Vo l u me IX I s s u e - 510 Date : 15th June 2 0 14 ( Sunday ) A ma n t h l a kh a t a h Rs .

20/ -
EMMANUEL AFTER
CARE CENTRE
Bethel Veng,Champhai
Mizoram : 796321
Phone: 9612194537
TUNKAR CHANGVAWN
Home Crusade emaw
Tawngtai leh Individual Coun-
selling mamawhte tan koh/pan
theih reng kan ni e.
Cont; 9612194537
KOHHRAN
for
TRUE JOKES
-C.Hranghluna.
Ka naute u, thil in tih sualloh nan heng thu hi in hnenah
ka ziak a nih hi. Tin, tupawhin thil a tihsual chuan Pa hnena min sawipuitu,
Isua Krista mifel chu kan nei e.
I Johana 2:1
Kan mihring rilru tlemte, sualin a pawlh nut phut mai a\ang hi chuan Lalpa hi
hriatfiah a har takzet a ni. Kan hriatfiahlohna te hian rinhlelhna sualah min hruai a,
Lalpa hlat takah awmin; Lalpa pawisawitu kan lo ni leh daih mai \hin a ni. Danglam
fo \hin mihring nimahila, Lalpa a danglam ve ngailo hi a hlu mange. Chhanchhuah
kan nih theihna tura min thawhsak tawh kha, sut a tum tawh lova. Min hmangaih hi
chuti maiin lakkir a tum tawh hek lo. Lalpa laka kan hriatthiamloh tam takte hi
vanramah chuan kan la hrefiah vek ngei ang. Khawvelah erawh zawhna tam tak nei
chungin kan la awm zel dawn ni pawhin a lang. Tin, Lalpa laka kan hriatfiahloh
zawng zawngte hriatfiah vek hi kan mamawh ber a lo ni mang lova, rinna mawlmang
tak nena Lalpa belh mai hi a hlu ber zel zawk. Lalpa bel tlattu kan nih chhung chuan,
kan bo lohna tur leh kan buai lohna tur tawk te te in Lalpan min hruai \hin a nih hi.
Rinhlelhna thinlung nen chuan engmah hi a fiah tak tak thei lo a ni zawk e.
Lalpa lakah kan hel theih nan leh phunnawina thinlung sual kan neih theihna
turin, setana hian chawllovin min bei chamchi a. A hlawhtling phian leh nghal! Lalpan
min chhanchhuahna kalkawng pawh hi a kual takzet a, a hautakin a buaithlak hle
mai. Mahse, a hautakna leh a buaithlakna te; a harsatna leh tawrhna nasa tak a
nihna te hian Lalpa thinlung a tidanglam lova. Harsatna nasa takte chuan Lalpa
khawngaihna ngahzia te, min hmangaihna thukzia leh Pathian a nih avanga a
chungnunna a puang chhuak zawk a ni.
Lalpa chuan FEL a duh a ni. Felna tello chuan min chhanchhuak duh lo a.
felna tibawrhbang chung chuan min chhanchhuah a tum lo a ni. Felna hi sualin a
ngamlo a, felna diktakah hian sual a tel thei tlat lo a ni. Vanram meuh pawh hi felna
in chhunkhah a nih avangin, a nuam hle ang. Chu felna diktak, sualin a pawlh buai
Sam 32:1
A bawhchhiatna
ngaihdama awm a, a sual
hliahkhuha awm chu a eng
a thawl e.
DANGLAM
`
World Cup Fever: Lion
Whisperer
Tunlai khawvel titi lehnghahhlelhememWorldCup
2014 chu Brazil ah
neihani ta. Khawvel
ram32 ten an ball
pet thiamhmangin
khawvel champion
nih tumin theihtawp
an chhuah mek lai
hian Kevin
Richardson pawhin
hmachhawp hautak
leh turu zet anei mek
bawk.
