Editor : K.

Lalremruata 9862385971
Jt. Ed. : C. Lalmuanpuia 8014125196
: Lallawmkima 8575710867
News Ed. : JC Lalrammawia 9862598936
: Zairimawia 9089503902
: Zodinsanga 8014764717
Cir. Man. : All Section Asst.Secy
Manager : R.Lalchhuanliana 9862418894 YMA chu t anpui ngai t e t anpui t u a ni
CHAMPHAI VENGSANG BRANCH Y.M.A CHANCHINBU KARTIN CHHUAK ( Chawlhni a piangin ) Hall Ph. 234336
24
22.06.2014
24
Branch / Section / Tualchhung
Branch News:
Hnatlang :
Karleh lam hun remchang hmasa
berah Light & Sound Sub-Committee te
hnatlang neih tuma ni a, memberte lo in
ring lawk ila Sub-Committee OB ten
hnatlang an lo koh veleh hnatlangathawk
chhuak thei theuh turin ngen leh hriattir
kan ni e. Tin, Khuangchera Section lam
Information Line chu a thlunna Electric
Dept. in a ban an hun sawn avanginin
tunah hian a chhe rih a, hruaitu ten
Khuangchera Section lam te in hriat
thiamna an ngen a khua in a zir chuan
karleh chhung ngeia siamthat an tuma ni.
YMA Day Result:
YMA Day kan hman zawh taka
Section inelna kan neih zawhtakah khan
hetiang hi kan intihsiakna result chu a
ni e.
1) Mixed Volley Ball :
Pakhatna : Khuangchera Section
Pahnihna: Chawngbawla Section
2) Mixed Dudge Ball :
Pakhatna : Vanapa Section
Pahnihna: Neuva Section
Sum Hmuh :
YMA Day lawmna a vengchhunga
miharsate tanpuia tura sum tuakna
hrang hrang heng Bawmdawh, bur
vawmthluk, thal kah leh thil bial chhunga
ball petluh atanga sum hmuh zawng
zawng chu Rs. 2,350 a nia.
Tin, hemi bakah hian Vengsang
Branch MHIP te hnen atangin Rs.
1,000 kan dawng bawk a ni. mimal leh
pawl anga sum thawhtu te zawng
zawng chungah YMA Excecutive Com-
mittee Member te chuan lawm thu an
sawi tak meuh meuh a ni.
Budget Pe:
Kum 2014 chhung atana sec-
tion budget chu Vanapa Section leh
Chawngbawla section te chuan an pe
tlak a, hruaituten lawmthu an sawi a ni
mawlh mawlh e.
KUM 2014 YMA DAY CHU HLIM AWM TAKA IN HUN
HMAN ZAWH ANI TA
The Vengsang 22
nd
June 2014. : Kumin YMA Day hman dan tur YMA
Executive Committee in a lo rel tawh leh a lo beisei lawk ang ngeiin hun
hlimawm tak a hun leh ruai tuihnai tak nena hman zawh a ni.
chuan tumah dang niloin keimahni ngei
kan pawimawh thu sawiin,Khasi ram
te pawh ramneituin neitu nihna an chan
tawh loh thu sawiin, tun din hmunah
chuan keini hi hlim leh thlamuang
viauuin awmmah i la, kan tan rual loh
chuan he tianga chimral mai hmabak
kan nih thu sawin, chutiang ram leh
hnamven himna atan thawk tur chuan
kumupa lamai chuan thalai leh chak
zawkte mawhphurhna a nih thu a sawi
bawk a ni.
Khuallianin YMA Day lawmna
hun a hman zawh hnuah Section inelna
buatsaih nghal a ni a, Sport Item ah hian
Mixed volley Ball, Leh Mixed Dudge
Ball hmanga inelna in a chhunzawm
nghal a, inelna neih mek lai hian
vengchhung miharsate tanpuina tur
atan hian bawm dawh a nia , bawm
dawh bakah hian sum tuak nan bur
vawmthluk, thalkah leh thil bial chhunga
Ball pet luh hmanga in tihhlimna hun
hman a ni. Intih hlimna hun hman
zawh a nih hnuah lawmman semin a
chhunzawm a, tlai lamah kan fatu ten
chawhlui tuitak min buatsaih sak chu
hlim tlang takin kan kilho a ni.
