Lutra lutra POPULAZIOAREN IKERKETA DISEINUA ZADORRA IBAIAN

Aitor Achaerandio Josune Alonso Janire Castellano Eneko Garca Claudia Pichot 31 BIOLOGIA Amaia VIeco

AURKIBIDEA
1.-SARRERA 2.-HELBURUAK 3.-ZADORRAKO UNITATE HIDROLOGIKOA
3.1.-Kokapena 3.2.-Sare hidrografikoa 3.3.-Klima 3.4.-Aktibitate sozioekonomikoa 3.5.-Uraren kalitatearen diagnostikoa

3 4 5
5 5 5 6 6

4.-Lutra lutra 5.-DISEINUA

5.1.-Laginak 5.2.-Ordutegia 5.3.-Tresnak eta teknikak 5.4.-Aurrekontua

7 9
9 11 13 13

6.-BIBLIOGRAFIA

14

1.-SARRERA
Proiektu honen bidez, Arabako Zadorra arroan zehar dauden Eurasiar igaraben (Lutra lutra) populazioen kokapena aztertu nahi dugu, erreferentzia ardatz moduan Zadorra ibaia hartuta. Honekin batera, ibaiaren eta ondoko ingurumenaren ezaugarriak aztertu egingo ditugu, metodo eta tresna ezberdinak erabiliz, igarabak agertzen diren zonaldeak konparatu ahal izateko. Gure taldeak ikertzeko Eurasiar igaraba aukeratu du, Iberiar penintsulan eta Europan zehar egoera oso txarrean eta kaltegarrian egon den espeziea izan arren, Europar bisoiarekin batera, Ebroko arroan eta azkenaldian Zadorrako arroan igaraben birpopulaketa nabarmena eman delako bereizgarriak diren puntuetan. Horretarako, aurretik egin diren igarabari buruzko ikerketetan oinarritu gara gure lagin guneak zehazteko, gero populazioen kokaleku aldaketak eta kokaleku berrien agerpena eman den aztertzeko. Gure ikerketa plana, Uribarri -Ganboa urtegitik Tresponde herrira doan zadorra ibaiaren tartean zentratu dugu, Vitoria -Gasteiz hiritik pasatuz (Fig.1.), bertan gure intereseko zenbait puntu agertzen direlako eta azkenaldian, aukeratu dugun tarte horretan igarabak agertu direlako. Gainera, aukeratu dugun tartean, Zadorra ibaian ezaugarri ezberdinak dituzten zonaldeak daude, igaraben kokalekuak konparatzeko lagungarriak direnak.

3
Fig.1.: Ikerketarako erabiliko dugun eremua

2.-HELBURUAK
- Zadorra ibaiaren inguruneko fauna eta flora deskribatu. - Zadorran zehar igaraba populazioen kokalekua aztertu. - Igaraben zonalde aldaketa ikertu urte -sasoien arabera. - Zadorraren uraren azterketa egin, fisiko zein kimikoa. - Zadorraren eta bere biodibertsitatearen, kasu honetan igarabaren, kontserbaziorako lehen pausu bat eman.

