Since 2006

ZAM Information Department

Volume 6, Issue 3 June 26, 2011
Estd. 2006

Informing People, Transforming Lives

“Na buk mun khan in la, na tenna puanbukte kizalsak in. Cilbawl kei in. Na khaute sausak in la, na khetphimte kipsak in.” Isayah 54: 2
Minam Khempeuh Tangin Zomi Te Pulakna
World Refugee Day Kum simin June kha (20) ni pen, World Refugee Day ci-in aki ciamteh ahi hi. Mun tuamtuam aa om UNHCR zum nasem ulian makaite vaihawmna tawh pawite vaihawm in gam khat leh gam khat vaihawm zia kibanglo ahih hang, a deihna bulpi pen ahih leh, gambel mite ii nuntak ziate, gentheih ziate leh mite thusimna, mite theihpihnate atam semsemna ding lunggulhna tawh pawi ki thupi bawlthei mahmah hi. Malaysia ah June 18-19, 2011 ni nih sung Malaysia UNHCR zumpi pan uliante makai-in, gammite vaksuk vaktohna a tampen mun khat ahi khualzin meileng, mawtaw tampi kituahna phual KL Central a lutna kongpi sunglam tualzang ah pawipi khat vaihawm uh hi. Nung kum in zong himun mahah bawl uh hi. Khualzin vaksuk vakto Malaysia mipi tul tampi-in et manh omlo, lut manh omlo suakta takin en in, mu in, a theihna ding uh deihna bulpi ahi hi. UNHCR uliante leh nasemte mahmah kihel beklo ni nih sung buppi mapina nei ngiat uh hi. Mi minthang tampi zong sam uh in amau ii siamnate tawh mipi tampi kaikhawm tuam hi. Minam khempeuh tangin a pulak Zomi te Malaysia gamsung ah gambel mi tul za val bang a omna leh panpihna a kisap ziate Malaysia gammite kikal ah aki theih semsemna ding pen UNHCR uliante mahmahin nasep lianpi khatin nei uh hi. Hanciam den uh hi. UNHCR uliante-in hoih asakna uh tawh kituakin gambel naupang sangkahte ii nuntak zia a telkan ding, a pulak ding New Straits Times thudong khatin Zomi siamsin naupangte thu telkanna hong nei hi. ZEC Sangte sung pan ZECMaharajalela leh ZEC-Talalla te-ah a beisa kaal nih sungin hong hawh zelzel hi. Limlaak (photo) 200 vei val bang la ding aa, thudotna zong tampi hong nei toto hi. World Refugee Day ni tawh kituakin a thusuah laihawm sung vuah gambel mite vai hong pulak sak ding cih ahih manin, Sang siate, makaite-in zong hun tampi pia-in ma ki pangkhawm toto hi. Zomi naupangte sung panin Siate tawh kikupna kinei aa, thudongpa ii hoihsak zia enkawm in Lia Huaipi leh Lia Mawinu te unau ii innpan a sangkah ziate uh leh sang aa a gamtat ziate hong limkan zaw pah hi. June 19, 2011 ni-in, ni khat copy tul za nih val a hawmkhia New Straits Times in Sunday sim aa a hawmkhiat New Sunday Times sungah laimaipi nih dimin a lim leh a thute tawh hong suaksak thei uh hi. Hih pen, gambel aa om minam tuamtuam pan naupang khempeuh tang dingin Zomi te-in ih pulak theihna khat ahi hi. (Theihsakna: New Straits Times June 19, 2011 ni aa pen a leikhalote-in, ih deihkik leh ZAM ah photostat kingen thei hi.) Zomi pen Zomi mah hipah hi New Strats Times thudongpa hong kantelna-ah Zomi Kipawlna, Zomi Sangte, Zomi naupangte cih bangin limtakin pulakna kinei pah hi. Tuamah bangin, Kawlgam naupang cihtawh zong hilo, Kawlgam pan namneu khat ii naupangte cihtawh zong hilo, Kawlgam pan aa Zomi te ii vaihawm Sang nih ah hawhthei, ci-in Zomi pen Zomi mahin hong gelh uh ahi hi. Nung kum sungin The Star ah zong khatvei pulakna hong neihsak ngeikhin uh aa, tukum aa ding hih pen a masa pen kici thei hi. Ngeina laam tawh minam a tawisang Zomi naupangte World Refugee Day ani masa ni June 18, 2011 ni-in, UNHCR vaihawmte sapna tawh ZAM panin ngeina laam lahna khat etlawm takin Zomi naupang 4 (Lia Huai Thian Man, Lia Niang San Lun, Lia Thang Sian Cing, Lia Vung Lam Man) te-in neithei uh hi. Kawlgam pan ngeina laam tuamtuam zong ki muthei aa, ZAM hong sapding hun ciangin, Malaysia Numei Hoihpen 2007 leh 2011 a ngah Deborah Henry in, gambel naupang khat ii a kisap pilna tawh kisai hanthotna tomno apiak khitteh, ZAM pan “Hanlung Ciam Ni” cih la ii a khiatna leh laamna ii deihnate hong pulak sakthei hi. Hih Zomi te, hun khat lai-in lokhawh singpuak tawh kivak zia leh a vanzatte-uh ci-in a tomkim in hong pulak sakthei hi. Hong bangci ki ciapteh Zomi siamsin naupangte-in, gam buppi simtheih ding, leitung mun tuamtuam pan a kisim thei laidal/online tungpan leh UNHCR ulian teng mai-ah ih minam hong domsang leuleu uh, hong pulak setset uh hi. Ei a nu leh pa, a ute-in ee leh? Leitungbup simtheih thusuah a bawlte-in zong Zomi hong ci, kei leh nang in, koici bangin mi hong ciapteh dingin ki pulak? Hihna ki pulakloh pen zuau genna khat hi Ei leh ei kikal ciangbek ah, Zomi hihang kicih tawh mite-in hong theihna khang hetlo ding hi! Kipulakna cih pen, ih nasep, ih panmun, ih dinmun, ih omna, ih septheihna, septheihlohna, kim leh pam, ih maban khatpeuh tung ki ngaksak ding hilo hi, tuate paulap ding hilo hi; Kam nei khempeuh in pulak theih leh pulak ding thu hi. Tg. Kham

