May 12, 2013

BMCF Chhungkaw Chanchin

g Bangalore Chhuahsan
Rev. C. Lalmuankima leh Rev. R. Lalthanmawia te chhungkua chuan Bangalore an chhuahsan ta. Pu Muankima te hi rei tak Bangalore ah an awm hnuin Lawngtlai ah Pastor Bial chang turin an haw a, Pu Mathana te erawh chu Delhi khawpuiah BCM Mission Field Director-in an awm ang. Pathianin nasa taka BMCF tana a hman mi tangkai em em te chhungkua hi kan uiin BMCF in an rawngbawlna kal zel turah duhsakna sang ber kan hlan e.

BMCF LEH PATHIAN BIAKNA

(BMCF and Worship)
by Rev. F. Hrangkhuma PhD
Greek chuan tawngkam 6 worship tia lehlin theih an nei a. Mizote hian pi/pute atangin bia, chibai buk tih hi kan lo hmang a,. Pathian lam hawi ni lova kan hman ve tho avangn 'worship' han tih ai hian lau deuh tlata hriatna ka nei thin. Pathian kan bia, chibai kan buk kan tih hian enge kan rilruah awm thin aw? Lal Isuan, Pathian chu Thlarau a nih avangin, thlarau leh tihtakzetin a chibai butktute chuan an be thin tur a ni a ti a (Joh. 4). 'Tihtakzetin' hi saptawngah chuan truth tih a ni a, tihtakzet ai chuan awmze danglam deuh nei niin a lang tlat bawk. Pathian biak chu Eng pawh nise, inkhawma chanvo neitu amah ringtute inkhawm hruaitu, zai hruaitu, tana thil musicians, users, tute pawh hian pawimwh ber ani inbuatsaihna, tawngtaina nen ngun taka a. Kan Kristian nun laimu, a neih theuh hi thil pawimawh tak a ni. lungphum a ni. Pathian be tura siam leh tlan kan ni. Hetiang a nih avang hian BMCF tan pawh Pathian biak ho hi kan tihtur pawimawh ber a ni lo thei lo. Inkhawm hruaitu hi a pawimawh em em a. Inkhawm boruak siamtu a ni. Tawngtaina nen nasa taka a inbuatsaih chuan boruak a dang thei viau a ni. Hruaitu chuan hlasak tur ziak chhuak dapin zai hruaitu leh Projector changtute hnenah inkhawm tan hmain pe vek sela, a tangkai em em a ni. Hla number chauh ni lovin hla thu pawh sawitel zel a tangkai bawk. Tawngtai rual nia subject lo ziak chhuah dap hi a tha hle bawk.
Dan tlangpuiin, kan inkhawm hian, hruaitu chuan Pathian be tura khunkhan taka sawmna (call to worship), a han nei phawt a; Pathianin inkhawm chu min uapa, min ho tura sawmna (invocation) a nei leh a; Pathian fak leh chawimawia zai honain a chhunzawm a. Hei hi boruak siamna pawimawh tak a ni. Inkhawm hruaitu ber tawngtai miah lova tling tlak hi a kawpkim lo hle a ni. Kohhran tam takin inkhawm apianga an tih thin, tawngtaipui/sakna (intercessory prayer) hi tawngtai rual niah lo chuan kan nei lo a. Neih ve pawh hi tha ka ti khawp mai. Inkhawmna tam takah chuan thupuan duah hi a awm lem lo va. Ziaka sem hi a tha ve tawh zawk em?. Eng pawh nise, inkhawma chanvo neitu inkhawm hruaitu, zai hruaitu, musicians, users, tute pawh hian inbuatsaihna, tawngtaina nen ngun taka neih theuh hi thil pawimawh tak a ni. A chhan chu thlarau leh tihtakzeta Pathian kan biakna hmanrua, puitute an ni. Pathian biakna tak tak chu, Pathian ropuizia, thianghlimzia, hmangaihna Pathian a nihzia te, min siamtu leh tlantu a nih avanga zah taka a hmaa kan inlana, amah fak leh chawmawia a hnena kan inhlanna hi a ni si a. Member tinin mawhphurhna ka nei theuh a ni

g Member Damlo Tawngtaipui Ngai

Pi Rita-i kan member pui cancer natna vanga khumbeta rei tak lo awm tawh chu, 9th May, 2013 khan BMCF member ten va tlawh leh Lalpa zanriah te buatsaihna neiin, hun an va hman pui a, amah pawh Pathianah a lawm khawp mai. A taksa leh a rilru dam thuai nan te, tin, thlarau lama a mamawh Lalpa in a pek zel theih nan, member ten thahnemngain takin i tawngtaipui zel ang u.

