MUC REFLECTS: REVEALED TRUTH

Thupatna:
Pa Nang Suan Gin(Pa Suan) pen sakollam SDA Conference Pawlpi in disfellowship ahihna thu
17/12/2010 ni-in Nu Ngaih Tawng in Nang Za Thang(thangbawi911@yahoo.com) pan email a
khah ciangin, mimal tuamtuam pan in dahpihna, khasiatna, MUC engkona, cihbangin lai
tuamtuam ong om hi. Tua tawh kisai-in A THUMAN THEIH NADING in MUC President
aitangin zahtakna lianpi tawh anuai-a banging kong lak hi
.
Sakollam SDA Conference Pawlpi in Pa Suan Action alakna:
Sakolam SDA Conference Church Board Meeting

Amun: Sakillam SDA Conference Biakinn

Ani: 17/12/2010 Friday

Church Board Members

Do Khan Khup, Gin Za Cin, Nang Suan Lian Mung, Nang Suan Gin(Pa Suan), Pau Kap Lian,
Pum Hang Kap, Thang Gen Mung(Elder & Church Pastor), Thang Suan Mung, Thual Thah
Cin, Thang Khan Dal(Pr), Vungh Suan Ciin, Suan Tuan Pau(Circle Leader),
Absentees:
Go Lun Mang(Magwe-ah gaalkap Training pai), Hau Llam Man
Invitees:
Gin Lian Mung(Dr), Kam Khan Mung, Kham Khen Pau, Khup Ngaih Thang, Thang Lian
Khup, Thang Za Pau

Kikup Thubulpi: ZAA Myanmar Pa Suan in Sakollam Conference Pawlpi Kipumkhatna

siasak ahihmanin Puahphat Nading
Kipat nadingin Sia Kai Za Dal in thu ngen hi. Tua khit in kikupna kipan hi
.
Thugnenate:
1. Pa Nang Suan Gin(Pa Suan) Genna:
Kei pen ZAA makai ong kici in hikeng. ZAA Committee Kawlgam-ah om kei. Gospel bek
hi. A nasemte-uh ading sum keitungah ong khak uh ahihmanin, ken apia hi bek ingh.
ZAA gospel pen Mission hitaleh Conference hitaleh adeihte kiang pai ding ci ungh. Sia
Pau Lek in MUC tawh kizom dingin ong gen mah, kei Committee hilo kahih manin kei'n
hih thei kei ning ci ingh.
Mrs White in Testimonies to Ministers laimai 489 ah, "Hun bei kuan ciangin Pasian tate
khempeuh in pawlpi kipawlna ngeina in na sem ciat ding hi ci-a a ngaihsun mi pawl khat
om hi. ahih hangin Topa in kei hong hilhna ah mi khempeuh thu tangpeka nasepna cih
bang om thei lo hi. vana aksite a vekpi-in thukham khut nuai-ah om hi, Pasian deihna
bangin na sem tek uh hi, agamtatna uh auk thukham zui ciat uh hi.Cidamtak leh khauh taka
Topa nasep a mainawt theih nadingin A mite kipawl khop kul hi……." ciin Church
Manual(Tedim pau) laimai 24 na sim hi.
GC Presidentpa Desmon Fot zong Biakbuk thu sanglo ahihmanin kihawlkhia hi. Upna
thugui 27 ilet kei leh SDA kihi lo hi. Zeisus in Peter aw, nang in suangneu na hi hi. Hih
suangpi tungah ka pawlpi ka lam dingi hi ci hi. Ei pen GC tawh kizomlo, kizop kulkei ci

