You are on page 1of 4

Kw’Isoko ry’Ubuzima

mu muryango w’abakristu
Diyoseze Nkuru ya Bujumbura Tl 22 22 05 00 / 79 602 229 / 79 455 057
E-mail: sokoryubuzima@yahoo.fr Site: www.isokoryubuzima.es.tl

"N’ukuri kuri jewe, ubuzima bwanje ni Kristu". (Ph.1, 21)
Iki kinyamakuru gifasha gutegera Ijambo ry’Imana mu misa no mu buzima

Igiciro 60 fr
N°23/2011

29/5/2011 IDOMINIKA YA GATANDATU YA PASIKA –Umwaka- A

Yezu aragukunda, arakuzi mw’izina ryawe
Muvukanyi, n’ubizirikane neza: nta kindi cazanye Yezu kw’isi atari wewe. Akuzi utaranabaho. Arakuzi kuva ugisamwa. Intambwe z’ubuzima bwawe zose arazizi. Arazi ivyagushikiye vyose, arazi intege nke zawe kandi arakwitwararitse. Yaritanze, aremera gushinyagurizwa, gukubitwa, kwambikwa amahwa, kubambwa kugira ngo ukire. Yapfuye kubwawe ngo agukize ingoyi z’igicumuro. Urupfu si rwo rwaronse ijambo rya nyuma. Yarazutse, ubu ni muzima. Intsinzi y’izuka ryiwe, ni intsinzi yawe. Izuka ryiwe ryerekana ko afise ububasha kuri vyose, no ku rupfu nyene. Ni co gituma n’urupfu rwawe canke rw’abawe rutogutera ubwoba: inyuma yarwo hari akanyamuneza k’ubuzima budahera. Yezu yuzuye urukundo n’ikigongwe. Abamubamvye yabasubije urukundo n’ikigongwe, abasabira avuga ati: Bagirire ikigongwe ntibazi ico bakora. N’umusabe kugira ngo inkuka yiwe igurtyorore, gushika aho wibera pfa mpfe na we. Urukundo agufitiye n’urw’imyaka yose. None rero ntiwigere umuvirira ngo uje kure yiwe, ngo ukore ibiteye kubiri n’ishaka ryiwe. Ukwo uri kwose arakwakira. Azoza arakwihishurira buke buke gushika aho muzocika abagenzi. N’utangarire urukundo rwiwe, umusenge, utazire izina ryiwe risumba ayandi mazina yose. Muture ibisabisho vyawe, uzoronka inyishu. Ariko ntushire imbere ishaka ryawe, shira imbere ishaka ryiwe. Zirikana kenshi amajambo yavuze, azogushiramwo ivyiyumviro birashe, bitomoye, bigufasha gutunganya neza ubuzima bwawe no kwitwararika urukiza rw’isi yose. Azoguhishurira ishaka ryiwe, nawe urigenderemwo. Ni watekana ukumviriza ijwi rya Mutima Mweranda, uzogira umwidegemvyo w’abana b’Imana muri Ekleziya nyeranda yagenewe bose kandi y’abatumwa. Ewe Yezu warakoze ko wankunze, ukacagagura imvuto sekibi yashaka kumboheramwo.

