ZAM Office 03-2142 6659 Email: zomiassociationmls@gmail.com Volume 9, Issue 8 Since 2006 27 July 2014 ...hongpai un, mapang khawm ni. Nehemiah 2:1718 Visa 93 a ngakte theihding thukin US gampan in Visa 93 tawh sapding a ngak peuhmah in na pumngak kei un. Na Case uh Malaysia US Embassy hongtungkhin honkhat om a, ahi zongin US Embassy pan hong Contact theilo uhhi. A buaihuai khatah Malaysia US Embassy pan Phone tawh hongsap uhciang in a Phone Number avek in suaklo a, Missed Call ihmuphial zongin sapkiktheih omlo hi. Pawlkhat te'n nasepna ah Phone lenmanlo cihtengtawh Contact ki ngahzolo honkhat om hi. Tua Contact ki ngahzolo te US pan hongsam te kiangah Email tawh ki zasakkik a, pawlkhat in a Email enmanlo hiam, ahih keileh a Email laihhiam ki thuzakna kitat hi. (theihding: Email pawlkhat pen "Spam" Box sungahzong lutthei ahih manin hoihtak Spam Box zong Check ding thupi hi) Tukha July 23 ni in hih Visa 93 vaitawh akisam pawlkhat US Embassy ah Interview ki paipih a, apaithei sunsunte avai siangpah suak ahih manin lungdam huaihi. Ahi zongin Contact aki ngahzo tuanlo honkhatmah omlai veve ahih manin, August khasung khatvei hong samkikding uhhi. Tuahun- beek alapzo dingin na meltheih tanau te sungah Visa 93 tawh a ngak aomleh na zasaksawn un. US pan asamding te kiangah na hopih unla, a Lawyer ahih keileh a Agency te kiangah na kansak un. Tua hileh August khasung in Interview ki luttheipah khadinghi. Tua ahih manin hih Visa 93 vai tawh aki sawhkha limlim in navai uh pumngakcip lo a, kanzelzel ding kisam hi. Visa vai tawh kizopna ding: Mangsen 016 374 9423 Kipawlna Picing 5 Teng Kimuhkhop Kikna informing people, transforming lives J uly 19 ni nitak nai 5pm pan 9pm ciang CRC, ACR, ZAM, FRO leh DAAI makaite kimuhkhop kikna DAAI zumah ki nei kik thei leuleu hi. Abeisa May leh June kha sung kimuh khopna panin hih kipawlna 5 teng zum seal ngiat tumin UN- HCR ulian penpa Mr. Richard Towle leh a lawmte 6 tawh kimuh khop ding ngetna kineihna tungtawnin June 18 ni-in atung a kipawlna 5 teng tawh holimna kinei thei khin a, mipi te ading min manlo tawh kisai dotcianna leh atuak kha te daan a tawm theithei hong piak sakna dingun nget- na kinei khin a tampi takin phattuamna ngah hi. Tutung kimuh khopna ah anuai ateng kikum khawm thei-in ulian te zong kimuh khop kik ding geelna kinei hi. Min kibat vai sapna angah te amau UN card ngahna kipawlna zumah pai masa thei leh hoih. Innkuan lutpih thei nailo te aman lang a hong sap theih na ding hih kipawlna 5 in huhna nget ding. Innkuan lutpih khin thei napi-in gamtel leh a dang maban a kisam pah theilo te a ding hih kipawlna 5 in huhna nget ding. P3 vai tawh kisai MY No. ngah khinsa UN ngah nailo te UN min sanna ngah mengmeng theihna ding ngetsak ding. Australia 842 form vai tawh kisai in atawm pen a beisa kumte zah mah la ding cih thu kiza. 93 Visa vai tawh kisai thuthak omteng kikum khawm. Kimat le kihen vai tawh kisai in thongkia khempeuh Body No. leh thong min ngah khiat zawhna ding leh OPI ah tensak ding. 2013 UN min sanna ngah ding a sazian lutsa, a sapsa tuni ciang dong a kikhinto te ading nget sak kik ding. Hunman ciangin DAAI kipawlna in nitak an lim mahmah hong nekpih hi. September 20 ni ciangin ZAM in inntek semin kimuh kikna om ding hi. 2
