NISHTUTATUNA ASHIT ITUM MAK LABRADOR IRON MINES (LIM), TATA STEEL MINERALS CANADA (TSMC) MAK ARCELORMITTAL

MINES CANADA (AMMC)

UAUITAMUAKANUT INNUAT UASHAT MAK MANI-UTENAM TSHISHE-PISHIMu 2012

USHKAT AIMUN Tshetshi minupan mak tshetshi tshitapatakanit Innuat utipenitamunuaua mak nenu Innuat Uashat mak Mani-utenam tshe minupanikuht e uauinakaniht anitshenat ka munaikau ashininu ne Labrador Iron Mines, Tata Steel Minerals Canada nete Shefferville mak ne ArcelorMittal Canada nete Massekupitanit mak Fermont, ITUM ui uitamueu Innua e ishinakuak nenua atusseu-nishtutatuna. Nenua atusseuna ishipimutemikan miam « Nishtutatuna anite tshe peshukuiak mak neme tshe ishi-minupanikauiak » uiteu anite Innu utipenitamun mak nenu tshe ui nashakau anitshenat ka nishtutatiht. Uiteu

anite tshe ui minupanitunanut anite e atussenanut, tshetshi ishpitenimitunanut, kassinu auenitshenat tshe minuenimuht.

2

USHKAT AIMUN Anite atusseu-nishtutatunit ui uitshi-atussemakanut Innuat Uashat mak Mani-utenam tshetshi eka unitit innu-aitun mak nenu aitunnu ka ishpitenitak Innu ashit utaiamieun kie nenu utinnu-aiamieun. Takuana ussi-atusseuana, ussi-aituna tshetshi eka numat pikunikanit assi kie tshetshi uauitshiaushiht Innuat ne akua ua tutakannit tshetshi eka ishinakuak miam ka ishinakuak ute utat.

3

USHKAT AIMUN

Nenua nishtutatuna, tshe ishinakuak ute natshe mak ne tshe ishi-minupaniuet - at tatipan e ishinakuak – nashatumikan. Mate uiteu anite Tshishkutumatsheun, tshe utinakanit auenitshenat tshe atusseht mak atusseuna, tshe ui minupanitunanut e atussenanut, kie neme e tshitapatakanit akua tshetshi tutakanit assi. Shukushuku natshishkatut ITUM mak anitshenat ka munaikau assinu, kie tshika tutaknua nishtutanuna tshetshi uemuet nashakanit neme e ishinakuanikau nishtutatuna.

4

USHKAT AIMUN ANITE ATUSSEU-NISHTUTATUNIT, MINU-UITEU TSHETSHI EKA NITA UI ASHTUEKANIT INNU UTIPENITAMUN KIE TSHE MITSHIMINIKANIT TSHE NASHUAKANITAU KASSINU TSHISHE-UTSHIMAUAT

5

NISHTUTATUN ASHIT ITUM MAK LABRADOR IRON MINES (LIM)

6

TSHISHKUTUMATUN MAK TSHISHKUTUMATSHEUN . . Tshe patshitinikanit tshishkutamatsheun tshetshi mitshetiht Uashaunnuat tshe atusseht neme tshe ishpish takuak ne atusseun . Tshe tshishkutamatshenanut anite mitshima tekuak atusseun . Tshe patshitinikanit shuniau eka utitaikanit ne ua atusseiakanit Innuat

7

ANITE E ATUSSENANUT . Tshe uauitshiakaniht Uashaunnuat . Nasht apu tshikut patshitinakanit tshetshi eka minu-utinakanit auen kie tshetshi matshi-tutuakanit auen . Tshe tshishkutamatunanut nemenu auen e ishinakuannit utinniuin,anite uetshipannit, tshika shitshimakanut kassinu kaiatusseshiht tshetshi nashakau nenu tshishkutamatsheunnu . Tshika minakanut tshetshi Uashaunnuat kaiatusseht natutau miam ne ka nanutushipenanut ( nishk ) mak tshe tshishpeuatakanit innu-aimun mak aiamieun kie ne innu utaiamieun 8

INNU-AITUN SHUNIAU . Tshe ashushtakanit shuniau anite innu-aitunit, anutshish shash ka takuannua anite ITUM katshi takuak nishtutatun ashit (miam mate : CLM, SM3) kassinu nenu Innuat Uashat mak Mani-utenam tshipa tshi apatshitauat natuenitakau e nashakanit ne ueuetashueun anite uauitshitun-innu-aitunit e ishinakuak

9

TSHE TAKUAK ATUSSEUNA Tshe uitshiakanit anite shuniat, ishpish 30 anite ut 100 anitshenat ka atusseshtaishiht Uashaunnuat kie ma 30 anite ut 100 e ishpitenitakuahk nenua atusseuna anite Upishtikuiau-assit 20 anite ut 100 atusseunna anite ut Labrador ne Newfoundland and Labrador Benefits Plan Nishtutatun tshe takuak ashit kassinu Innuat ka atussehtatishiht anite ut Newfoundland and Labrador Benefits Plan Tshe patshitinikanit aimun 45 tshishikua eshk eka tshissenitakuak anite atusseu-katshitapatakanit

10

TSHE TAKUAK ATUSSEUNA… . Tshe tshitapatakannit innit uetshipannit ne….