Mbega akanyamuneza! Ku munsi wa kane igenekerezo rya 2 Ruheshi,
tuzo-himbaza umunsi mukuru w’iyurira mw’ijuru rya Yezu “Asensiyo”. Ni umunsi mukuru utegerezwa. Abakristu bategerezwa kuwuhimbaza nk’umusi w’Imana nka kurya kwo kuri Noheli, ku musi mukuru w’iyurizwa mw’ijuru rya Bikira Mariya, no ku munsi w’Abera-nda bose. Aho Yezu azukiye, yaramenyereje abigishwa biwe ukubana nabo gutanduka-nye n’ukw’imbere ya Pasika, kuko yarashobora guseruka muri bo batabonye iyo azana-nye. Yarabaremesheje mu kubigisha ukunywana nawe kunyengetera gushika kure, arugu-rura ubwenge bw’imitima yabo ngo bashobore kumutegera, bategere n’ubutumwa bari bimirije kuronka. Iminsi mirongo ine iheze yaciye yurira mw’ijuru, abigishwa nabo bari buzuye akanyamuneza kenshi, akanyamuneza k’imbere mu mutima ata muntu numwe ashobora kubuzuza atari YezuKristu wenyene. Ububasha bwako buzobatuma gushikana ubutumwa iyo isi igarukira. Ni dukirurutse umutima rero mu guhamvya abatumwa umwe wese ku buryo bumuba-ngukiye dukoresheje ubuzima bwacu n’itorwa ryacu dufashijwe n’ubukomezi bwa Mutima Mweranda. Ukwurira mw’ijuru kwa Yezu ni intsinzi yiwe, intsinzi y’izuka kuri ico cose gicinyiza umuntu, kikamubuza kuba nk’uko Imana ishaka. Ukwurira mw’ijuru kwa Yezu kubohora umuntu, kukamuvyura agahagarara mu kwemera, kubera ko kunyengetera kandi kukanyigimvya n’ububasha bwo mw’ijuru. Ukwo kwurira, kubuza umuntu kwemera ko ubuzi-ma bwiwe buri mu minwe y’ububasha atazi canke mu minwe y’ubuhinga bwo kubura ibintu mu kwihweza ibimuri vyo mu kirere. Uwamaze kubohorwa na Kristu aca afata mu minwe kahise kiwe agategura kazoza kiwe. Ukwurira mw’ijuru kwa Yezu gukwiragiza ububasha bw’izuka kw’isi n’ibiyibako. Ukuzuka si ivyashikiye Yezu gusa, ni ishingwa ry’isi nshasha twebwe nyene dufashanya gutunganya n’Imana. Frera Spério NIBIGIRA

Twumvirize iryo Imana ituyagira

IDOMINIKA YA GATANDATU YA PASIKA-A IGISOMWA CA 1: Ibik. 8, 5-8. 14-17 Barabagaranzurirako ibiganza, baronka Mutima Mweranda Ivyo dusoma mu gitabu c’Ibikorwa vy’Abatumwa Muri irya minsi, Filipo yari yamanutse mu gisagara c’i Samariya kumenyesha Kristu. Abamutega yompi bari indiri, kuko bose bumva canke bakibonera ibitangaro yakora. Abari biziziwe na shetani, yarabavamwo ikagenda iraboroga; kandi abari bamugaye n'abacumbagira benshi yarabakiza. Igisagara cose cari mu kanyamuneza. Abatumwa bo bari bagumye i Yeruzalemu, bumvise ko Samariya imaze kwigishwa ijambo ry’Imana, barungikayo Petero na Yohani. Na bo bamaze gushikayo, barabasabira ngo Mutima Mweranda abazeko; bari bamaze kubatizwa gusa kw’izina ry'Umukama Yezu, mugabo nta n’umwe yari bwaronke Mutima Mweranda. Nya batumwa rero barabagaranzurirako ibiganza, baronka Mutima Mweranda. IGISOMWA CA KABIRI:1P 3, 15-18 Yarishwe ku vy'umubiri, ariko yarasubiye kuba muzima ku vy'umutima Ivyo dusoma mw’ibaruwa 1 ry’Umutumwa Petero: Ncuti zanje: Ni mwubahe mu mishaha yanyu Umukama Yezu, mwame mufise iryo mwishura uwo wese ababaza igituma mufise umwizero. Mubigirane icubahiro, n'umutima wanyu utekanye, kugira ngo, kubera imigenzo myiza mufise muri Kristu, ababa1. Ngo abatumwa barasabiye abari bamaze kwemera Yezu, hanyuma baca babagaranzurirako ibiganza, nabo baronka Mutima Mweranda”. Nkuko twabizirikanye mu numero iheruka, Filipo yari umwe muri bamwe 7 bari batowe ngo bunganire Abatumwa na cane cane mu kwitwararika abakene, abapfakazi n’impfuvyi. Mugabo Filipo ntiyagumye muri ivyo bikorwa vyonyene, yari yategereye ko abwirizwa gushingira intahe izuka rya Yezu-Kristu mu nyigisho. Yaciye rero aja muri Samariya; naho nyene binuba abanyasamariya, maze abigisha ivyerekeye Yezu-Kristu, intumwa y’Imana akaba n’Umwana w’Imana. Aho abanyasamariya bitwa ko ari abahakanyi cane mbere bakarabwa nk’ibicibwa, nk’abatazi Imana y’ukuri, hari n’ababagereranya n’abapagani. Aho Filipo abigishirije inkuru nziza ya Yezu Kristu, abo bantu bayakiranye igishika, barayemera, mbere bemera n’ukubatizwa kw’izina rya Yezu Kristu; Imana nayo mukubishigikira iha ububasha Filipo bw’ugukora ibitangaro vyinshi biherekeza inyigisho ziwe: Abiziziwe n’amashetani akabavamwo, ibimuga n’abagwaye bagakira. Gurtyo Ekleziya yari yerekanye icese ko Abayahudi atari bonyene barungikiwe urukiza muri Yezu Kristu, ko abantu bo kw’isi yose bagenewe kumenya Yezu Kristu. Abo banyasa-

