Weche abich ma gin adieri kuom nyange ma itimo e yor thieth ne joma chuo kuom hero mar ngato.

1. 2. 3. 4. 5. Dichuo ma oter nyange ni kod thuolo mapiny maromo 60% mondo kik ogam kute mag Ayaki. Ok ochoch kaka duong ngato romo. Nitie rem moro, to ok mangeny. Bang ka ose teri nyange ma itimo e yor thieth ne joma chuo kuom hero mar ngato, inyalo timo gik mangeny bang ndalo 2-3 kende. Onge wach ma osefueny ni ochocho ndhadho ma ngato bedogo e kinde ma obedo e ringruok achiel.

Gima owinjore inge kuom nyange ma itimo e yor thieth ne joma chuo kuom hero mar ngato
Kony duoko chien kute mag Ayaki ka okalo kuom dhi e nyange kawuono

Kaka nyange ma itimo e yor thieth ne joma chuo kuom hero mar ngato konyo gengi mondo kik igam kute mag Ayaki:
pien ma umo duong dichuo yom kendo nigi ngich ma miyo nyalo bedo mayot mondo oyud ridhruok matin kata bedo gi adhola ma nyalo ruako kute mag Ayaki ei del e yo mayot. I Pien duong owuon ni kod fuon ma kute mag Ayaki jamo kendo ma rwako kute mag Ayaki ei del e yo mayot.

1. Nyange ma itimo e yor thieth ne joma chuo kuom hero mar ngato en ango? Nyange ma itimo e yor thieth ne joma chuo kuom hero mar ngato en golo pien ma umo duong dichuo. En yengo ma ithoro tigo, maber, kendo mayot. Inyalo ter chuo nyange ka gin kod higa moro amora. Kata obedo ni chuo mangeny e piny Kenya ose ter nyange, gin mana chuo ma dirom 10% ma Joluo ei Nyanza ma ose ter nyange nyaka kawuono ni. 2. Ere gima omiyo chuo onego oter nyange? Nyange ma itimo e yor thieth ne joma chuo kuom hero mar ngato nyalo gengo kute mag Ayaki. Dichuo ma oter nyange ni kod thuolo mapiny maromo 60% mondo kik ogam kute mag Ayaki moloyo dichuo ma pok oter nyange. 3. Gin ber mage ma nyange ma itimo e yor thieth ne joma chuo kuom hero mar ngato ni go kendo? Nyange ma itimo e yor thieth ne joma chuo kuom hero mar ngato bende duoko thuolo mar dichuo gamo tuoche mamoko kaka abuba kod adhonde maruodho. Nyange ma itimo e yor thieth ne joma chuo kuom hero mar ngato bende chiwo thuolo moro mar gengo kansa mamako duong joma chuo kod kansa mamako dho nyasaye kuom joma mine. 4. Ere kaka nyange ma itimo e yor thieth ne joma chuo kuom hero mar ngato konyo gengi mondo kik igam kute mag Ayaki? I pien ma umo duong dichuo yom kendo nigi ngich ma miyo nyalo bedo mayot mondo oyud ridhruok matin kata bedo gi adhola ma nyalo ruako kute mag Ayaki ei del e yo mayot. Pien duong owuon ni kod fuon ma kute mag Ayaki jamo kendo ma rwako kute mag Ayaki ei del e yo mayot. Bang ka ose ter ngato nyange, pien man e wi duong dichuo bedo mapek kendo ok onyal yiech e yo mayot. 5. Ere gima omiyo ber mondo inge chal mari mar kute mag Ayaki ka pok oteri nyange? Ngato ma paro mar mondo oter nyange onego onge chal mare mar kute mag Ayaki mondo oyud ber mar ngima mabiro kod nyange ma itimo e yor thieth ne joma chuo kuom hero mar ngato. Joma dwaro nyange to otamore ni ok pim kute mag Ayaki pod nyaka to mi luor kaluore gi yiero margi. Nyange ma itimo e yor thieth ne joma chuo kuom hero mar ngato ok jiw ne chuo ma ose gamo kute mag Ayaki. 6. Nyange ma itimo e yor thieth ne joma chuo kuom hero mar ngato itimo nade? Yengo kawo kinde matin. Ichuoyo sandan e tie duong mondo otho thudhno ma koro rem bedo ma onge e seche ma ingado pien duong oko. Bang mano itwango adhola, iyweye kendo itweyo bandej. Page 2

Ka podi kod ka ose ter ngato nyange ma itimo e yor thieth ne joma chuo kuom hero mar ngato.
Pien ma umo duong dichuo (igole e kide ma itero nyange) Duong dichuo ma ose ter nyange Kor duong

Kor duong

Duong dichuo ma pok oter nyange

7. En ango matimore bang ka ose yeng?

Duong dichuo ma ose ter nyange

Dichuo yueyo kuom thuolo matin kaeto odhi pacho. Bang ndalo 3, igolo bandej. Ok onyal bedo e ringruok achiel kuom thuolo mar jumbe 6 bange. Kuom ndalo 7 ma otelo, ber ahinya mondo irit adhola obed maler, kendo nyaka ithegri kod tich matek. Bang ndalo 7, dichuo oromo odog kar thieth mondo orange. Ka chuo oyudo chandruok moro amora bang yengo (kaka rem mathoth kata chwero remo ), onego gidwar konyruok e kar thieth.

8. Bende nyange ma itimo e yor thieth ne joma chuo kuom hero mar ngato chocho nyalo mar bedo e ringruok achiel? Kamano, nikech chuo ok nyal bedo e ringruok achiel kuom jumbe 6 bang nyange ma itimo e yor thieth ne joma chuo kuom hero mar ngato. Adhola dwaro kinde ma oromo mondo omi ochangi maber. Nyange ma itimo e yor thieth ne joma chuo kuom hero mar ngato ok choch nyalo mar bedo e ringruok achiel. 9. Ere gima omiyo onego awuo kod jaherana kuom nyange ma itimo e yor thieth ne joma chuo kuom hero mar ngato? Nyange ma itimo e yor thieth ne joma chuo kuom hero mar ngato ni kod ber mangeny ne johera duto kendo johera duto onego onge kaka itime. Ber mondo ulosi kuom gima omiyo idwaro nyange ma itimo e yor thieth ne joma chuo kuom hero mar ngato e yo ma ayanga. Bende unyalo limo jahocho kata jathieth ka un kanyakla mondo utwak kuom wachni. Page 3