Motto : Zir la. Tanpui la.

Humhim rawh

Theme :Pathian zarah huaitakin kan ti ang - Sam 108:13

ZIRLAITE KHAWNVAR
Vol. VIII Issue No.10 An official organ of the Mizo Students` Association, Bangalore Sunday November 11. 2012

ZIRLAITE TUKVERH
#. KLE College-a Dental zirlaite chuan tun thla ni 15 hian Internal exam an nei dawn a. Tun thla vek ni 21 hian an zofel ang. #. Hetih laiin Darshan college, Kristu Jayanti College leh Krupanidhi College te chuan kar kalta, ni 3 Novemeber khan Semester exam an tan hlawm ve thung a.Tun thla vek ni 22 hian an zofel hlawm ang. #. Autonomous zirlai chawlh hmanga Zoram lama haw te pawhin Bangalore an lo thleng thla leh tan tawh a. Thenkhat chuan Class te pawh an tan leh tawh a ni awm e. #. MSA in Group 1 scholarship form Rs 1000 man kan chah tawh chu Daka inthawn kualnaah tih khawtlai niin tun thlengin kan la dawng lo va. Hetia kan innghah chhungin submit hun a tawp mai dawn avangin hruaitute chuan a hrana a thar chah leh mai ni se tiin an rel a. Chumi an relna chu bawhzuiin tunah hian Group 1 scholarship form chah leh mek a ni a. Tunkarah chuan a lo thlen hman beisei a ni a. Hruaitute hnenah kan ngaihven vat dawn nia. #. MSA hi zirlaite tan liau liaua pawl ding a nih angin zirlaite tanpui turin a inpeih reng a. Kan zirna kawngah harsatna kan tawk emaw kan college te min lo hmuhpui se kan ti emaw a nih chuan 9036515569 / 8880773577 ah engtiklaipawha auh buai theih reng kan ni e. I inthlahrung lo ang u.

MSA DAY ROPUI TAKA LAWM TUM A NI!

M.S.A. Bangalore te chuan hlawhtling taka Zirna Kutpui an hman zawh hnuah thlaleh December ni 8 (Sat) hian MSA Day vawi 7-na ropui taka lawm turin a inbuatsaih chho leh ta mup mup a. Ruahmanna siam tawhte chak taka bawhzui mek a ni a. Amaherawhchu, tunah hrih chuan inbuatsaihna ang angte kan la rawn tarlang hrih lo ang a. Chhuak lehah kimchang zawkin kan tarlang dawn nia. Kumin MSA Day lo awm tur hi MSA hruaitute mai bakah member te pawh an phur tawh hlawm hle niin a lang a. Thenkhat chuan Zirna Kutpui ai maha boruak a neih ring an ring hial tawh! Committee in ruahmana a siam dan chuan Winter fest ni pahfawmin Open Air-a tlai boruak khawthiang nuam tak hnuaiah hlim taka hman tum a ni a. Spl. item chi hrang hrang - Tribal Beatz Crew te, Hmingpuii & friend te, Mipa leh hmeichhia fashion show te mai bakah mimal zai chi hrang hrang a awm dawn a. Heng item nei tura sawmte hi sawmna lehkha semkual mek niin hriattir mek an ni a. A hre tawhte`n an phurin an nghakhlel tawh hlawm hle niin a lang. Pathian hruaina zarah Zirna Kutpui hlawhtling taka lo hman tawh a nih avangin tun tum MSA Day hi chu Zirna lampang hawi ai maha thalai, Zirlaite intihhlimna hun anga hman tum zawk a ni a. A thu tum laimu ber pawh Zirlaite zinga inpawhtlanna hun remchang siamsak a ni. Bangalore ah hian zirlai sang dawn kan awm tawh a. Chuti zat lai kan lo awm ve tawh vang chuan zirlaite pawh hi kan inhrelovin kawng kamah te pawh kan in pel vel mai mai tawh niin a lang a. Chuvangin, zirlaite zingah inhmelhriatna leh inthianthatna nghet zawka tuh a nih theih nan Zirlate ho inhmuhkhawmna hun remchang siam ngei hi hruaitute chuan a tul takzetin an hria a. Chuvangin, MSA Day pawh hi a ropui thei ang bera lawm turin a inbuatsaih chho mek a ni. KNOW ABOUT MSA: 1. MSA din tan ni leh kum 2. MSA President hmasa ber 3. MSA din tanna in 4. MSA President ni rei ber 5. MSA Adviser ni rei ber 6. Zirlaite Khawnvar Editor ni rei ber 7. Zirlaite Khawnvar hming phuahtu 8. MSA Website 9. MSA Website design tu : 20th. November 2005 : Tv. Lalthamawia bawlchim : Nl. Thaarie Hnamte te in : Tv. Emanuel Lawmkima : Pi Lalrinpuii : Tv. K.Remruatfela : Tv. Obeda Lalhuliana : www.msabangalore.org : Tv. Lalmuanawma, UVCE

