Professional Documents
Culture Documents
[ParasuramaKalpa
sutra]
[A digest of Srividya, as system of worship of
the Divine Mother)
[Year]
[ T Y P E T H E C O M PA N Y A D D R E S S ]
THIS GRETIL TEXT FILE IS FOR REFERENCE PURPOSES ONLY!
COPYRIGHT AND TERMS OF USAGE AS FOR SOURCE FILE.
description: multibyte
sequence:
long a ā retroflex d ḍ
long A Ā retroflex D Ḍ
long i ī retroflex n ṇ
long I Ī retroflex N Ṇ
long u ū palatal s ś
long U Ū palatal S Ś
vocalic r ṛ retroflex s ṣ
vocalic R Ṛ retroflex S Ṣ
vocalic l ḷ visarga ḥ
velar n ṅ long o ō
velar N Ṅ l underbar ḻ
palatal n ñ r underbar ṟ
palatal N Ñ n underbar ṉ
retroflex t ṭ k underbar ḵ
retroflex T Ṭ t underbar ṯ
guru-mantra-devatā-''tma-manaḥ-pavanānām
ānandaṃ brahmaṇo rūpaṃ, tac ca dehe vyavasthitaṃ, tasyâbhivyañjakāḥ pañca ma-kārāḥ, tair
arcanaṃ guptyā, prākaṭyān nirayaḥ || Parks_1.12 ||
sarva-darśanânindā || Parks_1.14 ||
kāma-krodha-lobha-moha-mada-mātsaryâvihita-hiṃsā-steya-loka-vidviṣṭa-varjanam || Parks_1.19
||
anitya-karma-lopaḥ || Parks_1.23 ||
sarvaṃ vedyaṃ havyam indriyāṇi srucaḥ śaktayo jvālāḥ svâtmā śivaḥ pāvakaḥ svayam eva hotā ||
Parks_1.26 ||
sad-guruḥ kramaṃ pravartya sāṅgaṃ hutvā taruṇollāsavān śiṣyam āhūya vāsasā mukhaṃ baddhvā
gaṇapati-lalitā-śyāmā-vārtālī-parā-pātra-bindubhis tam avokṣya siddhāntaṃ śrāvayitvā ||
Parks_1.34 ||
tri-kaṭu-tri-phalā-catur-jāta-takkola-madayantī-sahadevī-dūrvā-bhasma-mṛttikā-candana-kuṅkuma-
rocanā-karpūra-vāsita-jala-pūrṇaṃ vastra-yuga-veṣṭitaṃ nūtana-kalaśaṃ bālā-ṣaḍ-aṅgenâbhyarcya
śrī-śyāmā-vārtālī-cakrāṇi nikṣipya tisṛṇām āvaraṇa-mantrair abhyarcya saṃrakṣyâstreṇa pradarśya
dhenu-yonī || Parks_1.37 ||
sa-dukūlaṃ sâlepaṃ sâbharaṇaṃ sa-mālaṃ suprasannaṃ śiṣyaṃ pārśve niveśya mātṛkāṃ tad-aṅge
vinyasya vimukta-mukha-karpaṭasya tasya haste trīn prathama-siktān candanokṣitān dvitīya-
khaṇḍān puṣpa-khaṇḍān nikṣipya tattva-mantrair grāsayitvā dakṣiṇa-karṇe bālam upadiśya paścād
iṣṭa-manuṃ vadet || Parks_1.39 ||
tatas tasya śirasi sva-caraṇaṃ nikṣipya sarvān mantrān sakṛd vā krameṇa vā yathā-'dhikāram
upadiśya svâṅgeṣu kim-apy aṅgaṃ śiṣyaṃ sparśayitvā tad-aṅga-mātṛkā-varṇâdi dvy-akṣaraṃ try-
akṣaraṃ catur-akṣaraṃ vā ānanda-nātha--śabdântaṃ tasya nāma diśet || Parks_1.40 ||
śiṣyo 'pi pūrṇatāṃ bhāvayitvā kṛtârthas taṃ guruṃ yathā-śakti vittair upacarya vidita-veditavyo
'śeṣa-mantrâdhikārī bhaved iti śivam || Parks_1.43 ||