. Nikan tshe tshitapakannit ka atusseshtatishiht Uashaunnuat . Tshe uitshiakannit ka atusseshtatishiht anite ITUM

11

TSHETSHI AKUA TUTAKANIT ASSI

. Tshe atshimitakanit mamuituniss e uauitakanit assi, ITUM anite tshipa tenua ukupaniema tshe nanitussenimakanit miam ua natuenimakanit kanu tshetshi kashtinakanit ne atusseun ua tutakanit kie tshe uitamuakaniht tshishe-utshimauat e itenitakanit, tshe nakatuenitakau assinu mekuat e atussenanut mak tshe nakatuenitakau innu-aitunnu. Kassinu Innuat tshika tshi uauitshiaushiht mak 85 anite 100 ishpitenitakuana atusseuna tshe minakannit Innuat anite ka nakatuapitshenanut anite e atussenanut, aimunnu tshe minakanit Innuat Uashat mak Mani-utenam, ashkashku tshetshi ueuetinakanit assi anite ka munaitshenanut mak ITUM tshika tshi nashatsheu eka nashakanit ne ua akua aitunanut neme e munaitshenanut. 12

TSHETSHI AKUA TUTAKANIT ASSI Tshetshi nashakanit ne ueuetashueuna ua nakatuenitakanit assi anite e munaikanit ashini nete Kautaitnat mak nete Papateu Shipit Nasht eka tapuetakanit tshetshi atussenanut nete Kautaitnat (Irony Mountain) Meshkanau pipun-utapan nete Shefferville, ua nashuk ishpish pikuaikanit assi mak tshatapamakanit ka natauht tshetshi minupanniht

13

KUTAKA AITUNA

Tshika takuan anite shuniau tshishkutamatun mak anite metueunit : Eshakuma pipuna tshika ashtakanu upime shuniau anite ut nishtutatun (TSMC mak Arcelor Mittal) kassinu Innuat Uashat mak Mani-utenam nenu kashtaukuht, tshe ueuetashuatakanit anite ka uauitshiakaniht ka tshishkutamaukanishit

14

NISHTUTATUN ASHIT ITUM MAK TATA STEEL MINERALS CANADA (TSMC)

15

TSHISHKUTAMATUN MAK TSHISHKUTAMATSHEUN Nisht pipuna neme ushkat, nishtutatun ITUM-TSUM tshetshi tshishikashupan ne atusseuna tshe takuak neme ussi-tutakanitau tshishkutamatsheun kie tshe tshitshipanitakannit, tshe tshishkutamatishunanut anite tessenanut Tshe atshimikanit anite ne tshishkutamatun tshe atusseshtakanit, mamuitshetuit e ishi-tshishkutamatshenanut

16

TSHE UTINAKANIT INNUAT ANITE ATUSSEUNIT Uashaunnuat ushkat tshika minakannut atusseunu, tshika uitakanu anite tekuak atusseun Tshetshi minakanit auen atusseunu at eka akanishau-aimiti Tshetshi katshitinakanit shunianu eka utitaikanit ne ua atusseuiakaniht Innuat 17

TSHE UI ISHPANIT ANITE ATUSSEUNIT Tshe uauitshiakaniht Uashaunnuat Nasht apu tshikut patshitanakanit tshetshi eka minu-utinakanit auen kie tshetshi matshi-tutuakanit auen Tshe tshishkutamatunanut nemenu auen e ishinakuannit utinniun, anite uetshipannit, tshika shitshimakanut kassinu kaiatusseshiht tshetshi nashakau nenu tshishkutamatsheunnu Uashaunnuat ka atusseht tshika minakanut tshetshi natutau miam ne e nanitushipenanut ( nishk ) mak tshika tshishpeuatakanu innu-aimun

tshetshi eka unitamikak ne ashit aiamieun mak ne innu utaiamieun

18

TSHE TAKUAK ATUSSEUN Tshe uitakanit atusseun tekuak 15 tshishikua eshk eka kuaskukuaikanit anite utatusseu-katshitapatakanim ne nianituapamat tshe atussehtakuat Uashaunnuat ushkat tshika minakanut atusseunu Minuat kutakat Innuat ka atusseshtatishiht Kie tshika uauitshiakanu ITUM 20 anite ut 100 ishpitenitakuana atusseuna tshe minakanit Uashaunnuat Ka atusseshtatishiht anite ut Newfoundland and Labrador Benefits Plan ( eka ua minakannit atusseunu anitshenat eka uetshiht anite Akami-Assis mak anite Labrador ) 19

