CHANCHINBU ENKAWLTUTE

Editor : Chanchinmawia (9615820416) Jt. Editor : K.Lalremsiama News Ed. : Lalnunsanga Fanai (9862120903), H.Lalhmingliana, C. Zonunpuia Lalhmachhuana Fanai (9615030822) Cir. Mag. : Lalramzauva Chawngthu (8575462587) OB i/c : Branch OB

Vengthlang Branch YMA Chanchinbu Phek 2

Kum : XXI Phek 3

Vawi : 42

Tahrik Ni : 28 Khuangchawi thla (October ) 2012 Phek 4

Duhthlanna
Ralna Sum Pe

F1 Vawiin Indiaah

Lawrkhawm
I Venpui Ang U
Kan Branch huamchhunga zirna in upa ber leh vawi tam tak YMA ten remchanga hmanga kan Programme hrang hrang kan lo neih tawhna hi kan ta a ni a. Tunah hian Centenary lawm turin an inbuatsaih mek a, Sikul leh a velte vawngfaiin theihtawpin tan an la mek a. Hetih lai hian zing, tlai leh zan lam thlengin a hmun tihnawk zawnga khawsa an awm thin tih hriat a ni a. Sikul tual leh a vel tihnawk zawnga khawsa lo turin kan inngen a, a lo tihnawk thinte venpui zawk bawk turin kan inchah a ni.

Ni 27.10.2012(Inrinni) khan YMA General Conference in Pi Ma-awmi thihna a Thawhlawm an thawh Rs 45947 zet mai chu Sakawrhmuituai Group YMA kaihhruaiin YMA Branch hruaitu te nen Pi Maawmi pasal Pu Lalthlengliana hnenah hlan a ni. Chhiattawk chhungkua ten ram chhung mipui chungah lawmthu an sawi.

YMA GENERAL CONFERENCE VAWI 67-NA TIAK TA

Ni 28 Khuangchawi Thla 2012: Ni 3-awh YMA General

Mary Kom Thinrim

Mary Kom in Mizoram an rawn tlawh tuma 'Manipui media leh Journalist ho thlawpna ka dawnglo' a ti ni awm taka sawi chungchangah Manipur Hill Journalists Union(MHJU) an lungawi lo hle. Hemi thu avangin vawiinah Mary Kom chuan, "Mizoram newspaper a ka sawi loh thleng2 sawi ang a an ziah hi unau thendarh tumna rilru min put tirah ka ngai, Mizorama press ho khan ngaihdam min dil hma chu Mizoram leilung ka rap tawh lovang' a ti tlat mai..

Kum 2013-ah
YMA rorel inkhawm chuan, kum 2013 YMA Kumpuan atan Ram leh hnam humhalh tih a thlang leh a; kum 201213 budget atan Rs. 83,66,352 a pawm a; kum 2013 YMA General Conference chu Khawbunga nghah turin a rel bawk.

Kumpuan Hnatlang
Ni 27 - 28.10.2012 chhung hian Champhai khawpui chhung Branch hrang hrang intelkhawmna Jt. KTP chuan Vengthlang Kohhran Biak Inah Meet leh Zaipawl Intihsiakna hun an hmang a. Nimin khan Zaipawl inthihsiakna hun hi neih niin vawiin lamah Pathian thu a inpawlkhawmna hun an hmang dawn a ni.

