Z 10 : maan na maanmain tera MEHMAAN

Hello ji welcome hai aap sabka uss show mein jismein hum bajaate hain celebs ki aisi band, ki baj jaata hai unka baaja aur nikal jaati hai unki badi badi baaton ki baarat... Aur aaj Zabardus ke iss mahaan show mein humne decide kiya ki kyon na kholi jaaye aise bollywoodiya mehmaano ki pol jinka aajkal nahi bachcha hai koyee maan - samman..inhein ab koi party mein nahin bulata... jinke saath koi khaana nahin khaana chahta... lekin haan!!!! Inmein kuch aise zabardast type ke bollywoodiya atithi bhi hain..jinko invitation mile ya na mile voh bin bulaye barati ban hi jaate hain bada complication hai.. Ab kaa batayin bhaiyyatoh chaliye faltoo baton mein time waste karne se achcha shuru karte hain aajka Zabar Dus- Maan na Maan main tera MehmaanNo.10 par hain shotgun Shatru Uncle Jinhone bade armaanon se shaayad armani ka suit silwaya raha hoga Aish Ahishek ke shubh vivaah ke liye aur Uncle Big B ne full on Mere Angne Mein Tumhara Kya Hal Hai style mein Shotgun chacha ko de diya Ditch..kkyun! Aur Shatru uncle ho gaye gusse mein aise aag bagoola ki kya batayein...Ek taraf BigB aur unki tanhaayi aksar apas mein ye batein karte honge ki Shot Gun hote to kya hota... Wo is baat par itna hah hah hah karke hanste wo uss baat par naaraz ho kar Khamosh kehte... Tum hote to do rasgullon ka order zyada dena padta tum hote to jalebiyon ka kharcha badh jaata... Magar ab ye aalam hai ki Shot gun nahin aur unki Khamosh kehti aawaz bhi nahin... Bus BigB ko shayad laga ki Shotgun chacha ke samne dostana bhari apni olive branch badha di jaaye... Magar tab tak shotgun bhaiyya ka paara tha total high... Aur jab Shatru dada ki khopdi garam huyi to samajh lo dharti par Global warming aa jaati hai... aur toofaani Shot Gun ke gusse ke jwalamukhi ko dhakne ke liye BigB ne socha ki kyon na uspar Mithayi ka dhakkan rakh diya jaaye... Bechare BigB ko pata nahin tha ki invite na milne se gussaye bitter Shotgun saahab iss waqt mithaayi ke mood mein nahin the... bus phir kya tha Bhadke huye Shotgun saahab ne bindaas wo mithaayi ka dabba waapas BigB ke ghar aise bheja jaise log Abhishek ki movies ko theaters se waapas bhejte hain... hehehe... Ab uss mithaayi ka BigB ne kya kiya ye to BigB hi jaanein Magar Shatru Uncle ne bhi zaahir kar diya (VO ALA Shatru) Rookhi Sookhi Jo Mile Pet Bharne Ke Liye Kaafi Do Gaz hai Zameen Jeene marne Ke Liye To bashhaao iss tarah izzat

ke saath Mithaayi Thukraa ke BigB ko KHAAMOSH karte Shot Gun Uncle aa gaye hain No. 10 par