Ruahman lawk ang chuan YMA
Day hmana hmun tur hi Excise
tlang(Mualbawk) ah a nia , amaherawh
chu khaw awmdanin a zir vak loh avangin
GM High School Hall tualah hun hman a
ni zawk a ni. YMA Day lawmna hun ah
hian Pu C. Zohmingliana Br. Secy. in a
kaihruaia hetiang hi kan kal dan a ni.
Vanapa Section18, NeuvaSection
16, Khuangchera Section 25, Taitesena
Sction 19, Chawngbawla Section 9,
MHIP Member 3 leh VC Member 4 te
an kal khawma ni. Khuallian Vengsang
Village Council President Pu. C.
Lalawmpuia chuan YMA day lawmna hun
hi lawmtak leh phur takin a hawng a ni.
Khuallian chuan an hun laia YMA
Member alu nunga chhiara 400 vel
chauha an nih thin thute sawia , mahse
an hun lai chuan heng hunpui an thlen
chuan khawchhunga awm tawh phawt
chu an kim biai thin thu sawiin tunah
Member 85 vel kal khawm chu a zialo
deuha a hriat thu leh mahni hunpui leh
pianni hman niah chuan kan kal tlem a
tih thu leh YMA member te tan la leh
sauh sauh turin min fuih a ni.
Khuallian chuan sawi zawm zelin
khawtlang ramleh hnamhumhalh tur
AGENTS : LalramchuanaChawngbawla Sec, NeuvaSec.: Peka, Ramhluni, Pep-a,
Lalbawiha, Rindika.Taitesena Sec.:Bawihsena, Awm awm-a, Hriatpuia,
HminghluaVanapa Sec.: Sawma, Moses-a, Pui-a,Muanawmi,Thafela,
Hmingsangi,Hriatpuii Khuangchera Sec. : Zaia,Muanpuii, Rammawii, Thanpuia
Editorial
HEI LE WORLD CUP
H. Lalnuntluanga
Issue hmasa ami chhunzawmna
13.Kum 1974 atang khan FIFA in Trophy thar FIFA World Cup
Trophy a hmang tan a, a hma a an lo hman thin Jules Rimet Trophy
chu Brazil-in an nei hlen ta a ni. Hemi kumah hianHaiti defender Erast
Jean Joseph chu World Cup-a damdawi hman phalloh hmang man chhuah
hmasa ber a ni.
14. Kum1978 ah khan hneh loh nei miah siloinBrazil-in Final an lut lo!
15. Kum 1982 atang khan Team an telh belh a, ram 24 in an khel
tawh. Semi Final lehFinal-ah inhneh tawk an awm chuan Penalty
hmangin chak zawk an zawng tan. Hemi kumaChampion Italy Captain
Dino Zoff chu kum 40 mi niinChampion thei upa ber a ni.
16. Kum 1986-kha a thlengtu tur dik tak chuColombia-an ni a,
sum leh paiah an tlak chhiat avangin FIFA chuanMexico-an thlentir ta
zawk a ni. Hemi kum hianGroup Match a hneh nei miah lo Bulgaria
lehParaguai ten 2
nd
round an lut tho!
17. Kum 1990-aArgentina leh Italy tenSemi Final an khelh kha
Refree-in sana a lo theihnghilh avangin1
st
half Injury Time Minute 8 ngawt
a pe! Hemi kum Final a an hnawhchhuah Argentina Players Pedro
Monzon chu World Cup Final a hnawh chhuah hmasa ber a ni. W. Ger-
many Coach Franz Beckenbaur chu Captain (1974) leh Coach ni
chungaChampion hmasaber ani.
