PARTIDA

By Dr. Azágua

Leba sol
Leba strela
Leba lua
Leba mar ku bo!

Leba lenbransa
Leba nh’amor
Y madrugada tambe!

Leba ku bo
Lus di nha luar
Pa kunpanha-bu
Pa gia-bu pa bu distinu!

Leba nha surrizu

na bu mimória
Leba nha korasan
na bu alma.
Nha distinu
sta na bu mon;
Pa ki tenpu…
So tenpu sabe.

Xa sukuru fitxa!
Xa noti kai!
Xa madrugada durmi!
Xa-m sinti nha dor!
Xa-m aguenta nha dor!
Xa-m sunha…
Xa-m sunha más un bes!

Xa-m kredita ma mi ê di bo!

Bu úniku prizioneru!
Ma un dia, un dia sertu…
Nos odju ta bira kuatu,
N ta morre na bu brasu!