9. Number nau par hain wo jinki lambi lambi taangein itni lambi hain ki wo ab tak naa jaane kitno ko taang chuki hain Yes its Deepika Padukone To bhaiyya hua yun ki Deepi Baby ki movie Houseful ho gayi thi hit Aur koi bhi movie tab tak hit nahin maani jaati jab tak uski shaan mein koi party naa de To aise mein Houseful ki success ke liye Party dene ka beeda uthaya unhone jinke naam ki nameplate Deepi baby ne kabhi apni nazuk si gardan par tattoo karwa lit hi Yes! Rockstar Ranbir Magar kaa batayein bhaiyya Ranbir paaji ne Houseful ki iss success party mein Deepika baby ko hi invite nahin kiya ye bhi koi baat huyi? Hain bhai hain? Maana ki uss movie mein Deepika ka role unke kapdo ki tarah hi bada tiney sa tha magar apni hi movie ki success party se Mere Angne Mein Tumhara Kya Kaam Hai style mein uninvited Deepika ke naazuk se dil par kya beeti hogi zara socho? Lagta hai Ranbir ye soch ke ghabra gaye honge ki Houseful ke director Saajid Khan iss party mein itnaa dabaa ke khayenge ki Deepika ke liye khana nahin bachega bhaiyye Ranbir, waise bhi apni figure ko le kar conscious Deepi baby uss party mein itta bhi nahin khaati ki baakiyon ko khaane ke laale pad jaate Bula hi lete to kya bigad jaata bhai? Lagta hai Party ke bahaane RK miyaa kisi aur hottie ke saath nain matakka karne ke mood mein the aur kahin Deepika Kabab mein Haddi na ban jaaye isliye unhone Deepika ko tarkaa denaa hi uchit samjha How bad RK Wo Deepika hai koi Uday Chopra ki movie nahin ki tum usey aise avoid karo Khair aapki iss harkat ki wajah se humare iss uninvited guests ki list mein Deepika Padukone invite ho gayi hain No.9 par

8. Aur number aath par aa gaye hain kadh se 13 years old, aur attitude ke mamle mein 300 years old Shahid Kapoor Bhaiyya Shahid ko waise bhi Partiyon mein jaana pasand nahin Kya pata kab kaun si wali Ex unse takraa jaaye After all aajkal wo har single ready to mingle kanya ko ghumaate nazar aate hain magar iss party mein unko nyota hi nahin bheja gaya to bhala wo

wahaan kaise jaate? Hehehe Ye party thi apne Duggu bhaiyya Hrithik ki happy budday to you Party Aur Janmdin ke iss shubh mauke par chauka maarte huye Duggu miyaan ne Sasha ko de maari Ditch unko kiya hi nahin invite Aur Sasha bhaiyya reh gaye Bday cake khaane se vanchit haye daiyya Magar har kaam soch samajh ke karne wale Hrithik ne shaayad kuchh soch ke hi Sasha ko is party mein invite nahin kiya hoga Reason No.1 Sasha thehre Shuddh Shakahaari Aur Hrithik ke cake mein to andaa hoga, ab Sasha ke liye eggless cake order karke extra kharcha kyon karnaRight? Reason no.2 kahin Sasha ki height dekh ke bachche log unko Koi Mil Gaya ka Jaaadu na samajh lein waise bhi aajkal jaise expressions Shahid banate rehte hain unko dekh ke ye confusion bachchon ko kya kayi bade logo ko bhi ho sakti hai Reason No.3 Shaayad Hrithik ne bhi Shahid ki Unjhelebal movie Mausam dekh li ho Kyonki uss movie ke baad shaayad hi koi Shoorveer hoga jo Shahid ko Jhelofy kar sakey Reason No. Chaar ki Hrithik ki Bday mein SRK invited the jab asli Shahrukh party mein ho to Chhote Shahrukh yaane Sachet pack SRK Shahid ka wahaan kya kaam Right Hrithik? To bhai Bday ek aur Reason Chaar Chaar Ab bhala koi kaise kahega ki Bahut beinsaafi hai Bus in saare reasons ko maddenazar rakhte huye Hrithik ne apne Bday ka card bheja hi nahin Shahid miyaa ko Chalo koi nahin Shahid itni chhoti si baat se dukhi hone ka nahin Tumhare bhi to gift den eke chaar paise bach gaye To bus ab utho haath muh dho lo Aur apni society ke bachchon ke saath Gully Cricket khelne nikal jaao Kyonki baaki bade log to tumko kisi kaam mein invite karenge nahin isliye aap aa gaye ho Uninvited Guests List ke iss countdown mein No. 8 par

(VO A little lisp like Javed Akhtar) Bollywood hai to partiyaan hain partiyaan hain to guests hain Guests hain to uninvited anchaahe Atithi tum kab jaaogey type ke guests bhi hai Guess kijiye kiss hottie ko aajkal koi invite nahin karta aur kaun hai wo jo har party mein bina invite langar khaane pahunch jaata hai Hum kholenge inki pol patti Right after this break.