KevinRichardsonchuanathuamfamkiminbelinsuit
nalhtak mai hainAfricaSavanna-ahchuanabitumtur zawngin
afehchhuak ta, atumber chu heramhnuai chhungachengte
nenafootball khelh ho ani riap mai. A vak kual zel a, atumpui
zawngin aau ruai reng bawk a, thawklehkhatah African Lion
(Sakeibaknei) arawn lang tathut mai, hnai set sawtah an in
melhrenghnuchuanthilsiamzawngzawngtelakachungnung
kan nihnaalang ani chek ang chu! Kevin leh sakeibaknei
chu an inpawmtathial thial mai. Ngilneihnaleh zaidamnahi
thilsiamdangtechungakanlantir hianmintihnat hi anlo hlau
ber mai, titu Kevin ngei mai chuan chu sakeibaknei chu kuahin
afawpa, aninchhaihhlimdunani taber mai, tin, afootball
ken ngei pawh chu sakeibaknei leh sakei dangtenen chuan
hlimtakin ah chhaih ho tazawk ani!
HMASAWNNA THURAWN
SDA ten Selam tlawh
June 13, 2014 Sabbath Ni hmang hian Champhai Bial
Seventhday Adventist te chuan Selam Kohhran an tlawh.
Selam hi Saitual bial a awm \hin a ni a, Champhai bialah an
awm ve tawh thung dawn a ni.
Ringthar 19 ten baptisma chang
June 4-8, 2014 chhung khan Zotlang Presbyterian Kohhran
Biak In ah Masihi Sanghati, Ruantlang Pastor bial in Cru-
sade an nei a. Zotlang hmuna stadium sa tur te leh BRTF te
an tel \ha hle. Crusade chhung hian Evan R.Lalhruaitluanga,
Bungkawn Aizawl hnen a\angin Pathian thuchah ngaihthlak
\hin a ni a. Mosolman leh HIndu sakhaw vuan mek mi 19 ten
baptisma an chang a, Baptisma chang tharte hi Pastor
RK.Lalawmpuia, Champhai bialtu in baptisma a chantir thung
a ni.
Buhfaitham Documentary Film tlangzarh
June 13, 2014 (Zirtawpni) chawhnu dar 2:00 khan J.M.
Lloyd Hall, Synod Office-ah Kohhran Hmeichhiate buatsaih
Buhfaitham Documentary Film tlangzarh a ni.Programme hi
Pi C. Lalhmangaihi, Chairman-in a kaihruai a, Rev.
Lalramliana Pachuau, Executive Secretary-in Documentary
Film tlangzarhin Pathian hnenah a hlan nghal a ni. Buhfai\ham
hi kum 1910-ah \ham \an a ni a, kum 2010 khan Electric
Veng Kohhranah Rorel Inkhawm rualin Buhfaitham Cen-
tenary lawmna hun hman tawh a ni.A thawnthu (script) hi
Pi C. Lalneihthangi siam ruat a ni a, Zarkawt leh Mission
Veng Kohhran Hmeichhiate a chang tura sawm an ni thung.
Khawngaihna hi Pathian
thilthlawnpek, a phu hauh
lote dawn thin a ni.
EMMANUEL for WORLD Date 15th June 2014 SUNDAY PAGE - 2
Ed i t or i a l
Dak a la duhtan kum khat lakman
pek lawk a ngai. Tin, thuchhuah tur
nei chuan hawrawp felfai tak emaw
khawlchhut hmangin, Office,
Emmanuel After Care Centre,
Bethel Veng, Champhai ah thehluh
tur a ni. Thu lut a piang erawh
chhuah vek a remchang kherlo
thei .
www.champhai.net
Editor : C.Hranghluna
9612194537
News Editor : Chanchinmawia
9615820416
Contributor: TN Vanlaltana.
9862648080
Lalnunsanga Fanai
9862120903
Sual laka himna
Tunhnai khan Ngaizawlah
naupang \henkhat ramhuai tihbuai ni
ngeia ngaih theih harsatna tawk an
awm a, khawtlang an buai hle a nih
kha.
Kan chenna khawvel hi a
ralmuang lo hle mai. |awng\aina
nena hmachhawn ngai a tam takzet
a. Bible ah chuan, kan buante hi tisa
leh thisen an nih loh thute, thlarau
sual an nih zawk thute min hrilh a ni.
Sual laka him tluka hlu hi a
awm tak tak lova. Sum leh pai
emaw nawmchenna leh hmingthanna
ropui tak tak pawh nei ila, sual laka
kan him loh phawt chuan, nun hlu
zawk leh awhawm kan nei thei tak
tak lo a ni.