-1-
 hang. GC tawh kizop keileh, gupn hawm bek hi khang, MUC amuanglo, tua sungah a utlo
hi ingh.
ZAA sanglo ding cih letmat thuh pen guk letmat hi, ken thei kha keng. ZAA ah hunbit
asem leh kha khat in Ks 100,000 hi. Azuite pen azuih sung letsong danin pia nung ong ci
uh.
Mualkawi Effort vai ding zong dong sak ingh. Sia Lian Pau in kei Conference hi ingh.
Tuiphum ding a om leh Pr. Kham Khen Pau sam ding ong ci . Mualkawi pen Mission hi,
no lah Conference hi uhcin, hithei kei ka cih manin kikhawl phot hi.
Na ki awi uhleh, no deih bangbangin hih un,… acih khit ciagin, ingeina ahih manin, kei thu
kikum ding na hih uhteh kei na pusuak ning ci,(Sia Dal in na khawl lai phot in acih hangin,
Pa Suan ciah veve)
2. Sia Kai Dal in Pa Suan Gen Thute a Hilcianna:
ZAA makai hikeng, acih bel man in cin, ahizongin ama laihawm sungah "kei a sawltak bek
hing.." cihna ah ZAA khutzat ahihna alak ahi hi(MUC tawh kizom dingin MUC in azol
densa hi)
Mrs White genna Pa Suan sim pen eitawh imawk bulh theih ding hilo hi. Desmon Ford
agen zong, GC President hi peuhmah lo hi. Australia-ah Avondale College Professor hi. Ph
D thuap 2 ngaha, khat pen Speech(Thu hilh/genna) tawh angah hi. Biakbuk thu sanglo,
EGWhite sang zolo, le Upna guipi pawlkhat sanglo-in, ama upna hilh hi. Tua ciangin
Pacific Union College ah ki koiha, SDA upna tawh aki banglo thu agen khawl nuamlo ahih
manin, 1980 in Glacier View Camp-ah, I pawlpi theologiante le Administrators-te in
dongtel hi. Asan loh ciangin, a Credential ki lakkiksak hi. MUC tawh genteh theih ding
hilo hi.
GC tawh kizomlo cih tawh kisai-in, ei MUC pen GC tawh akizom nuamlo hi lo hi. Ong ki
khaktan hi bek hi.Tua ban-ah SDA Encyclopedia, (SDA BC Vol. 10) laimai 1324 -a,
"Seventh-day adventist" cih thulu ah, "…….Lam dang khat panin gen leng, upna guipi
kibang napi, ahang khat peuh ziak in bulpi(central organization) tawh akizomlo khenkhiatte
zong SDA hikei ci-in kinial lo hi." ci hi. Tua manin SDA hihloh ding patauh omlo hi. Hih
laite pen makaipi khat peuh in zong amathu-in kheel theilo hi.
Tua ban-ah, laimai 493 ah:
"…The central governing organization of SDA Churcdh, composed of such…… union
conferencec and union missions(either in organized division sections or without divisional
affliliation) as have been or shall be properly organized and adccepted by the vote of the
General Conference in session; together with such local conferencs and properly organized
local mission as are not included in any division, union conference, or union mission, or
such local conference directly attatched to divisions and have been or shall be poprly
organized and accepted by vote of the General Conference in session…" ci lai hi.

MUC te GC tawh kizom ngeilo ding hi kua in cingam hiam? MUC muanglo, tua sungah
utlo cih nungsang Pa Suan pen MUC tawh akipawl nuamlo cihna hi.
ZAA pen MUC tawh kipawl dingin, Sia Saangpi(Lian Kap Sang) tawh kiho-in MUC ah
lali tawh zaksakna ong bawl un, tua hileh akipawl hi pah ding hihang ka cih hi. Sia Sangpi
in zong lai ong bawl mah nunge cinapi, asawtlo-in Lianneu in ZAA Secretary min tawh
kipawl kul kei cih email ong khah khia hi zaw hi.(MUC tangin Sia Khen in MUC Reflects-
-Conspiacy Revealed 1na, nihna, khit ciag ZAA le MUC kikaal leptuah ding thute ci-in
zolna kihawm den hi)