Conference,Vawi 67-na, Kawrtethawvenga, Hachhek Runa neih chu ni 25.10.2012 (Ningani) zan khan kum 2013 YMA General Conference Khawbung a inhmu khawm leh turin a tiak ta. Kumpuan bawhzui thate chu group YMA-ah Khawzawl, Tuipuiral leh Saitual te an ni a; branch-ah - Chaltlang, Venghlui leh Bethlehem Veng te an ni. Tui hna humhalh thate chu - Group-ah Khawzawl, Tuipuiral leh Buarpui te an ni a; branch-ah West Kanghmun, Vaphai leh Sesih te an ni. Conference-ah hian palai thlahna inkhawm neih a ni a, CYMA Finance Secretary, J Lalsailova'n a kaihruaiin, President T Sangkunga'n thu a sawi a; Organising Committee Senior Vice Chairman, Zosangzuala'n palai thlahna thu a sawi bakah, kum 2013-a General Conference thlengtu tur Khawbung branch atangin thu an sawi bawk. YMA Generel Conference-a thurelte: 1 Mizo mipuite inpumkhatna tichhe thei zawnga Mizo hnahthlak hnam bil hmalakna reng reng tihtawp a nih theih nan Central YMA-in hma la rawh se. 2 Ram pum huap faina beihpui thlak turin CYMA-in hma la rawh se. 3 Sorkar atanga develop-ment work veng/khua atana lo kal thin hi tha leh rorling zawka thawh a nih theih nan YMA-in hma la rawh se. 4 Mizorama piang ni lo foreigner-te birth certifi-cate pek an nih loh nan hmalak ni rawh se. 5 Human trafficking dona kawnga kan chak zawk theih nan YMA-in hma la rawh se. 6 Electoral Roll dik leh felfai kan neih theih nan YMAin chak lehzualin hma la rawh se. 7 Aizawl khawpui lailia Assam Rifles chhuahsan tur ram hi mimal hnena pe lo tur leh tangkai taka hman a nih theih nan humhalh turin sorkar ngen ni rawh se. 8 Mizoram chhunga quarry awmte hi mihring tan a hlauhawm loh nan YMA-in a tul angin hma la rawh se. 9 Branc h YMA ti ni n mah ni area-a motor kawngpui kamah uar zawka thing phun ni se. Kawngpui kam mimalin an neih thin hi sorkar dan dinglai anga researve a nih zel theih nan sorkarah thlen ni rawh se. 10. Tribal certificate pek chhuah chungchangah YMAte hriatpuina, re-commendation/verifica-tion a tel theih nan sorkarah thlen ni rawh se.

UPC of Mizoram
Ni 26 - 28.10.2012 chhung hian UPC of Mizoram nuho Ladies Auxiliary Department (LAD) te chuan Mizoram pum huapin Champhai Town Hallah khawmpui a hmang mek. He inkhawmpuiah hian bial 37 atangin palai 1200 vel an rawn kal a. Palai rawn kal te hi Kahrawt Branch YMA te chuan an huam chhungah an lo thlen tir a ni. Palai thleng tur hian kan Branch a Section pakhat Khuangchera Section pawh ngen an ni a, mahse UPC hotute lam atangin Kahrawt huamchhungah an thlen tir tur thu an hrilh leh avangin an buaipui ta lo a. Palai thleng tura lo inring zawng zawngte chungah Khuangchera Section hruaitute chuan ngaihdam an dil a ni. Kan Branch ziaktu lian Tv. C. Lalthanpuia chu Vai ramah tunah hian a zin mek. Tluang taka Zokhawpui a rawn chuanchhuah leh ngei kan beisei.

Kristian nundan tha ngaihsan

YMA PALAI : KARTIN CHHUAK CHANCHINBU : VENGTHLANG BRANCH YMA : PHEK 2-NA
BRANCH HRUAITUTE President : F. Lalrinmuana 9856793450 Vice President : C. Laltanpuia 9615021656 Secretary : C. Lalthanpuia 9862657366 Asst.Secretary : H. Laltharrenga 9856782358 Treasurer : H. Lalthanmawia 9862936734 Fin. Secretary : F. Vanlalliana 9615558817

YMA Palai SEMTUTE

Vanapa Section : Lalrinawma, Lallawmzuala, Lawmsangzela, C. Vanlalhriata, CB Lalbiakdika, F. Lalruatpuia, F. Lalrindika, Jessy Lalmawizuala, Vanlalduhsaki, Vanlalruata, Lalbiakthanga Neuva Section :Vanlalzuia, Freddy-a, Vanlalruatzela, C. Lalrinthianghliama Khuangchera Section : Lalhriatpuia, Lalrinchhana, Rotluangpuia, Samuel Lalmuanzova, Lalmawipuia, Lalfelkima

BRANCH MOTTO : Sual ngam chein awm suh la, thatnain sual chu ngam zawk rawh. Rom 12:21

