YOUNG PAITE ASSOCIATION NEW LAMKA BLOCK PUBLICATION INCORPORATE

New Lamka
Voice of

tel in, na kisik kei hial ding...

Amun: EBCC Bethlehem KALTENGLY SUAKS

BETHLEHEMFEST, 2011
|
Ani: July 9, 2011 (Kiginni)

Tongluang s u a k n o n

t a
JULY 3, 2011

VOICE OF NEW LAMKA

~THUTHANG~
lPharmacy kang Damkam bazaar kiang a damdawi zuakna, Kham & Sons Pharmacy kichi apaisa Nilaini nitak dak 9:00 vel in mei in kang hi. Meikang kipatna theih hikei mahleh Electric short- circuit ziak hiding a gintak ahi. Damdawi tamtak kangsia in, a sum a tuat in Lakh khat val man kangtum hi. Meikang in mundang peh manlou in, akiangnai a omten phelhmit pah uhi. lHonna nei Ebenezer Academy in South Block building a bawl uh zoh siang ahihtoh kiton in July 1, 2011 zing dak 7 in Upa T. Phungzathang, Minister (Power) in honna nei in, Rev. L.Khamkholun, General Secretary, EBC in Pathian kianga latna nei hi.

lMeeting nei ding

Tuni sunnung dak 1:00 in YPA Executive Committee in Block Office ah meeting poimohtak nei ding. Hiai hun in maban a Assembly cum Cultural Festival ding toh kisai genkhawm ding uhi.

lHASA tungtuang

(L) S. Thianbiaklian memorial trophy football tournament final kimawlna June 29 in Lamzang mawltual ah om a, ei veng akipan i suan leh deihthoh mahmah Hebron Area Sporting Association (HASA) in PNGT Lunmual te 5-0 a zou in vualtung tuanna la uhi.

NEWLAMKA: Zogam Vocal School sai na in Lamka adia amasapen Hip-hop Dance (Battle On The Stage) Competition June 30, 2011 in CYA Hall, New Lamka (G) ah thupitak a neih in om. Hiai hun in veng tuamtuam akipan Group 6 in kidemna nei uhi. Hiai hun in Pu V. Langkhanpau Guite, Chairman, ADCC in Chief Guest hihna toh uap in, Dr. T. Hatzaw in kipahmante pekhia hi. Chief Guest in a genna ah kuapeuh in i hihtheih lam chiat chihtakna toh kuhkaltak

Hiphop Dance Competition zoh hita

a i hihleh nek muhlahna omlou ahih dan gen in, mi style copy sese lou a, eimah Style mahmah a leng hih theih ahihdan gen hi. Zogam Vocal School ten hiai hun in lasakna nei in mipi

paikhawmte ulsuak sak zou mahmah uhi. Hiai kidemna ah Zenhang Fly Boys te khatna in pang ua, amau Certificate leh Rs.3,000 ngah uhi. Certificate leh Rs. 2,000 la in

DV Click Star nihna in pang uhi. Thumna ah Thug Boys te pang ua, amau Certificate leh Rs.1, ngah uhi. Entu mipi tampetmah in Hall sung leh pua dimlet zen in mipi tam mahmah hi.

lTuikhuk honna

lBethlehem Fest

Bethlehem EBCC Tuailai ten hongtung ding July 9, 2011 (2nd Saturday) chiang in a Biakinn huangsung uah Keyboard Project ading a sum zonna in BETHLEHEMFEST kichi thupitak in neih sawm. Hiai hun in Van chi tuamtuam leh nektheih zuakna nei dung ua, kimawlna chituam tuam zong sai ding uhi. Muanhuaitak apan thutut kizadan in hiai hun mah in Ha (teeth) toh kisai a buaina neite ading in Ha Doctor siamtak ki etsak theih ding a, BP etna leh weight tehna zong omding hi. Hiai hun a kuapeuh va hoh chiat ding in Bethlehem Tuailai ten chialna bawl uhi,.

Vengnuam New Lamka huamsung a om EBCC Kanan Saptuam BRGF 2009-2010 tungtawn a Ringwell abawl uh zohsiang ahihtoh kiton in tukal paita sung in M.Gouzamang Executive Member and Incharge Education, Science and Technology ADCC in honna nei in, Pathian kianga latna Pastor H.Ginkhochin, Area Pastor in nei hi.

NEWLAMKA: Muanhuaitak apan thutut kizadan in apaisa June 25, 2011 nitak dak 8:00 vel in Hebron veng lak ah Imphal Free Press Correspondence Mr.