beshera bateterwe mu kubavuga nabi. Na none, mwopfuma mubabara muhorwa iciza mukora, iyo ari ico Imana ishaka, hako muhorwa inabi. Nangwa na Kristu we nyene yarapfuye rimwe rizima kubera ibicumuro, We ntungane apfira abononyi, kugira ngo adushikane ku Mana. Yarishwe ku vy’umubiri. Ariko yarasubiye kuba muzima ku vy’umutima. INKURU NZIZA: Yo.14, 15-21. Nzosaba Data, na we azobaha uwundi Mutabazi Ivyo dusoma mu Njili nyeranda yanditse Yohani: Mu gihe yari mu kuva kuri iyi si ngo asubire kwa Se wiwe, Yezu yabariye abigishwa biwe ati: “Ni mwaba munkunda, muzozigama amabwirizwa yanje, nanje nzosaba Data, na we azobaha uwundi Mutabazi muzokwamana iminsi yose. Azobaha Mutima w’ukuri, isi idashobora kwakira kuko itamubona ntinamumenye. Mweho muramuzi kuko abana namwe kandi ari muri mwebwe. Sinzobasiga muri impfuvyi, ko ndi muri Data, namwe muri jewe, nanje muri mwebwe. Uwakira amabwirizwa yanje akayazigama, niwe ankunda: na we uwunkunda azokundwa na Data, nanje nyene nzomukunda nongere ndamwimenyeshe. » mariya bari babaye nk’ikiraro kijabukana ukwemera mu ntara z’abapagani, nazo zabwirizwa gushikiriza inkuru nziza y’urukiza. Abatumwa bari basigaye i Yeruzalemu bavyumvise baca babonamwo ikimenyetso c’Imana, Petero na Yohani baciye barenga ku gakengerwe abayahudi bari bafitiye abanyasamariya, baragenda i Samariya, bashitseyo barasabira abari bamaze kwemera barabatizwa, babagaranzurirako ibiganza nabo baronka Mutima Mweranda, binjira icese mu muryango w’abemera Yezu-Kristu. 2. Yezu Kristu ati: “Uwakiriye amabwirizwa yanje akayagumya, uwo niwe aba abaye umugendanyi wanje w’ukuri”. Imbere y’uko asubira kwa Se wiwe, mu gusezera abigishwa biwe, Yezu yabasigaranye iragi rihambaye, kugira ngo naho batazoba bakimubona n’amaso, baze bagume barikumwe nawe, cane cane mu kugumya ivyo yabigishije no mukurangura amabwirizwa yabahaye. Naho ari umwigisha wabo akaba n’umukiza, ntiyagomvye kubatwaza umukazo canke ngo bagenzwe n’ubwoba, yashaka nyabuna ko imigenderanire afitaniye nabo yoshimikira k’urukundo. Nico gituma yababwiye ati: Ni mwaba munkunda muzogumya amabwirizwa yanje. Bagumije ayo mabwirizwa yiwe bazoba berekanye ko bamukunda, nawe abemerera ko azosaba Se ngo abarungikire uwundi muhoza azohorana nabo. Uwo nawe ni Mutima Mweranda, umwe nyene yoheje abahanuzi ivyo bavuze, akaba kandi azobamurikira akongera akabaremesha mu butumwa bashinzwe bwo kumushingira intahe mu maku-