Tshe akua tutakanit assi Tshe tshimitakanit mamuituniss e uauitakanit assi, ITUM anite tshipa tenua ukupaniema tshe nanitutshissenimakanit miam ua natuenimakanit kanu tshetshi kashtinakanit ne atusseun ua tutakanit kie tshe uitamuakaniht tshishe-utshimauat ne e itenitakanit. Tshe nakatuenitakau assinu mekuat e atussenanut mak tshe nakatuenitakau innu-aitunnu. Kassinu Innuat

tshika tshi uauitshiaushiut mak 85 anite ut 100 ishpitenitakuana atusseuna tshe minakanit Innuat anite ka nakatuapitshenanut anite e atussenanut, aimunnu tshe minakanit Innuat Uashat mak Mani-utenam mak ashkashku tshetshi ueuetinikanit assi anite ka munaitshenanut mak ITUM tshika tshi nashatsheu eka nashakanit ne ua akua aitunanut e munaitshenanut 20

TSHE AKUA TUTAKANIT ASSI… Tshetshi eka pataikanit miam ka ishinakuak ute utat (miam mate ashit IOC) Tshishtat utatusseun ne TSMC apu tshika tshi nakatak utatusseun eka tutak tshetshi ueuetinak nenu assinu miam ka ishi-natuenitamakut ITUM. Patush tshe tshitutet minuenitamin ITUM nenu e ishi-nakatak assinu Tshe ui nashakanit ne e ishinakuat tshe ui uemut ishi-pimutanut ua akua tutakanit assi anite ka munaitshenanut nete Kautaitnat mak anite Papateu shipit Nasht tsheka atussenanut anite Kautaitnat (Irony)

21 KUTAKA AITUNA Tshe ashushtakanit shuniau anite innu-aitunnit, anutshish shash katakuannua anite ITUM katshi nana takuak nishtutatun ashit CLM mak SM3. Kassinu nenu Innuat Uashat mak Mani-utenam tshipa tshi apatshitaut natuenitakau, neme e nashakanit ueuetashueun e ishinakuak anite innu-aitunnit

Tshika takuan kie anite shuniau tshishkutamatun mak manite metuenit. Eshakuma pipuna tshika ashtakanu upime shuniau anite tshe utshipannit nishtutatun ashit IMC mak Arcelor Mittal. Kassinu Innuat Uashat mak Mani-utenam nenu kashtaukut tshika ueuetashuatakanu anite ka uauitshiakanit katshishkutamuakanishiht Tshika takuan shuniau tshetshi uauitshiakanit ka tutakau tshekuana e minuashinit, miam mate ka unashinataitsheht, ka mukutatsheht, ka kussikuashiht innu-matshunisha, ka nikamushiht… 22 - 23

NISHTUTATUN ASHIT ITUM MAK ARCELOTMITTAL MINES CANADA (AMMC)

24

TSHISHKUTAMATUN MAK TSHISHKUTAMATSHEUN Tshe atshimitakanit tshishkutamatsheun, tshe utinakaniht Innuat, anitshenat ka tshi aitihe nemenu tsheshkutamuakanit Uashaunnuat tshe tshishkutamuakaniht anite mitshima tekuak atusseun uinuau e taht anite tshe uauitshiaushiht e nanituapatakanit anite tshishe-utshimat atusseuakana nenua tshe minupanieht

25

TSHE ISHI-PATSHITANAKANIT ATUSSEUN Anitshenat ushkat tshe utinakanit Uashaunnuat mak anitshenat ka-teutshenat anite ML J nemenu e ishi-pikutaht kie e ishi-nishtuapatakau atusseunnu Tshika uauitshiakanuat Uashaunnuat tshetshi mishku-atusseht mak anitshenat ka-teutshenat anite ML J kie tshika ishinakutakannu tshetshi eka anamunanut e mishkakanit atusseun Kie tshika minu-nitussenitamu ne ArcelorMittal Mines Canada eka tshi ishinakuak ne ua utitaikan