ZWO pan Report UNHCR-CDU hong ki sapna tawh kizui in Numei makai teng July 24 ni-in Meeting UNHCR Conference hall ah kikah thei hi. Department (4) pan in thugenna hong nei uh hi. A masa pen in, IAD (Individual Assistance Desk) pan in koici danin sum-leh-paai tawh kihuh thei cih hong tangko khia hi. Sum leh paai tawh koici te kihuh: 1. Dongtuak nasem zolote kha 2 sung kihuh thei. 2. Deih loh pen in a pasal kiman/accident tuak ding, a zi nasem theilo, a tate neulai/sangkah cih bang ahih leh kihuh thei. Bang danin IAD theisak ding: 1. IAD laikhak ding. 2. Siavuan lai leh damlohna lai pua hamtang ding. Naupaai te theih ding: Naupaai te leh MCH ahih kei leh UNHCR tawh a kizom Clinic te ah pai hamtang ding. Nagil agol khit bek teh napai leh nanau pen kha (4,6) bang na cing khinta ahih manin damlo khat hi leh zong kibawl ding haksata hi. Gentehna in na naupaai sung na si tawm mahmah ding, nang lah ki-en sak ngei selo ding, tua bang hileteh nau nasuah ding ciang nasi tawm dinga nausuak theilo in om ding hi teh. Ahih kei leh nau nasuak phial zongin nau pen hong dam suaklo ding hi cih thu zong hong thei sak uh hi. EDU panin amau ngimna hong gen uh hi. June, 2014 ciang pasalno 16910 leh numeino 13939 om hi. Tua pen ei Refugee te kiciaptehna tawh hi leh kum 18 cing nailo te cihna hi. Primary leh Secondary in hong khen uh a, Primary kah thei ciang pen kum 6-13 in ciamteh uh a, naupang 9210 om lakah 4552 bek sangkah uh hi. Secondary kah thei ciang pen Kum 14-17 in ciamteh uh a, naupang 6355 om lakah 864 bek sangkah uh hi. Adang teng koiah om hiam? Na sem maw or khutdawhngen sak? ci-in dotna hong bawl uh hi. Malaysia ah UNHCR sang, (120) val ki nei-in Volunteers sia 300 val kinei hi. EDU te nasep bulpi: 1. Sangsia te'n naupang te koici lai hilh ding. 2. Naupang khat amau family file leh sang registration sungah min kibang lote sit. 3. Naupang khat ahih leh sangkah hamtang ding. 4. Naupang sangkah lo, Nu leh pan sum nei lo ahih leh Sangsia te'n EDU ah nu leh pa haksatna va genpih ding. 5. Laisimbu kicinglo ahih manin kumcin simin laibute apkim hamtang ding. 6. Sangah van bang teng kisam? Naupangte bang kisam? cih teng zong ki-en koikoi hi. Sum tawh lei ding hileng (tein 5) bang ki sam ahih manin kilei zolo hi. OPI: Immigration te'n hongmat leh ni (14) sung kem uh a, ki lakhia thei nawnlo uh hi. Pasal kiman a zi in UN card nei khat ahih leh a nambat ciamteh sitset in UN interview naneih teh hih kazi/kapsal Card number hi cithei leh amau ading in lem pen hi. 17 August 2010 khitzawh UN ngahte Kipawlna makaite UN tawh kimuh khopna pan hita leh USRAP khutletbu sungpan hita leh ZAM-ECM kimuh khopna te pan ahun zui a i gengensa ahi 17 August 2010 khit a UN ngahte US kumpi in lakna ding