BREAK

Univited Mehmaan SEGMENT 2 Hello and welcome to Zabar Dus jismein aaj baatein ho rahi hain un celebs ki jinko aajkal partiyon ke invites nahin aa rahe hain Jinko Buffet dinner kiye itna time ho gaya ki wo buffet ki spelling tak bhool chuke hain Aur in celebs mein agla no. hai 7. No Seven kabhi Jo Jeeta Wohi Sikandar se logo ke dilon ko dhadkaane wali Pooja Bedi Miss Bedi ke saath jo hua wo kaafi dardnaak tha madam Bedi ne bade armaano ke saath ek reality show mein kadam rakha tha magar unko laga ki unke kadmo se zyada Dum wahaan Dumdaar dabangg Sallu paaji ka chal raha hai Sallu paaji the show ke host aur uss reality show ki ek aur contestant ke dost aisa humara nahin Pooja madam ka manna tha Bhaiyya koi kisi ka bhi dost ho apne ko kya aisi philosophy rakhne ki bajaaye Pooja aunty ne apni lambi lambi taangein adaa di iss mamle mein aur aisi tangdi adaane waalon ke saath normally jo hota hai wo ho gaya Pooja madam ke saath jaise hi madam ji show ke baahar aayi unhone dabaa ke Sallu paaji ki buraayi karni shuru ki Aur bhaiyya Paani mein reh kar magarmachh se bair aur Industry mein reh kar Sallu paaji se bair rakhne ka kya nateeja nikalta hai ye koi Vivek Oberoi se poochhe Bus ji hona kyat ha madam Bedi ko unke hi show ke finale se hona pad gaya Tadipaar Aur Vishkanya naam ki movie se debut karnewali Pooja Bedi wish hi karti reh gayi ki koi unhein bhi unke show ki party ka invite bhej de Aur iss tarah ban gayi humare show mein No.7 un invited guest No.6 par hain Akshay Kumar, jinko logo ki shaadiyon mein jaana, naachna gaana itta pasand hai ki bhaiyya kya bataayein magar Akshay Kumar ji ko achanak Bollywood ki ek high

profile shaadi ki invite hi nahin mili to wo wahaan jaate kaise? Ye shaadi thi Shilpa Shetty aur Raj Kundra saab ki Aur Akki paaji ko bulana to door raha iss shaadi mein aaye Brassband-wale Akki paaji ki filmon ke sumadhur hit geeton ka guldasta bhi pesh nahin kar paaye bechare Bandmaster Pappu ne kitti hasraton ke saath un hit gaano ki practice ki hogi magar nahin bhaiyya iss shaadi ke aas-paas Akki se judi koi cheez nahin maangti thi Raj Kundra Shilpa Shetty ko Aakhir kisi zamaane mein Chura ke Dil Mera Goriya Chali type ke gaane Akshay ke saath karnewali Shilpa madam ko Akki se aisi allergy kyon ho gayi jaisi duniya ko Aftab Shivdasani se hai bhaiyya kabhi hum saath saath hain kehne wale Akki Shilpa kaafi time se ek doosre ko Hum Aapke Hain kaun kehne lage the isliye Kundra Miyaan ne socha hoga Stuntmaster Akki ko bula kar shaadi mein koi stunt naa ho jaaye Aur kahin unki baraat mein nachne ke badle Akki miyaan unko bada sa bill na thamaa dein.. waise bhi Paise ke liye shaadiyon mein naachna Akki bhaiyya ke liye koi nayi baat nahin Buss isliye Akki bhaiyya rahe iss shaadi se uninvited aur ban gaye humare show ke Uninvited Guest No.6. Aur No. Five par hain Ithlati, balkhaati Desh mein silicon ka import badhaati Kangana Ranaut Kangy baby aajkal teen hi cheezein karti paayi jaati hain Apna figure enhance karna, Industry ke todu jawaanmardon se dosti badhaana Aur pango ki nayi list banana To hua yun ki Kangy baby ban gayi Sanju baba aur Ajay Devgn ki khaasamkhaas Aur jaise hi in do Hunk bhai logo ne picture plan ki unhone Kangy baby ko sign kar liya Iss baat se Kangy baby khushi se phooli nahin samaayi Magar movie ke beech mein hi Kangy baby ke attitude se Sanju baba zara khafaa ho gaye Aur sunne mein aaya hai baad mein Kangana ne movie ki dubbing adhoori chhod di Ab aise mein Munna Bhai ka khopdi satkega nahin kya? Bol naa mere ko Bus bhaiyya ab tak Kangy baby ke nakhre jhelte baba ne unko aise side kar diya jaise aajkal Bollywood ne Dino Morea ko side kiya hua hai Uske baad Rascals se judi kisi bhi party mein Kangy baby ko naa to invite bheja gaya na unko bulaaya gaya yahaan tak ki Movie ki

