Good News From Afar (Proverbs 25:25)

Siyin Region Baptist Association

December 2012 A NUAM MAMA DECEMBER Ih nuntak hun sungah khua ih ngaisut kikciang buaina, haksatna, natna, thinngimna, nopna & daana a phultha ngawl ki omngawl hi. Ahizong Immanuel Pathian nei ih hikom tu ni nang le kei tha lakik in kal suan tektawng ci in hi kammal taw a ki hanthawn hi tawng. A (32) VEINA MF-CWS 22-25 November 2012 hun sung teng ... Lai natna taw thunget sak tawng..Neh.1:4 bulphu in Voklaak Baptist Church ah a (32) veina SRBA-MF Combined Worship Service om a, Pawlpi simpan Pasal te paitek in, mimal (46) paithei a, Voklaak Pawlpi pan in Sa le An taw nasia tak leangna do ci kiza a, apai Pasalte hampha kisa mama cithu kiza hi. Thusinna Rev. Thang Za Pum (AGS) in Cult taw kisai, Rev.D. Cin Za Dal (GS) in Thunget ziataw kisai, Rev. Langh Go Laang (MFSecy.) in Kim le paam kepcin zia, Rev.J.Nang Khai (CSSDD) Men & Communication , Pr. Ngin Khan Thang (Leidaw) te in lampui a, Pasalte Thathu ah thathak ngatek ci thu kiza hi. Hi hun sungah Pasal te in amate Talent tektaw van manpha tuatuam kengtek uh a, hi vante zuak in MF fund in koi cithu kiza hi. CE SECRETARY TOT TENTAN 20-25 November 2012 hun sungteng ZBC-CE Department ih lampui nataw in TOT Training Shita (LBA) ah kivawt a, tua sungah Rev.Dr. Robert Khua Hnin Thang (LBA) Rev. Langh Khan Mung (SKVBA) te in Tentan pia hi. SRBA pan Pr. Dim Hau Cing (WF Secy.), Rev. Pau Za Cing (Buanman), Pr. Esther Cingh Khan Dim (Voklaak), Syama Ciin Nuam Cing (Limkhai Zo), Lia Cing Leuh (Hiangziing) te paithei cithu kiza hi. MBC PAN MEDIA TENTAN HONGVAWT 21-25 November 2012 hunsung MBC, ZBC le FBA Joint Program (Media Seminar) FBA zum ah Print Media, Electronic Media taw kisai Tentan vawt a, Tentan Sya MBC pan Rev. Phun Lam Awi , Sm. May Nan Si, Sm.Thit Suh Khaing le Sya San David te hi a, Tentan ka mimal (42) pha a, tua sungah SRBA tang in Pr. Hang Do Pau (YF) kathei cithu kiza hi. GS PA GCCF VAI TAW KHUALHAW 26 November 2012 ni Rev.D.Cin Za Dal (GCCF Treasurer) le Rev.Dr. Hla Aung (GCCF Secretary) te (TBC,Tedim) ah Global Chin Christian Fellowship (GCCF) sung hong tum thei natu vai maitang kisi thu kikupna nei puithei cithu kiza hi. 2012/10 SIZAANG NGAM SUNG SKYNET KITHUA Pr.Ngin Khan Thang@Sya thangthang (Leidaw) in lampui a, u le naute hanciamna taw Leidaw pan Sky Net 2 November ni hong thua hi. 23 November 2012 ni Voklaak ah SRBA-MF kikhop hunsung hong keng a, nuam tatak kizangh thei hi. 28 November 2012 ni Buanman, Thuklai teng sin zawk ciang,Tg. Lian Suan Mung s/o Rev.Joseph Pum Hau(Khuasak) ih sapna tungtawn in Sya Thangthang (Leidaw),PaKhuppi(Leidaw),Tg.Samuel (Limkhai) te Khuasak ah pai a, Skynet thuasak in, thakhat ciang Ks.20,000/- taw ih uk zaza kizangh thei a, Khuasak pan nuamtak kizanghthei zo cithu kiza hi. HAUSA UPA TE MEETING VAWT Myo Nee pan hong vaihawmna tungtawn in Khuasak, Lophei, Hiangziing, Taingen khua (4) teng Uksuh khat in a ki om napan Uksuh kikhen tu ci thu hong omsakna tungtawn 28 November2012 ni Hausa Upa teng Taingen ah Meeting vawt a, kikhen ngawl in omngei banghma omtu Myo Nee ah tento kiktu in khensatna nei cithu kiza hi. MF GOSPEL MABAN ZOMKIK 3-7 December 2012 hun sungteng SRBA-MF te New Suangpi, Bekan,Sualiim, Taingen, Theizang, Pawlpi tengah Gospel vak a, tua sungah Rev.D. Cin Za Dal (GS), Rev. Langh Go Laang (MF), Upa Kim Za Nang (Buanman), Upa Ngo Suangh (Voklaak), Upa Cin Khua Lian (Pumva) te paithei a, Pawlpi mite thanga tek mama uh cithu kiza hi. MISSION EXALTATION PAITHEI 8-10 December 2012 hun sungteng Tamu Siyin Baptist Area (TSBA) Pawlpi (5) tengah Zum naseam OB teng paithei a, anuai abangh in Pawlpi teng ah paitek uh hi. Jangnuam Pawlpi ah Rev. Langh Go Laang, Phaijang Pawlpi ah Rev.D. Cin Za Dal, Tungkyaw Pawlpi ah Rev. James Nang Khai, Muallian Pawlpi ah Rev. Thang Za Pum te paithei a, Communion piakna neithei tek uh hi. Nanphalong Pawlpi ah Pr. Dim Hau Cing le Pr. Hang Do Pau te paithei a, Pawlpi sim ah Pathian thutaw thapiakna neithei tek cithu kiza hi. ARTICLE & NEWS NGETNA The Siyin Baptist, Nikonghong le Siyin News sungah suasak tu thu manpha nam tuatuamte nong puak tek natu hesuak hong ngen khu hi.

