Ubufakazi Bami Nge Guta Ra Mwari
5/5
()
About this ebook
Umkami wayehlutshwe lufuba kusukela ekuzalweni kwakhe. Noma esikolo esiphezulu wayethenjiwe kwezokugijima, aze ayesimela iskolo sakhe emncintiswaneni lezinye izikolo, ufuba lwaluthi lungamvukela, abangwe lezibi.
Ngesikhathi sitshada kwakulezinto ezithile ayengasazidli, kanti njalo amaphunga awathile ayephanga agolombe ukugcwalelana kwesifuba sakhe, imithi lamaphilisi kuhlala kusemakhanda akhe ebusika.
Olunye ulwazi lwesintu lolunye olwesikhiwa lalo, kokubili kwakusitsho ukuthi ezofuba kazipheli, umuntu uhodoza aze aye kufa lalo. Inhlanhla kwaba yikuthi wayengazise singakatshadi, ngahle ngazinikela ukuthi indima enkulu ekwendeni kwami yayizaba ngeyokonga isigulane. Kalokho, savele sasebenza ngokubonisana ukuthi okungasi nika uncedo kuyini, njalo lokunina okungasidalela ubunzima.
Sezwa ngokholo olutsha olweGuta Ra Mwari, olwalusenza izimanga, samenezela phose okomnyaka ngoba singazwisisi ukuthi yintoni ababesitshela ngayo. Okunengi esasikwenza kwakuyikubalela amalunga alolo kholo ekhuluma mhla sihlangene lawo, kodwa sisodwa kwakungelanto elomkantsho esasinga qhoba ithambo ngayo.
Lamhlana ngisenza isinqumo sokuthi kuyiwe khona, lowo mfowabo kaKhumalo engamtshayela ucingo mhlaka 8 Mpandula 1973 ngisithi siyeza mhlaka 9, ngambuza ecingweni amahlandla amathathu, ngimbuza ngimbuzisisa ukuthi okuyinto kwakhona abasitshela ngakho kuyasebenza na, laye wangiphendula kathathu esithi yebo kuyasebenza, kasize.
Sesingenile, sasesiqala ukusebenza ukudingisisa ukuthi yintoni le esesingene kiyo. Izibanga zonke esasisiba lazo ukuthi silulandelele lolu kholo ngenhloso yokuluzwisisa sazisebenzisa. Sesisuka kuleyo mbuthano, ingxoxo kwakusiba yizo ezalolo kholo, esasizama ukuluzwisisa.
Engikwethula ngalobu bufakazi yikuthi ufuba lolo umkami ayelalo solwaphela. Lanxa ekhwehlakhwehlela kumbe ephefumula kanzinyana, sekuyilokhuyana okomuntu osowasilayo. Noma kumanzi noma kuqanda, mina engifike ngabindana lokuhodoza okwakukuye, ngidumisa uThixo ngoba umkami usewaphatha amahloka ezinhlobo ezitshiyeneyo zomuzi, efeza yonke imisebenzi yobubaba.
Reviews for Ubufakazi Bami Nge Guta Ra Mwari
1 rating1 review
- Rating: 5 out of 5 stars5/5Excellent read about a genuinely spiritual journey. There should be more stories like this that are genuine and heartfelt.
Book preview
Ubufakazi Bami Nge Guta Ra Mwari - Sibusisiwe Mgodla Khumalo
UBUFAKAZI BAMI NGE GUTA RA MWARI / UMUZI KA NKULUNKULU
Lidindwe nguMvangeli S. M. KHUMALO koSmashwords
Copyright 2019 S.M.Khumalo
Smashwords Edition, License Notes
This ebook is licensed for your personal enjoyment only. This ebook may not be re-sold or given away to other people. If you would like to share this book with another person, please purchase an additional copy for each recipient. If you’re reading this book and did not purchase it, or it was not purchased for your use only, then please return to your favorite retailer and purchase your own copy. Thank you for respecting the hard work of this author.
Ukuganda kukaSmashwords Lecence Lemvumo Yakhe
Lolu gwalo lwegetsi lulemvumo yokukholiswa nguwe kuphela. Lolu gwalo lwegetsi lungeze lwathengiswa kumbe lunikezwe omunye. Nxa ufuna ukulufunda lomunye, mthengele elakhe, kanti njalo nxa bengabathize, bathengele ngulowo elakhe. Nxa nga ufunda lolu gwalo kube ungazithengela, njalo lungathengelwanga wena, kucelwa ukuthi ulubuyisele lapho olwathengwa khona, ukuze uzithengele wena elakho. Uyabongwa ngokuhlonipha umsebenzi womlobi.
OKUMUNYETHWEYO
1. Ubufakazi buyachazwa
2. Sasidingani eGuta Ra Mwari
3. Ngaphaphama sengilele ngedwa
4. Sadabula umango ebusuku
5. Kwaba yisinqumo salowo owayegulelwa
6. ‘Lamhla kuphelile’
7. Injabulo Eyisimanga
8. ‘Ngqwa ngqwa’ longaziwayo
9. …owenza isihlahla
10. Sasikhuthazwa ukuthi sibuze
11. Amandla ayesebenza endulo yiwo asesebenza khathesi e Guta