IFP Correspondence vuakliam in om

Kaimuanthang vuakliam in om hi. Manipur Hills Journalist Union (MHJU) in Deputy Commissioner, Churachandpur kiang a memorandum apiak uh kimu in ataklatdan in Mr. Kaimuanthang, Correspondence Imphal Free Press June 25, 2011 nitak dak 8 vel in New Lamka Hebron Veng ah volunteer duty hi

lGBC Day

NEWLAMKA: Ebenezer Academy in hun bangtan hiam akipan School building alamthak zohsiang ahihtak toh kiton in apaisa July 1, 2011 zingdak 7 in Minis-

Ebenezer Academy School Building thak hong

ter Pu Phungzathang Tonsing in a honna nei hi. Hiai South block building thak Rev. L.Khamkholun, General Secretary EBC in Pathian kiang ah lan hi. Hiai hun

ah Power Minister Phungzathang Tonsing in EBC Central choir te uniform manding in sum 50,000 pia a, huaiban ah EBCC Dorcas veng te leng 50,000 pia hi.

EBC saptuam sung a kahiang poimohtak Laisiangthou sinna a kum 29 chinna GBC Day tunin khovel pumpi EBC Saptuam omna teng ah zat hiding. GBC nasepna toh kisai agelhthoh a siam nuamten GBC tuma, tu leh tunung kichi article hoihtak EBC in khateng a asuah Khristian Thukizakna July kha Issue ah a muh theih ding.

NEWLAMKA: Lamka Damdawi inn kietsakna ticket khansak ahihbanah, Damdawi inn huangsung a Gari koihte kiang ah parking fee lak hiding in Medical Supdt. in thusuah bawl hi. Thusuak in a taklatna ah OPD a

OPD kietsakna ticket man khang

kietsakna Rs. 10 hiding a, damlou ki admit man Rs. 50 hiding a, tuabanah Damdawi inn huangsung a Gari pei 4 leh pei 3 neite kiangah Rs. 10 lak hiding a, pei 2 neite kiangah Rs. 5 lak hiding chi in taklang hi. Medical Supdt. in tak-

latna ah Lamka Damdawi inn etkolna ding in State leh Center apan sum hong pai omlou a Damlou etkolnate zang a Damdawi inn etkol ahihna ah haksatna kituakzel ahihna ah hiaibang a hihngai hin leng taklang hi.
THUSUAH DING PIAKTHEIH NA MUN TE: 1. YPA Hall Chowkidar 2. Block Office, Awnsuak Road 3. Pa L. Tualpum, Block President, Awnsuak Rd. 4. Editorial staff (9615052932 leh 9612652270) khatpeuh kiangah leng apiak theih gige ding hi. Email tungtawn newlamka@gmail.com inleng akhak theih ding.

a kigen khat in tem zang in thagum suahkhum a, Kaimuanthang in liamna nasatak tuak hi. Hiai toh kisai June 27, 2011 in Lamka Police Station ah report bawl hi a MHJU in forth estate tung a thagum suah ngaikhawk mah mah in Press te humbitna dia dakkal 24 sung a khutkha tu matkhiak ahihkeileh MHJU in kiphinna panding ahihdan uh zong taklang uhi. Jacintha Lazarus, IAS DC Lamka in hiai toh kisai agenna ah Mr. Kaimuanthang, Correspondence Imphal Free Press vawtu Mr. Douzapau, Hebron Veng, New Lamka Mizoram ah tailut a Mizoram Police te kiang a matding a thupia ahihdan gen in khutkhatu tailutna khua leh a tunna mun tanpha kithei khin ahihdan gen hi.
Kuapeuh i thil hihna khatpeuh i NEWS tungtawn ua Advertise bawl nuam i om leh huchibang te ading a COLUMN bawl theih gige ahi.. Editorial Board

Sunna

Ngetna leh theihsakna

Chiinzaching (74) w/o Thonzathang, Vengnuam aom in Sungkhoh in June 27 ni in honna mualliam san ta. Zampam (100) w/o (L) Ginthuam, Vengnuam aom in Sungkhoh in July 1 ni in honna mualliam san. NT. Sanga (50) s/o Vanlalngak, Vengnuam aom inleng July 1 ni in honna mualliam san ta. Amaute i it in i sun mahmah. ~Editorial Board

June kha hong bei tak toh kiton in vengchih a hawkers ten i news fee hong dong nawn ta ding uhi. Kuapeuh in ana kithuahpih a bat neikha zenzen i om ua lehleng June kha tan a i bat te tua ana pesiang ding in iki ngen uh hi. I news fee piakkhawm te tungtawn a VNL leh Hawkers te kitoudelh aki hih man in, adiakin Hawkers ten a news hawmman te ua kipan School fee leh niteng poimoh vanzat tuamtuam lei na a azatzel uh ahihman in kuapeuh in ngai poimawh in ana penawn siausiau leng chi in iki ngen hi. A fee pen Rs. 15 mah hi ding ahi. ~Editorial Board~