2. Khaṇḍa: Gaṇanāyaka-paddhati
itthaṃ sad-guror āhita-dīkṣaḥ mahā-vidyā-''rādhana-pratyūhâpohāya gāṇanāyakīṃ paddhatim
āmṛśet || Parks_2.1 ||
snāna-karmaṇi prāpte mūlena datvā triḥ salilâñjalīn tris tad-abhimantritāḥ pītvā 'pas tris
santarpya triḥ prokṣyâtmānaṃ paridhāya vāsasī hrāṃ hrīṃ hrūṃ saḥ ity uktvā mārtâṇḍa-
bhairavāya prakāśa-śakti-sahitāya svāheti tris savitre dattârghyaḥ || Parks_3.4 ||
sa-bindūn aco blūm uccārya vaśinī-vāg-devatāyai namaḥ - iti śirasi | sarvatra vargāṇāṃ
bindu-yogaḥ | ka-vargaṃ ka-la-hrīṃ ca nigadya kāmeśvarī-vāg-devatāyai namaḥ - iti lalāṭe |
cuṃ gaditvā nvlīṃ modinī-vāg-devatāyai namaḥ - iti bhrū-madhye | ṭuṃ bhaṇitvā ylūṃ
vimalā-vāg-devatāyai namaḥ - iti kaṇṭhe | tuṃ ca procya jmrīṃ aruṇā-vāg-devatāyai namaḥ -
iti hṛdi | puṃ ca hslvyūṃ uccārya jayinī-vāg-devatāyai namaḥ - iti nābhau | yâdi-catuṣkaṃ
jhmryūṃ uccārya sarveśvarī-vāg-devatāyai namaḥ - iti liṅge | śâdi-ṣaṭkaṃ kṣmrīṃ ākhyāya
kaulinī-vāg-devatāyai namaḥ - iti mūle || Parks_3.20 ||
akhaṇḍaika-rasânanda-kare para-sudhā-''tmani |
sva-cchanda-sphuraṇam atra nidhehy akula-nāyike ||
akula-sthâmṛtâkāre śuddha-jñāna-kare pare |
amṛtatvaṃ nidhehy asmin vastuni klinna-rūpiṇi ||
tad-rūpiṇy aikarasyatvaṃ kṛtvā hy etat sva-rūpiṇi |
bhūtvā parâmṛtâkārā mayi cit-sphuraṇaṃ kuru ||
iti tisro 'nuṣṭubho vidyāḥ || Parks_3.28 ||
atho vācaṃ blūṃ jhraum iti jūṃ saḥ - iti coktvā amṛte amṛtodbhave amṛteśvari amṛta-varṣiṇi
amṛtaṃ srāvaya srāvaya svāheti caturtho mantraḥ || Parks_3.29 ||
vāgbhavo vada vada tato vāg-vādini vāṅ-madana-klinne kledini kledaya mahā-kṣobhaṃ kuru-
yugalaṃ mādanaṃ śaktir mokṣaṃ kuru kuru śabdo ha-sa-caturdaśa-pañcadaśa-piṇḍaḥ sa-ha-
caturdaśa-ṣoḍaśa-piṇḍaś ceti pañcamîyaṃ vidyaitābhiḥ abhimantrya jyotir-mayaṃ tad
arghyaṃ vidhāya || Parks_3.30 ||
tad-bindubhis triśaḥ śirasi guru-pādukām iṣṭvā ārdraṃ jvalati jyotir aham asmi jyotir jvalati
brahmâham asmi yo 'ham asmi brahmâham asmi aham asmi brahmâham asmi aham evâhaṃ
māṃ juhomi svāheti tad bindum ātmanaḥ kuṇḍalinyāṃ juhuyāt || Parks_3.31 ||
bhuvanâre saṃkṣobhiṇī-drāviṇy-ākarṣiṇy-āhlādinī-saṃmohinī-stambhinī-jṛmbhiṇī-vaśaṅkarī-
rañjany-unmādiny-arthasādhinī-sampattipūraṇī-mantramayī-dvandva-kṣayaṅkarīḥ sarvâdīr
avamṛśyaitāḥ sampradāya-yoginyaḥ sarvasaubhāgya- [158] dāyaka-cakre sa-mudrāḥ - ity ādi
mantra-śeṣaḥ cakrâsanam uccārya tripuravāsinīṃ cakreśvarīm iṣṭvā blūṃ - iti sarvavaśaṅkarī-