music release party ko bhi poori tarah Plastic Free rakhne ka eco friendly decision rakhte huye Sanju baba ne Kangy baby ko rakha party se door magar bhaiyye usse fayda bhi kangy ko hi hua na Picture ka to dabba gol ho gaya Ab Kangy party kar rahi hogi kahin aur Sanju baba losses poora karne ke liye Kaancha Cheena bane ghoom rahe hain Magar Rascals ki parties mein uninvited Kangy isi ke saath aa gayi hain iss countdown mein No.5 par. 4. Aur uninvited guests ki list mein Chauka maar ke sabko chaunkaa rahi hain Priyanka Chopra on No.4 Jo kabhi sabki raajdulaari thi sabki pyaari thi Piggy ke piggy bank mein itte friends the jitney ki Anil kapoor ki body par baal nahin hain PC ka PR itta strong tha ki Unke saath khoon maaf the magar kehte hain na bhaiyya Sab Din Hot Na Ek Samaan Bus Piggy baby ke saath bhi wohi baat ho gayi jiski unhone ummeed tak nahin ki thi Unko ditchie bhi mili to aise bande se jiske saath unka bada Dostana tha Mr.karan Johar jinhone apni naughty @ 40 Bday party se Piggy ko kar diyaa iggie yaane ignore Aakhir aisa kya hua ki inka Dostana ban gaya Agnipath Aur ab Agnipath se Ugly-path banti iss ishtory ke peechhe reason hai PC aur SRK ke beech badhte dostaane ka Nahin nahin K-Jo SRK ko le kar itte bhi possessive nahin hain bhaiyya magar phir bhi sunne mein aaya hai ki K-Jo miyaan ko Piggy SRK ki ye dosti kuchh khaas jam nahin rahi aur isliye unhone Piggy ko apne Bday Party se door hi rakh diya hai Waise iss mahaan Party se sirf Piggy hi nahin apni Aag ke liye infamous RGV bhi hain jinse K-Jo ka relation kuchh aisa hai jaisa Sholay mein Thakur aur Gabbar ke beech hua karta tha Toh soch lo Piggy bitiya Agar aapko K-Jo jaise bande ne RGV ki category mein rakh diya hai to badi badnaami ho jaawegi Itna hi nahin suna hai recently unko isi reason se Hrithik Roshan ke Bday ka invite bhi nahin aaya tha Bhaiyya do do Bday cake miss karna is not good PeeCeeisliye please sambhaliye apne aap ko aur ban jaaiye phir se sabki dulaari PC kyonki in parties se ditchie paa kar aap aa gayi hain uninvited guests ki iss countdown par No.chaar par

Aur isi ke saath time aa gaya hai apne top 3 ke naam par se parda uthaane ka magar aise bhi kya jaldi hai bhai logo Parda uthega magar ek Commercial Break ke baad Kahin jaaiyega nahin kyonki Zabar Dus mein No.1Party abhi baaki hai mere dost!

