ZAM Hotline 016-293 9027 ZAM Office 03-2142 6659

Email: zomiassociationmls@gmail.com

Volume 7, Issue 28
RST na interview zawhciang ngakdan ding: RST na interview zawh kha 6 cing khina, zum pan bang mah Awging na zaknai keileh, kipawlna zum pan lai khiasak lecin hoih ding hi. Global Chin Christian Fellowship(GCCF) in member ding zotna: Hih atunga thulu tawh kisai-in Global Chin Christian Fellowship(GCCF) pan General Secretary asem Rev. Dr. Hla Aung (Principal, Chin Christian College) leh Rev. Za Mang (Malaysia)te' mi 2, December 07, 2012 (Friday) ni zingsangin ZAM zumah ong hawh uha, GCCF ngimna, tupna leh asep nopte ong genkhit ciang nasep khop ding, pawllut nopleh lut ding ong zawn uhhi. Hih ongzotna tawh kisai-in, December 07, 2012 (Friday) ni mahin Zomi Association of Malaysia (ZAM)makaite thu kikupna kinei paha, ei Zomi te ading aom khinsa leh Leitungbup Zomi khempeuh kipawlkhopna 'Global Zomi Alliance'(GZA) tawh kalsuana nasem khawm khinsa ihih manin, member lutloh dingin ki khensat hi. Zomi Corner Computer Service kizom kik theita: Monday -Wednesday (9:00am-5:00pm) hun sungteng (Order kisang ta) nasep ki-ap theita hi. ThursdaySaturday nasepsate kaihkhop (lakik thei) hun hiding hi. Thukin (urgent) aom leh Sunday zong, kiholim khitteh ahun zui-in kikalsuan ding hi. Contact person: Nangtak, 017-432 6561. ZEC-Cheras sangap hunding: December 26-31, zing sang nai 9:00am 5:00pm, ZEC-Cheras Office ah. Mi ki ciangtan hi, Sang naupang luite zong ki-ap kik kul ham tang ding hi. Member Card tawh kisai zaksakna: 2013 January 01, ni pan kipan ZAM Card athak bawl man/athak laihman RM50/(sawmnga) hita ding hi. Kum (60) tungsiah leh naupang Kum (12) nuaisiah te ading akibang hidinga RM10/-(sawmkhat) hiding hi. Card (nungtalai) kisiasak/mangsak cihte RM10/(sawmkhat) hiding hi. ZAM iNfO Zaksakna: ZAM zum, December 19, 2012 Wednesday ni bup kikhak ding hi. ZAM iNfO ZOMI CUP 2013 A(2)veina Kikupna pan Khentat Thute: Gelnasa ommah bangin December 3, 2012 ni-in ZEC-M inn deipi sungah Zomi Cup 2013 vaihawm zia ding kikupna A Nihveina ki neikhawm thei hi. Zomi Cup pen, a kum lina ding a masuan ihih mah bangin, Malaysia aa gambel Zomi te-in, vaihawm khop siamna ih lak toto zo leuleu hi. A beh, a pawlpi, a khua cihte ciangbek hilo Zomi bup aitang mipi vai hawm khop ding thu ih neih ciang, ki sap kikkik, ki zaksak kikkik, inntek zaw, lengla zaw cih omlo bek thamlo hun zong ki zahtak semsem cihpen ih khantohna a kimu leuleu ahihi. Kikupna hunsung, zum lam panin Sia Hau Khai, Sia Kam Mung leh Sia Tuang te-in mapina neithei uh aa, vaihawm zia leh kikupna a paizia picing leh nuam mahmah pah hi. A kisapna a om ciang kuppihna hong nei zel Tg. Kham in zong phone-video tawh kikupna a man dong hong tutpih hi. Kikupna sungah, anuai-a Khua Kipawlnate pan Makai/ Tangmi/Tukpeng makaite kihel thei hi; Anlangh, Buanli, Buanman Siallum, Dimlo, Haupi, Khuadam, Laaitui, Laibung, Langzang, Limkhai, Mualbem, Mualpi, Nguasing, Phunom, Pimpih, Pyidawtha, Saizang, Singunau,