3.-ZADORRAKO UNITATE HIDROLOGIKOA

3.1.-Kokapena Zadorrako arroa Ebro ibaiaren arroaren barruan dago, zeinek Iberiar penintsularen sare flubial emaritsuena osatzen duen. Zadorra Ebro ibaiaren ezker ertzean kokatzen da. Zadorrako arroa Kuaternarioko arroka sedimentarioez osatuta dago eta gaur egun erabilpen handia du bai industriarako eta bai abelazkuntzarako ere, batez ere, ureztatze kontuetarako. Ikuspuntu administratibo batetik, Zadorra bi erkidegoetan zabaltzen da, bere zabaleraren %81a Euskal Autonomia Erkidegoan, eta %19a Gaztela eta Leonen. Euskal Autonomia Erkidegoaren barruan, Zadorra Araba (%76) eta Bizkaitik (%4) pasatzen da, eta Gaztela eta Leonen, parterik handiena Trevioko konderrira dagokio (%20), Burgoseko udalerria Arabako probintziaren erdialdean kokatuta, eta parte txiki bat Miranda de Ebrori (Burgoseko udalerria) dagokio (%0,07), Zadorra ibaiak Ebrora urak isurtzen dituen tokia. Zadorra ibaia Entzia mendilerroan jaiotzen da. Zadorrako arroa Araban dauden arro guztietatik handiena da 1357 km2-ko hedadura izanik eta bere luzera 88 km-koa izanik gutxi gorabehera. Zadorra parterik handienean Araban kokatzen da, nahiz eta parte bat Bizkaian aurkitzen den. Mendebaldetik Tuya, Badaia eta Arrato mendilerroekin; ekialdetik Izki eta Iturrieta mendiekin; iparraldetik Elgea eta Urkilla mendilerro eta Ibaizabal eta Deba arroekin; eta hegoaldetik Inglares arroa eta Chulato, Moraza eta Belabra mendiekin mugatzen da. Trevioko konderria (Burgos) ia bere osotasunean Zadorra arroaren barnean dago. 3.2.-Sare hidrografikoa Zadorrako arroa, arroa oso adarkatua da, batez ere bere iparraldeko aldean, Zadorra eta bere adar nagusiak Arabako lautadatik pasatzen direnean. Ibaiadar nagusiak ondokoak dira: Alegria (15km), Abendao, Ayuda (43,8km), Barrundia (13,5km), La Ventam Iturrizabaleta, Luzuriaga, Santa Engracia (26,8km), Santo Tomas eta Zayas-Zubialde (26,8km). 3.3.-Klima Zadorrako arroan prezipitazioen arloan jaitsiera nabarmena sumatzen da bere iparraldeko zatia (Gorbeian) eta bere isurialdea kontuan hartuta. Gorbeia aldean batez besteko prezipitazioak 1300mm dira, eta Zadorraren isurialdean 600mm-koa da. Gasteizen aldiz, arroaren erdialdean kokatuta dagoena, 800mm-ko prezipitazioak ditu batez bete. Tenperaturak 4,5 gradu zentigradutako bariazioak jasaten dituzte, batez besteko tenperatura 11 gradu zentigradutakoa izanik (Gasteizko hirian) ibaiaren erdialdean. Gorbeia eta Altzaniako mendien inguruan elurteak ugariak izaten dira, nahiz eta

Zadorraren iturburua hegoalderantz orientatuta dagoen. Hala ere, arro osoaren batez besteko altitudea 800m-koa da, horregatik ibaiak urtean parte bat egunetan elurpean geratzen da. 3.4.-Aktibitate sozioekonomikoa Arabako lautadaren ekonomia lehenengo sektorean eta industrian (batez ere Vitoria-Gasteizen zentraturik, nahiz eta lautadako beste tokietan ere nagusitzen ari den) oinarritzen da. Nekazaritzaren arloan, zerealak, erremolatxa eta patata dira produktu nagusiak, baina badira ustiapen mistoak ere, zeintzuetan abeltzaintza eta nekazaritza elkartzen diren. Abeltzaintza arloan, ardiak, behiak eta txerriak dira ohikoenak. Lehenengo sektorearekin erlazio duten ekintzetan nabaria da abelazkuntzak eta baso-azpisektoreak duten lotura. Baso ustiapenean aipatzekoa da hazkuntza azkarreko koniferoen (pinua,altzifrea eta alertzea besteak beste) errepoblazioak duen garrantzia bertako fauna eta landaredian. 3.5.-Zadorra arroko uraren kalitatearen diagnostikoa Zadorraren uraren kalitatearen egoera oso aldakorra da(Fig.3.5), baina orokorrean kalitate txarrekoa da, lehen aipatutako aktibitate sozioekonomikoaren eraginez. Zadorraren iparraldeko zonan, Ulibarriko urtegitik gorago, ubidea guztiz hartuta dago, kanalizatua, bere mugetan deforestazio izugarria duelarik. Landak ureztatzeko tomak leku guztietatik ikus daitezke, eta hainbeste dira ezen, udan, ibaia lehortzera irits daitekeen. Horrenbeste, arroaren kalitatea txarra dela esan dezakegu. Kalitate hoberena Ulibarri-Ganboako urtegia eta Gasteizko nukleo urbanoa lotzen dituen zatia da. Bertan, uraren kalitatea eta erriberaren kontserbazioa nahiko altua da.