sazian sungah tuni ciang a kihelzo nailo phot hong suak hi. 17 August 2010 khit UN ngah te i cih ciangin dam- lohna tawh ngahte, thong pan ngahte a tamzaw hong ding uh a, 354 tawh kipan ding a, UN zumpi pan ngah te cihna hi. 2013 a Mobile Registration (MR) UN kipiak lai a ngah 791 tawh kipan te hong hi nailo hi. Sepnasa om mah bangin 17 August 2010 khit a UN ngah 354 te ZAM zumpi pan amau lung-gulhna tawh kizui-in lai ki gelhsak den hi. Thuthak hi panpan nawnlo hi. Lungdam - Ryan Emmanuel Cher Kaalnih sung sitset ZEC-M&T sangah deihsakna tak tawh ih sang naupangte lai hong hilhsak khit ciangin ama sum mah bei-in sangsia teng, sang naupang teng leh ZAM palaai khempeuh July 25 ni-in sun-an (Lunch) hong nekpih lai hi. ZEC sang adingin Science vangil te zong hong pia khia hi. ZEC Sports Day nuamtak kizo July 19 ni-in Malaysia gamsung mun tuamtuam a om Zomi Education Center te ahi theizah kigawm khawmin SMK Raja Ali sang huangpi sungah kimawlna kibawl pih hi. ZEC sang 10 lakah sang 6 kihel thei-in naupangte thangah in nuamsa thei mahmah uh hi. Sang naupang kigawm 250 bangin hih kimawlna ah kihel thei uh hi. Ahih theih leh kimuhkholh hoih penpen Tulaitak pen UN in min kibang te anak sap mahmah laitak hi-in Zomi sungah tua dan a tuak kha a om leh bang mah launa ding omlo hi. UN zumpi na paima in kamlette ahih kei leh zum asem palaai te tawh kimu khol thei le teh hoih penpen. 3
Tukal Palaai te buaipih diak teng Don Gin Thong (Lailo) Pakan Nanak Camp ah ki buaipih. Lailo khuami Thawn Khen Mang, Pau Khan Kim Juru Camp pan 21 July, 2014 in hong suakta hi. Kap Do Langh, Niang Giak Ma, Tan Sian Kok, Thawn Khan Sut leh Dal Suan Piang Semenyih Camp ah ki buaipih. Pum Sian Mang (Sawbua) leh Vung Sian Lem Cing (Sawbua) Tenah Merah Camp ah ki buaipih. Huaipi (Sawbua) Tenah Metah Campah ah ki buaipih. Lailo khuami Thang Ko Sian, Gin Do Kham, Kap Deih Piang, Do Khan Pau, Thang Ngaih Mung, Thang Sial Khup leh Thang Gin Mung Bukit Jalil Camp ah ki buaipih. Lailo khuami Nicholas Mungneu, Mung Boih leh Khai Za Do Lenggeng Camp ah ki buaipih. Thang Min Lian (Kahngen), James Suan (Thalmual) leh Mang Kim Sing (Anlangh) July 21 ni-in Jinjang lockup ah ki buaipih. Lian Suan Mung (Dimlo) July 21 ni-in Sepatak Balai polis ah ki buaipih. Thang Khual Khai (Ngalzang) July 15 ni-in GHKL zatopi ah ki buaipih. Suan Lian (Kawlpi) July 16 ni-in GHKL zatopi ah ki buaipih. Nuampi (Keizaang) July 21 ni-in Ampang zatopi ah ki buaipih. Lian Lun Ciin (Kawlpi) July 22 ni-in Tzuchi Clinic ah ki buaipih. Thang Min Lian (Kahngen), James Suan (Thalmual) leh Mang Kim Sing (Anlangh) July 22 ni-in Jinjang lockup ah ki buaipih. Lian Suan Mung (Dimlo) leh Pau Van (Tungzang) July 22 ni-in Sepatak Balai Polis ah ki buaipih. Khup Cin Mang (Tuicin) Langkap Camp ah July 21 ni-in ki buaipih. Tuang Mun Lian (Anlangh), Khaipi (Dimzang) leh Sut Len Khai (Anlangh) Semenyih Camp ah July 22 ni-in ki buaipih. Nang Sawm Pau (Laibung) thong lamah ki buaipih. Kap Lian Thang (Tuimui) leh