ZAM THUPUAK Puahphatna
Hun beisa-ah, ih laihawmte pen Volume (A lom) leh Issue (A hawm) bulhzia khat pen, leitung mun tuamtuam aa kihawm thusuahte zatzia tawh kibanglo hi. Hih tawh kisai-in, a beisa hun sung mahah laihding ki hanciam ngei aa, a tawpna laihawm dong ki zuito kha veve suak hi. Tuni aa kipan a kihawm peuhmah Volume leh Issue kilaih hita hi. Laihawm alui vaikhak nuamte-in, a volume omsa tawh ahi zongin, a hawm ni tawh ahi zongin kingah thei veve hi. 2006 kum pan a kihawm khempeuh computer file kikem lai hi. iNFO

ZAM THUPUAK
Health Coordinators Kikupna Leh Theihhuai
ACTS in gambel mi khempeuh cidamna, damlohna lam tawh kisai huhna, donna, zatui zaha tawh panpih tawntung ih theihsa ahi hi. Kha simin Cidamna lam mipihte a panpih, amau tawh na a semkhawm Kipawlna Health Coordinator te tawh kikupna, kimuhkhopna nei den uh hi. June 24, 2011 ni-in, Kipawlna (15) bang a sapna vuah, ZAM panin Health Coordinator ahi Sia Kam Sang va kihel thei aa, Health Care palai Sia Langh in zong zuithei hi. MCH Naupaii te-in, no omna veng aa MCH ah na pai uh ciangin, hong sang/lutsak lohna a om leh UNHCR-IAD te tung zasak le’ng, amau hong hopih sakin, hong panpihthei uh hi. AIDS AIDS(2) natna nei aa, omna ding mun omlo, hong cing hong kemding omlote-in ACTS te tung huhna ki ngenthei hi. Amau-in, a sepsa uh ahih mah bangin hong panpih ding hi. IOM Gamthumna maban vai-ah IOM tungkhin, damlohna hang tawh a vai kaiicipte-in IOM ah tulaitak kan huai mahmah hi. A vai kaiicip cih ciangin, sisit khin, onglo zong hilo, khaksawh (5) (6) sitkik ding aa kisam zong hilo, x-ray (dat-maan) zaihkik ding aa kisam zong hilo, a kaiicipte kici thei hi. Cameron Highland ah ACTS July 1-2, 2011 ni nih sung ACTS te-in Camaron Highland ah cidamlo veh dingin kuanding uh damlohna a kilak nuamte-in ACTS (7) hi. A kivel sak nuam, (9) (8) phone 03 2272 2585 ah kikan thei hi. UNHCR card tawi nailote zong kilak thei hi. Naupang te natdal zatui sut Kawlgam pan naupang natdal zatui (kaa-kuaii-sii) kisun nailo peuh, Selayang veng Tzu-chi Education Centre in vaihawm sakthei hi. Ih naupangte aa ding vaihawm huai hi. Mun tuamtuam pan palaite ZAM ah palai khat bangin a panmun a lakloh hang ki piakkhiatna tawh mipihte a panpih den Zomi palai pawlkhat pen a omsa ZAM palaite tawh khut kilenin sepkhop ding lunggulhna tawh anuai aa Zomi palaite, ZAM ah, a deuhdeuhin Health Care tawh Zomi te aa ding nasep khop kipan theita hi; A kisamte-in, amau tawh kiho-in huhna kingen thei hi; Sia Nang Tak (Omna: Cheras, Ph: 017 432 6561), Sia Kam Mung (Omna: Setapak, Ph: 016 306 3620), Sia Sangpi (Omna: Bukit Tinggi, Ph: 010 277 7311), Sia Cinno (Omna: Sg Long, Ph: 017 596 3356), Pa Aa Thang (Omna: Klang, Ph: 019 604 8899), Tuangpu (Omna: Jln Ipoh, Ph: 016 254 4093), Sia Langh (Omna: Pandan Jaya, Ph: 016 983 7953) ZAM Health Care

