Taγtest n tezna

Sγer: D.Messaoudi Yettwanna dakken yiwet n tikkelt, yiwen wergaz, mi d-yuγal seg uxeddim s tkerrust-is, ywala γer yiri n webrid yiwet n tmeṭṭut. Nettat, γef d-tettban tadist, tella tesγal-as-d s weqnijjer. Mi yuweḍ γer yidis-is, tenna-as dakken qrib ad d-terbu ed yessefk ad tt-yawi s tγawla γer usbiṭer. Argaz yugad Ṛebbi deg-s, dγa yessuli-itt-id γer tkerrust sakkin yuwi-tt γer tγawliwin. Dinna, uqbel ad d-yeffeγ, uran isem-is deg wezmam, acku γilen d argaz n tmeṭṭut-nni. Azekka-nni, ssawlen-as-d seg usbiṭer akken ad yezmel asufeγ n tmeṭṭut d-yuwi iḍelli-nni. Yeẓwa, sakkin mi yuwed sburken-as-d talalit n ugerrud. Argaz ybat seg wayen la ysell. Dγa yenṭeq γer-sen yenna-asen : “Awwah, tallest d-uwiγ ur d-tameṭṭut-iw ; nekk s tmeṭṭut mm seddis warraw-is deg wexxam yerna tebγam ad iyi-d-ternum tayeḍ s mmi-s ?!” Deg tazwara, medden yellan dinna meṛṛa ttaḍsan, imi nitni γilen d-aεekki ay yettεekki fell-asen. Maca, imi akk-n d-yban s tidett ay sen-d-yettmeslay, yenṭeq γer-s umejjay yenna-as : “Akken ad ttnefru, a ameddakel, yessefk ad aγ-d-tefkeḍ idammen-ik . Ma yban-d sakkin ur mwatan d yidammen n ugerrud-a, ad ak-nanef ; mulac ad nefk isem-is i yimestal”. Yefka wergaz idammen-is i umejjay, sakkin yeqqim la yettgani. Deffer n kra n wakud, ataya umejjay s yiccer n ukaγeḍ deg ufus. Yenṭeq γer wergaz yessersen afus-is γef umayeg-is seg unezgum : “D tidett, agerrud ur yelli inek”. Yenṭeg wergaz s igenni seg wefṛaḥ, sakkin yenna i umejjay : “amek ara geγ aya ed nekk s tmeṭṭut mm seddis warraw-is, amek ?” Yemmuqel-it umejjay kra n yimiren, sakkin yenna-as s wesḥissef : “Ula d tarwa-k ur telli inek, a ameddakel ; kečč d iεiqer !” Yebded wergaz kra n yimir am weẓru war iman, sakkin yexcawet, yeγli. Tamsirt: Tazna am umurḍus, үas tedleḍ-tt, s tariḥt-is ad d-tennekcaf _____________________________________ Amawal: Taγtest: victime; tazna: adultère; tiγawliwin: urgences; azmam: registre; zmel: signer; ẓwu: partir; xciwet: s’évanouir