-2-
3. Pau Lek Genna:
ZAA sanglo ding cih letmat thuhpen, GUK LETMAT kici theilo hi. Sia Gen Mung pen
MUC in Church Pastor ding sawla, tual Pawlpi in Elder dingin a tel hi. Atavuan neihna
tawh letmat athuh theih nading thu nei hi. Sia Gen Mung khiallo hi.
4. Sia Gen Mung genna:
Kapa in banghangin MUC laihawmte simlo na hiam? ong ci mah. MUC laite ngah mah
ing. Sangsia teng tawh ka kikup uh ciangin, simloh dingin ong leek zaw ahihmanin mipi
zakin sim kei kha mawk mah ingh. Kei khialhna vive hi. Upna vai hilo ahihteh Pa Suan
action lak sangin kei ong la zaw un.
Tua hikei leh pawlsung buai zaw ding ahih manin, MUC zum pan ADCOM(administrative
committee) pan in ong sem ziau leu cin siang lel ding hi. Hih bangte ah kei ut kei mawk
ing. tuni a kipan Siapi kahihna, Church Pastor kahihna, le Elder kahihna a khawl hi mai
ing.
5. Sia Kai Dal Hilcianna:
Sia Gen Mung pen MUC worker hi, EC Member khat hi. SAS siapi in MUC in
appointment apiak hi. Elder zong hi. MUC aiawh in na asep ding hi. SAS siate in amah
worker in ciallo hi., EC member zong hilo uh hi. Hiring Organization cih bangin atat ding
hizaw hi. Tua bangin agamtat loh manin, sang, pawlpi avek in buai hi.
Membership tawh kisai-in MUC ADcom sep theih hilo cih genloh, GC in zong
membership vai lawng theilo hi. Khuatual Pawlpi bek in thuneihna nei hi. Myanmar Union
EC pan in Conference makaite 2004 September kha in agal paih pen Church Manual tawh
kituak lo hi. Pawlpi 17 a disband uh zong, Theological disagreement bekah Pawlpi ki
disband thei hi cih hizaw hi.
Hihte pen Sia Gen Mung sep ding hi. Aman sem nailo ahih manin, Chief Elder hihna tawh
Church Manual zui in ken Chairman asem hi bek ingh. Vote ding pen Sakollam Pawlpi bek
in hih thei hi.
6. Pa Pau Kap Lian genna:
Hih ZAA vai pen kan in lah nei het kei mawk ingh in, theilo mawk hing. Hizah ciang ding
sa leng, kan-in amah(Pa Suan) zong thuhilh ning. Disfellowship pah lo-in censor pia-in hun
ciangtan pia-in, akikheel kei leh disfellowship hipah the ci leng ken hoih sa ing.
7. Pa Mung genna:
Hih pen tu tawm-a piang hilo-a sawt veipi hi khin hi. Pawl sungah kuateng bang ci om cih
itheih khitsa tek hita hi. Akisik kik hun peuh ciang sankik mawh zong hi zenzen lo pi.
Tua khit in zong thu tampi le sawtpi kikum in atawpna ah Secret ballot tawh vote kila hi.
8. Lai dalno tawh Vote (secret ballot) lakna:a
Disfellowship ding le censor ding hoih na sak zawkzawk uh gelh un ci-in chairman in gelh
sak hi. Disfellowship ding vote 6, censor ding vote 2 tawh khensatna Church Board in nei
hi.(Parliamentary procedures ah "majority rule" kizang ahih manin, khensatna akip ong
suak hi). Vote sungah MUC pan-a paiteng le Pr. Suan Tuan Pau in vote neilo hi.

KHENSATNA
1. 2004 January 15-18 in Shan State, Kachin State, Mandalay Division, Sagaing Division le
Chin State pan SDA Pawlpi le companies palaai mi 128 in Conference din ding thukim na
letmat thuh uh hi.
2. Tua taangmi(representatives) apaisak khuatual Pawlpite lakah Sakollam Pawlpi zong khat
ahi hi. Tudongin kum 7 vaal Pawlpi bupin Conference ahi hi.

