TOKI ONA Institutuaren bizikidetza plana eta erregelamendua

Aurkibidea:
1.-Bizikidetza batzordea 1.1 Osaera eta eginkizunak. 1.2 Prebentzio neurriak. 1.3 Bitartekaritza. 1.4 Elkarbizitzarako konpromisoak. 1.5 Antibullying protokoloa.

2.-Bizikidetza erregelamendua. 2.1 Bizikidetzaren aurkako jokaerak. 2.1.1 Oinarrizko printzipioak 2.1.2 Hezkuntza neurriak. 2.1.3 Prozedurak. 2.1.4 Hutsegiteak justifikatzeko prozedura.

2.2 Bizikidetzaren aurkako jokaera larriak. 2.2.1 Oinarrizko printzipioak. 2.2.2 Hezkuntza neurriak. 2.2.3 Prozedurak. 2.2.4 Kautelazko neurriak. 2.2.5 Instruktoreak aukeratzeko sistema. 2.2.6 Espediente-administratiboaren prozedura.

2.3 Bizikidetzari kalte egin diezaioketen bertze zenbait puntu. 2.3.1 Taldeka egin daitekeen lanuztea. 2.3.2 Ikastetxean biltzeko proposamenak. 2.3.3 Adierazpen askatasuna. 2.3.4 Bertze jokaerak. 2.3.5 Eskolaz kanpoko jarduerak eta ekintza osagarriak. 2.3.6 Ikasketa-bidaia. 2.3.7 Garraioa. 2.3.8 Instalazioen erabilera.

1.-Bizikidetza batzordea 1.1 Osaera eta eginkizunak. 1.2 Prebentzio neurriak. 1.3 Bitartekaritza. 1.4 Elkarbizitzarako konpromisoak. 1.5 Antibullying protokoloa. 1.-Bizikidetza batzordea 1.1 Osaera eta eginkizunak.
1. BIZIKIDETZA BATZORDEA (BB). Ikastetxeko Bizikidetza batzordea (BB) 632/2005 F./D.aren babesean sortu zen eta orduz geroztik, ikasturtez ikasturte, aritu da ikastetxean lanean. Irakasle, guraso eta irakasle ez diren langileez osatuta dago eta bere helburu nagusia ikastetxeko bizikidetzaren hobekuntzan laguntzea da. Helburu hau bete ahal izateko, hezkuntza komunitatea osatzen duten talde desberdinekin elkarlanean aritzea ezinbertzekoa da. 2. EGITURA Bizikidetza Batzordea Zuzendariak izendatzen du eta ondoko partaideak ditu:

abcdef-

Zuzendaritza taldeko kide bat. Ikastetxeko bizikidetzaren ardura duen irakaslea. Irakasleak. Formakuntza jaso dutenek lehentasuna edukiko dute. Orientatzailea. Ikasleen gurasoak Irakasle ez diren langileak
3. EGINKIZUNAK

Bizikidetza Batzordearen eginkizunak ondoren zerrendatzen direnak dira: a) Bizikidetza planari lotuak. a.1) Bizikidetza plana diseinatu eta bere urteko zehaztapenak, urteko programazio orokorrean sartuko direnak, denen artean prestatzeko prozesuaz arduratzea. a.2) Bizikidetza plana eta bere urteko zehaztapenak prestatzeko proposamenak jaso eta sortzea. a.3) Bizikidetzaren egoera ezagutzeko aldian behineko azterlanak programatu, bultzatu eta burutzea, baita bizikidetza planaren urteko ebaluazioa ere, eta behar diren hobekuntzak proposatzea.

a.4) Bizikidetza planaren aplikazioaren berri ematea hezkuntza komunitateari. a.5) Urteko zehaztapenaren memoria prestatzea. b) Bizikidetzarako erregelamenduari lotuak. b.1) Bizikidetzarako erregelamendua berrikusten laguntzea. b.2) Bizikidetzarako erregelamendua ikastetxean aplikatzeko jarduketei buruzko informazioa bilatu eta iradokizunak egitea, bidezkoa denean. c) Prestakuntzari eta aholkularitzari lotuak. c.1) Hezkuntza komunitateari aholku ematea bizikidetzaren arloan, eta prestakuntza jarduerak bultzatzea, bai irakasleentzat bai hezkuntza komunitatearen gainontzekoentzat, gai horretan. c.2) Bizikidetzarako hezkuntza arlo eta irakasgaien curriculumean sar dadin proposatzea. c.3) Zuzendaritzari aholku ematea erabakiak hartzeko orduan, bizikidetzaren kontrako jokabideen edo harentzat oso kaltegarriak direnen aurrean hezkuntza neurriak hartzeko. d) Bitartekotzari lotuak. d.1) Bitartekotza taldeak sortzea eta haien funtzionamenduaz arduratzea. d.2) Bitartekotza formaleko prozesuak antolatzea, foru agindu honen IV. kapituluan ezarritakoaren arabera. Bizikidetza Batzordearen arduradunaren eginkizunak ondoren zerrendatzen direnak dira: a) Bizikidetzaren batzordea eta bere ekintza eta proiektuak dinamizatzea. b) Bizikidetza plana prestatzen, ezartzen, ebaluatzen eta eguneratzen parte hartzea, baita hezkuntza komunitatea inplikatzeko mekanismoetan ere, ezinbestekoa baita hura garatzeko, abiarazteko, ebaluatzeko eta urtean zehar gauzatzeko. c) Ondokoak antolatzea bizikidetza planaren esparruan: ikasleen prestakuntza eta parte hartze aktiboa, prebentzioa eta estrategia zehatzak ezartzea gatazkak konpontzeko, eta hezkuntza komunitateko agenteen inplikazioa. d) Irakasleen arlo honetako prestakuntza bultzatzea, eta bizikidetzaren arduradun gisa duen prestakuntza eguneratzea; orobat, ikastetxeko beste talde batzuen bizikidetza arloko prestakuntzaz arduratzea.

e) Zuzendariari laguntza eta aholkuak ematea, bizikidetzarako erregelamendua aplikatzeko. f) Ondoko dokumentuez arduratzea: ikastetxeko bizikidetza plana; haren urteko zehaztapenak, non arduradunaren lanerako plana egonen baita, eta urteko memoria. 1.2 Prebentzio neurriak. Hezkuntza komunitateko talde desberdinekin ondorengo prebentzio neurriak ezarriko dira: Zuzendaritza Taldearekin -Instruktore-lana ezagutarazi. - Prozedura arruntaren pausoak ezagutarazi - Gelako Araudiak adostu Irakasleekin - Bitartekaritza taldeak dinamizatu - Gatazkak bideratzeko formazioa. - Jolasgaraiko zaintzailekin 2. eta 3. ebaluazioan elkarrizketak. - Jolasgaraietako ihardunaldi bereziak. Ikasleekin -IKASLE TUTORE programa - Kurtso hasierako ateraldia. -Jolasgaraian ihardunaldi bereziak - Esku hartzeak saritu. Gurasoekin - Harrerako bileretan bizikidetza batzordea aurkeztu.

1.3 Bitartekaritza. 1. Eskolako bitartekotza eta hezkuntzako akordio edo konpromisoak neurri sustatzaileak dira, bizikidetza positiborako eta sor daitezkeen gatazketan beste konponbide batzuk ikasteko. 2. Bitartekotza gatazkak konpontzeko metodo bat da, non pertsona batek gatazkan dauden bi alderen artean parte hartzen duen, bientzat egokia den akordio bat aurkitzen laguntzeko. 3. Ikastetxeak bitartekotza eskainiko du aurreneurriak hartu, auzia konpondu eta onera ekartzeko estrategia gisa, bizikidetzarako arauen aurkako edo ikastetxeko bizikidetza orokorrarentzat oso kaltegarriak diren ikasleen jokabideek sortutako gatazkak konpontzeko. Orobat, harremanen arteko gatazketan erabiltzen ahalko da, bizikidetzaren aurkako jokabideekin zerikusia izan edo ez. 4. Bizikidetzaren kontrakotzat jotako jokabideek sortutako gatazken kasuan, bitartekotza eskusiboa izan daiteke, edo hezkuntzako beste neurri batzuekin batean, aldez aurretik, aldi berean edo ondoren. 5. Bizikidetzarako erregelamenduak 47/2010 Foru Dekretuaren 8. artikuluan jasotako bitartekotza prozesuekin batera aplikatzen den prozedura arautuko du, haren 15. eta 19. artikuluetan jasotako hezkuntza neurriekin batean, aukera hauek kontuan hartuta: a) Hezkuntza arloko neurria aplikatzea, bitartekotza prozesua ere abiatuta. b) Hezkuntza arloko neurria aldatzea, bitartekotza prozesuko emaitzen arabera. c) Hezkuntza arloko neurria geroratu eta berrikustea, bitartekotza prozesua bukatu arte.