Chhungt in t en kan
chhungkaw insak hi, Krista nen ni
sela, kan tu leh fate khawvel pawh
hi Krista thlarau hmangin hung sak
ila. Sual laka himna hi thupui berah i
neih thar leh ang u. Kan chhungkua
hi lang theilo sualin nitin min bei reng
si a.
p
Thlen in ka hai
1992 kumkhan Tlangpui khuaah
camping kan neih tum khan
Tlangpuite khuaah inrinni zan a
tanga Pathianni zan thleng hun
hmang turin Team member
thenkhat kohhran upa te sawmna
a vangin kan kal a. tlai dar 4 velah
khua kan thlega thlenin turah min dah fel hnu chuan
kan upa te inah ka kal leh lawk a, ka haw leh chu
ka thlenna e mw tiin in pa1 ah k lut a chaw an lo ei
mek , in ti tlangnel fahran chuan thleng ka la nghala
ka rawn haw tlai deuh a ni maw a zialo hle mai tih
pah chuan ka thu ve nghal a ka rilru te2 chuan
thlenin te chung chu mi biak ngaihna an hre lo hle
mai ti a chaw ka bar mawlh2 lai chuan nu pakhat a
lo luta Ehe!! eng tizia nge he tah chaw i ei ngwt
kan nghak reng che ti teh haw vat ang a rawn ti
mai chu! ka va zak em !ooo ka thlenna te in ni lo a
ni maw tih pah chuan ka tho vat ka thlenin dik takah
ka lut mi an lo nuih nasa mai ka lai lutuk nge ka
tawlh thlu zawt chawhmh bel ka tlawh khaikhup ka
kekawrdawr a thler tlang vek bawk niin chaw ei
hman lek lovin kan talbuai thim thak a lawm.lu a
hai map. - MadinaKhiangte.
( I chetchhiatna kha midangte nuihpui
atan rawn thet rawh le. A tak tak ni thei se,
zahmawh rawngkai erawh a rem lo ang.
sMs 9612194537 )
Thawmhnawa thisen kai chu, chi tuiah
engemaw chen chiah a sukfai theih a ni.
Electric a charge ngai chi...Mobile,
Emergecy light etc te hi a full tawk chauha charge
thin tur a ni. Rei tak tak charge hian batery tan a
thatloh bakah current tul lovah kan tihek tihna a ni
nghal bawk.
Addict Centre ah hian ruihhlo ngai damleh
te te ai chuan, Kohhran a mipuitling zawkte hi
thawktu ni nual hlawmsela chuan, tun ai hian ruihhlo
ngaite hi an dam nasa zawk ngei ang!
- The Khirhs
( Thawh ve duh tan sMs - 961194537 )
p
1. Kei chu ni ila tiin midang thil sual tih dem ngawt suh. I hringnun thil
tawn, i khawvel thil neih leh i thlarau dinhmun ang chiah chiah kha a nei ve
kher lovang tih ngaihtuah la, chutiang bawkin nang pawhin a neih ang i nei bik
kher lovang. Hriatthiamna neih tum \hin zawk rawh.
2. A thim zawnga thil thlir hi sim theih a ni. Thil chhe bera kan ngaih pawh
hian \hatna lai an nei fp \hin. Thil reng reng a chhe lai thlir lovin a \ha lai zawng
zel thlir \hin zawk ang che.
3. Thil reng rengah chin tawk neih tum \hin la, mahni inthununna neih tum
rawh.
4. Midang chanchin chhe lai sawi ching suh, khawvelah hian mi famkim reng
an awm o, nangmah ah pawh khan a chhe lai sawi tur a awm ve \euh dawn
tho tih kha hre reng rawh.
5. Suangtuahna ramah cheng tam la, tihlawhtling turin theih tawp chhuah \hin
ang che.
6. Midang nun leh thil neih thikna hi hun khawhralna satliah mai a ni a. I
mamawh chu i nei reng tawh, i mamawh dan mila i in haichhuah thiam leh
thiam lovah a innghat zawk.
7.Damchhung tawite hi midang haw reng renga hmanral atan chuan a uihawm
lutuk. Bible thu angin i hmelma te meuh pawhnise, hmangaih tum \hin ang
che. Nangma nun nawmna tur zawk a ni.
