De Dijiye Moula
Reh jaaye na ghut kar Dil e Maadar me tamanna
Ik baar wo Besheer ko jhoole me jhala le
-----------------*-----------------
Rasheed Shaheedi
KARBALA HAYYA ALAA KHAIRIL AMAL
Deen e Ahmed ki Baqa Hai Karbala

Sajdagaahe Ambiya Hai Karbala
Zulm ki aandhi me haq ki justju

Tashnagi karti hai zakhmon se wuzu
Sabr ke bande ki Rab se guftugu
Hashr tak Haq ki Sada Hai Karbala
Deen e Ahmed Ki Baqa Hai Karbala
In Fazaao’n me hai Akbar ki Azaa’n

Karbala Haq ka hai aisa Karwaa’n
Aaj tak qaayam hai jiska Paasbaa’n
Noor ka ik Silsila hai Karbala
Tashnagi ke khoon ki tehreer hai

Karbala Qur’an ki Tafseer hai
Karbala Islam ki taqdeer hai
~ 151 ~
Haq ka ik Roshan Diya Hai Karbala

Karbala Ehsaas ki Pehchaan hai

Karbala ka Deen par Ehsaan hai
Karbala har rukh se Aalishaan hai
Fikr ki hadd se siwa hai Karbala
Dil hai Karbal mutma’in ahle yaqeen

Is se behtar Sar Zameen koi nahi’n
Jhukti hai yaa’n aasmaano’n ki Jabeen
Har bulandi ka pata hai Karbala
Fakhr jab Kaabe ki Dharti ne kiya

Daf’atan ye Arsh se aayi Sada
Hai kahan tujh me bhala Khaak e Shifa
Tujh se rutbe me siwa hai Karbala
Hai kahan is khaak ka naimul badal

Pyaas ki dharti pa ashkon ka mahal
Karbala Hayya Ala Khairil Amal
Bandagi ki Inteha hai Karbala
Karbala ka Gham nazar ki pyaas hai

Karbala ehsaas hi ehsaas hai
Karbala toote dilo’n ki aas hai
Zindagi ka hosla hai Karbala
Tha kahi’n Naoshah ka tukde badan

Aasma’n tha bikhre Laashe ka kafan
Be rida thi chand lamho’n ki Dulhan
Kaaba e Sabr o Riza hai Karbala
~ 152 ~
Dasht me Mayyat hai Sheh ki Bekafan

Chhin gayi chaadar hai baazu me rasan
Kya kare Abbas ki bekas bahan
Sabr ka ik maareka hai Karbala
Hai Ghame Sarwar Shiaar e Ambia

Ye saleeqa Binte Zehra ki ataa
Khaak pa hota hai zikr e Karbala
Toote dil ka Aasra hai Karbala
Bekafan Laashe hain maqtal me pade

Ik rasan baara aseero’n ke gale
Qafela pyaasa hai zakhmi raaste
Himmat e Zainulleba hai Karbala
Aag daaman me Sakina ke lagi

Taaziaane Shimr ke khaati rahi
Jalte zakhmon ne badhaai Tashnagi
Pyaas ka ik mojiza hai Karbala
Yu’n mila pursa yateemi ko yaha’n

Gaal par ubhre tamaanchon ke nasha’n
Kaan zakhmi hain kahan hain baalia’n
Ik musalsil marsiya hai Karbala
Majlise Shabbir hoti hain jaha’n

Fatima tashreef laati hain waha’n
Aye Rasheed aisi Ibadat hai kaha’n
Haan muqadar ki ataa hai Karbala
-----------------*-----------------
~ 153 ~
Allama Akhtar Zaidi
AYE KARBALA TUHI BATAAA

MEHMAAN KYU’N PYAASA RAHA
Jaane Wila hai Karbala

Gham ki Dua hai Karbala
Ik raasta hai Karbala
Roshan hai kiska naqshe pa
Aye Karbala tuhi bataa
Ho hosala Azme Jawan

Mardaane haq ka Imtihaan
Quraan ko di Kis ne zaban
Goonji kahan haq ki sada
Zinda hai mayaar e wafa

Ehsaan hai Abbas ka
Dariya jo hai behta hua
Sadqa hai uski pyaas ka
Kehte hain jis ko Nainawa

Waada jaha’n poora hua
Hai naam ik maidaan ka
Ya sabr hai Shabbir ka
Asghar pa gira kya alam

Nanha gala teer e sitam
Kaise saha Sheh ne ye Gham
Jab aasra koi na tha
~ 154 ~
Kab ahle haq ke sar jhuke

Sheh rag se katt gaye gale
Bayat jahan sajde karre
Aisa kahi’n Kaaba bana
Noor-e-Sehr jab chhaa gaya

Hur Shaah-e-Deen tak aagaya
Taofeeq Haq se paagaya
Kis ki sada ka faiz tha
Akbar ka seena aur sina

Woh zabt-e-Sarwar Allama’n
Haathon pa hai Laasha jawa’n
Aisa kahi’n dekha gaya
Kaise huwa ye Saaniha

Naoshah kyun raonda gaya
Kis haal me Laasha mila
Sheh ne aba me kya rakha
Abbas ne kya dukh sahe

Sar ta qadam bas zakhm the
Baazu bhi us ke katt gaye
Kaise zameen par wo giraa
Sar par koi saaya na tha

Thi khaak par Aale Aba
Din bhar me sab kuch lut gaya
Ye kya hua kaise hua
~ 155 ~
Hai Sajdagaah-e-Aolia
Tasleem sab ne kar liya
Haq ki Azaa’n hai Karbala
Kis ne isse baaqi rakha
Saathi na jab koi raha

Tanha tha Ibne Fatima
Tha zere khanjar jab gala
Kya Aalam-e Tanhaai tha
Shaam e Ghareeban ka Sama’n

Har simt shole aur dhuaa’n
Be aas saari Bibiyaa’n
Zainab huwi kyun Berida
Akhtar thi Zainab ki fugha’n

Aaye hain Baba ab yaha’n
Kya kya karun un se baya’n
Tu hi bataaa Aye Karbala
-----------------*-----------------
Rasheed Shaheedi
YAAD-E-SHABBIR
Yaad-e-Shabbir me Zainab yehi karti thi fugha’n

Bas Tera Gham hai Mere saath Main jaati hu’n jaha’n
Mere Bhayya ho kaha’n
Maine dekha hai Tere pyaase gale par khanjar

Aaj tak Mere kaleje pa wo khanjar hai rawa’n
~ 156 ~
Kufa o Shaam ke baazaaro’n se guzri Bhayya

Dekho baazu pa ubhar aaye hain rassi ke nasha’n
Chhin gayi Sar se Rida Main gayi darbaaro’n me

Gardane Abide Beemar me thi touqe gira’n
So gaya dasht me har naaz Uthane Waala
Kisko Dikhlaati Sakina wo tamaacho’n ke nasha’n

Zulm seh seh ke Sakina ne bhi dam tod diya

Par mayassar na hua Ghuslo kafan ka sama’n
Behre soughaat liye jaati hu’n Main daaghe rasan

Kya kahu’n poochhe jo Sughra Mera Baba hai kaha’n
Binte Zehra ke musalsal the yahi bain Rasheed

Mera Abbas kaha’n hai Mere Bhayya ho kaha’n
-----------------*-----------------
SOONA HAI MADINA