Bitartekotza ez da inguruabar hauetan aplikatuko: a) Bizikidetzarako oso kaltegarriak diren jokabideetako bat, 47/2010 Foru Dekretuaren 17. artikuluan jasotakoa, izanez gero, foru dekretu horren 18.2 artikuluan aipatzen diren erantzukizunaren inguruabar astungarrietako bat gertatzen denean. b) Ikasturte berean ikasle berak behin eta berriro bitartekotza prozesua erabiliz gero, emaitza positiborik eskuratu gabe. c) Gatazkan diren alderdien arteko aldeak edo desoreka gaindiezinak direnean edo gomendagarria ez denean. d) Esku hartze judiziala dagoelako, desegokia den kasuetan.

1.3.2. Bitartekari taldeak. Ikastetxean Irakasle bitartekari talde bat dago baita iaksle bitartekari talde bat ere.

1.4 Elkarbizitzarako konpromisoak. 1. Ikasle batek jokabide arazoak edo arauak onartzekoak dituenean, ikastetxeek bizikidetzarako konpromisoak hartzea proposatzen ahalko diete familiei. Konpromiso horiek irakasleen, ikasleaz arduratzen diren beste profesionalen eta familiaren artean koordinatzeko mekanismoak ezartzea izanen dute xede, proposatzen diren neurrien aplikazioan laguntzeko, bai eskolan bai familian kontrolatzeko denboran. Ikasleak ere hartu eta sinatzen ahalko ditu konpromiso horiek. 2. Neurri zuzentzaileak aplikatzeko familiak duen erantzukizuna hartuko dute kontuan hezkuntzako konpromisoek. 3. Bizikidetza batzordeak ikastetxean sinatutako bizikidetzarako konpromisoen jarraipena eginen du eta, betetzen ez badira, beste neurri batzuk hartzea proposatzen ahalko du. 4. Orobat, adostutako prozedura bakoitzaren tramitazioa bukatzeko, bizikidetzarako konpromisoa idatzi beharko da abuztuaren 23ko 47/2010 Foru Dekretuaren 23. artikuluan ezarritako moduan.

1.5 Antibullying protokoloa. Bullying, Olweusek emandako definizioaren arabera: "Ikasle batek erasoak pairatzen dituela edo biktima bihurtzen dela esan ahal izateko, etengabe eta aldi batean jasan behar ditu beste ikasle batek edo batzuek ematen dizkioten tratu txarrak" Berdinen arteko tratu txarrek jarraian aipatzen diren ezaugarriak dituzte: Botere-desoreka: desberdintasun bat gertatzen da botere fisiko, psikologiko eta sozialari begira eta horrek indarren desoreka sortzen du pertsonen arteko harremanetan. Nahita egitea / Errepikatzea: nahita egitea, denboran errepikatzen den eraso baten bidez. adierazten da eta portaera horrek geroago beste eraso batzuen jomuga izango den beldurra sortzen dio biktimari. Defentsa-gabezia / Pertsonalizazioa: ikasle bakar bat izaten da normalean tratu txarren biktima eta horrela babesik gabeko egoera batean jartzen da. 7

Tratu txarrak saihesteko bi zeregin mota izan behar dugu martxan etengabe:

1. PREBENTZIOA Ondoren aipatzen diren neurri motak hartuko dira ikastetxean: - Eskola-elkartea sensibilizatzea. - Eskola-antolaketako neurriak - Ikasleek parte hartzeko eta beren arduraz jabetzeko neurriak. - Prebentziorako eta gatazkan dauden ikasleak banaka tratatzeko neurriak. 2. INTERBENTZIOA Ustezko tratu txarrak pairatzeko arriskuan dauden ikasleekin hitz egin ondoren, ikasleren batek tratu txarrak jasaten ari dela ikusten badu irakastaldeak, edota beste norbaitek eskatu baldin badu interbentzioa, ondorengo pausoak jarraituko ditugu: - Identifikazio-datuak biltzea. - Salatutako tratu txarren mota, larritasunari buruzkoak eta gertatu diren tokiaren inguruko datuak jasotzea. - Kasuaren azterketa eta premiazko esku-hartzea. - Zuzendaritza-taldeak, dagozkion tutoreekin batera bilera egingo dute, behar den eskuhartzea aztertu eta baloratzeko. - Behar izanez gero, Behin-behineko premiazko neurriak hartuko dituzte, balizko biktima babesteko edota erasoak ekiditeko. Neurri hauen guztien laburpena idatziz jasoko ditu zuzendaritzak. -Tutoreek edo eratzen den Jarraipen Batzordeak behar den zuhurtziarekin eta elkarrizketa zuzenaren bidez, kasua jakinaraziko die zerikusia duten ikasleen familia edo tutore legalei, egoerari eta hartzen ari diren neurriei buruz informazioa emanez. Hori idatziz bilduko du tutoreak eta laburpena firmaraziko zaie familiei. - Informazioa galdekizunen, elkarrizketen eta beste prozedura batzuen bitartez osatzea.Jasotako informazioa gurutzatzea. - Jarduera plana burutzea. -Ikastetxean edota arazoa gertatzen den geletan. 8

-Gatazkarekin zer ikusia duten ikasleekin. -Familiekin - Hezkuntza ikuskaritzari jakinaraztea. - Hartutako neurrien jarraipena eta ebaluazioa.

3. EBALUAZIOA - Hartutako neurrien jarraipena eta ebaluazioa.

2.-Bizikidetza erregelamendua. 2.1 Bizikidetzaren aurkako jokaerak. 2.1.1 Oinarrizko printzipioak. 2.1.2 Hezkuntza neurriak. 2.1.3 Prozedurak. 2.1.4 Hutsegiteak justifikatzeko prozedura.
2.1 Bizikidetzaren aurkako jokaerak 2.1.1 Oinarrizko printzipioak. a) Ikastetxeko Zuzendaritzak giro egokia bultzatuko du ikasteko, ikasleek gaitasunak eskuratzeko eta ikastetxean elkarren ondoan bizitzeko; eta gatazkak sortzen direnean, auzia elkarrizketaren bidez, akordioen bidez, bitartekaritzaren bidez, gatazkak bake bidez konpontzeko. b) Sortzen diren diziplina gatazketan edo arazoetan lehenengo esku-hartzearen arduraduna irakaslea izanen da, eta konpontzeko behar diren neurriak aplikatuko ditu bere erantzukizunaren eremuan. c) Ikasleek erantzukizunez jokatuko dute beren eskubideak erabili eta eginbeharrak betetzeko orduan. d) Diziplina gatazken ebazpenak erabakitzeko unean, Zuzendaritzak Orientatzaile, Tutore eta Bizikidetza Batzordearen aholkuak kontuan hartuko ditu.