8.I hun kal tawh kha in uaibeh tir lo la, hriatrengna satliahah chantir \hin zawk
rawh. I tun hun a rawn khawih buai lohna turin.
9. I kawppui hlui/midang tupawh nise, an hun kal tawh sawi chhuakin
tihmualpho ching suh. I sawi laiin nuam ti viau mahla, i hlimna um botu bak an
ni ngai lovang.
10. Tumah hian hlimna pek che an ba lo, nangmah leh nangmah i insiam
chawp a ngai.
11. Hringnun hi zirna angah ngai la, harsatnate hi zirlai angah ngai rawh.
Harsatna a\ang hian zir chhuah tur tam tak a awm fo a, zir ngam lovin tlawm
san mai \hin suh ang che.
12. Midang hmuh ah hlim hmel pu tam la, nangmah ngei pawh khan tumna
tak tak neiin a tam thei ang ber nui \hin ang che.
13. Inhnialna zawng zawngah hian hnehtu nih i mamawh lova, i dikna
hmachhuan chunga i tlawm ngam a ngai fo ang.
Heng zawng zawng hi midang nun nawmna atana ti tur i ni lova,
nangma tan vek a ni tih hria la, zawm a awl zawk ngei ang.
- RC-a, Zote.
Zakzeh a ngailo! Julius Cae-
sar-a chuan Roman legions(sipai \ha)
a hruaite nen chuan Britain thliarkar
an thleng a, a sipaite nena chu hmun
hneh ngei tur chuan thupek khauh tak
a siambawk a.Dover hmun an thlen
chuan a hote chu ding tur leh tuipui
lam thlir turin a hrilh a.An han thlir
thlak chuan an chuanna lawng rual
zawng zawng chu a lo kang vut vut
mai a, mak an ti kher mai. Ceaser-a
chuan a hote chu eng ti kawng maha
an hnungtawlh lohna turin lawng rual
chu a lo haltir vek a lo ni a. A hote
chuan an do turte an hneh ngei ngei
loh chuan an rama kir lehna
remchang an nei dawn lo tih an hriat
chian avangin theih tawp an chhuah
a ngai tih chu hrilh ngai an awm tawh
miah lo. Chutiang tak chuan an ti ta
reng a ni.
Zakzeh nei \et \et chung
chuan Pathian tan a chet tak tak
theihloh e.
LAI RI L
p
Inpumpekna chu lehkha phek
awl hnuai lamkilahming ziah hnan hnua
Pathian kutahlan, Anin aduh apiang kan
tih turaaziahnanen ain-ang ber awme.
Mi \hen khat chu kan hriat chian
mi an nih avangin kan thlang tling a, \hen
khat erawh chu kan hriat chian avangin
an tling thei der lo thung.
-Farmers Almanac
Khawngaihna hian Sakeibaknei
pawh beram angin a awmtir thei a,
chinghnia pawh beramno angin;
ramsakawlh pawh mihring ang maiin a
chhuah thei a, mihring chu angel angin a
awmtir thei. -Thomas Carlyle
p
p
p
CHRISTIAN NEWS
theihloh felna chu thawk chhuak turin, Lalpan tawrhna tinreng hmangin; felna kalkawng
min zawhsak ta a ni. Lalpa chu fakin awm rawh se.
Lalpa tan pawh min chhanchhuahna kalkawng zawh hi thil awlsam leh kalpah
mai mai theih a ni lova. Felna kawngzawh tur chuan mihringah a chan a ngai a,
mihring anga thlemna tinreng tawk tawh; sual erawh suallo a ni. (Hebrai 4:15) Tin,
Lalpa kha keimahni ang bawka, lungngaihnate nei mi leh natnate hre mi a ni
a, (Isaia 53:3) tiin a chanchin kan hmu a ni. Kan sawi tak ang khan, harsa tak leh
buaithlak tak; mualphothlak tak leh tawrhna tam tak nen, min chhanchhuahna
kalkawng a zawh a. Felna thawh chhuah chu thil namai a ni lova, kawng awlsam a
nilo takzet a ni. Lalpa tan pawh felna thawh chhuah chu thil awlsam a ni hauh lo
mahse, felna hmang chauh lo chuan sual lak ata lakhran theih kan ni lo. Setana hian
fellohnate hmangin nasa takin min hneh a, fellohna sual hmangin kan nun a phuar tlat
a ni. Lalpa duhdan leh mittlung khawpa felna thawh chhuah chu Lalpa tan chauhlo
chuan tihtheih a ni lova. Chu hna awlailo tak chu Lalpan a thawh chhuah phawt loh
chuan, engtikawng mahin sual lakah kan fihlim thei dawn lo a ni.