mudrām udghāṭayet || Parks_5.6 ||
bahir-daśâre siddhipradā-sampatpradā-priyaṅkarī-maṅgalakāriṇī-kāmapradā-
duḥkhavimocinī-mṛtyupraśamanī-vighnanivāriṇy-aṅgasundarī-saubhāgyadāyinīḥ sarva-
pūrvāḥ sampūjyaitāḥ kulottīrṇa-yoginyaḥ sarvârthasādhaka-cakre manu-śeṣam uktvā
mantrâsanam uccārya tripurāśrīcakreśvarīṃ pratyavamṛśya sa ity unmādinī-mudrāṃ dadyāt ||
Parks_5.7 ||
antar-daśâre jñāna-śakty-aiśvaryapradā-jñānamayī-vyādhivināśiny-ādhārasvarūpā-
pāpaharā-''nandamayī-rakṣāsvarūpiṇī-psitaphalapradāḥ sarvopapadāḥ [159] yaṣṭavyā etāni
garbha-yoginyaḥ sarvarakṣākara-cakre śiṣṭaṃ tad-vat sādhyasiddhâsanam uccārya
tripuramālinī mānyā krom iti sarvamahâṅkuśāṃ darśayet || Parks_5.8 ||
bindunā mukhaṃ bindu-dvayena kucau sa-parârdhena yoniṃ kṛtvā kāma-kalām iti dhyātvā ||
Parks_5.16 ||
khecarīṃ baddhvā kṣamasveti visṛjya tām ātmani saṃyojayet iti śivam || Parks_5.23 ||
6. Khaṇḍa: Śyāmā-krama
iyam eva mahatī vidyā siṃhâsaneśvarī sāmrājñī, tasyāḥ pradhāna-saciva-padaṃ śyāmā, tat-
krama-vimṛṣṭiḥ sadā kāryā || Parks_6.1 ||
brāhme muhūrte cotthāya śayane sthitvaiva śrī-pādukāṃ praṇamya prāṇān āyamya mūlâdi-
dvādaśânta-paryantaṃ jvalantīṃ para-saṃvidaṃ vicintya manasā mūlaṃ triśo japtvā bahir
nirgatya vimukta-mala-mūtro danta-dhāvana-jihvā-gharṣaṇa-kapha-vimocana-nāsa-śodhana-
viṃśati-gaṇḍūṣān vidhāya || Parks_6.3 ||
sandhyām upāsya savitṛ-maṇḍale devīṃ sâvaraṇaṃ vicintya mūlena trir arghyaṃ dattvā
yathā-śakti santarpya || Parks_6.5 ||
yaṃ - iti vāyuṃ piṅgalayā ''kṛṣya deham upaviśoṣya, raṃ - iti vāyum ākṛṣya dehaṃ dagdhvā,
vaṃ - iti vāyum ākṛṣyâmṛtena dagdha-deha-bhasma siktvā, laṃ - iti vāyum ākṛṣya dṛḍhaṃ
vidhāya, haṃsa - iti vāyum ākṛṣya śiva-caitanyam utpādya || Parks_6.9 ||
mūlam ekaśa uccārya vāyum ākṛṣya triśaḥ uccārya kumbhayitvā sakṛd uccārya recayet | evaṃ
recaka-pūraka-kumbhakaṃ tridhā saptadhā daśadhā ṣoḍaśadhā vā viracya tejo-maya-tanuḥ ||
Parks_6.10 ||
mūlaṃ saptadaśadhā khaṇḍayitvā ṣaṭ brahma-bile trīṇi lalāṭe catvāri bhrū-madhye dakṣa-
vāmekṣaṇayoḥ ṣaṭ câṣṭau saptâsye dakṣa-vāma-śruti-kaṇṭheṣv ekaikaṃ dakṣa-vāmâṃsayor
aṣṭau ca daśa hṛdi daśa dakṣa-vāma-stanayor aṣṭāv aṣṭau nava nābhau dviḥ svādhiṣṭhāne ṣaḍ
ādhāra evaṃ vinyasya || Parks_6.12 ||
suvarṇa-rajata-tāmra-candana-maṇḍaleṣu bindu-tri-koṇa-pañca-koṇâṣṭa-dala-ṣoḍaśa-dalâṣṭa-
dala-catur-dala-catur-asrâtmakaṃ cakra-rājaṃ vilikhya || Parks_6.17 ||