Jokaera:
a) Ikasteko eginbeharra ez betetzea, edo bere ikaskideek ikasteko duten eginbeharraz eta eskubideaz baliatzea eragozten duen beste edozein portaera hartzea eskolak bitartean. Ikasle batek bere egin beharra ez badu betetzen, hau da, ez badu ikasten, ez badu denbora aprobetxatzen, eta bere ikaskide eta irakaslearen lana behin eta berriro oztopatzen badu, gelan bertan irakasleak ondoren azaltzen diren neurriak hartu ahal izanen ditu: 9

2.1.2 Hezkuntza neurriak

a) Irakasleak erabaki lezake jolasaldia kentzea. b) Irakasleak erabaki lezake ikasketa gelara bidaltzea (beti lanarekin), edo bere irakasgaiko saio batzuetara joatea debekatzea. (Gehienez hiru saioetara).

2.1.3 Prozedurak
A neurriari dagokiona: Irakasleak ikaslearen agendan oharraren bat idatziko luke. Bere jokaera desegokiarengatik atsedenaldirik gabe gelditu dela gurasoek jakin dezaten. B neurriari dagozkion prozedurak: Irakasleak ikaslea bere gelatik kanporatzen duen bakoitzean, ikaslearen gurasoei telefonoz jakinaraziko die zer gertatu den eta zer neurri hartu duen. Irakasleak ikasketaburutzan dagoen kanporaketa-txostena beteko du, eta ikasketaburuari emanen dio. Ikasleak lana egoki burutuko balu, zigorra ken liezaioke.

Jokaera:
b) Eskolara ez joatea edo berandu iristea justifikatu gabe. Eskolara ez joatea edo berandu iristea justifikatu gabekoa dela ondorioztatuko da idatziz desenkusatzen ez denean. Ikastetxeko Zuzendaritzak hutsegiteak justifikatzeko prozedura finkatuko du eta beharrezkotzat jotzen dituen neurriak ezarriko ditu hutsegiteak justifikatzeko informazioa biltzeko.

Neurriak:
Ikaslea klase-saioetara etortzen ez bada, eta faltak ez baditu justifikatzen, ikastetxeak neurri hauek hartuko ditu: Justifikatu gabeko 6 saioengatik: gurasoek idatzizko komunikazioa jasoko dute. 12 saioengatik: Hiru atsedenalditan, ikasketa-gelan, galdutako orduak berreskuratu beharko ditu. Hezkuntza neurria bete dela ziurtatzeko, ikasketagelan egonen den dokumentua, bai irakasleak bai ikasleak sinatuko dute. 18 saioengatik: Bortz atsedenalditan, ikasketa-gelan, galdutako orduak berreskuratu beharko ditu. Aipatutako dokumentua beteko dute. 24 saioengatik: Bortz atsedenalditan, ikasketa-gelan, galdutako orduak berreskuratu beharko ditu. Aipatutako dokumentua beteko dute. Tutoreak guraso edo ordezkari legalei, telefonoz, egoeraren berri emanen die. 30 saioengatik: Bortz atsedenalditan eta arratsalde batean, ikasketa-gelan, galdutako orduak berreskuratu beharko ditu. Aipatutako dokumentua beteko dute. 42 saioengatik: Bortz atsedenalditan eta bi arratsaldetan, ikasketa-gelan, galdutako orduak berreskuratu beharko ditu. Aipatutako dokumentua beteko dute. Ikasketaburuak eta Orientatzaileak bilera bat izanen dute guraso eta ordezkari legalekin egoeraren larritasunaz kontura daitezen.

10

48 saioengatik: Ikaslea DBHkoa izanen balitz, Zerbitzu Sozialei jakinaraziko litzaieke ikaslearen egoera zein den. Baina ikaslea Batxilergoa edo Lanbide Heziketa egiten arituko balitz, espedientea irekiko litzaioke. Eskola jardueretara behin eta berriz huts egiteagatik, ezinezkoa bada ikasle bati etengabeko ebaluazioaren prozedura aplikatzea, azken ebaluazioa egiteko eskubidea beti bermatuko da. Ikastetxeak azken ebaluazioaren egitura zehaztu beharko du, irakasgai edo modulu bakoitzaren izaeraren arabera. Hiru aldiz berandu iristeagatik, justifikatu gabe, falta bat konputatuko da.

Prozedura:
Zuzendaritzak hartutako neurria. Idazkaritzatik, gurasoek edo ordezkari legalek komunikazio idatzia jasoko dute.

Jokaera:
c) Eskolara behin eta berriz agertzea behar den materiala eraman gabe, hori ikasleari egotzi beharreko arrazoiengatik bada. Ikasleak ez baditu testu-liburuak, apunteak, ariketak behin eta berriro ekartzen, irakasleak ondoren azaltzen diren neurriak har litzake:

Neurriak:
a) Irakasleak, lehenengo 4 alditan, jokaera aldatzeko konpromisoa eskatuko dio. Klase ordu horietan, bertze ikaskidearekin jar dezake (liburua ahantzi badu) b) Irakasleak, 5. aldiz ohartarazi ondoren, klasetik kanpo lanarekin bidaltzea edo jolasaldia kentzea erabaki lezake.

Prozedura:
B neurriari dagozkion prozedurak: Irakasleak ikaslea bere gelatik kanporatzen duen bakoitzean, ikaslearen gurasoei telefonoz jakinaraziko die zer gertatu den eta zer neurri hartu duen. Irakasleak ikasketaburutzan dagoen kanporaketa-txostena beteko du, eta ikasketaburuari emanen dio. Ikaslea atsedenaldirik gabe geldituko balitz, irakasleak ikaslearen agendan oharraren bat idatziko luke. Bere jokaera desegokiarengatik atsedenaldirik gabe gelditu dela gurasoek jakin dezaten.

Jokaera:
d) Ikasleak lan gutxi egitea behin eta berriz, hala etxean nola ikastetxean. Ikaslea gelan dagoenean, inori molestatu gabe, baina ia-ia ezer egin gabe, edo hagitz gutxi eginez; eta egoera errepikatzen bada, bai klasean bai etxean; irakasleak ondoren proposatzen diren neurriak har litzake:

Neurriak:
a) Jokaera aldatzeko konpromisoa eskatuko dio irakasleak, lehenengo 4 alditan. b) Irakasleak, 5. aldiz ohartarazi ondoren, klasetik kanpo lanarekin bidaltzea edo jolasaldia kentzea erabaki lezake. c) Aldi baterako taldez aldatzea.

11

Prozedura:
B neurriari dagozkion prozedurak: Irakasleak ikaslea bere gelatik kanporatzen duen bakoitzean, ikaslearen gurasoei telefonoz jakinaraziko die zer gertatu den eta zer neurri hartu duen. Irakasleak ikasketaburutzan dagoen kanporaketa-txostena beteko du, eta ikasketaburuari emanen dio. Ikaslea atsedenaldirik gabe geldituko balitz, irakasleak ikaslearen agendan oharraren bat idatziko luke. Bere jokaera desegokiarengatik atsedenaldirik gabe gelditu dela gurasoek jakin dezaten. C neurria, Zuzendaritzak Orientatzailearen onespenarekin proposatuko luke.

Jokaera:
e) Azterketetan, probetan edo ariketetan kopiatzea edo beste ikasle batzuei kopiatzeko bidea ematea.

Neurriak:
a) Kalifikazio negatiboa. Neurri hau Departamentu bakoitzak bere programazioan zehaztuko du.

Prozedura:
Irakasleak azterketa, proba kenduko lioke. Neurriaren berri Tutoreari eta gurasoei jakinaraziko die.

Jokaera:
f) Pertsonen duintasunaren eta legez ezarritako eskubide demokratikoen aurkako adierazpen berariazkoak egitea, edo hezkuntza proiektuaren eta ikastetxearen beraren izaeraren aurkakoak. Jokabide sexistak, arrazistak, xenofoboak edo erlijioaren kontrako jarrerak, ikastetxearen izen ona kaltetzea edo zalantzan jartzea

Neurriak:
a) Aurrez aurreko elkarrizketa irakaslearekin edo tutorearekin. b) Irakasleak erabaki lezake ikasgelatik kanporatzea (beti lanarekin). (Gehienez 3 saiotan).

