NU PINTA KABU VERDI !

By Dr. Azágua

Nu pinta Kabu Verdi !

Nu pinta Kabu Verdi di tudu kor!

Nu pinta Kabu Verdi ku pinsél y tinta!

Nu pinta Kabu Verdi ku pinsél d’amor,

Ku tinta d’unidadi y luta!

Nu pinta Kabu Verdi !

Nu pinta nos mar ku pinsél di speransa,

Ku tinta d’orizonti sen fin!

Nu pinta nos séu ku pinsél di liberdadi,

Ku tinta di brásu abértu y kara kontenti!

Nu pinta Kabu Verdi !

Nu pinta nos vida ku pinsél di alegria y vida!

Ku tinta di surrizu y amizadi na korasãu!

Nu pinta nos susésu ku pinsél d’otimismu

Ku tinta di vontadi y determinasãu!

Nu pinta Kabu Verdi !

Nu pinta nos povu ku pinsél di mundu

Ku tinta d’árku-íris di séti kór!

Nu pinta nos terra ku pinsél di sangi

 Ku tinta di pás y amor!

Nu pinta Kabu Verdi !

Nu pinta nos kriansa ku pinsél di prumésa

Ku tinta di brilhu na futuru!

Nu pinta dia d’ôji ku pinsél di serteza

Ku tinta di glória y vitória!

Nu pinta Kabu Verdi !

Nu pinta Kabu Verdi di tudu kor!

Nu pinta Kabu Verdi ku pinsél y tinta!

Nu pinta Kabu Verdi ku pinsél d’amor,

Ku tinta d’unidadi y luta!

Nu pinta Kabu Verdi !