SIAL KHAT ANPAL IN KIPIA 2012 kum SRBA-MC Sunday ni Pr. Cin Thian Nang (Church Pastor, Taingen) tungah Pawlpi Upa Kap Cin Nang (Church Secretary) te innkuan in Topa thu a itna le a Syapa a itna taw Anpal Sialkhat pia cithu kiza a, Pawlpi dangte zongh nah ettee huai mama citek lialua cithu kiza hi. BRANCH II ATU DONATION 5-6 November 2012 hun sung teng Rev.D.Cin Za Dal GS & Rev.James Nang Khai Treasurer te Tedim ih suapui (Tedim Sizaang Innkuan) ah Branch II atu donation khon in paito a, Pu Hang Za Nang, (Iwa) ah lum in kul le kisamh babang lampuite in vaihawm pui uh hi. Tedim pan Ks. 342,000/- kinga ci thu kiza hi. 32 SRBA-MF TALENT & KUM 70 25 November 2012 ni A (32) veina SRBAMF kikhoppi sungah Talent taw kisai a nuai a bangin hong pua tek hi. Pa Mang Za Ngin Sualiim Khuithi1, Pa Kam Pau Voklaak Sahun tokhum 1, Pa Awn Lam Cin Voklaak Thau vui hai 1 & Piantit Aluu toai 1, Pa Suan Za Nang Voklaak Ziibaw kung 1, Pa Hang Khat Pum Voklaak Sailika 1, Pa Son Cin Thang Bekan, Heinga 1 & Pa Kam Thawn Nang Khuasak, Mango Pikcle ci bang hong kengtek uh hi. Hi Talent teng sia kizuak kik pai a, Khuithil Pa Cin Ngo Voklaak in Ks.6030/-, Sahun tokhum Pa Awn Lam Cin Voklaak Ks.4000/-, Thau vui hai 1 Pa Mang Nang Ks.4000/- & Piantit Aluu toai 1 Pa Thawng Khan Khup, Ziibaw kung 1 Pa Ngo Za Pum Khuasak Ks.1500/-, Sailika 1 Ks.500/Rev.Thang Za Pum, KSBC , Hei nga 1 Ks.2000/& Mango Pikcle Nu Vungh Do Cing Voklaak in Ks.3000/- tan uh hi. Talent taw kisai vanh kuama in kipua kim zo ngawl ahikom sum in kikaikhawm a, a kingateng MF fund atu a pia misim theampo Topa in thupha hong piaksak tahen.Amen Hi SRBA pasal kikhop hun sungah kum (70) tung sia khual pan (8) le Voklaak pan nisim thusinna hong pai (5) a kingawm kum (70) val mi (13) teng Voklaak Pawlpi in telno khat tek pia ci thu kiza hi. SRBA CHRISTMAS 15 December 2012 ni kumsim Zumpan vawtngei ahi SRBA Christmas sia SRBA-OB &Family teng le OC teng taw Branch Office II (Taungphila) ah SRBA Christmas nuamtak vawt a, tua sungah anneak tu in Tg. Suan Do Vai s/o Nu Man Kang Cing (Khuasak) in Voksa 5 Viss sik a, khat le khat (Gift Exchange) piakna zongh neithei tek uh a, thanop huai mama cithu kiza hi. CONTRIBUTION 2013-14 Budget year atu YSBC pan in 20 October 2012 ni SRBA ah Contribution Lahk (50) hong ngawmtua zo ahikom mipite heaktu in Siyin News pan kong thangsak uh hi.