6
Fig.3.5.: Zadorra ibaiearen ur kalitatea eta erabiliko ditugun puntuak laginak hartzeko

4.-Lutra lutra
Igaraba europarrak (Fig.4.), edo Lutra lutrak, ilez estalitako gorputz fusiformea du, bai eta buru zapala eta buztan zapal eta gihartsua. Luzera 100-120cm ingurukoa (6585gorputza 35-45buztana) da, arrak emeak baino apur bat handiagoak direlarik eta pisua 7 eta 12kg artekoa da, baina hortik gorako arrak topatu dira (17kg). Bizkarrean marroi iluna da eta sabelaldean zurixka eta bere ilaje distiratsu eta sarria, bizpahiru zentimetroko ile trinkoez osatua, uretatik isolatzen du. Lurrean erraztasunez mugitzen da, baina igerilari bizkorra da ehizarako. Bistaz eta ukimenez soilik ehizatzen zutela uste zen arren, urpean usaindu dezaketela iradokitzen duten frogak agertu dira. Gehienbat arrainez elikatzen da, baina neguan edota ingurune hotzetan hegazti, intsektu, igel eta krustazeoak ere jaten ditu. Gose denean soilik ehizatzen du eta batez ere aipagarria da urpean iraun dezakeen denbora (34minutu). Bihotz erritmoa motelduz lortzen du hau, zirkulazioa moteldu eta presio arteriala aldatzen baitu, burmuineko odol emaria gutxitu gabe oxigenoa iraunaraziz. Erreka eta errekastoetan dute bizilekua. Gordeleku berbera urteetan zehar mantentzen dute, kilometro bat eta 40 kilometro tarteko lurraldean, arruntena 18km inguru izanik. Orokorrean, lurraldearen tamaina janari dentsitatea eta ehizarako ur kopuruak baldintzatzen dute (luzera handiagoa erreka estuetan). Sexu bereko igarabak soilik lehiatzen dira lurraldearengatik, beraz sarri gertatzen da ar baten eta eme baten lurraldeak batzea. Ernalketa uretan gertatzen da, eta uste sendoa dago ugaltze garaia igarabaren heldutasunak eta egoera fisiologikoak soilik baldintzatzen duela, ez baitira urtaro jakinetan ugaltzen. Emeek heldutasun sexuala 18-24 hilabete bitartean erdiesten dute, eta 60-64 egun tarteko haurdunaldiaren ondoren batetik laurako kumaldiak dituzte. Itsu jaiotzen dira eta amarekiko menpekotasuna dute lehen 13 hilabeteetan, zeinen ostean ama berriro ugalkor dagoen eta datorren arrak gordelekutik bidaltzen dituen. Lehen astearen ondoren igeri egitera ateratzen ditu amak, eta bigarren hilabetearen ostean janari solidoa jaten hasten dira. Populazioa nabarmen murriztu zen 20. mendearen bigarren erdian, gehienbat habitat suntsipena, ehiza eta hainbat pestizidaren ondorioz. Produktu kimiko kaltegarri nagusiak organoklorina, PBC (polychlorinated biphenyls) eta merkurioa dira. Merkurioa klorina eta sosa kaustikoa ekoizteko erabil daiteke, eta 20. mendearen amaieran hori zen bere erabilera arruntena. Ingurune urtarretan, oso neurotoxikoa den metilmerkurio bihurtu eta arrainetan metatzen da. Portaera erratikoa sor dezake, oreka galera edo zirkuluetan mugitzea, adibidez. Banako mailan kalteak eragin ditzakeen arren, bere populazio eraginari buruz datu gutxi daude.

PBCak hozte fluido bezala erabiltzen dira transformagailuetan, baita PBC-zko kableentzako bildukinen egonkortzaile moduan. Beste erabilera batzuk pestizida, itsaskari, olio lubrikatzaile edo fluido hidrauliko bezala dira. Ezagun da azal lesioak sor ditzaketela, inmunotoxikoak eta kartzinogenikoak izan daitezkeela, baita metabolismoa asaldatu eta ugalkortasuna murriztea sortu dezaketela. Hauen kontzentrazioen igoera gaixotasun eta batez besteko osasun galerarekin lotzen da, baita populazioaren garapenaren moteltzearekin. Maila altuenak ar helduenetan topatzen dira, eta ar menderatzaile baten ugalkortasun galerak eragin handia izan dezake jaiotze tasan. Eragin hau nabariagoa da populazioak hainbat estres ezberdin jasaten dituen eszenario batean. PBCdun hainbat animalia osasuntsu aurkitu dira, eta ez dago behin betiko frogarik PBC-a populazio mailako kalteekin lotzen duenik, baina banako gehienen kontzentrazioa sintomen atariaren apur bat azpitik dago, eta litekeena da beste estres batzuekin batuz gero populazioak ezin eutsi izatea, beste kalteak larriago bihurtuz.