Aashoor ko aaya ye khatte Fatima Sughra Soona Hai Madina
Kab laut ke ghar Aaoge Ya Shahe Madina Soona Hai Madina
Main dar pa khadi rehti hu’n ik aas lagaaye Bhayya nahi’n Aaye
Shikwa nahi’n Akbar se hai Taqdeer se shikwa Soona Hai Madina
Do din se Mere halq se paani nahi’n utra qurbaan ho Sughra

Dil kehta hai pardes me Tum pyaase ho Baba Soona Hai Madina
Pardes me Bhayya ho agar Byaah Tumhara armaan hai Mera

Baandhe huwe Sehra meri turbat pa bhi aana Soona Hai Madina
~ 157 ~
Main raato’n ko soti hu’n to jaag uthti hu’n aksar kya baat hai aakhar
Bikhraaye huwe baal nazar aati hain Zehra Soona Hai Madina
Ik sheeshe me kuch khaak liye phirti hain Daadi aur karti hain Zaari
Mazloom Hussaina Mere Mazloom Hussaina Soona Hai Madina
Amma ki bhari godh rahe maang na ujde Khaaliq se Dua hai

Ya Rab Mere Besheer ka Aabaad ho jhula Soona Hai Madina
Khat padh ke Hussain Ibne Ali khoob sa Rowe aur Sar ko Jhukaye
Qaasid ke qaree’n rakh diya ik nanha sa Laasha Soona Hai Madina
-----------------*-----------------
Sachche Pakistani
AYE SHERE NEYASTAANE HAIDAR ABBAS
DETI THI SADA ZAINAB ROKAR ABBAS
Kya isi din ke liye maangi thi Baba ne Dua

Aake pardes me hojaoge Tum Ham se juda
Sote ho chain se darya ke kinaare Bhayya
Kya sunaayi nahi’n deti Tumhe Halmin ki sada
Abbas Tanha hain Khade rann me Sarwar Abbas
Aye Shere Neyastaane Haidar
Gir ke ghode se sada Baap ko Akbar ne jo dee

Dilbar e Fatima Zehra ki ajab haalat thi
Haath malte the kabhi ghaath ko takte kabhi
Thaam kar tooti kamar kehte the Farzande Nabi
Abbas Laau’n kaise Laashe Akbar Abbas
Haal Shabbir ka ab to nahi dekha jaata

Hai kamar kham nahi’n aankhon se sujhaai deta
Ye zaeefi ye jawa’n Laal ka sadma Bhayya
Thaam lo badh ke zara haath tumhi Bhai ka
~ 158 ~
Abbas Khaate Hain thokar par thokar Abbas

Kya isi din ke liye saath behen thi aayi

Aagayi neend jo darya ki taraayi paayi
Phir palat kar Hame surat bhi nahi dikhlaayi
Aagaya ran se Alam tum nahi’n aaye Bhai
Abbas Phat’ta hai Mera sadme se jigar Abbas
Aye Shere Neyastaan e Haidar
Aye Mere Shair e Jawan Aye Mere Bhai Ho Kahan

Shaaq hai dil pa tumhaari ye judaai Ho Kahan
Dair se Deti hu’n Bhayya me Duhaayi Ho Kahan
Lut’ti hai Fatima Zehra ki Kamaayi Ho Kahan
Abbas Khanjar hai Halqe Sarwar par Abbas
Hai Qayamat ka Sama’n loot hain khaimon me machi

Koi pursaa’n nahi’n haalat hai ajab bachhon ki
Taaziaane koi khaata hai tamaache koi
Aag daaman me hai Maasoom Sakina ke lagi
Abbas Bhayya Utho Lo jald khabar Abbas
Aye Shere Neyastaan e Haidar
Azmat o Izzat e Saadaat bhuladi Bhai

Aag Khaimo’n me laeeno’n ne lagadi Bhai
Masnad e Ahmed Mursal bhi jaladi Bhai
Tauq o Zanjeer bhi Aabid ko pinhadi Bhai
Abbas Ghash me hai Pada Mera Dilbar Abbas
Bhai ko bhool gaye dhayaan na behnon ka raha

Yaad aaya na koi paayi jo Darya ki hawa
Haaye Kis dil se kiya tum nei gawaraa Bhaaya
Har tamaache pa Sakina ne Tumhein yaad kiya
Abbas Jab chheene gaye Kaano se Guhar Abbas
~ 159 ~
Chhor kar Dasht e Musibat me Bahan ko Bhai

Tum ne achha hi kiya door basaayi basti
Dekh sakte the kahan Tum jo hai haalat Meri
Balwa’e Aam me Bhayya Main Khule Sar Hu’n Khadi
Abbas Aada legaye Sar se Chaadar Abbas
-----------------*-----------------
Rasheed Shaheedi
HAAY HUSSAIN PYAASE HUSSAIN
Jaane Payambar Dilbare Zehra

Apna Bhara Ghar Tu ne lutaya
Ibne Ali Ehsaan Hai Tera
Tu Hai Muhaafiz Kaaba e Haq Ka
Sajde Me Sar Tera Kata
Haay Hussain Pyaase Hussain
Dhoond rahe hain rann me Sarwar

Bechaini se Laasha-e Akbar
Khaate hain har gaam pa thokar
Kaun sahara dega badhkar
Aalam e Ghurbat Dashte Bala
Zainab ki Aankhon ke Ujaale

Aun o Mohd rann ko sidhaare
Jang huwi aur khoo’n me nahaaye
Maqtal se jab aaye Laashe
Karti hai Zainab Shukre Khuda
~ 160 ~
Byaah huwi kuchh der na guzri

Rann ko chali Qasim ki sawaari
Kubra baithi sonch rahi thi
Ab ujdegi maang Hamari
Aagaya Dulha ka Laasha
Thaame kamar ye kehte the Sarwar

Dashte bala me Shaane kata kar
Qatl huwe Abbase Dilawar
De pursa Mujhko Meri Khwahar
Hogaya Zainab me tanha
Bain yehi karti thi Sakina

Chhor gaye kyun Mujhko tanha
Badhta hai jangal ka andhera
Aajaao Aajaao Baba
Deti hu’n kab se Tum ko sada
Soti thi seene pa Tumhaare

Tum ne Mere Naaz Uthaaye
Shimr ne maare Mujh ko tamaache
Khoon tapakta hai kaano’n se
Neend nahi’n aati Baba
Kaisi ghadi hai Aale Nabi par

Ghash me pade hain Abid-e Muztar
Keh de koi Abbas se jaakar
Chheen raha hai Shimr-e Sitamgar
Binte Ali ke Sar se Rida
Zainab ke Baazu me rasan hai

Aur labo’n par bas ye sukhan hai
Laash Teri be goro kafan hai
~ 161 ~
Aaj bahut majboor Bahan hai

Sar pa nahi’n chaadar Bhayya
Ham pa ye ehsaan hai Zainab ka

Jis ne diya Majlis ka saleeqa
Karte raho Maatam Pyaaso’n ka
Denge Tumhe Abbas sahara
Binte Payambar dengi Dua
Chhalke kuch itne aankhon ke saaghar

Phaili kuch itni ashko’n ki chaadar
Chashme Falak hairaan hai is par
Soch rahe hain saare Samandar
Kitne hain aakhir Ashk-e-Aza
Zeest ka maqsad Pyaaso’n ka Gham

Hota rahe ta Hashr ye Maatam
Leke yu’nhi Abbas ka Parcham
Parwaane Shabbir ke har dam
Dete rahenge bas ye sada
Keeje Rasheed is Gham ki hifazat