ZA KHANG 18 October 2012 ni Sya Hau Cin s/o Syapi Ngin Za Nang tapa Medical Social Officer Hakha a, a za khang ahikom Siyin News pan in ki lungdam pui mama cithu ih thangsak hi. TELEPHONE NEI THAK 01. Theizaang Baptist Church 02. Nu Cing Za Ciin,Khuasak 03. Syapi Lam Za Khai, Thuklai 04. Sya Khai Khan Tun, Thuklai 05. Nu Ciang Sial Cing, Thuklai 06. Pa Vum Pum, Limkhai Zo 07. Sya Hau Cin, Hakha 08. Pa Thang Khua Pau, Tahan

09400537365 0947092059 0947173592 0947173591 0947173593 0947073724 09400311559 0947080637

SRBA-CE DVD VOLUME II SRBA-CE lampuina taw DVD Volume II na sia Bo Cin & Sya Cin Suan Pau@Pupu te in amasa teng la (14) hong kithak zo a, ahaingawl in Video hong kizai tu ahikom Pawlpi sim pan lampuite in hanciampui tek tawng. SPECIAL SUNDAY Kum sim ih vawt ngei ni thupi pawl khat teng sia a nuai a teng hi a, 2 December Tanga te atu thunget sak ni, 9 December ni ZBC-CE nipi & 25 December ni hunpi Sumpi tengsia Kachin ih suapuite huuna ih puak tu sum hitu hi. Akua mapo in Special Sunday sumpi teng peuma amanlang theibel zum ah puak tek tawng. SACC Flag SACC dial (Flag) taw kisai {A tung= Asan, Alai Akaang, Anuai=Ahing Alaizaang ah Aksi 5 ngual pheitu (Red,White, Green )} Biakna sangpan a khiakna sia Asan = Jesus Chisan, Akaang= Mawnamai, Ahing= Liimci, Aksi 5 ii khiakna sia Sizaang sungah ukpi 5 cinopna hi. CHRISTMAS CRUSADE 29 November 2 December 2012 hun sungteng Tahan Siyin Baptist Church (TSBC) Pawlpi ah Pr. Pau Lian Tuang le Sya Mang (Grace Baptist Church) te lampui ... Leitung lungdam Topa hongpai ... Luke 2:10 in Christmas Crusade thanop huaitak vawtthei a, sun hunteng thusinna leh nitak sim biakpiak khopna neithei a, Pawlpi mite thanga lungdam tekmama cithhu kiza hi. NISIM THA- AN Nisim Tha-an Dec, Jan, Feb 2012-2013 kihawm kikthei zo a, adeithua ih omlai le kinga lai hi. MITHI 01.Nu Cing Thian Huai (kum-52) (112A-24) d/o Pa Thuam Khai (Thuklai ) in 24 November 2012 ni Leipui a inn pan leitung hong nusia hi. 02. Pa Pau Cin Thang (kum-45) (93-23) s/o Pa Lua Ngin (Limkhai Zo) in 1 December 2012 ni Limkhai Zo pan Leitung hong nusia hi.