cakra-madhye śrī-mātam uktvā gîśvarī-mūrtaye namaḥ - iti mūrtiṃ kalpayitvā bhūyaḥ śrī-
mātam uktvā gîśvary-amṛta-caitanyam āvāhayāmi - ity āvāhya, ṣoḍaśabhir upacarya
āśuśukṣaṇi-tryakṣa-rakṣaḥ-prabhañjana-dikṣu devyā maulau paritaś ca pūjyā aṅga-devyaḥ |
tan-mantrāḥ sarva-janâdayaḥ aṣṭau saptaikādaśa daśa punar daśâṣṭāviṃśati-khaṇḍāḥ tritārī-
kumārī-vāg-ādayaḥ sa-jātayaḥ sāmānya-manu-yuktāḥ || Parks_6.20 ||
sarva-cakra-devatā-'rcanāni vāma-karâṅguṣṭhânāmikā-sandaṣṭa-dvitīya-śakala-gṛhīta-śrī-
pātra-prathama-bindu-sahapatitaiḥ dakṣa-karâkṣata-puṣpa-kṣepaiḥ kuryāt || Parks_6.22 ||
aṣṭa-dala-mūle brāhmī-maheśvarī-kaumārī-vaiṣṇavī-vārāhī-māhendrī-cāmuṇḍā-caṇḍikāḥ,
sendu-svara-yugmântyâdayaḥ pūjyāḥ | tad-agre lakṣmī-sarasvatī-rati-prīti-kīrti-śānti-puṣṭi-
tuṣṭayaḥ || Parks_6.25 ||
ṣoḍaśa-dale vāmā-jyeṣṭhā-raudrī-śānti-śraddhā-sarasvatī-kriyāśakti-lakṣmī-sṛṣṭi-mohinī-
pramathinī-āśvāsinī-vīcī-vidyunmālinī-surânandā-nāgabuddhikāḥ || Parks_6.26 ||
gaṃ gaṇapati - duṃ durgā - baṃ baṭuka - kṣaṃ kṣetra-pālāḥ, catur-asre sampūjyāḥ ||
Parks_6.29 ||
haṃsamūrti-paraprakāśa-pūrṇa-nitya-karuṇa-sampradāya-gurūṃś catur-asra-pūrva-rekhāyām
abhyarcya || Parks_6.31 ||
śrī-mātam uktvā gîśvarîmaṃ baliṃ gṛhṇa gṛhṇa huṃ phaṭ svāhā śrī-mātam uktvā gîśvari
śaraṇâgataṃ māṃ trāhi trāhi huṃ phaṭ svāhā kṣetra-pāla-nāthemaṃ baliṃ gṛhṇa gṛhṇa phaṭ
svāhā - iti mantra-trayeṇa vāma-pārṣṇi-ghāta-karâsphoṭa-samudañcita-vaktra-nārāca-
mudrābhiḥ baliṃ pradāya || Parks_6.35 ||
śyāmalāṃ śaktim āhūya bālayā tām abhyarcya tasyā hasta ādimopādimau dattvā tattvaṃ
śodhayitvā tac-cheṣam urarīkṛtya yogyaiḥ saha haviś-śeṣaṃ svīkuryāt || Parks_6.36 ||
vācam uccārya glaum - iti ca paddhatāv asyāṃ sarve manavo japyāḥ || Parks_7.4 ||
vāṅ namo bhagavatîty ārabhya trayodaśabhir hṛdayaṃ, ṣaḍbhiḥ śiraḥ, daśabhiḥ śikhāṃ,
saptabhiḥ saptabhiḥ saptabhiḥ kavaca-netrâstrāṇi, vinyasya || Parks_7.9 ||
mūla-vidyayā āvāhana-saṃsthāpana-saṃnidhāpana-saṃnirodhana-
sammukhīkaraṇâvakuṇṭhana-vandana-dhenu-yonīr baddhvā || Parks_7.21 ||
devy-aṅga-nyasta-ṣaḍ-aṅga-pañcâṅgaḥ || Parks_7.22 ||
pādyârghyâcamanīya-snāna-vāso-gandha-puṣpa-dhūpa-dīpa-nīrājana-chatra-cāmara-darpaṇa-
rakṣâcamanīya-naivedya-pānīya-tāmbūlâkhya-ṣoḍaśopacāra-kḷpty-ante || Parks_7.23 ||
evaṃ ṣaḍ-āvaraṇīm iṣṭvā punar devīṃ tridhā santarpya sarvair upacārair upacarya ||
Parks_7.33 ||