ZIRLAITE KHAWNVAR, MSA, BANGALORE SUNDAY, NOVEMBER 11, 2012. Editor in Chief : K. Remruatfela Mob. : 9036515569 Editor : John Vanlalruata Sailo Mob. : 8884952151 Jt. Editor : K. Zohmingmawii Mob. : 8884952153 Cir. Manager :R.K. Lalrinsangi K. Lalrinhlua Tualchhung News: #. Ni 13th. October 2012 (Sat) tlai dar 4 khan KLE Boys Canteen ah kum 2012 - 2013 (October - March) thla chhunga KLE Mizo Zirlai hruaitu thar thlanna neih a ni a. Heng mite hi thlan tlin an ni: . Leader : Tv. R.Lalremruata Asst. Leader : Tv. C.Lalramnghaka Secretary : Nl. K.Zohmingmawii Asst. Secretary : Tv. Samuel Lalrohlua Zote Treasurer : Nl. Suzanne Lalnunkimi Asst. Treasurer : Nl. B.Lallawmkimi #. Ni 7th. October 2012 (Sun) chawhma dar 11:00 pawh khan Krupanidhi College Mizo hruaitu thlanna neih bawk a ni a. He inthlanna hi MSA hruaituten hman puiin, a hnuaia mite hi thlan tharte chu an ni: President Secretary Treasurer : Tv. Kevin Lalmalsawma : Tv. Hmingthanmawia : Nl. Malsawmdawngzeli

Editorial:
WHO AM I?
A thupui ka hmuh phat nghal atang hian enge maw tal chuan min thawng nghal dawt lo maw? Keimahniah danglamna chhete tal pawh min thlen lo a nih vaih chuan mahni inbihchian kan ngai hle tihna a ni thei ang? Ngati maw? Indian Philosopher ropui Swami Vivekananda chuan, realisation of the self is the path of wisdom tiin mahni nihna inhriatchian leh mahni nun inbihchian hi finna hnar ber a lo ni tiin a lo sawi tawh a. A pawmawm hlein a lang. He khawvelah hian tumah hi kan piang nawn tawh dawn lo va. Chuvangin, kan nun hlu tak hi kan hlut thiam a, fimkhur taka kan hman pawh a tha. Inthlahdah leh zelthel taka hmang liam mai mai kan nih zawngin a pawi thui dawn e mai. Chhuan lo la awm leh zel turte pawhina an theihngilh tawh ngai hauh loh tur Shakespeare leh Albert Einstein te boruak tawn ang vek dawngtu leh an hun neih ang zat vek neitu keini Zofa thalaite hian engtin nge kan hringnun lamtluang hi kan chhiar ve dawn le? Kan damchhung pawha mite hriathlawh loh leh tu leh fate tan pawha chhuantlak sulhnu ropui hnutchhiah lem lovin mual kan liamsan ringawt dawn nge, kan thlanlung a tluk bova kan ruh chuktuah pawh a mawih ral thlenga mite thinlunga thi thei tahwlo turin sulhnu ropui kan hnutchhiah zawk dawn?

#. Bangalore Mizo Literauture Club te chu vawiin inkhawm ban hian Rev. L.H. Rawsea inah an inhmukhawm dawn a. Mizoram hmasawnna tur lai ni-a an hriatte an sawiho dawn a ni. BMLC hian Bangalore hmuna awm thu leh hla lama tui mite a tam thei ang ber lo kal tur leh member-a inpe turin min sawm tak meuh meuh a ni. #. M.S.A. dintute zinga mi leh MSA President pawh lo ni tawh, MSA tana mi tangkai tak Tv. Emanuel Lawmkima pawhin kar hmasa ni 6th. November 2012 (Tue) zan khan a pianna ram, Zoram lama kir leh tawh turin `lore khawpui a chhuahsan ta a. Bangalore Mizo mipuiten kan uiin kan ngai takzet dawn a ni.