Lalpa hian thianghlimna leh felna te hi min chhanchhuahna tur atana a dah
pawimawh em em a, thianghlimna leh felna tello chuan chhanchhuah theih kan ni lo
a ni. Thianghlimna leh felna nei lo, sualin a tihbawlhhlawh leh a salbeh tlatte kan nih
avangin, Lalpa chuan a thianghlimna leh felna kan \awmpui leh theihna tur kawng
min buatsaih sak leh ta a ni. Paulan heti hian min hrilh a, Nangni erawh chu ama
zarah Krita Isuaah chuan in awm a ni; ani chu Pathian hnen ata kan tan
finnaah siam a ni, felnaah te, thianghlimnaah te, tlannaah te nen. tiin. (I
Korinth 1:30-31) Nia, Lalpa chuan a fel thei ang berin felna thawhchhuah hna chu
a thawk ta a. Lalpan felna a thawhchhuahah chuan fellohna reng reng a awm lova,
sualin hmun a chang thei hauhlo a ni. Felna a thawhchhuahna kawngah chuan tawrhna
tam tak, kross a thihna hial a paltlang a. A thiamthu sawiin, mihring a nihna lama a
duhdan te, a sahimna turte kha dah lal \hin ta sela, Lalpa chuan felna a thawk
chhuak hauh lovang.
Lalpan felna kawng zawha min chhanchhuah hna a thawk hi a ropui takzet
a ni. Chutiang tur erawh chuan kawng harsa leh ral\i tak a zawh a, a Pathianna
zawng zawng phatin, mualphona leh hrehawm tam tak a tuar ta a nih kha. Mihring
lam thlirna a\ang chuan Lalpan min chhanchhuahna kawng a zawh hi a mak letling
zawk a, awlsam tak a min chhanchhuah hna thawk mai thei niawm tak a nihlaia, a
har thei ang ber leh a kual thei ang ber min chhanchhuah hna a thawk hi a awihawmlo
thei zawk hial a ni. Mahse, Lalpa thil tum hi a \ha famkim a, felna ngei pawh a nihna
ang taka thawk chhuak a, hlen chhuak tur chuan a kawng a harsa em em a ni.
Harsa leh buaithlak tak nimahsela, Lalpan min hmangaih em avangin, felna kawng
chu min thawhchhuah sak ta a ni. Kawng harsa tak nimahsela, Lalpan hel hauh lova
min chhanchhuahna kawng harsa min zawh sak nachhan hi ngun taka ngaihtuah
chuan Pathian Hmangaihna fiah takin a hmuh theih a ni.
Kan hla ropui tak chuan, Felna Lalpa ka rinchhan ber i ni. Ka lawmman
hlu zawng i ta a ni e tiin min hrilh diam tawh a. Pa in felna hlu tak min thawhchhuah
sak te, Krista felna chu kan \awmpui ve theihna tur atana Pathian khawngaihna kan
dawngte hi a hlu takzet a ni. Amen.
NEICC Bi-ennial Assembly nei mek
May 15-18, 2014 hian NEICC Inkhawmpui vawi 76-na
(First BiennialSession) chu Churachanpur, Manipur-ah neih
mek a ni a. Evangelical FreeChurch of India (EFCI) kohhran-
in Sielmat veng, Churachanpur-ah anthleng a, thupui atan I
puan in hmun chu zauh rawh (Isaia 54:2) a ni. NEICC-ah
hian BCM a\angin AGS Rev.Dr.K.Lalrinthanga leh
Lawngtlai ES, Rev.F. Ramdinmawia hovin palai 5 vel an kal
a. Lawngtlai Area Zaipawlte pawh an kal. NEICC
Inkhawmpui hi kum 2016-ah chuan Mizoram Baptist
Kohhranin, Lungleiah an thleng ang.