Ashk-e-Aza hain qalb ki quwwat
Karte rahein har dam ye Ibadat
Maatam hai Shabbir ki Nusrat
Goonje faza me bas ye Sada
-----------------*-----------------
~ 162 ~
Rasheed Shaheedi
YA HUSSAINAM YA HUSSAINAM YA HUSSAIN

YA HUSSAINAM YA HUSSAINAM YA HUSSAIN
Saaqiye Kausar Tera Baba Hussain

Karbala me Tu Raha Pyaasa Hussain
Yaad rakhegi Tujhe Duniya Hussain
Tujh se Hai Naame Khuda Zinda Hussain
Ya Hussainam Ya Hussainam Ya Hussain
Tera Nana Rehmat ul Lil Aalamee’n

Tera Baba Hai Ameer ul Mominee’n
Aur Pisar Tera hai Zainul Abidee’n
Teri Maa Hai Fatima Zehra Hussain
Tu hai beshak Kaaba e Sabr o Riza

Teri chaukhat Sajdagahe Ambiya
Itna ooncha martaba Kisko mila
Poochhta hai Rab Tera Mansha Hussain
Tashnagi Teri fazaao’n me dhua’n

Thi musibat karwa’n dar karwa’n
Sabr se Tu ne diya har Imtiha’n
Deen par Ehsaan hai Tera Hussain
Karbala me kaisi ye Shaadi rachi

Laash hai masnad pa ab Naoshah ki
Chand lamhon ki Dulhan bewa huwi
Kaun dega ab Use pursa Hussain
~ 163 ~
Thi Ali Akbar ke seene me sina’n

Muztarib tha khaak par Kadiyal Jawa’n
Dashte ghurbat me hai kaisa imtiha’n
Kheenchte hain qalb se naiza Hussain
Toot jaati Hurmala ki ungliaa’n

Kholta gar Jhoole waala Mutthiaa’n
Ab rukhe Islam par hai jaawidaa’n
Ik Tabbasum Tere Asghar ka Hussain
Jaane Haidar Dilbare Ummul Banee’n

Jis ke qadmo me Samandar ki Jabee’n
Aaj bhi Aabe Rawa’n hai Bilyaqee’n
Hai Tere Abbas ka Qabza Hussain
Chaudhwee’n ka Chaand wo Ibne Hasan

Tukde tukde hogaya jis ka badan
Kaise ho Naoshah ka ghuslo kafan
Kar rahe hain Laash ko yekja Hussain
Laash par Sarwar ki Zainab ne Kaha

Ik Bahan par waqt kaisa aagaya
Dasht me hai bekafan Laasha Tera
Sar pa Chaadar bhi nahi’n Bhayya Hussain
Al Atash ki thi fazaao’n me sada

Kal talak Abbas ka pehra bhi tha
Dekhte hi dekhte kya hogaya
Chha gaya har simt sannata Hussain
~ 164 ~
Be kajawa oont pyaasa kaarwaa’n

Berida hain Fatima ki Betiyaa’n
Shimr ke durre Sakina ki Fughaa’n
Tum kaha’n ho Aye Mere Baba Hussain
Hashr tak lehraa’ega Parcham Tera

Ham karenge umr bhar Maatam Tera
Kaise ham bhoolenge Moula Gham Tera
Qalbe momin hai Tera Raoza Hussain
Kha rahi hai taaziaane Shimr ke

Sabr karti hai Sakina kya kare
So’e kaise kaan zakhmi hogaye
Kis ko de awaaz Ye Dukhiya Hussain
Nashr gaahe Karbala Ashke Aza

Naara-e Takbeer Maatam ki sada
Ye lahu ye majlise’n Aaho Bukaa
Aarzuwe Fatima Zehra Hussain
Haosla dete hain Abbas e Ali

Milti hai har dam hame quwwat nayi
Zindagi Parwana e Shabbir ki
Hai Dua e Fatima Zehra Hussain
Dilbar e Zehra Shaheed e Karbala

Tu hame deta hai har pal haosla
Ham Tujhe dete hain mushkil me sada
Hai sahara ham ko bas Tera Hussain
~ 165 ~
Sar parasti ham ko hai Abbas ki

Ham ko deti hai Dua Binte Nabi
Hai yehi Maatam Hamari zindagi
Ab ye hai har dam Tera Naoha Hussain
Naam jab bhi lete hain Abbas ka

Baazuo’n ko hoti hai taaqat ata
Sar pa Maatamdaar ke hoga sada
Parcham e Abbas ka Saaya Hussain
Aao mil jul ke Namaaz e Gham padhein

Ashk se roomaal e Zehra nam karein
Karbala waalon ka ham Maatam karein
Saans jab tak hai kaho bas Ya Hussain
Hai tamanna bas yehi Jaan-e Batool

Ho Ata Mujhko Tere Qadmo ki dhool
Kar Mere Maola Mera Naoha qubool
Aakhirat ka hai ye sarmaaya Hussain
Pesh hona hai Khuda ke rubaru

Bas Gham e Sheh me bahaao tum lahu
Ye Ibadat hi karegi surkh Ru
Kehte jaao Ya Hussainam Ya Hussain
Tujh se karta hai Rasheed ab Iltija

Ho Ziyarat ka sharaf hamko ata
Ham ko dikhlade Zameene Karbala
Waasta Tujh ko Sakina ka Hussain
-----------------*-----------------
~ 166 ~
Rasheed Shaheedi
YA ABBAS YA ABBAS
Qalb ki quwwat Ya Abbas,

Ya Abbas Ya Abbas
Aankhon ki hasrat Ya Abbas,
Ya Abbas Ya Abbas
Honton ki zeenat Ya Abbas,
Ya Abbas Ya Abbas
Haathon ki taaqat Ya Abbas,
Ya Abbas Ya Abbas
Haa’n ye Namaz e Sabro wafa hai

Is ka Mussala farshe Aza hai
Is ki Azaa’n Maatam ki sada hai
Shaam o Sahar har waqt Hamari hai ye Ibadat Ya Abbas
Ya Abbas Ya Abbas Ya Abbas
Zikr Tera Saqqa e Sakina

Deta hai jeene ka qareena
Har toofa’n ka Tuhi safeena
Ham ne pukara jab bhi padi hai Ham pa musibat Ya Abbas
Tu ne sahara dee’n ko diya hai

Is ke Alam par Naam Tera hai
Parcham me Khushbu’e Wafa hai
Ab ye Alam ooncha hi rahega Teri badoulat Ya Abbas
Aankh me teer aur qalb shikasta

Katt gaye shaane zakhmi sar tha
Saara badan tha khoon me dooba
Thaame kamar Shabbir ne dekhi ye Teri ghurbat Ya Abbas
~ 167 ~
Shimr ke paiham khaaye tamaache

Kaan hain zakhmi gaal hain soojhe
Haay Sakina Kis ko pukaare
Dekhte aakar Tum bhi Sakina ki ye ghurbat Ya Abbas
Tujh pa ye mushkil sab se badi thi

Haath na the Majboor tha Ghaazi
Kaise gira ghode se Sipaahi
Maa hi bataaa sakti hai ik Bete ki musibat Ya Abbas
Maqtal me Laashe bikhre hain

Taareeki hain sannate hain
Bachche sehme dekh rahe hain
Tanha Zainab kaise kare ab Unki hifazat Ya Abbas
Sholo’n me Sajjad ka bistar