ngu. Uwo Mutima Mweranda ab’isi ( n’ukuvuga abatemera Kristu) ntibababaye kumwakira kandi ntibamuzi, ariko abigishwa ba Yezu bo baramuzi kuko bemeye bakanywana nawe. Nico gituma naho Yezu agiye, abo bigishwa biwe atabasize ari impfuvyi bazosubira kumubona mu kwemera kwabo bamenye ko yatsinze urupfu, ko ari muzima, ariko ab’isi( n’ukuvuga abo batamwemera), bo ntibazosubira kumubona. Abamwemera bari mu nzira y’ubuzima bwamaho, kandi barazi ko Yezu ari muri Se, Data nawe akaba muri Yezu kuko Data na Mwana ari Imana imwe mu bumwe bwa Mutima Mweranda. Kandi ubwo bunywanyi bwa Data na Mwana ntibuhamagariwe abagendanye na Yezu gusa, bakamwibonera, ni ubw’uwo wese azigama amabwirizwa yiwe akongera akamukunda. Niko hari benshi batiboneye Yezu ariko ntikibuza ko twunga ubumwe nawe, akatwinjiza mu bunywanyi bwa Data na Mwana, mu rukundo rwa Mutima Mweranda. 3. Petero nawe ati: Murame mwiteguriye gusigurira ababaza ico mwemera n’ico mwizigiye, ariko murabigirana ubwitonzi n’icubahiro. Abakristu bambere bari bavavanuye n’ibigirwa Mana bemera Imana imwe rudende kandi nyeranda. Ariko abo babana ntibategera iyo nyifato; ukamengo ivyo abandi bakora basigaye babikengera. Umutumwa Petero arabaremesha, ababwira ko ivyo bitobahagarika umutima. Ni bemere n’umutima wabo wose ko Kristu Yezu, we yatsinze urupfu, ariwe musa mweranda. Ni bame kandi biteguriye gusigurira uwo wese ababajije, kuko atangazwa n’inyifato yabo n’ingene bahinduye ingendo, bamwumvishe neza uwo bemera n’uwo bizigiye, n’igituma bamwizigiye, ariko babigirane urupfasoni, ubwitonzi n’icubahiro ata