December 16, 2012

Suangpi, Taakkhawl, Thalmual, Tuimang, Tuimui, Tuipi, Tungtuang, Tungzang, Valvum, Vangteh, Voklaak. Kikupna hong kihel nuam taleh hun ngahlo aa hong zasak Pang sak, Phaiza A leh Phaiza B Khua Kipawlna thum omin, hong zak sakloh hang Zomi Cup 2013 a lutsawm Khua Kipawlna pawlkhat omlai dingin ki ummawh hi. Zomi Cup 2013 pen, abeisa Zomi Cup te sang Team tamzaw hamtang ding hita hi. Tuamah bangin, vaihawm zia zong a haksa semsem ding pawlkhat hong om ding hi. Tua tawh kizui-in, kikupna sungah, committee panin tua teng thu ki khentat hi, tua thute zui ni cih bangin thu ki vaihawm ngeilo hi. A vai omding, a thu omding khat pen ki pulak khia aa, tua panin Khua Kipawlna makai khempeuh tawh lungkim penpen atun dong ki khentat ngeilo hi. Tutung kikupna pan, Zomi Cup 2013 akihel ding Khua Ki pawlna peuhmahin theihding leh zuihding aki thukim khawm anuai aa teng ahihi; Zomi Cup kipat pan ih zawhsiang dong match khem peuh ah referee kikawm ding. Team/Khua (1) lut manh dingin RM600/-(zaguk) kithukim. (A zen zenin a kicin kei aa leh deposit sungpan behlap ding.) Kimawl hun ni teng khempeuh a ziakai pen zingsang 8am in kipan ding aa, ni masa ni-in a masa match 4 ki mawl khit teh Zomi Cup 2013 Honna hun kinei ding hi;Tua munah, Team khempeuh kigualhna leh group maan (photo) kila hamtang ding. A kisehsaksa kimawl kipat hun laplo Khua khat peuhpeuh a om leh,a tampen mi 7 a cin leh kimawl sak ding aa, a cin kei leh minute 15 kingak ding;Tua a lapkei lai uh leh a langkhatte 3-0 tawh a zo-in ki ciamteh ding. A kisehsaksa Khua khat peupeuh ii kimawl kipat hun ma minute 15 sapin kimawl dingte line-up Committee tung ap hamtang ding aa, tua sung mahin kimawl dingte sitphatna kinei lai ding. Kimawl mi khatpeuh a kilaih ding ciangin,a Khua makai khatpeuhin a laihding pa tawh Committee te tungah paipih ding aa, tua panin Committee te khatin referee thu neite tun gah gensak ding. Jersey (kimawl puan) pen amel deih bangbang kinei thei in,puan amel kibang pian Khua nih hong kituah leh, referee te vaihawmna tawh mee sawkin silhthuah ki vaihawm sak ding. Zukhamsa aa kimawl sawm a om leh tualpi sung kilutsak vetlo ding. Zomi Cup 2013 a kipat ni pan a tawpni dong Committee phalna lo tawh vanzuakte lehkhamtheih guihtheih zuak a om zenzen leh, Committee in RM1,000 kiliau sak ding aa, bek thamlo-in news ah zong kisuah ding hi. Atung aa danin thu khun palsat van zuaknate aa kipan, khamtheih guihtheih vai aa buaina khat peuhpeuh a om leh, a kisap leh thu neite tung ki-ap ding; Kua mah ki khasiat loh ding vekpi ki thukim. Ki muhkhop kik hun ding January 14, 2012, 3pm ki thukim in, tua ni, 3pm lapinKimawl ding Khua khempeuh pan Makai/ Tangmi a tawmpen khat peuhmah kihel ham tang ding; Kihel hamtang kul; Tua ni-in, vekpi vaihawm khawmin mee sawk na tawh Group khenna kineita ding. Zomi Cup 2013 vai khatpeuh kizoptheih nading: Sia Hau Khai (012 367 4665). Zomi Cup 2013 Committee

