Trefniadau Amlasiantaethol

ar gyfer Diogelu'r Cyhoedd

Adroddiad Blynyddol
2005-2006

SOUTH WALES POLICE GWASANAETH PRAWF CENEDLAETHOL

HEDDLU DE CYMRU Dros Loegr a Chymru
 Cyflwyniad

Bu'n flwyddyn anodd i bawb sy'n gweithio gyda throseddwyr peryglus. Mae nifer o droseddau difrifol
trasig a gyflawnwyd gan droseddwyr ar drwydded o'r carchar wedi golygu lefel gynyddol o graffu gan y
cyfryngau ynglŷn â gwaith diogelu'r cyhoedd.

Bu'n her i reoli hyn. Mae pob asiantaeth a fu ynghlwm wedi gweithio'n galed i ddarparu gwybodaeth i'r
cyfryngau a'r cyhoedd i esbonio'r ffordd y mae MAPPA yn gweithio ac, yn weithredol, wedi parhau i
ymrwymo ymdrechion yn y maes gwaith hollbwysig hwn.

Yn arwyddocaol, mae sefydlu'r Uned MAPPA yng Nghaerdydd, sy'n dwyn ynghyd staff gweithredol o bob
un o'r asiantaethau sy'n rhan yn y broses, yn enghraifft o'r ymrwymiad hwn. Gobeithiwn y bydd y model
hwn o weithio mewn partneriaeth yn cael ei ailadrodd mewn rhannau eraill o Dde Cymru yn y dyfodol
agos.

Yn lleol, mae'n bwysig ein bod yn dysgu o'r profiad a gafwyd yn y misoedd diwethaf a pharhau i ddatblygu
ein harfer a'n cysylltiad a chefnogaeth amlasiantaethol i sicrhau fod gan bobl De Cymru hyder yn ein gallu
i ddiogelu'r cyhoedd yn y dyfodol.