Ruihhlo ngaite tan |awng\ai beihpui
June 3, 2014 a\anga \anin Champhai Vengthlang Pastor
bialten Zu leh ruihhlo ngaite tana hmalak ni rawh se, tia bial
inkhawmpuia an lo rel tawh bawhzuiin Upa JH Haudingate
in, Electric Vengah ruihhlo ngaite pualin \awng\ai beihpui an
thlak mek. |awng\ai beihpui hi chawlhkar tin bial chhunga
Kohhran hrang hrangten an in chhawk a, Venghlang leh
Venglai Kohhran ten \awng\ai an zo tawh a, Electric leh
Vengthlang North Kohhran ten an la hmabak thung a ni.
Tuipui bazar leh DC hmun hluia ruihhlo ngaite vai khawmin,
Pathian thuchah hrilh leh \awng\ai an neih sak \hin a ni.
|awng\ai hi nilenga neih \hin a ni bawk.
Pa te Ni hmang ang
June 15, 2014 Pathianni hian Salvation Army chuan khawvel
pumah Pa te Ni an hmang ang. Pa te Ni-ah hian Champhai
CO Major Samuel Zothansanga chuan Pathianni chawhmaah
Vengthar Society-ah hun a hmang anga, zan lamah Champhai
Corps ah hun a hmang thung ang. He hunah hian pa te
pawimawhna lam hawi Pathian thuchah inhrilh thar leh a ni
ang.
PHBS Graduation Day
June 10, 2014 khan Presbyterian Hindi Bible School chuan
zirlai Batch 53-na te pualin Graduation Day a hmang. Batch
53-naa zirlai zir chhuakte hi mi 29 an ni a, \ha takin an passed
vek a ni. Presbyterian Hindi Bible School hi Mizoram Synod
Mission Board-in Mizoram chhunga hnam dang ring tharte
rinna kawnga an \han zelna atan leh an ngheh zelna atana a
din a ni a, ram pawna ringtharte bakah Para Church a\ang
te pawhin zirlai lak an ni a. He School hi August 24,1990
khan din a ni a, Certificate in Theology course a ni a, tun
thleng hian mi 1292-in an zir chhuak tawh a ni.Tuna zir
chhuak Batch hi state 11 atanga lo kal an ni.
MUSLIM, JUDA LEH ISRAEL TEN HMUN
KHATAH BIAK IN
Germany khawpui Berlin-ah thil la thleng ngai lo,
Muslim, J uda leh Israel ten hmun khatah Biak in an
nei maithei. Times of Israel in a tarlan dan chuan
St.Peter's Square, Berlin-ah Biak in, Synagogue leh
Mosque te din tura tih a ni a. He hmun hi Kristiante
ramni mah se sakhaw hrang hrangin an hman tangkai
theih tura siaman duh niin, a hmun enkawltu Pastor
Gregor Hohberg chuan a sawi a, a tir atang tawhin he
hmun hi sakhaw hrang hrang hman tangkai nise kan
duh a, Kristian, J uda leh Muslimte hian inang khata
kan hman tangkai theihna turin hma lan la dawn a ni, a
ti. Hehmunah hian sakhaw hrang hrang Biak In hi inang
khata siamtuma ni a, mahse hmun khata tawngtaina
dah tumna erawh chu duh lo an tamhle thung. Ger-
many-ah hian sakhaw hrang hrang zingah Kristian tam
ber mah se, mihring 60% chuan sakhaw zui mumal an
nei lo niin an insawi thung a ni.
MUSLIMFIRFIAK PAWLTE AN CHE
Iraq-a khawpui lian ber pahnihna, Mosul-ah kar hmasa
khan Muslimfirfiak pawlte an che a, nu nau tamtakin
nunna an chan. He khawpui hi Kristiante chuan Iraq
rama an himtheihna hmun awmchhun niin an ngai thin
a, tunah beihna an tawk leh ta a ni.