SEGMENT 3 Hanji to pataakhon se zyada dhamaakedaar aur phuljhadiyon se zyada chataakhedaar Zabar Dus par ye hai parties mein uninvited Guests ki lists ki bahaar Jo bechare reh gaye kuchh khaas partiyon mein uninvited Aur ab iss list mein No. hai top 3 ka dekhte hain ki kaun hain wo Top-chand Guests 3. (VO Like a HBO Promo, upbeat music Super sharp edit) Iss shatabdi ki sabse badi shaadi! Iss Desh Ki sabse Badi Party Jis par thi sabki nazar! Jiske Ladduon ki Khushboo se bhar gaya tha poore Bollywood ke muh mein paani Chi. Abhishek sang Sau. Kaa. Aishwarya ki shaadi Amitabh Bachchan ke ghar par Shehnaayi baj rahi thi Aur Poore Bollywood ke gharon mein Poongi! Poochho kyon? Arre BigB ne shaadi ke cards itne kum chhapwaaye the ki Bollywood mein kisi ko invite hi nahin gaya raam raam raam Bhaiyya Shaadi na huyi Tom Cruise ka secret mission ho gaya ki kisi ko bataaye bina chupchaap accomplish kar liya Amaa BigB eklaute bte ki eklauti shaadi se sabko door rakhna kahaan ki achhi baat hai Shaadi huyi ek uspe Jokes bane anek Ab bolo do chaar darzan cards chhapwa ke thode se extra rasgullon ka order de hi dete to kya bigad jaana tha? Aji mehmaan zyada ho jaate to bus daal aur sabzi mein paani aur namak ki matra hi to badhwaani padti lagta hai unko tension rahi hogi ki kahin sabko bula liya to log shaadi ki party mein se chammach katori aur baahar lage Disco Bulbs churaa ke naa le jaayein ab jo log Dhuno aur Scripts ke mamle mein bharose ke naa ho unpe Chammach aur Bulbs ke mamle mein bharosa kaise kiya jaa sakta hai? Bus shaayad isi

darr se BigB ne itne saare logo ko invite nahin bheje Iss shadi mein unvited rahe hain (VO like farmayishi radio program announcer) Mannat se Shahrukh Khan-Gauri aur unke sathi, Bandra se Salman Khan, unke bhai-bhateeje, Aamir Khan aur unke saathi, Karisma kapoor aur har party mein uninvited rehne wale Vivek Oberoi To isi ke saaath ye saare celebs aa gaye hain Abhishek-Aish ki shaadi mein uninvited guest ban kar No.3 par No.2 par hain apne Aag Baboola RGV, jinki nazron ko bhi dekho to aisa lagta hai ki abhi bhadak ke pata nahin kiska band baja daalein Aur Ramu chacha ki Aag bhale theaters se yu hi nikal gayi ho magar ye aag unke dil mein aaj bhi jwalamukhi ki tarah dhadhak rahi hai Aur aise mein jwalansheel muddon ke bare mein soch kar fuski bomb jaisi Phussy filmein banana mein expert ho chuke RGV ko recently ek party ka Invite nahin bheja gaya ye party thi Coffee ke shaukeen aur gossips ke raja karan Johar ki Bday party Matlab kehne ka ye ki Microblogging par K-Jo se panga lena RGV ko pad gaya hai Mehnga Kyonki ab K-Jo ne RGV ko dikha diya hai thenga Ab RGV kya karenge? Kahin wo iss par based Satya Ghatnaaon par aadharit koi doosri flop film plan karenge jismein wo K-Jo ka role Vivek Oberoi ko de kar K-Jo se badlaa lenge Ya phir K-Jo par apne micro baanon se humlaa bol denge? Ye to RGV hi jaanein magar K-Jo par research kar rahe Kjo-logists ka kehna hai ki iss kadam ke peechhe K-Jo ka ye darr bhi raha hoga ki kahin Bday gift bol ke RGV K-Jo ko apni movies ki DVDs na gift kar daalein Kyonki RGV ki movies ki DVDs ek 40 years old bachelor ke liye cholesterol se bhi zyada khatarnaak hai Khair RGV ko nahin mila K-Jo ke Bday ka cake aur wo ho rahe hain apne gusse ke oven mein bake Aur wo aa gaye hain uninvited guests ki list mein on No.2 Ab sawaal hai No.1 ka magar usse pehle ho jaaye ek quick recap 10. BigB ke ghar Abhishek Aish ki shaadi ki mithayi wapas bhej kar Shotgun Sinha hain on No.10.