Ian Lankshear
Prif Swyddog Gwasanaeth Prawf De Cymru

Barbara Wilding, CBE, QPM, CCMI

Prif Gwnstabl Heddlu De Cymru

John May
Rheolwr Ardal, Gwasanaeth Carchardai Ei Mawrhydi

Trefniadau Aml-asiantaeth er Diogelu’r Cyhoedd Adroddiad Blynyddol 2005-2006 1

Persbectif Cenedlaethol
Gerry Sutcliffe MP
Is-ysgrifennydd Seneddol dros Gyfiawnder Troseddol a Rheoli Troseddwyr
Gwneud ein cymunedau yn ddiogelach a lleihau
ail-droseddu yw ein prif flaenoriaeth ac un o'n
heriau mwyaf. Dyna pam fod y gwaith a wneir
drwy'r trefniadau amlasiantaethol diogelu'r
cyhoedd (MAPPA) mor bwysig. Mae goruchwylio
a rheoli troseddwyr rhyw a threisiol sy'n peri'r risg
mwyaf o niwed difrifol, boed hynny yn y gymuned
neu mewn cadwraeth, yn gymhleth ac yn llawn
her ac mae'n agwedd o wasanaeth cyhoeddus lle y
bo'n iawn i’r cyhoedd ddisgwyl i bob gweithredu
rhesymol gael ei wneud.
Er ein bod wedi gwneud cynnydd sylweddol yn
ystod y pum mlynedd diwethaf gyda datblygiad
MAPPA ar draws Cymru a Lloegr, bu i adolygiad
eleni o nifer o ddigwyddiadau trasig lle cafodd
pobl eu llofruddio neu eu hanafu'n ddifrifol ein
hatgoffa o bwysigrwydd adolygu perfformiad,
gwella arfer a dysgu gwersi. Mae'n hollbwysig
bod y tasgau hyn yn cael eu gwneud gan y
gwasanaeth prawf, yr heddlu a'r gwasanaeth
carchardai, yn ogystal â chan yr asiantaethau eraill
hynny sy'n cyfrannu at asesiad a rheolaeth
troseddwyr. Mae cyhoeddiad Cynlluniau Busnes
MAPPA gan bob Ardal yn adroddiadau blynyddol
eleni yn cynnig rhaglen ddefnyddiol ac
angenrheidiol o ddatblygiad ac adolygiad lleol a
rhaid iddi arwain at well arfer. Bydd yn hanfodol
bod y cynnydd hwn yn dryloyw ac yn cael ei
rannu gyda chymunedau lleol.
2 Trefniadau Aml-asiantaeth er Diogelu’r Cyhoedd Adroddiad Blynyddol 2005-2006
Yn ogystal â hyn, fodd bynnag, mae'n bwysig na
chaiff yr un cyfle ei golli i ystyried mesurau eraill a
fydd yn gwella ymhellach ddiogelwch y cyhoedd.
Dyna pam ein bod yn cynnal ein Hadolygiad o
Droseddwyr Rhyw Plant, i edrych ar sut y caiff
grŵp penodol o droseddwyr, sy'n peri pryder i
nifer, ei reoli orau yn y gymuned. Mae'r adolygiad
yn ymgynghori ag ystod eang o ymarferwyr a
rhanddeiliaid allweddol, yn cynnwys
ymgynghorwyr lleyg MAPPA, a bydd yn adrodd
tua diwedd y flwyddyn.
Yn olaf, drwy gymeradwyo'r adroddiad hwn i chi,
hoffwn fanteisio ar y cyfle i ddiolch i bawb sydd
wedi chwarae rhan yn lleol mewn gweithio gyda
throseddwyr rhyw a threisiol, neu mewn sicrhau
bod y trefniadau hyn yn addas at y diben. Lle bo
MAPPA yn gweithio’n dda mae wedi ei seilio ar
gynnal safonau proffesiynol uchel a chydweithredu
amlasiantaethol effeithiol mewn cyflwyno
cynlluniau rheoli risg cadarn. Er nad yw'n bosibl
dileu risg yn llwyr, lle y cymerir yr holl gamau
rhesymol gall y perygl o niwed difrifol pellach gael
ei leihau i'r lleiaf posibl a chaiff llai o ddioddefwyr
eu gwneud yn agored i ail-droseddu.
 Cyflawniadau
Uned Trefniadau
Amlasiantaethol ar gyfer
Diogelu'r Cyhoedd (MAPPA)
Crëwyd Uned MAPPA ym mis Medi 2005 ac
mae'n darparu adnodd pwrpasol ac arbenigol ar
gyfer y gwaith hollbwysig hwn.
Bydd Rheolwr MAPPA, Nigel Rees, yn mynychu
cyfarfodydd MAPPP Lefel 3, sef y cyfarfodydd a
gynhelir ar yr 'ychydig critigol' o droseddwyr sy'n
perir risg uchaf, i gymryd y cofnodion a sicrhau
bod y cyfarfod yn cael ei gefnogi i reoli'r risg a
berir gan y troseddwyr hyn.
Ynghyd â Rheolwr MAPPA, bydd Gweinyddwr
MAPPA, Katie Francis, yn sicrhau bod cofnodion
MAPPP yn cael eu dosbarthu yn fuan a bod y
rheini sydd â'r wybodaeth hollbwysig sydd ei
hangen i reoli'r troseddwr yn effeithiol yn cael eu
gwahodd i'r cyfarfodydd ac yn eu mynychu.
Hefyd mae llawer iawn o waith wedi ei wneud i
sicrhau ansawdd y gwaith a wneir ac i wella safon
yr ystadegau a ddarperir i Fwrdd Rheoli Strategol
(SMB) MAPPA ac eraill. Mae hyn yn bwysig
oherwydd cysylltiad yr SMB â'r gymuned ehangach
drwy Bartneriaethau Diogelwch Cymunedol a
phenodiad ymgynghorwyr lleyg.
Mae'r ystadegau allweddol a ddarperir yn cynnwys
nifer y Gorchmynion Atal Troseddwyr Rhyw, nifer
sydd wedi codi'n gyflym yn y flwyddyn ddiwethaf,
yn ogystal â niferoedd y troseddwyr Lefel 1, 2 a 3
sydd wedi bod yn destun MAPPA. Mae'r ffigurau
hyn yn dangos bod MAPPA yn ymdrin â mwy na
dim ond troseddwyr rhyw, mae'n ymwneud hefyd
â rheoli nifer fawr o droseddwyr treisiol difrifol,
sy'n peri heriau'r un mor anodd.
Mae'r Uned hefyd yn cyfrannu at ddiweddaru
cronfa ddata genedlaethol yr Heddlu - ViSOR -
sy'n sicrhau bod yr Heddlu drwy'r wlad yn gallu
rhannu gwybodaeth am droseddwyr peryglus ac
felly lleihau’r risg o niwed i'r cyhoedd.
Trefniadau Aml-asiantaeth er Diogelu’r Cyhoedd Adroddiad Blynyddol 2005-2006 3
Uned Amlasiantaethol
Diogelu'r Cyhoedd (MAPPU)