Tuan Kho lian (Tuimui) Shah Alam Lockup pan in 22 July in palaite buaipihna tawh sumbei lo in hong suakta thei. Cin Lian Thang (Kaptel) Danwangi Lockup ah a kibuaipih laitak. Nang Lam Khup (Zozaang) Petaling Jaya Balai Polis ah a kibuaipih laitak. Hau Lian Mang (Tanzang) Klang zatopi ah 21 July in ki buaipih. Nu Niang (Heilei) ACTS zatopi ah 22 July in ki buaipih. Tun Bawi (Suangzang) Ampang zato ah 23 July in ki buaipih. Nang Tul (Tuithang) 25 July in UNHCR vai ki buaipih. Hau Thawn Khai (Zung) UKM zatopi ah 25 July in ki buaipih. Pakan Nanak camp panin a hun khat lai a ki buai pihpih Zomi 20 hong suakta thei ahih manin lung- dam hang. UNHCR-EST pan KFC a sem ding KL khua sung leh Jahor Bahru a sem ding mi honkhat nasep ki ap thei. Nupa kikhen a nu leh ta 4 te ICMC in ZOMI Daycare ah hong puakna tawh kizui-in ZEC- Cheras ah ki om sakin counseling zong ki paipih thei. Nisim phial mi kimatna mun CID palik puansilhlo te'n a nuaia mun tengah nisim phialin miman den uh hi. Kota Raya (Mydin mai), Pasar Seni, Kuchai Lama, Mid Valley, Setapak leh Pudu. ZSM pan dahpihna Tonzang khuami Pa Vungh Lam Piang leh Nu Dim Sian Vung te' tapa Tg. Sian Kop Mung 15/7/2014 ni in Kajang Zato pan asuahzawh asawtlo khat teh anuntakna beikik a hih manin ZSM zumpi pan vai khempeuh kibuaipih in nu leh pa lunggulhna ombangin Sg-Buloh hanmual ah kivui thei a, ZSM thukhun omsa bangmah in sumbei khempeuh zong zumpi panin kisik sakkhin hi. Adah akap Nu leh Pa tungah Topa' hehnep na hong tung tahen. ZSM panin amau te tawh ih dahkhawm na ih pulak hi. Tuipi khuami Tg. Thang Kap Lian Thang (Kum 25) pen Kawlgam pan lei lam zui in hong pai hi aa, Malaysia gamsung hong lutkhit 16/6/2014 ni in Pahang State sung ah Mawtaw accident na hangin a nuntak na hong beisan hi. Lamkal tuah siatna thu ahih manin ZSM zumpi hong kikoh ciang in ZSM zumpipan Sia Tuangpu in vadelh pah hi. Kipawlna leh UN vai puak te bangmah gen ding omthei nailo ahih manin zumvai hamsat na lianpi hong om a, zumvai teng khakhat val sung kibuai pih hi, asih zawh ni (33) khit 18/7/2014 Friday ni-in ZSM zumpi pan makai te (3) leh Tuipi khua pan ahi 4
thei teng Kuala Lumpur panin Bus khat tawh kikuan kik a, Pahang State, Temaloh khua zato pi pan siluang pua khia in Temeloh khua RC pawlpi han ah lungkim huaitak in kivui thei hi. Hi bangin leitang ngah theih na'ng hong panpih Sia Francis Khampi (ZSM thudot pi, ZCCM President) leh Temeloh khua innteek RC Pawlpi te tungah lungdam na lian mah mah hi. Adah akap Nu leh Pa, sanggam, khua- pihte tawh kibangin ZSM zumpi pan' ih dah na ih pulak hi. Gamngai Khuami Pa Thang Phut Pau leh Nu Vung Man Lian te' tapa, Bosco Thang Zo Mang (Kum 8) pen damloh na tuamtuam hangin Sungai Buloh zatopi panin 21/7/2014 ni in leitung nuntakna nusia in hong beisan aa, Malaysia gam sung a om Zomi RC thuzui te kipawlna phualpi "ZCCM" makaih na tawh 23/7/2014 ni in Sunggai Buloh hanmual ah lungkim huaitak in kivui thei hi. Vaihawm ZCCM makai te khempeuh leh Zomi RC thuzui