tataś ca pūjitāṃ devīm ātmani yojayitvā svairaṃ viharann ājñā-siddhaḥ sukhī viharet - iti
śivam || Parks_7.38 ||
8. Khaṇḍa: Parā-krama
iti vidhivat kṛta-vārtālī-varivasyaḥ siṃhâsana-vidyā-hṛdayam anuttaraṃ parā-bīja-rūpaṃ
dhāma tat-krama-pūrvaṃ vimṛśet || Parks_8.1 ||
parābhaṭṭārikā-'ghora-śrīkaṇṭha-śaktidhara-krodha-tryambakânanda-pratibhādevyambā,
vīrasaṃvidānanda-madhurādevyambā, jñāna-śrīrāma-yogāḥ - iti, parā-krama-pādukāḥ ||
Parks_8.26 ||
sahasrârciṣe hṛdayāya namaḥ, svasti-pūrṇāya śirase svāhā, uttiṣṭha puruṣāya śikhāyai vaṣaṭ,
dhūma-vyāpine kavacāya huṃ, sapta-jihvāya netra-trayāya vauṣaṭ, dhanur-dharāya astrāya
phaṭ - iti ṣaḍ-aṅgaṃ vidhāya tena ṣaḍ-aṅgena kuṇḍam abhyarcya || Parks_9.6 ||
uttiṣṭha harita-piṅgala lohitâkṣa sarva-karmāṇi sādhaya me dehi dāpaya svāhā - iti vahnim
utthāpya || Parks_9.12 ||
cit-piṅgala hana hana daha daha paca paca sarva-jñâjñāpaya svāhā, iti prajvālya || Parks_9.13
||
ṣaṭtāra-vāco namo-mantreṇa puṃsavana-sīmanta-jātakarma-nāmakaraṇânnaprāśana-
caulopanayana-godāna-vivāha-karmāṇy amukâgner amukaṃ karma kalpayāmi namaḥ - iti
vidhāya || Parks_9.14 ||
(1) sūryâkṣi-tejase namaḥ | (2) khecarāya namaḥ | (3) asato mā sad gamaya | (4) tamaso mā jyotir
gamaya | (5) mṛtyor mā 'mṛtaṃ gamaya | (6) uṣṇo bhagavān śuci-rūpaḥ | (7) haṃso bhagavān śucir
apratirūpaḥ ||
[259] (9) oṃ namo bhagavate sūryāya aho vāhini vāhiny aho vāhini vāhini svāhā ||
(11) puṇḍarīkâkṣāya namaḥ | (12) puṣkarekṣaṇāya namaḥ | (13) amalekṣaṇāya namaḥ | (14)
kamalekṣaṇāya namaḥ | (15) viśva-rūpāya namaḥ | (16) śrī-mahā-viṣṇave namaḥ ||
tāro namo rudrāya pathi-ṣade svasti mā sampāraya - iti mārga-saṅkaṭa-hāriṇī vidyā || Parks_10.13 ||
tāras tāre padam uktvā tuttāre ture śabdaṃ ca dahana-dayiteti jalâpac-chamanī vidyā || Parks_10.14 ||
acyutāya namaḥ, anantāya namaḥ, govindāya namaḥ - iti mahā-vyādhi-vināśinī nāma-trayī vidyā ||
Parks_10.15 ||
tāraḥ namo brahmaṇe dhāraṇaṃ me astv anirā-karaṇaṃ dhārayitā bhūyāsaṃ karṇayoḥ śrutaṃ
mâcyoḍhvaṃ mamâmuṣya oṃ - iti śruta-dhāriṇī vidyā || Parks_10.20 ||
śiva-śakti-kāma-kṣiti-māyā-ravîndu-smara-haṃsa-purandara-bhuvanā-parā-manmatha-vāsava-
bhauvanāś ca śivâdi-vidyā sva-svarūpa-vimarśinī || Parks_10.23 ||
sam uccārya sṛṣṭi-nitye svāheti ham ity uktvā sthiti-pūrṇe namaḥ - ity anala-bindu-mahā-saṃhāriṇī
kṛśe padāc caṇḍa-śabdaḥ kāli phaṭ - ity agni-bindu-saptama-mudrā-bījaṃ mahā-nākhye ananta-