gutukana. Mugabo insiguro zonyene ntizikwiye; mu buzima bwabo baramana umutima ugororotse mbere n’abo babagwanya bakababeshera babone ko bigenza nk’intungane za Kristu, kuko bamwemera kandi bunze ubumwe nawe. Na none umuntu yopfuma ahamwa kuko yakoze ineza naho aba arenganijwe, hako ahamwa kubera akabi yakoze; noneho ntaba azize ubusa. Ni turabire kuri Kristu we nyene: naho yari intungane yaradupfiriye kubera ibicumuro vyacu, atwishurira rimwe na rimwe twebwe twari ibicibwa kugira atwugururire inzira ishika ku Mana. Yarishwe kubw’umubiri wiwe, ariko ku bwa Mutima yarazutse asubira kuba muzima ubutagipfa. Umukristu rero n’uwo yemera ko Kristu yamupfiriye ku rukundo akizigira ubuzima bwamaho dukesha izuka rya Yezu-Kristu. Ukwo kwemera n’ukwo kwizigira ni vyo bituma umukristu ashobora kurinda amakuba abona ahorwa Yezu. Naho yohamwa canke abandi ntibamutegere, niyihatire kwamana umutima ugororotse, arangwe n’imigenzo myiza, hamwe n’abatamukunda babona ko bamuhora ubusa, mbere bahave bipfuza gusangira ukwemera nawe. * Bumvise inyigisho za Filipo, abanyasamariya baremeye Yezu naho bahora bakumirwa n’abayahudi. None ubwo tweho ntabo dukumira twitwaje ivyo tudahuriyeko, tugatinya no kubegera ngo tubahanure? * Yezu ntiyadusize turi impfuvyi, yaraturungikiye Mutima Mweranda ngo atwuzuzemwo ukwizigira n’urukundo mu mitima yacu.None ubwo turamuyobokera? * Kumbure hari abatadutegera mu kwemera kwacu. None turabishurana ubwitonzi n’icubahiro, tukabereka uturorero twiza n’inyifato ibereye abakristu? Umukama n’aduhezagire. Amen!

Muzoronka ubukomezi Mutima Mweranda azobazanira...( Ibik. 1,8).
Igihe cari gitegekanijwe ko amara kw’isi giheze, Yezu yaruriye mw’ijuru; ariko imigambi yiwe yo gutsimbataza ubwami bw’Imana ntiyahagaze. Igikorwa co gusamiriza Inkuru Nziza y'urukiza carabandanije gushika n’ubu. Yagishize mu minwe y’abatumwa n’ababasubiriye, abasezeranira kuzokwamana nabo gushika ku musi w'imperuka. Kugira ngo babe ivyabona vy’ukuri kandi barangurane ubutwari igikorwa Yezu abasigiye, Yezu yababwiye ko azobanza kubarungikira Mutima Mweranda kugira ngo yame abaremesha, abahe ubukomezi. Umutumwa Petero yarabaye umugendanyi wa Yezu mu myaka itatu amubona amaso mu yandi. Yezu amaze kwurira mw’ijuru, Petero yabaye umugendanyi wa Yezu mu gukora uko Yezu yakoze. Na twebwe nyene twararonse Mutima Mweranda; niwe adushoboza kurangura ubutumwa bwo kumenyesha ijambo ryiwe ry’urukiza no kumubera ivyabona aho duherereye. Ese twese twotegera ikivi Yezu yadusigaranye ngo dutangaze Inkuru nziza y’akanyamuneza. Ese aho azogarukira yodusanga tuberewe no kwinjira mw’ijuru hamwe nawe. Ku musi wa gatanu ukurikira umusi mukuru wa Asensiyo, Ekleziya iratwinjiza mu gihe gihambaye c’imisi icenda yo kwitegurira umusi mukuru wa Pentekoti. Twinjirane ubwira mur’ico gihe kugira ngo dusabe Mutima Mweranda anagure imitima yacu, igihugu cacu, Ekleziya yacu; maze atugire bashasha ngo tubashe kuba ivyabona vy’ubwami bw’Imana mur’iki gihe ubuziramana n’ubuzuyazi buza buribonekeza.

Umukama yama hafi yacu; tumwirukire mu bihe vyose. Iyo uremerewe n’amaganya ufise, Soma muri Yohani 14, 1-3; Iyo hari abakuvuga nabi soma izaburi ya 27; Iyo ushaka kuganzwa n’ishavu, soma kwa Matayo 6, 19-30; Iyo ugeze ahatemba, soma izaburi ya 5; Iyo wumva uri inyakamwe kandi ubwoba bukurembeje, soma muri Izaya 23; Kugira ngo ushikire ubuhirwe bwuzuye, soma mu bakolossi 3, 12-17; Iyo ufise ubukazi ukaba n’i-mvuzi ya menshi, soma mu bakorenti 13; Mu gihe wihebuye, soma mu baromani 8, 31-39; Mu gihe urutisha Imana ivy’isi, soma izabuli ya 50; Ivyo rero n’ubishire ku muzirikanyi, Imana n’iguhezagire.