26

TSHE UI ISHPANIT ANITE ATTUSSEUNIT Tshika uauitshiakannut Uashaunnuat Nasht apu tshikut patshitanikanit tshetshi eka minu-utinakanit auen kie tshetshi matshitutuakanit auen Tshika tshishkutamatshanun nemenu auen e ishinakuannit utinniun anite uetshipannit. Tshika shitshimakanut kassinu kaiatusseshit tshetshi nashakau nenu tshishkutamatsheunnu Uashaunnuat ka atusseht tshika minakannu tshetshi nanitushipetau ( nishka ) kie tshika tshishpeuatakanu innu-aimun tshetshi eka unitamikak ne ashit aiamieun kie ne innu utaiamieun 27

ATTUSSEUNA TSHE TAKUAK Uashaunnuat ka atusseshtatishiht ushkat tshika tshitapamakanu Kie anite e naushunakaniht, ne ArcelorMittal Mines Canada tshika minu-tshitapameu Innua ka atussehtatishin

28

AKUA UA TUTAKANIT ASSI Nashuk tshetshi ishpish pikuaikannit assi e tutakannit atusseuna tshe minu-tshitapatakannit mak tshe tshimatakannit mamuituniss tshe nakatuenitakannit assi, tshetshi anu minuat assi (Norme ISO 1400) Tshetshi eka shuk nanutakannit tshishik e nenetakanit anite e munaitshenanut Tshetshi utinakanit anu uet minuaht aitunna tekuak ne ua akua tutakanit Tshe tutatannit atusseuna e nashakanit ueuetashueun tekuak anite assi e tshitapatakannit

29

AKUA UA TUTAKANNIT ASSI… Tshe atshimitakannit aitun ua akua tutakannit assi, atusseuna e nanitussenimakannit anitshenat tshe taht anite mamuitunnissit ua tshishpeuatakannit assi Tshe tutakanit tshetshi tatau anite Uashaunnuat neme e nakutuapitshenanut anite assit e atussenanut mak tshe utinakan aitun tshetshi kau ueuetinakanit ne assi

Tshetshi eka ishinakuak miam ka ishinakuak ute utat (miam ne IOC) tshishtamikat ne atusseun, AMMC tshika ui miniku ITUM tshetshi tshitutet nemenu patush tshi minu-ueuetinak nenu assinu

30

KUTAKA AITUNA Ishkuteu-utapan meshkanau : Ushaunnuat ui kushpitau anite unituuassuat anite tetshe Massekupitanit, tshetshi apashtat ishkuteuutapan meshkananu e itamuanit anite tekuannit ka munaitshet utatusseunnuau. Tshika tshi anite nituuat Shuniau upime tshe ashtakannit ut auassat ute aishkat tshe apatshitaht : ITUM tshika tshi atshimitau nenu ut auassa ute aishkat , tshe tshitapatakanit ne tipan anite ut ne shuniau tshe katshitinakanit ne ut nishtutatuna

31 KUTAK AITUNA… TSHE PATSHITINAKANIT SHUNIAU ESHAKUMA PIPUNA tshipa tshi itapatin miam mate :

Uashaunnuat e tutakau utinnu-aitunnuau Uashaunnuat e nashakau utaiamieunuau Tshe uitshiakannit Uashaunnuat nemenu pekassitishiht Tshe nakatuenitakanit nituu-assia kie tshe ueuetanakannit mak tshe nakutuenitakanit

32

KUTAKA AITUNA… Tshe akua tutakannit assi Tshe ueuetinakannit nituu-assia Tshe akua tutakannit tshetshi eka unitiht nemenu Innu e tapueienitak, Tshe ueueshtakannit mitshuapa, tshe ussi-atshimitakannit metueutshuap, kie mak anite unuitamit tshe metueht aussat

33

KUTAKA AITUNA…

Tshe tshishkutamuakaniht ka atusseshiht Innuat Tshe nakatuenitakannit innu-aimun Tshe atussehtakanit innu-tipenimitishun Kananituapatshenanut e uauitakannit innu utipatshimun, utinnu-aitun, assia e ishi-nakuak, e ishi-takuak 34

ATTUSSEUNA TSHE TAKUAK ANITE UETSHIPANNIT KATSHI TAKUAK NISHTUTATUNA Katshi katshitinak apu shashish ITUM, atusseunnu ashit Sodexo, Rail Can Tech e tshitapatakanit ishkuteu-utapan meshkanau Tshiuetin, Nenua ut nishtutatuna, 100 tshika takuan atusseuna tshe minakanniht Innuat Uashat mak Mani-utenam

35

UEMUT TSHE TAKUAK SHUNIAU ANTE TSHE UTSHIPANNIT NISHTUTAUNNA KATSHI TAKUAK ASHIT ANITSHENAT KA MUNAIKAU ASHININU ITUM tshika kanuenitamu shunianu ishpish 30 pipuna, tshe uitshiakannit Innuat.