Fig.4 :Igaraba europarra

5.-DISEINUA
5.1.-Laginak - Zadorra Sistemako Urtegiak: Uribarri -Ganboa eta Urrunaga. Urtegiak Araba iparraldean kokatuta daude eta 2.559 hektareako azalera osatzen dute. Iparraldera Elgeako mendilerroa eta Gorbeia eta Urkiolako mendiak dituzte, hegoaldera, ordea, Arabako lautada aurkitzen da. Urtegiak, gehienbat Uribarri -Ganboa, puntu garrantzitsuak dira, dibertsitate handiko eremuak direlako, eman diren naturalizazio prozesuei esker. Gainera, urtegien bazter batzuetan kumeak hazteko puntu garrantzitsuak daude. Igaraben populazioari begira, aurreko ikerketetan urtegi horretan igarabak daudela azaldu zen; horregatik, aldaketak izan diren ikusteko laginak hartzeko puntu egokia da Uribarri-Ganboa urtegia, zadorra ibaia hasten den zonaldean gehienbat. (Fig.5.) - Landa eskualdea: Gasteiz eta Uribarri -Ganboa urtegiaren artean 15 Km-ko tartea dago, parte handi bat landa eremuz osatuta. Zati honetan Zadorraren uraren kalitatea hobeagoa da, aukeratu dugun ibai zatiaren beste tarteekin konparatuta, ibaiak industrien eraginik jasan ez duelako. Hala ere, duela gutxiko ikerketa batzuk azaldu dute azken urteetan kalitatea okerrera egin duela agente mikrobiologiko batzuen presentziaren eraginez. Nahiz eta zati honetan uraren kalitatea hobeagoa izan, aurreko ikerketak adierazi dutenez, ez dela oso komuna igaraba tarte honetan aurkitzea, baina laginak hartzeko puntu garrantzitsua izan daiteke igarabak agertzen diren inguruneekin konparatzeko. (Fig.5.1) - Eraztun berdea: Gasteiz hiriaren inguruan elkarri lotuta dagoen parke multzoa da, balio ekologiko handia duena. Eraztun berdeak bizigiro aniztasun handia eskaintzen du eta naturaren aldetik oso aberatsa da, hiriaren inguruan basoak, hezeguneak, belardiak, ibaiak... aurkitu daitezkeelako bertan. Izan ere, dibertsitate handiko ekosistemak aurkitu daitezke eraztun berdearen inguruan, gehienbat Salburua parkearen eta zadorra ibaiaren inguruan. Hori dela eta, Zadorrak eta Eraztun Berdeak bat egiten duten eremua laginak hartzeko puntu egokia dela pentsatzen dugu, igaraben populazioak egon daitezkeelako. (Fig.5.1) - Industria aldea: hirian zehar Zadorra ibaiak leku batzuetan elkartzen da industria zonekin eta industria hauek isurtzen dituzten hondakinen ondorioz ibaia eta ondoko ingurunea kutsatu egiten da. Hala ere, aurreko ikerketek adierazten duten bezala, igarabak agertu egin dira eremu industrialen ondoan. Hori dela eta, industrialdean gutxienez bi lagin hartuko genituzke, Gasteizen dagoen bi industria zonaldetan (Gamarra/Betoo eta Ali-Gobeo), industria motek igaraben kokalekuetan eragina duten aztertzeko. (Fig.5.1)

- Tresponde herriaren inguruan: Tresponde Irua Oka udalean aurkitzen den herria da, Gasteizko hiritik 12 Km-ra kokatuta. Zadorra ibaiaren puntu hau aukeratu dugu, bertan ibaiak Gasteiztik pasatzean jasotzen dituen isuri guztiak eramaten dituelako eta horren ondorioz, uraren kalitatea txarragoa delako, mapan ikusi dezakegun moduan. Gainera, tarte honetan igarabak aurkitzen diren puntuak agertzen dira, aurreko ikerketek adierazten duten bezala. Horrez gain, Tresponden uraren kalitatea neurtzeko estazio bat aurkitzen da. (Fig.5.1) - Salburua parkea: Gasteizko hiriaren ekialdean aurkitzen den 70 hektareako hezegunea da, bi urmael nagusiz osatua (Arkauti eta Betoukoa). Salburua parkeak balio eta funtzio ekologiko ugari ditu, batez ere akuiferoari esker lortzen ingurune garbian dagoen fauna eta flora biodibertsitate handiari esker. Izan ere, bertan aurkitzen diren espezie asko galtzeko arriskuan dago, baina aurrera eramaten ari diren hainbat proiektuen bidez, egoera oso txarrean dauden espezieak poliki -poliki berreskuratzea lortzen ari dira (Europar bisoia, Igel jauskaria...). Horren adibide garbia da igaraben kasua. Nahiz eta Salburuatik Zadorra ibaia zuzenean ez pasatu, bere adar bi pasatzen dira: Alegria eta Santo Tomas ibaiak. Bereziki, Alegria ibaian igaraben populazio kopuru nabarmena aurkitu egin da azken urteotan, igarabentzako intereseko eskualdea bihurtuz. Horregatik, nahiz Salburua eta Alegria ibaia zuzenean Zadorraren ibilbidean ez egon, aztertzeko puntu garrantzitsuak izan daitezke. (Fig.5.1)