Duhthlanna
Chvarte

YMA in "Ram leh hnam humhalh" tih kumpuanah kan hmang leh dawn a ni a. Pawn atanga min beitu ruihhlo leh thil dang chungchang hi chu kan hre fiah tawh a. YMA hian kut a thlak zel pawh a ngai. Tun tum chu chhung lama min beitute hi sawi a tul, hnam leh chi sawi dawn hi chuan mitmei ven a na a, mahse ven chi a ni lo, tunah a thleng mek si a. Mizoram hi tu ta nge? Kan chhang thei vek! Mizote a ni mai. Mizo chu Zoram chhunga awm, ka ram tia thlahlel ngawih ngawihtute hi kan ni a. Chutah chuan hnam hrang hrang, tawng hrang hrang hmang min huap vek a. Mizo tawng kan tih pawhin kan hman tlanglawn ber Duhlian tawng hi a ni mai a. Tawng dang pawh hi Mizo tawng hian a huap zo vek a ni. Kum engemaw ti atang khan chi leh hnam hmachhuanin Mizoram hian beihna a tawk a, tun thlengin chu chuan ziaawm lam a la pan thei lo. Hnam khatin tlang khat kan chuan hi kan duhdan a nih chuan kil tin atang hian pawn lam atanga nekna kan tawh mek hi kan dang zo dawn lo. He ram hi a chhunga chengte hian inthendarh zawnga kan ep a nih chuan engtikah mah a dam khaw chhuak zo lovang. A neitu kan nihziaah hian kan chian thar leh chu a ngai a ni. Chu chu ram leh hnam humhalhna atan chuan a pawimawh hle ang. Hetianga chi leh hnam inlak hran kan duhna hi chuan chiang taka a lantir chu hamthatna dawn a ni a. Chu chu kan rilru nget lanchhuahna a ni. Kan ram leh kan hnam hi boral se kan tih chuan thenhran chu a har lo. Mahse YMA a din chhung chuan, chutiang thil hlauhawm chu a thleng ngai lovang. Kan kumpuanah hian pawn lam bakah chhung lama min beitute kan hmer tel tur hi thil tih makmawh a ni.

Mihringte thiltihtheihnaah chuan a ropui bera chhal ngam, mihring min timihringtu ber chu duhtlanna hi a ni ti ila thu kan uar lua awm love. Kan damchhung hian kawng hrang hrang kan zawh a, chutah chuan penna tur tam tak a awm a. Kan duhthlanna avangin kan tawng chin a hniamin a sang a, kan phak bak kan nih theih phah a, beisei kan pha lo thei thung bawk. Mihring thiltihtheihna ropui, hmanthiam aia hmansual awl zawk chu duhthlanna hi a lo ni ngei e! He khawvela thil awm zawng zawng leh a piah lam thleng hian thil pahnihah a then theih a, chung thil pahnih chu a inep chiah a, engtiklai mahin inanna an nei ngai lo. Tha a awm a, chhia a awm a. Nuam a awm a, hreawm a awm a, hmangaihna leh huatna, atna leh finna. Chung thil inep hlak mai chu an kal thiang tlat a, fel taka ramri kham vek mah ni se ngaih pawlh awl tak leh hriatthiam harsa tak anga an lan chang a awm fo a. Mihring nunah hian a tlangpuiin an pahnih zel hian an rawn inlan dun thin a. Chu chu a lo dawngtu chuan a tinungin a hmet mit thei a. Duhthlanna khawvelah hian kan duhthlanna hmangin pakhat a chungnung a, pakhat a chuai thin. Duhthlanna chuan thutlukna a siam a, kan 'duh' a kan thlan a nih avangin a hlawhtlin leh hlawhchham chu midang kutah innghat tawh lovin duhthlangtu kut zal chauh a ni. A chunga kan sawi thil pahnih inep chiah hi an rawn thleng a, khawi kawng zawk nge kan zawh ang tiin kan hmaa kawng pahnih awm chu kan thlir vang vang thin a... Kan kawng thlan chu kan zawh char char a ngai tawh a, kan kir leh thei lo. Chu chuan duhthlanna hi a tiharsa ta hle thin a ni. Mahse duhtlan hi kan thlan tur hriat fiah chuan thil harsa erawh a ni ngai lo. "A tha nge kan duh a chhia?" tihah hian a innghat vek a ni. Kan kawng zawh tur chu kan zirchiang a, hei hi zawh ta ila ka tan emaw midang tan a tha ang em? Hei hi ti dawn ta ila ka tan emaw midang tan a tha ang em? Chu zawhna chu a chhanna kan hriat phawt chuan duhthlan tur kawng chu a rawn lang mai a, mahse kan 'duh' thlang tur kan nih miau avangin a tha zawk chu thlan ngei ngei tur tihna a ni hauh lo. Ni sela chuang khawvelah hian mi hlawhchham kan awm lo ang! Ni e, a tha nazawng hi a tirah chuan tha leh nuam angin a lang lova, a chhia pawh chutiang bawkin. Tin, a hreawm nazawng hi a tha lova, a nuam nazawng hi a chhe vek kher lo bawk. Thenkhatah lah a taka mawi lo khawpa tha te pawh a lo awm ve zel bawk a! Chutah chuan Pathianin mihringte nungcha dang aia chungnung zawka min siamna kan pianpui finna chu a pawimawh ta a ni. Mifing chuan nakin hre rengin duh an thlang a, mi a chuan tun hun chauh ngaihtuahin duh an thlang thung. Kan duhthlanna hi danglamna siamtu a nih avangin eng kawng zawh turin nge duh kan thlan tih hi kan darthlalang, tuktina kan inbihna tur a ni a, kan inbukna tur ber pawh a ni. Ngun takin ngaihtuah la, i tan leh midang tana tha ber turin i duh chu han thlang teh le.
Hunawl hman that