18. Kum 1994-atang khan GroupMatch a chak zawkin point 3 an
hmu tawh ( 1994 hnu lamah khan a chakin point 2 chiah an hmu). Tin,
hemi kum atang vek hianRefree te chu kawr dum chauh nilo pawh hak an
phal sak tawh. Hemi kum vek hianRussia Players Olegsalenko chuan
Cameron nen an inkhelh tumin Goal 5 lai a thun a, World Cup Match
khata goal thun tam ber a ni.
19. Kum 1994-aColombia defender Andre Escober chuan an mahni
lamah a ti lut palh a, an ramlama an haw hnuah hei vang hian misual in an
kaphlum a, World Cup chanchina thil lungchhiat thlak ber pawl a ni.
20. Kum 1998-atang khan ram 24 chauh inelna ni thin chu ram 32 a
tih pun a ni a. Tin,Extra time-a inhnehtawk chakzawk zawn nanGolden
Goal dan hman a ni a,France player Lauran Blanc (tuna PSG Coach ni
mek hi) chu Wold CupHistory-aGolden goal thun hmasa ber a ni a,
Paraguay lamah athun ani.
21. Kum 2002-khanKorea lehJapan ten an inthlen tawm a, ram
inthlen tawm vawikhatna a ni a, Asia khawmualpuia World Cup nghah
hmasak ber a ni bawk.
22. Kum 2006-atang khan champion lai chu tling sa an ni tawh lo a,
2002 champion pahinQualifying round an khel ve. Hemi kum hian
Croatian player Josip Simunic chuEnglish reefree Graham Poll chuan
inkhelhYellow card vawithum ngawt a pe.
23. Kum 2010-ah khanVuvuzela an ham rinasa lutuk khaplayers,
coach, fans leh TV lama thlirtu ten anComplain nasa hle. Hemi kumah
hianGermany leh Ghana inkhelh tuminJerome Boateng leh Kevin
Boateng te unau hi an inhmachhawn a, Unau nisi World Cup-a ram inang
lo tana khela inhmachhawn hmasa ber an ni. Champion team Spain khan
goal 8 chiah an thun a, World Cup champion tawh zinga goal thun tlember an la ni.
NGAIHDAN SIAM NGAWT THIN
HI !!
Thil nihphung hriat hma
hauhva sawi chiam hi chindan
thalo tak niin ka hria. Chumi
chuan chuti chuan ati...,a sawi tak
asin..., tih mai maiin ngaihdan kan
tungding chawp a. Mita kan hmuh
lemloh pawh kan sawi tlawr chiam
chang a awm thin.
A ruh lang rawtin sawi ila,
nula leh tlangval ingaizawng
chungchang ah pawh a chin
chhuaka hre zik tluak hauh si lova
- an awm dan atang hian thil
diklo a awm tawh hrim hrim ang, a
theih loh hrim hrim.. ti a an
chungchang zel dina sawi chiam te
hi a awm leh thin. Mi nun vawchhe
tu mai ani. Mi thatna duh tak tak
chuan duhsak takin hawihhawm
leh zaidam takin a zilh hau mai
thin.
College kan kal laiin, kan
Senior thenkhatten Zirtirtu
thenkhat sual leh khirh ti a an
sawi an sawi chuan, kha zirtirtu
kha kan endan leh ngaihdan a
dang fo thin, mi khirh leh khekrek
chu an awm teh meuh mai, mahse
zirtirtu te sawisel vak vak hi zirlai
tha leh nungchang entawn tlak an
awmlo tlangpui.
Khuai nun hi zir ila, Kan
khawthlang, Kohhran leh
chhungkua tan hian thahnemngai
taka thawkin, midang tana
malsawmna(Khawizu thlum tak) nih
i tum teh ang u. Infak arek (tunlai ah
chuan inbawl kan tih hi) kher lo
hian kan thatna inhmuhsak thiamin,
kan tlin loh leh fellohnaah inzilhau
zawk thin ila. Midangte tan kawng
engemaw talin malsawmna kan ni
thei dawn a sin.