khemepuh, adah akap khempeuh tawh kibangin ZSM zumpi panin ih dahkhawm na thu ih pulak hi. Zomi te UNO ah Siampu dinmun kingah taktakta Z omi te ingak lah mahmah leh ithu ngetna ahi UNO i ameeng Economics and Social kipawlna ah Zomi Innkuan USA in anung amai ah behlap tuamtuan omhetlo in ZOMI min ngiat tawh Consultative (Siampu dinmun) 14 July, 2014 ni-in kingah taktak ta hi. Hih bang gualzawhna hongpian theih nading a vaihawm ZIUSA makai khempeuh pahtawina ipia a Pasian in thupha hong piaksak semsem henla Zomi te kumsawtpi ong makaih zawh nading un thu ngetsak lai ni. Atung a thutawh kizawitawn mah in ongtungding August 27-29 nisung New York khuapi sung a om UN zumpi sungah Zomi te thu avasung ziahziah ding leh gualzawhna pawipi avakhaam dingin Zomi makai 10-200 kikal vapai ziahziah ding ci uh hi. REMEDI/Tune Insurance leikul hamtang UNHCR-IAD pan UN ngahsa te ading zato lam huhna 50% discount pen tukum September akipan REMEDI/Tune Insurance sungah lut gaita ding ahih manin hih Insurance a leilo te UN Card neih zenzen hangin 50% discount ngah nawnlo ding. Hih Insurance Zomi alei nuam khempeuh in ZAM zumpi ah min sazian hong pia un. UN Zumpi 28, 29 kikhak ding! Thai galtai bukte ah min khumna census kipanta Kawlgam leh Thailand kikaal a galtai te agam/ akhua uh puakkik ding Thailand-Myanmar kumpi te ki thukimna om mahbang in 21 July, 2014 ni pan kipan Thai kumpi te in galtai bukte ah min khumna census kipan ta uh cih thu kiza hi. Malaysia EBC Cialpi (Crusade) ah sapna A (1) veina EBC-KL in Gupkhiatna thu tangkona leh thu sinna anuai a mun leh hun ah Rev. Dr. Do Suan Mung tawh kinei ding ahih manin nong kikhop, nongkah nading un, ih Topa Zeisu Khazih min tawh kongsam uhhi. Nitak kikhop Ani : 28-30 July, 2014 Ahun : 6:00PM-9:00PM Amun : Chinese Assembly Hall Sun thusinna Ani : 28 -30 July, 2014 Ahun : 1:00PM-4:30PM Amun : ZAM Hall EBC-KL, Malaysia Zomi khempeuh Sapna A (3) veina MANNA ZCC leh MANNA WM te hanciamna tawh Christian Innkuan Thusinna & Innkuan kikhop biak piakna kinei ding. Ani : 28-30 July, 2014 Speaker : Rev. Dai Nem (Kawlgam pan) Thusin hun : 01:00PM - 05:00PM Biakpiak hun : 06:00PM - 09:00PM Kizopna ding Sia Enpi Ph. 017 334 2760, Sianu Deih Cing Ph. 010 4321 126. ZAM Card tawi Zomi te ading nasep UNHCR-EST nasep zonsakna Johor Bahru KFC sai a sem dingin Zomi citak mi kideih behlai hi. A lunglut khempeuh ZAM zumpi ah na min sazian uh hong piapia un. Alunglutte kizopna ding: Mangpu 019 510 6413 Lungdam kohna Zomi Catholic (ZCCM, St. Joseph Church, Sentul) pan tukal Thupuak bawlna ding RM50 hong piakhia leuleu uh ahih manin lungdam ihko hi. ZCCM Pawlpi tawh na kizop nop leh: Francis Khampi 016 269 1351. ZAM Zumpi honhun Nisim Monday pan Sunday 9:00AM pan 5:00pm ciang kihong den. Kumpi zumkhak te kikhak ngeilo. ZAM Thupuak pen leitung muntuamtuam aom Zomi khempeuh in asimtheih dingin www.zomidaily.com website ah ki koihden hi. Kizop nading Sia Lianpu: 017 370 8856 Pa Khup : 010 258 7894 Khanpi : 012 202 4197