YMA PALAI : KARTIN CHHUAK CHANCHINBU : VENGTHLANG BRANCH YMA : PHEK 3-NA

YMA Palai SEMTUTE

Taitesena Section : R. Vanlalremruati, Lalbiakpuii, David VL Rinfela, Elisa Lalhmingliana, Lalnunkima, Lalmalsawma, Lalramnghaka, Lalramhluna, Jonathan Lalnuntluanga, Joseph Malsawmtluanga

YMA ADVISER
RC Zahlira (9615713078); C. Vanlalnema (9615142191); F. Lalfamkima (9856780794)

Leader Asst. Leader Secretary & YMA Agent Asst. Secy Treasurer Fin. Secy

VANAPA SECTION

: R. Lalnunpuia : DL Zadinga Hnamte : Lalramzauva Chawngthu (8575462587) : Jonathan Lalhmingsanga : Zoremsiami : Zonunsanga Hmar

YMA Thuvawn : YMA chu tanpui ngaite tanpuitu a ni

F 1 Vawiin Indiaah
- Sawmteipa

Formula 1 hi mizote zingah pawh tuichilh tak tak kan tam ve ta khawpmai. Eng sport/game pawh hi tuichilh tur chuan a dan hriat a ngai a, hriat loh chuan engpawh mai hi tui har tak a ni. Tun tumah chuan a tui mek leh tuichilh duh te tan a tangkai mial takin hriattur pawimawh zual a ka ngaih mawl te te a tarlan kan tum thung dawn a ni. Khaimah aw... Qualifying: Hei hi hriat hmasak ngei ngei tur a ni. Intlansiakni hmachiaha tlan thin a ni a, a awmzia leh a tum ber chu intlansiak huna an intlar dan tur zawnna a ni. Qualifying hi session thum an tlan a, Qualifying 1 (Q1),Q2, Q3 tiin an sawi mai thin. Q1 ah hian driver zawng zawngte(24) chuan anmahni duh hun hunah an intlansiakna circuit ah khan vawikhat tlan kual a hun hmang reilo ber nih an inchuh a, minute 20 chhung hun an nei a, hemi chhung hian an tlanchhuah hman zat zat an tlan thei a ni. Driver pakhatin vawi tamtak pawh tlanchhuak mahse, a tlan that ber kha lak tawp tur a ni. Tichuan Driver 24 zinga a muang 7 te chu Q2 an tlan ve thei tawh lo a, an hun hmanrei dan indawtin intlansiak hunah 18 na atanga 24 na a intlar turte an ni.Q2 ah chuan ala dam 17 ten minute 15 chhung an tlan leh a, hun a zawh hnu a a muang 7 bawk an tla leh a, heng mite pawh hi 11 na atanga 17 na a intlar turte an ni, an tlan thatdan indawtin. Rei vaklo an chawl leh lawk a, Q3 an tlan leh nghal thin. A la dam 10 te an intihsiak leh a, minute 15 chhungin an duh hun hunah, leh an duh zat zat an tlan thin a. Huntiam chhung a zawh hnu a tlan tha ber kha a hmasa ber, Pole position a ding tur a ni a, midangten an tlanthat dan indawt in 2 na atanga 10 na ah an intlar dawn tihna a ni. Hun a zawh hma a starting/finishing line an pelh hman hrim hrim chuan an tlankual chhungin hun zo hman tawh mahse la pawm vek a ni. Hemi bakah hian kan hriattur chu Q3 a tlan turte hi chuan intlansiak hun a an fuel/petrol pai tur ang zat paisa in an tlan tawh thin. Q3 leh intlansiak tak tak inkarah fuel thun belh phal a ni tawh lo. Chuvangin Driverten Q3 ah chuan vawikhat emaw, vawihnih emaw chauh, tha taka tlan an tum tawh thin, fuel an khek duh avangin. Warm-up Lap: A hma ni in an intlar dan tur an zawng fel tawh bawk a, inchuh buai miah lovin an tlar fel mai thin. An intlar fel vek tawh hnuah intlansiak tak tak hmain vawikhat an tlankual chhin phawt thin a, chu chu Warm-up Lap a ni. Engine tihlumna hun atan