sannleikurinn á gjörgæslu

Dr. Steven Greer

höf. Jóhamar
cc 2009

SANNLEIKANN ætti að forðast eins og heitan eldinn. Allt tal um SANNLEIKANN ber með
sér trúarlegan undirtón. Hann er yfirleitt eitthvað allt annað en vísindalegur.
SANNLEIKURINN er of stór hugmynd sem dó sama dag og Sameinuðu Þjóðirnar sáu
dagsins ljós. En samt er hann enn á ferli, þessi fylgja RAUNVERULEIKANS sem er
líka hverfandi fyrirbæri og má muna fífil sinn fegri. Vita þessi RAUNSÆIS-
SANNLEIKANS fífl ekki að við hér niðri á jörðinni sjáum enga leið færa upp úr
míkrókosmosinu.

Að þessum varnagla slegnum er margt gott hægt að segja um gjörgæslulækninn Dr.

Steven Greer. Þetta Weird Science and Freaking Magic hljómar virkilega vel. Þegar
hann talar um hernaðaraðgerðir í draumalandi er ég alveg með á nótunum.
Undirmeðvitundin er samskiptakerfi sólkerfisins. Hún sér um millivíddarboðskipti
sem gerast í hugleiðslu, segir Greer, í öðru samhengi kallað nirvana eða
dagdraumar. Þetta er ekkert nýtt fyrir fólki sem lifir meira og minna milli svefns
og vöku og eina sem það þarf er samband við flugturn til að stýra furðunum.
Fjarlægðir í ljósárum hafa enga þýðingu. Ég flygi hermönnum í gegnum stjörnuhlið
frá Ameríku yfir hálfan hnöttinn til Afganistan og þeir eru komnir þangað núna.

Hillary Clinton er rökföst kona. Hún tekur af skarið og segir, Geimverur verða
ekki á dagskrá þingsins á meðan ég ræð einhverju. David Rockefeller kinkar kolli
til hennar og meinar það. Geimverur og ódýr orka, hættið nú alveg!

Nokkrar spurningar: Er Dr. Steven Greer að opna fyrir okkur villiglugga? Hvers
vegna þekkir hann svona mikið af háttsettu fólki? Er ódýr orka til og tilbúin
fyrir markaðssetningu? Og ef Greer er sjálfur á launaskrá útsendara myrkraaflanna,
er það þá ekki fyrirtaks snjallt að færa umræðuna um ódýra orku inn á
Sannleiksráðstefnur um geimverur til að gera þetta allt tortryggilegt? Svo stóra
spurninginn, ef Dr. Greer er eins hættulegur, og hann gefur sig út fyrir að vera,
stóru köllunum í viðskiptaheiminum, mönnum sem stjórna á bakvið tjöldin, og sem
okkur er líka sagt að ekkert geta staðið í vegi fyrir, hvers vegna er hann þá ekki
dauður? Hafa menn ekki týnt lífi sínu fyrir minna?

Nýlega hefur Jacques Vallée bent á að umræðan snýst nú helst um meintar

leynilegar upplýsingar. Enginn er að tala við sjónarvotta. Mannfræðirannsóknir á
þessu sviði er fallnar í skugga.

Af því að huldufólk ameríska stjórnkerfisins sér himingeiminn sem stríðsleikfang

kúreka og indíána er ekki úr vegi að minna á kenningu sem maður rekst æ oftar á,
að efnahagsvandi heimsins* og sundrung allra hluta og hugmynda sem væntanleg er í
kjölfarið verði leyst með hólógrafískri innrás frá “Mars” til að sameina mannkynið
í ótta undir eina heimsstjórn. Aftur niður á jörðina. Bölvuð sé geðvond kímnigáfa
Orson Welles**.

*Verstu hörmungar kreppunnar er enn eftir, þó að plasebóið sé að virka í

fréttatímum í augnablikinu. Sem er 30. ágúst árið 2009. Við erum á bjargbrúninni.
Og nú föllum við framaf. Sumir munu ekki alveg skilja þetta. Það er Grand Illusion
time. þetta verður lágmark 20 ára öngþveiti.

**Ég ætlaði líka að bölva C.G.Jung fyrir yfirskilvitlegt húmorsleysi. Það var hann
sem opnaði pandóruboxið og út flugu allir þessir fljúgandi furðuhlutir eins og það
væri umræðuefni fyrir allsgáða vísindamenn og það mest vegna þess hvað þetta
hugarflug var mikið komið frá miðaldra húsmæðrum með offituvandamál. Hvað voru
geimverurnar eiginlega að hugsa þegar þær nauðguðu þeim undir vísindalegu
yfirskyni? Þér verður aldrei framar boðið í kvöldverðarboð til mín, Jung litli,
sagði Sigmund, ef þú ætlar í alvörunni að fara tala opinberlega í einu um þetta
mömbójömbó og sálgreiningu. Hvar heldurðu að þetta endi?