Jalta hai gehwaara e Asghar
Binte Ali ki chhinti hai Chaadar
Ahle Haram par tooti dekho kaisi qayamat Ya Abbas
Abid hain zanjeer me jakde

Khaate hain har gaam pa durre
Pusht hai zakhmi paaun me chhaale
Kat’ti hai zanjeer se gardan dekho azeeyat Ya Abbas
So nahi’n sakti pyaasi Sakina

Kaise milega Baap ka seena
Dil me liye armaane Madina
Dafn huwi Zindaane Bala me sehke musibat Ya Abbas
~ 168 ~
Sab se bada Ezaaz yehi hai

Jeene ka andaaz yehi hai
Har dil ki awaaz yehi hai
Tera Gham aur Tera Maatam Teri Muhabbat Ya Abbas
Hain Shabbir ke ham Parwaane

Jin ke Muhafiz hain Tere Shaane
Aaye hain taqdeer jagaane
Bharde har Parwaane ki Parwaaz me taaqat Ya Abbas
Pohnche’n ham Karbal ki zami’n tak

Kaaba-e Sabro ilmo Yaqee’n tak
Yaani fazaa-e Arshe Baree’n tak
Ham sab ko ab jald ataa ho ye bhi sa’adat Ya Abbas
Dil me Rasheed ab hai ye tamanna

Hojaaye Maqbool ye Naoha
Jald dikha de Tera Raoza
Rakh de bheegi palko’n par ab ye bhi Daolat Ya Abbas
-----------------*-----------------
~ 169 ~
Ali Jaweed Maqsood
AYE FAATEHE KARBOBALA
Aye wursa daare Ambia

Aye Maaliko mulke Khuda
Aye Shaafaye Raoze Jaza
Mamnoon hai Kaaba Tera
Jannat Teri Kausar Tera
Aye Faatehe Karbobala
Tu Shaan hai Quraan ki

Tu jaan hai Imaan ki
Tu ne Khuda ke Deen par
Qurbaan apni jaan ki
Mamnoo’n hai yezdaa’n tera
Tu ne sahe kitne sitam

Beto’n ka Gham Bhai ka Gham
Takra ke Tujh se thak gaye
Zulm o Sitam Ranj o Alam
Ham Teri himmat ke fida
Ye Masjidein ye Aastaa’n
Teri balandi ke nashaa’n
Duniya me baaqi reh gayi
Akbar ke sadqe me Azaa’n
Kaaba bana Raoza Tera
Laazim hai ye Maatam Tera

Waj’he baqa hai Gham Tera
Zinda isi Maatam se hai
Deen e Nabi Deen e Khuda
Ye Gham hai Zehra ki Dua
~ 170 ~
Tharra rahe the Ambia

Tu ne jo haatho’n par liya
Khaibar ke dar se bhi giraa’n
Laasha jawan farzand ka
Girya kuna the Murtaza
Arz o Sama’n me goonjti

Awaaz e Halmin hai abhi
Aajaaye Nusrat ko Teri
Hur ki tarah gar ho koyi
Ab bhi hai Dar Tera Khula
Bhai wo Tera Bawafa

Wo Naa’ebe Shere Khuda
Saahil pa qabza kar ke bhi
Teri qasam pyaasa raha
Darya tadap kar reh gaya
Maatam hai ye Abbas ka

Pyaaso’n ki anmit pyaas ka
Ahle haram ki bekasi
Aur dard ke ehsaas ka
Qurbaa’n huwi jis par wafa
Pyaasa Ali Asghar Tera

Wo phool sa sookha gala
Jis ko sawaal e Aab par
Teer e Sitam maara gaya
Tu ne ye Gham bhi seh liya
Wo rege garme Karbala

Daste sitam teghe jafa
Kis zulm se kaata gaya
Maula Tera pyaasa gala
~ 171 ~
Sar Tera naize par chadha

Wo Qatl ka Tere sama’n

Maqtal me Zehra ki fugha’n
Is zulm par Roti zamee’n
Aansu bahaata aasmaa’n
Zainab ki wo Aaho Buka
Kunba nahi’n hai ghar nahi’n

Jalti huwi tapti zamee’n
Dil me Ghamo ranjo alam
Aur Shukre Khaaliq me jabee’n
Sajde me hain Zainul Aba
Bekas aseero’n ka safar

Naizo’n pa mazloomo’n ke sar
Shehzaadion ke sar khule
Mehwe tamasha Ahle sharr
Woh taaziaane aur jafa
Ahle sitam sab thak gaye

Ashkon pa kab pehre lage
Har daur me ye Gham Tera
Ahle wafa karte rahe
Maatam Tera kab ruk saka
Woh tere naazo’n ki Pali

Beti Teri pyaasi rahi
Sehkar harek zulm o sitam
Zindaa’n me aakhir Margayi
Beta tera qaidi bana
~ 172 ~
Kis dil me Tera Gham nahi’n

Kis ghar me ye Maatam nahi’n
Aaqa Tere Gham ki qasam
Ye Gham nahi’n to Ham nahi’n
Hai zindagi Teri Aza
Beemaar ka zakhmi badan

Dulhan ke baazu me rasan
Kulsoom o Zainab be rida
Aur Tera Laasha be kafan
Mehshar na kyun barpa huwa
Maida’n se Zainab ke Pisar

Aaye lahu me doob kar
Khaime me Laashe hain rakhe
Sajde me hai Zainab ka Sar
Haira’n khade hain Ambia
Armaan Maadar ke mite

Paamaal Qasim hogaye
Naoshah ka Laasha tha ye
Tukde Dil e Shabbar ke the
Kya haal Kubra ka hua
Armaan hai Dilgeer ka

Shabbir ki Hamsheer ka
Jaweed ye jeena bhi hai
Sadqa Gham-e-Shabbir ka
Dete rahenge bas ye Sada
-----------------*-----------------
~ 173 ~
Ali Jaweed Maqsood
HAAY HUSSAIN WAWAILA
Khoon se maqtal Laal hua hai

Ibne Hasan paamaal hua hai
Laashe ka kya haal hua hai
Tukde tukde hai Dulha
Haay Hussain Wawaila
Noore nazar ghode se gira hai

Sheh ne kamar ko thaam liya hai
Baap Pisar ko dhoond raha hai
Hanste hain sab ahle jafa
Laashe Jawa’n seene se laga kar

Laate hain maidaan se Sarwar
Dekh rahi hai Maa ye manzar
Gham se na marjaaye Laila
Jaan e hazeen par jor o sitam hai

Daagh Pisar Bhai ka alam hai
Aankhein pur khoon dil pur nam hai
Haatho’n pa Asghar ka Laasha
Ghere hain Bekas ko sitamgar

Paas nahi’n Abbas e Dilawar
Koi nahi’n Mazloom ka yawar
Kis ko dein Shabbir Sada
~ 174 ~
Dil me basi hai Yaad e Sakina

Maut ka hai maathe pa pasina
Pyaas ki shiddat jalta seena
Yaad hai Dukhiya ka rona
Goonj rahi Zehra ki fugha’n hai

Tegho’n me Ahmed ka Nasha’n hai
Haay Mera Abbas kaha’n hai
Pyaase ka kat’ta hai gala
Zakhmo’n se sab khoon rawa’n hai

Dil me Ghame farzande Jawan hai
Pyaase ke aankho’n me dhua’n hai
Ghere hai lashkar aadaa ka
Tapta maqtal jalti zami’n hai