g BMCF Music Video Album Update

BMCF Music Video buatsaihna pawh Pathian puihnain tluangtakin a kal zel a. June thla lai vela peihfel tura hmalak mek ani. Memberten tawngtainaah I hria ang u.

g Secretary, Family Outreach in Andaman-ah

BMCF Secretary, Pu Josiah Ralte leh a chhungte chu, Andaman-ah Family Outreach nei turin, vawiin hian Bangalore an chhuahsan ang a, tun thla tawp lamah rawn kir leh an beisei.. Kan secretary min hrilh danin, an faten mission-field a exposure an neih tam theih nana, field a zuk hruai tum an ni.

g Pi Mapuii Rawngbawlna
Rev Dr.F.Lalrotluangi (Pi Mapuii) pawh April 25 to 26 khan Manuguru, Andhra Pradeshah Crusade neiin, mi 100 chuangin Pathian tihdamna an chang a. Hemi hnu lawk, 3rd May khan Tamil Church Lingarajpuram-ah rawngbawlna nei lehin, mi 30 atanga 40 velin Pathian tihdamna an chang leh a ni. g Zoram Lamah Haw Rih Rev. P.C. Zosangliana te leh Rev.C.Vanlalhruaia te pawh Summer Vacation hmangin Mizoramah an haw mek a, June thla lai vel ah rawn let leh hang.

Vol. VIII Issue No.1 Bangalore Mizo Christian Fellowship thlatin chhuak chanchinbu

May 12, 2013

Kristian Nun leh Hmasawn

Engpawh ni sela, kan thlen chin atang khan hma i sawn zel ang u.
Lawmthu kan hrilh che Aw Lalpa, Chhungkua, nu leh pa, unau leh thenrualte hmuh phak lohna hmunah cheng mah ila; khawpui nuam takah kan cheng a. Nangmah hnaih thei tur leh phak tawka I rawngbawlna hun remchang te; vanram kawng min hruai tura inkhawmna - Biak in min pe hi a van hlu em! Malsawmna min vur zawng zawng hriain kan sawi seng lo, kan lawm e tih mai loh chu. Duhthusam Kan duhthusam diak diakin engkim a thleng kher lo. Mahse, hma erawh a sawn theih. BMCF hi ka kohhran ti hiala belin ka intineitu ve a. Hlim leh lawm taka Pathian faka ka inkhawmna kohhran hmasawn zel nana ka duhthu sam tlemte kan tarlang e. Mikhual chunga that chhuah BMCF member zingah ni kher lo, Mizo hrim hrim hian mikhual emaw mi thar han lawm hi kan thiam lutuk lem lo. Kei ngeiin ka tawn leh BMCF member tam zawkin an tawnhriat chu, BMCF inkhawm tan tirh hi a hrehawm tih a ni fo. Mikhual lawm chungchangah hma kan sawn hle nangin, hei ai hian hma kan la sawn thei. Hruaitute emaw member hlunten, I lo inkhawm thei maw? Hna I thawk tawh nge, lehkha I zir? Rawn inkhawm ve zel rawh aw.. tiha han inbiak lumlam hi, inthlahrung taka inkhawm ve te tan a hlu. I uar sauh sauh teh ang u. Usher-te Kan sawi lai mek nen a inkaihnawih tho. Kan buai hlawm em em nangin, Usher tura ruat te hi kal hma teh se. inkhawm kal (hmel hriat emaw hmel hriat loh emaw a dang chuang lo) hmel hlim leh zangkhai takin lo lawm thin se. Inkhawm kal an awm tawh hnua dawhkan, hla bu, adt remkhawm/buaipui chuk chuk hi bansan tawh ang u. Hun vawn dik Sawi pawh a inthlahrunawm lek lek tawh e. Office tlai hlau em em, inkhawm tlai hlau miah si lo kan tam hi a pawi. Kohhran hun hman tur a nih tak avanga tlai kan tum kher hi kan mualphona, Kristian

bmcfkoinonia@gmail.com
9886756098 / 988698965

Vaivuta kan kal hian kan kal na hnu ah chiang takin kan ke hniak hi a lang kalh kalh thin a. Chu ke hniak chuan chu hmunah chuan kan kal ngei ani tih a lanfiah tir thin. Chutiang chiah chuan ringtute hian khawvel a kan awm lai hian kan awmna hmun apiangah ke hniak kan hnutchhiah thin a, hmun thenkhat ah chuan fiah deuh takin a lang a, thenkhat ah erawh chuan fiah mang lo tak a a lan chang pawh a awm thin. Kan chenna khawvel ah leh kan chenpuite hnenah hian eng ke hniak nge ka hnutchhiah tih hi in zawt fo tai la, a va tha dawn em! Kehniak duhawm lo leh ngaih hlut awm lo deuh te kan hnuchhiah thin em? Vaivuta ke hniah chu a reh leh mai thin a, amaherawh chu kan hring nuna kehniak erawh a reh mai mai tawh loh avangin fimkhur takin kan nun leh hun te i hmang ang u.

