CHAPLET OF THE HOLY FACE

***MAKE SIGN OF THE CROSS (SA CROSS) VS: O Dios, Umari ka , tabangi ako. RS: O Ginoo, dali-a ang pagtabang. VS: Himaya sa amahan, us sa Anak RS: Maingon sa sinugda, karon **(ON THE 3 SMALL BEADS & 6 SMALL BEADS 30) VS: Ug himo-a ka O Ginoo ug patibulaaga ang imong mga kaaway. RS: Ug himo-a nga ang magdumot kanimo managan sa pagkakita nila sa imong balaan nga nawong. **(ON THE 6 BIG BEADS) VS: O Jesus ko, kaloy-I kami. Himaya sa Amahan, ug sa Anak. RS: Maingon sa sinugdan, karon.. **(ON THE HOLY FACE MEDAL) VS: O Dios, among manalipod, sud-onga kami. RS: Ug sud-ong ang nawong sa imong Cristo, Amen

PAG-AMPO SA PAGBASUL NGADTO SA LANGITNONG NAWONG Ginoong Jesus tapus sa pagpalandong sa nagum-os nga nawong sa kasakit, tapus sa halawom nga panghuna-huna sa Imong pasyon, uban ang pagbasul ug gugma, unsaon sa among kasingkasing pagpasilaob ang usa ka balaanong kasilag sa mga sala, nga bisan karon nanampalas sa Imong Balaanong Nawong. Ginoo ayaw kami pagpaantusa sa katagaw sa dugang pang kalouy, apan hatagi kami og grasya sa pagsunod nga mahingpiton Kanimo ngadto sa bag-ong kalbaryo, nga ang kaulawan nga ipaantos Kanimo ari kanako mahulog. O Jesus aron sa ingon kami makabalhin bisan madiyutay lamang sa kawagtangan sa sala. Amen MGA PAGDALAYEG NGADTO SA BALAANG NAWONG NI JESUS Daygon si Jesus.

Daygon ang labing Balaanong Nawong ni Jesus! Daygon ang labing Langitnong Nawong sa Kinatibuk-ang gingharian ug katahuman nga Langitnong mga pangaway! Daygon ang labing Langitnong Nawong pinaagi sa mga pulong nga migula gikan sa Iyang Langinong Baba! Daygon ang labing Balaanong Nawong diha sa mga pasiklap sa Iyang hiligugmaong mata! Daygon ang Labing Balaanong Nawong diha sa mahimayong kausaban didto sa Tabor! Daygon ang labing Balaanong Nawong diha sa mga kakapoy sa pagsangyaaw sa mga pagtulun-an Daygon ang labing Balaanong Nawong diha sa dugong singot sa pag-antos! Daygon ang Labing Balaanong Nawong diha sa mga kaulawan sa Pasyon! Daygon ang Labing Balaanong Nawong diha sa pag-antos sa kamatayon! Daygon ang Balaanong Nawong diha sa mahimayaong pagkabanhaw! Daygon ang Balaanong Nawong diha sa himaya sa kahayag nga walay pagkapalong! P: O Ginoo, Ipakita kanamo ang Imong Nawong T: Ug maluwas kami. PAGHALAD SA BALAANONG NAWONG NGADTO SA AMAHAN MALUNGTARON Makagagahum nga Diyos, matunhayong amahan, sud-onga ang Nawong sa Imong anak, among Ginoo, si JesusCristo, sa tuman nga pagsalig among ihatag kini Kanimo alang sa kahimayaan sa Imong Balaanong Nawong ang katugbawan sa Imong Balaang Simbahan, ug kaluwasan sa kalibotan. Ang among manlalaban, ang labing manggiluy-on, siya mipabuka sa Iyang mga baba aron pagdala sa among kausa, pamati-a ang Iyang paghilak, tan-awa ang iyang mga lluha, O akong Dios, ug Ikaw Matandog uban ang kaluoy alang sa mga kamasasala kinsa nangamuyo sa Imong grasya ug kaluoy. Amen. P: o Gimoong Dios among manalipod, itumong ang Imong mga mata ngari kanamo. T: Ug tutuki ang Nawong sa Imong Cristo. Ang Ginoo manalangin kanato ug magbantay kanato; ang Ginoo nagpakita sa Iyang nawong kanato; ug dunay kaluoy kanato; Ang Ginoo motabang kanato; ug maghatag kanato sa kalinaw.