Prozedura:
Irakasleak hartutako neurria. B neurriari dagozkion prozedurak: Irakasleak ikaslea bere gelatik kanporatzen duen bakoitzean, ikaslearen gurasoei telefonoz jakinaraziko die zer gertatu den eta zer neurri hartu duen. Irakasleak ikasketaburutzan dagoen kanporaketa-txostena beteko du, eta ikasketaburuari emanen dio.

12

Jokaera:
g) Irakaslearen agintearen aurkako errespetu faltak, eta ikastetxeko langileei desobeditzea, beren eginkizunetan ari direla.

Neurriak:
a) Aurrez aurreko elkarrizketa irakaslearekin, barkamena eska diezaion. b) Irakasleak jokaera hori ez dela berriro gertatuko konpromiso-idatzia eskatuko dio. c) Irakasleak erabaki lezake ikasgelatik kanporatzea (beti lanarekin). (Gehienez 3 saiotan).

Prozedura:
Irakasleak hartutako neurria. C neurriari dagozkion prozedurak: Irakasleak ikaslea bere gelatik kanporatzen duen bakoitzean, ikaslearen gurasoei telefonoz jakinaraziko die zer gertatu den eta zer neurri hartu duen. Irakasleak ikasketaburutzan dagoen kanporaketa-txostena beteko du, eta ikasketaburuari emanen dio.

Jokaera:
h) Eskola elkartekoak diren edo haren zerbitzura jarduten duten kideak desegoki eta errespetu gabe tratatzea.

Neurriak:
a) Zuzendaritzak erabaki lezake jolasaldia(k) kentzea. b) Jarduera osagarrietan parte hartzeko eskubidea galaraztea.

Prozedura:
Jokaera hori ikusi duenak Lekukoaren jakinarazpena idatzi beharko du. Zuzendaritzak hartutako neurria. Neurriaren berri Zuzendaritzak jakinaraziko dio tutoreari eta honek gurasoei informazio emanen die.

Jokaera:
i) Taldekako absentzietan parte hartzea, zuzendaritzak baimentzen ez baditu.
Hezkuntza arloko erabakiekiko desadostasunengatik ikasleek greba egitea erabakiko balute, Zuzendaritzaren baimena izateko araudi honetan azaltzen diren pausoak errespetatu beharko lituzkete.

Neurriak:
a) Aurrez aurreko elkarrizketa tutorearekin. b) Lau atsedenaldien galera, galdutako saioak berreskuratzeko. c) Jarduera osagarrietan parte hartzeko eskubidea galaraztea.

Prozedura:
Zuzendaritzak hartutako neurria. Neurriaren berri Zuzendaritzak jakinaraziko dio tutoreari eta honek gurasoei informazio emanen die.

13

Jokaera:
j) Ikastetxeko langileei gezurrak esatea edo nahita informazio faltsua ematea, horrek eskola elkartekoa den edo haren zerbitzura jarduten duen kideren bati kalte larria eragiten ez badio.

Neurriak:
a) Aurrez aurreko elkarrizketa tutorearekin edo Orientatzailearekin. b) Jarduera osagarrietan parte hartzeko eskubidea galaraztea.

Prozedura:
Zuzendaritzak hartutako neurria. Tutoreak neurriaren berri gurasoei jakinaraziko die.

Jokaera:
k) Debekatuta dauden ekipoak (patrikako mobilak, mp3/mp4 edo antzeko tresnak), materialak, jantziak edo gailuak eramatea, salbu eta zuzendaritzaren baimena badu.

Neurriak:
a) Patrikako mobilak, mp3/mp4 edo antzeko tresnak eramateagatik klase saioetan eta ikastetxean, itzaltzeko erran eta irakaslearen mahaian uzteko agindua eman. Klasea bukatu ondoren, jasotzeko erran; baina gogoraraziz ikastetxera ezin dela horrelako tresnarik ekarri. Beraz, ikastetxeko arauak urratu direnez, hori zuzentzeko ondorengoa eginen da: b) Aurrez aurreko elkarrizketa irakaslearekin. c) Hiru atsedenaldien galera.

Prozedura:
Inplikatua izanen den irakasleak, idatziz, Zuzendaritzari jakinaraziko dio zer gertatu den. Irakasleak ikaslearen gurasoei, telefonoz, jakinaraziko die zer gertatu den. Irakasleak ikasketaburutzan lekukoaren jakinarazpena utziko du. C neurriari dagozkion prozedurak: Hiru atsedenaldietan, ikastetxeko sarrerako aulki gorrietan eserita egonen da.

Jokaera:
l) Ikastetxeko guneak, materiala eta ekipamendua erabiltzea baimenik gabe, edo hezkuntzakoak ez diren helburuetarako edo baimendutakoak ez diren beste batzuetarako.

Neurriak:
a) Aurrez aurreko elkarrizketa tutore edo Orientatzailearekin. b) Jarduera osagarrietan parte hartzeko eskubidea galaraztea.

Prozedura:
Zuzendaritzak hartutako neurria.

14

Tutoreak neurriaren berri gurasoei jakinaraziko die.

Jokaera:
m) Ikastetxeak jantziei buruz ezartzen dituen arauak ez betetzea. Ikastetxean arropa egokiak eta ariketa fisikoak egiteko eragozpenik sortuko ez duten jantziak erabiliko dira.

Neurriak:
a) Jantziei buruzko arauak betetzen ez badira, aurrez aurreko elkarrizketa tutorearekin. b) Ohiturak edo jokaera aldatzeko konpromiso eskatuko dio tutoreak ikasleari.

Prozedura:
Irakasleek eta tutoreak arauak gogoraraziko dizkiote. Tutoreak egoera zein den gurasoei jakinaraziko die.

Jokaera:
n) Norberaren higieneari eta garbiketari behin eta berriz arreta galtzea, nahita. Tutoretzan osasun eta garbitasunari dagozkien gaiak landuko dira.

Neurriak:
a) Higieneari eta garbitasunari buruzko arauak betetzen ez badira, aurrez aurreko elkarrizketa tutorearekin. b) Ohiturak edo jokaera aldatzeko konpromiso eskatuko dio tutoreak ikasleari.

Prozedura:
Irakasleek eta tutoreak arauak gogoraraziko dizkiote. Tutoreak egoera zein den gurasoei jakinaraziko die.

Jokaera:
) Ikastetxeko instalazio edo materialak, eskolako garraiobideak edo bisitatzen diren lekuetako ondasun edo instalazioak nahita hondatzea, baita eskola elkartekoa den edo haren zerbitzura jarduten duen edozein kideren gauzak ere, kaltea arina denean.

Neurriak:
a) Aurrez aurreko elkarrizketa tutorearekin edo Orientatzailearekin. b) Jarduera osagarrietan parte hartzeko eskubidea galaraztea. c) Jokaera hori autobusean gertatu bada, garraioaz baliatzeko eskubidea, aldi baterako, gal dezake. d) Ikastetxean egindako kaltea, edo hondatutako materiala konpontzeko, ikastetxera etortzea moldaketa-plana burutzeko.

Prozedura:
Jokaera hori ikusi duenak Lekukoaren jakinarazpena idatzi beharko du. Zuzendaritzak hartutako neurria. Tutoreak neurriaren berri gurasoei jakinaraziko die.

Jokaera:

15

o) Ikastetxeko instalazioen, ekipamendu, materialen edo inguruen garbiketa galaraztea, hala nola, eskolako garraiorako autobusena edo ikastetxearekin bisitatzen diren lekuena. Pintaketak egitea bereziko tratatuko dira.

Neurriak:
a) Aurrez aurreko elkarrizketa tutorearekin edo Orientatzailearekin. b) Jarduera osagarrietan parte hartzeko eskubidea galaraztea. c) Jokaera hori autobusean gertatu bada, garraioaz baliatzeko eskubidea, aldi baterako, gal dezake. d) Ikastetxean egindako kaltea, edo hondatutako materiala konpontzeko, ikastetxera etortzea moldaketa-plana burutzeko.