MSA FACEBOOK GROUP

MSA member-te min ti pumkhata, chanchin thar kan neih ang angte awlsam taka kan inhrilhpawh a, thawhhona tha zawk kan neih theihna a nih beiseiin Facebook-ah MIZO STUDENTS ASSOCIATION, BANGALORE tih group siam a ni a. He group hi mitan tana siam tih hre rengin chanchinthar kan neih ang ang apiangte leh zirna lampang thila kan vei zawng engpawh inthlahrung hauh lovin post thin ila. A la join ve lo kan awm a nih pawhin a thupui hming ang hi chhuin join theuh i tum ang u. Tin, kan thiante la join ve lo kan awm a nih pawhin add belh zel ila. Bangalore hi zirna khawpui, thiamna leh finna khurpuia chhuah thei tur hian puanven i sawi chhing sauh sauh ang u... Kumin MSA Day lo awm tur hi a nghahhlehawm tawh hlein ka hria a. Member lamte chu he day lawm tur hian kan inpeih at tawh a. Hruaitute thu leh hla chauh kan nghak tawh a ni. Kumin MSA member nih a nuam riau mai Rs-a Khawlhring, KLE

Kan Chanchinbu hi kan Senior Adviser Pu Lalhriatrenga Chhangte`in tun session chhung min sponsor sak dawn a. A chungah kan lawm takzet a ni.

ZIRLAITE KHAWNVAR, MSA, BANGALORE SUNDAY, NOVEMBER 11, 2012. MSA News: ZIRLAI TLAWHCHHUAH REPORT Dr. AIT : Ni 9th. September 2012 (Sun) zing dar 10:30 khan Dr.AIT College tlawh a ni a. He intlawh programme hi President K.Remruatfela kaihruaiin Adviser Nl. Blessy Sailo in fuihna thuchah a sawi a. Asst. Secretary, Benjamin Vanlalruata hnen atangin MSA Report ngaihthlak bawk a ni. Mt. Carmel College: Ni 10th. September 2012 (Mon) tlai dar 5 khan Pu PCha (Christie of Mt. Carmel pa) inah Mt. Carmel College zirlaite tlawh a ni a. He intlawh programme hi President Tv. K.Remruatfelan kaihruaiin Adviser Prof.Lalrinawmi Ralte in fuihna thuchah a sawi a. Treasurer Nl. R.K. Lalrinsangi hnen atanga MSA report ngaihthlak niin Iq test hlawkthlak tak neih bawk a ni. Koramangala Zirlaite: Ni 19 . September 2012 (Tue) Zan dar 9 khan Grace Home hmunah Koramangala Zirlaite tlawh a ni a. He intlawh programme hi President Tv. K.Remruatfelan kaihruaiiin Adviser Tv. Samuel Lalrozama Hmar in fuihna thuchah a sawi a. Secretary Tv. K. Malsawmthanga hnen atangin MSA Report ngaihthlak a ni bawk a. Iq test te neiin Programme hlimawm tak hmang ho a ni. KLE College: Ni 23rd. September 2012 (Sun) chawhma dar 11:00 khan KLE College Mizo Zirlaite tlawh a ni a. He hun hi KLE Mizo Zirlai President Tv. R.Lalremruatan intlawh programme kaihrauiin Adviser Prof. Lalrinawmi Ralte In fuihna thuchah a sawi a. Secretary, K.Malsawmthanga hnen atanga MSA report ngaihthlak niin College dang intlawh anga bawka Iq test hmanga intlawh programme hlimawm tak hmang a ni. Krupanidhi College: Ni 7th. October 2012 (Sun) chawhmadar 11:00 khan Krupanidhi College Zirlaite tlawh ni a. He hun hi President Tv. K.Remruatfelan kaihruaiin Vice President Tv. Laldintluangan fuihna thuchah a sawi a. Tin, Secretary K.Malsawmthanga hnen atangin MSA report ngaihthlak a ni bawk a. Iq test te neiin intlahw programme hlimawm tak hmang ho a ni. Tin, he hunah hian MSA chuan Krupanidhi Mizo Zirlai hruaitu thlanna a neihpui nghal a. Mysore/Mandya Mizo Inkhawm: Ni 14th. October 2012 (Sun) tlai dar 3:30 khan Mysore Mizo inkhawmna hmunah Mysore/Mandya Mizo zirlaite tllawh niin inkhamw hmanpui a ni a. He hunah hian MSA aiawhin President Tv. K.Remruatfela leh Nl. Blessy Sailo te an kal a. President Tv. K.Remruatfelan Zirlaite fuihna thuchah leh MSA report a pe kawp nghal a. Programme hlimawm tak hman ho a ni.
th