Usabire bagenzawe bitiranwa n’abo beranda
Umusi Ku wa 1, Ku wa 2, Ku wa 3, Ku wa 4, Ku wa 5, Ku wa 6, 30/5 31/5 1/6 2/6 3/6 4/6 Aberanda dusaba Jeane ‘Arc na Baziliyo
B.M agenda kuramutsa Elizabeti Ku w’Imana, 29/5 Andreya na Maximino

Justino Umusi mukuru wa Asensiyo Karoli Lwanga na bagenziwe Franisko Caracciolo na Optato

Injili y’uno musi Yo. 14, 15-21 Data azobaha uwundi Mutabazi muzokwamana Yo. 15, 26--16,4a Na mwebwe nyene muzonshingira intahe Luk.1, 39-56 Urahiriwe wewe wemeye kw’iryo watumweko rizotaha Aho Mutima w’ukuri azozira azobahishuka ukuri kwose Yo. 16, 12-15 Mt. 28,16-20 Genda mwigishe abntu bose, mubigishe vyo nababwiye Yo. 16, 20-23a Amaganya yanyu azohinduka agahimbare Yo. 16, 23b-28 Ico muzosaba Data azokibaha kw’izina ryanje.

MPAMAGARIRA AMAHORO
Uri nde wewe undunguruka? Mpamagarira karunguruka uti garukira ka kari kari karitswe mw’izinga rya nyaburunga Uburundi bukiri izina butarizizirwa n’amahano y’amoko yatumye twikotora mu kwikokora abodukomye ishwashwa. Ntabariza uti ka kari kari muri rya shami, shami yari yakoye ku mutumba Burundi none ubuswi buzwiragirira mu karere kuko kirera yikuye ku muvyeyi akari gasigaye mw’irungu atacamira atacamama. Yooh! Yooh!!! Naratuntujwe n’umubanyi ntasize inyuma umubano wo waraba irarirari irarikwa ry’abonse rimwe bakinama rimwe gateranya atarapima amazuru ngo atuzungagirize mu manga ahari impundu ngo harangwe n’induru, ahari abagabo ngo harangwe n’akagayo ko kubura ijambo uwari n’iryo asasirwa indava ku nama hahinduka kw’ibambiro. Ehe twarengeye kubo tudasangiye ivyiyumviro tubicishije mu migambwe tudasize inyuma ca gisizimwe c’amoko catwonkoye ababanyi none dusigaye twipfumbereje. Ehe uwishe ntakigira umwishwa yirirwa arishongora ngo ngahaho turatewe kuko yatewe guhahamurana n’abo yahamye akaruhira gusesa amaraso y’intungane. Intuntu iturikira mu miryango ba misigaro birirwa bisiba ngw’ese icompa ngahora abanje, bakibagira ko guhora ar’ukw’Imana mudahetwa. Mbega Burundi uvahe ukajahe? Mbariza ba nyawamama imigambi n’imigabo kanatsinda kuva narindi Uburundi bwamanye abagabo batavirira akaranga bakarangira abangushi guhisha ububi n’ubumara ngo birinde kumara bene Mana kuko twese twaremwe na Rudasumbwa ari We Mana muremyi wa twese. Ng’iyo ya nzira izira inzinguzingu yaravumerewe ngo:“ Barundi vire hasi rimwe mwime amatwi izo ntezi z’amacakubiri ngo dutsimbataze ukurekuriranira n’ugusubiza hamwe vyo nkingi y’amahoro adakama kandi adakumira”. Uwamaze kunywa kur’iryo riba ry’amahoro ahora abwira abandi ico yabonye akakirata akibuka amabi yabonye akayarengera akarenga imirambi atarambirwa ajanywe n’ukugumbira uwamwambuye umuryango ati: garuka murundi twubake igihugu twahawe n’Uwaturemye atakurabana nk’inkoko n’akagomba kandi turi abantu. Ingo turengere gusesa amaraso dutake Uburundi bwacu ubugufi n’uburebure nk’igitenge gitatswe amabara atandukanye kigatuma uwucambaye aberwa. Ndanyotewe!!! Wewe undaba rabana n’uwuri iburyo n’ibubamfu bwawe murwane mu nda muhane indamutso ngo turamutse abarundi n’abarundikazi ikaze ry’amahoro atari amahorerane bidusage. Ndaciye ku mayange. Frera Théophile MANIRAKIZA