Prozedura:
Jokaera hori ikusi duenak Lekukoaren jakinarazpena idatzi beharko du. Zuzendaritzak hartutako neurria. Tutoreak neurriaren berri gurasoei jakinaraziko die.

Jokaera:
p) Ikastetxearen barrenean, eskolako garraiobideetan edo ikastetxeak antolatzen dituen jardueren bitartean tabakoa erretzea edo edari alkoholdunak edatea. Ikastetxean tabakoa erretzea, alkohola eta substantzia ilegalak hartzea debekatuta dago.

Neurriak:
a) Aurrez aurreko elkarrizketa tutorearekin. b) Bortz atsedenaldien galera.

Prozedura:
Tutoreak eta Zuzendaritzak hartutako neurria. Bortz atsedenaldietan sarrerako aulki gorrietan eserita egonen da. Tutoreak ikaslearen gurasoei, telefonoz, jakinaraziko die zer gertatu den.

Jokaera:
q) Ikastetxeak gurasoei edo legezko ordezkariei bidaltzen dien informazioa ez ematea edo ez jakinaraztea haiei.

Neurriak:
a) Aurrez aurreko elkarrizketa tutorearekin.

Prozedura:
Tutoreak gurasoei jakinaraziko die.

Jokaera:
r) Eskola jardueraren ohiko garapena nahasten duen beste edozein jokabide oker, ikastetxeko elkarbizitzarako bereziki kaltegarria den portaeratzat hartzen ez bada.

16

Neurriak:
a) Aurrez aurreko elkarrizketa tutorearekin edo inplikatutako irakaslearekin. b) Jarduera osagarrietan parte hartzeko eskubidea galaraztea. c) Garraioan gertatu bada, eskolako garraio-zerbitzua erabiltzeko eskubidea galaraztea. d) Egindako kaltea konpontzeko zenbait arratsaldetan ikastetxera etortzea.

Prozedura:
Lekukoak Zuzendaritzari Lekukoaren jakinarazpena emanen dio. Tutoreak edo Zuzendaritzak hartutako neurria. Neurriaren berri Tutoreak gurasoei jakinarazi die. Egindako kaltea konpontzeko, atezainei arratsaldeko lanetan lagundu beharko die.

2.1.4 Hutsegiteak justifikatzeko prozedura.

Ikasleen asistentzia faltak EDUCA programaren bidez kudeatzen dira. Hori dela eta, irakasle bakoitzak, astero, izan diren faltak hurrengo astelehenerako EDUCAn sartu behar ditu. Tutoreek, berriz, astero, asteazkenera arte izanen dute falta horiek justifikatzeko aukera. Bertzalde, astero, ortzegun goizean, idazkaritzan, aurreko asteko behinbehineko informeak tutoreei helaraziko dizkiete, eta tutoreek aztertu beharko dituzte, ongi dauden ala ez jakiteko. Ondoren, idazkaritzan behin betiko txostenak aterako dituzte. Eskolara huts egin edota eginen duen ikasleak Tutoreari emanen dio justifikazioa. Horretarako, agendan dagoen inprimakia erabiliko du edo gurasoek, aldez aurretik, idazkaritzan eskatutakoa. Hemezortzi urtetik goitiko ikasleek langileek justifikatzen duten moduan justifikatu ahalko dute. Ikaslea klasera etorri eta handik bi egunetako epean aurkeztu behar dira, beranduenez, justifikatzeko agiriak.

Asistentzia faltak eta ikastetxetik baimenik gabe ateratzea: a) Asistentzia falten kopurua EDUCAn ikus daiteke. Gainera, ebaluaketa bakoitzaren bukaeran, Buletinaren bidez emanen da. b) DBHko ikasleak ikastetxetik ezin dira atera. Beraz, patiotik edo ikastetxetik baimenik gabe aterako balira, espedientea irekiko litzaieke, elkarbizitzarako bereziki kaltegarria den jokaera baita. c) Jolasgaraian, DBHOko ikasleak Institutuko esparrutik atera ahal izanen dira, hala nahi izanez gero; baina zerbait gertatuko balitz, Zuzendaritzak ez luke erantzukizunik izanen.

17

2.2 Elkarbizitzaren aurkako jokaera larriak. 2.2.1 Oinarrizko printzipioak. 2.2.2 Hezkuntza neurriak. 2.2.3 Prozedurak. 2.2.4 Kautelazko neurriak. 2.2.5 Instruktoreak aukeratzeko sistema. 2.2.6 Espediente-administratiboaren prozedura.

2.2 Elkarbizitzaren aurkako jokaera larriak 2.2.1 Oinarrizko printzipioak. a) Ikastetxeko Zuzendaritzak giro egokia bultzatuko du ikasteko, ikasleek gaitasunak eskuratzeko eta ikastetxean elkarren ondoan bizitzeko; eta gatazkak sortzen direnean, auzia elkarrizketaren bidez, akordioen bidez, bitartekaritzaren bidez edo gatazkak bake bidez konpontzeko. b) Sortzen diren diziplina gatazketan edo arazoetan lehenengo eskuhartzearen arduraduna irakaslea izanen da, eta konpontzeko behar diren neurriak aplikatuko ditu bere erantzukizunaren eremuan. c) Ikasleek erantzukizunez jokatuko dute beren eskubideak erabili eta eginbeharrak betetzeko orduan. d) Diziplina gatazken ebazpenak erabakitzeko unean, Zuzendaritzak Orientatzaile, Tutore eta Bizikidetza Batzordearen aholkuak kontuan hartuko ditu. e) Kalte materialak egiten dituzten edo eskolako komunitateko edozein kideren ondasunak lapurtzen dituzten ikasleek kaltea ordaintzeko betebeharra dute. f) Bizikidetzari kalte larria egiten dioten jokaerak daudenean, salbuespen gisa, Derrigorrezko Hezkuntzaren Ondoko irakaskuntzan dabiltzan ikasleen matrikula indargabetu lezake ikastetxeak.

18

Jokaera larria:
a) Irakasleen edo haren agintearen aurkako edo eskola elkartekoak diren edo haren zerbitzura jarduten duten kideen aurkako irainak, kalumniak, ofentsak, isekak edo umilazioak, haien aurkako indarkeria fisikoa edo bestelakoa eta, halaber, haienganako jazarpen eta hitzezko edo egitezko jokabideak.

2.2.2 Hezkuntza neurriak

a) Egokia bada, neurri kautelarrak hartuko dira. b) Zuzendaritzak ohiko prozedura, hau da, espedientea martxan jarriko luke.

2.2.3 Prozedurak
Zuzendaritzak lekukoaren jakinarazpen idatzia jaso beharko du. Zuzendaritzak ikerketa martxan jarriko du. Zuzendaritzak instruktorea izendatuko du. Prozedura adostua onartzeko baldintzak betetzen badira, instruktoreak tutoreari espedientea martxan jarriko dela adieraziko dio. Gertatu dena azaltzeko eta eta bilera-eguna eta ordua finkatzeko tutorea familiarekin harremanetan jarriko da. Prozedura adostua onartzeko baldintzak betetzen badira, espedientea irekitzeko Hasierako dokumentua Zuzendaritzak instruktoreari emanen dio, honek, aurreko puntuan aipatutako bileran, ikasleari eta bere gurasoei emateko. Prozedura adostua onartzen badute, ikasleak bete behar dituen hezkuntza neurriak direla eta, bere gelatik ateratzen denean, bere kabuz ikasten aritu behar denetan, instruktoreak irakasleekin hitz eginen du ikasleak egin behar dituen lanak jasotzeko eta gero ikasleari emateko. Instruktoreak ere, prozedura hitzartuaren betetze-maila ikuskatu eta hitzarmena errespetatu den ala ez erranen dio instruktoreak Zuzendariari. Espedientean ezarritako hezkuntza neurriak onartzen ez badituzte, alegazioak jartzeko eskubidea dute; horretarako bi eskola eguneko epea izanen dute. Espediente arrunta irekitzen den bakoitzean, hau da, adostua ez denean, Zuzendaritzak espedientea irekitzeko idatzitako Hasierako dokumentua espedientearen ebazpen izanen da, eta idazkaritzatik posta zertifikatuan ikaslearen etxera bidaliko da. Egun berean, Zuzendaritzak Tutoreari zer espediente ireki den jakinaraziko dio, eta Hasierako Dokumentuaren kopia emanen dio. Honek gurasoei telefonoz jakinaraziko die, eta ikasleari Hasierako Dokumentua esplikatu eta entregatuko dio. Espedientearen ebazpena ikasleak eta bere gurasoek onartuko ez balute, bi egun izanen lituzkete alegazioak adierazteko Zuzendariari. Alegazioak aurkeztuko balituzte, instruktoreak ikerketa zabalduko luke, eta ebazpena Zuzendariari aurkeztuko lioke. Honek ebazpenaren berri idatziz aurkeztuko die ikasleari eta bere gurasoei. Ebazpena onartuko ez balute, Eskola Kontseiluari alegazioa aurkeztuko liokete. Eskola Kontseiluak bere iritzia aurkeztuko lioke Zuzendariari. Honek Hezkuntza Departamentuari aholkua eska liezaioke. Prozesuari amaiera emateko Zuzendariak bere azken ebazpena idatziz helaraziko die ikasleari eta bere gurasoei.