Khaliq ke Sajde me jabi’n hai
Yaawaro Nasir koi nahi’n hai
Tegh tale Pyaase ka gala
Jaan e Ali begoro kafan hai

Zainab ke Baazu me rasan hai
Balwe me Sarwar ki Bahan hai
Aale Nabi hai beparda
Pyaasi hai Aulaad e Payambar

Aada ka sairaab hai Lashkar
Pyaasi Sakina Pyaasa Asghar
Saamne behta hai dariya
~ 175 ~
Karna hai Mazloom ki Nusrat

Laazim hai Sarwar ki Itaa’at
Ik hai bas ummeed e shifa’at
Maatam karlo Bekas ka
Sarwar ka Gham dil me basa hai

Dhadkan kya hai aaho buka hai
Majlis e Gham Zainab ki ataa hai
Maatam hai Zehra ki Dua
Parwaane Shabbir ke hain ham

Saath liye Abbas ka Parcham
Karte hain Pyaaso’n ka Maatam
Dete hain Zehra ko pursa
Hota hai jab Shabbir ka Maatam

Gham se laraz jaate hain do Aalam
Karbobala ke rann se paiham
Aati hai Halmin ki sada
Zinda hain Jaweed yunhi ham

Apna jeena Sarwar ka Gham
Naam e Ali har zakhm ka marham
Haasil hai Zehra ki Dua
-----------------*-----------------
~ 176 ~
Rasheed Shaheedi
GHAR FATIMA KA LUT GAYA
Maatam karo ahle Aza

Hai aasmano par buka
Karte hain Maatam Ambia
Hain sar barahna Mustafa
Ghar Fatima ka lut gaya
Zainab ke Wo Noor e Nazar

Jab chal base donon Pisar
Maa ka jigar Sajde me Sar
Rone lage Shaahe Huda
Tukde Hasan ke Laala ke

Maqtal me the bikhre huwe
Ab Laash ye kaise uthe
Sarwar bichhaate hain abaa
Kubra ki haay zindagi

Dulhan bani bewa huwi
Kya keh ke ro’e bekasi
Hamsin waha’n koi nahi
Laila ka aur Shabbir ka

Kadiyal Jawaa’n farzand tha
Barchchi se dil Uska chhida
Jalti zamee’n par Sogaya
Ummul Banee’n ka Wo Pisar

Be dast Ghaazi khoo’n me tar
Kaise gira Wo khaak par
Girya kuna’n hain Fatima
~ 177 ~
Sar Fatima ke Laal ka

Jab hogaya tann se juda
Deti rahi Zainab sada
Paamaal Laasha hogaya
Aage yunhi badhte raho

Maatam yunhi karte raho
Nauha yunhi padhte raho
Binte Ali Dengi Dua
Maatam karo Abbas ka

Tum ko milega ye sila
Aankho’n me rakho Karbala
Behte rahein Ashk e Aza
Parwaana e Shabbir ka
Abbas Tu hai Aasraa
Milti rahe unko sada
Bas Tere Parcham ki Hawa
Wo bekaso’n ka Karwa’n
Beemaar Abid Naatawa’n
Wo Tauq aur wo bediya’n
Wo taaziaano’n ki jafa
Be chaadari be chainiya’n
Mushkil kusha ki Betiya’n
Aur baazuo’n me reesma’n
Zanjeer me Zainul Aba
~ 178 ~
Abbas saqqaa’e Haram

Haq ka nasha’n Jis ka Alam
Jis ki wafa Dee’n ka bharam
Bhai Wo Sheh ka Baawafa
Haatho’n pa apne Baap ke

Maqtal ko Asghar jab gaye
Ahle Sitam rone lage
Wo teer kha kar hans pada
The muztarib rann me Hussain

Ro ro ke karte the ye bain
Kis tarha aaye dil ko chain
Maa se kahein ab jaake kya
Durre tamaache seliyaa’n

Mazloom Bachhi ki fughaa’n
Chheeni gayi hain baaliyaa’n
Kaano se khoo’n behta raha
Shabbir Aye Jaane Batool

Lafzon ko de qadmon ki Dhool
Nauha ye Tu karle Qubool
Ezaaz ye karde Ataa
Ab hain Rasheed ashkon ke bain

Aye Fatima ke Noor e Ain
De dil ko Chain ab Ya Hussain
Pohncha de hamko Karbala
-----------------*-----------------
~ 179 ~
Rasheed Shaheedi
AYE SHAHEEDE KARBALA FATIMA ZEHRA KE PISAR

ASRE AASHOOR KATA DASHTE BALA ME TERA SAR
Baaqi jis tarha se ab Naam Khuda ka hai Hussain

Tu bhi zinda hai Tera naam bhi zinda hai Hussain
Tu ne jangal me bhare ghar ko lutaya hai Hussain
Goonji maqtal me sadaae’n rowi’n Karbal ki hawaae’n
Aye Shaheede Karbala Fatima Zehra Ke Pisar
Rann me Hamshakle Payambar Ali Akbar sa Jawa’n

Haay wo qatl hua khaa ke kaleje me sina
Uske seene se bas ik khoon ka dariya tha rawaa’n
Ham baya’n kaise kare’n Pyaas ki gehraai Teri

Thokarein khaana tera kho gayi beenayi Teri
Haaye Wo Laashe Jawa’n Haay wo tanhaai Teri
Tukde tukde hua Farwa ka Pisar Ibne Hasan

Hogaya Qasime Naoshah ka paamaal badan
Dekhte dekhte bewa hui lamho’n ki Dulhan
Tere Lashkar ka Muhafiz wo Alamdaar e Wafa

Haath katwa ke kiya jisne Alam ko ooncha
Dil me armaan liye jang ka duniya se gaya
~ 180 ~
Mashk par teer laga gurze sitam Sar pa laga

Hoke bedast wo Saqqaa e Haram Bhai Tera
Jaane Kis tarha se ghode se zamee’n par Aaya
Tera Shashmaaha jo gehwaare se maqtal ko gaya

Zulm ka teer wo Masoom ka Nanha sa gala
Maa ki nazron me hai Besheer ka khaali jhoola
Ye jo baaqi hain Namaaze’n ye fazaaon me Azaa’n

Aye Shahinshaah e Atash baadshahe Kauno Makaa’n
Hashr tak Deene Muhammad pa hai Tera Ehsaa’n
Tera Gham har Dil e Momin ki tadap Jaane Batool

Bas Tere Gham ke waseele se Namaaze’n Maqbool
Ashk aankho’n me agar ho’n to Duaae’n hain qubool
Fakhr karte hain ke Parwana e Shabbir hain ham

Ham jo karte hain Tere Gham me musalsil Maatam
Ham Aza daaro’n pa Abbas ka rehta hai Karam
Majlise’n karte hain jo karte hain Maatam tera

Hai yaqee’n Fatima Zehra unhe’n Deti hain Dua
Aur unhe milti hai Abbas ke Parcham ki hawa
~ 181 ~
Bheegi palko’n ki tadap dil ki tamanna hai Hussain

Hashr tak har Dil e Momin Tera Raoza hai Hussain
Tu har ik toote huwe dil ka Sahara hai Hussain
Aye Muhammad ke Nawaase Aye Mere Pyaase Imam