THU KISUAH TE EDITORIAL BOARD NGAIHDAN AHIKIM KEI, THUSUAH TUTEN AMAU THUSUAH CHIAT MOH AKIPUAK DING UH

tnemesitrevdA

Advertisement

EIDITORIAL BOARD: Chief Editor : M. Luahkhanchin, Block Secretary Editor : Chinsuanlal Circulation Manager : Hauchinthang Chief Adiviser : L. Tualpum, Block President Ex-officio Member : YPA Unit President

HAWKERS:

lVENGNUAM (SOUTH):

Sonlian, Paumuan, Thangchinkhup lVENGNUAM (A): Muanlalsiam, Siamsuanmung lHEBRON VENG: Tualkhansuan, P.Thanglianlam

lDORCAS VENG:

Thangginom, Paukhanmung lNEW LAMKA(G): Lianbiaksiam lCOLLEGE VENG: Laldawn Ngaihte

lELIM VENG:

Minthang Tonsing lKANAN VENG: John lZION VENG: Thangmuansang, Thangsuankhup

YPA NEW LAMKA BLOCK PUBLICATION INCORPORATE

VOICE OF NEW LAMKA | JUNE 26, 2011 inform . inspire . initiate

bang chi zat?

KHOTANG ZALEENNA

Editorial

Tuni Biakna program

BETHLEHEM 06:00AM | DPT | Pitu Nu C. Engzam 10:30AM | Biakna leh Nipi Skul Hunkem : SS Secretary Sinsakna : Local Pastor 06:15PM | GBC Day Biakna pitu Lapawl Thugentu Benediction COC Dorcas Road 10:00AM Hunvomtu Lapitu Thilpiak leh annkuang Thugen 06:30PM Hunvomtu Lapitu Thugen PCI(R) Rayburn 10:30AM Biakna pitu 06:30PM Biaknapitu Thugentu Hunkhakna : : : : T. Ginkhojam BCD/BYF G. Suankhanhau Pastor S. Langzakham

HEHPIHNA KHUT
Lamka, July 3, 2011

Khotang I chih mihing tampi tenkhawn na apan hong piang ahi. Muntuam leh namtuam dungjui in I khotang ki banglou hi. I muhphak naichik a I tenna gam neitu kichi Meiteite toh leng I khotang paidan naktak in kibang lou hi. Tuni in hiai khotang chituamtuam piangsak tute gen I sawm kei a, himahleh hiai khotang a zaleenna I bang chi zat a, bang chileh I zang phatuam thei dia chih lam gen zaw leng I chi hi. Mundang leh namdang tampi lak a kimu lou, eiten I neih uh khotang zalenna ahi. Mi inn hiam lawmte inn hiam ah zaleen tak in I ki pot tuah thei a, ki pawl khawmna min tuamtuam zang in I ki mukhawm mun mahmah uh hi. A hi a huchibang a I zaleen nate I bang chi zat a chih kuapeuh in I ngaihtuah thak mahmah uh kisam hi. I ki teh na dia hoih mahmah Sapte thupil khat in hichi in ana gen hi. Lungsim neu ten midangte thu a houlim ua, lungsim pangngai ten thiltungte a houlim ua, lungsim lian te ngaihdan a houlim uh.Eiten I kimuhkhawm na teleh khotang a zaleen tak a I ki pawl khawm nate ah bang thute I gen a, midangte gensiatna di leh thu phatuam loute genna in I zang sek uh hia chih te ki eimah leh eimah ki ngaihtuah din hoih mahmah hi. I Lamka khopi pen lian huntawk in ki thujakna leng tam mahmah a, niteng a suak bang kalteng a suak bang hunkhop ki neita hi. Himahleh hiaite tungtawn in mipi ngaihdan (public opinion), I khotang zaleenna leh ki pawlkhawmna te a pan muhding leh zak ding tam hetlou mawk hi. Hiai pen thil lamdang mahmah khat ahi. Mipi ten I ngaihdan te gen ngamlou maw a hihkeileh gendi thu om lou????? I khotang zaleenna tungtawn in I gamsung hoihna di, I khotang hoihna di, I innsung hoih nadi leh I mimal hoih na di thute gen in kikum in I news te tungtawn in a phattuampih theidi mite lak ah suah jel leng KHOTANG ZALENNA manpha I nei ding hi.