Ibirwanisho vy’ugutuza shetani n’abakozi bayo. 1. Ukwemera. (Eph. 6, 21). 2. Igisabisho Yezu yatwigishije ca : “Dawe wa twese"
3. Igisabisho ca Yezu (Yo. 17, 12): Dawe barinde ububisha. 4. Guhamagara izina rya Yezu. 5. Kwambaza amaraso meranda ya Yezu ngo adukingire. 6. Kwambaza inguma nyeranda za Yezu: tuzihamagaye, tuba dukingiwe imibabaro. 7. Gusoma kenshi Ijambo ry’Imana: Ni yo nkota ituza shetani. 8. Guhamagara Mutima Mweranda: Niwe arwanya shetani. 9. Kwizera ubukomezi bwa Ekleziya: N’igitero kirwanya shetani. 10. Kwemera Amasakramentu: Ukaristiya: Dusangiye umubiri n’amaraso vya Yezu dufise umutima mwiza, tuba dukingiwe ibitero vya shetani. Nkako, amashetani aratinya Ukaristiya. 11. Guhabwa kenshi isakramentu ry’ikigongwe: Kwirega kenshi bituma tujegenyura ububasha bwa shetani. Utinye kwirega, uba wugururiye shetani urugi. 12. Kwizera Bikira Mariya ngo aturwanire. Bikira Mariya niwe musa yaronse ububasha bwo guhonyora shetani, kubw’ububasha bw’Umwana wiwe no mukwicisha bugufi kwiwe. 13. Kwinjira kenshi mu dusengero twitiriwe Bikira Mariya: Ni yo mavuriro dusangamwo imiti ikiza imigera shetani iducucagiramwo. 14. Kuvuga kenshi ishapule y’amagorwa ya Bikira Mariya. Ico gisabisho Kiravundagaza hasi shetani. 15. Guhamagara tudatinya Abamalayika barinzi: Abamalayika baraturwanira iyo dutewe n’amashetani. 16. Gukoresha amazi ahezagiye, ububani buhezagiye, umusalaba uhezagiye. Shetani iratetemera iyo igeze imbere y’umusalaba uhezagiye, umunyu uhezagiye. 17. Igisabisho c’ukuninahaza Ubutatu Bweranda: Louange. 18. Igisabisho ca Yeriko. 19. Igisabisho n’ukwisonzesha: Ni yo mababa abiri adufasha kuguruka tuja ku Mana. 20. Gukumira ibintu vyose twibaza ko vyatuboshe, bitubuza gusenga Imana. DUCISHEMWO DUTWENGE: Abagabo babiri bajanye umusazi kwa muganga w’ingwara zo mu mutwe. Haheze iminsi, umutegetsi umwe aragendera ico kigo c’abarwaye indwara zo mu mutwe aherekejwe n’abajejwe intwaro hamwe n’abanyagihugu. Wa musazi arabihweza aca avuga ati: Jewe mbona maze ukwezi kwose ngaha kandi nazwanywe n’abantu babiri gusa. Hari akantu uyo nawe mbona aje azanywe n’igihugu cose. Emwe we azohamerera imvi.