Nazr karta hai Rasheed ab Tujhe askho’n ka Salaam
Aaj har toote huwe dil ki tassali Tera Naam
-----------------*-----------------
Rasheed Shaheedi
GHAM-E-KARBOBALA ALLAH O AKBAR
Yaha’n khud sar nigu’n Arshe Ula hai

Yahi to Sajdagaah e Ambia hai
Yaha’n ki khaak hi Khaake Shifa hai
Zameen e Karbala Allah o Akbar
Gham e Karbobala Allah o Akbar
Bahaate hain Gham e Sheh me lahu ham

Sar e Mehshar rahenge surkh ru ham
Yunhi phailaaenge ab chaar su ham
Ye Maatam ki sada Allah o Akbar
Ye wo Gham hai ke jis me zindagi hai

Isi Gham se nazar me roshni hai
Yehi Gham Muhtaram hai bandagi hai
Azaa-e Karbala Allah o Akbar
~ 182 ~
Kahi’n milti nahi aisi bulandi

Jaha’n Majlis bapa hoti hai Sheh ki
Waha’n aati hai Zehra ki Sawaari
Mussala Ashk ka Allah o Akbar
Namaz o Roza o Hajj sab aham hain

Ye Ehkaam e Khuda sab Muhtaram hain
Mussalo’n par jabeene’n sabki kham hain
Magar Farsh e Aza Allah o Akbar
Khuda ka Ghar to Kaaba Bilyaqee’n hai

Jo yaa’n kham ho wohi roshan jabee’n hai
Badi Paakeeza Makke ki zamee’n hai
Magar Khaak e Shifa Allah o Akbar
Bas ik shab me hua tabdeel manzar

Sehr Aashoor ki Hur Ka Muqaddar
Chala baatil se aaya raahe Haq par
Jab Akbar ne kaha Allah o Akbar
Wafa Haq me She’aar e Ambia hai

Magar kya Martaba Abbas ka hai
Faqat Us ko zamana keh raha hai
Wafaao’n ka Khuda Allah o Akbar
Huwe jab qatl Zainab ke Dulaare

Wo Maa ka sabr duniya kaise bhoole
Junhi maqtal se Sheh ne laaye Laashe
Wo Sajda Shukr ka Allah o Akbar
~ 183 ~
Hai rann me muntashir Qasim ka Laasha

Uthaay Laash kaise Jaan e Zehra
Magar ab kya karein thaam e kaleja
Bichhate hain aba Allah o Akbar
Shahe Dee’n par hai kaisa waqt aaya

Ke khaak aur khoon me ghaltaa’n hai Beta
Tadapta hai jigar par kha ke naiza
Shabihe Mustafa Allah o Akbar
Wo jhoole se Tera maqtal me aana

Guluwe khushk par wo teer khaana
Ali Asghar na bhoolega zamana
Tabbassum pyaas ka Allah o Akbar
Kate Abbas ke jis waqt Shaane

To guzri Uspa kya Allah jaane
Tadap mehsoos karli Fatima ne
Nigaahe Maamta Allah o Akbar
Badan se kat ke sar rakhte hain qudrat

Sar e naiza se Qura’n ki tilaawat
Hai zinda Jaan e Zehra ki badaolat
Azaano’n ki Sada Allah o Akbar
Riza Khaliq ki banda chahta hai

Isi me bartari hai Jaanta hai
Magar Sheh se Khuda khud Poochhta hai
Bataaa Teri Riza Allah o Akbar
~ 184 ~
Kisi ko daolat e aulaad dedi

Kisi ko quwwat e parwaaz bakhshi
Na thi qismat me wo nemat ataa ki
Karam Shabbir ka Allah o Akbar
Chala jab qaafila Karbobala se

Saje the raaste jor o jafa se
Na hota sabr mumkin Ambia se
Magar Zainul Aba Allah o Akbar
Jhulasti dhoop aur Akbar ka Laasha

Ye manzar dekhti thi Umme Laila
Sina ki nok par Bete ka Sar tha
Wo Maa ka haosla Allah o Akbar
Jise suraj ki kirno’n ne na dekha

Falak ne bhi na dekha jis ka saaya
Raha aawaaz par bhi jis ka parda
Wohi hai Berida Allah o Akbar
Gale me tauq hai Zainul Aba ke

Hain chhaale paau’n me raaho’n me kaante
Wo zanjeere’n wo langar taaziaane
Safar wo dhoop ka Allah o Akbar
Gham e Shabbir ki daolat mili hai

Azaadaro’n badi nemat mili hai
Kis aasaani se ye Jannat mili hai
Duaa e Fatima Allah o Akbar
~ 185 ~
Yateemi kamsini tashna dahaani

Tamaanche taaziyaane kaan zakhmi
Sakina Bibi ki thi zindagaani
Musalsal Marsia Allah o Akbar
Jo Ashko’n ka Lahu ka silsila hai

Azadari ka ye jo Khafela hai
Saleeqa ye jo Majlis ka mila hai
Hai Zainab ki Ata Allah o Akbar
Aza ke Ashk hain aankho’n ki Zeenat

Karenge ham Rasheed iski hifazat
Hai Gham Pyaaso’n ka is Dil ki Ibaadat
Muqaddar ki Ata Allah o Akbar
-----------------*-----------------
Rasheed Shaheedi
HAM KARTE HAIN MAATAM ASGHAR KA
Besheer Mujahid Shashmaha

Tha Saaqiye Kausar ka Pota
Kya sabr tha Jhoole Waale ka
Dariya ke kinare Pyaasa tha
Ham karte hain Maatam Asghar ka
Wo dhoop wo sehra garm hawa

Goonji rann me Halmin ki sada
Khaimo’n se utha ghul rone ka
Gahwaare se Asghar rann ko Gaya
~ 186 ~
Kya Pyaas thi Jhoole Waale ki

Aur dekh ke Uski tashna labi
Khud zulm ka lashkar rone laga
Asghar ki Tabassum Swalle Ala
Sarwar ne Suwaale aab kiya

Asghar ke Gale par teer chala
Aur dhal gaya Manka Pyaase ka
Shabbir ki Ghurbat Waawaila
The Sibte Nabi kitne Bechain

Ye Sonchte the Mazloom Hussain
Bano se Kahenge Jaakar kya
Chhe maah ka Beta Qatl Huwa
Ye Aaho Buka aur ye aansu

Ye Majlise’n aur ye behta Lahu
Gham khwaro’n ka hai Nazrana
Mazloom ki Nusrat ka Jazba
Shabbir Karam Farmaate Hain

Abbas Madad ko Aate Hain
Ham padhte hain Asghar ka Naoha
Aur Zehra Karti Hain Girya
Har dil ki dhadkan kehti hai

Yaa’n Yaad e Asghar rehti hai
Har dil hai Asghar ka Jhoola
Har lab pa rahega ye Naoha
~ 187 ~
Wo noke sina wo Phool sa Sar

Tha Maa ki Nazar me ye manzar
Parwaane dete hain pursa
Palko’n pa sajaae Ashk e Aza
Jis teer se Asghar Zib’ha huwa

Wo zakhm kaha’n tak hai phaila
Kis Kiska kaleja usse chhida
Poochhe ye koi Abid se zara
Parwaane hain Shabbir ke Ham

Abbas ka hai Ham par ye karam
Besheer pa Ham roenge sada
Zehra Deti Hain Hamko Dua
Aye Jaan e Ali Jaane Zehra