nun nena inmil lem lo tak a ni. Biak ina thleng tawh si, a kawta kan tawi khawmuang fo mai te hian, Biak in kan ngaina teh chiam lo tih a lan tir em? Inenfiah a tul e.
Pathian fak leh chawimawina Kan sualna anga min thungrul lova, fa nihna min pe a, chatuan nunna kawng min hawnsaktu Pathian hi fak ning lo ila. BMCF member-te kan inpek a, kan inhuam phawt chuan, thlarauthianghlimin min chenchilhin, inkhawm nuam leh thlakhlelhawm tak nei thei. Tirhkoh Paulan a sawi angin, kan thlenchin atangin hma I sawn zel ang u. Hmasawn hi kristian nun nena inmil tak a ni si a.

Vol. VIII Issue No.1 Bangalore Mizo Christian Fellowship thlatin chhuak chanchinbu

May 12, 2013

You and God A Readers Column

We ask, You Share Your Testimony
Tun thla kan question te min rawn chhan saktu hi BMCF member lo ni tawh leh thanhnemngai tak a inhmang thin, Nl. Thaari Hnamte a ni a. Tunah Evangelist Teacher-in, Jonai Assam-ah a awm mek

Nikum August thla khan Synod Mission Board kaltlangin Jubilee Model High School, Jonai, Assam ( Assam & Arunachal West Mission Field) ah Lalpan rawngbawl turin min dah ve a. Kan awmna hi Assam leh Arunachal border a ni a, mission compound atanga Arunachal chu hnai te, UTC Main Campus atanga Harris Road, Benson town ang vel chauh ani. Hnam chi hrang hrang kan tam a,tawng thiam pawh a harsa duh khawp mai.School ah English kan hmang ber a, pawl hniam lamah Hindi, kan inkhawm leh hla kan sak pawh English, Hindi, Assamese, Mising, Mizo, Nepali , etc. a inpawlh nuk a ngai thin. Naupang zinga rawngbawl hi ka chak a, ka tawngtaina pawh ani thin, ka duh ang ngeiin Lalpan kawng min hawnsak zel a, school a naupang zirtir hna thawh mai bak ah kumin hian Hostel warden hna ka thawk bawk a, mahni phak tawk ah hna a tamin, buai a na ve duh khawp mai. Helai hmun ka thlen hnu hian nunphung a danglam a, harsatna leh hrehawmna te pawh awm ve bawk thin mah se, khawvel in a pek theih loh chhungril lawmna leh hlimna Pathian khawngaihna a zarah kan nei zel bawk thin. Lalpa chu fakin awm rawh se !

Bible chang ka duh deuh deuh te zinga ka duhzual chu Sam 139:124 hi a ni a, he Bible chang hi hun rei tak atanga ka lo duh tawh, ka nunin harsatna te, beidawnna te, mal ngawih ngawiha inhriatna te ka neih chang a Lalpa hmangaihna min hriatchhuah tir tu, min hriatchianna leh min enkawl zia ka hriat thar na a ni fo thin. Chang 2324 na - Aw Pathian , ngun takin mi enchhuak la, ka thinlung hi hria ang che: Mi fiah la, ka ngaihtuahnate hi hria ang che: Tin, keimahah hian suahsualna kawng a awm nge awm lo, en la, Chatuan kawngah chuan mi hruai ang che. tih hi ka nun atana ka tawngtaina a ni. A tawp ber atan chuan, BMCF member te min tawngtaisak thin na avangin lawmthu ka sawi duh a, chumi rual chuan min tawngtaipui zel turin ka ngen duh che u a, helai hmun ah hian a tam zawk chuan Donyi-Polo ( Ni leh Thla ) an bia a, ramhuai hi an hlau em em bawk a, chumi rual chuan Ringtute tawngtaina hi ringlo te pawhin an ring em em a,an mangan tawp leh hlauh bik an neih te hian tawngtaipui turin an rawn ngen fo thin. Thlakhat liam ta chhung khan Assam leh Arunachal West Mission field ah Ringthar 80 Lalpan min pe a,khawi hmun ah pawh awm ila Lalpa ram a lo zau zel theih nan theihtawp I chhuah tlang zel ang u.

http://media.sermonindex.net/0/SID0250. mp3

Food For Thought

Vol. VIII Issue No.1 Bangalore Mizo Christian Fellowship thlatin chhuak chanchinbu

May 12, 2013

One Body in Christ