June 26, 2011

UNHCR-CDU Kikupna
June 17, 2011 ni-in, UNHCR-CDU pan Kipawlna makaite tawh kikupna khat sam uh hi. ZAM panin Lutangpi Pa Nang Khan Pau leh Thuvanpi Tg. Hau Suan Khai te va kihel thei hi. A deuhdeuhin, pasal leh numei etkakna-ah numeite pen a niamzaw bang khat aa koihkhak loh ding cihte leh, tulaitak gambel kipawlna tuamtuam a et uh ciang numei-in mun tam lalo, ahih kei leh mun ki pialo cihte a omlohna ding, numei cih pen pasal bangmah in semthei, bawlthei, ngaihsun thei hi, cih thute, uliantein vaikhakna hoihtak nei uh hi. UNHCR leh agency tuamtuam in, gambel mi khat gamthumna a tun’na ding a panpihna, a vaihawmsakna uh ah sum leh pai ngetna, sum leh pai san’na nei ngeilo uh hi. Gamthumna aa nuntakna zoptheih ding vai-ah sum leh pai beina leh ngahna ding thu kihel ngeilo hi.

Innkuan Lutpih Nuamte Ki Vaihawmsakkikta
UNHCR in, innkuan lutpih ding aa ih puakte vaihawm sakna zomkikta uh hi. Hunkhat lai dan hinawnlo aa, innkuan lutpih ding aa phone nambat a kipia pen tungah UNHCR in hopih in zasak ciatciat uh hi. Tua ahih manin, phone hong lut aa, UNHCR pan ahih kei leh DS vai ci-in hong kigen leh, innkuan lutpih ding vai hi hamtang ding hi. Laisimlo meltheih tanau tung hilhsawn tek ni.

DAHPIHNA
Pa Cin Thang (Kum 34, Thatmun Beh, Sing Unau Khua) in, a bawlpa ii ani ciangtan omsa bangin June 23, 2011 ni-in leitung nuntakna pan hong nusiata hi. A it a zi, Malaysia aa om leh a ta, Tedim, Zogam aa Sang tan li kah tegel tawh kikim in Zomi bup ih dahkhawm hi. Sanggampa pen, ih gamsung ah mihing hihna ii hamphatna leh innkuan kivak zawhna ding lampi a omlo dinmun panin sum leh pai thalawh ding aa Malaysia a pai Zomi khat ahi hi. Selayang sungah nasep kician semin, a nasepna pute-in zong a muan mahmah khat ahi hi. June 23, 2011 ni-in, set-beng tawh a taii laitak mawtaw in phukha aa, khua phawk nawnlo-in Selayang zatopi a kipuak hangin, a nuntakna zomthei tuan nawnlo hi. Hantan’na ding ki vaihawm laitak in, ih gam pan vuitheihna laidal hong khak ding uh ngak lai, ci uh hi. A bei khempeuh a nasepna pute-in sikding, ci hi. ZAM Social Welfare