CHAMPHAI VENGSANG CHANCHINBU KARTIN CHHUAK. A MAN THLAKHATAH Rs 15/
-
President : Hmingthansanga ( 9862713079) Vice Pre : R. Lalchhuanawma (9862530551)
Secretary : C. Zohmingliana ( 9862533342) Asst. Secy : J .C Lalrammawia (9862598936)
Treasurer : F. Lalthanmawia (9862506254) Fin.Secy : Zodinpuia (9862409370)
Tualchhung/VC News
Hmun dang pan buai ngai tawh lovin keimahni dawr ah ngei mai
XEROX tlawm tak leh fiah takin kan ti thei ta e. Min han pan ve
turin Vengsang mipuite kan sawm a che u.Kan XEROX khawl hi a
print a fiah mai bakah khawl thar a nih avangin engmah harsatna a awm
lovang.
Prop,
Hranghnuni
Vengsang Biak In bul.
CL. HARDWARE STORE BETHEL KAWN
Veng chhung mipui ten hmundang pan tawh lovin Harware bungraw
chikim kan zawrh hi min lo dawr ve ngei turin ka nge a che u.
kan thil zawrh tlangpuite chu :-
* Ply wood, Ply Board leh a kaihnawih chi hrang hrang.
* Tuilaknahmanraw chi kimPlastic leh thir asiamkan neia.
* Frame siamsa chi kim kan zuar bawk e.
* Inchhung mamawh hmanrua sekrek leh a incheina chi hrang hrang kan zuar tel
reng bawk e,
veng mipui duhsak taka min dawrtute hnenah a theih chin
chinah inlam hawnsak thlengin puih kan inhuam reng e.
Min dawrtu zawng zawngte chungah lawmthu kan sawi mawlh mawlh e.
Prop,
Ph. No. 9612367078 C.Lalthanga (L)
9612761930 Vengsang Champhai
NLUP hriattirna
NLUP 2
nd
phase semnghak
mek, Grape leh Serthlum
thlangten vawiin Pathian
ni ral hman ngein mahni
huana enkawl zat, enkawl
ramlen zawng leh thlai len
zawng chiang tak Pu
Lalsangliana NLUP
Vengsang Secretary
hnenah mahni ngei kalin in
hriattir [Report] tur a ni .
Naktuk [Monday] ral hma
a report kimchang pek
angaih tawh avangin Ben-
eficiaries ten ngai
pawimawh vek tura hriattir
kan ni e.
Theh luh tur
J obCardlanei lo hrimhrim
tun a athar dil mek te tan
ID xerox, passport copy 3
leh ration card xerox Dt.
23.6.2014 (Thawhtan) ni
ral hma ngeiin VCP Pu C
Lalawmpuia hnenah
thehluh vek tur a ni. Hun
tiam chhunga thehlut lo te
chuan engmah in sawi buai
thei lovang.
MBBS Zir
Kan Member pui Nl.
Lalhmangaihzuali D/o C.
Zohmingthanga (Papuia) V.
Sec a mi chu MBBS zir turin
Gandhi Medical College
Maharshtra State ah seat a
hmu a, August thla ah a
zawmang.veng chhung mi
hetiang mi chhuanawmkan
nei hi kan chhuangin a zir
leh zelna atan duhsakna sang
ber kan hlan e
In sawn
Pu Malsawma Sailo
Taitesna Taitesena Sec a
mi te chu GM Higher Sec-
ondary School bul Vanapa
Sec ah an in sawn a ni.
I ta a ni em?
Vawmbal Tuikhur bulah Wal-
let a chhunga pawisa awm
chhan a ni a, a neitu chuan a
nih dan chiang taka sawi in
Pu Lalparmawia Vawmbal
Tuikhur bul te hnenah
ngaihven theih ani e.