10
Fig.5.1.: Zadorra ibaian zehar laginak hartzeko erreferentzia puntuak eta erabiliko ditugun puntuak

5.2.-Ordutegia Zadorra ibaiko igaraben ikerketa-diseinua aurrera eramateko, laginak hartzeko ordutegiaren plangintzarako hainbat irizpide jarraituko ditugu, bai inguruneko ezaugarriak eta bai igaraben jarduera biologikoko ezaugarriak kontuan hartuz. Igaraben jarrera aztertzeko, lehenik eta behin, ingurunearekiko duten jarrera ikertu behar da. Izan ere, eguraldi aldaketen eraginez igarabek bere jarduera biologikoetan aldaketak izaten dituzte, adibidez, lehorteek araldian erregulatzaile moduan egiten dute. Arabako klima aztertuz, ikusten dugu Vitoria-Gasteizko inguruan urtean zehar 800mm-ko batez besteko prezipitazioak daudela eta batez besteko tenperatura 11oC-koa dela. Grafikoa begiratuz (Fig.5.2.1), ikusten dugu prezipitazioak ez direla berdin ematen urte osoan zehar, izan ere, udazkenean (Azaroa-Abendua) eta udaberrian (Apirilean) udako ( Ekaina-Uztaila-Abuztua) hilabeteetan baino prezipitazio gehiago daude. Beraz, interesgarria izango litzateke eurite alditik lehorte aldira eta lehorte alditik eurite aldira igaraben jardueran ematen diren jarrera aldaketak aztertzea.

Fig.5.2.1.: Prezipitazio grafikak Baia, Zadorra eta Inglares ibaietan

Beste alde batetik, gure ordutegia planifikatzeko igaraben ugalketa izan dugu kontuan, besteak beste, ernaldi eta erditze aldia. Esan beharra dago, igarabek urte osoan zehar ugaldu daitezkeela, animali poligamoak eta poliestrak ( urtean zehar behin baino gehiagotan jasaten dutenak ziklo estrala (Fig.5.2.2), hau da , ugaztunen ziklo menstruala) baitira. Igaraben haurdunaldia 1-2 hilabeteko iraupena dauka (61-63 egun) eta denbora horretan, igaraba emeak habi bat egiten du bere gordelekuaren alde batean, urbazterreko begetazioa, hostoak eta goroldioa erabiliz. Nahiz eta erditze aldia, araldia bezala, urte osoan zehar eman daitekeen, Iberiar penintsulako igarabek normalean apirileko eta ekaineko hilabeteen artean izaten dituzte kumeak. Horren

11

ostean, amaren ondoan geratzen dira 8-12 hilabetez, lehenengo 2-3 hilabeteak gordelekuetan gordeta egonda.
Erditze aldia Haurdunaldia Lehorte aldia Eurite aldia Elurteak

Apirila Maiatza Ekaina Uztaila* Abuztua* Iraila Urria Azaroa Abendua Urtarrila Otsaila Martxoa Apirila Maiatza Ekaina Uztaila* Abuztua* Iraila Urria
Fig.5.2.2: Igaraben ziklo estrala