-3-
3. 2009 kum pan-in Zomi Adventist Association(ZAA) kici kipawlna khat USA pan ong kipan
in, 2010 in Kawlgam-ah Conference sunga ZAA Gospel ci-in pawlpite ah vak kawikawi uh
hi. Tua kawmin Conference hi ung kici napi uh-in Mission lut dingin Confernecete zol sim
uhhi.
4. Tua bangin na sem ZAA gospelte pen Sakollam Conference Pawlpi sunga Pa Suan tawh
kizom in nasem uh hi. MUC in ZAA(USA) le ZAA(Myanmar) tungah MUC tawh kizop
ding tamveipi kun uh napi kizom nuamlo uh hi.
5. Tua bang nasepna hangin, MUC khutnuai-a om Sakollam Pawlpi sung kipumkhatna susia
thamlo in MUC tawh nasep khopna le kizopna nawngkai hi. Khuatual Pawlpite pan in zong
ZAA in Conferencete Mission lut dingin pawlsung khenkham nading nasem uh hi.
6. Pa Suan in ama dinmun Church board mai-ah a pulaakna-ah zong GC tawh kizomlo MUC
muanlohna le tua sungah a utlohna pulaak khin hi.
Tuateng ahihmanin, 2006 kum March kha in MUC kalsuan zia ding le dinmun
pulaakna(Official Declaration) sungah thuguilet dinga a zat Church Manual, laimai 156, le 161
No. 8,9, zui-in, mailam MUC-Sakollam Conference Pawlpi sung kipumkhat kik nading deihna
tawh, amah(Pa Suan) pen disfellowship dingin khensat hi.

Saturday, 18/12/2010 in (Church Manual, 16th ed., 2000. p. 187, “Majority vote”) tawh kituak
in mipi atamzaw vote na tawh kipsakna ki nei hi. Tua sungah, Sakollam-ah member ahilo
sangnaupangte le zin ong kikhawmte in vote lo hi.

KHENSATNA APIANGSAK THUTE(Causes in Retrospect)

2004-2005
Conference din ding thukim Churches le companies 60 pan Pawlmi palaai(representatives) 128
lakah Pa Suan(signature gelh 128 lakah No. 18 na.) zong kihel hi. Sakollam Pawlpi bup in
Conference ahi hi. Pa Suan zong Conference sungah EC member, Auditor, Tedim Circle
Cashier cih bangin MUC ah ma kipang khawm hi. Tua laitak mahin zong Pa Suan pen Upper
Myanmar Mission ah EC member hi lai hi(Mun nih athuah).(Tua laitakin, Mission in
Conferencete disband ding ni 90 hunpia hi. Ni 90 abeina April kha 15 khit ciangin Kale,
Tidim, Tonzang cirlce ah Pr. Kai Khan Khual, Pr. Suak Khaw Ngin, le Pr. Do Za Thangte sawl
in amimal in disfellowship sak hi)

2006-2008
Tedim Circle sungah MUC in Cashier in seh leuleu hi. Tua sungin circle sung tual pawlpi pan
Kuarta sumpi puakte tungah, sumpi khenkhia in Mission-ah puak ding, tua hileh Mission in
bangmah ong cih theilo ding ci-in nazol zel hi, ci uh hi. (Mission in Conferencete Pawlpi 17
anihveina disband pia hi. Tua lakah Sakollam zong kihel hi)
Cashier pan MUC in khawlsak ding in Pa Suan in MUC EC/ADcom tungah lai tawh ngen hi.
Kipumkhat ding le sep khawm ding deihna in Cashier sem sak suakin, siate khasum pen Circle
Leader tung pan kipia dinga, Pa Suan in Kuarta simin sumpite Circle Leader tungah ap ding,
tua pan Circle Leader in MUC zumah puak dingin MUC in khensat hi.
Sakollam Sang in tan 10 hong ding, MUC operated sang ahi dingin ngen ahih manin, MUC
sang in kipsakin, appropriation pia hi. Tuamate in Tan 8 ciang hi-a Sakollam Khuatual Pawlpi
Operated(Church operated) sang ahihi.
Sia Sangpi siapi in ong koih sak kei uhteh ciin lungkimlohna tampi MUC President tungah gen
den hi. Tua tawh kisai-in sia Sangpi pen Vangteh adingin MUC in sawl hi napi, Tongsial ah
pawlpimi khat huhna tawh sia dingin Tongsial pai zaw hi. Sakollam sang Tan 10 kihon
ciangin Sia Gen Mung omta ahihmanin MUC in siapi in koih hi