INNEIH SAWMNA
Kan fapa,
Jonatnan Zosangliana
leh
Lalchhandami d/o Upa K. Vanlalmawia
Vengsang, Champhai
26th June 2014 (Ningani) dar 12:30 pm a Vengsang Presbyterian Kohhran
Biak In a Pathian leh Kohhran Dan Thianghlima an inneihna min hriatpui tur leh a tul
ang ang min buaipui turin Vengsang Branch YMA Member zawng zawngte kan
sawm a che u.
Vanlaltluanga te chhungkua
Vengsang, Champhai
VENGSANG BRANCH YMA DIN TAN KUM: 13th OCTOBER 1946 YMA CHANCHINBU CHHUAH TAN KUM : 1991
Englo huang....
Huat awih loh hrim hrim
* Kan veng chuan YMA Day
chu hlimawm takin kan
hmang zo thei hi a lawmawm
tak zet a ni. chumai pawh ala
nilo a, hemi denchhena
Vengchhung miharsatetanpui
na atan a vehbur khawn
nachang an hrie lehzel hi a
van lawm awm tak em,
nilenga hun hmang ve theilo
ten bawma tanpuina thilpek
an han hlan ngat lai han hmuh
hi chuan veng mi nih a nuam
thin e. M i d angt ana
masawmna niturin tan i la
tlang sauh sauh ang u.
- Hmutua.
* Furpui hun kan thleng leh
dawn ta. Vengchhung
mipuite he mi hunah hian i
fimkhur tlang ang u. Kan
bawlhlawh paihte leh kan
tuidawn leh tuichhe paihna te
hi midangtan a hnawksakin i
awm em tih i in enfiah thin
ang u. kan tui chhe paihna kal
fuhlo hi midang tan vanduaina
mangkhawng a ni thei tih i
hre nawn ang u.
- Sawma Pa
* Hun vawndik na lamah
hian tannlak nasat kan va
ngai hlawm tak em.Hmanni
lawk pawh khan a chiang
khawp mai, Inchhiarna kan
neih hun lai kha chuan mi 85
vel chauh kan ni sia, tlai lam
ah kha chuan mi 150 vel
ngawt kan tling kha a va mak
thin ve aw, hetiang a nih
chuan kan tlai lam
umpawngpar leh zel mai ang
tih ka va hlau thin tak em.
- Hruaitua.
* Kan veng hi veng hrisel
tak chu a van ni chiang tak
em,chho ulh tamdeuh mahse
hmun hul hara awm kan nih
miau avangin, tlang hrileng
pawh hian min tibuai nep deu
chuan ka hria, chuvang chuan
veng hrisel leh thianghlimah i
siamzel ang u
- Mihrisela.
Ngaihdan huang
9862964940
NGENNA
Vengsang Branch YMA Chanchinbu
VENGSANG chuan Silver Jubilee 2016 a kan lawmna
turah tunlai hian Lucky Ticket veng chhung a In tinah
kan rawn zuar kual mek a, tlawmngaih chhuah a
chhungkaw tinte min lei sak turin kan ngen che u a ni.
He kan J ubilee lawmna tur ah hian
KHAWTLANG huapa ruai nena lawmtuma nih avangin
sumduhthawh anaemema, hemi hrereng chung hian he
kan Lucky Ticket zawrh hi Pakhat mai ni lo a aia tam
te pawh min lei sak theih chuan kan lawm hle ang.
Tin, a lawmman hi duhthu a sam lo hle ang tih pawh kan
hria, mahse kan sum neih in a tlin tawk nia kan hriat kan
han ti a ni a, bei thamhle mahse tlawmngaih chhuah a min
lo lei sak hramhramturin veng chhunga chhungkaw tinte
kan ngen tak meuh meuh che u a ni.
sd/- sd/-
(LALREMRUATA KHIANGTE) (LALRINSANGA)
Secretary Chairman
VENGSANG Chanchinbu Silver Jubilee
Organising Committee
TRAINING DIL THEIH
Kum 2013-14BADP Capacity Building Skill
Development and Empowerment Genarating Scheme
hnuaiah heng Trade tarlan te hi Training theih a ni a.Training
chhung Stypen an dawng ang a a, a tul ang in zirna tur
hmanrua pawh ngaihtuah sak an ni ang.