te, car harsatna nei an awm leh awmloh ennan te a ni tlangpui. Warm-up lap ah hian engine nung theilo emaw, harsatna dang avanga tlanchhuak ve theilo an awmchuan an position ngai atangin start an phal tawh ngailo a, a kethlakna hmun Pit Lane atangin an start tir thin. An muanfal phah thei hle, chuvangin warm-up Lap hi an ngai pawimawh hle thin a ni. Race : Warm-up Lap an tlanzo a, an dinna ngaiah bawk intlansiak tak tak tawh turin an ding leh a, an hmazawn chung lamah light sen lian tak tak panga intlar chu pakhat te te in a eng a, a en kim vek hnuah a rualin a thim vek a, chu chu tlanchhuah hun a ni. Tlanchhuah hun hmain tawng chen lek pawh che sela, Jump Start an ti a an hrem ngei ngei thin. Hlawk lo tak a ni. Chuvang chuan fimkhur a ngai. Car tlanchak lutuk 24 zet, inhnaih te te a hmasak inchuh an ni bawk a, start hlimah hian chesual hmuhtur a tam khawpmai, a hmuhnawm lai tak pawh a ni. A tlangpuiin kawng ngil thui takah an start a, kawngkual lo awm hmasa berah an intawkkhawm ruih thin. Hetah hian chesual an tam lutuk phei chuan a bul atanga tan that leh hial thin a ni. Vawihnih vel an tlankual tawh chuan an in chingfel viau tawh thin. An tlankual ngai zat leh an tlankual tawh zat chu Tv Screen chunglamah chiang takah tarlan thin a ni. 2010 atang khan intlansiak laia fuel thun ngai tawh lovin a tawp thleng daih tur an paisa vek tawh a, daihloh palh pawn vanduai tlawk tlawk a ni mai, thunbelh awih a ni lo. 2011 atang phei kha chuan DRS (Drag Reduction System) an ti a, an car hnung, rear wing an tihah hian thlibeng tu kua a awm a, kawng ngil thui deuh an thlen dawnin driver in a duh chuan tihzau phal sak an ni a, chu chuan kawng ngilah an speed pangngai aiin darkar khatah km 15 velin a tlanchak zual tir thei a ni. An hmaa mi second khat tlinglo a hnaia umtu te tan hman phalsak an ni. A umtu tan chauh tihna nih chu. A bakah hman a thiang lo. Qualifying ah erawh chuan an duh hun hunah an hmang thei. Intlansiak tan atanga lap 3 na velah chauh DRS hi hmantheih(enabled) thin a ni. A chhan chu a tirah hman an phal nghal anih chuan a hmasa ber tihloh chu hnai te te a um nei vek anni a, awmzia a awm dawnloh vang a ni. He DRS hian intlansiak a tih hmuhnawm phah thin hle. Kawng ti hnawk leh driver te tana hlauhawm khawp a accident an awm anih chuan Safety Car a tlanlut vat thin a, hmahruaitu hmakhalh chiahin a tlanlut a, tlanpelh awih a ni lo. Kawng thenfai chhung Safety car hian hma a hruai char char thin a, a hnungzui laiin tumah in lehpelh phal a ni lo. Ruahsur nasat lutuk avangte pawn Safety Car hi hman thin fo a ni. A bak sawitur a tam ltk, phek a zim si, an flag vai chi hrang hrangte, an inhremna(penalty) chi hrang hrangte, rules chi hrang hrangte leh a dangte pawh a tul anih chuan kan la sawi zel dawn nia. Vawiin chhun dar 1:30 hian Indian Grand Prix, Buddh International Circuit-ah an tlan ang. Kan sawi tawh angin a hmuhnawm hle dawn. Keichu Liverpool jersey rawng ngei, a senlar Ferrari car tho ani ka mit la leh em em dawn ni. A tuimi te ennuam vek ule. Zofate hmasawnna ngaihtuah

