TAALA-ALA Nonggo tadon nu umpisau Mantad oku karanaan Kuraka bindai hilo Tuntu nu sorongindid Ombolong-ombolog oi Kada sako

tindai dahai Sumako tindai wokon Tu kiraan do pintodon Haro batad, haro batad Rinidis ku pinituru Turu da o tanak nu Matad-tatad o tiso Haro sangop, haro sangop Rinidis ku pinituru Turu da o tanak nu Nga narangaban o tiso Irit-irit ka lo pirit Hilo tuntu lo kadau Onu ma tirit-irit Toiyo i taadau

Sinusui di: Gorum Lingkobung Kg. Tiong Karanaan Tamparuli

TAALA-ALA Pais ku pais gompit Pongolut ku tua kara Mogigogompit nangku Sumandak suang tangara Adi pitabang-tabang kito Bulan-bulan o buaton Amu kito kasantakap Polingaran to lunggui to Tagado ku punti kadau Kountun id dimbas Mogindoyo do taadau Amu yahai ayasan id dimbas Potongkuso ku lo paus Hilo bawang kitogis Sulian ku iya tiso Amu ko po kakaus

Sinusui di: Gorum Lingkobung Kg. Tiong Karanaan Tamparuli

TAALA-ALA Timpak oku tuod-tuod Koimpa ku mogitatabang Oilaan ku i Maralin Tu kitimbok do rugading Tobu ku sanlangod-langod Pinosungkad ku id liwogu Kada umang pomiogu Tu santanud ku kiou Muni-uni no lo kondiu Magasa tinduk dau Mokititinduk nangku Togis do sunumporoi Mingi-lingi no lo tongkuyu, Magasa kanggip dau Mogikakanggip nangku Turoung do siladon Tuboon ku babaal Hilo likud tulanut Baal ka taala-ala Alanut ko suminimbar

Sinurat di: Juisi Gadawat Tamparuli

TAALA-ALA Bolikan 94 Pomolingo-lingo Uwa di bantang di badoi Oulud di boros tumboyo Ada intong di tabadoi Amu i ponunumboyo Turu poi tunturu ku dii Narampot naawi ku sinsing Iso po i amu narampot Inturu ku poluhungai Mokik-lokik po ilo kondiu Do hilod kohung do tawan Tigog kangku soru pandai Palapa pandai mongigol Turu tumpung-tumpung Simpayawan-simpayawan Isai ko tumpung dia Tua anak ko pagalawan Alo tampasak id nulu Poginorian tumibas Tibaso ku pogi yoho Mogombura giniab Alo liwogu id nulu Poginorian tumolop Tolopo ku pogi yoho Kolungudan ku rondom Sada ku id kadamayan Narambot ku mangasau Sangkadadalan ku toku Tukad ku komintirian

Tonomo ku iti layo Id guas do tuod-tuod Tanak ku do sarayo Amu i ponoluod Sunupu di : Inan Been Takun