He hmuna chengte sawi danin Muslim te
chetnahi khawvel tawpasakawlh chet dan nen khaikhin
theih tak a ni awme. Kristian tamzawk chuan Mus-
limte chetna avang hian an in leh lo chhuahsanin
thingtlang hmun hrang hrangah an sahimnaatan an tlan
chhuak tawh a, tharumthawhna rawn thlentu Muslim
te hi mi sang chuang zet, ralthuamkeng niin an sawi
a, Mosul khawpuiah hian puitling mai ni lovin, nunau
pawh an dimchuang lova, khawlaiah leh in chhungah
ruang a let remrummai niin an sawi a, Kristiante
chuan tawngtai puina an ngen nghal bawk a ni.
P u b l i s h e d & E d i t e d by C . H r a n g h l u n a & P r i n t e d a t C K O f f s e t P r i n t i n g & P a p e r W o r k s , C h a m p h a i V e n g t h l a n g .
Champhai District tan a chanchintha
Biak In, Hall leh mimal akawl duhtetan Sound System, Light System, Musical Instru-
ments leh accessories \hachi (XLR, Jack pin, Speakon, Sound Wire, Mic.Cable, Stebilizer etc)
aizawl pan buai ngai tawh lovin tlawmsi \hasiin Company \hatak tak Yamaha, KORG, Souncraft,
Mackie, Peavey, Pope, Shure, Ibanez, Fender etc..kan kawl ta. A dang duhzawktetan kan rang
takin kan chah sak thei bawk. Repairing duhtetan mechanic thiamtakin kan nei a, Hall leh Biak In
asound install (Fit) duhtetan installation kan tihsak thei reng bawk. Kohhran leh pawl ho tan
instalment in kan pethei bawk e. Two Brothers.
Dawr Veng ph: 9862952167 Hospital Road ph: 9862432662
HENGTE HI I MAMAWH VE EM?
Intel Core i series i5, i3, dual core, AMD series etc...kan thleng thar e. Laptop sony vio,
acer, asus, hp, lenovo duhthlan tur a awm bawk e. Gaminf Playstation, Printer, Wofer,
Grapics Card, Internet 3G data card leh Printer ink chi hrang hrang kan kawl bawk e. Min
dawrtute free gift tha tak kan pe tel zel. - LL Computers,
Khuangluaia building,Venglai Bazar, Champhai. Ph. 9615953749
CHANCHIN LAWMAWM..KHAWLTHAR (BANNER PRINTER)
Khawl thar \ha zawk, banner mai baka thlalak leh citation te print nana duhthusam kannei leh ta
hlauh mai. Min dartuten harsatna intawhloh nan venglai bazarah banner, thlalak,citation, name
plate, etc ulukngai bikte lokal ula. Banner pangngai leh singboard mamawh ten Awmpuiphei ah
bawk aw. Chhiatni \hatniah thla kan la thei a, kan thlalak sakte poster kan present \hin a nia. Heng
kan citationsiamte hi a reh ve theih tawhloh a, he vanneihna hi rawn pan ve rawh le.
- Thangbuta, Design & Printing
Awmpuiphei veng & Venglai Bazar, Champhai. Ph. 9862174630 / 9615445221
I NFI AMNA
Naupang pual
Chei rawh le
KEIMAHNI
Bazar nuho te hnen a\angin chawhmeh kan
dawng a, kan lawm e.
Pu C.Lalengmawia te chhung Bethel
Vengten Rs.1700 min pe a, kan lawm e.
Melbuk Kohhran Hmeichhia ten a thlawnin
chanchinbu min semsak a, kan lawm e.
T SHIRT PRINT NA HMUNPUI PENIEL ART WORKS
1. Englai pawhin School T.Shirt, pawlho leh mimal, Jersey, School bag, lukhum etc. kan print thei.
2. T.Shirt eng rawngah pawh A-3 size full colour thlalak etc. kan print thei. 3. Polythene Bag-ah
kan print thei a, colour hrang hrang leh size hrang quality duh ang order theih a ni. 4. T.Shirt plain
chi hrang hrang rawng chikimin kan nei a, kan T.Shirt min dawrtute tlawmtein kan chhut sak thei
a, T.Shirt kan order sak thei reng bawk. 5. Xerox leh lamination kan ti thei reng bawk. 6. Kan T Shirt
min dawrtute hnenah rate kan tlawm leh zual e.