YMA PALAI : KARTIN CHHUAK CHANCHINBU : VENGTHLANG BRANCH YMA : PHEK 4-NA Leader &

NEUVA SECTION

YMA Agent

: Lalfamkima Varte

Asst. Leader Secretary Asst. Secy Treasurer Fin. Secy

: Biakremtluanga : K. Lalrinawma : C. Zorammuana : Zonunpari : Lalrammawia

(9862725576)

Leader Asst. Leader Secretary Asst. Secy & YMA Agent Treasurer Fin. Secy

TAITESENA SECTION

: H. Zarzoliana : T. Daniala : Lalhmachhuana Fanai : K. Lalhmangaihzuala (9856581374) : H. Lalrammuana : H. Ramengmawii

KHUANGCHERA SECTION
Leader Asst. Leader Secretary Asst. Secy Treasurer & YMA Agent Fin. Secy : C. Zonunpuia : C. Lalchhuanawma : C. Vanlalpeka : J. Lalramnghaka : Lalruatkimi (9862342324) : PC Ramnunsiama

YMA Kumpuan :Ram Leh Hnam Humhalh

LAWRKHAWM
Mihring rilru tawng chu hla thu! Inbiak pawhna atan chuan tawng tluang pangngai mai mai kan hmang thin a. Mahse lawmna emaw lungngaihnaa kan khah chuan kan rilruah hian hla thu a lang lian ber thin. Hei hi hla innghahna pawimawh tak mai a ni a. Khawvela hla tha-a an sawi te hi han belchiang ila, miin a rilru a puan chhuahna, a rilru puak keh sawhkhawk hi a ni tlangpui. Mahse a ni vek lem lo a nia. Bob Dylan-a khan tun thlenga hla ropui ber pakhat "The answer is blowing in the wind" tih hi awlsam takin reiloteah a phuah zo tlat thung. Kan lunglenna te, kan suangtuahna te, kan lungngaihna leh kan hlimna te hi tawng pangnai hian a fiah zo lova, hla thu in a rawn chhuak a, chumi remkhawm a, hla thu nalh taka dah chhuak thei te chu hla phuah thiam tia kan sawi te hi an ni ta thin a ni. Chung zingah chuan a chunga kan sawi Bob Dylan-a hian hmun a chang tlat thung! Hla puah mai hi chu thil harsa a ni lo, mahse mihring nun vaw dawt thei emaw hruai thei tur hi chuan thiamna leh finna aiin a rawn chhuahna rilru hi a pawimawh zawk. Chu tak chu hla ropuina leh a ngaihsanawmna lai tak pawh chu a ni. Thu leh hla kan sawi pawp deuh bawk a, thawnthu tha tehna hi sawi kai zuai ang. Thawnthuah chuan a changtute an awm a, a changtute awmdan chu a thawnthu laimu a ni a. Thawnthu tha chu a changtute aiin a thawnthu laimu te, a thawnthu kalhmang inlaklawn chhoh danah te hian a innghat zawk a, mahse a changtute tel lo chuan chung chu a kal thei hauh lo thung. Lehkhabua thu tha tak tak, rawn tlak khawp ziak tur hi chuan thiamna bakah pianpui finna te, khaw hawi zau nih te a ngai a. A thawnthu kalhmang inlaklawn chhoh dan te erawh hi chu thiamna 'art' pho chhuaktu an ni. Bible chhiar awlsamna