Sefydlwyd Uned Amlasiantaethol Diogelu'r
Cyhoedd (MAPPU) yng Nghaerdydd yn y
flwyddyn 2005 a hi yw'r cyntaf o'i bath yn Ne
Cymru. Mae'n dwyn ynghyd yr heddlu, y
gwasanaeth prawf, tai a nyrs seiciatrig gymunedol i
gyd mewn un swyddfa i gydlynu gwaith gyda
throseddwyr risg uchel.
Rheolwr Prawf yr Uned yw Eirian Evans. Dywed:
"Y peth gwych ynglŷn â'r Uned yw ei bod yn
galluogi'r asiantaethau i greu perthynas weithio
gref sy'n golygu bod cydweithio yn effeithiol ac yn
ystyrlon, gan olygu gwell gwasanaeth i'r gymuned.
O fewn yr Uned mae gennym fynediad at
systemau gan bob asiantaeth sydd eu hangen
arnom i rannu gwybodaeth yn gyflym ac
effeithlon.
"Y fantais fwyaf yr ydym wedi ei chael o'r Uned
yw y gall y tîm, oherwydd ei fod yn yr un swyddfa,
drafod achosion a gwneud dewisiadau
amlasiantaethol ynglŷn ag asesu risg ac ymyriadau
priodol a fydd yn briodol i ddiogelu'r cyhoedd.
"Oherwydd llwyddiant yr Uned yng Nghaerdydd y
gobaith nawr yw y gellir ei ailadrodd mewn
rhannau eraill o Dde Cymru."
MAPPA ar waith
Y ddau fforwm allweddol o fewn y broses MAPPA
yw:
• Paneli Amlasiantaethol Diogelu'r Cyhoedd
(MAPPP)
• Cynhadledd Amlasiantaethol Asesu Risg
(MARAC)
Mae tair lefel o risg o ran MAPPA - 1, 2 a 3.
Cynhelir cyfarfodydd MAPPP i reoli’r risg a berir
gan y troseddwyr mwyaf peryglus, y rheini a asesir
ar Lefel 3 neu'r 'ychydig critigol'. MARAC sy'n
rheoli troseddwyr ar Lefel 2 a chaiff troseddwyr
ar Lefel 1 eu rheoli gan yr Heddlu a'r Gwasanaeth
Prawf sy'n cydweithio heb fewnbwn gan
asiantaethau eraill.
Caiff y broses hon ei hailadrodd ar draws saith
ardal awdurdod lleol De Cymru.
Cyflawniadau
Golwg ar Ferthyr Tudful a
Rhondda Cynon Taf
RHONDDA
CYNON TAF
Castell
Nedd
Abertawe Port
Talbot
Pen-y-bont
ar Ogwr
Liz Rijnenberg
Prif Swyddog Cynorthwyol ar
gyfer Rhondda Cynon Taf a
Merthyr Tudful
Steve Cooke
Ditectif Brif Arolygydd Rhanbarth Rhondda
Cynon Taf
Mae Liz a Steve yn Cyd-gadeirio cyfarfodydd
MAPPP. Maent yn esbonio eu rôl:
"Rydym yn gweithio mewn partneriaeth i reoli
troseddwyr risg uchel, yr 'ychydig critigol', ar sail
achos wrth achos.
Y nod yw asesu'r achos gan ddefnyddio'r
gwahanol sgiliau a gwybodaeth a rennir gan yr
asiantaethau partner. Mae hyn yn gwella'r broses
asesu risg ac yn ein galluogi ni i ddatblygu
cynlluniau rheoli sy'n diogelu'r cyhoedd a
dioddefwyr posibl. Rydym yn sicrhau bod
ymyriadau'n cael eu targedu i risg benodol ac
anghenion y troseddwyr er mwyn gwella'r
tebygrwydd o ailsefydlu llwyddiannus.
Ar lefel ehangach mae'n bwysig i ni adeiladu
perthynas weithio agos gyda phob asiantaeth arall
sy'n ffurfio rhan o'r broses MAPPA. Rydym yn
cydweithio i gael y gynrychiolaeth orau bosibl o
asiantaethau partner a hefyd i sicrhau ein bod yn
datblygu cysylltiadau agosach gyda'n cydweithwyr
yn y Gwasanaeth Carchardai.
Un mater penodol ar ein cyfer ni fu sicrhau bod
digon o lety priodol ar gyfer troseddwyr pan gânt
eu rhyddhau i'r gymuned. Rydym wedi bod yn
gweithio'n brysur gydag adran tai yr awdurdod
lleol i geisio gwneud yn siŵr y gallwn ddatblygu
hyn yn y dyfodol."
4 Trefniadau Aml-asiantaeth er Diogelu’r Cyhoedd Adroddiad Blynyddol 2005-2006
Tracey Girton
Rheolwr Tîm Rhondda Cynon Taf
IYn ei swydd fel Rheolwr Tîm Prawf mae gan
Merthyr
Tracey gyfrifoldeb am ddiogelu’r cyhoedd.
Mae'n Cadeirio MARAC ar gyfer troseddwyr
A sydd angen ymyrraeth amlasiantaethol, ond
MERTHYR
TUDFUL nid i'r un lefel o ddwyster â'r rheini ar
Lefel 3.
Pontypridd
Meddai: "Rwy'n mynychu
cyfarfodydd MAPPP fel fy mod yn
Caerdydd
gwybod am y peryglon y mae'r
troseddwyr hyn yn eu peri i'r
Y Barri gymuned ond mae fy mhrif gyfrifoldeb i
broses MARAC. Byddwn yn cyfarfod
bob mis ac mae pob cyfarfod yn ymdrin â thua
12 troseddwr. O'r rhain bydd rhai yn adolygiadau,
sy'n golygu y byddwn yn gwirio ein bod wedi
cwblhau'r camau y cytunwyd arnynt, a bydd rhai
yn atgyfeiriadau newydd.
Fel Cadeirydd, fy mhrif gyfrifoldeb yw hwyluso'r
broses a gwneud yn siŵr bod y cyfarfod yn derbyn
y wybodaeth sydd ei hangen arno i ddatblygu
cynlluniau gweithredu a fydd yn rheoli risg yn
effeithiol.
Mae'n hollbwysig fy mod yn gallu datblygu
perthynas weithio effeithiol gyda'r asiantaethau
sy'n rhan o'r broses. Rwy'n gweithio'n arbennig o
agos gydag Uned Diogelu'r Cyhoedd yr Heddlu ac
rydym yn gwneud yn siŵr bod y bobl briodol yn
mynychu cyfarfodydd.
Wrth gwrs, mae gwaith proses MARAC yn
dechrau go iawn yn dilyn y cyfarfod cychwynnol
pryd y bydd camau wedi eu clustnodi i unigolion a
enwir. Caiff y camau eu cyflawni ac adroddir yn ôl
arnynt yn y cyfarfod dilynol. Y nod yw lleihau
gymaint â phosibl y risg a berir gan y grŵp hwn o
droseddwyr a'r unig ffordd y gellir cyflawni hyn yw
drwy fod asiantaethau yn gweithio'n effeithiol
gyda'i gilydd."