9. Ranbir ki Houseful party mein uninvited Deepika on No.9. 8. No.8 par Chhote se Shahid ko nahin mila Hrithik ke Bday ka invite Olelele 7. No.saat par apne hi reality show ke finale se bedakhal Pooja Bedi. 6. No.6 par Shilpa-Raj Kundra ki shaadi mein uninvited Akshay Kumar. 5. Rascals ki parties se huyi door, Silicon se Mashhoor.. kangana Ranaut on No.5. 4. K-Jo ki party se le kar Hrithik ki party tak mein uninvited bechari Priyanka on No.4 3. Celebs ki ek lambi kataar, jinko nahin mila BigB putra Abhishek ki Shaadi ka card on No.3 2. Number do par K-Jo se pangon ki wajah se unki Bday party mein uninvited RGV. Aur ab baari hai apne No.1 ki Jinko kisi bhi party mein invite naa karna ban chukka hai Bollywood mein status symbol magar ye huzoor bina bulaaye har party mein yu ghus jaate hain jaise ki wo Party nahin Gurudware ka langar hai Ladies and gentleman please put your hands together for Vivek Oberoi (Some superb entry moment of Vivek in any event, best would be Prince ka launch, where he appeared from the floor, with Glitters and blasts) Bhaiyya ghar mein party ho bachche ka mundane ho, naukrani ka naamkaran ho ya Mata Ka jagrata ho Vivek Oberoi ko nyota bhejne ki naubat hi nahin aati wo khud aa jaate hain Binbulaye mehmaan ban ke Suna hai recently wo SRK ki Mannat mein ho rahi party mein free ke dahibade khaane pahunch gaye wo bhi bina invite ke Unki iss harkat se suna hai Gauri kaafi khafaa huyi magar SRK ne politely mamla rafadafa kiya Iske baad free ki paanipuri khane wo chale gaye Hrithik ki Bday party mein, jahaan unko

bulaya hi nahin gaya tha Magar kya karein Vivek ye sab formalities ke chakkar mein padte hi nahin unka manna hai Jisne ki Sharam, uske phoote karam issliye bus muh uthaaye ghus jaate hain wo kahin bhi iske pehle bhi wo Sanju baba ke ghar par huyi Mata ki Chauki mein bin bulaaye jaa chuke hain Bhaiyya aisa Maan Na Maan Main Tera Mehmaan mil paana Bollywood to kya duniya mein impossible hai siliye Anchahe Uninvited Guests ki list mein bhi bina invitation ke ghus gaye hain Vivek Oberoi aur ban gaye hain No.1! Magar isse pehle ki Vivek isse khush ho kar yahaan aa jaayein Hum ye episode karte hain khatm Aapse phir mulaqat hogi Zabar Dus k eek aur naye episode mein tab tak Bollywood ki parties ka mazaa uthaiye bina kisi invite ke only on ZoOm Indias No.1 bollywood Channel.