Sisit Ding Ni Genpah Tuhun ciang DHS interview a lutte,
interview mankhit ciang a sisit ding ni gen pahpahta uh hi. Kikan Kik Thei Nidang in OPE akici ngei, tu-in RSC a cih uh Resettlement Screening Centre zumpi pan contact a ngahloh file nambatte ih suaksak zel aa, laimai awn’lohna tawh aki suaksaksa a simkhalote-in ZAM zumah a laidal in ahi zongin, phone tawh ahi zongin kikan, ki ngenthei den hi. Card Piakik Nawnlo 2011 June kha aa kipan UNHCR card a mansuah peuhmah card piakik nawnlo uh hi. Kep siam ni. Card Thak June 7 ni aa kipan card a bawlthakte ahi zongin, kum khat a bawlbehte ahi zongin ih setthak zangin ki bawlsakta hi. A dalkhauh fiber namte kizangta hi; Pawlmi a lutthak khat: RM40, Kum khat a bawlbeh (extend) khat: RM30, Alui pen athak (akhauh) tawh a laihnuam khat: RM10 Bank Laibu Leh Card Bawlsakthei Tuma kha (3) lai aa kipan UNHCR card tawi, bank card leh bank laibu a lunggulhte vaihawmpihna kizom lai hi. Kizopna ding: 012 367 4665 Nasep Hoih Snowflake aa semding UNHCR card tawi, kum (30) nuai pasal, mangpau thei, nasepna-ah a citak Zomi kizong laitak hi. A thu kantheihna leh kizoptheihna: 012 367 4665 Zum Tungah An, meh tuamtuam leh tuivotte kingahta: Pa Pau (012 665 7348). Chan Chan Sammet sakna: 017 378 4009 Kipawlna Panpih Tek Ni Ih Kipawlna ZAM in, nasepna leh mabante-ah sum leh pai tampi kisam tawntung hi. Fund zon’na dingin Lucky Draw ki vaihawm aa, mun tuamtuam ah, makai tuamtuam leh mimal ki piakkhiatna tawh ki zuaksak sawn hi. Kipawlna aa ding hanciam kawmin, July 30, 2011 ni aa kithei khia ding 1. iPad (computer), 2. Laptop, 3. Sony Ericsson handset, 4. Camera, 5. Nokia handset (5) cihte RM5 bektawh ki ngak gige thei hi. Ma pan’khopna zom toto ding ki hanthawn hihang.

DHS Pan Contact Kingahlote
Anuai aa file nambat tawite pen, DHS interview lutding DHS zum pan contact ngahzolo uh hi. Hih file nambat a tawite-in DHS zum ah zaksak kul aa, uliante-in interview ni ding hong sehsak kik ding uh hi. DHS zum pan hong piak bangbang un aki suaksak hi aa, a Minte kihello hi. Tanau meltheihte tung zasak sawn tek ni. Hih sung aa kihel, a maban vaihawm ziading a tellote-in ZAM ah kidong thei hi; ZAM Hotline: 016 293 9027 791-09C01976 791-08C01059 791-09C02053 354-08C05925 354-09C02940 791-09C01680 354-06C02674 791-09C02834 791-09C02930 791-09C01555 791-09C04900 354-08C02021 791-06C03228 791-08C02482 354-08C04274 791-09C04802 791-09C02574 791-09C02109 791-09C00127 791-09C01965 354-07C01526 791-09C00009 791-09C02242 354-08C02857 354-03C13759 791-09C00399 791-09C08453 791-09C01694 791-09C00125 791-09C02799 791-10C07162 791-08C01628 791-09C03575 791-09C02126 354-08C05754 354-08C02028 354-08C06112 791-09C01591 791-09C14774 791-09C03597 791-09C02030 791-09C02829 791-09C03099 791-09C02629 791-09C02775 791-09C00384

Sign up to vote on this title
UsefulNot useful