19

Espediente administratibo arruntetan ere, Ikasleak bete behar dituen hezkuntza neurriak direla eta, bere gelatik ateratzen denean, eta bere kabuz ikasten aritu behar denetan, instruktoreak hitz eginen du irakasleekin ikasleak jakin dezan zer lan burutu behar dituen. Bukatzeko, hezkuntza neurriaren betetze-maila ikuskatu eta errespetatu den ala ez erranen dio instruktoreak Zuzendariari.

Jokaera larria:
b) Eskolaldiko edo hezkuntzako jardueren barreneko testuak, irudiak, soinuak eta abar grabatzea zuzendaritzak baimentzen ez dituen erabileretarako, baita pertsonen bizitza pribatuarekin zerikusia duen edozein eszena grabatzea ere.

Neurriak:
a) Aurrez aurreko elkarrizketa Zuzendaritzako partaideekin. b) Grabatutakoa ezabatzeko erran, eginen ez balu, bide judizialetik joko genukeela erranen genioke. c) Egindakoagatik barkamena eskatu beharko luke. d) Zuzendaritzak ohiko prozedura, hau da, espedientea martxan jarriko luke.

Prozedura:
2.2.3. Prozedura jarraituko da.

Jokaera larria:
c) Aurreko atalean adierazitakoak baliabide elektronikoen bidez edo beste baliabide batzuen bidez hedatzea (adibidez, sare sozialak...).

Neurriak:
a) Aurrez aurreko elkarrizketa Zuzendaritzako partaideekin. b) Grabatutakoa ezabatzeko erran, eginen ez balu, bide judizialetik joko genukeela erranen genioke. c) Egindakoagatik barkamena eskatu beharko luke. d) Zuzendaritzak ohiko prozedura, hau da, espedientea martxan jarriko luke.

Prozedura:
2.2.3. Prozedura jarraituko da.

Jokaera larria:
d) Ikastetxeko instalazioak, materialak edo dokumentuak, eskolako garraiobideak edo bisitatzen diren lekuetako ondasun edo instalazioak nahita hondatzea, baita eskola elkartekoak diren edo haren zerbitzura jarduten duten gainerako kideen gauzak ere, kaltea larria denean.

Neurriak:
a) Zuzendaritzak ohiko prozedura, hau da, espedientea martxan jarriko luke. b) Hondatutakoa ordaindu, garbitu eta konpondu beharko luke.

20

c) Nahita eginiko kalte guztiak egin dituenak ordaindu beharko ditu. Kaltea egin duena nor den ezagutzen ez denean, gela, espazio edo korridore hori erabiltzen duten ikasle guztien artean ordaindu beharko dute egindako kaltea.

Prozedura:
2.2.3. Prozedura jarraituko da.

Jokaera larria:
e) Asmo txarrez eginak izateagatik, eskola elkartekoak diren edo haren zerbitzura jarduten duten kideen osotasun fisikoarentzat arriskugarriak izan daitezkeen portaerak.

Neurriak:
a) Zuzendaritzak ohiko prozedura, hau da, espedientea martxan jarriko luke.

Prozedura:
2.2.3. Prozedura jarraituko da.

Jokaera larria:
f) Ikastetxeko langileei gezurrak esatea edo informazio faltsua ematea nahita, horrek eskola elkartekoa den edo haren zerbitzura jarduten duen kideren bati kalte larria eragiten badio.

Neurriak:
a) Zuzendaritzak ohiko prozedura, hau da, espedientea martxan jarriko luke.

Prozedura:
2.2.3. Prozedura jarraituko da.

Jokaera larria:
g) Ikastetxeko gauzak edo edozein pertsonaren gauzak lapurtzea.

Neurriak:
a) Zuzendaritzak ohiko prozedura, hau da, espedientea martxan jarriko luke.

Prozedura:
2.2.3. Prozedura jarraituko da.

Jokaera larria:
h) Ekitaldi akademikoetan beste pertsona baten itxurak egitea eta agiri akademikoak faltsutzea edo lapurtzea. Bereziki larritzat joko da azterketen ereduak edo erantzunen kopiak lapurtzea, eta haiek hedatzea, edukitzea, erostea edo saltzea.

21

Neurriak:
a) Zuzendaritzak ohiko prozedura, hau da, espedientea martxan jarriko luke.

Prozedura:
2.2.3. Prozedura jarraituko da.

Jokaera larria:
i) Elkarbizitzarako bereziki kaltegarria den portaera baten jakitun edo lekuko izatea eta zuzendaritza taldeari ez jakinaraztea.

Neurriak:
a) Zuzendaritzak ohiko prozedura, hau da, espedientea martxan jarriko luke.

Prozedura:
2.2.3. Prozedura jarraituko da.

Jokaera larria:
j) Obedientzia ukatzeko portaerak, bereziki ezarritako hezkuntza neurriak betetzen ez direnean.

Neurriak:
a) Zuzendaritzak ohiko prozedura, hau da, espedientea martxan jarriko luke.

Prozedura:
2.2.3. Prozedura jarraituko da.

Jokaera larria:
k) Konstituzioan jasotako eskubide eta askatasunen aurkakoak diren edo terrorismoaren apologiatzat hartzen diren pintaketak edo idatzizko beste adierazpen batzuk egitea edo halako kartelak jartzea.

Neurriak:
a) Zuzendaritzak ohiko prozedura, hau da, espedientea martxan jarriko luke.

Prozedura:
2.2.3. Prozedura jarraituko da.

Jokaera larria:
l) Drogak kontsumitzea edo banatzea, tabakoa erretzea edo edari alkoholdunak edatea behin eta berriz ikastetxeko guneetan, eskolako garraiobideetan edo ikastetxeak antolatzen dituen jardueretan, edo portaera horiek hartzera bultzatzea. Ikastetxean tabakoa erretzea, alkohola eta substantzia ilegalak hartzea debekatuta dago.

22

Neurriak:
a) Aurrez aurreko elkarrizketa Zuzendaritzako partaideekin. b) Zuzendaritza edo Orientatzailea drogamenpekotasunari aurre egiteko dauden erakundeekin harremanetan jarriko lirateke, hauek inplikatuta dagoenari informazioa eta aholkuak eman diezaioten, osasun ohiturak berma daitezen. c) Zuzendaritzak ohiko prozedura, hau da, espedientea martxan jarriko luke.

Prozedura:
2.2.3. Prozedura jarraituko da.

Jokaera larria:
m) Elkarbizitzaren aurkako portaerak behin eta berriz hartzea.