Approved Mae
adeiladau
cymeradwyedig yn
cynnig lefel well o
oruchwyliaeth
drwy:
• Osod cyrffiw gyda'r hwyr
• Darparu staffio 24 awr
• Cynnal asesiadau parhaus o
agweddau ac ymddygiad
• Sicrhau modelu
cymdeithasol parhaus
• Darparu rhaglen o
oruchwyliaeth, cefnogaeth
a monitro rheolaidd
• Gwyliadwriaeth a chyswllt
parhaus gyda'r heddlu
• Atgyfnerthu cydymffurfiad
gydag amodau mechnïaeth
neu drwydded
• Annog presenoldeb, a
chefnogi dysgu a geir drwy
raglenni achrededig
• Cadw cysylltiad gyda staff
goruchwylio yn nhimau
maes y Gwasanaeth Prawf
Trefniadau Aml-asiantaeth er Diogelu’r Cyhoedd Adroddiad Blynyddol 2005-2006 5
Cyflawniadau
Beverley Brooks
Cydlynydd Diogelu'r Cyhoedd Bwrdd Iechyd
Lleol Rhondda Cynon Taf
Mae Beverley yn rhan yn y broses MAPPA fel
cynrychiolydd y Gwasanaeth Iechyd Gwladol.
Meddai: "Mae'n bwysig bod gennym ran yn
rheolaeth y grŵp hwn o droseddwyr peryglus.
Rydym yn deall bod troseddwyr yn rhan o'r
gymuned ac y bydd arnynt angen mynediad at
wasanaethau Gofal Sylfaenol megis meddygon
teulu ac ysbytai. Mae proses MAPPA yn darparu
llawer iawn o wybodaeth y gallaf ei rhannu, o
fewn y canllawiau cyfrinachedd, i wneud yn siŵr
bod y bobl iawn yn cael eu hysbysu.
Ym maes Iechyd rydym yn datblygu'r mewnbwn
yr ydym yn ei wneud i'r broses MAPPA lleol ac
rydym yn edrych i wella'r cyfraniad a wneir gan
weithwyr proffesiynol iechyd meddwl gan ein bod
yn teimlo fod hyn yn hollbwysig."
Joanne Hourihan
Seicolegydd Fforensig Siartredig
Mae Joanne yn gweithio yn y Gwasanaeth Prawf,
ar secondiad o'r Gwasanaeth Carchardai, i
ddarparu cefnogaeth a chymorth arbenigol ar reoli
troseddwyr rhyw a threisiol risg uchel ac uchel
iawn i swyddogion prawf ar draws De Cymru.
Mae hi ynghlwm yn y broses MAPPA ac yn
darparu asesiadau seicolegol i gynorthwyo'r
broses o ddatblygu cynlluniau gweithredu ar gyfer
troseddwyr Lefel 3.
Dywed: "Pan fydd achos yn cael ei gyfeirio ataf,
boed hwnnw wedi dod yn wreiddiol oddi wrth
Swyddog Prawf neu’n uniongyrchol o drafodaeth
mewn MAPPP, os yn briodol, byddaf yn darllen
gwybodaeth am yr achos ac yna'n penderfynu ar
yr asesiad mwyaf priodol. Byddaf yn cyfarfod
gyda'r troseddwr, os bydd am wneud hynny a
defnyddio’r wybodaeth hon i lunio adroddiad.
Caiff yr adroddiad hwn ei fwydo yn ôl i'r MAPPP
yn tynnu sylw at y ffactorau o ran risg, ynghyd ag
argymhellion ynglŷn â thriniaeth bosibl ac, yn fwy
cyffredinol, ynglŷn â'r ffordd fwyaf effeithiol o
reoli'r troseddwr yn y gymuned. Yna caiff yr
argymhellion hyn eu hadeiladu i’r cynllun
gweithredu ar gyfer yr unigolyn hwnnw.
Denise Thomas
Gweithiwr Diogelwch Menywod
Mae rôl y Gweithiwr Diogelwch Menywod
(WSW) yn rhan o gyflwyniad diweddar y Rhaglen
Camdriniaeth Deuluol Integredig (IDAP) ac maent
yn rhan yn fforwm trais teuluol MARAC i sicrhau
bod persbectif y dioddefwr yn cael ei glywed.
Mae'r staff a benodir i'r rôl hon wedi derbyn
hyfforddiant arbenigol i'w galluogi i wneud y
tasgau angenrheidiol. Dywed Denise Thomas, un
o'r Gweithwyr Diogelwch Menywod sydd wedi ei
lleoli ym Mhontypridd: "Fy mhrif waith yw cyswllt.
Rhaid i mi gael perthynas weithio dda gyda phawb
sy'n rhan o'r broses gan gynnwys y Rheolwr Prawf
Troseddwyr, yr Heddlu, Uned Rhaglenni,
partneriaid yn y sector gwirfoddol ac, wrth gwrs,
y dioddefwr.
Mae adeiladu’r cysylltiadau hyn yn caniatáu i mi
werthuso'r risg o bersbectif y dioddefwr yn
ogystal â rhannu gwybodaeth a ddarperir gan y
dioddefwr y gellir ei defnyddio i helpu eraill i reoli
risg y troseddwr.
Byddwn ond yn gweithio gyda phartneriaid
troseddwyr sydd ar hyn o bryd ar raglen IDAP, er
y gallant fod yn bartneriaid presennol, newydd
neu'n gynbartneriaid. Gwyddom y gall y rhaglen
arwain ar gynnydd yn y risg o drais gan fod yn
rhaid i'r troseddwr dderbyn, a chymryd
cyfrifoldeb dros, ei weithredoedd a dyna pam fod
rôl y WSW mor bwysig."
Mae Denise yn dangos sut y gall ymglymiad gyda'r
MARAC gynorthwyo dioddefwyr trais teuluol yn
uniongyrchol: "Roedd gan un dioddefwr yr
oeddwn yn gweithio â hi blant ifanc ac nid
oeddem yn cael cyfweld â'r dioddefwr o flaen y
plant, am resymau amlwg.
Nid oedd ganddi gefnogaeth deuluol ac roedd yn
brwydro gydag iselder pan fu i mi ei chyfarfod,
felly bûm yn trafod ei hachos gyda fy
nghysylltiadau ar y MARAC a llwyddom i drefnu
bod gweinyddes feithrin yn dod yn gwmni i mi.
Oherwydd hyn hwyluswyd y cyfweliad ac roedd
hefyd yn golygu bod y dioddefwraig yn cael egwyl
fer oddi wrth y plant."
Adeiladau Cymeradwyedig
De Cymru
Mae gan hosteli prawf yng Nghaerdydd ac
Abertawe rôl bwysig i'w chwarae mewn rheoli
troseddwyr a allai fod yn beryglus yn y gymuned.
Mae'r hosteli yn lletya dros 50 o drigolion. Caiff
nifer o'r rhain eu lletya yn yr hostel fel amod eu
trwydded yn dilyn rhyddhau o garchar, er y gallai
preswylwyr hefyd fod ar fechnïaeth neu gyfnod
prawf. Mae gan yr hosteli reolau llym ac maent yn
cynnig amgylchedd â strwythur iddo i droseddwyr.
Mae nifer o weithgareddau y gall preswylwyr
ymgymryd â hwy yn ystod eu cyfnod preswyl.
Mae ffocws ar ddatblygu sgiliau sylfaenol, megis
llythrennedd a rhifedd, a'u cynorthwyo i wella eu
hamgylchiadau personol drwy, er enghraifft, reoli
arian yn well. Mae gweithgareddau yn