Tuni-in, David khuapi sungah note a hong honkhia ding Khrih Topa asuakzo hi. Luke 2:11

Pasian La khui thak: 2011 Zomi Idol, Niangpi leh 2008 Zomi Idol, Thangta leh Steven Mangte sak Hong lung kimsak DVD khui ZAM zumah deihzahzah kingah tahi. Kidawp thei: S/m En Cing ph: 016-285 1234. ZAM zumah kingah vante: Zoniik/puan, dialneu, ngawng-awh(necktie), zokhi tuamtuam leh zotau te kingah hi, Lai Siangtho bu, Zomi Dictionary kingah thei hi. Galhiam labu original laimai 18 ki behlap Kawlgam pan hong tungthak bu 1 ciang RM30/-(sawm thum) in kizuak hi. Kidawp thei: Siama En Cing: 016-285 1234 Kimat/kihenna I tuah khakleh: Theih huai pawlkhat, Na sanggam/na tanau khat peuh deihloh penin mat leh hen atuah leh ZAM Palaite na kopah un. Theih ding: 1) a kimatna mun, 2) aman Palikte, 3) a kimat hun cihbang theileng ih kanna lem theipan hi. ZAM Card tawi member peuhmah in kimat/henna natuah uhleh hih anuai-a Palaite kiang nazasak pahun! Palai Tuangpu: 016-254 4093, Palai Thaa Mung: 016-646 5375. Zomi Calendar: ZAM zumpi pan akibawl 2013 kum ading Zomi Calendar dal khat ciang RM10/- (sawmkhat) tawh Khua kipawlna makaite kiang, kikhopna biakinnte leh ZAM zumah deihzahzah kilei thei hi. Zomi inn khatin pello-a, khat neih hamtang ding thupi hi. Zomi na hihna midangte tungah napulak khiatna khat zong hi pahhi. RSC leh DHS Contact ngahlote: Hih contact ngahlo sungah na nambat aom leh ZAM zumah hong dawp pah un!
791-09C15725 791-10C01084 791-09C06817 791-09C15126 791-10C00904 791-09C00003 354-10C10620 354-10C12311 791-10C00637 791-10C00896 354-10C12319 791-10C01092 791-10C01098 791-09C10182 791-09C15896 791-10C01104 791-10C01015 791-10C00945 354-10C12040 791-10C00927 791-09C15605 791-10C01049 791-10C01080 791-09C06366 791-10C00874 791-09C18294 791-10C01106 791-10C01066 354-10C11996 791-09C09574 791-10C07243 791-09C02898 791-09C15944 791-09C07113 354-09C01748 354-09C00792 791-09C12081 354-10C12077 354-10C12881 354-10C12079 791-09C07532

CDU te makaihna tawh December 13, 2012 Thursday ni-in, 'Year End Party', Ipoh "Lost of World Tambun" ah kinei-a, Community makai tampi akihelna sungah ZAM pan Secretary (Thuzeekpi) Sya David Mungno zong va kihel thei hi.
RSC pan miscall ong piak leh bangcih ding?: RSC leh DHS zum phone: 03-2144 8105, 03-2144 7994, 03-2141 1943, 03-9222 0805 te pan hong sapa, na letma akhiat leh (or) miscall ciang ongpiak ziau ahih leh, na muh/theih phetin UN zumah zasakin huhna kingen thei hi. Miscall na muhzawh nipi kal 1 (or) kha khat bang asawt khitleh bangmah huhna kingen theinawnlo hi. 2012 Kum EC Member Meeting (2)Veina Nopcitak ki nei: December 14, 2012 Friday ni sun nai 1:00pm hunin, EC Member Meeting (2)veina ZAM zumah Khua makaite, Pawlpi Syate leh UNHCR-CDU pan Ulian Ms. Joanne zong hong kihel thei-in, theihnop/telnop thu tampi tak kiza kha ahih manin, meeting kah mipite lung taii sa-in, inn lam kizuan tek hi.