lehkhabu Thuziak mi zinga Kristian literature a tunlaia thawhhlawk tak Dave Clark chuan A Path Through The Bible tih a tichhuak a. He lehkhabu hi Bible-a thu hriatthiam harsa tak tak awlsam taka a awmzia manna tur te, kan nitin nuna Bible thu kan zawm theih dan tur te a ni deuh ber a. Hei hi Kristian, a bikin ring thar tirte tan chuan a hlawk thlak hle dawn niin review ziaktute chuan an sawi hlawm a ni. A ziaktu Dave Clark hi California-ah a cheng mek a, Chivalry Church Chapel-ah kum 15 chhung vel chu rawngbawlna lo nei tawhin tunah hian Westwood College leh University of Redlands ah Mathematics leh Business professor a ni mek bawk a. College a zirtir mai bakah hian kum 15 chhung vel bawk chu market research tiin article tam tak hemi chungchangah hian a lo ziak tawh bawk a ni. YMA Palai man luh dan
Kumin chhunga YMA Palai man, Section hrang hrang atanga kan hmuh dan chu Section Jan Feb Mar Apr May Jun July Aug Khuangchera 1610 1500 930 1210 1520 1210 890 820 Neuva 1680 980 510 500 2200 1270 100 240 Vanapa Nil 2600 3615 110 580 810 1980 600 Taitesena 1010 2410 1466 2030 1210 2240 2420 720

I hria em ?
@ Eirawngbawlna atana kan hman methane gas hi 30% chu bawng atanga siam chhuah a ni (an ek hi) @ Dawnfawh, 92% zet tui hi Kal ahar i thlaler, Africa atanga rawn chhuak a ni daih thung. @ Tattoo chhutna khawl hmasa ber chu Samuel O'Reilly-a hmuh chhuah a ni a. Thomas Edison-a'n thil changa thil ziahna a hman thin khawl zulzuia a hmuh chhuah a ni. @ Hmarcha dip hi kum zabi 19na khan American Southwest ah hmuhchhuah a ni. @ Panama canal siam a nih lai vel khan mi 25000 velin nunna an chan a, hnathawktu 20000 vel chuan malaria leh yellow fever an vei bawk. @ Marilyn Monroe khan ke zungtang paruk a nei! @ Texas-ah khuan Ding Dong khua a awm mawle! Kum 1990 khan mihring 22 vel an cheng a ni. @ Nazi lampum i hria em? Nationalsoz ialistische Deutsche Arbeiterpartei (National Socialist German Workers Party) tihna a ni. @ Japan Berbie chu an nui ve lova, ram danga an ha lang siau hi an nei ve miah lo. @ Coca Cola company hian beverage hi chi hrang 300 chuang an nei. @ Neptune hi kan solar planet zinga mathematics hmanga hmuh chhuah hmasak ber a ni. @ Matrimonial chu nupui/ pasal atana inzawrhna hi a ni a, hetiang tih ching 5% chu kawppui nei tawh an ni. @ Sanghawngsei hi kan Bible hian sa thiang lo zingah a telh tih i hria em?

Published, Edited and Printed by Chanchinmawia for and on behalf of Vengthlang Branch YMA