Laburbilduz, aukeratu ditugun irizpide hauei jarraituz igaraben kokapena aztertu ahalko dugu urteko garai ezberdinetan. Izan ere, irizpideen baldintzak ikusita, laginak udaberriko, udako eta udazkeneko urtaroetan hartuko genituzke gehienbat; besteak beste, otsaila -martxotik uztaila -abuztura eta udazkeneko azaroan eta abenduan. Izan ere, udaberri- uda trantsizioan eta uda-udazkena trantsizioan aztertu ahalko genuke nola eguraldi aldaketak eragiten duen igaraben jardueran eta kokalekuan. Bestalde, udaberria baino lehen, otsaila eta martxoa hilabeteen artean ikusi ahalko genuke nola igarabek elkarren artean erlazionatzen diren ugaltzeko eta udaberritik aurrera aztertu ahalko genuke ama -kumeen erlazioa elkarren artean eta naturarekin. Dena den, jaio eta lehenengo 2-3 hilabeteetan ez genuke igaraba edo igaraba arrasto askorik ikusiko, gordelekuetan gordeta mantentzen direlako, ordea, denboraldi hau pasa ondoren, arrasto kopuruaren igoera nabarmena nabaritu beharko genituzke. Azkenik, kontuan hartu behar dugu igarabek aktibitate gehiena gauean egiten dutela, gaueko animaliak baitira. Hori dela eta, igaraben jarrera eta aktibitatea aztertu nahi badugu, metodo ezberdinak erabilita ilunabarrean edo gauean hartuko beharko

12

genituzke gure laginak. Hala ere, urteko garai batzuetan eta kokaleku batzuetan egunean ere jarduerak egiten dituzte.

5.3.-Tresna eta teknikak Igarabaren aztarnari jarraitzeko , lehenik eta behin, ikerketarako eremua mugatu behar da. Ur masa guztiak hartu behar dira kontuan eta puntu bakoitzak 5 km-ko distantziara egon behar da gutxienez. Beharrezko materiala ondorengoa izango da: gomazko botak, ura jasaten duen idazteko materiala, termometroa, pH-metroa eta anemometroa. Eremua mugatuta dugunean, ibaian zehar 200 m ibiliko ditugu (bi ibai-ertzak, kontuan izanda Zadorra ibitik igaro daitekeela) eta igarabaren seinaleen (gorotzen) kopurua eta distribuzioa idatziko ditugu. Seinaleren bat aurkitzekotan, laginketa bukatuko da 200 m-ak eta gero. Aitzitik, behaketa 600 m-ra arte zabalduko da, hau moztuz lehenengo seinalea aurkitzean edo tartea negatiboa kontsideratuz ez aurkitzekotan. Laginketa puntu guztietan tartearen kokapena, habitataren ezaugarriak (tenperatura, uraren pH-a, haize-abiadura) eta seinale kopurua apuntatuz. Lortutako emaitzek igarabaren distribuzioa deskribatuko dute. Hala ere, gorotzen existentzia igarabaren presentzia bermatzen duen arren, gorotz ezak ez du igarabaren eza ziurtatzen. Izan ere, seinaleen distribuzioa eta dentsitatea urtaroaren, sexuaren, ugalketa egoeraren, populazio-mailaren eta habitataren ezaugarrien mende daude. Horrenbestez, emaitzengandik ezin dira populazio dentsitateari eta habitataren erabilerari buruzko ondorio zorrotzak atera, aipatutako alderdiak kontuan hartu behar baitira.

13

5.4.-Aurrekontua Erabili beharreko tresna, material eta baliabideak kontuan izanik aurrekontu bat prestatu dugu.(Fig.5.4) Tresnak
pH-metroa Bota luzeak Termometroa Janaria, edaria eta abar Egunentzako auto alokairua Gasolina Anemometroa Ikerketa egiteko baimena Laginak hartzeko poteak, 12 pote pack batean Apunteak jasotzeko materiala (koadernoa)

Prezioa unitateko
10,3 145,09 13 10-20/eguneko 24/eguneko 2 autoentzat 24,57/hilabeteko 22,99 7 23,2/pack 3,75

Kopurua 1 6 2 72 egun 72 egun 18 hilabete 1 1 10 1 4423

TOTALA
Fig.5.4.: Aurrekontua

6.-BILBLIOGRAFIA
http://www.vitoriagasteiz.org/we001/was/we001Action.do?aplicacion=wb021&tabla=conteni do&idioma=eu&uid=u7538efd3_12da74c12a4__7fb1 http://www.chebro.es/contenido.visualizar.do?idContenido=9241&javascript=true http://www.ingurumena.ejgv.euskadi.net/r49u95/es/u95aWar/consultaMarcosJSP/U95aSubmitMarcoDesignacion.do?pkDesignacion=3

http://irunadeoca.eu/ http://www.vitoriagasteiz.org/wb021/http/contenidosEstaticos/adjuntos/es/68/74/36874.pdf
http://www.fbbva.es/TLFU/microsites/ecologia_fluvial/index.htm http://www.euskadi.net/r332732/es/contenidos/informe_estudio/analisis_molecular_nutria/es_doc/adjuntos/documento .pdf

14