Diltu chuan Hming, Pa / Nu hming Adress,
Voters ID No. leh Trade Thlante chiang taka ziakin
Dt 22.6.2014. ral hmainVillage Council President
(VCP) hnenah in report ngei ngei tur a ni.
Tradethlan theih techu ahnuai mi tehi an ni e:-
1) Mobile Repairing - mi 5 tan.
2) Desktop Publishing - mi 5 tan.
3) Electrical Repairing - mi 5 tan.
Sd/-
(H.ZOSANGLURA)
Secretary,
Village Council
* Taxi kan nei chiah mai chu
patling in tan ka la nasa sauh
sauh bawka, ka pa nen hian kar
khat chuangte kan inhmu
miahlo thin mawle!
- Terema V. Sec
* In leng nei ka tul thin sia Bial
zaipawl hla zir la ngai ve fo nen,
zan awl awma a huhoa chhuah
ngai chi ah chuan min lo
hrethiam hram hram teh u.
- J enny T. Sec
* ka thiante u, Ph. ka lak theih
miah loh leh Message ka reply
miah loh chuan nula ka rim
tihna a ni mai lawm.
- Rinmuana N. Sec
* Section Leader nih manah
YMA Day lawmna a Volley ball
kan khelh lai khan ka van tlu
chiang thin tak em, ka thiam
chu ka ti lo , ka tang ve thei em
a ni.
- Zohma-a Ch. Sec.
* Keini Section te chu kan tha
ve chiang a lawm YMA Day
lawmna ah pawh Volley Ball-
ah kan Champion bakah Sec-
tion Member kal tam ber Valu-
a hoin kan ni bawk si, Section
dangte khan min rawn el teh u,
cho chi kimin kan cho che u a
nia.
- Maroa K. Sec
* Kum10 leh thla 5 leh ni 26, a
vaiin ni 3831 kan in zui hnu ah
a tak takin Pathian hma ah kan
in suih ve dawn ta a, vawi tam
tak ka vah bosan chung che
pawh a, hmangaih na mita min
lo la thlir reng thei hi ka va
lawm tak em....NUTE
- J onathana V. Sec
* J onathana leh Lalnuite an in
duh tan ni chu kei ve mai te
hian kan hriat khiau chu le!!!!!!
Vengte u kan hrilh ang che u
aw.... Dt. 5 Nov. 2013 a ni tlat
mai. Kei zawng thil hi ka hre ril
thei a nia aw....
- Pu Thangkhuma T. Sec
* YMA Day Dodge Ballah khan
V.Sec leh Ch.Sec inkhel ah
khan V.Sec nula (ka tan chuan
varparh hemthlak ang mai a
hmeltha) an vawm hlum trum
khan whistle ham na chang ka
hre lo kha min dem lul suh
u...ka vengte u.
- Zodinpuia Br. Fin. Secy.
Sporting Club News :
Vengsang Sporting Club te chuan an lawmman lak
te a vaiin hmun khatah dah khawman tuma, tun hma lama
lawmman li lak tawh hrang hrang lo kawl kan awmchuan
Sporting Club hruaitute hnenah dah turin ngen kan ni e.
Chhiaktiang Badminton Club :
Chhiaktiang Badminton Club member te leh mem-
ber ni thar duh tan annual fee Rs 100/- June thla ral hma in
pek tur a ni a, monthly fee Rs 50/- khawn tel tawh tur a ni a,
monthly pe lo te chu khelh phal an ni tawh lovang.
C. Pazawna
President
Chhiaktiang Badminton Club