PAROKYA SA PUTLI NGA KASING-KASING NI MARIA KITCHARAO, AGUSAN DEL NORTE

SANGKA SA MGA DAYGON 2012

1. ANG SANGKA SA DAYGON 2012 MAO ANG SANGKA SA MGA MANG-AAWIT SA MATAG KAPILYA. 2. KINI GILANGKUBAN SA MGA PAROKYANO NGA SAKOP SA MAONG KAPILYA. 3. ANG MATAG PUNDOK NGA BUOT MUSALMOT SA MAONG SANGKA DILI MUOBOS SA 30 KA MANGAAWIT UG DILI MULAPAS SA 40 KA BOOK. 4. ARON SA PAGDASIG SA TANANG MGA SAKOP SA KAPILYA, ANG MATAG PUNDOK SA MGA MAGAAWIT NGA MUPASUNDAYAG SA ILANG KATAKUS, KINAHANGLAN NGA MAGLANGKOB KINI SA MGA BATAN-ON UG MGA HAMTONG NGA MANG-AAWIT.KUNG UNSA KADAGHAN ANG MGA BATAN-ON, MAO USAB ANG GIDAGHANON SA MGA HAMTONG.ANG NAGPANUIGON 17 UG PAUBOS MAOY ATONG PAGA-ILHON NGA MGA BATAN-ON UG 18 PATAAS MAOY ATONG PAGAILHON NGA MGA HAMTONG. 5. KINAHANGLAN USAB NGA ANG GIDAGHANON SA MGA LALAKING MANG-AAWIT DILI MUUBOS SA IKATULONG BAHIN (1/3) SA MAONG PUNDOK. SAMA PANANGLITAN KUNG 30 KABOOK ANG MANG-AAWIT, DILI MUUBOS SA 10 ANG MGA LALAKI. 6. GITARA LAMANG NGA DILI ELECTRIC ANG GITUGUTAN NGA TULUNGGON NGA GAMITON SA PAGDUYOG SA MGA MAONG DAYGON. KINI GITUYO ARON NGA DILI MATABUNAN ANG MGA TINGOG SA MGA MANG-AAWIT PANAHON SA ILANG PASUNDAYAG. 7. ANG MATAG PUNDOK GITUGUTAN SA PAGGAMIT UG DAGHANG MGA GITARISTA BASTA NAGAGIKAN LAMANG KINI SA MAONG KAPILYA. KINI GITUYO ARON SA PAG-AGHAT UG PAGDANI SA MGA GITARISTA NGA SA HINAY-HINAY MUSILBI NA SA ATONG MGA KAPILYA. 8. GITUGUTAN USAB ANG PUNDOK SA PAG GAMIT UG ORGAN BASTA HINAYAN LAMANG PARA DILI MATABUNAN ANG TINGOG SA MGA MANG-AAWIT. KINAHANGLAN NGA SAKOP SA MAONG KAPILYA ANG ORGANISTA. 9. BINISAYANG MGA HUNI NGA PANGPASKO SA PAGKATAWO ANG GITUGUTAN LAMANG NGA GAMITON PANAHON SA PASUNDAYAG. KINI GITUYO ARON SA PAGBUHI BALIK SA ATONG MGA BINISAYANG MGA PANAYGON UG MGA AWIT. 10. ANG MATAG PUNDOK ADUNA LAMANG 4 KA MINUTOS SA PAGPAKITA SA ILANG PASUNDAYAG, 1 KA MINUTO SA PAGPANGANDAM UG 1 KA MINUTO SA PAGPANGHIPOS KUNG ADUNA BAY HIPOSON PAGKAHUMAN SA ILANG PASUNDAYAG. KINING TANAN NAGLANGKUB UG 6 KA MINUTOS ANG TANANG GUTLO. 11. ANG TAMDANAN SA PAGPILI SA MGA MANANAUG MAO KINING MGA MUSUNOD: a. KAHAPSAY SA PASUNDAYAG (25%) b. KADASIG SA PAG-AWIT (25%) c. KAHUSAY SA MGA TINGOG UG TULUNGGON (50%) 12. ANG HUKOM SA MGA NAGPILI SA MGA MANANAUG DILI NA KINAHANGLANG USBON UG KINI KINAHANGLANG TUMANON. NAGLATID SA MGA TAMDANAN MARC ELYZEAR N. CAMPADO TIGPASIUGDA UBOS SA PAGMANDO NI PADRE ROMEO CABATICx KURA PAROKO