bhāskari mahā-caṇḍa-padāt kāli phaṭ - iti sṛṣṭi-sthiti-saṃhārâkhyānāṃ prātilomyaṃ khecarī-bījaṃ
mahā-caṇḍa-vāṇī ca yogîśvarîti vidyā-pañcaka-rūpiṇī kāla-saṅkarṣiṇī paramâyuḥ-pradāyinī ||
Parks_10.25 ||
bhuvanā kamalā subhagā tāro namo bhagavati pūrṇe śekharam anna mamâbhilaṣitam uktvā 'nnaṃ
dehi dahana-jāyeti śriya upâṅgam anna-pūrṇā || Parks_10.30 ||
mādana-śakti-bindu-mālinī-vāsava-māyâghoṣa-doṣākara-kandarpa-gagana-maghavad-bhuvana-bhṛgu-
puṣpabāṇa-bhū-māyeti seyaṃ tasyā mahā-vidyā || Parks_10.34 ||
vedâdi-bhuvanaṃ namo vārāhi ghore svapnaṃ ṭha-dvitayaṃ agni-dārā - iti vārtāly-upāṅgaṃ svapna-
vārtālī svapne śubhâśubha-phala-vaktrī || Parks_10.42 ||
atha vighna-devatāḥ | iri-mili-kiri-kili-padāt parimirom ity ekaḥ | praṇavo māyā namo bhagavati
mahā-tripurād bhai-varṇād ravi-padam anu mama traipurarakṣāṃ kuru kuru - iti dvitīyaḥ | saṃhara
saṃhara vighna-rakṣo-vibhīṣakān kālaya huṃ phaṭ svāhā - iti tṛtīyaḥ | blūṃ raktābhyo yoginībhyo
namaḥ - iti caturthaḥ | sāṃ sārasāya bahv-āśanāya namaḥ - iti pañcamaḥ | dumuluṣu muluṣu māyā
cāmuṇḍāyai namaḥ - iti ṣaṣṭhaḥ | ete manavo lalitā-japa-vighna-devatāḥ || Parks_10.51 ||
hasanti hasitâlāpe padaṃ mātam uktvā gī-paricārike mama bhaya-vighna-nāśaṃ kuru-dvitayaṃ sa-
visarga-ṭha-tritayam iti śyāmā-vighna-devī || Parks_10.52 ||
lalitā prāhṇe | aparâhṇe śyāmā | vārtālī rātrau | brāhme muhūrte parā || Parks_10.55 ||
daśa-kula-vṛkṣânupaplavaḥ || Parks_10.65 ||
strī-vṛndâdima-kalaśa-siddha-liṅgi-krīḍā-''kula-kumārī-kula-sahakārâśokaika-taru-paretâvani-matta-
veśyā-śyāmā-rakta-vasanā-mattebhānāṃ darśane vandanam || Parks_10.66 ||
pañca-parvasu viśeṣârcā || Parks_10.67 ||
raktā-tyāga-viraktā-''kramaṇodāsīnā-pralobhana-varjanam || Parks_10.69 ||
etad-ukta-karaṇam || Parks_10.75 ||
sva-stuti-para-nindā-marma-viruddha-vacana-parihāsa-dhikkārâkrośa-trāsana-varjanam || Parks_10.79
||
athâtaḥ sarveṣāṃ mantrāṇāṃ, atha sveṣṭa-mantrasya, iti vidhi-vat, itthaṃ sâṅgāṃ, iyam eva mahatī
vidyā, atha prāthamike caturasre, atha hṛc-cakra-sthitāṃ, evaṃ gaṇapatim iṣṭvā, itthaṃ sad-guroḥ,
athâto dīkṣāṃ vyākhyāsyāmaḥ | atha, evam, atha, ittham, atha sveṣṭeti pañca || Parks_10.84 ||
iti śrī-duṣṭa-kṣatriya-kula-kālântaka-reṇukā-garbha-sambhūta-mahādeva-pradhāna-śiṣya-jāmadagnya-
śrī-paraśurāma-bhārgava-mahopādhyāya-mahā-kulâcārya-nirmitaṃ kalpa-sūtraṃ saṃpūrṇam ||
Parks_10.85 ||