#. Zirlaite Khawnvar Chanchinbu Editorial Board member hetiang hian siamthat a ni: Editor in Chief Editor Jt. Editor Cir. Manager : Tv. K.Remruatfela, President (KLE) : Tv. John Vanlalruata Sailo, KLE : Nl. K. Zohmingmawii, KLE : Nl. R.K.Lalrinsangi, Treasurer (KLE) Tv. K. Lalrinhlua

#. Zirlaite Khawnvar Chanchinbu hi tun thla atanga kumin MSA term tawp thleng kan Adviser Pu Lalhriatrenga`n min sponsor sak dawn a ni. #. Kan Senior Adviser Nl. Blessy Sailo, Accident tawk chu ni 8th. November 2012 (Thu) khan a vawihnihna atan MSA hminga kanna neih leh a ni a. Pathian zarah a tha chho zel niin a lang a. Kan mimal tawngtainaah kan hre theuh dawn nia. #. MSA chuan kum danga alo lawm thin ang bawkin kumin December ni 8 hian MSA Day ropui taka lawm leh a tum a. Ruahman chhin danah chuan thalaite intihhlimna hun, Winter fest anga hman tum a ni a. Amaherawhchu, nemnghehna mumal fak chu a la awm lem lo va. Issue lehah chiang zawkin kan la inhriattir dawn nia. I lo nghak phawt ang. #. MSA Committee member leh Adviser tanglaite hmun danga min awm bosan tawhte leh min la chhuahsan mai turte an awm nual hlawm avangin MSAAdviser leh Committee Member atan heng mite hi ruatbelh an ni: Advisers: 1. Pu Lalrokhuma Pachuau, DG&IGP 2. Nl. Lalropuii, Research Scholar Committee members: 1. Tv. Lalthachungnunga, Indian Academy 2. Nl. Lalchhantluangi, Christ University 3. Tv. Vanlalhruaitluanga, St. Joseph College 4. Nl. K. Zomuanpuii, Hosmat College 5. Tv. John Vanlalruata, KLE College 6. Nl. Zomuani Ralte, KLE College #. M.S.A. day-a vawr turin Lucky Ticket zawrhchhuak mek zel a ni a. Khawngaiha tlawmngaia min leisak vek turin member te leh mi tupawh kan insawm tak meuh meuh a ni e.

ZIRLAITE KHAWNVAR, MSA, BANGALORE SUNDAY, NOVEMBER 11, 2012.