-4-
2008-2009
Hih hunsungin sia Sangpite hanciamna tawh ZAA na kipan-in, Ngente Khawk sia pia dingin
ZAA in application na hawm hi. Tua laitakin tu-a ZAA President Pr. Gin Lian Pau pen
Malaysia ah om lai hi. (2010 ciangin US tung pan hi. Atun phet in ZAA President lukhu ngah
pah dan hi)

2010-
Conference gospel hi ung ci-in ZAA gospelte vak khiat kipan hi. Ngente, Phaiza, Tongsial,
Kaptel ah Mission lut dingin na zol sim uh ahihmanin, pkhuatual pawlpite in lamdangsa in
report puak uh hi. Tua thu akizak ciangin kipawlna a bawl kei buang leh MUC in ZAA sanglo
dingin khensatna bawl hi. ZAA in gospel kham/khaktan dawi simloh omlo ding cih lai khah
khia hi. MUC in gospel khamlo-a, Mission lut dingin mi asimzol uh khak hi.
Tua ciangin ZAA gospelte nungzui dingin MUC in mi khat sawlin, MUC tawh kizop dingin Pa
Suan tungah agen dingin Sia Do Lian Ngente ah a om laitakin, Khup Ngaih Thang le Pr. Kham
Khen Pau in Phone tawh hopih in vaikhak hi. Tedim Circle Conference Pastor Pau Lek kisawl
in Pa Suan kiangah MUC tawh kizom ding in ki kun sak hi. ZAA in Kawlgam-ah Committee
nei kei, RB zong kikhaam, kuamah in kham zo kei cih bangin thu ong ging sak uh hi. Tua
laitak hun mah in Sia Sangpi tungah MUC Presidentpu Sia Kai Dal in MUC zumah lai tawh
kizopna bawl dingin gena, Sia Sangpi in ong hih mah nung ci hi.
ZAAte kalsuan zia pawlkhat MUC Reflects cih thulu tawh Kham Khen Pau in lai khah hi. Tua
a thuhkikna in Sia Sangpi in ZAA PEN CONFERENCE AH KIPTAK IN DING HI, M LE C
GEN DING IN KUA MAH CIAL LO HI, cinapi, gospelte in amizol khiam tuanlo uh hi. Pa
Suan in lah ZAA Committee Kawlgam-ah omlo hi, ciin Volley Ball bet bang inZAA( USA)
lamte ngawh kawmkawm-in ZAA gospelte Sakollam pan kuankhia sak zel hi.
Sia Zam Khen Lam(Khenno) in ZAA vai bangci muh cih theinuam in Kham Khen Pau tungah
dong hi. Adawnkikna MUC REFLECTS--Conspiracy Revealed leh LEPTUAH DING A
OMLAI ZAA LE MUC KIBATLOHNATE cih thulu tawh lai hawmkhia hi. Sia Do Lian in
ZAA Presidentpu tungah, MUCte zuau phuak hi, ZAA nasepna thuman hi, kihazat man hi, ci
in Pr. Lian Pau tungah report pia hi. Tua ciangin zuau ahihlohna, Ngente, Thalmual, Phaiza,
Tongsial, Kaptel, Vangteh, Phunom, Tonzang, Zampite letmat thuha agenna uh kikhah khia
leuleu hi. Tua laite ZAA(USA) bulpi Sia Sangpi, ZAA Predidentpu Pr. GLPau tungah zong
kipia-a MUC TAWH KIKUM, KILEM, KIPAWL, SEM KHAWM DING ZOLNA VIVE
KIGELH HI.
Tua nungsang ZAA(USA), ZAA(Myanmar) in MUC tawh bangmah thuzak sakna neilo thamlo
in , Sakollam bulphuh in, Pa Suan inn zom, Tedim khuasunglam-a inn khat alei uh sungah
ZAA gospel sia Dolina le Sia Kampu om sak in, Tualzang le Sakollam ah mi pawlzawt sak hi.
MUC in Kale Sangpi evaluation aneih khit ciangin Sakollam zong evaluation bawl ding in
zasak hi. December 15, 2010 in Tedim ah MUC makaite sang sit dingin paito hi. Tua ma deuh
in ZAA workerte na ciah khin uh hi. Sia Kampu pen Nanphalong, Tamu ah ciah hi.
Nanphalong Pawlpi zong na lung himawh sak man hi. Sia Thang Za Pau le Pr. Hmun Lingte in
ZAA vaiteng va hilcian uh hi. Pewter Khenno in zong SDA hihna na lungsim sung pan kua in
ong lakkhiat sak thei zenzen ding hiam? ci in Pa Hau lawmnu tungah agen ciang in, puaklek in
a lungsim kihonga, kip mahmah pah hi. Tua zawh nangawnin Tuikhal pawlpi zol ding le nasep
vai-in khat vei paisuk lai cih Pawlpi upate in gen uh hi.