canolbwyntio ar ddatblygu'r hunan barch a
dealltwriaeth y dioddefwr o droseddwyr a sicrhau
eu bod yn cael eu hailintegreiddio'n ddiogel i'r
gymuned.
Bwrdd Rheoli'r Strategol Aelodau'r Bwrdd
Rheoli Strategol
Kevin Gibbs
Rheolwr Gwasanaethau Plant
Janet Chaplin Yn ein barn ni, bu sefydlu Uned MAPPA yn gam
Ardal, NSPCC
Prif Swyddog Cynorthwyol, Gwasanaeth mawr ymlaen. Rydym yn falch bod yr arian ar
Christine Davies
Prawf a gyfer hyn wedi ei gytuno am y ddwy flynedd nesaf
Canolfan Byd Gwaith
a hyderwn na fydd unrhyw anawsterau yn ei
Giles York Dick Geen
barhau." Partneriaeth Diogelwch
Prif Gwnstabl Cynorthwyol, Heddlu De
Cymru Cyd-gadeiryddion yr SMB Cymunedol Caerdydd
Helen Bennett Robert Rees
Pennaeth Nyrsio Iechyd Meddwl, Pennaeth Gwasanaethau Tai,
Mae'r Bwrdd Rheoli Strategol (SMB) yn cynnwys
Ymddiriedolaeth GIG Caerdydd a'r Fro CBS Castell-nedd Port Talbot
ystod eang o asiantaethau sy'n rhan o'r broses
John Davies
MAPPA. Mae'r Bwrdd, a gadeirir gan Brif
Gwnstabl Cynorthwyol a Phrif Swyddog
Gwen Roberts Cydlynydd Partneriaeth
Pennaeth Cynllunio, Ymddiriedolaeth GIG Diogelwch Cymunedol
Cynorthwyol o'r Gwasanaeth Prawf, yn cynnal yr Tegwyn Williams
Pontypridd a'r Rhondda
adolygiad ffurfiol o'r trefniadau sydd ar waith a Seiciatrydd Fforensig
ddefnyddir i asesu a rheoli risg troseddwyr sy'n Ymgynghorol, Clinig Caswell
"Mae ymglymiad Iechyd ym mhroses MAPPA ac ar
destun trefniadau MAPPA. Mae iddo hefyd rôl Alison Lewis
y Bwrdd Rheoli Strategol wedi cynyddu yn ystod G4S, Carchar EM y Parc
mewn sicrhau ansawdd ac adolygiadau achosion
y flwyddyn. Mae hyn wedi rhoi rhagor o werth i Jeff Davison
difrifol.
weithio mewn partneriaeth, dealltwriaeth Partneriaeth Diogelwch
ehangach o waith MAPPA a chyfleoedd i Cymunedol Abertawe
Rhan allweddol o'r SMB yw cyfraniad
ddylanwadu ar y broses o ddiogelu’r cyhoedd. Sean Sullivan
Ymgynghorwyr Lleyg, sy'n aelodau o'r gymuned
Prif Seicolegydd, Pennaeth Uned
heb ran ffurfiol yn y system cyfiawnder troseddol.
Mae gan sefydliadau Iechyd erbyn hyn well Lleihau Troseddu, Carchar EM
Eu rôl hwy yw bod yn "gyfaill beirniadol". Caerdydd
dealltwriaeth o'r prosesau diogelu'r cyhoedd ac ar
hyn o bryd rydym yn cytuno i Femorandwm o Ditectif Uwcharolygydd
John Dale and Sharon Dixon Simon Clarke
Ddealltwriaeth gyda dyletswydd i gydweithredu
Ymgynghorwyr Lleyg Heddlu De Cymru
mewn diogelu'r cyhoedd.
Tony Young
"Rydym yn hoffi'r disgrifiad o Ymgynghorwyr Lleyg Pennaeth Gwasanaethau Plant a
Mae'n rhaid mai un o fanteision gweithio mewn Theuluoedd, CBS Bro
fel 'cyfeillion beirniadol' i MAPPA. Credwn ei fod
partneriaeth ym maes diogelu’r cyhoedd yw gwell Morgannwg
yn adlewyrchiad cywir o'r rôl sy'n casglu a
cyfathrebu a gweithio amlasiantaethol wrth Pam Harding
chynnwys barn aelodau cyffredin o'r cyhoedd.
ymdrin â digwyddiadau amhriodol difrifol lle y Rheolwr Ardal, Cymorth i
mae iechyd wedi bod â rhan lawn ynddo. Ddioddefwyr
Rydym wedi cael ein hannog i gyfrannu ein barn, Andy Homer
herio barn gweithwyr proffesiynol a chyfrannu at Cyfarwyddwr Cynorthwyol,
Mae datblygiadau pellach yn cynnwys sefydlu
gyfeiriad a'r penderfyniadau a wneir o ran Cefnogaeth Weithredol, Serco
timau diogelu'r cyhoedd eraill ar draws De Cymru
diogelu'r cyhoedd. Monitoring
a bydd iechyd yn gyfranogwr gweithredol
Chris Pike
ynddynt." Tai a Diogelwch Cymunedol,
Rydym yn teimlo'n eithaf annibynnol ar yr
asiantaethau statudol, eto rydym yn falch eu bod CBS Bro Morgannwg
yn ein derbyn ac yn ein croesawu. Yn ystod y
Linda Badman Mal Gay
Cyfarwyddwr Dros Dro, Canolfan Byd Tîm Troseddu Ieuenctid Pen-y-
flwyddyn rydym wedi ymweld â Charchardai,
Gwaith Cymru bont ar Ogwr
Adeiladau Cymeradwyedig, Uned Trais Teuluol
Helen Bennett
yng Nghaerdydd, Swyddfa Diogelu'r Cyhoedd ym Pennaeth Gwasanaethau Iechyd
"Mae Canolfan Byd Gwaith Cymru yn parhau i
Mhencadlys yr Heddlu ym Mhen-y-bont ar Ogwr Meddwl, Ymddiriedolaeth GIG
ddatblygu'r berthynas gydag asiantaethau
a gwahanol gyfarfodydd MAPPP, lle yr ydym wedi Caerdydd a'r Fro
perthnasol eraill er mwyn cefnogi diogelu'r
gweld lefel uchel o gyfnewid gwybodaeth fanwl Susan Cousins
cyhoedd a rheoli'r risg a berir gan droseddwyr Cyfarwyddwr Gweithredol,
rhwng asiantaethau a hefyd cadeirio medrus a
peryglus. Merthyr Tudful Ddiogelach
chadarn.
Gwenan Roberts
Yn ystod y flwyddyn rydym wedi bod yn brysur yn Pennaeth Cynllunio, Ysbyty
Rydym wrth gwrs hefyd wedi mynychu
cyflwyno a chefnogi hyfforddiant ymwybyddiaeth Dewi Sant
cyfarfodydd SMB a gwneud gwahanol gyfraniadau
ymgynghorwyr mewn perthynas â throseddwyr Parchedig John Dale
drwy ofyn y cwestiwn 'syml' a thrwy wneud
peryglus a'r broses MAPPA. Ymgynghorydd Lleyg
awgrymiadau cadarnhaol - gweithredwyd ar rai
Ms. Sharon Dixon
ohonynt ac mae eraill angen rhagor o waith Ymgynghorydd Lleyg
Yr wyf wedi ymrwymo i barhau i ddarparu
arnynt. Rydym wedi bod yn falch i gymryd rhan yn Linda Badman
cynrychiolaeth ar Fwrdd Rheoli Strategol MAPPA
y broses archwilio ac wedi ein calonogi gan safon Cyfarwyddwr Dros Dro,
ac felly sicrhau cefnogaeth Canolfan Byd Gwaith
y gwaith a ddatgelwyd. Canolfan Byd Gwaith
ar lefel strategol a lefel ymarferwyr."
Nigel Rees
Rheolwr MAPPA