COMMITTEE ROREL DAN

K.Remruatfela K.L.E. Law College
Greek philosopher ropui Aristotlean, Man is social animal a lo tih angin mihringte hi a huhova khawsa tura siam kan ni a. Mi zawng zawng hi inmamawh tawn vek kan niin, a tua mah hi mahnia tlahrang thei kan awm hauh lo. Chuti a nih vang chuan, thawhhona tha kan neih tlan zawk nan min kaihruaitu turin pawl (organization) din a lo tul thin a. Tui zawng inangten pawl an din hi kan ram danpui pawhin min phalsak a ni [(Art. 19(i)(b)]. Mizote phei hi chu pawl dina rorel khawm uar em em kan ni a. Amaherawhchu, hetihlai hian mi tam tak chuan pawl awmzia leh a nihphung hi kan la hre tawk lo em em niin a lang. Pawl nihphung kalpel rak khawpa chet changte kan nei thin chawk. Chuvangin, tun tumah hian rorelna felfai zawk kan neih theih nan leh pawl nihphung leh a ningkhawng kan hriat ve theih nan Committee rorel dan tlema zawng kan sikchhuak ve lawk ang e. Rorel tanna : Chairman-in dingchungin committee khuh hawnna a nei phawt tur a ni a. Chumi zawhah a theih chuan Bible chang chhiarin tawngtaina-in bul a tan ang a. Chumi zawhah a hmasa berin Committee agenda puangchhuak tur leh rorel minute hmasa bawhzuina chhiar chhuak turin Secretary a sawm tur a ni a. Chumi a zawh hnu chuan Treasurer leh mi tupawh report tur nei chu report pe turin a sawm leh tur a ni. Chutiang zawng zawng zawhfel a nih hunah chiah rorel tan theih a ni ang. Floor chan dan : Chairman-in, sawiho theih a ni e, han sawi teh u a tih hunah chauh member ten an sawi thei a. Sawi duh nei chuan floor a chan a ngai. Sawi tura chuan a sawi hmain Pu Chairman a ti hmasa tur a ni. Thu inchuh deuh a lo awm changin din rual thawt thawt chang pawh a awm thei. Chutiang hunah chuan Pu Chairman ti-a Chairman address hmasa zawk zawk kha Chairman-in floor a chantir tur a ni a. Tin, hetihlai hian a a tlai zawk kha upa zawk emaw, vawikhat mah la ding ve lo a nih erawh chuan Chairman-in a duh angin awm a tih zawk zawk floor a chantir theih ang. Midang an din laia sawi ve chak lutuk vanga lo din lawk hi dan kalh a ni a. Chutiang mite chu mi pamham/ chuhhelh awmdan a ni a. Chairman-in a khaptlat tur a ni. Agenda sawihona : Committee in a tum ber chu ngaihdan thawhkhawm a ni a. Thurel tura chhawpchhuah reng reng chu inpawhtlang takin sawihona neih phawt tur a ni. A lo berah mi 3 talin ngaihdan an thawh hma chu thutlukna siam thawt thawt loh a tha. Member ten an rawtchhuah thu chi hrang hrang chu a thlawp tu an awm phawt chuan Secretary-in hmun remchang laiah a lo chhinchhiah tur a ni a. Chu chu Chairman-in vote a lak huna puitu atana tih a ni. Thusawi duh nei reng reng chu a thuthmuna dingchungin a sawi tur a ni a. A sawi duh a sawi hmain Pu Chairman ti-a bul tanin pehhel kual lovin a sawitumah chuan a bur nghal chat tur a ni. A lo berah minute 7 ai tam chu mi pakhatin hun hmang lo se a tha. Tin, thu pakhat rel laiin member pakhatin tum hnih aia tam din loh hram tum bawk tur a ni a. Thenkhat, mahni tanna lam tihngheh duh luat avanga din nawn sek tum an awm thin a. Chutiang mite chu Chairmanin a khap tlat tur a ni. Vote lak dan : Agenda sawihona neih zawh a nih hnuah member ten rawtna an siam chi hrang hrang chu thurchhuakin Chairmanin vote a la thin tur a ni a. Thu lian tham leh thuruk tawpkhawk thil a ni lemlo a nih chuan banphar a vote lak mai hi a awlsam. Hetihlai hian vote lak dan tur hi thiam a har hle. A thupui a zira sawi hmasa awm chi leh sawi hnuhnun awm chi hi a awm ve a. Entirnan : sawiselna (negative) lam thil a nih chuan a duhlo lampang ban kan phar tir hmasa tur a ni a. Chutihlai chuan a tha lampang (positive) thila nih erawh chuan a duh lampang vote kan la hmasa tur thung a ni. Chutiang chu a ngai ngei ngei tihna lam nilovin, a mawihnai tihna mai chauh chu a ni e. Rorel tihtawpna : Committee agenda sawizawh a niha, vote pawh lak zawh tawh a nih chuan Chairman-in thurelte chhiar chhuak turin minute ziaktu a sawm tur a ni a. Chuta kan thurelte chu pawngpaw pawm nghal mai lovin Chairman-in vote lakna hnuhnung a nei leh tur a ni. Kan thurelte kha sawisel tur nei kan awm em aw tih emaw Kan thurelte kha kan zavaiin kan pawm tlang em? tih tein member-te a zawt leh phawt tur a ni a. Chuta mipui lam atanga thu leh hla a awm lo a nih chuan minute chu hming sign hnan theih tawh a ni tihna a ni a. Chutiang zawng zawng tihzawh a nih hnuah chuan Chairman-in tha a tih angin rorel chu a titawp thei tawh ang. A chunga Committee rorel dan ka rawn tarlan takte khi keima expereince atang te leh khawvelin an hman tlanglawn ber Robert`s Rule of Orders tih ka entawnna atanga ka rawn phochhuah a ni a. A zawng aza chuan a dik vek lo maithei a, a chhan chu mitinin tihdan phung bik riau kan nei ve a. Amaherawhchu, thenkhat tan erawh chuan tangkaina fe fe chu a awm ve tho ka beisei.