MUBO NGA NOBENA SA BALAANG NAWONG NI JESUS

Ginoo, nagatuo ako kanimo; dungagi ang akong pagtoo. Nagasalig ako kanimo; lig-ona ang akong pagsalig. Nahigugma ako kanimo; dungagi ang akong paghigugma kanimo. Nagabasol ako sa akong mga sala; dungagi ang akong pagbasol. Nagasimba ako kanimo, akong unang sinugdanan. Nagatinguha ako kanimo, akong katapusang dulnganan. Nagadayeg ako kanimo, akong kanunayng magtatabang. Nagasangpit ako kanimo, akong mahigugmaong tigpanalipod. Giyahi ako sa imong kaalam. Badlonga ako sa imong kaTARONG. Lipaya ako sa imong kalooy. Panalipdi ako sa imong gahum. Nagahalad ako kanimo, Ginoo, sa akong mga huna-huna. Aron itumong ko knini kanimo; Sa akong mga pulong aron maghisgot kini kanimo; Sa akong mga buhat aron magpadayag kini sa akong gugma kanimo; Sa akong mga pag-antos aron antuson ko kini alang sa imong labing dakong himaya. Buot akong magbuhat sa imong gipangayo; Sa paagi nga gikahimut-an mo, Kutob sa gikahimut-an mo, Tungod kay mao man kini ang gikahimut-an. O Ginoo hayagi ang akong salabutan. Lig-ona ang akong kabubut-on. Putlia ang akong kasing-kasing ug santosa ako. Tabangi ako paghinulsol sa akong nangagi nga mga sala. Tabbangi ako pagbangon gikan sa akong mga tawhanong kahuyang ug sa pagkahimo nga mas malig-on nga Kristiayno. Himoa nga mahigugma ako kanimo, Ginoo ko ug diyos ko, Ug nga makakita ako sa akong kaugalingon ingon sa unsa gayod ako, Usa ka magpapanaw niining kalibotana, Usa ka Kristiyanos nga gitawag aron paghatod ug paghigugma sa tanan nga akong ikahibalag. Kanila nga my gahum labaw kanako o kanila nga ubos kanako Mga higala ko ug akong mga kaaway. Tabangi ako pagbuntog sa kasuko pinaagi sa kaaghop, sa kadawo pinaagi sa kamanggihatagon, sa kabugnaw pinaagi sa kadasig. Tabangi ako paghikalimot sa akong kaugalingon ug sa pagtagad sa uban. Himoa ako nga mapuanguron diha sa pagpanglaraw; maisugon diha sa pag-atubang sa mga peligro, Himoa ako nga mapailobon diha sa pag-antos, mapaubsanon diha sa kahamugaway. Ampingi ako, ginoo, nga magmaligdong ako diha sa pag-ampo, Nga dili ako magpalabi sa pagkaon ug paginom, Makugihon diha sa akong buhat, Malig-on diha sa akong maayong mga tuyo. Himoa nga magmatin-aw ang akong konsensya, Nga ang akong panglihok walay ikasaway, ang akong panulti walay ikapasangil, ang akong kinabuhi magmaayong pagkahusay. Bantayi ako batok sa akong tawhanong kahuyang. Mahalon unta nako ang imong gugma alang kanako, Bantayan ko ang imong balaod ug modangat ako sa katapusan nganha sa imong kaluwasan. Tudloi ako sa pagkaamgo nga lumalabay lamang kining knabuhia, Nga ang akong matood nga kaugmaon mao ang kalipay diha sa langit, Nga ang kinabuhi niining yutaa hamubo lamang, ug nga ang kinabuhi nga umaabot mohangtod sa kahangturan. Tabangi ako pagpangandam alang sa kamatayon uban sa sibo nga kahadlok sa hukom, Apan sa mas dakong pagsalig sa imong kayo. Dad-a ako nga walay kahadlok latas sa kamatayon nganha sa walay kinutoban nga kalipay sa langit.

Itugo kini pinaagi ni Cristo among Ginoo, Amen. V./ Ipadan-ag kanamo ang imong nawong, Ginoo. R./ Ug maluwas kami. MAG-AMPO KITA O Amahan, among gibun-og ang balaanong nawong ni Jesus imong anak, apan naghatag siya kanamo sa pasaylo ug grasya. Tabangi kami pagmatuod sa among mapasalamatong gugma Kaniya diha sa pag-usab sa among kinabuhi bayad sa among kasal-anan. Kini among gipangayo pinaagi ni Cristo among Ginoo, Amen.