ZSM vai zaksakna: Zomi Genvai Kipawlna (ZSM) tawh Malaysia aom Zomi khempeuh I kizop kimtheih nang leh haksa dongtuakte, I vankim zawh nadingin, Zomi bup kongzawn uhhi. Na sum khiat pen na zat khak keileh lungdam huai zawa, azangkha-te agaal na hi pah ding hi. Nang zat ding ngimna tawh apia nahi kei-a, nang na piak manin na Zomi pihte aluang apham nahizaw hi. Khua kipawlnate leh Biakna Pawlpite in "Kizopna sum" piakim ciatdingin kong lamen uhhi.Pawlpi leh Khua kipawlnate in maikum 2013 ading I mimal sazian ciat kai khopsa-in koihkhol theileng I vai nuam ding hi! ZSM(Zomi Genvai Kipawlna) Kiteel Hunding Zak sakna: ZSM quarterly meeting a (4) veina, Nov. 28, 2012, thukhensatna (ZSM/2012/26)tawh kizui-in, ZSM Kumcin Khawmpi leh Kiteelna Dec. 27, 2012 (Thursday), 11:00am hunin ZAM zum nuai (ZEC sanginn) ah kinei ding hi. Genvai I cihpen keivai, nangvai, a site vaicih bang bek hilo -in adam lai, anungta lai, eiteng vai ahih manin Pawlpi pan leh Khua Kipawlna pan makaiteng peuhmah nong kihel ciat nadingun kong zasak uhhi. Sun an kine masa ding ahih manin hunlap sawm tekni. Election Committee dingin, ZSM Advisor Sia Francis Do Lian Kham, Rev. Philip Pum Khan Khai, Pa Dai Za Kam, leh Pa Nang Khan Pau te muannatak tawh kiseh hi. Vote khia thei dingte Khua Kipawlna pan Khua makai 1 ta leh Pawlpi 1 pan Pastor (or) Upa muanhuai 1 ta nongkah nadingun kong sam uhhi. CO class kahna mun: Cultural Orientation Class F & B Business Park, 18 Jalan, Metro Pudu 2 Fraser Business Park, Jalan Pudu, 55100, Kuala Lumpur (Near LRT Chan Sow Lin) Malaysia gam sung hizaha, khua hunnuam mahmah sungah, Zan na ihmut theih keileh, na lupna tungah Nam sia tam lua hiding hi, tuate abei theih nadingin, ZAM zumah a zatui hoih mahmah khat om hi, adeih khempeuh in bung 1 RM-15/-(sawmlehnga) bek tawh kilei thei hi. ZAM iNfO

Pa Thang Khan Pau (Tongsial khua) leh Nu Cing Lam Huam Niang te tapa, Neng Khan Za Sut pen aomna Cahaya pan 13.12.2012 ni-a vakkhia inn ciah nawnlo ahih manin, amu/thei kha ih omleh hehpihna tawh hih phone no. ah na zasak pah un! 010-896 8780/017-399 3846. **Akuama peuhin, Taxi na tuan ding aleh hih nambat WJP-4787 tuang ngei kei-in! Kidophuai/ lauhuai mah mah hi. 2013 kum, Zomi Nam Ni ading: Khua leh Pawlpi pan sum akipia sateng azom; 11) Khuadam-RM100, 12) Cikha-RM100, 13) Haupi-RM200, 14) Zomi Singunau Kipawlna(ZSK)-RM100, 15) Phaiza-RM200, 16) MualpiRM200, 17) Shalom Christian Fellowship-RM200, 18) Tuithang-RM200, 19) Ngalbual-RM100, 20) Bethel Christian Fellowship-RM200, 21) Heilei-RM 200, 22) Lamzang-RM100 leh 23) Sentosa Zomi Innkuan-Rm200 hiteng bangin kipia khin tahi. Apia nailo ten zong amanlang thei pen in, kipia thei ziahziah tahi.

Australia Tentan kahna mun: A 14-6, Menara Atlas, Plaza Pantai Jalan Pantai bharu, 59200 Kuala Lumpur (Near Kerinchi LRT station)Tel: 03 - 9235 5431