-5-
Thukhupna
Hih atunga thute hangin Sakollam in Pa Suan a tonpihtoto uh hangin, pawlnih khen in atam
zawk ciangin Conferencete a disfellowship ding zah dong in mukholta uh ahih manin, hi
bangin khensatna abawl uh ahi hi.

Ciapteh Ding:
Disfellowship cih pen "kipawlpihlo" cihna hi-a, SDA thu um nawn keiteh cih hilo zaw hi.
Church Manual in disfellowship piak theih nading thu 12 gual hi.
1. Upna guipi tawh akilehbulh upna hilhna.
2. Pasian thukham palsat-in milim biakna, mithahna, gukna, gamtak kih huai tatna, gambling,
sabat palsatna, zuau khen zongsatna
3. Thukham No. 7na palsat in nupa kikal cihtaklohna,
4. Nungak tangvaal mawhna pa le pa, nu le nu mawhna, hukna tawh mawhbawlna, akimasa
numei, pasal tawh kitenna, ahi hi.
5. Innkuan sung nangawn ah guhgam tatsiatna
6. Sumbawlna le nasepna ah khem mangin nasepna
7. Pasian nasep masuan a maimialsak ding gamtatna
8. Citaklo le khenkham sak ding nasepna tawh kipawlna
9. Hoihtak in a kiphut pawlpi thuneihna nial thapaihna le man noplohna
10. Alcohol le khamtheihte zatna, bawlna, zuakna
11. Zatep nam tuamtuam in bawlna, zuakna, zatna
12. Guihtheih khamtheih drug te zatkhialhna, zuakna,

Biakinn pailoh man, thanem man cihte hangin disfellowship piak ding in thukhung lo
hi(Church Manual, 16th ed. 2000 laimai, 187-188 "Members Not to be Removed from Church
Membership for Nonattendance,").
Sumpi piak loh man(Ibid., 188" Members Not to be removed for Pecuniary Reason,")

Disfellowship Vote ciangin, akizasak khit kikhopna ahih nakleh, akikhawm zah-ii majority in
a vote leh akip hi pah hi.(Ibid., 187 "Majority Vote,")

Zahtakna lianpi tawh,

T. Khamkhen
Kham Khen Pau, for MUC
MMCC, Kalemyo, Myanmar

-6-