6 Trefniadau Aml-asiantaeth er Diogelu’r Cyhoedd Adroddiad Blynyddol 2005-2006

 Bwrdd Rheoli'r Strategol
Paul Tidball,
Janet Wallsgrove,
Andrea Whitfield
Llywodraethwyr Carchardai Ei Mawrhydi
Caerdydd, Y Parc ac Abertawe
"Mae diogelu'r cyhoedd drwy drefniadau MAPPA
yn parhau'n flaenoriaeth uchel ar gyfer y
Gwasanaeth Carchardai. Caiff hyn ei gyflawni
drwy weithio mewn partneriaeth effeithiol gyda'r
Awdurdodau Cyfrifol eraill a'r asiantaethau
Dyletswydd i Gydweithredu.
Mae gan yr holl garchardai yn Ne Cymru brosesau
ar waith i ddynodi, asesu, adolygu a rheoli risg
carcharorion a gwmpesir gan MAPPA. Mae'r
Gwasanaeth Carchardai yn cyfrannu'n weithredol
at ddatblygu cynlluniau rheoli risg ar gyfer
carcharorion a gedwir mewn, neu a ryddheir o'n
sefydliadau. Gall y Gwasanaeth Carchardai
ddarparu gwybodaeth a chudd-wybodaeth yn
ymwneud â risg nad sydd fel arfer yn amlwg neu'n
hawdd ei gweld mewn cyd-destunau eraill,
persbectif all gael effaith sylweddol ar
strategaethau rheoli risg.
Mae'r gwaith partneriaeth hwn erbyn hyn yn
ganolog i’n holl ymdrechion i ddiogelu'r cyhoedd.
Bydd y Model Rheoli Troseddwyr sydd i'w
gyflwyno'n fuan ar gyfer carcharorion sy'n dod o
dan drefniadau MAPPA yn hysbysu cyflwyniad
ymyriadau wedi eu targedu i leihau ail-droseddu,
fydd yn eu tro yn cyfrannu at reolaeth effeithiol
troseddwyr MAPPA yn y gymuned.
Mae'r ymagwedd hon o gydweithredu er mwyn
diogelu'r cyhoedd yn parhau'n brif flaenoriaeth ar
gyfer Gwasanaeth Carchardai Ei Mawrhydi yng
Nghymru."
Trefniadau Aml-asiantaeth er Diogelu’r Cyhoedd Adroddiad Blynyddol 2005-2006 7
Kevin Gibbs
Rheolwr Gwasanaethau Plant Ardal, NSPCC
Is-gadeirydd Fforwm Amddiffyn Plant De
Cymru
"Partneriaeth yw'r elfen allweddol mewn cadw
aelodau agored i niwed o'r gymuned yn ddiogel.
Mae asiantaethau ac unigolion yn cydnabod y
gallwn ddiogelu ac amddiffyn ein plant yn llawer
mwy effeithiol pan fyddwn yn gweithio gyda'n
gilydd.
Rydym yn croesawu'r arweiniad strategol yn ardal
De Cymru sy'n gweld ymagwedd cyd-gysylltiedig
tuag at reoli troseddwyr, diogelu plant a phobl
ifanc, amddiffyn oedolion agored i niwed a gwaith
effeithiol gyda'r gymuned, fel y ffordd orau i
ddiogelu'r cyhoedd.
Mae gan Fwrdd Rheoli Strategol MAPPA De
Cymru rôl hollbwysig mewn sicrhau bod arfer yn
parhau i ddatblygu, bod asiantaethau yn dysgu gan
ei gilydd a bod mesurau cadarn yn cael eu cynnal i
reoli risg yn yr ardal hon. Mae'r NSPCC a
Fforwm Amddiffyn Plant De Cymru yn falch i
barhau i chwarae rôl weithredol mewn amddiffyn
plant a phobl ifanc drwy ein hymrwymiad i Fwrdd
Rheoli Strategol MAPPA."
Astudiaethau achos MAPPA
Astudiaeth achos 1
Cysylltwyd ag Uned MAPPA gan Swyddog
Meddygol, oedd yn goruchwylio claf oedd yn
destun gorchymyn ysbyty. Roedd yn poeni bod y
claf yn peri lefel uchel o risg ac y byddai Tribiwnlys
Iechyd Meddwl oedd i'w gynnal yn fuan yn
cyfarwyddo dychwelyd i'r gymuned o lety cadarn.
Trefnwyd MAPPP ac, er nad oedd goruchwyliaeth
prawf o'r achos, gwyddid bod y troseddwr wedi
ceisio lladd plant gwahanol ddwywaith ac roedd yr
heddlu yn gallu dod â gwybodaeth gynhwysfawr i'r
cyfarfod.
O ganlyniad, cafodd y Swyddog Meddygol
wybodaeth arwyddocaol nad oedd yn hysbys i
staff meddygol cyn hyn. Cafodd ei hysbysu hefyd
ynghylch nifer o faterion yn ymwneud â
dioddefwyr a bod y claf mewn perygl mawr pe
byddai'n dychwelyd i'r un ardal. Byddai hon yn
wybodaeth hollbwysig i'r tribiwnlys ac y byddai'n
cefnogi penderfyniad rhyddhau priodol, ynghyd ag
amodau fyddai eu hangen i reoli unrhyw risg a
fyddai.
Datgelodd y Swyddog Meddygol hefyd bod y claf
yn cael ymweld â threfi mewn ardal arall a
chododd hyn bryderon y cyfarfod a'r staff
meddygol. Anfonwyd y cofnodion i gydlynydd
MAPPA yn yr ardal arall ac mae camau yn cael eu
cymryd nawr i asesu'r risg a berir i'r gymdogaeth a
pharatoi ar gyfer ailsefydliad posibl y claf i'r ardal.
Mae heddlu yn yr ardal hon hefyd wedi cymryd
camau i leihau'r risg presennol i ddioddefwyr.
Heb MAPPA mae'n annhebygol y byddai gwir lefel
y risg wedi cael ei chanfod, gan arwain ar risgiau
uwch ar gyfer y cyhoedd a'r claf.
8 Trefniadau Aml-asiantaeth er Diogelu’r Cyhoedd Adroddiad Blynyddol 2005-2006
Astudiaeth achos 2
Cyfeiriwyd at MAPPP cyn rhyddhau troseddwr
treisiol difrifol. Dynododd yr atgyfeiriad hwn nifer
o ddioddefwyr a pheryglon eraill pe bai'r
troseddwr yn cael ei ryddhau i'r ardal leol.
Cyfarfu'r MAPPP nifer o weithiau dros gyfnod o
naw mis a bu'n goruchwylio dychweliad y
troseddwr yn y pen draw i’r gymuned. Roedd
hyn yn cynnwys cyfnod o fyw mewn Adeilad
Cymeradwyedig y tu allan i'r ardal, gan symud
wedyn i Adeilad Cymeradwyedig yn Ne Cymru,
hyn oll i brofi ei gymhelliant i gydymffurfio gyda
goruchwyliaeth.
Yn ystod y broses, cadwyd cysylltiad agos rhwng
yr Adeilad Cymeradwyedig, Rheolwr Troseddwyr
y Gwasanaeth Prawf, Uned Dioddefwyr, Uned
Camdriniaeth Deuluol a'r heddlu. Hefyd, yng
ngoleuni ymholiadau a wnaed gan y MAPPP,
cyfeiriwyd at y Gwasanaethau Cymdeithasol i reoli
materion amddiffyn plant. Cafodd y dioddefwyr
eu diweddaru'n llawn a chymerwyd camau
diogeliad gan yr heddlu i leihau'r perygl.
Mae'r cyfnod o oruchwyliaeth trwydded nawr
wedi dod i ben ac, hyd yma, ni fu'r un digwyddiad
o drais ac nid oes yr un dioddefwr wedi ei ail
erlid.
 Gwybodaeth ystadegol