Karta hai Rasheed ab maaruza
Tu karle Qubool iska Naoha
Pohnchaade sabko Karbobala
-----------------*-----------------
Hasan Abbas Ahsan
AYE SHASHMAAHE PYAASE ASGHAR
Aye Shashmaahe Pyaase Asghar

Aye Qalbe Pidar Jaan e Maadar
Aye tashna daha’n Aye tashna jigar

Baba ki Mashiyat par thi Nazar
Jab teer laga tha Gardan par
Rann Jeet liya Tu ne Has kar
~ 188 ~
Aye Faatehe Khaibar ke Dilbar

Ik zarbe tabassum ke bal par
Aada ka ulat’ta Tu lashkar
Shabbir ki Marzi hoti agar
Tu Ibne Ali ka hai Beta

Abbase Ali hai Tera Chacha
Hai Tujhme Shuja’at ka Dariya
Aur Shere Khuda ke Hain Tewar
Aye Shashmaah e Pyaase Asghar
Shabbir ke Maqsad ke Qur’an

Gehwaare me Bachcha kehla jaha’n
Aidaan me lekin Tu hai Jawaa’n
Kab khaof hai Tere Chehre par
Auro’n se Juda hai Shaan Teri

Ik teer ne leli Jaan Teri
Talwar bani Muskaan Teri
Yu’n fatt’ha Kiya Toone lashkar
Uss teer ka khana khel nahi’n

Aur phir Muskana khel nahi’n
Dushman ko rulana khel nahi’n
Hai Teri Shuja’at Tera Jigar
Shabbir ke Dilbar Maah jabee’n

Abbas ka Tu Shaagird nahi’n
Hai Jeet ka phir bhi Tujhko yaqee’n
Tha Zarbe Tabassum ka jo hunar
~ 189 ~
Ye rasm nahi’n hai Maatam hai

Waajib hai jo ham par wo Gham hai
Ham jaan bhi dede’n to kam hai
Ehsaan kiya Tu ne ham par
Jab Hasta hai Masoom koi

Besaakhta yaad aati hai Teri
Raas aayi na Tujhko Teri Hasi
Ye lag gayi aakhir Kiski nazar
Ye zulm kahi’n dekha na suna

Sookhi wo Zubaa’n aur Khushk Gala
Ik boond Tujhe paani na mila
Tu Qatl Huwa Pyaasa Rehkar
Jab teer Teri Gardan pa Laga

Aadam ne kaleja Thaam liya
Ayyub ne Apna Muh Phera
Ulta jo Pidar ke Haatho’n par
Maa Baap na aise ham dekhe

Hai kaun jo aisa Gham dekhe
Besheer ka ye Aalam dekhe
Ye Sheh ka hai Dil Bano ka Jigar
Saamaane Aza me hai Jhoola

Jhoole me Alam ik Chhota sa
Aur uspe bandha hai ik Sehra
Kya khoon rulata hai manzar
~ 190 ~
Gehwaare se wo gir jaana Tera

Maidaan me Sajkar Aana Tera
Wo Joshe Wegha Dikhlana Tera
Kya khoon rulata hai manzar
Wo teen dino ki Pyaas Teri

Wo dhoop ki shiddat wo garmi
Wo teer ka lagna aur wo hasi
Hairaan hain ab tak jinn o bashar
Aye Faatehe Dashte Karbobala

Tiflee’n me ye Tera Joshe Wegha
Tu Hota Jawaa’n to kya hota
Ham sonchte hain ye reh reh kar
Ehsas ki duniya Rothi hai

Ik Maadar-e Dukhiya Rothi hai
Haa’n Fatima Zehra Rothi Hai
Kehti Hai faqat ye Ro Ro kar
Maango ye Dua Maatam daaro

Ta hashr Kisi dukhiya Maa ko
Aulaad ka Gham is tarha na ho
Bano ne jo Dekhe hain manzar
Jis Halq pa teere zulm laga

Us Halq pa Khanjar bhi to chala
Tharraane Laga Tha Arshe Khuda
Naize pa Tera wo Phool Sa Sar
~ 191 ~
Kya kya na huwe the ranjo mehan

Gardan me Sakina ke thi rasan
Ro Ro ke magar Wo Teri Bahan
Kehti Thi Faqat Asghar Asghar
Aankho’n me Tere Laashe ko liye

Maa Teri Jiye to kaise Jiye
Paani Wo Piye to kaise Piye
Har damm hai ye Naoha Honto’n par
Wo Ghurbat e Sarwar Waawaila

Godi me Liye Tera Laasha
Shabbir ne ham ko Yaad Kiya
Ham sadqe Aisi Ghurbat par
Shabbir ke jo parwaane hain

Wo Teri Azmath jaane hain
Aur Haq ko Tere pehchaane hain
Gham Tera manaate hain ghar ghar
Khaliq Ne jo Bakhsha Tera Gham

Ye Uska bada hai ham pa Karam
Ab Tujh se ye wada karte hain ham
Mar jaaengeTujh par ro ro kar
Aye Shehre atash ke Shahzade

Tu Apni Ziyarat Karwaade
Karbal me hame ab pohncha de
Rolenge Wahaa’n ham jee bhar kar
~ 192 ~
Ho’n Tujh pa Mere Maa Baap fida

Shahzade ye Ahsan ki hai Dua
Madfan ho Mera bas Karbo bala
Waa’n Naoha Sunaau’n ro ro kar
-----------------*-----------------
Rasheed Shaheedi
KARTE RAHO BESHEER KA MAATAM
Aye momino ye Gham hai Ibadat, karte raho Besheer ka Maatam

Maatam hai ye Shabbir ki Nusrat, karte raho Besheer ka Maatam
Ankhon me rahe Pyaaso’n ki rudaad, karte raho Besheer ka Maatam

Shashmaahe Mujahid ki Musibat, karte raho Besheer ka Maatam
Bechainya’n wo jhoole se gir kar, Labbaik wo Halmin ki Sada par

Chhe maah ka sinn Shoukhe Shahadat, karte raho Besheer ka Matam
Shabbir ki tanhaayi wo jangal, Wo dhoop se jalta huwa maqtal

Wo Haathon pe Shashmah wo ghurbat, karte raho Besheer ka Matam
Wo sookhi zabaa’n pherna Lab par, Wo Nanha gala teere sitamgar

Aur Baap ke haathon pa Shaahdat, karte raho Besheer ka Maatam
Badhna wo kabhi jaanibe Khaima, Haathon pa liye Bete ka Laasha

Mazloom Musaafir pa Qayamat, karte raho Besheer ka Maatam
Sheh ne kiya aise me hame yaad, Jab Ghar huwa pardes me barbad
Tanhaayi me Pyaase ki Wasiyat, karte raho Besheer ka Maatam
Maa ke liye Ghurbat hai ye kaisi, Jhoola huwa Shashmaah ka khaali

Aaghosh ka Paala Huwa Rukhsat, karte raho Besheer ka Maatam
~ 193 ~
Sheh sonchte hain Maa se Kahe’n kya, Kis tarha de’n Us Bibi ko Pursa
Ab kaise hawaale kare’n Mayyat, karte raho Besheer ka Maatam
Hai doodh ki ja khoon labo’n par, aur Tann se juda Phool sa wo Sar
Maa Dekhti hai Bete ki haalat, karte raho Besheer ka Maatam
Ham log hain Parwaanaye Shabbir, Wallah ye hai khaabi ye taqdeer

