NAGPANARIT

1 NASARIT Nagpanarit hi Maria Didto han bilin nga banwa Kay hin balay nangingita Nga panhuhunungan nira 2 Hira Josep katiayon Nagbunyog, nagmulong-pulong Kun hain kita ngalaong Pananarit hin pagsirong 3 Dumayon kita ha unhan Hadton mga kabalayan Aadto in aton lunsan Sook gud nga kapaturan 4 Ay ngani Josep esposa An inin paglinakata Di ka na daw maagwanta Kay kapin na hin semana 5 An nabibiduan nakon Inin gab-e kay dudlumon Maglilinakat masirom Upayda kon di ka sagpon 6 Urog kay labi nga gayod Inin gab-e kay matun-og Lawas ko mangurog-kurog Dara han sakit sa tuhod 7 Busa esposa lakat na Kapti ako sagubaya Inin gab-e halarum na Harapit na an kaaga

8 Esposa dinhe kita nala Pamahuway hin paghigda Ha akon paghuna-huna Matatawo na an bata 9 Han pag-abot nira ngadto Han kamalig igin tutdo Dinayon mag-alabado Hadton matadong nga nio 10 Tugahan kunta hin pulong An kamahusay han dumdum An Ginoo nga harangdon Niyan la nga kagab-ihon 11 BATON Humulat deri sumaka An pagsarit ha puwerta Kay nagsusuok an salas Inin tawo kay damo na 12 An mga nagpapahayag Han ira buhis magbayad Amo an nakakasugad Pagsuok denhi han salas 13 NASARIT Hi kami napahayag man Hin pasurat patigaman Busa portero kon sadang Passudla kami ha hagdan 14 BATON Deri kami mapasaka Kay inin tawo damo na Humulat la kamo dida An napasurat ha lista 15 Kay di kamo say uunhon An besita atamanon Asay anay ta liwanon Inin una magkadatong

16 NASARIT Lakat kita sekretaryo Ug hi kamo an portero Waray gud tugutan niyo Nga sumaka bisan hin-o 17 Malo-oy kunta portero Nga hi kamo pasudlon mo Makuha kunta an tuyo Han mahal nga sekretaryo 18 Sa Diyos ka kunta pagpun-on Sekretaryo nga urudgon Iyo kami pasirungon Niyan la nga kagab-ihon 19 Kangina ko pa nga pulong Humulat kamo ha sirong Kay hi kamo kakat hunon Hin patigaman ha pardon 20 BATON Inin sugad kay damo na Nga mga nagpapangita Ug hi kamo madugang pa Pagsamok, pag-aringasa 21 NASARIT Uunan-on ta Maria In pakasarit paghigda An portero nasisina Di natugot hin paagsaka 22 Ay Josep ayaw kabido Nga madara an buot mo Susulayon pangamuyo Kumanhi an sekretaryo 23 Ngan kon di naman tumugot Mag-agwanta la mag-ilob Asay ta alagdon an Diyos Han iya ka magburu-ot

24 BATON Hi kamo an nagpahayag Bag-o niyan nga dilmangat Deri kamo hasusurat Kon deri kamo magbayad 25 Bumayad kamo hin husto Han buhis niyo mag nio Kay basi tigamnan kamo Ha padron ha eskrebano 26 NASARIT Iyadi in amon andam Pinangangkat, pinangutang Nga mayda namon igtuman Hinin sugo og talaan 27 Kay tungod nga pobres ako Nagpangutang nga mahusto An buhis namon magnio Iya karawta Ginoo 28 BATON Hin-o ba an ngaran niyo Asuya ha eskrebano 29 NASARIT Ako ini an si Josep Pananamkon si Maria 30 NASARIT Bakay kami aadto na Nahasurat ka asawa May namon Ginoo kunta Nga dimo ipangamaya 31 Inin bana ko kay sagpon Maloya din a tigahum Pasarita hin pagsirong Niyan la nga kagab-ihon

32 BATON Akon pa kamo linusad Inupod ngadto ha natad Nga di na kamo magliwat Dumugang hin pakangiras 33 Dumayon kamo ha unhan Hadton mga kabalayan Di ako niyo pagtagan Hin dako nga kalipungan 34 NASARIT Ay Josep akon esposo Deri nimo ikabido An inin pangumuyo naton Nga waray gud napasirong 35 Maria akon esposa Hain na daw ini kita Pananarit hin paghigda Nga sadang pahuwayan ta 36 Bakay kay ira karuyag Nga ha banwa ka pag-anak Pag-ilob hin waray sugad Kay pagbuot han Mesiyas 37 Por amor de Diyos tagbalay Malisensya kami anay Deri niyo ikabudlay An pagsarit madaliay.

DIOGARACIAS AMIGO
Nasarit Diogaracias amigo Kun sadang pasak-on niyo Kun sadang kami mamuroko Yad in duduha ka tawo. Baton Hin-o ka ba, hino-o iton Nga nagsasangpit ha akon Ano in tuyo mo dakon Nga imo titinguhaon. Nasarit Yadi kami kati-ayon Kun sadang niyo pasak-on Bisan la diri pasak-on Didi la ha iyo sirong. Baton Waray ako kikilala Kun hin-o ka ba tawo-a Kadto la kamo ha iba Hin balay kamo pangita. Nasarit An si Josep nga utod mo So-ok pa nga ig patod mo An mahal nga esposa ko So-ok na an himasoso. Baton Waray Josep nga utod ko Waray pobres ig patod ko Lonlon kami kadatuan Nga mamat hin kahadian. Nasarit Tungod la sa Dios amego Han pagsakop han balay mo Ha sirong la han hagdan mo Han lokotan han hayop mo. Baton Iwas kamo, likay kamo Pahirayo han balay ko Masamok an mga tawo Ha usa ka himasoso. Baton May kamalig nga bungkag na Hunungan hin mga baka Didto kamo pag-agwanta Kay kami didi so-ok na. Nasarit Kadna na kita Maria Han kamalig nga angay ta Didto kita pag-agwanta Kay sa Dios pag bo-ot nira. Nasarit Por amor de Dios tagbalay Malesinsya kami anay Diri niyo ikabudlay An pagsarit madaliay. Dios magbayad ha iyo Hadton iyo panagtawo An magbabalos ha iyo An matatawo nga Nio.