Neurriak:
Lehen kanporaketagatik: gurasoek idatzizko komunikazioa jasoko dute. Idazki horren bitartez zer jokaera izan duen jakinaraziko zaie. Laugarren kanporaketagatik: Zuzendaritzak ohiko prozedura, hau da, espedientea martxan jarriko luke. Zuzendaritzak, ikasleari badagokio, prozedura adostua proposatuko lioke. Zortzigarren kanporaketagatik: bigarren espedientea irekiko litzaioke. Baina Zuzendaritzak ez lioke prozedura adostua proposatuko. Kanporaketa gehiago izanen balitu, bertze espedientea irekiko litzaioke.

Prozedura:
2.2.3. Prozedura jarraituko da.

Jokaera larria:
n) Ikastetxeko jardueren ohiko garapena zuzenean galaraztera bideratutako edozein egintza edo jokabide oker.

Neurriak:
a) Zuzendaritzak ohiko prozedura, hau da, espedientea martxan jarriko luke.

Prozedura:
2.2.3. Prozedura jarraituko da.

23

2.2.4 Kautelazko neurriak.

Behin betiko hezkuntza neurriak aplikatu aurretik, Zuzendariak kautelazko neurriak aplikatu ahalko ditu. Kautelazko neurriak honelakoak izanen dira: a) Ikaslea taldez aldatzea aldi baterako. b) Klase batzuetara edo ikastetxera joateko eskubidea etetea aldi baterako. c) Eskolaz kanpoko jardueretara edo jarduera osagarrietara joateko eskubidea etetea. d) Ikastetxeko zerbitzu osagarrien erabilera etetea.

2.2.5 Instruktoreak aukeratzeko sistema.

Toki Ona ikastetxean, ikasturtearen hasieran, klaustroko partaideen artean zozketa publikoa eginen da instruktoreak aukeratzeko. Beraz, instruktoreak zozketaz aukeratuak izanen dira, eta aukeratutako ordena errespetatuko da. Irakasle guztiak Zuzendaritzako partaideak, Orientatzailea, tutoreak, eta gurasoak izan ezik instruktoreak izanen dira.

24

2.2.5 Espediente-administratiboaren prozedura.

25

2.3 Bizikidetza bermatzeko zenbait puntu. 2.3.1 Taldeka egin daitekeen lanuztea. 2.3.2 Ikastetxean biltzeko proposamenak. 2.3.3 Adierazpen askatasuna. 2.3.4 Bertze jokaerak. 2.3.5 Eskolaz kanpoko jarduerak eta ekintza osagarriak. 2.3.6 Ikasketa-bidaia. 2.3.7 Garraioa. 2.3.8 Instalazioen erabilera. 2.3.1 Taldeka egindako lanuztea
Derrigorrezko Bigarren Hezkuntzako hirugarren mailatik aurrerako ikasleek eskolara ez joateko taldeka hartzen dituzten erabakiak ez dira justifikatu gabeko hutsegite gisa hartuko, baldintza hauek betetzen badira: a) Hezkuntza arloko erabakiekiko desadostasunengatik izan bada. b) Ikastetxeko Zuzendaritzan eta ordezkarien batzarrean aurkeztutako proposamena, deialdia egiten dutenek sinatutako idazki arrazoitu baten bidez. Idazkia hutsegitearen eguna baino gutxienez hiru eskola egun lehenago aurkeztu beharko da, eta deialdiaren arrazoiak, dei-egileak, eguna eta ordua aipatu beharko dira. c) Proposamena ikastetxean DBHko hirugarren eta laugarren mailetan eta derrigorrezkoaren ondoko irakaskuntzan matrikulaturik dauden ikasle guztien %15ek sinatu beharko dute gutxienez, edo DBHko hirugarren eta laugarren mailetan eta derrigorrezkoaren ondoko irakaskuntzan matrikulaturik dauden ikasleen ordezkarien %75ek. d) Ikasleek, bozketa sekretuaren bidez, eskolara ez joateko proposamena onartzea edo errefusatzea gehiengo osoz, ordezkariaren argibideak jaso ondoren. Guztirako emaitza eta gelaz gelakoa ikastetxeko zuzendaritzari jakinaraziko dizkio ordezkarien batzarrak, aurreikusitako jarduketak hasi baino bi eskola egun lehenago gutxienez. e) Ikastetxeko zuzendaritzak aztertuko du betebehar horiek betetzen diren eta, horren arabera, ebatziko du eskolara ez joate hori justifikatu gabeko hutsegitetzat hartzen den ala ez. Ebazpen horren berri DBHko hirugarren mailatik aurrerako ikasleei, irakasleei, ordezkarien batzarrari eta ikastetxeko guraso elkarteetako buruei jakinaraziko zaie idatziz. f) Dena dela, ikastetxeko Zuzendaritzak behar diren neurriak hartuko ditu eskolara huts egiteko erabakia betetzen ez duten ikasleek 47/2010 Foru Dekretuan, 4. artikuluan, aipatzen diren eskubideak erabili ahal izan ditzaten.

26

2.3.2 Ikastetxean biltzeko proposamenak.

Ikastetxean biltzeko eskubidea bermatzeko bete behar diren baldintzak: a) Ikasleen ordezkariek elkartzeko asmoa dutela adieraziko dute. b) Lehen atsedenaldian bilduko dira, beharrezkoa bada denboraldi hau luzatzen ahal delarik. c) Ordezkariek, gaia gelan eztabaidatu nahiko balute, partaide guztien gehiengo absolutuak onartu beharko luke eta Zuzendariaren baimena izan beharko lukete, hau baita eztabaida horren egokitasuna erabakiko duena. d) Institutuan burutuko den eztabaida laugarren saioaren hastapenean hasiko da, eta beharrezkoa den denbora eskainiko zaio, beti ere eskolaldiaren iraupena gainditzen ez badu. e) Gaiak eztabaidaren osteko bozketa bat eraginen balu, delako bozketa bosgarren orduan izanen litzateke. f) Bozketa, edozein kasutan, sekretua izanen da. g) Bi ordezkari bilduko dira botoen kontaketa egin eta Zuzendariari, hala nola gainerako ikasleei, azalduko zaien jakinarazpena idatz dezaten. h) Zuzendariari idatziz eginiko jakinarazpena emanen zaio, delako jakinarazpenean zenbaketaren behin betiko emaitzekin hala nola interesgarri izan daitekeen bertze edozein informaziorekin. i) Eskola-uzte orokorretan, eta beharrezkoak diren arazoak eztabaida ditzaten, ikasleek Institutuan biltzeko daukaten eskubidea onesten da, baldin eta Ordezkariek eta hutsegitearen segimendurako izendatuko luketen batzordeak nahitaezko baimena eskatzen badute. j) Ikasleek biltzeko daukaten eskubideari dagokiolarik, bilerak Ikus-entzunezko aretoan buru daitezke. Bilerak egin ahal izateko dagokion baimena Institutuko Zuzendariari eskatuko diote, delako baimena 10 ikasleren sinadura eta honelakoetarako egokituko den gelaren ardura izanen duenaren izenarekin batera. Partaide gehiegi badira, bilera sarrerako atarian eginen litzateke. Kalterik balego, Zuzendariaren aurrean eskaeran izendaturiko arduraduna izanen da erantzule, edota bileran izan direnak.

27

2.3.3 Adierazpen askatasuna

Adierazpen askatasuna erabiltzeko modua, guneak eta tokiak. a) Ikasleak adierazpen idatziaren eskubideaz baliatu ahal izanen dira; horretarako, sarbideetako ateetako kristalak erabiliko dituzte, beti ere Zuzendariari informazioa emanez eta baimena eskatuz. Zuzendariak ikusten badu, Giza Eskubideak errespetatzen direla, ez dela ikur politikorik, erlijiosorik ageri, eta ez direla diskriminatzaileak baimenduko ditu, bertzela ez. Adierazpen idatzietan, zabaldu nahi den mezua gatazkatsua izan daitekeela ikusten bada, baimenduko da bakarrik ikuspuntu eta sentsibilitate guztiak azalpen berberean agertzen badira. Zalantzak izanen gero, Eskola Kontseiluan eztabaidatzea eta han erabaki finala hartzea eskatuko da. b) Institutuz kanpoko pertsonek Zuzendariari informazioa eman, eta baimena eskatu beharko diote. Kasu honetan ere, irizpide berberak kontuan hartuko dira.