Rhestr Termau Troseddwyr MAPPA Categori 1: Troseddwyr Rhyw Cofrestredig (RSO)

• MAPPA Nifer yr RSO yn byw yn Ne Cymru ar 31/3/06 680

Trefniadau Aml-asiantaeth
URhS:
er Diogelu’r Cyhoedd
Rhanbarth A (Rhondda Cynon Taf / Merthyr Tudful) 149
• MAPPP Rhanbarth C (Caerdydd) 211
Panel Aml-asiantaeth er Rhanbarth E (Bro Morgannwg) 72
Diogelu’r Cyhoedd Rhanbarth F (Pen-y-bont ar Ogwr) 61
Rhanbarth G (Castell-nedd Port Talbot) 60
I reoli’r ychydig Rhanbarth H (Abertawe) 127
droseddwyr sy’n peri’r risg
mwyaf i’r gymuned – caiff Nifer yr RSO yn ôl 100,000 o'r boblogaeth 63
y rhain eu categoreiddio fel
Nifer yr RSO naill ai wedi eu rhybuddio neu eu dedfrydu am
troseddwyr Lefel 3
dorri gofyniad rhwng 1.4.05 a 31.03.06 22
• ‘Ychydig critigol’
Nifer y:
Caiff y troseddwyr hyn eu
Gorchmynion Atal Troseddau Rhyw (SOPSO) y gwnaed cais amdanynt 10
rheoli drwy broses MAPPP
SOPO Interim a roddwyd 1
• MARAC SOPO llawn a osodwyd gan y llysoedd 10
Cynhadledd Aml-
Gorchmynion Rhybudd y gwnaed cais amdanynt 0
asiantaeth Asesu Risg
Gorchmynion Rhybudd Interim a roddwyd 0
I reoli’r troseddwyr sy’n Gorchmynion Rhybudd llawn a osodwyd gan y llysoedd 0
peri risg i’r gymuned – caiff
Gorchmynion Teithio Tramor y gwnaed cais amdanynt 0
y rhain eu categoreiddio fel
Gorchmynion Teithio Tramor a osodwyd gan y llysoedd 0
troseddwyr Lefel 2

• Bwrdd Reoli Strategol

Categori 2 - Troseddwyr Treisiol a Throseddwyr Rhyw eraill
Mae’r Bwrdd yn rheoli
proses MAPPA ac mae’n Nifer y troseddwyr treisiol a throseddwyr rhyw eraill (a ddiffinnir gan Adran 327 (3)(4)(5)
gyfrifol am sicrhau ei bod Deddf Cyfiawnder Troseddol 2003) yn byw yn Ne Cymru rhwng 1.4.05 a 31.3.06 437
yn cael ei chymhwyso’n
gyson ar draws De Cymru
Troseddwyr MAPPA Categori 3: Troseddwyr eraill
• Awdurdod Cyfrifol
Yr asiantaethau hynny sy’n Nifer y troseddwyr (a ddiffinnir gan Adran 325 (2)(b) Deddf Cyfiawnder
gyfrifol yn statudol am y Troseddol 2003) rhwng 1.4.05 a 31.3.06 35
Trefniadau er Diogelu’r
Cyhoedd sef: yr Heddlu, y
Gwasanaeth Prawf a’r Troseddwr a reolwyd drwy Lefel 3 a Lefel 2
Gwasanaeth Carchar
Nifer yr RSO a reolwyd ar: Lefel 3 – 44
• Troseddwyr Categori 1 Lefel 2 - 244
Troseddwyr rhyw
Nifer y troseddwyr treisiol a throseddwyr rhyw eraill a reolwyd ar: Lefel 3 – 56
cofrestredig
Lefel 2 – 297
• Troseddwyr Categori 2 Nifer y troseddwyr eraill a reolwyd ar: Lefel 3 – 0
Troseddwyr treisgar a
Lefel 2 – 66
throseddwyr rhyw eraill
Achosion lle y cafodd troseddwyr eu: Lefel 3 – 12
• Troseddwyr Categori 3 Dychwelyd i gadwraeth am dorri trwydded Lefel 2 – 51
Troseddwyr eraill a
ddiffinnir gan Adran 325 Dychwelyd i gadwraeth am dorri gorchymyn cyfyngiadau neu SOPO Lefel 3 – 0
(2) (b) o Ddeddf Lefel 2 – 6
Cyfiawnder Troseddol
2003 Cyhuddo gyda throsedd rhyw neu dreisiol ddifrifol Lefel 3 – 1
Lefel 2 - 4