PENIEL ART WORKS, Dawr Veng. Ph. 9862303779 / 8014386081
BI BLE HRI ATZAUNA
Diltu - 9612777533
(naruto Akatsuki)
JK E-MULTI BRAND SHOW ROOM
Dawr Veng, vengthlang Champhai. Phone: 9862725644
Vengthlang lunlai tak Taxi leh Auto Rickshaw stand bulah Electronic Multi-Brand Show Room
hawn ani ta. TV, Fridge, Washing Machine, Micro WaveOven, Mixer Grinder, Inverter/HomeUPS
leh Battery, Company thaleh rintlak Samsung, LG, Panasonic, Sony, Whirlpool, Haier, Sukamleh
Wxidetei duhzawng rawn thlang verawh le. E-Multi Brand Showroomatangabungraw leite
hamthat zual nan Company Technician ten an vilpui bakah Company ServiceCentreatangatrain
chhuakin athutchilh bawk e. Electronic bungraw hrang hrangaharsatnaneitetan pawh pan theih
reng kan ni e.
WORLD CUP DISCOUNT...WORLD CUP DISCOUNT
I DUH RAWN THLANG VE TEH LE
Computer leh a part kan zuar a, a chhia kan siam bawk. Thlalak print, Xerox, Laminate, Passport,
Thlalak nem len, Pendrive, Memory Card, Disc kan nei a, Frame chi hrang hrang, Sound box,
Photo Album, kan neih bakah Coffee Flaviour chi hrang hrang in tur kan nei nghal. Dispo (No leh
thleng) kan nei bawk. Chhiatni |hatni atan Video leh Still Camera in thla kan la thei bawk e.
Vengthlang pan buai ngai lovin, i mamawh kan lo phuhruk sak ang che.
Gabriel Graphix. Ph. 9612586407 / 8974965044. Bethel Kawn, Auto Stand hnung.
Y
Y
WORLD CUP 2014 FACTS
Tun World Cup hi Goal-Line
Technology an hman hmasak
ber na tur a ni.
Tun World Cup hi Brazil in
an thlen tum hnihna tur a ni.
FIFA World Cup 2014 hi
World Cup hautak ber leh sum
sen hnem berna tur a ni.
World Cup 2014 hla We Are One a ni.
Tun World Cup Official Anthemchu Dar umJ eito (Kawng kan zawng
ang) tih a ni.
Coca-Cola Official World Cup 2014 anthemchu The World is Ours
a ni.
Tun World Cup-ah hian France team-te chuan Sahbon chi hnih theuh
Hotel room-ah an phut.
Shakira in World Cup hla dang a record leh ta!
FIFA World Cup 2014-ah hian Germany team-te chuan an mahni
Hotel tur leh an Training Camp tur an insak chawp.
Tun World Cup Champion hian US Dollar 35 million an hlawh ang.
Bosnia and Herzegovina te World Cup-ah an vawi khat qualify na a
ni.
Honduras leh Bosnia and Herzegovina te hian World Cup match
vawikhat mah an la chak lo.
FIFA World Cup 2014 hi khawvel pumpuiah Live telecast a pekchhuah
a ni ang.
FIFA World Cup 2014-ah hian official refree 25 an awm ang.
Germany leh Portugal an intumhunah Germany in World Cup match
100 an khel chiah ang.
FIFA chuan player an jersey hnuaia thuziak tilang chu an hremdawn.
FIFA World Cup 2014-ah hian Lionel Messi chu player man to ber a
ni ang.
Brazil team chu team man to ber an ni.
South America in kum 36 hnua World Cup a thlen lehna a ni.
Brazil hi World Cup tum hnih thleng thei ram pangana a ni.
FIFA World Cup tum hnih a zawna Europe-in a thlen loh vawikhatna
a ni.
Brazil chuan US Robot (iRobot) leh Drone World Cup-ah hian secu-
rity-ah a hmang ang.
World Cup Qualify rampathumte chuan World Cup khel turin km14,
000 lai an zin a ngai dawn.
Official World Cup 2014 Album-ah hian hla 17 a awm.
Russian team-te chauh hi mahni ram league-a khel vek awm chhun
an ni.
FIFA World Cup 2014-ah hian Official lam atangin thusawi a awm
lovang.
Y