Hai Pyaason ka Gham apni Ibadat, karte raho Besheer ka Maatam
Is Gham me Rasheed ashk bahae’n, Lab par ho musalsil ye Duae’n

Ham sab karein Karbal ki Ziyarat, karte raho Besheer ka Maatam
-----------------*-----------------
Allama Najm Aafandi
SHABBIR BAHARHAAL TERA NAAM RAHEGA
Har aalame nao me Karame aam rahega

Har dukh me dawaa-e dile na kaam rahega
Duniyaa-e digar ke liye paighaam rahega
Duniya ye na hogi magar Islam Rahega
Shabbir Baharhaal Tera Naam Rahega
Maana ke zamaane ka rahega na ye aalam

Tarteeb tamaddum ki ye ho jaaygi barHam
Phir aur Kisi rang me hoga Tera Maatam
Zarro’n ki zaba’n par hai Teri Tashna dahani

Taaro’n ki hai dekhi huwi Akbar ki Jawani
Bhoolegi na fitrat Ali Asghar ki Kahani
~ 194 ~
Mooh Gham se nikal aayega dariya ka zara sa

Paani ye kahega koi maara gaya pyaasa
Saahil ye pukarega MuHammad ka Nawasa
Aghlab hai ke Turbat me Tadap jaaygi Maadar

Karrar ke Madfan me badal jaaynge tewar
Phir Qabr e shaayad nikal Aayenge Payambar
Aye Najm ulat jaayga ye Pardaye Ghaybat

Niklega udhar tegh bakaf Markaze Hujjat
Karti huwi Maatam idhar aayegi Qayamt
-----------------*-----------------
Adeel Pakistani
KYA DEKHTI HAI SUGHRA ZAINAB KE AANSUO’N ME

MANZAR HAI KARBALA KA ZAINAB KE AANSUO’N ME
Barchhi ka zakhm taaza ta zindagi rahega

Akbar ka hai Kaleja Zainab ke aansuo’n me
Kya dekhti hai Sughra Zainab ke aansuo’n me
Sughra Nazar uthaao Qasim ka Haal dekho

Bikhra Huwa hai Laasha Zainab ke aansuo’n me
Aye deeda-e tasawur tujhko dikhaayi dega

Chhota sa ik Jhoola Zainab ke aansuo’n me
~ 195 ~
Abbas ke Bareedaah Haatho’n ki daastaa’n hai

Behta hai Gham ka dariya Zainab ke aansuo’n me
Wo karbnaak manzar Kis tarha Tu ne dekha

Baba ka zakhmi Laasha Zainab ke aansuo’n me
Zindaane Shaam me hai Chhoti si Qabr lekin

Moujood hai Sakina Zainab ke aansuo’n me
Ab Aun aur Muhammad bhi yaad Aa Rahe Hain

Hone laga izafa Zainab ke aansuo’n me
Zulmo sitam ke manzar sab dekhle Madina

Hai Shaam aur Kufa Zainab ke aansuo’n me
Shabbir peshe Daawar jaaenge saath lekar

Bheega huwa Amaama Zainab ke aansuo’n me
Bepardagi ka Aalam kaise Adeel likhe

Khud dekhle zamana Zainab ke aansuo’n me
-----------------*-----------------

Differ Nohay Lyrics PDF

Uploaded by

Document Information

Original Title

Copyright

Available Formats

Share this document

Share or Embed Document

Sharing Options

Did you find this document useful?

Is this content inappropriate?

Copyright:

Available Formats

Differ Nohay Lyrics PDF

Uploaded by

Copyright:

Available Formats

~1~

TRANSLITERATED AND COMPILED BY:

1 Ham Ashiq-e-Shabbir hain Parwana-e-Shabbir Najm Aafandi 7

31 Jaate ho suwe maqtal Abbas Khuda Hafiz Ali Jaweed Maqsood 43

63 Kis se faryaad karu’n Akhtar Zaidi 79

128 Haay Hussain Wawaila Ali Jaweed Maqsood 173

Allama Najm Aafandi

Seeno me yehi dil hai Azakhana-e Shabbir

Allama Najm Aafandi

HAAY KARBALA WAALO

Aye Khuda ke bando’n me muntakhab Khuda waalo

Chhote chhote bachcho’n ne jang ki ijaazat li

Kis bala ke jangal me Aal e Mustafa thahri

Haq pa marne waalo ne jaan di saleeqe se

Koi Tum me Akbar tha koi Tum me Asghar tha

Is tarah ke aalam me phir na dil jigar dekhe

Ali Jaweed Maqsood

Zehra ki Dua hai maatam ye, Ye maatam kaise ruk jaae

Kaonain ki har doulat dekar is Gham ki hifazat karna hai

Is Parcham ki azmat ke liye Abbas ne bazu dedaale

Saalaar-e Hussaini kya kehna Meraj-e Wafa Sartaj-e Wafa

Jabtak ke sakat is jism me hai Haq apna ada kardena hai

Ye Maatam hai Halmin ki sada har ashk hai jazba nusrat ka

SHAHADAT-E RASOOL-E KHUDA

Karti thi Fughaan Fatima Zehra Mere Baba

KAONO MAKA’N ME BARPA

Maghmoom hain fazae’n, rota hai zarra zarra

Kufe me jo ik Gham ki fiza chhaai huwi hai

Ab Haidar e Karrar ke rukhsat ki ghadi hai

Kya Zainab o Kulsoom ko samjhaega koi

Khaati hain pachhade’n ke qayamat ki ghadi hai

Ro roke baya’n karti hai ye Saani e Zehra

Nana Mere Baba pe qayamat ki ghadi hai

Hasnain hain be haal to Kusloom hai girya’n

Abbas e Alamdar ko hichki si lagi hai

Raoze pa Bula Lijiye ab Apne Ali ko

Moula use ab sub’ho masa fikr yahi hai

SAJDE ME TEGH KHAKE TADAPTE HAIN MURTAZA

Tar Aankh is azeem musibat pa hoti hai

Moula Sar-e Shigaafta thaame tadapte hain

Masjid me phir to rone ka har simt ghul utha

Kehne lage ye dukhtar e Zehra se Murtuza

Zainab banegi deen ki baqa kit u aasra

Abbas ko bula ke gale se laga liya

Kufe ke bekaso’n pa tha ye Gham bada shadeed

MAATAM HAI FAZAO’N ME SHAHE KAONO MAKA’N KA

Is Gham se fiza Kufe ki tharraai huwi hai

Wo Gham hai ke Islam ka larzaa’n hai sawaira

Farqe Shahe Wala huwa shaq zarbe sitam se

Rote huwe Abbas Ki Maa ne kaha Aaqa

Kehne lage Zainab se Ali phir ye tadap kar

Kat jaaenge Abbase Alamdar ke shaane

Zainab Tere aansu nahi’n Haider ko gawarah

Jab sab ko Ali ne kiya Shabbar ke hawaale

Aansu nikal aaye ju’nhi lab choome Hasan ke

Ekkeeswi’n Ramzan ki sahr karti hai girya

ZAINAB PA YATEEMI KI GHADI AAGAYI BABA

Zainab pa yateemi ki ghadi aagayi Baba

Bin Baap ki kehlaati hai Beti Teri Baba

Amma nahi’n Nana nahi’n ab Tum bhi sidhaare

Kis Mod pa le aayi hame zindagi Baba

Kitne hi yateemo’n ko diya Tum ne dilaasa

Ab hamko dilaasa nahi’n deta koi Baba