Trefniadau Aml-asiantaeth er Diogelu’r Cyhoedd Adroddiad Blynyddol 2005-2006 9

Esboniad ar yr ystadegau
Troseddau difrifol pellach
Bu i bump o'r 707 o droseddwyr a reolwyd
drwy'r broses MAPPA gyflawni trosedd ddifrifol
pellach yn ystod y flwyddyn hon.
Achos un
Roedd y troseddwr yn preswylio mewn Adeilad
Cymeradwyedig tra ar drwydded estynedig yn
dilyn dedfryd am bedair blynedd am Glwyfo.
Roedd yn destun cynllun rheoli risg manwl a
gafodd ei gymhwyso'n llawn.
Dihangodd y troseddwr wythnos wedi ei ryddhau,
ac yntau wedi methu â dychwelyd i'r hostel erbyn
y cyrffiw. Cymerwyd camau tor-cyrffiw ar
unwaith, gyda Heddlu De Cymru yn chwilio’r
ardal ac yn ymweld â phawb y gwyddid oedd yn
gysylltiedig ag ef. Hysbyswyd dioddefwyr y
drosedd fod y troseddwr ar goll. Ychydig
ddyddiau'n ddiweddarach defnyddiodd y
troseddwr botel i ymosod ar bartner ei gyn wraig
a chafodd ei arestio yn lleoliad y drosedd.
O ganlyniad dyfarnwyd y troseddwr yn euog o
Glwyfo Adran 18 a'i ddedfrydu i bum mlynedd o
garchar, gyda goruchwyliaeth estynedig.
Gwelwyd cyfathrebu da rhwng gwahanol
ardaloedd o fewn De Cymru pan yn chwilio am y
troseddwr ac ymatebwyd i gynllun clir a luniwyd
drwy MAPPA i'w ddefnyddio pe byddai'r
troseddwr yn methu â chydymffurfio gyda
goruchwyliaeth lem. Cyfrannodd hyn at
ddiogelwch dioddefwyr ac yn y diwedd arestio'r
troseddwr.
Achos dau
Rhyddhawyd troseddwr rhyw o garchar wedi
dedfryd o naw mlynedd. Fe'i rheolwyd yn agos a'i
gyfarwyddo i fyw mewn adeilad cymeradwyedig.
Fe'i galwyd yn ei ôl ar unwaith pan y'i cyhuddwyd
gydag ymosodiad rhywiol ar breswylydd arall.
Achos tri
Galwyd troseddwr ar drwydded bywyd yn ei ôl yn
dilyn trosedd o Glwyfo. Yn dilyn honiadau o
droseddau eraill cydweithiodd partneriaid MAPPA
i sicrhau bod y troseddwr yn cael ei arestio gyda'r
lleiaf posibl o berygl i'r cyhoedd. Gosododd yr
Heddlu rybudd ar eu system gyfrifiadurol
genedlaethol ynglŷn â char cariad y troseddwr.
Gwnaeth hyn yn siwr bod y car yn cael ei stopio
pan welwyd ef ac arweiniodd hyn at arestio’r
troseddwr.
10 Trefniadau Aml-asiantaeth er Diogelu’r Cyhoedd Adroddiad Blynyddol 2005-2006
Achos pedwar
Rhyddhawyd troseddwr rhyw o ddedfryd o
garchar estynedig o wyth mlynedd.
Cyfarwyddwyd y troseddwr i fyw mewn adeilad
cymeradwyedig ac fe'i galwyd yn ôl i'r carchar pan
y'i cyhuddwyd o ymosodiad anweddus oedd wedi
digwydd rhyw bedwar mis cyn hynny.
Cydweithredodd partneriaid MAPPA yn agos i
warchod diogelwch y cyhoedd nes y llwyddwyd i
gymryd camau galw yn ôl i wneud yn siwr na
allai’r troseddwr ffoi cyn cael ei gyhuddo. Mae'r
troseddwr nawr yn treulio dedfryd o fywyd am y
drosedd newydd.
Achos pump
Cafodd troseddwr rhyw oedd ar Raglen Trin
Troseddwyr Rhyw ei fonitro'n agos yn y gymuned.
Roedd partneriaid MAPPA yn ymwybodol o’r risg
a berwyd gan y troseddwr a'r posibilrwydd y câi
troseddau hanesyddol eraill eu dwyn i'r llys. Heddlu De Cymru
Sicrhaodd partneriaid MAPPA bod teulu'r Pencadlys yr Heddlu
dioddefwr yn gwybod am y perygl a berwyd gan y Pen-y-bont ar Ogwr CF31 3SU
troseddwr ond ni ellid eu hargyhoeddi i dorri Ffôn: 01656 655555
cysylltiad. Yn y pen draw ail-droseddodd y
troseddwr. Daeth adolygiad llawn o'r achos i’r Simon Clarke
canlyniad ei fod wedi ei reoli'n dda. Ditectif Uwcharolygydd
Diogelu'r Cyhoedd
Ym mob achos pan fydd troseddwr yn cyflawni Heddlu De Cymru
Trosedd Ddifrifol Pellach cynhelir adolygiad llawn a
chaiff unrhyw argymhellion, newid mewn polisi
neu bwyntiau i ddysgu oddi wrthynt eu rhoi ar
waith ar unwaith.
Rhaid i'r Heddlu, y Gwasanaeth Prawf a'r
Carchardai, yn ogystal â holl bartneriaid MAPPA,
reoli nifer o droseddwyr risg uchel yn y gymuned
ac, er nad yw'n bosibl i ddileu y perygl yn llwyr,
gallant sicrhau bod ymdrech 100% yn cael ei
gwneud i leihau'r perygl o ail-droseddu. GWASANAETH
PRAWF CENEDLAETHOL
Dros Loegr a Chymru
Gwasanaeth Prawf Cenedlaethol
Ardal Prawf De Cymru
Tŷ Tremains
Heol Tremains CF31 1TZ
Ffôn: 01656 674820
Janet Chaplin
Prif Swyddog Cynorthwyol
Dyluniwyd ac Argraffwyd gan
Adran Argraffu Heddlu De Cymru
Ffôn: 01656 869264