zuen ispilua. Desio bakarra du, orain jakin ahal izatea. Batzuetan, oso gutxitan, argitasuna da nagusi. Argitasun izpi zorrotzak sentitzen ditu bere begi-nini itxia zeharkatzen. Aspaldi gogoratzen ez zuen sentsazioa; eguzkiari finko-finko begiratzen zionean eragiten zuen inpaktu bera. Besteetan, gehienetan, iluntasuna ageri zaio. Aspaldiko gau hura, jarraian, behin eta berriro, konstante. Eta bat-batean, argi ziztakaria berriro ere, Bai, badakit ispiluak eragiten duela pentsatuz. Eguzkiarekin islatu eta bere betaurreko beltzekin talka egiten du erreflexuak. Badira sei bat urte istripu nazkagarri hura gertatu zenetik. Betaurrekoak daramatzanetik, begiekin sumatu ahal izan duen sentipenik zorrotz baina atseginena izan da, ispiluaren isla.
Leire Agirreazkuenaga Onaindia.
Egunen batean jakingo dute nork maneiatzen zuen ispilua, baina orduan jada beranduegi izango da. Orduantxe zurbil egongo dira, argal, hezurtsu. Zuriz pintatutako lau pareten arteko gelan, entzerratuta. Haien bizitzen erregina izatea hain dut gustuko! Nahi dudan bezala maneia ditzaket neskatxak. Batera edo bestera, zenbat eta denbora gehiago, itsuago, errazago. Hau eta beste hura., erraz egiten ditut lagun eta erraz mundu errealetik aldendu. Zenbaitek hatzaparretatik ihes egin dit, baina askorekin izan naiz jolasean, haien egunen bukaera arte. Ispiluaren jokoa dut nik gustukoen. Zenbat eta argalago haiek, orduan eta lodiago isla. Batzuetan bazkaltzeko denborarik ere ez dute izaten nirekin jolastearren. Eta gero gaixotasuna naizela diote… Inbidia.
Itsaso Dominguez Petralanda
Egunen batean jakingo dute nork maneiatzen zuen ispilua. Neska horrek ispilua gorrotatzen zuen, baita 150 Kg pisatzen zituen mutil horrek ere gorroto egiten zuen ispiluan ikusten zutena. Zergatik sentitzen zuten halako nazka haien barnea ispilura begiratzean? Nor zen pertsona txar hori, haien irudiak gorrotatzen irakatsi ziena? Neskak bere 40 Kg-ko gorputza ikusi eta nazka sentitzen zuen. Denek esaten zioten argalegia zegoela, baina bere logelako ispilua maneiatzen zuen norbait zegoen, bere gorputza itsusia eta lodia izango balitz bezala ikusten baitzuen. Mutilari, ordea, ispiluak bere aurpegi handi eta izerditsua erakusten zion, izugarrizko gorrotoa eraginez. Nor izango ote ispiluak jendea gaizki sentitzeko maneiatzen zituena? Ondo, bada, ni neu naiz. Nire izena ez du axola. Denek gaixotasun deitzen didate. Egunen batean jakingo dute nork maneiatzen zuen ispilua. Nire ispilu magikoa kutxatilatik lapurtu zidanak bizitza guztirako orban hura izango zuen aurpegian. Ni ez zen beste inor bertan begiratuz gero, eskuma aldeko masailean orban zuri bat aterako baitzaio. Aste honetan ikusiko dut nork duen orban hori…