2.3.4 Bertze jokaerak.

a) Normalki, klaseen arteko tarteetan ez da gelatik ateratzerik izanen, ezta irakaslea bertan ez dagoenetan ere. Larrialdiren bat dela medio, ikasleren batek ikasgelatik irten beharra izanez gero, horretarako baimena irakasleari eskatuko dio. b) Atsedenaldietako Plana. Ikasturte bakoitzean ezarriko da Urteko Programazio Orokorrean. c) Atsedenaldietarako, txirrinak jotzen duenean, irakasleak azkenekoak izanen dira gelatik ateratzen eta atea giltzaz itxita utziko dute. Zerbaitengatik ikasleren bat gelan gelditzen bada; adibidez, hezkuntza-neurriren bat betetzen, irakaslea berarekin geldituko da. d) Ikasgelarako sarrera eta irteera unetan, hitza eta zarata neurtuko da, bertze taldeak ez molestatzearren. e) Ordena asaldatu eta institutuaren martxa ona kaltetuko luketen oihu, joko eta edonolako ekintzak galaraziko dira institutuaren esparruan (pasabideetan, eskaileretan, ikasgeletan). f) Ordena, heziketa, segurtasuna eta errespetuagatik ez da leihoetan egoterik izanen. g) Kontrolik gabeko ikasleen pasabideetako egonaldiak saihestu egin behar dira. h) Institutuan, ordena eta garbitasuna norberaren eta bertzeen lanerako ezinbertzeko baldintza dira. Horretarako, ikasle bakoitza ikasketarako eta arreta mantentzeko barne giro egokia sortzen ahaleginduko da. i) Ikasgela, mahaia , liburuak. ... e.a. garbi eta txukun mantentzea eta ikaskideen gauzekiko begirunea izatea norberaren eginbeharra da. Ikasgelan sartzean, zerbait sumatuz gero, zuzenean irakasleari erranen zaio aitzinetik 28

egon den taldearen ardurapean uztearren. j) Ahal den neurrian, ikasleek ez dute lanabesik utziko ikasgelan. Hala balitz, ezer gertatzekotan, bere ardurapean geratuko litzateke. k) Ikasgela batean sartzeko eta bertan burutzen ari den lana eteteko, barruan dagoen irakaslearen baimena beharko da. k) Irakasleen Departamentuak irakasleentzat bereizitako lekuak dira. Bertan egoteko, baimena beharrezkoa da.

2.3.5 Eskolaz kanpoko jarduerak eta ekintza osagarriak. a) Departamentu, Guraso eta Ikasleen Elkarteetako proposamenak bildu ondoren,
Eskola Kontseilua izanen da eskolaz kanpoko jarduera eta ekintza osagarrien programaketa eta garapenerako nondik norakoak zehaztuko dituena. Eskola ordutik kanpoko jarduerak Eskola Kontseiluak onartu behar ditu eta honek erabakiko du, halaber, derrigorrezkoak diren ala ez. b) Adin Txikiko ikasleak, Institututik irteteko, Eskolaz kanpoko jarduera eta ekintza osagarrien kasuan, guraso edo tutore legaleen baimena beharko dute. Jarduera horietan, 20 ikasleko irakasle laguntzaile bat beharko da. c) Aipatutako jarduera hauek eskolako ordutegi arrunta aldatuko balute, antolatzen duen Departamentuburuak, 15 egun lehenago, Zuzendariordeari proiektua aurkeztu beharko dio horretarako dagoen txostena erabiliz, Zuzendaritza Taldeak onartzeko. Era berean, Departamentuburuak inplikatuta egonen diren irakasleei jakinarazi beharko die. Ekintzagatik klaserik gabe gelditzen diren irakasleak zaintzako lana izan lezakete ordu horietan.

2.3.6 Ikasketa-bidaia. a) Ikasketa-bidaia izateagatik, bidaiak, batez ere, kulturala izan behar du.
b) Ikasleei laguntzeko irakasle edo gurasoak joanen dira, 15 ikasletik guraso edo irakasle bat joanen da. c) Dagokion kurtsoan matrikulatutako ikasleen % 55ak, guttienez, parte hartu beharko du bidaian. d) DBH 4. mailako tutoreek dagokion ikasturteko urtarrilaren 30a baino lehen, Eskola Kontseiluari bidaiaren proiektua aurkeztu beharko diote. Bertan, puntu hauek zehaztuko dira: - Bidaiaren nondik norakoa eta datak. - Parte-hartzaileak. - Aurrekontua. - Finantzaketa - Bi arduradunen izenak. e) Eskola Kontseiluak, ikasturte bakoitzeko, elkarren artean ordaindutako ikasketabidaia bakar bati emanen dio baimena. Hau da, DBH4. mailakoenari. f) Ikasle errepikatzaileek bere hasierako taldearekin ikasketa-bidaia egiteak dakartzan nahasteak kontutan izanik, zera erabakitzen dugu: Akademikoki bezalaxe, errepikatzen ari den urteko taldekoa dela. g) Bidaiak, Iaute, Aste Santu edo, nahi izanez gero, udako oporretan eginen dira. Noizbait, eta halabeharrez, bidaia egun bat edo gehiago luzatu beharko balitz, Eskola Kontseiluaren baimena beharko litzateke.

29

h) Hemen aipatutako baldintzak betetzen dituzten bidaiek, finantzaketarako, Institutuaren izena erabil dezakete. Horretarako, aldez aurretik, Zuzendariari eskaera aurkeztu beharko diote, eta nola erabili behar duten adierazi ere bai. i) Aurkezten den proiektuan bi arduradunen izenak azalduko dira, hauek izanen baitira informazioa helaraziko diotenak Eskola Kontseiluari, eta, era berean, Eskola Kontseilua beraiekin harremanetan jarriko da. j) Ikasketa-bidaian parte hartuko duten ikasleek guraso edo legezko tutoreen baimena aurkeztuko dute. k) Ikasketa-bidaiaren prestakuntza ikasturtearekin batera hasi eta honen gauzatzearekin bukatuko da. l) Pisuzko arrazoiak direla eta, bidaia egingo ez balitz, kuoten bidez ordaindutakoa itzuliko litzateke. m)Borondatez eta libreki edo hezkuntza-konpromisorik ez betetzeagatik, izena eman ondoren, ez joatea erabakiko balu, jarritako dirua galduko luke. n) Finantzaketarako eta guraso edo Institutuari laguntza ekonomikoa eskatzeko, Institutuaren izena bakarrik erabil dezakete arautegi honetan oinarriturik IkasketaBidaia antolatzen duen ikasleriak. ) Laguntzaileek bidaiarako arauren bat jarri nahi balute, onartua izanen litzateke. o) Laguntzailerik egonen ez balitz, Eskola Kontseiluak erabakiko luke zer egin.

2.3.7 Garraioa.
a) Autobusek eskolak hasi baino 5-10 minutu lehenago heldu behar izanen dute Institutura. Eskolatik irtetean, autobusek zentroko atean egon beharko dute zain. b)Diziplina aldetik, autobusa Institutuaren barneko esparru bat bezala kontsideratzen da. Beraz, bizikidetza-erregalamendu berbera aplikatuko da. c) Urteko Plan Orokorrean funtzionamendu arauak ezarriko dira.

2.3.8 Instalazioen erabilera.

a) Idatziz aurkeztutako eskariaren aitzinean, Zuzendaritza Taldeak eman beharko du baimena. Egoki ikusiko balu, ekonomia batzordeak zehaztuko dituen gastuak kobratu ahal izanen ditu. Baimena 2/1995 Foru Dekretuak dioena kontuan hartuta emanen da.

30