UEMUT TSHE TAKUAK SHUNIAU ANITE TSHE UTSHIPANNIT NISHTUTATUNA Ne shuniau, anu tshe kanuenitak ITUM ui tutamu , ute ishpish nishtu pipuna, atusseunu. Nikan tshe atussehtakannit : Tshishkutamatun Metueun Innu-aitun Atusseun 36 UEMUT TSHE TAKUAK SHUNISU TSHE UTSHIPANNIT ANITE NISHTUTAUNIT Tshetshi anu mitshetit innu-auassat tshe tshishi-tshishkutamaukaniht, ITUM ui tutamu : tshetshi takuak anite katshishkutamatsheutshuapit, nemenu tshe apatenimakannit auassat mekuat e tshishkutamuakanit. Tshetshi tshishkutumatunanut innu-aitun Tshe tshishkutamuakannit anitshenat tshe petaht innu-aitunnu anite katshishkutumatunanut. Tshetshi uitshiakaniht anitshenat ka mishtatshishkutumatunanut e ituteht. (tshe uitshiakanit e tutakau umashinaikanuau) tshe tutakannit anite tshe mitshishiht mak tshetshi metueuiakaniht auassat 37 UEMUT TSHE TAKUAK SHUNIAU TSHE UTSHIPANNIT ANITE NISHTUTATUNIT TSHISHKUTUMATUN MAK METUEUN Tshetshi anu minapannit innu-auassat e tshishkutamuakanit ITUM ui tutamu : Tshe minu-tshitapamakanit mak tshe nanitussenimakanitau ka atusseshiht Tshe minu-tshitapamakanit mak anu tshe uitshiakanit anite shuniat anitshenat Ka ituteht anite ka mishta-tshishkutumatunanut Tshe uitshiakanit auassat 18 nuash 21 ka itatupipuneshiht eka ka shaputuepaniht e tshishkutamuakanit( tshe tutakanit tshishkutamatsheun nemenu uinuau e ishi-minupanikuat kie kutak…) 38

UEMUT TSHE TAKUAK SHUNIAU ANITE TSHE UTSHIPANIT NISHTUTAUNA Ne Musée Shaputuan tshetshi ishi-uitakanit mitshuak ka shu-apatshitanak innu-aitunnu, innu-tshissenitamunnu mak innu-tipatshimunnu. Tshe uauitshiakanit Shaputuan nenu uapataniuet innu-aitunnu Tshetshi nukutakannit innu-aitun e uauitshiakannit ka mukutatsheshiht,ka nikamushiht, ka tauapekaitsheshiht, ka unashinataitsheshiht, ka kussikuashiht, tshetshi nishtuapatakannit utatusseunuau Tshetshi tutakanit nanikan tshishtekaikan neme tshe aitunanut peiku pipun e tutakannit innu-aitun 39

INNU-AITUN Tshetshi anu uauitshiakanit ka natuut Tshetshi tshishkutamuakanit auassat mak Innuat itinnu-aitunuau Tshetshi minu-uapataniuanut innu-aitun e ishinakuak anite nituu-assit 40 ATUSSEUN MAK TSHISHKUTAMATUN Tshetshi takuak mitshuap anite tshe takuak tshishkutamatishun-atusseuakana nak ne atusseuakana tshe apatshitat auen nanitu-atusset mak nanituapatak tshetshi tshishkutamuakanit. Tshetshi anu minuaht uauitshituna e ishitakuak anite Uashat mak Mani-utenam, anu anite tshika ashtakanu shuniau. Tshika minu-uauitshiakanu auen ka nanitu-atusset. 41 UEMUT TSHE TAKUAK SHUNIAU ANITE TSHE UTSHIPANNIT NISHTUTATUNIT Ne atusseun tshe tutakanit eshakuma nanishtipipuna, ITUM tshika uitshieu

auassa, natukunishiu-atusseunnu,Uauitshitun mak kamakuneshiu-atusseun e tshitapatakanit Ne shuniau anu tshe takuak anite ITUM, tshe utshipannit anite ut nishtatuna ashit LIM,Tata Steel mak anite ArcelorMittal. Tshika tshi minuuauitshiakanut Innuat, papeiku kie mak mamu e tshitapamakanit, kassinu Innuat Uashat mak Mani-utenam 42

TSHI NASHKUMITINAN !