: : : :

Tunzalian Thonglianmung Eld Kaikhanlian Deco. Kamsuanthang

: Thongzathang : Nengsuanlal : Eld. Thangkhogin

a hon kithuahpihna uh leh tawsawnnate ziakun mahni utthu hilou a hihtheih tuam nei naupangte kaina THE MALSAWM INITIATIVE (A School for Children with Special Needs) paitou zel hi. Naupang 10 kaisak ding i chih uh himahleh tuabangte kaina ding a omlouh ziak akai poimoh nawlkhin vuallouh a om man in naupang 17 kai lel uhi. I naupangte uh hihtheihdan tuamchiat leh taksap kibanglou vek ua, school ngeina toh teh in naupang tawm mahleh haksatna tampi a om hi. Hichibangte hilhtu ding a kisinsiamsa heutu i neihte uh tungtawn leh Pathian ompihna toh in tuni chiangchiang ah amau chiat a khanna nei uh hi a muh in a om hi. Huhtu ding om ziak hiam neihziak hiam hilou a, hichi bang naupangte kaina ding poimoh luat ziak a Pathian hatna muang a patkhiak ahi a, tuni tan inleng huhtu kichian omkei mahleh khonggaihtute na hon thohkhawmte ziak un kal i suanthei zel uhi. Mahni a kitoudelh theihna ding lampi zonna in Vengnuam, Hiangtam Lamka, Opposite The Lamka Post ah vanluite zuakna CCI Charity Shop i bawl uhi. Hiai a vanzuakna a pungte The Malsawm Initiative a zat ding a gel ahi. CCI Charity Shop ahihleh vanlui na hon thohkhawmte uh zuakna mun ahi. Hiai adin van lui khat pepeuh silh-le-ten, um-le-bel, innvan poimoh tuamtuam, electronics van tuamtuam, naupangte kimawlna, kicheina van leh vanlui na zat nonlouh ding lak ua a neulua, a selua omlou in koih theih in leitheih hi. Hihtheih ka nei kei chi ken. Vualphaklouhna nei naupangte panpihna ding in Inn a vanlui na koih maimaite hiai dawr adia na thoh hiam hiai dawr a van kiman tak tak te na lei tungtawn in nna thupitak na sem thei hi. Centre for Community Initiative (CCI)
CENTRE FOR COMMUNITY INITIATIVE Zion Street, Central Lamka, Churachandpur 795128, Manipur, INDIA Contact: +91-9206356269 Website: www.communityinitiate.org Email: info@communityinitiate.org

: Pastor M.Khamlianmang : Eld Tunngaihpau : Rev. Lian C. Tombing : Pastor M.Khamlianmang

Program copy kimu bangbang hon kisuah zel ding. Saptuam chih in mahni Biakna program te hon pe khawm zel ding in iki ngen uhi.

Ka ui uh, asan hiuhiau, alian inn apat paw hong paikik nawn kei a, amukha hiam a thei kha hiam a om leh hehpihtak in hon theisak ding in ka hon ngen hi. T.K Mang, Zion Veng Phone no. 9862705973 Ka gari Maruti 800 Chabi (key) Remote toh ki thuah ka inn College Veng Awnsuak Road leh Zion Veng Biakinn kikal ah Date 29/06/2011 in ka mangsak kha a, a mukha na om zenzen ua leh hehpih tak a a nuai a contact number te a hon theisak ding in ka hon ngen hi. Thangchinkhup Awnsuak Road, College Veng, New Lamka Ph. 9612489766; 9402737678 Computer kha 4/5 lel ka Desktop on Sale zat ka zuak ut a, aman a hih leh ki houlem dandan ahi ding. Market a tamtak seng a na lei sang a save zaw na hi. Azuaktu: 1. K.Tualkhokai, Bethel Veng New Lamka
(EBCC Zoan Biakinn lamthakna gei ah hong kan in)

UI MANG ZONNA

NGETNA

INNMUN ZUAKNA
New Lamka, Kanan veng leh Ngathal khua toh ki mat ah, innmun (plot) ka zuak lel ua, adeih ten hong en ding in kahon theisak uh hi. 1. Tualpum Phone: 9615690701 2. Khupkhanmung Phone: 9862238138 Hebron Veng, New Lamka
PLOT ONSALE

Chialna

2. Mr. Zion Bethel Veng, New Lamka

(Obadiyah School Campus)

Contact no. 8575772601, 9612666110

Ka pate uh Upa B. Luaizachin leh Upa B. Vungkham banah ka nu uh Nu Nemman leh kanau uh Mr. B. Zamzachin te theihgigena Suangphuh honna hongtung ding July 4, 2011 zing dak 7:00 chiang in YPA Hanmual, New Lamka ah neih kasawm uhi. Amaute ngaina a telnuam te hiai VNL tungtawn a hon theisak in ngainatak in kahon chial uhi. Card leh inn a chialna dang bangmah bawl tuanlou kahih ziak un hiai i VNL tungtawn a kahon chialna uh hon pomsak ding in kon ngen uhi. Chialtute: Upa B. Goumang leh Mr. B. Nengkhansong Vengnuam, New Lamka

THU KISUAH TE EDITORIAL BOARD NGAIHDAN AHIKIM KEI, THUSUAH TUTEN AMAU THUSUAH CHIAT MOH AKIPUAK DING UH